ལྔའི་གནས་སུ་སྤྱི་བོར་འཁོར་ལོ་རྩིབས་བཞི་པ། མགྲིན་པར་ཆོས་འབྱུང་། སྙིང་ཁར་མཆོད་རྟེན། ལྟེ་བར་པདྨ་འདབ་བཞི། གསང་བར་མེའི་ཆོས་འབྱུང་རྣམས་ཀྱི་ལྟེ་བར་རིམ་པ་བཞིན་འཇམ་དཔལ་སོགས་ལྷ་རྣམས་བཞུགས་པ་དང་། གཙོ་བོའི་ཕྱོགས་ཀྱི་པད་འདབ་བཞི་ལ་རིགས་བཞིའི་དྲག་པོ་དཀར་སེར་དམར་ལྗང་གཡས་རྡོ་རྗེ་རིན་ཆེན་པདྨ་རྒྱ་གྲམ་གཡོན་སྡིག་པ་འཛིན་…

སྒྲོག་པར་མོས་ཏེ་བྱིན་གྱིས་བརླབས་པའི་ཕྲེང་བ་བཟུང་ལ། སྐད་ཆེ་ཆུང་མྱུར་བུལ་སོགས་ཀྱི་སྐྱོན་མེད་པར་བཟླ་བ་ལས་སྔགས་ཚིག་ནི། ༀ་ཨཱཿཧཱུྃ་ཨརྩིག་ནིརྩིག་ན་མོ་བྷ་ག་ཝ་ཏེ་ཧཱུྃ་ཧཱུྃ་ཨ་ཧཱུྃ་ཧཱུྃ་ཕཊ༔ ཅེས་བཟླས་པའི་མཐར་དབྱངས་གསལ་སྤེལ་ཚིག་ཅན་ལན་གསུམ་ཙམ་བཟླས་ནས་ཐུན་བསྡུ་བ་ན་གོ་ཆེའི་ལྷ་རྣམས་འོད་དུ་ཞུ་ནས་གནས་དེ་དང་དེར་ཐིམ་པས་…

བཛྲ་རཀྴ་ཧཱུྃ༔ ཞེས་སྡེ་བརྒྱད་སྲོག་ཡིག་ཁྱུང་མེ་སྦལ་སྡིག་པ་རྣམས་ཀྱི་ལས་སྔགས་སུ་གྲགས་པ་སྦྲེལ་བ་འབུམ་གཉིས་ཁྲི་གཉིས་ཀྱི་ཁ་སྐོང་དང་བཅས་པ་མ་སོང་གི་བར་ཐུན་ཐམས་ཅད་ལ་བཟླའོ། །དེ་ནས་གཞན་སྔར་དང་འདྲ་བ་ལས་ཁྱད་པར་སྔར་གྱི་གཞིའི་དམིགས་པའི་འཁོར་ལོ་ཁ་སྦྱོར་སྤུ་གྲི་སོ་བསྣོལ་གྱི་དམིགས་པ་ཆེད་དུ་གསལ་ཞིང་། ཐུགས་ཀ་ནས་སྔགས་ཀྱི…

སྦྱངས་ལ་བདེ་མཆོག་བདེ་སྤྱོད་མ་ལྟ་བུའི་དངོས་གྲུབ་སྐུལ་ཚིག་ཆོ་ག་རིགས་མཐུན་གང་འོས་ནས་བླངས་པའི་རྗེས་སུ། དངོས་གྲུབ་བསྐུལ་འཛབ་བཟླས་པས་གཏོར་མ་ལྷར་གསལ་བའི་གནས་གསུམ་ནས་འོད་ཟེར་དཀར་དམར་མཐིང་གསུམ་འཕྲོས་བདག་གི་གནས་གསུམ་དུ་ཐིམ་པས་སྐུ་གསུང་ཐུགས་ཀྱི་དངོས་གྲུབ་ཐོབ། མཐར་གཏོར་མའི་ལྷ་འོད་དུ་ཞུ་ནས་རང་ལ་ཐིམ་པར་བསམ་ཞིང་། …

གཞན་གྱིིས་མ་ཤེས་པ་བྱ་བ་དང་། མཚམས་འགྲོལ་སོགས་རྣམ་རྟོག་དང་རྗེས་འབྲེལ་བ་རྣམས་གཟའ་ཚེས་ཤིས་པ་རེ་དང་བསྟུན་པ་ཡང་རྟེན་འབྲེལ་གྱི་གནད་དོ། །ཡང་འགའ་ཞིག་ཐུན་རེ་རེ་བཞིན་ལས་བྱང་གྱེར་བ་དང་། རྩ་བསྙེན་གོང་ཆོད་དུ་མ་སོང་བར་སྔགས་རྣམས་ཐོག་མ་ནས་བསྡེབས་བསྒྲིལ་དུ་བཟླ་བ་སོགས་ལུགས་འདི་འཛིན་པ་འགའ་ཞིག་གི་ལག་ལེན་ལ་སྣང་ཡང་། ཐོག་མ…

རིགས་གསུམ་མཚན་མའི་རྒྱ་ཅན་ལས། གསང་བདག་དྲེགས་འདུལ་གྱི་བསྙེན་ཡིག་སྐལ་བཟང་རེ་སྐོང་ཞེས་བྱ་བ་བཞུགས་སོ། །རིག་འཛིན་འགྱུར་མེད་རྡོ་རྗེ། ན་མོ་བཛྲ་པཱ་ཎ་ཡེ། གསང་བདག་དཔའ་བོ་ལག་ན་རྡོ་རྗེ་འཛིན། །གར་དགུའི་རྣམ་རོལ་བདུད་སྡེའི་དཔུང་འཇོམས་གང་། །སྙིགས་དུས་འགྲོ་ལ་ཁྱབ་བདག་བླ་མའི་སྐུར། །སྟོན་མཛད་རྡོ་རྗེ་ཐོགས་མེད་རྩལ་དེར་འདུ…

ནས་ཐུན་བྲབ་གུ་གུལ་གྱིས་བདུག་པ་སོགས་བྱས་ལ། སྲུང་འཁོར་གྱིས་མཚམས་བཅད། དེའི་ནུབ་ནས་སམ་སང་ཐོ་རངས་ནས་བཟུང་སྐྱབས་སེམས་ཡིག་བརྒྱའི་སྒོམ་བཟླས་བླ་མའི་རྣལ་འབྱོར་གསོལ་འདེབས་སོགས་རང་ཉམས་ལེན་སྙིང་པོར་བྱེད་པ་དེ་ཉིད་ཐུན་བཞིའམ་གཉིས་སོགས་ཞག་མང་ཉུང་གང་འོས་ཀྱི་བར་བྱེད། འདིས་རྒྱུད་འབྱོངས་ཤིང་བར་ཆད་མི་འཇུག་པ་དང་བྱིན་རླབས་…

མི་འབྱུང་ཞིང་དངོས་གྲུབ་མྱུར་དུ་ཐོབ་པའི་དགོས་པ་ཡོད་པས་དེ་ལྟར་ཤེས་པར་བྱས་ནས། ལས་བྱང་གི་སྐྱབས་སེམས་ནས་བཟུང་བསྟོད་པའི་བར་ཚིག་ཤར་ཙམ་མིན་པའི་འདོན་སྒོམ་འདྲ་བར་བྱས་ནས། འཕྲེང་བ་བྱིན་གྱིས་བརླབས། དེ་ནས་འཛབ་སྐུལ་ལ་འཛབ་དམིགས་གསལ་བཏབ་ལྷའི་གསལ་སྣང་དང་ང་རྒྱལ་མ་བྲལ་བའི་ངང་ནས་བཟླས་པ་བྱས་ལ་ཉེར་བསྡུ་དང་མཚམས་ཀྱི་ལྷར་ལངས…

འགྲོ་བའི་དགོས་པ་ཡོད་དོ། །ཐུན་ཇི་ལྟར་ཐུང་ཡང་བཟླས་པ་འབྲུ་བཅོ་ལྔ་ཚུན་སྟོང་ཕྲག་མ་སོང་བས་མི་རུང་། ཐུན་མཚམས་ཇི་ལྟར་རིང་ཡང་ཐུན་གྱི་བཞི་ཆ་ལས་རིང་བ་མི་རུང་༼བ་༽ ཡང་སྤྱི་ཙམ་དུ་ཤེས་པར་བྱ་བ་ཡིན་ནོ། །དེ་ལ་སྔགས་ཀྱི་དམིགས་པ་ནི། རང་ཉིད་གསང་བདག་གི་སྐུའི་གསལ་སྣང་དང་ང་རྒྱལ་བརྟན་བཞིན་པ་ལས་ཁྱད་པར་ཐུགས་ཀར་ཡེ་ཤེས་སེམས་དཔའ་…

ཟེར་སྤྲོ་བསྡུའི་སྐབས་རྒྱལ་བ་མཆོད་ཅིང་དངོས་གྲུབ་བསྐུལ་བའི་རྗེས་སུ། སླར་ཡང་སྔགས་ཀྱི་འོད་ཟེར་མེ་ལྕེའི་འཕྲེང་བ་ཚྭ་ཞིང་རྩུབ་ལ་རྣོ་ཞིང་མྱུར་བ་འུར་ཆོམ་དྲག་པོ་དང་བཅས་ཕྱོགས་བཅུར་འཕྲོས་པས་དམིགས་བྱ་གཙོ་བོར་གྱུར་པའི་འཇིག་རྟེན་གྱི་དྲེགས་པ་ཐམས་ཅད་རྩ་སྦུར་མེས་བསྲེགས་པ་བཞིན་སྦྱངས་བའི་དྭངས་མ། ཨ་ཡ་མ་དུ་རུ་ཙ་ཤ་ན་ཞེས་ཡ…

པ་རྗེས་ནི། དེ་ལྟར་བསྙེན་པ་རྫོགས་ནས་གྲོལ་རྒྱུའི་དགོང་ཐུན་ནས་བཟུང་མཆོད་གཏོར་གསར་པ་རྒྱ་ཆེར་བཤམས། མདུན་གྱི་གཏོར་མ་ཡང་མདུན་སྐྱེད་ཀྱི་ཚུལ་དུ་གསལ་བཏབ། དངོས་གྲུབ་བསྡུ་བའི་དམིགས་པ་དང་བཅས་སྔགས་རྣམས་ཀྱི་མཐར། མ་མ་སརྦ་སིདྡྷི་ཧཱུྃ་ཕཊ། ཅེས་བཏགས་པ་ཅི་ནུས་སུ་བཟླ་ཞིང་། དེ་ལྟ་བུའི་ཚུལ་གྱིས་གྲོལ་རྒྱུའི་སྔ་ཐུན་ལ་སླར་ཡང་མ…

ཁྱབ་བདག་བླ་མའི་ཐུགས་རྗེའི་ཟླ་ཟེར་རྒྱུན། །དད་པའི་སྙིང་གི་ཀུ་མུ་ཏར་སིམ་པས། །དངོས་གྲུབ་འདབ་བརྒྱ་བཞད་པའི་མལླི་ཀ །སྐལ་བཟང་མགྲིན་པའི་རྒྱན་དུ་མཛེས་གྱུར་ཅིག །ཅེས་རིགས་གསུམ་མཚན་མའི་རྒྱ་ཅན་ལས་གསང་བདག་བསྙེན་པའི་ཡི་གེ་ཉུང་ངུར་སྤེལ་བ་འདི་ནི་རྣམ་དཔྱོད་བློ་གྲོས་ཡངས་པ་ངག་དབང་དཔལ་མགོན་གྱི་གསུང་གིས་བསྐུལ་བ་ལས། རིག་པ་…

འདུས་པ་མདོའི་དབང་གི་སྤྱི་དོན་རྒྱུད་ལུང་མན་ངག་གི་གནད་གསལ་བྱེད་སྒྲོན་མེ་ཞེས་བྱ་བ་བཞུགས་སོ། །ལོ་ཆེན་དྷརྨ་ཤྲཱི།

འདུས་པ་མདོའི་དབང་གི་སྤྱི་དོན་རྒྱུད་ལུང་མན་ངག་གི་གནད་གསལ་བྱེད་སྒྲོན་མེ་ཞེས་བྱ་བ་བཞུགས་སོ། །ༀ་སིདྡྷི་རསྟུ། འདུས་པ་ཆེན་པོ་མདོའི་དབང་གི་སྤྱི་དོན་རྒྱུད་ལུང་མན་ངག་གི་གནད་གསལ་བར་བྱེད་པའི་སྒྲོན་མེ་ཞེས་བྱ་བ། བླ་མ་དང་བཅོམ་ལྡན་འདས་དཔལ་སྒྲོལ་བྱེད་ཐུགས་རྗེའི་རྒྱལ་པོ་ཤིན་ཏུ་རྣམ་པར་གྲོལ་བ་ཉིད་ལ་ཕྱག་འཚལ་ལོ། །ཨེ་གསང་…

གསོས། །བསྐྱེད་རྫོགས་གསུམ་གྱི་ཆུ་གཏེར་ལ་རོལ་གྲུབ་གཉིས་ནོར་བུའི་གདེངས་ཀ་ཅན། །བཤད་སྒྲུབ་འཕྲིན་ལས་ཆུ་འཛིན་འཁྲིགས་ལས་ཕན་བདེའི་ཆར་འབེབས་ཀླུའི་དབང་པོ། །གནུབས་ཆེན་ཡབ་སྲས་ཟུར་ཆེན་མེས་དབོན་གླན་སྟོན་རྡོ་རྗེ་འོད་ལ་སོགས། །ཕྱི་ནང་སྒྲུབ་གསང་དབང་བཞིའི་ཆུ་རྒྱུན་འབེབས་མཁས་རྩ་བརྒྱུད་བླ་མ་རྒྱལ། །འདུས་པ་མདོ་ཡི་བསྙེན་སྒྲ…

ལྷུན་གྲུབ་ཀྱི་དཀྱིལ་འཁོར་ཏེ། ཐམས་ཅད་ཀྱིས་དེ་ཉིད་དུ་སངས་རྒྱས་ཏེ་ཀུན་ལ་ཁྱབ་པའི་སླད་དུ་རང་བཞིན་ལྷུན་གྱིས་གྲུབ་པའི་དཀྱིལ་འཁོར་དུ་མཐོང་ལགས་སོ། །ཞེས་སོ། །དེ་གཉིས་ཀྱང་ངོ་བོ་ཐ་མི་དད་པར་ཟུང་འཇུག་དུ་གནས་པ་ནི། དབྱིངས་དང་ཡེ་ཤེས་གཉིས་སུ་མེད་པའི་སྲས་བདེ་བ་ཆེན་པོ་རྩ་བ་བྱང་ཆུབ་སེམས་ཀྱི་དཀྱིལ་འཁོར་ཏེ། ཐམས་ཅད་རྩ་བ་བྱ…

འབྱུང་གི་བློ་ཡང་མེད་པས་གནས་སྐབས་ཀྱི་བདེ་བ་ཙམ་དོན་དུ་གཉེར་བ་ལ། འཁོར་ལོ་རྒྱུན་གྱི་ཐེག་པས་རང་བཞིན་ཤུགས་ཀྱིས་འདུལ་ཐབས་འབྱུང་བ་ལྔར་ཤར་ནས། སྐྱེད་པའི་རྒྱུ༑ འཚོ་བའི་རྐྱེན། རྟེན་པའི་གནས་ལ་སོགས་ཏེ་འདོད་པ་ཙམ་གྱི་བདེ་བ་ལ་སྦྱོར་བ་ཡང་གདོད་མའི་མགོན་པོ་དེའི་ཕྲིན་ལས་སོ། །གཉིས་པ་འཁོར་བ་ལས་ངེས་པར་འབྱུང་བར་འདོད་པའི་གདུ…

བསྟན་མོད། འོན་ཀྱང་རིན་ཆེན་འཕྲེང་བ་ལས། མི་ཡི་ཆོས་ལུགས་ལེགས་སྤྱད་ན། །ལྷ་ཡུལ་བགྲོད་པ་ཐག་མི་རིང་། །ལྷ་དང་མི་ཡི་ཐེམ་སྐས་ལ། །འཛེགས་ན་ཐར་པ་གམ་ན་འདུག །ཅེས་པ་ལྟར་མངོན་མཐོའི་སྐས་ལ་འཛེགས་ནས་ངེས་ལེགས་ཀྱི་ཐེག་པའི་ཁང་བཟང་དུ་འཇུག་པར་གསུངས་པས་ན། གདུལ་བྱ་རིམ་གྱིས་པ་ལ་ལམ་སྟེགས་སུ་སྦྱོར་བའམ། མ་སྦྱར་ཡང་ཐེག་པ་འདི་བདེ་འག…

ཡོད་དགོས་པ་ལ་དགོངས་ནས་དེ་ལྟར་གསུངས་མོད། འོན་ཀྱང་རེ་ཞིག་ཐར་ལམ་ལ་འཇུག་པའི་སྐལ་བ་མེད་པ་ལ་དེ་ལྟར་སྣང་བའི་ཕྱིར། གཞུང་དེ་དག་གི་ལུགས་སྐྱོང་བ་རྣམས་ཕྱིན་ཅི་ལོག་ལ་ཞུགས་པ་ཞེས་ཀྱང་གསུངས་སོ། །དེ འི་ཕྱིར་སངས་རྒྱས་ཀྱི་བསྟན་པ་ཁོ་ན་ལས་གཞན་དུ་རྣམ་པར་གྲོལ་བའི་ཐབས་སྟོན་པའི་ལམ་མེད་པས། དངོས་སུ་ན་རྒྱལ་བའི་བསྟན་པ་ཉིད་ཐར་འད…

ཐབས་ཀྱི་ཐེག་པའམ། སེམས་ཉིད་སྐུ་དང་ཡེ་ཤེས་ཀྱི་དཀྱིལ་འཁོར་དུ་རང་སྣང་བས་དངོས་གྲུབ་གཞན་ནས་མི་འཚོལ་བར་རང་བྱུང་གི་ཡེ་ཤེས་སུ་གཏན་ལ་འབེབས་པས་ནང་རྒྱུད་ཅེས་གྲགས་པ་སྟེ། མི་འགྱུར་བའི་བདེ་བ་སྙིང་རྗེ་ཆེན་པོ་དང་རྣམ་ཀུན་མཆོག་ལྡན་གྱི་སྟོང་ཉིད་ཟུང་དུ་འཇུག་པའི་ལམ་མཆོག་བླ་ན་མེད་པ་བསྐྱེད་རྫོགས་རྣམ་པ་གསུམ་གྱི་ཐེག་པ་ལ་ཞུགས…