བ༑ རྒྱུད་འཇམ་པ། དད་པ་ཆེ་བ། ཆགས་པ་མེད་པའི་སློབ་མ་དེ་ནི་དབང་ཐོབ་པའི་རྒྱུ་ཡིན་པར་བསྟན་པ་དང་། བཅུད་ནི་ཤེས་བྱ་ཐམས་ཅད་ལ་མ་རྨོངས་ན་དབང་ཐོབ་པའི་རྒྱུ་ཡིན་པ་དང་། དབང་གི་དོན་ཇི་ལྟར་ཡིན་པ་སྟོང་པ་ཆེན་པོའི་ངང་ཉིད་བརྡལ་བ་ཆེན་པོར་རྟོགས་ན་དབང་ཐོབ་པའི་རྒྱུ་ཡིན་པའོ། །ཞེས་གསུངས། བྱེ་བྲག་ཏུ་ཕན་ནུས་ཟབ་མོའི་དབང་གསུམ་བསྐུར…

ཀྱི་དབང་ཐོབ་པའི་ཚད་དུ་བཤད་དེ། རྩ་རྒྱུད་ལས། དབང་གི་ཚད་ནི་འདི་ལྟ་སྟེ། །དད་ལྡན་སྲི་ཞུར་ལྡན་པ་ལ། །གསང་བ་ཉན་པའི་དབང་ཆེན་བསྐུར། །རྣམ་བཞི་ལས་ཀྱི་དོན་ཚང་ན༑ ༑ལས་རྣམས་བྱེད་པའི་དབང་ཐོབ་བོ། །ལྟ་བའི་དམིགས་བུས་ཆོས་མཐོང་ན། །རྒྱལ་འཐེབ་འཆད་པའི་དབང་ཐོབ་བོ། །རྐྱེན་ཐུབ་ཚད་མ་གསུམ་ལྡན་ན། །བླ་མ་རྡོ་རྗེ་སློབ་དཔོན་དབང་། །དམ…

རྣམ་བཞི་ལ་ཐོགས་པ་མེད་པ་རྣམས་ཏེ། དགོངས་འདུས་ལས། དུས་ནི་མཐའ་བཅུ་རྫོགས་པ་དང་། ཉེ་བར་འདྲེས་པ་དང་། རིག་ཅན་འདུ་བ་དང་། གསལ་བ་ཐོབ་པ་དང་། ལས་སུ་རུང་བ་དང་། མཚན་མ་བྱུང་བ་དང་། མང་པོས་བསྔགས་པ་དང་། ཉམས་རྙེད་པ་དང་། བྱ་བ་རྫོགས་པའོ། །ཞེས་སོ། །གཉིས་པ་ནི། རྩ་རྒྱུད་ལས། དད་མེད་བློ་ཞན་རྫོབ་པ་ཆེ། །ཚུལ་འཆོས་མཁན་ལ་རས་ཆོད་བྱ…

གཉེར། །དཀའ་བ་སྤྱོད་ཅིང་སྐྱོ་ངལ་ཆུང་། །མན་ངག་ཆེ་ཞིང་ལས་ལས་གྲོལ། །རིགས་ལ་མཁས་ཤིང་དྲོད་ཚད་ཤེས། །བྱང་ཆུབ་སེམས་ལྡན་སྙིང་རྗེ་ཆེ། །བརྒྱུད་ལྡན་བཀའ་བབས་སྒྲུབ་ལ་མཁས། །མཛོད་ལྡན་ཆུ་བོ་ཡོངས་སུ་རྫོགས། །རང་རྒྱུད་གྲོལ་ཞིང་གཞན་དོན་བརྩོན། །གསང་སྔགས་བླ་མའི་མཚན་ཉིད་དོ། །ཞེས་དང་། དགོངས་འདུས་ལས། སློབ་དཔོན་མཚན་ཉིད་བརྟག་པ་…

མར། གོམས་པ་ནི་ལས་དང་བྱ་བ་དང་ཆོ་ག་ལ་མ་རྨོངས་པའོ། །རིག་པ་ནི་གསང་བའི་དོན་མ་ནོར་བར་ཤེས་པའོ། །འདུ་བ་ནི་མན་ངག་དང་ལྡན་ཞིང་འགྲོགས་པ་བདེ་བས་གཟུངས་མ་མང་བའོ། །ཐོབ་པ་ནི་དབང་རིམ་པར་ཐོབ་ཅིང་བརྒྱུད་པ་བར་མ་ཆད་པའི་མན་ངག་དང་ལྡན་པའོ། །རྫོགས་པ་ནི་བསླབ་པ་དང་། བསྙེན་སྒྲུབ་དང་། དབང་དང་། མན་ངག་ཐོབ་ཅིང་། གཞན་ལ་རག་མ་ལས་པས་རེ…

བསྙེན་བཀུར་སྲི་ཞུ་སུས་བྱས་པ། །འདི་ལ་མཐུ་དང་ནུས་པའི་ཚོགས། །བྱིན་རླབས་ཐོགས་པ་མེད་པར་འབྱུང་། །ཞེས་ཚུལ་བཞིན་དུ་བསྟེན་པའི་བར་ཡིན་ནོ། །ཡང་ཚུལ་བཞིན་དུ་མ་བསྟེན་པས་ཉེས་དམིགས་ཅིར་འགྱུར་ཞེ་ན། དགོངས་འདུས་ལས། སློབ་མར་གྱུར་ནས་ངན་སེམས་ཀྱིས། །དམ་པ་དེ་ལ་བརྙས་བྱེད་གང་། །སངས་རྒྱས་ཀུན་ལ་བརྙས་པས་ན། །དེ་དག་སྤྱིའུ་ཚུགས་དམ…

ངས་ནི་དེ་ཀུན་དུས་སུ་སྤོང་། །ཞེས་དང་། ཡང་རྡོ་རྗེ་སློབ་དཔོན་མཆོད་པས་དཀྱིལ་འཁོར་གྱི་ལྷ་ཐམས་ཅད་མཆོད་པར་འགྱུར་བ་ཡིན་ཏེ། དེ་ལས། འདི་ཡི་དོན་ལྡན་འགའ་ཞིག་ལ། །ང་ནི་དེ་ཡི་ལུས་གནས་ཏེ། །སྒྲུབ་པོ་གཞན་ལ་མཆོད་པ་ལེན། །དེ་མཉེས་དེ་ཡིས་རང་གི་རྒྱུད། །ལས་ཀྱི་སྒྲིབ་པ་དག་བྱེད་དོ། །ཞེས་གསུངས་པའི་ཕྱིར་རོ། །གསུམ་པ་དམིགས་རྐྱེན…

དེ་ལྟར་ཡང་སྡོམ་གསུམ་རབ་དབྱེ་ལས། ལྷ་ལ་རབ་ཏུ་གནས་པ་དང་། །མི་ལ་དབང་བསྐུར་བྱ་བ་སོགས། །ཞེས་དེ་གཉིས་དོན་མཚུངས་པར་བཤད་པའི་ཕྱིར། དེ་ལ་འདི་སྙམ་དུ། དབང་ནི་སློབ་མའི་རྒྱུད་ལ་གོ་འཕང་གི་ཆོས་འཇོག་བྱེད་ཡིན་པས་གཞན་སྟོབས་ཀྱིས་ནུས་པར་མ་ཟད། རང་སྟོབས་ཀྱིས་དམིགས་པ་འཛིན་པའང་ངེས་པར་དགོས་པ་མ་ཡིན་ནམ་ཞེ་ན། གོ་འཕང་གི་ཆོས་རྒྱུད…

དུ་སྨིན་པར་བྱས་པ་སྟེ། སྒྱུ་འཕྲུལ་རྡོ་རྗེ་ལས་རིམ་ལས། རིམ་པ་སྐས་ཀྱི་ཚུལ་དག་གིས། །ལྟོས་ནས་རྒྱུ་འབྲས་གོ་འབྱེད་པ། །དེ་མ་ཐག་པའི་མཚན་ཉིད་དོ། །ཞེས་སོ། །དེའི་རྒྱུ་མཚན། སྤྱིར་རྒྱུད་སྨིན་ཚུལ་ལ་ལྟོས་ནས་གང་ཟག་ཐམས་ཅད་རིམ་གྱིས་པ་ཡིན་པས། དབང་གོང་མ་གོང་མའི་རྟེན་དུ་འོག་མ་འོག་མ་ངེས་པར་འགྲོ་དགོས་ཏེ། རྩ་རྒྱུད་ལས་ཀྱང་ཕྱི…

འཁོར་གསུམ་རྣམ་པར་རྟོག་པ་གང་། །དེ་ནི་ཤེས་བྱའི་སྒྲིབ་པར་འདོད། སེར་སྣ་ལ་སོགས་རྣམ་རྟོག་གང་། །དེ་ནི་ཉོན་མོངས་སྒྲིབ་པར་འདོད། །ཅེས་སོ། །སྦྱོང་བྱེད་ནི། དབང་བསྐུར་བའི་ཆོ་གས་རང་གནས་ཀྱི་ཡེ་ཤེས་གསོས་ཐེབ་པས་ནུས་པ་མཐུ་ཅན་དུ་གྱུར་པ་དེས་གཉེན་པོའི་ཕྱོགས་བཟུང་ནས། རང་དང་ལྷན་ཅིག་གནས་པའི་སྦྱང་བྱ་དང་ནུས་པ་འགྲན་པའི་ཚུལ་གྱ…

བྱའི་འབྲས་བུ་སྐུ་བཞི་པོ་ངོ་བོའི་སྒོ་ནས་དབྱེར་མེད་ཡིན་ཡང་། དག་པའི་ལྡོག་ཆ་ནས་དེ་དང་དེར་སོ་སོར་བརྟགས་པའི་ཕྱིར་རོ། །དེ་ལྟར་ཡང་། གསེར་འོད་དམ་པ་ལས། ཉོན་མོངས་པའི་སྒྲིབ་པ་རྣམ་པར་དག་པས་ལོངས་སྤྱོད་རྫོགས་པའི་སྐུར་སྣང་བར་འགྱུར་རོ། །ལས་ཀྱི་སྒྲིབ་པ་རྣམ་པར་དག་པས་སྤྲུལ་པའི་སྐུར་སྣང་བར་འགྱུར་རོ། །ཡེ་ཤེས་ཀྱི་སྒྲིབ་པ་…

བརྒྱུད་ནས་ཐོབ་པ་ཞེས་པ་ཕྱིས་དབང་ཐོབ་འགྱུར་ལ་འཇོག་པ་ནི་མ་ཡིན་ཏེ། དེའི་རྒྱུ་མཚན་ཕྱིས་ནས་ཡེ་ཤེས་སྐྱེ་རུང་གི་ནུས་པ་བཞག་པ་ལ་རྒྱུད་སྨིན་པའི་ཐ་སྙད་ཐོབ་ཅིང་། དེ་ཐོབ་པས་དབང་ཐོབ་པ་དང་། སྔགས་སྡོམ་ཐོབ་པ་དང་། སྔགས་ཀྱི་དམ་ཚིག་ཐོབ་པ་ཞེས་པའི་ཐ་ཤད་ཀྱང་ཐོབ་སྟེ། དེ་དག་དང་རྒྱུད་སྨིན་པ་དོན་གཅིག་མིང་གི་རྣམ་གྲངས་ཡིན་པའི་ཕྱ…

འདྲེན་པ་དང་དཀའ་ཐུབ་རིག་བྱེད་ཀྱི་ཐེག་པ་སྟེ། ཡོ་ག་མན་ཆད་ཀྱི་ཐེག་པ་མཐའ་དག་དང་། དེ་རྣམས་དང་ཐུན་མོང་དུ་གྱུར་པ་ཨ་ནུ་རང་ལུགས་ཀྱི་ཆོས་དྲང་དོན་གཙོ་བོར་སྟོན་པ་རྣམས་མཉན་དུ་རུང་བར་བྱས་སོ། །གཉིས་པ་འབྱུང་བའི་ཆུ་བོའི་དབང་ཐོབ་པས་ནང་མ་ཧཱ་ཡོ་གའི་ཐེག་པ་དང་། དེ་དང་ཐུན་མོང་དུ་གྱུར་པ་ཨ་ནུ་རང་ལུགས་ཀྱི་བསྐྱེད་རིམ་གཙོ་བོར་ས…

ལེགས་པར་བསྐྱངས་པས་འབྲས་བུ་ཕྱི་དུས་ལ་མ་ལུས་པར་བདེ་མྱུར་གྱི་སྒོ་ནས་ས་ལམ་བགྲོད་པར་འགྱུར་ཏེ། སྤྱིར་ལམ་སོ་སོའི་ཉམས་རྟོགས་མཐར་ཕྱིན་པའི་མཐུས། ལམ་དེ་དང་དེས་དོན་གཉིས་སྒྲུབ་པའི་རང་སའི་ནུས་པའང་མཐར་ཕྱིན་པར་འགྱུར་ལ། བྱེ་བྲག་ཚོགས་སྦྱོར་གྱི་ཡོན་ཏན་མཐར་ཕྱིན་པས་ཚར་གཅོད་རྗེས་འཛིན་གྱིས་ནུས་པ་ཐོབ་སྟེ་ཐུན་མོང་གི་དངོས་གྲ…

དང་བྲལ་བ་ནི། །ཡེ་ཤེས་ཀུན་གྱིས་སྟོངས་པ་ཉིད། །ཅེས་སོ། །གཉིས་པ་ནི། མན་ངག་གསང་བ་ལས། དབང་ཐོབ་ཕན་ཆད་རྒྱལ་བའི་སྲས། །ཚེ་རིང་ལོངས་སྤྱོད་ཕུན་སུམ་ཚོགས། །མཐོ་རིས་ཐར་པའི་བདག་པོར་གནས། །ཡོན་ཏན་ཁྱད་པར་བསམ་མི་ཁྱབ། །ཅེས་པས་ཆུ་བོ་བཞིའི་དབང་རྫོགས་པ་ཐོབ་པའི་དུས་འདི་ཕན་ཆད་རྒྱལ་མཆོག་ཀུན་ཏུ་བཟང་པོའི་སྲས་སུ་འགྱུར་ཏེ། གསང་རྒ…

དེས་ནི་ཚེ་འདི་ཉིད་ལ་ཡང་། །སངས་རྒྱས་ཉིད་ཀྱང་ཐོབ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས། །ཞེས་དང་། ཧེ་རུ་ཀ་འདུས་པ་ལས། རྒྱལ་བའི་དཀྱིལ་འཁོར་བཀོད་པ་ལ༑ ༑མཐོང་དང་མོས་ཤིང་མཆོད་པས་ཀྱང་། །རྡོ་རྗེ་འཛིན་དང་མཉམ་འགྱུར་ཞིང་། །ཚེ་འདིར་བདེ་བ་ཐོབ་འགྱུར་ན། །ཞུགས་ཤིང་དབང་བསྐུར་ཐོབ་པ་དང་། །བསྒོམས་དང་ཉམས་ལ་གནས་པ་དང་། །བ…

ལུགས་མདོ་རྩ་བའི་དཀྱིལ་འཁོར་དུ་མདོ་དབང་དངོས་སུམ་ཅུ་རྩ་དྲུག་བསྐུར་ཚུལ། མན་ངག་གི་ལུགས་མདོ་ཡོངས་རྫོགས་ཀྱི་དཀྱིལ་འཁོར་དུ་ཐེག་པ་ཐམས་ཅད་འདུས་པའི་མདོ་དབང་རྩ་བ་སོ་དྲུག་ལས་ཡན་ལག་རགས་པ་བརྒྱད་བརྒྱ་སོ་གཅིག་ཏུ་ཕྱེ་ནས་བསྐུར་ཚུལ། དེ་གཉིས་ད་ལྟའི་དུས་ཀྱི་ཕྱག་ལེན་ལྟར་གཅིག་ཏུ་སྒྲིལ་ནས་བསྐུར་བའི་མདོར་ལེན་བྱ་ཚུལ་ལོ༑ ༑དང་…

རྒྱུད་ཀྱི་འདྲེན་པའི་ལས་བྱང་ཆེ་ལེར་གསུངས་པའི་ཞི་ཁྲོའི་དཀྱིལ་འཁོར་དང་། ཧེ་རུ་ཀ་འདུས་པའི་རྒྱུད་ཀྱི་ལེའུ་དགུ་པར་གསུངས་པའི་ཁྲོ་དཀྱིལ་དང་རྔམ་གློག་ཏུ་གསུངས་པའི་ཞི་དཀྱིལ་གཉིས་སྦྲེལ་བའི་ཞི་ཁྲོའི་དཀྱིལ་འཁོར་གཉིས་དགོངས་པའི་གནད་གཅིག་པར་གྱུར་པ་གང་ཡིན་པ་སྟེ། དེ་ཡང་གབ་པའི་དབང་ལེར། བང་རིམ་དང་པོའི་སྟེང་དུ་ཞི་བའི་ལྷ་…

སོགས་སྣང་ནའང་། འདིར་བཀོད་ཧེ་རུ་ཀ་འདུས་པའི་ལེའུ་དགུ་པར་བཤད་པ་བ ཞིན་བླ་མ་གོང་མ་རྣམས་ཀྱི་ཕྱག་ལེན་བརྒྱུད་པ་ལས་བྱུང་བ་ལྟར་ཏེ། འོན་ཀྱང་ཕོ་ཉ་ལ་འདིར་ཁྱམས་གསུམ་དུ་བྱུང་བ་ཧེ་རུ་ཀ་འདུས་པར་གཅིག་ཏུ་བསྡུས་ཤིང་། ཁྱམས་དང་པོ་ལ་གནས་མ་བཀོད་པས་སྒོ་བརྒྱད་བརྩེགས་སུ་འབྱུང་བ་ཙམ་ཁྱད་པར་རོ། །ཞེས་གསུངས་པ་ལྟར་ཡིན་ལ༑ མདོ་ཡོངས་ར…

པོར་གྱུར་ཕན་ཆད། །བླ་མེད་མཆོག་གིས་རྟགས་དང་ལྡན་འགྱུར་པས། གསང་སྒོ་ཕྱེ་ནས་ནང་དུ་གཞུག་པར་བྱ། །ཤིན་ཏུ་གསང་བའི་རྫས་དང་ལྡན་གྱུར་ནས། །གསང་སྒོ་གང་ལས་འདོད་པའི་དོན་རྣམས་ཞུ། །གནང་བ་ཆེན་པོའི་རྟགས་སུ་བྱིན་གྱིས་བརླབ། །ཅེས་པས་ཕྱི་དབང་ཐོབ་ནས་སྣོད་རུང་དུ་བྱས་པ་དེ་ནང་གི་དཀྱིལ་འཁོར་དུ་གཞུག་ཅིང་། རང་བློ་དང་ཐེག་ཚད་ཀྱི་དབང…