ཕྲེང་རྩལ་དེའོ་སྙམ་དུ་ལྷ་སྐུ་རང་གི་རིག་པའི་རང་རྩལ་དུ་ངེས་ཤེས་ཁྱད་པར་ཅན་མ་སྐྱེས་ཀྱི་བར་དུ་བསྒོམ། ཅིར་སྣང་ཐམས་ཅད་ཡིད་དང་ལྷ་སྐུ་དབྱེར་མེད་དུ་སྣང་དེ་ཡང་སྣང་ལ་རང་བཞིན་མ་གྲུབ་པ། གསལ་ལ་འཛིན་པ་མེད་པ། བདེ་ལ་ཞེན་པ་མེད་པ། བྲིས་སྐུ་ལྟ་བུའི་ཆང་ཆང་མ་ཡིན་པ། འཇིམ་པ་ལྟ་བུའི་རྡོས་རྡོས་མ་ཡིན་པ། སྣང་བའི་གཟུགས་སུ་གྲུབ་ལ་…

མེད་དུ་འཆིང་མི་ཐུབ་པ་ན་འཐེན་གནོན་བྱས་ཏེ་གཞིབ་པར་བྱ། དེས་ཀྱང་མི་ཐུབ་པ་ན་ཧཱུཾ་གི་སྒྲ་གདངས་ལ་བསྟེན་ནས་རླུང་དལ་བུས་ཕྲ་ལ་རིང་བ་ཕྱིར་སེང་གིས་འཕངས་ཀྱང་དེ་མ་ཐག་པར་རྔུབ་ཅིང་བཟུང་། དེ་ལྟར་བྱས་པས་རླུང་ཡུན་རིང་དུ་བཀག་ཀྱང་ངན་པ་དང་མི་བདེ་བ་མི་འབྱུང་ན་དེ་ཙམ་ནས་འདི་ཉིད་གོམས་པ་ཡིན་གསུངས། གསུམ་པ་སྐྱོ་ན་ངག་བཟླས་ལ་བསླབ…

ཐམས་ཅད་དང་བྲལ་བའི་ངང་དུ་བཞག སླར་ལྡང་བའི་སྤྱོད་ལམ་ལ་འཇུག་པ་ན། ཆུ་ལས་ཉ་ལྡང་བ་བཞིན་སྐད་ཅིག་གིས་ལྷ་སྐུར་ལང་ཞིང་། སྣང་གྲགས་རིག་གསུམ་ལྷ་སྔགས་ཡེ་ཤེས་ཀྱི་འཁོར་ལོའི་རྒྱས་བཏབ་ལ། དགེ་བ་འདི་ཡིས་མྱུར་དུ་བདག །རིག་འཛིན་བླ་མ་འགྲུབ་གྱུར་ནས། །སོགས་ཀྱིས་དགེ་བ་བསྔོ། དེ་དག་ནི་རྣལ་འབྱོར་བསྐྱེད་པའི་རིམ་པའོ། །གཉིས་པ་མན་ངག་…

མདུན་གྱི་ནམ་མཁར་རྡོ་རྗེའི་ཐོད་ཕྲེང་རྩལ་ལྟ་བུའི་ལྷ་སྐུ་ཆེ་ཆུང་ཇི་ལྟར་རིགས་པ་ཞིག་གསལ་བཏབ་སྟེ། དེ་ཡང་ཤེས་པ་བྱིང་ནས་ཆེ་ན་ལྷ་སྐུ་ཆེ་ཆུང་མཐེབ་སོར་གང་ཙམ་པ་དང་འཕྲོ་རྒོད་ཆེ་ན་མཁྱིད་གང་ཙམ་གསལ་བ་ལ། དེ་ཡང་གསལ་མ་ཐེབ་ཀྱི་བར་དུ་ཙབ་ཙུབ་ཅི་དྲག་མང་པོ་མི་བསམ་པར་ཤེས་པ་རྩེ་གཅིག་ཏུ་བསྒྲིམ་ལ་གསལ་བཏབ། གསལ་ཐེབས་པ་དང་ཧ་ཅང་གི…

ཤེས་པར་བྱ་སྟེ། བཀའ་དྲིན་མཉམ་མེད་རྗེ་བླ་མ་ཌཱ་ཀིའི་གཙོ་མོའི་གསུང་དྲོན་མོ་ཡིན། དེ་བཞིན་དུ་སྒྲ་ལྷང་ངེ་བ་དང་། དྲི་ཆི་ལི་བ་སོགས་དང་དབུགས་རང་བབས་ཀྱི་འབྱུང་འཇུག་གནས་གསུམ་ལ་ཤེས་པ་གཏད་པ་ཙམ་མ་གཏོགས་ཅི་ཡང་མི་བསམ་པ་ལ་གློད་དེ་འཇོག་པའམ། ཡང་ན་རྟེན་མེད་དུ་ཧད་དེ་འཇོག་པ་སོགས་གང་རུང་ཞིག་གི་སྟེང་དུ་བཞག་པས་ཆོག་ཅིང་སློབ་བ…

རླུང་སྦྱོར་ལ་སེམས་འཛིན། ཡང་དེ་ལ་གནས་དཀའ་ན་རང་གི་སྣ་རྩེར་ཐིག་ལེ་དམར་པོ་བོད་སྲན་ཙམ་པ་ཞིག་གསལ་བཏབ། གསལ་སྣང་ཐོན་པ་ན་ཐིག་ལེ་དེ་ལ་ཤེས་པ་རྩེ་གཅིག་ཏུ་གཏད་དེ་རླུང་དང་འགྲོགས་ཏེ་ཕྱིར་རྒྱང་གིས་སོང་བར་བསམ། ཡང་རླུང་ནང་དུ་ཡོང་བ་ན༑ ཚུར་ཡེར་གྱིས་བྱུང་བ་སྣ་བུག་གཡོན་ནས་ཁུགས་ཏེ་ལྟེ་བར་དམར་ཡེ་རེ་ཡོད་པར་བསམ་ལ་དེའི་ངང་དུ་…

འདས་ཀྱི་ཆོས་འདི་དག་རང་གི་བློས་བསྐོར། བློ་ལ་ཤར་བ་མ་གཏོགས་ལོགས་ན་དོན་བདེན་པར་གྲུབ་པ་ཞིག་རྡུལ་ཙམ་ཡང་མེད། ག་རེ་འདི་ཐམས་ཅད་སྣང་ནི་སྣང་། བདེན་ནི་མི་བདེན། འདི་ཀ་སྒྱུ་མའི་འཕྲུ ལ་འཁོར་རམ་རྨི་ལམ་གྱི་སྣང་བ་ལྟར་མེད་བཞིན་དུ་སྣང་བ་སེང་ངེ་། འལ་འོལ་ཙམ་དུ་བལྟ་ཞིང་། དེ་ཡང་བརྟགས་པ་ཙམ་ལས་རང་བཞིན་ཡོད་མེད་སྤྲོས་པའི་ཡུལ་ལ…

འགྲོ་གསུམ་ལ་བརྟགས་ཏེ་སེམས་བཙལ་བར་བྱ་སྟེ། དེ་ཡང་ཁ་ནང་དུ་ཕྱོགས་ཏེ་རང་གི་སེམས་མི་འཆར་དགུ་འཆར་འཕྲོ་ཞིང་རྟོག་པ་འདི་དང་པོ་གང་ནས་འོང་། ད་ལྟ་གང་དུ་གནས། ཐ་མར་གང་དུ་འགྲོ། དབྱིབས་ཅི་འདྲ། ཁ་དོག་ཇི་ལྟར་འདུག་ཅེས་སྐད་ཅིག་ཀྱང་མ་ཡེངས་པར་ཕུ་འདེད་མདའ་འདེད་ཀྱི་རིག་པ་རྐྱང་འདེད་དུ་ལྟར་བཅུག་པས་སེམས་མ་མཐོང་ཟེར་ན༑ འོ་ན་གྱ་ག…

ཏུ་བཅུག་གོ །གསུམ་པ་ཞི་ལྷག་ཟུང་འཇུག་ཏུ་སྒོམ་པ་ནི། རྩ་བར། སྣང་སེམས་དབྱེར་མེད་མཐའ་བྲལ་བརྗོད་མེད་ངང༔ གང་ཤར་བཟོ་བྲལ་རང་བབས་ཅེ་རེ་བ༔ བདེ་ལུགས་ཤིག་གེ་རྗེས་མེད་སེང་ངེ་བ༔ རྒྱ་ཡན་ཆད་ལེ་མཐའ་བྲལ་ལྷོད་ཀྱིས་བཞག༔ ཕྱི་ནང་བར་མེད་ནམ་མཁའ་ལྟ་བུར་འཆར༔ དེ་ཚེ་སྐུ་བཞིའི་ངོ་བོེར་མངོན་བྱུང་བ༔ ཞེས་གསུངས་པས་དེ་ཡང་ཡུལ་ལ་བློ་སྣང…

དག་རྗེན་སང་ངེ་བ་གསལ་བས་སྣང་བའི་ཆ་དེ་ལྷག་མཐོང་སྟེ་ཟུང་འཇུག་ཏུ་སྒོམ་པ་སྟེ་གནས་ལུགས་ཞི་བ་ལ་ཡེ་གནས་པའི་ངོ་བོ་དེ་ལ་ཅེར་གྱིས་བལྟས་ལ་ལྟ་མཁན་དེས་བལྟ་བྱ་གྲིམས་གློད་རན་པར་འཇོག་གོ །འདི་དཀྱུས་སུ་བློ་དམན་རྣམས་ལ་འཁོར་ལོའི་མ་བཀའ་དྲིན་ཅན་དེས་གསུངས་སོ། །ཞེས་གསུངས་ཀྱང་འགགས་དོན་ལ་དྲིལ་རྒྱུའི་སྙིང་པོར་འདི་ལྟར་ཤེས་པར་བྱ…

འདིར་སྨྲས་པ། སྙིགས་ལས་ཆེར་སྙིགས་རྩོད་ལྡན་ཐ་མ་འདིར། །ཐུབ་བསྟན་སྤྱི་དང་ཁྱད་པར་མྱུར་ལམ་འདིར། །སྙིང་ནས་རེ་འདོད་བཅའ་བའི་ཆོས་ལྡན་ཉུང་། །དེ་ཕྱིར་འདི་དག་ངལ་བའི་རྒྱུར་སེམས་མོད། །འོན་ཀྱང་པདྨའི་ཞལ་ལུང་གཏེར་ཆེན་རྗེས། །ཞིབ་སྩལ་ཁྱབ་བདག་དྲིན་ཅན་བླ་མའི་གསུང་། །དད་བརྩོན་བཅུད་དུ་བླངས་པའི་མན་ངག་ལམ། །ཉམས་བཞེས་བན་ཆུང་རྒ…

སྐོང་གི་བཤད་པ་མདོར་བསྡུས་སུ་བྱས་པ་བཞུགས་སོ། །རབ་འབྱམས་པ་ཨོ་རྒྱན་ཆོས་གྲགས། ༀ་སྭ་སྟི། ཧེ་རུ་ཀ་དཔལ་དཀྱིལ་འཁོར་ཀུན་གྱི་གཙོ། །ཐ་དད་མ་དམིགས་རྗེ་བཙུན་གཏེར་བདག་གླིང་། །གང་གི་ཞབས་པད་སྤྱི་བོར་རྟག་མཆོད་ནས། །སྐོང་ཆེན་བཞི་ཡི་བཤད་པ་མདོ་ཙམ་བྲི། །དེ་ལ་སྤྱིར་ཐུགས་དམ་སྐོང་བར་བྱེད་པའི་ཆོ་ག་ལ། ཉམས་ཆག་གི་སྐོང་ཆེན་ལྔ་སྟེ…

པོ་པདྨ་འབྱུང་གནས་ཀྱི་མན་ངག་སོགས་རྒྱ་བོད་ཀྱི་གཞུང་རྙིང་མ་རྣམས་ཀྱི་དགོངས་པ་རྒྱུད་ལུང་མན་ངག་གི་གནད་ཐམས་ཅད་གཅིག་ཏུ་བསྡུས་པ་གཏེར་ཆེན་ཆོས་ཀྱི་རྒྱལ་པོ་གཏེར་བདག་གླིང་པས་མཛད་པ་ན་རཀ་དོང་སྤྲུགས་འཁོར་བ་ཀུན་གྲོལ་ཞེས་ཞི་ཁྲོ་རབ་འབྱམས་ཀྱི་དཀྱིལ་འཁོར་ཆེན་པོ་ལ་བརྟེན་ནས། རྟོག་ཚོགས་ལྷའི་རང་བཞིན་གདོད་མ་ནས་རྣམ་པར་དག་པའི་…

བ་བཤམས་པའི་གཡས་གཡོན་དུ་སྨན་རཀ་བཅས་བཤམས་པས་འཐུས། རྒྱས་པར་བྱེད་ན་ཞི་ཁྲོའི་གཏོར་མ་ལྷ་གྲངས་དང་མཉམ་པ་བཤམས་ཚུལ་སྟེགས་བུའི་ངོས་ཀྱི་བང་རིམ་དང་པོའི་གཡས་ཀྱི་ཆར་ཞི་གཏོར། གཡོན་གྱི་ཆ་ལ་ཁྲོ་གཏོར་བཤམས་པའོ། །ད་ལྟ་ཕྱག་བཞེས་སུ་བང་རིམ་དང་པོར་ཞི་གཏོར། གཉིས་པར་ཁྲོ་གཏོར། གསུམ་པར་བདུད་རྩི་ལྷ་གྲངས་དང་མཉམ་པ། བཞི་པར་རཀྟ་ཡང་ད…

འཆི་མེད་ཀྱི་རྫས། ར་ས་ཡ་ན་ཞེས་བཅུད་ལེན་དུའང་གྲགས་པ་སྟེ། བདུད་རྩི་ཨ་མྲྀ་ཏ་འདི་ཉིད་འདེབས་པའི་གཞི་མ་ནི། ཛ་གད་དཔའ་བོ་ཞེས་ཆང་རྣམ་པ་ལྔ་ཡིན་ཏེ། ནས་ཆང་། གྲོ་ཆང་། འབྲས་ཆང་། རྒུན་ཆང་། སྦྲང་ཆང་སྟེ་མེ་ཏོག་གི་ཆང་དང་ལྔ་ཡིན་ལ། དེ་ལྟ་བུའི་ཆང་རྣམ་པ་ལྔ་ཚང་བའི་གཞི་མ་ལ་གོང་གི་བདུད་རྩི་ཨ་མྲྀ་ཏ་བཏབ་པའི་བདུད་རྩི་སྨན་མཆོད་ཀ…

སྨོས་པ་ལྟར་རོ། །གསུམ་པ་རཀྟའི་གོ་དོན་ནི། སྤྱིར་རཀྟ་ལ་རྣམ་པ་ལྔ་སྟེ། སྲིད་པ་གཞིའི་རཀྟ་ནི་འབྱུང་བ་ཆུ། སྣང་བ་བརྡའི་རཀྟ་ནི་ཁ་དོག་དམར་པོར་གྱུར་ཚད། འགྱུར་མེད་དོན་གྱི་རཀྟ་ནི་སོར་རྟོག་ཡེ་ཤེས་ཀྱི་བདག་ཉིད་སྣང་བ་མཐའ་ཡས། འཁོར་བ་རྒྱུའི་རཀྟ་ནི་མའི་མངལ་ཁྲག འབྲས་བུ་ཆེན་པོའི་རཀྟ་ནི་གདུག་པ་རཱུ་ཏྲ་བསྒྲལ་བའི་སྙིང་ཁྲག་སྟེ…

མཆོད། །ཅེས་གསུངས་སོ། །བཞི་པ་སྒྲོན་མའི་གོ་དོན་ནི། ལུས་ཅན་ཐམས་ཅད་ལ་རང་བྱུང་ཡེ་ཤེས་ཀྱི་སྒྲོན་མ་རང་ཆས་སུ་བཞུགས་པ་ཉིད་འཁོར་བའི་དྲྭ་བས་བསྒྲིབས་པའི་མུན་པ་གཞོམ་པའི་ཆེད་དུ་ལྷ་གྲངས་དང་མཉམ་པའི་མར་མེའི་མཆོད་པ་སྟེ། དེ་ཡང་སྨན་བླའི་མདོ་ཆོག་ལས། མར་མེ་རེ་རེ་བྱ། མར་མེ་རེ་རེའི་ཚད་ཀྱང་ཤིང་རྟའི་འཕང་ལོ་ཙམ་དུ་བྱའོ་ཞེས་གསུ…

དུ་སྐོང་བ་དང་། གསལ་བ་ཤེས་རབ་ཀློང་དུ་བསྐང་། །ཞེས་པ་གོང་དུ་སྨོས་པའི་ཐབས་ཤེས་ཟུང་འཇུག་བདེ་ཆེན་སྟོང་ཉིད་ཀྱི་ངོ་བོ་འཁོར་གསུམ་མི་རྟོག་པའི་ཤེས་རབ་ཀྱི་དང་། སྡུག་བསྔལ་ཆོས་ཉིད་ཀློང་དུ་བསྐང་། །ཞེས་པ་གནས་ལུགས་མ་རྟོགས་པར་སྡུག་བསྔལ་གྱིས་བཅིངས་པའི་འགྲོ་བ་འདི་རྣམས་ཡེ་ནས་ཆོས་ཉིད་མཉམ་པ་ཆེན་པོའི་ཀློང་དུ་དག་པའི་དང་། དེ…

གསུམ་གཉིས་གཅིག་ཏུ། །མ་ཡེངས་ཙམ་དུ་ངང་གིས་བཟླ། །འབྲིང་གིས་ཟླ་གཅིག་དུས་དྲུག་དང་། །དུས་བཞིའི་བར་དུ་མི་བཅད་ཅིང་། །ཐ་མར་བརྩོན་པའི་རྣལ་འབྱོར་པས། །ཟླ་རེའམ་ར་བའི་དུས་དག་ཏུ། །བརྩོན་པས་འབད་དེ་མི་བྱེད་ན། །བྱང་ཆུབ་ས་བོན་བརླག་པ་ཡིན། །ཚོགས་དང་གཏོར་མའང་དེ་བཞིན་དུ། །ཐ་ན་ལོ་ཟླར་མི་འདའོ། །ཞེས་པའོ། །རྟོག་སྒྲིབ་ནི། དོན་…

བོ་འབྲུ་ལྔ་འོད་དུ་འབར་བའི་བྷཉྫ་རུ་ཤེས་རབ་ཡུམ་ལྔའི་བདུད་རྩིས་ཡོངས་སུ་བཀང་ནས་ཟུང་འཇུག་ཡེ་ཤེས་ཀྱི་བདུད་རྩི་དེ་ཉིད་གདུལ་བྱ་གདུག་པ་ཅན་འདུལ་བའི་ཐབས་ཀྱི་ཕྱག་རྒྱ་ཁྲག་འཐུང་ང་བརྒྱད་ཀྱི་རྣམ་པར་ཤར་བ་ཁྲོ་བོའི་ལྷ་ཚོགས་རྣམས་ཀྱི་ཐུགས་དམ་གནས་སུ་སྐོང་བའོ། །བདུད་རྩི་སྨན་གྱི་དམ་ཚིག་སོགས། འདི་ལྟར་འཁོར་འདས་ཐམས་ཅད་ཡེ་ནས་བ…