༈ ཡང་རིག་གནས་གཉིས་པ་གསོ་བ་རིག་པ་ནི། ཇི་སྐད་དུ། འདོད་ཆགས་ལ་སོགས་མ་ལུས་པ་ཡི་ནད། རྗེས་སུ་འབྲེལ་བས་ལུས་ཀུན་ཁྱབ་གྱུར་པ། །ཞེས་གསུངས་པ་ལྟར། ཉོན་མོངས་པས་བསྐྱེད་པའི་ཟག་བཅས་ལས་ཀྱིས་འཕངས་པ་རྣམ་སྨིན་གྱི་ལུས་འདི་ནི་འབྱུང་བཞི་འདུས་པ་ལས་གྲུབ་པའི་དབང་གིས། འབྱུང་བ་བཞི་ཚ་གྲང་མ་མཐུན་པ་ལ་བརྟེན་ནས་རླུང་མཁྲིས་བད་ཀན་འདུས་…

བསྟན་སྟེ། ཇི་སྐད་དུ། གསོ་བ་དག་ཏུ་བསྟན་པ་ནི། །སྨན་པ་སྨན་དང་ནད་གཡོག་དང་། །ནད་པ་ཡན་ལག་རྣམ་བཞི་སྟེ། །རེ་རེའང་རྣམ་པ་བཞི་བཞི་ཡིན། །སྨན་པ་མཁས་རྟོགས་གཞུང་དོན་ཤེས། །ལས་རྣམས་མཐོང་ཞིང་གཙང་བ་ཡིན། །སྨན་ནི་ཆོ་ག་མང་པོ་དང་། །ཡོན་ཏན་མང་ལྡན་ཕུན་ཚོགས་འཕྲོད། །ནད་གཡོག་རྗེས་བརྩེ་གཙང་སྦྲ་ཅན། །སྒྲིམ་ཞིང་བློ་དང་ལྡན་པ་ཡིན། །…

ལས་གསོས་ཏེ་དྲན་པ་རྙེད་ནས་ཕན་པའི་ཐབས་བསམ་པས་སྔོན་སངས་རྒྱས་ལ་སྨན་གྱི་རྒྱུད་ཐོས་པ་རྣམས་དྲན་ཞིང་། རྨ་ནང་ནས་ཚེའི་རིག་བྱེད་ཀྱི་ཐོག་མར། ༀ་ཨ་ཐཱ། ཞེས་ཐོན་པ་ལ་བརྟེན་ནས། ཚེའི་རིག་བྱེད་ཡན་ལག་དང་བཅས་པ་བྱུང་སྟེ། ཟླ་ཟེར་ལས། ཡི་གེ་ༀ་དང་ཨ་ཐའི་སྒྲ། །གཉིས་པོ་འདི་དག་སྔོན་ཚངས་པའི། །མཁུར་ཚོས་བརྟོལ་ནས་བྱུང་བ་སྟེ། །དེས་ན་འ…

ཡང་རིག་གནས་གསུམ་པ་སྒྲ་རིག་པ་ནི། སྤྱིར་སྨྲ་བ་ཀུན་ལ་འཇུག་པར། ཟིན་པ་དང་ནི་མ་ཟིན་དང་། །གཉིས་ཀ་དག་ལས་བྱུང་བའི་སྒྲ། །སེམས་ཅན་སྟོན་དང་མི་སྟོན་དག །ལུང་དུ་སྟོན་དང་མི་སྟོན་པའོ། །ཞེས་པས་སྤྱིར་སྒྲ་ནི། ཟིན་པ་དང་། མ་ཟིན་པ་དང་། གཉིས་ཀ་ལས་བྱུང་བའམ། ཡང་ན་སེམས་ཅན་དུ་སྟོན་པ་དང་། མི་སྟོན་པ་གཉིས་ཏེ། སྟོན་པ་ལའང་ཚིག་ཏུ་ལྷ…

ཨུ་དབང་ཕྱུག་རྣམས་ཀྱི་མིང་ཡིན་པའི་ཕྱིར། ཚིག་ཡིན་ཏེ་མིང་རྣམ་དབྱེའི་མཐའ་ཅན་ཡིན་པའི་ཕྱིར་རོ། །དེ་ལ་ཡི་གེ་ནི། བརྗོད་འདོད་ཀྱི་ཀུན་ནས་བསླངས་པས་གནས་དང་། བྱེད་པ་དང་། རྩོལ་བ་རྣམས་ཕྲད་པ་ལས་སྐྱེས་པའི་སྐད་གདངས་འབའ་ཞིག་པ་སྟེ། དཔང་ལོ་ཆེན་པོས། བརྗོད་འདོད་དབང་གིས་རླུང་གཡོས་ཤིང་། །དེ་ཡི་གནས་དང་བྱེད་པ་དང་། །རྩོལ་བ་བསྐ…

བྱ་བའི་དོན་ཞེས་ཀྱང་བྱ་ཞིང་། དབྱེ་ན་གསུམ་སྟེ། བྷུ་ཡོད་པ་ལའོ། །ཞེས་སོགས་བྱིངས་མདོ་ལེའུ་དགུ་ནས་བཤད་པ་རྣམས་ནི་གླེགས་བམ་ལས་བྱུང་བའི་བྱིངས་དང་། ཀུན་བཤད་ལེའུ་གཉིས་པ་ནས་བཤད་པའི་སནྡ་སོགས་བདུན་གྱི་མཐའ་ཅན་ནི་རྐྱེན་གྱིས་བཅོས་པའི་བྱིངས་དང་། ཛཱུ་མདོའི་སོགས་སྒྲ་མདོའི་ཟུར་ནས་རྙེད་པ་རྣམས་ལ་མདོ་བྱིངས་ཞེས་ཟེར་རོ། །རང་…

བསྟན་ལ། ཡན་ལག་ནི་བྱིངས་མདོ་དང་། ཉེར་བསྒྱུར་དང་། ཨུཎ་ལ་སོགས་པ་རྣམས་སོ། །དེ་དག་སྟོན་པའི་གཞུང་ལུགས་ཀྱང་། ཨིནྡྲ་བྱཱ་ཀ་ར་ཎ། བི་ཤ་ལི་བྱཱ་ཀ་ར་ཎ། ཤ་ཀཽ་ཊ་ཡ་ན་བྱཱ་ཀ་ར་ཎ། པཱ་ཎི་བྱཱ་ཀ་ར་ཎ། ས་མནྟ་བྷ་དྲ་བྱཱ་ཀ་ར་ཎ། སརཉྫ་ལི་བྱཱ་ཀ་ར་ཛེནྡྲ། མ་ནུ་ཛནྡྲེ་བྱཱ་ཀ་ར་ཎ། ཞེས་པཱ་ཎི་པའི་འགྲེལ་པར་གྲགས་ལ། རྒྱ་བོད་ཀྱི་མཁས་པ་སྤྱི་ལ…

བླངས་ཏེ། སྒྲ་ཡི་བསྟན་བཅོས་རྒྱ་མཚོ་ཙམ། །ཁོ་བོས་ཤེས་པ་བུམ་གང་ཙམ། །ཁྱོད་ཀྱི་ཤེས་པ་ཐིགས་པ་ཙམ། །ཞེས་སྨྲས་པས་ཕུར་བུ་ཡི་ཆད་དེ་སྒྲ་མི་འཆད་པར་དམ་བཅས་པ་ན། དབང་པོས་རང་གིས་ཇི་ཙམ་ཤེས་པ་སྟོན་ཅིག །ཅེས་བསྒོས་པས། དམ་བཅའ་མི་འགལ་བའི་ཆེད་དུ། ཚེས་བརྒྱད་སློབ་དཔོན་ངེས་པར་འཇོམས། །བཅུ་བཞི་ལ་ནི་སློབ་མ་འཇོམས། །གནམ་སྟོང་ལ་ནི་ར…

བཟང་པོ་ཞེས་བྱ་བ་ལ། བཙུན་མོ་རྒྱལ་རིགས་ལས་བྱུང་བ་སང་ཀྲྀ་ཏའི་སྐད་ཤེས་པ་ཅིག་ཡོད་དེ། དེ་དང་ལྷན་ཅིག་ཏུ་སྐྱེད་མོས་ཚལ་དུ་རྩེ་དགའ་ལ་ཕྱིན་པའི་དུས། རྒྱལ་པོས་བཙུན་མོ་ལ་ཆུ་ཐིགས་གཅིག་གཏོར་བས། མ་མོ་དང་ཀཱ་པིནྩ་སྟེ་བདག་ལ་ཆུ་མ་གཏོར་ཞེས་སྨྲས་པས། རྒྱལ་པོས་ཏིལ་གྱི་ལས་སུ་བླང་ཞེས་པར་གོ་ནས་བྱིན་པས། བཙུན་མོ་ན་རེ་ཅི་ཡིན་ཟེར།…

པ་ཞིག་ཡོད་པ་དེས། པཱ་ཎི་པའི་དོན་འགྲེལ་དུ་ཙཎྜ་བྱ་ཀ་ར་ཎ་དོན་འགྲེལ་དང་བཅས་པ་མཛད། དེས་ནཱ་ལནྡྲེར་བྱོན་ཏེ། དེའི་མཁན་པོ་ཟླ་གྲགས་དང་རྩོད་པའི་ཕྱིར། ཆོས་འཆད་པའི་སར་གདུགས་གཅིག་ཁྱེར་སྟེ་ཕྱིན་པས། ཟླ་གྲགས་ཀྱིས་ཕ་གི་ང་ལ་རྩོད་པ་བྱེད་པ་ཞིག་ཡིན་པར་འདུག །དྲི་བ་བྱེད་དགོས་དགོངས་ནས། ཁྱེད་ཀྱིས་ཅི་ཤེས་བྱས་པས། སྒྲ་པཱ་ཎི་པ། འ…

དེའི་ཕྱིར་གླེགས་བམ་ཁྲོན་པ་ནས་ཕྱུང་ཞིག །ཞེས་ལུང་བསྟན་པ་ལྟས་བླངས་ཏེ། ཁྲོན་པ་དེའི་ཆུ་འཐུང་པ་ཙམ་གྱིས་ཤེས་རབ་ཆེན་པོར་འགྱུར་བ་བྱུང་། དེའི་ཕྱིར་ཙནྡྲ་པ་ནི་ཤིན་ཏུ་དར་རོ། །དེའི་ཡན་ལག་ཏུ་སློབ་དཔོན་སེང་གེ་བཟང་པོས་དུ་བནྡྷའི་འགྲེལ་པ་དང་། ཉི་མའི་སྙིང་པོས་འགྲེལ་པ་གྲུབ་པ། པཎྜི་ཏ་བི་བྷུ་ཏི་ཙནྡྲས་ཨ་མ་ར་ཀོ་ཥའི་འགྲེལ་པ་འ…

གཞུང་ལས། བརྩོན་པ་ཆེན་པོའི་དོན་པ་ཀཀཱ་ཨཱ་ག་མ་སྦྱིན་པར་བཤད་པའི་ཁུང་འགའ་བསྟན། རྨ་ལ་ཟུག་རྔུ་མེད་པར་བྱིན་གྱིས་བརླབས་པོ། །གསུང་ལས་ཁ་སང་ཚོགས་སུ་བདེན་པར་སྨྲས་ན། དེ་དུས་ཞལ་མཐོང་ནས་དོག་པ་བཅད་ཆོག་རྒྱུ་ལ། གཡོ་རྒྱུའི་ངག་སྨྲས་པས་ང་མ་མཐོང་། ད་རེས་གདུང་བ་འདི་འདྲ་བརྩམ་པས་སྡིག་པ་དག་སྟེ་ང་མཐོང་བ་ཡིན་གསུངས། དེ་ནས་ལྷའི་མ…

ཡང་རིག་གནས་བཞི་པ་ཚད་མ་རིག་པ་ནི། ཀུན་བཏུས་ལས། མངོན་སུམ་དང་ནི་རྗེས་སུ་དཔག །ལྟར་སྣང་བཅས་པ་བདག་རིག་བྱེད། །སྒྲུབ་པ་དང་ནི་སུན་འབྱིན་ངག །ལྟར་སྣང་བཅས་པ་གཞན་རྟོགས་བྱེད། ཞེས་གསུངས་པ་ལྟར། མངོན་སུམ། རྗེས་དཔགསྒྲུབ་ངག །ཐལ་འགྱུར་བཞི་པོ་རེ་རེར་ཡང་། ཡང་དག་དང་ལྟར་སྣང་གཉིས་སུ་ངེས་པའི་ཕྱིར་རོ། །དེ་ཡང་བསྡུ་ན། རང་གི་གཞལ་…

ཟད་སྐྱེ་བའི་མཚན་ཉིད་ཅན། །གང་དེ་ཐམས་ཅད་འགགས་ཆོས་ཅན། །ཞེས་པ་ལྟ་བུ་རང་བཞིན་གྱི་གཏན་ཚིགས་དང་། ཚད་མ་རྣམས་ནི་མི་འཇུག་པར། །མེད་ལ་མི་འཇུག་འབྲས་བུ་ཅན། །གཏན་ཚིགས་བྱེ་བྲག་ལ་ལྟོས་ནས། །འགའ་ཞིག་ཡོངས་ཤེས་འབྲས་བུ་ཅན། །ཞེས་པ་ལྟ་བུ་མ་དམིགས་པའི་གཏན་ཚིགས་རྣམས་སོ། །གཞལ་བྱ་ཤིན་ཏུ་ལྐོག་གྱུར་གྱི་གཏན་ཚིགས་ནི། མངོན་སུམ་དང་དང…

པར་བྱས་པ་གཅིག །གནས་མ་བུའི་སྡེ་པའི་མཁན་པོ་གླང་པོ་བྱིན་ཞེས་བྱ་བ་ལས་རབ་ཏུ་བྱུང་ཞིང་ཉན་ཐོས་ཀྱི་སྡེ་སྣོད་གསུམ་ལ་མཁས་པར་བྱས་ནས། སྐབས་ཤིག་ན་ལེནྡྲར་བྱོན་ནས་མཁས་མཆོག་དབྱིག་གཉེན་བསྟེན་ཏེ། ཐེག་པ་གསུམ་ལ་མཁས་པར་སྦྱངས་ཤིང་། ཁྱད་པར་རྣམ་རིག་པའི་གྲུབ་མཐའ་དང་ཚད་མ་ལ་མཁས་པར་གྱུར་ཏེ། དེ་དག་གི་བསྟན་བཅོས་བརྒྱ་རྩ་སོགས་མཛད་…

བཅོས་དེ་ཡང་ལེགས་པར་རྩོམ་ཤིག་མུ་སྟེགས་ཀྱི་གནོད་པར་མི་ནུས་མ་འོངས་པ་ན་བསྟན་བཅོས་ཀུན་གྱི་མིག་གཅིག་ཏུ་འགྱུར་རོ། །ཞེས་ལུང་བསྟན་པའི་བསྟན་བཅོས་ཚད་མ་ཀུན་ལས་བཏུས་པ་མཛད་པ་སོགས་ངོ་མཚར་བའི་རྣམ་ཐར་མཐའ་ཡས་སོ། །དེས་དབང་ཕྱུག་སྡེ་ལ་བཤད། དེས་རིགས་སྨྲ་ཀུན་གྱི་གཙུག་རྒྱན་དཔལ་ལྡན་ཆོས་གྲགས་ལ་བཤད་དེ་ཉིད་ནི་རྒྱལ་པོ་སེང་གེ་ལྔ…

དཔོན་ལས་གནང་བ་ཐོབ་བོ། །དེར་སྔགས་ཀྱི་སློབ་དཔོན་ཌི་གི་པ་བསྟེན་ནས། དབང་ནོད་དེ་བསྒྲུབས་པས་ཧེ་རུ་ཀས་ཞལ་བསྟན་ཏེ་དངོས་གྲུབ་ཐམས་ཅད་འགྲུབ། དེ་ནས་མུ་སྟེགས་ཀྱི་གྲུབ་མཐའི་གསང་ཚིག་སློབ་པར་བཞེད་ནས། ཁོལ་པོའི་ཆས་སུ་བརྫུས་ཏེ་ལྷོ་ཕྱོགས་ཀྱི་རྒྱུད་དུ་བྱོན། མུ་སྟེགས་ཀྱི་གྲུབ་མཐའ་ལ་སུ་མཁས་དྲིས་པས་གཞོན་ནུ་རོལ་པ་མཁས་ཟེར། ད…

ཤེས་རབ་ཅན་ནི་ཕྱོགས་ཀྱི་གླང་པོ་སྟེ། །ཙནྡྲ་གོ་མི་བརྗོད་པ་རྣམ་པར་དག །སྙན་ངག་དཔའ་བོ་ལས་བྱུང་སྡེབས་སྦྱོར་མཁས། །ཕྱོགས་ལས་རྣམ་པར་རྒྱལ་བ་ང་མིན་སུ། །ཞེས་གསུངས་པ་ན། ཆོས་ཀྱི་གྲགས་པ་ཡིན་ནམ་ཞེས་དྲིས་པས། འཇིག་རྟེན་ན་དེ་ལྟར་གྲགས་གསུངས་པ་རྒྱལ་པོ་དད་དེ་སྦྱིན་བདག་བྱས་སྟེ་ཚད་མ་སྡེ་བདུན་བརྩམས་ནས། གལ་ཏེ་ཆོས་ཀྱི་གྲགས་པ་ཡ…

ཡང་རིག་གནས་ལྔ་པ་ནང་རིག་པ་ནི། བརྗོད་བྱའི་དབང་དུ་བྱས་ན་ཐེག་པ་གསུམ་མམ་དགུ་སྟེ། དེ་ལ་ཐེག་པ་གསུམ་ནི། ཉན་ཐོས། རང་རྒྱལ། བྱང་སེམས་ཀྱི་ཐེག་པ་གསུམ་མམ། ཡང་ན་དགོངས་འདུས་ལས། དོན་དམ་ངེས་པའི་ཐེག་པ་ནི། །གསུམ་དུ་ངེས་པར་བསྟན་པ་སྟེ། ཀུན་འབྱུང་འདྲེན་དང་དཀའ་ཐུབ་རིག །དབང་བསྒྱུར་ཐབས་ཀྱི་ཐེག་པའོ། །ཞེས་གསུངས། ཐེག་པ་དགུ་ནི། …

རིག་པ་འཛིན་པའི་སྡེ་སྣོད་ཅེས་རྐང་ཐུབ་པ་གཅིག་ཏུ་འདྲེན་པར་མཛད། ཀུན་བྱེད་ལས། ཐམས་ཅད་འདུལ་བའི་གཉེན་པོར་གསུང་པ་ནི། །སྡེ་སྣོད་བཞི་པ་ཉི་ཁྲི་ཆིག་སྟོང་གསུངས། །ཞེས་པས་དགོངས་པ་མཐུན། དེ་ཉིད་ཇི་ལྟར་བྱུང་བའི་ཁུངས་ལ་གསུམ་ལས། དང་པོ་སྟོན་པས་གསུངས་ཚུལ་ནི། འོ་སྐོལ་གྱི་སྟོན་པ་འདི་ངེས་དོན་ཡིན་ལུགས་ཀྱི་དབང་དུ་བྱས་ན། ཐོག་མ…