བའི་ཤིང་གིས་ཕུབ་པས་དབུས་སུ་མ་སླེབས་ནས་རྒྱལ་པོས་རྟེན་རང་བྱུང་ལ་མཆོད་པ་ཕུལ་ནས་གསོལ་བ་བཏབ་པས་སྐུའི་བ་སྤུ་ནས་འོད་ཟེར་བྱུང་བ་མཚོ་ལ་དྲ་ཕྱེད་དུ་བྲེས། རྩ་ཞལ་ནས་འོད་ཟེར་བྱུང་བ་མཚོ་སྟེང་དུ་སྤྲིན་ལྟར་འཁྲིགས་པ་ལས་འོད་ཞགས་པ་ལྟ་བུ་མཚོ་ལ་ཆར་པ་ལྟར་བབ་པས་མཚོ་ནང་དུ་འོད་ཏམ་ལྦུ་བ་མཆོད་རྟེན་བང་རིམ་གསུམ་པའི་རྣམ་པར་ཆགས་པ…

ཁ་བསྒྱུར་བའི་ཚོན་རྣམས་སྟ་གོན་བྱས་སྟེ་དབུ་སྔས་ཀྱི་མགོར་བཞག་གོ །ཐོ་རེངས་ཀྱི་དུས་མཐོངས་ཀ་ན་མར་སངས་རྒྱས་དང་བྱང་ཆུབ་སེམས་དཔའ་ཉི་ཟེར་གྱི་རྡུལ་ཙམ་བྱོན་སྟེ་འཇིམ་པ་ལ་ཐིམ་པར་གཟིགས་པས་བྱིན་རླབས་ཅན་ཞིག་འོང་བར་འདུག་ཕྱག་སྟོང་སྤྱན་སྟོང་ཞིག་བྱའམ། ཞལ་བཅུ་གཅིག་པ། ཡི་གེ་དྲུག་པ། འཇིག་རྟེན་དབང་ཕྱུག་ཡིད་བཞིན་འཁོར་ལོ། ད…

ས་ཕྲོགས་སྟེ་རྣམ་སྣང་ཀུན་དུ་ཞལ་དང་འཇམ་དཔལ་ཁྲོ་བོ་སོགས་བྲག་ལ་རང་བྱོན་དུ་བྱུང༌། རྒྱལ་པོ་གནམ་སྟོང་གི་ནུབ་མོ་འོ་ཐང་གི་ཆུ་ལ་ཁྲུས་མཛད་ཚེ་ལྷོ་ནུབ་ཟླ་བ་ཚལ་གྱི་བྲག་རྩ་ན་མེ་འབར་བ་ཞིག་འདུག་ནས་དེར་བྱོན་པས་ཁ་བ་ཅན་གྱི་འདྲེ་ཐམས་ཅད་དུག་ཤིང་གི་སྡོང་པོ་རྐང་གཅིག་གི་རྩར་འདུས་སྟེ་གྲོས་བྱེད་པ་གསན་པས་འདྲེ་རྒན་པོ་ཅིག་ན་རེ་…

བཙན་གདོང་དུ་གྲགས་སོ། །རྒྱལ་པོའི་ཞལ་ནས་འོད་ཟེར་གྱི་སྣེ་ལ་བྱུང་བའི་ཁྲོ་བོ་དེ་གཉིས་ཁྱོད་ཀྱིས་མཐོང་ངམ་ཞེས་གཟོ་བོ་ལ་དྲིས་པས་མཐོང་ལགས་ཟེར། དེ་གཉིས་ཀྱི་གཟུགས་གྱིས་ཅིག་གསུངས་སྟེ་རྟ་མགྲིན་དང་བདུད་རྩི་འཁྱིལ་བ་གཉིས་བྱས། ཐུགས་རྗེ་ཆེན་པོའི་འཁོར་ཉུང་བས་ད་དུང་གྱིས་ཅིག་གསུངས་ནས་འཇིག་རྟེན་དབང་ཕྱུག་དང༌། ཁཱརྶ་པཱ་ཎི…

མ་ཐུལ་ན་ཁྱོད་ཀྱིས་བརྩོན་པ་སྐྱེད་ཅིག་ཟེར་སྟེ་ཆོ་ག་བྱས་མཉམ་པར་བཞག་པ་དང་དེ་མ་ཐག་བྱ་ཁྱུང་ཆེན་པོ་ཅིག་བྱུང་སྟེ་མཚོ་སྟེང་དུ་ལྡིང་བ་དང་མཚོ་འཁོལ་ཀླུ་སྦྲུལ་མགོ་ལྔ་པ་ཅིག་རོང་བྱུང་བས་བོན་པོ་ན་རེ་ངས་ནི་མ་འཐུལ་ལོ་ཅོག་ལ་ཁྱོད་ཀྱིས་བརྩོན་འགྲུས་སྐྱེད་ཅིག་ཟེར་སྟེ་སྔགས་པས་ཆོ་ག་བྱས་མཉམ་པར་བཞག་པ་དང་གནམ་རལ་པ་སྐད་ས་གྲུམ་པ་…

ཁ་དབྱེ་བ་དང་ལས་སྒོ་རྣམས་འདུ་བའི་ཕྱིར་གནོད་སྦྱིན་ཆུ་དབང་གི་སྐུ་བྱས། རྒྱལ་པོའི་དཀོར་མཛོད་ཆེན་པོ་གཅིག་ཡང་གཏེར་ཁང་དུ་སྦས། ཚངས་པ་དུང་གི་ཐོར་ཚུགས་ཅན་ལ་གཉེར་དུ་གཏད། སྔགས་པའི་སྒྲིབ་པ་སྦྱོང་བ་དང་ཀླུ་དེའི་དོན་དུ་མཆོད་རྟེན་རྩེ་ལྔ་པ་བཞེངས་སྟེ་ཀླུ་དེ་ལྷར་སྐྱེས། བྱམས་པ་མི་འགྱུར་བའི་ལྷ་ཁང་ཞེས་མཚན་བཏགས་ལ་ཀླུ་བཏ…

ནས་བཞེངས་སྟེ། ང་ས་བདག་གི་རྒྱལ་པོས་ཁྱེད་དགེ་སྦྱོང་གི་ཞབས་ལ་མགོས་བཏུགས་ནས་ཕྱག་བྱས་པ་འདི་ངོ་མཚར་མི་ཆེའམ་གསུངས་པས་དགེ་སྦྱོང་དེ་ན་རེ། དེ་ངོ་མཚར་ཆེ་སྟེ་ངའི་རྫུ་འཕྲུལ་འདི་ཡང་ངོ་མཚར་མི་ཆེའམ་ཟེར་ནས་མཆོད་རྟེན་རྩེ་ལྔ་ལག་པ་གཡས་པས་ན་མཁའ་ལ་ཡེར་གྱིས་བཏེག །རྒྱལ་པོས་དེ་ཡང་ངོ་མཚར་ཆེ་སྟེ་ང་སྐྱེ་བོ་ཐ་མལ་པའི་མགོ་ལ་སང…

ལ་ཐོ་གར་གྱིས་ལག་དཔོན་བྱས་སྟེ་མོན་སྐྱེར་ཆུ། རྐང་མཐིལ་གཡས་ལ་ཧོར་གྱིས་ལག་དཔོན་བྱས་སྟེ་མཚལ་རིགས་སྒྲོན་མ། གཡོན་ལ་བལ་པོས་ལག་དཔོན་བྱས་སྟེ་ཚངས་པ་རླུང་གནོན་གྱི་ལྷ་ཁང་བཞེངས་སྟེ་རུ་གནོན་གྱི་གཙུག་ལག་ཁང་བཞིའོ། །ཤར་དུ་སའི་ཁ་གནོན་ཉི་ཟླ་གཟའ་སྐར་གཏན་ལ་འབེབས་པའི་ཕྱིར་ཀ་ཆུ་ཀམ་ཆུ་གླིང་ཆུ་གསུམ། ལྷོར་མེའི་ཁ་གནོན་སྣང་ག…

དུ་མ་སྟེར། ས་རྡོ་བཞག་ཚད་ན་མཁའ་ལ་འཕངས། རླུང་གིས་བརྡབས། ས་གཞི་གཡོས། མི་ཐམས་ཅད་དཔའ་འཁུམས། ལྷ་སྲིན་ཐམས་ཅད་སོ་སྒྲ་དང་ཆ་སྒྲ་སྒྲོག་པའི་ཚེ་སྤྲུལ་པའི་རྒྱལ་པོས་ཡི་དམ་ལ་མཆོད་པ་བཤམས། དཔང་བཙུགས་དམ་བརྡར་བས་སྤྱན་རས་གཟིགས་ཕྱག་སྟོང་སྤྱན་སྟོང་ཞིག་ན་མཁའ་ལ་བྱོན་ནས་སྤྱན་ཡེར་པའི་རི་ལ་གཟིགས་ཐུགས་ཡེར་བའི་བྲག་ལ་གཏད། ཁྲོ…

བྱུང་ངོ༌། །དེ་ལྟར་བོད་ཡུལ་ས་གཞི་བྱིན་རླབས་ནས། །སྤྲུལ་པའི་གཙུག་ལག་ཁང་ཆེན་རྨང་བཏིང་སྟེ། །དགེ་རྩ་ཡོངས་སུ་རྫོགས་ཕྱིར་གྲུ་བཞི་པ། །བྱང་ཆུབ་ཕྱོགས་ཆོས་རེ་མིག་སུམ་བཅུ་བདུན། །ཆོས་ཉིད་མི་འགྱུར་བརྟན་པས་གཡུང་དྲུང་རིས། །མཐར་ཐུག་འབྲས་བུ་སྟོན་ཕྱིར་དབུས་དཀྱིལ་འཁོར། །རྒྱ་ཡི་ཧེན་ཁང་བི་ཧར་ཇི་ལྟ་བར། །རྒྱ་མཚོའི་གྲུ་གཟིངས…

ཎི་འཇིགས་པ་བརྒྱད་སྐྱོབ་དང༌། །གང་ལ་དེས་འདུལ་གླིང་གཉིས་རང་བྱུང་ཤར། །ལྷག་མ་བེ་བུམ་བརྒྱ་རྩའི་ཚུལ་བཞིན་བྲིས། །དེ་ནས་སྤྲུལ་པའི་ལྷ་གཅིག་ཁྲི་བཙུན་གྱིས། །སྐུ་གཟུགས་རྣམས་དང་ར་སའི་སྟེང་ཁང་མཛད། །སྒྲོལ་མའི་ངོ་བོ་ལྷ་གཅིག་ཀོང་ཇོ་ཡིས། །རྒྱ་སྟག་ར་མོ་ཆེ་ཡི་ལྷ་ཁང་བཞེངས། །གཞན་ཡང་བཙུན་མོ་གསུམ་གྱིས་རང་རང་གི །ཐུགས་དམ་ལྷ་…

ཕྱུག་དྲག་པོའི་དཀྱིལ་འཁོར་གྱི་ཚུལ་དུ་མཛད་སྟེ་སྐྱེ་བོ་སྤྱིས་མི་མཐོང་བའི་ཕྱིར་ན་བུན་འཁྲིག་ཅིང་ཆར་ཟིམ་བུ་འབབ་པའི་གསེབ་ན་ཅོ་འདྲེན་པ་སོགས་ཁུ་དི་རི་རི་མང་པོ་བྱུང་བ་གཞན་རྣམས་ཀྱིས་ཐོས་སྟེ་སྤྲུལ་པ་རྣམས་ཀྱིས་སོ་ཕག་གིས་ར་སའི་འོག་ཁང་ཉིན་གཅིག་ལ་བརྩིགས་སྟེ་ན་བུན་སངས་ནས་བློན་འབངས་རྣམས་ཀྱིས་རྩིག་དུ་ཕྱིན་པ་ན་རྩིག་པ་ཟ…

རྣམས་བྱི་དོགས་པའི་ཁེབས་དགོས་ཟེར་ནས་ལས་ཀྱི་རྔ་བོ་ཆེ་བརྡུངས་པས་གྲོང་ཁྱེར་བ་རྣམས་རྒྱལ་པོས་དེ་ཙམ་བརྩིག་པ་ལ་ལས་རྔ་མ་བརྡུངས་ན་ད་མཚན་མོ་བརྡུང་བ་ཅི་ཡིན་ཟེར། དེར་གྲོང་བའི་རེ་ཕྱར་ཐམས་ཅད་བསྡུས་ནས་ཤིང་ལ་འགེབས་སུ་ཕྱིན་པས་སྲོད་སྟེ་ཀ་ལ་སྤྲུལ་པ་ལྔ་སྟོང་གིས་ར་སའི་ཐོག་ཕུབ་ཟིན་འདུག་སྟེ་སྟེང་ན་སྤྲུལ་པའི་མི་ལག་ན་ཕ་གུ་ཐ…

ནས་ཕྱིར་བྱོན་པ་དང་ཕྱི་སྒོའི་རྩེར་ཀླུའི་རྒྱལ་པོ་སངས་རྒྱས་བཅོམ་ལྡན་འདས་དཀར་པོ་མིག་གསུམ་པ་སྤྲུལ་མགོ་ཉི་ཤུ་རྩ་གསུམ་པ་ཅིག་གིས་ཞབས་ལ་བཏུགས་ནས་ཕྱག་བྱས་སྤྲུལ་ཞགས་དཀར་པོ་ཅིག་ཕུལ་ནས་རྒྱལ་པོ་ཆེན་པོ་ཁྱོད་ཀྱི་ལྷ་ཁང་འདི་སྟོང་གསུམ་གྱི་སྟོང་ཆེན་པོར་ངས་རྒྱས་པར་བསྐྱང་གིས་ངའི་གཟུགས་ཅིག་ཀྱང་མཛོད་ཅིག་ཟེར་མི་སྣང་བར་གྱུར།…

བྱེ་མའི་གླིང་ན་ཕར་ཞལ་གཏད་ནས་སོང་བས་ང་ཡང་རེ་མ་དགའ་ཞིག་བྱུང་ཟེར། ཁོང་རྣམས་ཀྱིས་བལྟར་ཕྱིན་པས་བྱེ་མའི་གླིང་ལ་ལྷ་རྣམས་ཀྱི་ཞབས་རྗེས་ལ་པདྨ་དམར་ལམ་ལམ་འདུག །དེར་རླུང་འཚུབ་བྱུང་བས་ཞབས་རྗེས་རྣམས་མ་གསལ། མིག་རྡུལ་གྱིས་གང་སྟེ་ཕར་ཅམ་ཚུར་ཅམ་བྱེད་པའི་ཚེ་དྲེའུ་དཀར་མོ་དེ་ར་ས་ལ་སྐོར་བ་བྱེད་ཅིང་སྐད་འདོན་སྣ་ས་ལ་སྣོམ་ཞ…

སོགས་ལྷག་མ་ཐམས་ཅད་མཛད། དེ་ཡང་ཐིལ་ཞལ་ཐམས་ཅད་བཻ་ཌཱུརྻ་སྔོན་པོ་ལྟར་ངང་པ་ཆུའི་རི་མོ་ཅན་ལ་སྟེང་གི་ཉ་དང་ཆུ་སྲིན་དང་བྱ་ལ་སོགས་པའི་རི་མོ་དང་འཕྲུལ་གྱི་གཟུགས་སྣང་བ། ཀ་བ་ཐམས་ཅད་རྡོ་རྗེ་ཕུར་བུའི་དབྱིབས། ཀ་གཞུ་གདུང་གདུང་ཁེབས་སོགས་བརྩེགས་ལེགས་ཅིང་དབྱིབས་སྣ་ཚོགས་པ་ཅན། སྟེང་འོག་གི་མཐོངས་ཀའི་ཕྱམ་སྣ་ཐམས་ཅད་ལ་སེང་…

ལ་མངོན་པའི་རྒྱུད་རིས། གདུང་རྩར་མདོ་སྡེའི་རྒྱུད་རིས། ཀ་བ་ལ་འདུལ་བའི་རྒྱུད་རིས་སྟེ་མ་འོངས་པའི་དབོན་སྲས་དང་རབ་བྱུང་གི་དོན་དུ་སྡེ་སྣོད་གསུམ་གྱི་རྒྱུད་རིས་བྲིས། ཕྱི་རབས་རྣམས་ཀྱིས་རིག་པའི་ཆོས་གོ་བར་བྱ་བའི་ཕྱིར་གག་སྤང་དང་ཀ་གཞུ་དང་གདུང་ཕྲན་སོགས་ལ་སྒྲུང་དང་ལྡེའུ་དང་བོན་ཤ་བ་ན་མཁའ་ལ་འགྲོ་བ་སོགས་བྲིས། བོན་གྱ…

ལྷ་ཁང་བརྒྱ་རྩ་བརྒྱད་སྒོ་རྒྱ་ནག་ལ་བསྟན་པ་མཛད་ཅིང་ཐམས་ཅད་ཀྱི་མཐའ་མར་མི་ཉག་རབ་སྒང་དུ་ཡོངས་རྫོགས་རབ་དགའི་ལྷ་ཁང་མཛད་དེ་མཐའ་འདུལ་ནས་འདིའི་བར་གྱི་ལྷ་ཁང་རེ་རེ་ལ་ཡང་ངོ་མཚར་བའི་ལོ་རྒྱུས་མང་དུ་ཡོད་པར་སྣང་ངོ༌། །དེ་རྣམས་ལོ་བཅུ་གསུམ་གྱིས་ཐིམ་སྟེ་རྒྱལ་པོ་ཕོ་བྲང་དུ་ཕེབས། ར་སར་སྤྱན་དྲངས་པས་མཐིལ་ཞལ་ཆུ་འདྲ་བའི་ནང་ན་འ…

སེམས་དཔའ་རྣམས་ཀྱིས་བདེ་ལེགས་སྩོལ། །རྣམ་དག་དྲི་མ་མེད་པ་རྒྱལ་བའི་བཀའ། །བསྡུ་བ་ནམ་བཞིས་དམ་ཆོས་རྒྱས་པར་མཛད། །རྒྱལ་སྲས་གནས་བརྟན་རབ་འབྱོར་ལ་སོགས་པ། །འཕགས་པའི་གནས་བརྟན་རྣམས་ཀྱིས་བདེ་ལེགས་སྩོལ། །གཞན་ཡང་ཕྱོགས་བཅུའི་ཞིང་ཁམས་ཐམས་ཅད་ཀྱི། །འདས་དང་མ་བྱོན་ད་ལྟར་བཞུགས་པ་ཡི། །སངས་རྒྱས་བྱང་ཆུབ་སེམས་དཔའ་ཐམས་ཅད་ཀྱིས། །…

རབ་གནས་ལྷུན་གྱིས་གྲུབ། །ཚངས་པ་ལ་སོགས་ལྷ་རྣམས་ཀྱིས། །སིལ་སྙན་རོལ་མོའི་སྒྲ་ཡང་འཁྲོལ། །མེ་ཏོག་མནྡྷའི་ཆར་ཕབ་པས། །བཀྲ་ཤིས་རབ་གནས་ལྷུན་གྱིས་གྲུབ། །སངས་རྒྱས་བསྟན་པའི་རྒྱལ་མཚན་བཙུགས། །ནག་པོའི་ཕྱོགས་ལས་རྣམ་པར་རྒྱལ། །བདུད་དཔུང་བཅོམ་པའི་མཐུ་དཔལ་གྱིས། །བཀྲ་ཤིས་རབ་གནས་ལྷུན་གྱིས་གྲུབ། །དམ་པའི་ཆོས་ཀྱི་རྔ་ཆེན་བརྡུང…