ཕོ་བྲང་ཀུན་ན་ཅིག་ཆར་སྣང༌། །ཡེ་ཤེས་སྒྱུ་མའི་འཕྲུལ་ཐབས་དྲག་པོ་ཡིས། །མི་དགེ་སྤྱོད་ནུབ་ཀུན་ཀྱང་དགེ་བཅུར་གནས། །དེ་ཚེ་ལི་ཡི་ཡུལ་གྱི་དགེ་ཚུལ་གཉིས། །བོད་ཡུལ་སྤྱན་རས་གཟིགས་དབང་དྲུང་སོང་ཞེས། །འཇམ་པའི་དབྱངས་ཀྱིས་མངོན་སུམ་ལུང་བསྟན་ནས། །བོད་ཡུལ་འོངས་པའི་མི་མོས་ཟློག་པའི་ཕྱིར། །དེ་ཀུན་སྤྲུལ་པའི་ཁྲིམས་ར་ཡིན་ནོ་ཞེས།…

གོས་ངུར་སྨིག་གྲུ་བཞི་གྱོན་པ་གཉིས་འགྲོ་ཞིང་ཡོད་སྟེ་ཁྲིད་ལ་ཤོག་གསུངས་སྟེ་སྤྱན་སྔར་ཁྲིད་ཕྱིན་པས་རྒྱལ་པོས་དེ་གཉིས་ཀྱི་ཞབས་ལ་ཕྱག་མཛད་དེ་ཁྱེད་གཉིས་གང་ནས་འདིར་ཅི་བྱེད་དུ་འོངས་གསུངས་པས་དེ་གཉིས་ན་རེ་བདག་ཅག་གཉིས་འཕགས་པ་འཇམ་དཔལ་གྱིས་ལུང་བསྟན་ནས་སྤྱན་རས་གཟིགས་བལྟར་མཆིས་པ་ལགས་སྟེ་ཟེར། འོ་ན་ཁྱེད་གཉིས་སྤྱན་རས་གཟི…

ལི་ཡུལ་ཐམས་ཅད་དུ་བོད་ཀྱི་རྒྱལ་པོ་ནི་སྤྱན་རས་གཟིགས་དངོས་སོ་ཞེས་གྲགས། དེ་གཉིས་ཕྱི་མར་དགྲ་བཅོམ་པ་ཐོབ་སྟེ་ཐེ་ཚོམ་ཟོས་པས་དངོས་གྲུབ་ཕྱི་མར་འགྱངས་པའོ། །འདི་ལ་འཇམ་དཔལ་བསྒྲུབས་པས་ང་དང་ལས་འབྲེལ་མེད་ཀྱིས་སྤྱན་རས་གཟིགས་ཀྱི་དྲུང་དུ་སོང་ཞེས་ཀྱང་སྣང་ངོ༌། །གུང་རི་གུང་བཙན་རྒྱལ་སར་དབང་བསྐུར་སྟེ། །དེ་ཡི་ལྷ་སྲས་མང་སྲོ…

བཻ་ཌཱུར་ལྷུང་བཟེད་ཟས་སྣའི་ཚོགས་ཀྱིས་བཀང༌། །གནོད་སྦྱིན་ཁང་སྦས་བཟའ་བཏུང་མ་ལུས་འབྱུང༌། ཁ་ཟས་ལྷག་པར་བཅུད་དང་ལྡན་པ་ཡིན། །ཟངས་ཆེན་གསེར་དང་རིན་ཆེན་ཚོགས་ཀྱི་བཀང༌། །དཀྱིལ་འཁོར་འོག་སྦས་མཆོད་དང་ཞིག་གསོའི་རྒྱུར། །སྐལ་བ་ཅན་ལ་སྨོན་ལམ་བཏབ་སྟེ་སྦས། །གཞན་ཡང་རིན་ཆེན་སྣ་ཚོགས་དུ་མ་རྣམས། །ནང་སྐོར་དུ་མར་དཔག་མེད་སྦས་པ་ཡི…

པར་རྟག་དུ་བཞུགས། །སྣ་ཚོགས་གཟུགས་འཛིན་ཕལ་གྱིས་རྟོགས་པར་དཀའ། །བོད་ཡུལ་ལྷ་ཁང་ཀུན་ལས་མངོན་པར་མཐོ། །ཡོན་ཏན་ཀུན་ལྡན་ལོངས་སྤྱོད་ཟད་པ་མེད། །མཐའ་བཞི་ལས་རྒྱལ་གྲགས་པས་གླིང་བཞི་ཁྱབ། །ཛམྦུའི་གླིང་ན་འགྲན་ཟླ་བྲལ་ལོ་གསུང༌། །འདི་ལ་འདུལ་བྱ་ཞབས་ཏོག་མཐའ་ནས་རྒྱས། །མཐའ་མི་དབང་འདུས་དཔལ་འབྱོར་མཁའ་དང་མཉམ། །མ་འོངས་དུས་ན་ང་ཡི…

པར་གྱུར། །གཞན་ཡང་བཙུན་མོ་ཕྱི་བློན་ནང་བློན་དང༌། །བོད་འབངས་བྱིས་པ་ཡན་ལ་ཞལ་གདམས་གསུངས༌། །ཐམས་ཅད་ཡི་གེ་དྲུག་པའི་ཆོས་ལ་བཀོད། །དེ་རྣམས་ཐོན་མི་སོགས་ཀྱིས་ཡི་གེར་བྲིས། །མ་འོངས་སྐལ་ལྡན་དོན་དུ་གཏེར་དུ་བཞག །སྤྲུལ་པའི་རྒྱལ་པོའི་ངོ་མཚར་མཛད་པ་རྣམས། །ཀ་བ་བུམ་པ་ཅན་ལ་ཉེ་བར་སྦས། །བཀའ་ཆོས་ཟབ་མོའི་གདམས་པ་དེ་རྣམས་ཀྱིས། …

ཁྱད་པར་དབོན་སྲས་དམ་པ་མང་སྲོང་ལ། །ཐུགས་ཀྱི་གསང་མཛོད་གབ་པ་མངོན་དུ་ཕྱུང༌། །གཞན་ཡང་མ་འོངས་རྒྱ་ཆེར་ལུང་བསྟན་མཛད། །དེ་ནས་ནང་པར་ཉི་མ་ཤར་བ་དང་དབོན་སྲས་ཀྱིས་དབུ་རྩེའི་ཡང་ཐོག་དུ་རང་གི་ན་བཟའ་ལ་སྟན་བྱས་སྟེ་ཞལ་ཟས་མང་པོ་དྲངས་སྟེ་ཕྱག་བྱས་ནས། སངས་རྒྱས་ཀུན་གྱི་འཕྲིན་ལས་དང༌། །སྣང་བ་མཐའ་ཡས་ཐུགས་རྗེ་ལས། །བདེ་བ་ཅན་ནས་ཕ…

འབྲས་བུའི་མིང་དུ་བཏགས་པ་ཡིན། །རྩོལ་མེད་འགྲོ་དོན་བྱེད་པ་ལ། །ཐུགས་རྗེའི་མིང་དུ་བཏགས་པ་ཡིན། །དེ་ལ་སྐྱོ་དུབ་མེད་པ་ལ། །ཆེན་པོའི་མིང་དུ་བཏགས་པ་ཡིན། །འགྲོ་དོན་མཛད་ཀྱང་སྐྱོན་མ་གོས། །འཕགས་པའི་མིང་དུ་བཏགས་པ་ཡིན། །སྙིང་རྗེས་དབང་དུ་འདུས་པ་ལ། །རྒྱལ་པོའི་མིང་དུ་བཏགས་པ་ཡིན། །འགྲོ་བའི་ཁ་ལོ་སྙོམས་པ་ལ། །སྲོང་བཙན་མིང་…

ཝལ་ལེ་བ། །བློ་ལས་འདས་པའི་ཡུལ་ལ་ལྟོས། །ཚིག་ལས་འདས་པའི་དོན་ལ་ལྟོས། །བཟང་ངན་མེད་པའི་དབྱིངས་ལ་ལྟོས། །ཕྱི་ནང་མེད་པའི་སེམས་ལ་ལྟོས། །ཕོ་མོ་མེད་པའི་རྒྱུད་ལ་ལྟོས། །གཉིས་འཛིན་བྲལ་བའི་དོན་ལ་ལྟོས། །དོན་ཞེས་བྱ་བ་བློ་ལས་འདས། །འདས་པའི་རྗེས་སུ་མ་འབྲང་བར། །བརྗོད་ཚིག་བྲལ་བའི་ངང་ལ་ལྟོས། །བལྟས་པས་མཐོང་བའི་ཡུལ་མེད་ཀྱི། …

ཡུལ་ལ་ཕྱི་ནང་མེད། །དངོས་པོ་མེད་ལ་ཕོ་མོ་མེད། །རེ་དྭོགས་སྤངས་པས་སྐྱོན་དང་བྲལ། །འདོད་པ་མེད་པས་ཐོབ་པ་མེད། །རྩོལ་བ་མེད་པར་སྐྱོན་རྣམས་སྤངས། །འབྲས་བུ་ལ་རེ་བ་མེད་པས་སངས་རྒྱས་ཀྱི་འདོད་པ་ཅིག །བསམ་བརྗོད་བློ་ལས་འདས་པས་སྨྲ་བའི་ངག་དང་བྲལ། །དེ་ལྟར་དུ་རང་དབང་ཐོབ་ཙམ་ན་རྒྱུད་པ་རང་གིས་ཟིན། གྲོལ་ཆ་ནང་ནས་རྙེད། གཟུང་འཛ…

བས་རྟག་ཆད་རང་སར་དག །གཉིས་འཛིན་རང་སར་གྲོལ་བས་རེ་དོགས་ཀྱི་མཐའ་སྤངས། ཞེན་འཛིན་རང་སར་གྲོལ་བས་སྐྱེ་མེད་རང་སར་ཟིན། རྟོག་མེད་ནང་ནས་མཐོང་བས་དགྲ་བགེགས་རང་སར་འཐུལ། འོ་འདི་ལྟར་རིག་པ་རྒྱ་ཡན་གཉེན་པོ་མེད་པ་ལ་ཡེ་ཤེས་རང་སྣང་གི་སྤྱོད་པ་ཟེར་བ་ཡིན་ནོ། །རྟོག་མེད་རང་ལུགས་གནས་པ་ལ་སྤང་བླང་མེད་པ་ཟེར་བ་ཡིན་ནོ། །ཡེ་ཤེས་ནང…

འདུལ་ན་རྩ་བྲལ་སྙིང་རྗེ་སྐྱེད། །ཕྱི་མ་བདེ་འབྲས་འདོད་ན་ད་ལྟ་དཀའ་བ་ཆོད། །འགྲོ་བ་དབང་དུ་སྡུད་ན་བདག་པས་གཞན་གཅེས་གྱིས། །སྙོམ་ལས་ལེ་ལོ་དྲན་ན་འཆི་བ་མི་རྟག་སྒོམས། །ཆགས་ཞེན་འཛིན་པ་བྱུང་ན་རྨི་ལམ་སྒྱུ་མར་སྦྱོངས། །བར་ཆད་བདུད་ཀྱིས་བྲེད་ན་རང་སེམས་གཏན་ལ་ཕོབ། །ལྷ་ཆོས་ཚུལ་བཞིན་བྱེད་ན་ཆོས་མིན་ཐམས་ཅད་སྤོངས། །ང་དང་ཡུན་ད…

སུ་གྱུར་ཙ་ན། །རྒྱ་ཆེན་མཆོད་པ་བཤམས་ནས་ནི། །མོས་གུས་གསོལ་འདེབས་གཅེས་པ་ཡིན། །དེ་ལྟར་བྱེད་ན་ཅུང་ཞིག་གནས་པར་གྱུར། །ནང་གི་ལྷ་སོས་ཕྱི་ཡི་རགས་ལ་ཕན། །ཕྱི་ཡི་རགས་སོས་ནང་གི་ལྷ་རྣམས་རྒྱས། །མཆོད་པ་བཤམས་ཤིང་གསོལ་བ་བཏབ་པ་ན། །བོད་འབངས་བསམ་པ་ཐམས་ཅད་འགྲུབ་པར་འགྱུར། །དུས་ཀྱི་མཐའ་ལ་སྡིག་སྤྱོད་མང་འབྱུང་ཡང༌། །ང་ཡི་ལྷ་ས་མ…

ཆོས་ཀྱི་ཕོ་བྲང་གཉིས་པ་ཡིན། །ཉན་ཐོས་རང་རྒྱལ་དམན་པའི་སྒྲ་མེད་ཀྱང༌། །ཐེག་ཆེན་ལམ་ལ་སྐྱེ་བོ་ཐམས་ཅད་སྤྱོད། །དེ་ཕྱིར་ཀུན་གཟིགས་རྒྱལ་པོའི་ཞིང་ཁམས་དངོས། །རྟོག་གེས་དྲེགས་པའི་མཁས་རློམ་མེད་ན་ཡང༌། །ཆོས་ཀུན་རྟོགས་པའི་འཕགས་པ་བགྲང་ལས་འདས། །དེ་བས་བདེ་བ་ཅན་གྱི་ཞིང་ཁམས་འདྲ། །གསང་སྔགས་བོན་གྱེར་ཟས་འཚོལ་མེད་ན་ཡང༌། །སྐྱེད…

སྲོལ་ཉམས་པ་རྣམས་སླར་ཇོ་བོས་གསལ་བར་མཛད་པ་ཡིན་གྱི་སྔོན་མེད་པ་ག་ལ་ཡིན་སྟེ་ཇོ་བོ་ཉིད་ཀྱང་ཁྲི་སྲོང་ལྡེ་བཙན་གྱི་དུས་ཀྱི་བསྟན་པ་ལྟ་བུ་རྒྱ་གར་དུ་ཡང་མ་བྱུང་བར་འདུག་ཅེས་ཡི་རངས་མཛད་པར་བཤད་ཅིང་དམན་ལམ་གྱི་སྡོམ་པས་མ་ཟིན་པས་སྡོམ་པའི་དགེ་བ་མེད་པར་འདོད་ན་ཐེག་ཆེན་ཁོ་ན་སྟོན་པའི་སངས་རྒྱས་ཀྱི་ཞིང་ཐམས་ཅད་ན་སྡོམ་པའི་དགེ་བ…

ཉིན་དབོན་སྲས་མང་སྲོང་གི་སྤྱི་བོར་ཕྱག་བཞག་སྟེ་བཀའ་བསྩལ་པ། རིགས་ཀྱི་བུ། ངས་ནི་རྒྱལ་ཁྲིམས་ཆོས་ཁྲིམས་སུ་བསྒྱུར་ནས་སངས་རྒྱས་ཀྱི་བསྟན་པ་དར་བར་བྱས། བོད་འབངས་དགེ་བ་ལ་བཀོད་པ་ཡིན་ནོ། །ཁྱོད་ཀྱིས་ཀྱང་ངའི་རྒྱལ་སྲིད་འདི་མ་ཉམས་པར་ཆོས་བཞིན་དུ་སྐྱོངས་ཅིག །ངའི་གཙུག་ལག་ཁང་འདི་གཉིས་ཀྱི་ཞབས་ཏོག་ཁྱོད་ཀྱིས་གྱིས་ལ་དར་དུ…

ཆེམས་འདི་རྟེན་ལ་ཐིམ་ཀར་བློན་པོ་སྣ་ཆེན་པོ་ལ་གསུངས་པར་བཤད་ལ་ཀ་བཀོལ་མ་ཐང་ཡིག་གབ་པ་མངོན་ཕྱུང་མྱ་ངན་འདས་ཆུང་རྣམས་ན་ཚིག་ཟུར་དང་མང་ཉུང་མི་འདྲ་བར་སྣང་ངོ༌། །དེ་ནས་རྒྱལ་པོ་ཆེན་པོ་འཕྲུལ་སྣང་དུ་གཤེགས་སྟེ་དཀྱིལ་འཁོར་གྱི་སྟེང་དུ་ཁྲི་ལ་བཞུགས་ནས་ཁྱེད་བློན་པོ་བཅུ་དྲུག་པོ་ལས་བཞིས་མགྲོན་བོས་ཅིག །བཞིས་ཤ་འཚོལ་བཞིས་ཆང་འ…

ཕྲད་པ་དང་ཁྱད་པར་མེད་ཏོ་ཅེས་བྱུང་ངོ༌། །དེ་ནས་རྒྱལ་པོས་ལྷ་གཅིག་གཉིས་ཀྱི་སྤྱི་བོར་ཕྱག་བཞག་པ་དང་བལ་མོ་བཟའ་ཁྲི་བཙུན་པདྨ་དཀར་པོ་འདབ་མ་བརྒྱད་པ་ཧཱུྃ་ཡིག་གིས་མཚན་པ་ཅིག་དུ་གྱུར། རྒྱ་མོ་བཟའ་ཀོང་ཇོ་ཨུཏྤལ་སྔོན་པོ་འདབ་མ་བཅུ་དྲུག་པ་ཧཱུྃ་ཡིག་གིས་མཚན་པ་ཅིག་དུ་གྱུར་སྟེ་རྒྱལ་པོའི་ཕྲག་པ་གཡས་གཡོན་ལ་ཐིམ་རྒྱལ་པོས་དབུའི་ཐ…

གྲི། །རྡོ་རྗེ་མེ་ཤེལ་ཆུ་ཤེལ་གཞུ། །ལྕུག་མ་བསྣམས་ལ་ཕྱག་འཚལ་ལོ། །རྔ་ཡབ་ཕུབ་དང་བུམ་པ་བཟང༌། །དགྲ་སྟ་ཕྲེང་བ་པདྨ་སྔོ། །སྤྱི་བླུགས་ཉི་མ་ཆུ་སྐྱེས་དཀར། །སྙེ་མ་བསྣམས་ལ་ཕྱག་འཚལ་ལོ། །གཡོན་གྱི་ཡན་ལག་བཅུ་དགུ་ན། །སྤྲིན་དཀར་སྤྱི་བླུགས་པདྨ་གྲི། །དུད་ཐོད་ཕྲེང་བ་དྲིལ་བུ་དང༌། །རྡོ་རྗེ་བསྣམས་ལ་ཕྱག་འཚལ་ལོ། །ལྕགས་ཀྱི་འཁར་ས…

ཐུགས་རྗེའི་ལྕགས་ཀྱུས་བཟུང་དུ་གསོལ། །ཞེས་གསུངས་ནས་ཐུགས་ཀར་དབུ་བཏུགས་སྟེ། འཕགས་པ་ཁམས་གསུམ་འཁོར་བ་ན་འཁྱམས་པའི་སེམས་ཅན་ཉམ་ཐག་པ་རྣམས་ལ་གཟིགས་ཅིག་ཞེས་ཐུགས་རྗེ་དྲག་དུ་གཡོས་པའི་རླབས་འབྱིན་ཞིང་གསོལ་བ་དྲག་དུ་བཏབ་པའི་མོད་ལ་རྒྱལ་པོ་འོད་ཀྱི་གོང་བུར་གྱུར་སྟེ་བྱེ་མ་ལ་ཆུ་ཐིམ་པ་ལྟར་རང་བྱུང་བཅུ་གཅིག་ཞལ་གྱི་ཐུགས་ཀར་ཐ…