ལ་མནར་སེམས་གནོད་སེམས་བྱེད་པ་སྣ་ཚོགས་བྱུང་ཡང་ལྷ་མོ་འོད་ཟེར་ཅན་གྱི་གཟུངས་ཀྱི་ཡོན་ཏན་བཞིན་ལེགས་པ་ཕུན་སུམ་ཚོགས་པ་ལྔ་ལྷུན་གྱིས་གྲུབ་ཅིང་རབ་འབྱམས་བཀའ་ལ་ལུང་ཆེན་ཐོབ་པས་བསྟན་པ་རྒྱ་མཚོ་མཐའ་ཡས་དང་ཡེ་ཤེས་རྒྱ་མཚོ་མཐའ་ཡས་མན་ཆད་ཚིག་བཞིའི་ཚིགས་སུ་བཅད་པ་ཡན་ཆད་ལ་བཀའ་འགྱུར་རོ་འཚལ་གཉིས་ཙམ་འཛམ་གླིང་ཁྱབ་པར་བསྟན་ཅིང་དེ་ར…

བཀའ་རྒྱུད་ཀྱི་རྒྱལ་ས་ཟིན་པའི་གྲུབ་ཐོབ་མཐའ་ཡས་པ་བྱུང༌། ཡང་རྡོ་རྗེ་འཆང་དང་བླ་མེད་ཀྱི་ལྷ་ཚོགས་ཀྱི་འོད་ཟེར་སྔོན་པོས་མ་ཁྱབ་པ་མེད་པ་དང༌། བུད་མེད་རུས་རྒྱན་ཅན་མང་པོས་ཡེ་ཤེས་ཀྱི་བདུད་རྩི་ཕྱོགས་མེད་དུ་འཐོར་བ་དང༌། དཔའ་བོ་མཁའ་འགྲོ་རྣལ་འབྱོར་ཕོ་མོའི་ཚོགས་འོད་དང་གཟུགས་བརྙན་གྱི་ཚུལ་དུ་ཁྱབ་པས་ད་དུང་ཕྱི་མཐའི་བར་ད…

ལྟ་ཅི་ཞིག་སྨོས། ཡང་མནལ་ལམ་ན་ཡུལ་ཆེན་པོ་མཐའ་ཡས་པ་མཐོ་དམན་མང་དུ་སྣང་བ་ལ་ཟམ་པ་ཕྲ་མོ་མང་དུ་ཡོད་པ་བྲུལ་ན་གནམ་ས་ཙམ་དུ་འགྲོ་དགོས་པ་འདུག་པའི་ཚེ་ཏིང་ངེ་འཛིན་ཡེ་ཤེས་ཀྱི་རྩལ་གྱིས་སྐད་ཅིག་མ་བསྐལ་པར་བྱིན་གྱིས་བརླབས་སྟེ་མཐོ་ཞིང་མཐོ་བའི་རྩེ་མོར་ཕྱིན་པ་ན་དྭགས་ལྷ་སྒམ་པོ་ཡིན་ཟེར་བའི་རིན་པོ་ཆེའི་རི་དབུ་རྒྱན་པྲོག་ཞུ་ད…

ནས་བཟུང་སྟེ་མྱ་ངན་ལས་འདའ་བར་བཞེད་པའི་གསུང་མང་དུ་བྱོན། དེའི་ཚེ་གྲུབ་ཐོབ་ཆེན་པོ་ཨོ་ཌྱན་པ་དགུང་ལོ་ང་གསུམ་པ་ཅིག་དབུས་གཙང་གི་འགྲོ་དོན་ཆེན་མོ་ལ་བྱོན། གཙང་ཕྱོགས་སུ་ཐན་མོ་ཆེ་བྱུང་བ་གར་ཕེབས་སུ་ཆར་པ་བབ་པས་ཞི་བར་མཛད། དྲག་པོའི་སྦྱིན་སྲེག་གིས་བགེགས་ཐམས་ཅད་འདུལ་ཞིང་བྱོན། རོང་ཆེན་དང་སིལ་མ་ལ་ནས་འབྱོན་པར་དགོངས། …

ཚིས་འདུག་སྟེ་ངའི་བྱང་ཆུབ་ཀྱི་སེམས་ཀྱིས་རང་དབང་མེད་པར་བཀུག་པ་ཡིན་ཨེ་ཤེས་གསུངས། ཀ་ཏོ་ར་ནས་ཀྱིས་བཀང་བ་རྒྱལ་བ་རྒྱ་མཚོའི་སྦ་ཅག་གིས་དཀྲུགས་ནས་སྤྱི་བོར་བཞག་སྟེ་དབང་བསྐུར། ཞག་གསུམ་དུ་གདམས་ངག་མཐའ་ཡས་པ་གནང༌། ཁྱེད་ཀྱི་བརྒྱུད་པ་ལ་ཞྭ་ནག་ཅན་དུ་མཆི་ཞུས་པས། སྤྱིར་གང་བྱས་ཉན། གྱ་བ་གངས་པས་གུ་བ་བྱས། དེའི་སྐྱེ་མཆེད་…

ཚང་ཞིག་གཡར་དགོས་པར་འདུག་པས་དེ་ཐོང་ཞིག་གསུང༌། ཁོང་གིས་ཀྱང་མ་གོ་བར་གཞན་ལ་སྨྲས་པས་ཁྱོད་རང་གར་སྡོད་མེད་པ་ལ་གནས་ཚང་གར་འོངས་ཟེར་ནས་བཞད་གད་དུ་སོང་སྐད། སྤྱིར་རྟ་ལོ་སོགས་ལ་ནད་བགེགས་ཀྱི་རྐྱེན་མང་དུ་བྱུང་བ་ཐམས་ཅད་ལྷན་སྐྱེས་ཡེ་ཤེས་སུ་རོ་སྙོམས་པས་ཞག་བཞི་བཅུར་ཞི་ཁྲོ་རབ་འབྱམས་ཀྱི་དཀྱིལ་འཁོར་ལྷུན་གྲུབ་ཏུ་བྱུང་བའང…

མཁྱེན་པའི་དགོངས་པ་རྫོགས་པར་བྱས་པ་ཡིན། འཛམ་གླིང་གི་བྱ་བ་སྐོར་གཅིག་ཚར་ཉི་མ་དོ་ནུབ་ནུབ་ཀྱང་སང་འཆར་བ་བཞིན་རེ་ཞིག་འདི་ནས་མི་སྣང་བར་གྱུར་ཀྱང་འཕྲིན་ལས་ཀྱི་དབང་གིས་གདུལ་བྱ་དང་མཐུན་པར་སྤྲུལ་པའི་སྐུ་ཤེས་བྱ་ཀུན་ལ་མཁས་པ་ཅིག་གནམ་ནས་བྱ་བབས་པ་བཞིན་མྱུར་དུ་འོང་ངོ་ཞེས་གསུངས། ཡང་དབོན་རིན་པོ་ཆེ་ལ་སྤྲུལ་པའི་སྐུ་འདིར་…

ཞྭ་དམར་བ། ཞྭ་ཁྲ་བ། སྟག་མགོ་བ། གཟིགས་མགོ་བ། དོམ་མགོ་བ། སྤྱན་སྔ་སྟག་ཤོད་པ། འཇམ་དབྱངས་བློ་གྲོས་སེང་གེ། དབོན་རིན་པོ་ཆེ། བྱང་སེམས་རྒྱལ་བ་ཡེ་ཤེས། གནམ་མཚོ་བ་ཆེན་པོ། གྲུབ་ཐོབ་གཉན་རས་ལ་སོགས་པ་རྟོགས་ལྡན་རྣལ་འབྱོར་གྱི་དབང་ཕྱུག་མཐའ་ཡས་པ་བྱོན་ནོ། །དེ་ལྟར་སློབ་མ་མཐའ་ཡས་ཀྱང་སྐུ་སྐྱེ་བ་ཕྱི་མའི་འདྲེན་པར་མངགས་ཤིང་…

བསྙེན་པར་རྫོགས་སྟེ་འདུལ་བ་མཐའ་དག་གསན་ཞིང་ལོ་བཅུ་གཉིས་སུ་སྟན་གཅིག་གི་བརྟུལ་ཞུགས་མཛད། ཁུ་བོ་གོ་ལུང་པ་ན་མཁའ་རྒྱལ་མཚན་སོགས་ལ་དུས་འཁོར་ཆག་ལུགས་རྭ་འབྲོ་སོགས་ཀྱི་ལུགས་མང་དུ་གསན། ཁྱད་པར་དུས་འཁོར་བ་སངས་རྒྱས་རྡོ་རྗེས་ལ་ཙ་མི་ལུགས་གསན། དུས་འཁོར་ལ་མཁས་པ་ཐམས་ཅད་ལ་གཏུགས། ཡན་ལག་དྲུག་གི་རྣལ་འབྱོར་སྨར་ཁྲིད་དུ་མཛད…

མ་ལོན་གྱི་བར་འགྲོ་དོན་མ་བྱེད་གསུངས་པ་ལྟར་ཨོ་ཌྱན་གྱི་མར་ལམ་མང་ཡུལ་གྱི་བདག་པོ་བླ་ཆེན་དེ་ཁྱིམ་གྱིས་བཞུགས་པར་ཞུས་ཀྱང་མ་གནང༌། རྗེ་རྒོད་ཚང་པ་གཤེགས་པ་ལམ་དུ་མཁྱེན་འོད་གསལ་གྱི་ངང་དུ་མཇལ་ཞིང་སྙེ་མདོ་ཐམས་ཅད་མཁྱེན་པའི་སྲས་ཀུན་དགའ་འོད་ཟེར་དུ་འཁྲུངས་པ་གཟིགས། རྒྱ་གར་རྡོ་རྗེ་གདན་དུ་བྱོན། ཛྙཱ་ན་གརྦྷེ་སོགས་བཞིས་མ་…

གཅེས་ཕྲུག་བརྒྱད་བཅུ་ལ་སོགས་པའི་གྲུབ་ཐོབ་བྱུང་སྟེ་ངས་བསྙེན་སྒྲུབ་བཏབ་ན་ལུང་པ་གྲུབ་ཐོབ་ཀྱིས་འགེངས་པར་འདུག་ཡང་ཚེ་ལ་ཡང་གཟན། བཀའ་རྒྱུད་ཀྱི་ཁྲིད་སྲོལ་ལ་ཅུང་ཟད་གནོད་པར་འདུག་གསུངས་ནས་གཙོ་བོར་རྗེ་དྭགས་པོའི་ཕྱག་ཆེན་གསུངས། ཧོར་རྒྱལ་པོ་སེ་ཆེན་གྱིས་བོད་ལ་ལམ་བྱས་ནས་བལ་པོ་དང་རྒྱ་གར་ལ་དམག་འདྲེན་པའི་ལམ་ལྟ་བའི་གསེར…

མེད་དབྱེར་ཡོད་སྟེ་མ་ཕྱེ། རྒྱུད་སྡེ་ནས་གསུངས་པའི་གསེར་འགྱུར་བྱས་ན་ལྕགས་ཐམས་ཅད་གསེར་དུ་འགྱུར་གསུངས་པས་རྒྱལ་པོས་གཅིག་སྟོན་དང་ཟེར་གཤའ་ཙེ་དཀར་པོ་དངུལ་དུ་བསྒྱུར་ལྕགས་གསེར་དུ་བསྒྱུར་སྟེ་བསྟན་པས་ངོ་མཚར་ཆེ་སྟེ་ངའི་མཛོད་ཆུད་འཛའ་སུ་ལ་ཡང་མ་བསྟན་ཞིག་ཟེར། མི་ཆེན་དུ་མ་ལ་བདེ་མཆོག་གི་དབང་བསྐུར་མཛད་པས་འབུལ་བ་དུ་མ་བ…

དུ་འོང་ང་ལ་སློབ་མ་གྲུབ་པ་ཐོབ་ངེས་པ་ལྔ་དྲུག་ཞིག་འོང༌། གཅིག་རྩོད་པ་མེད་པའི་སྤྲུལ་སྐུ་ཞིག་འོང་ཞེས་གསུངས་པ་བཞིན་སློབ་མའི་གཙོ་བོ་ནི་རྩོད་མེད་ཀྱི་སྤྲུལ་སྐུ་རྗེ་རང་བྱུང་རྡོ་རྗེ། གཞན་སྙེ་མདོ་བ་སྐུ་མཆོད། གཡའ་བཟང་གི་ཆོས་རྗེ་དྲིན་ཅན་མཁར་ཆུ་བ། གླང་འཁོར་གྱི་འཇམ་དབྱངས་བསོད་ནམས་འོད་ཟེར་སྟེ་ཡོངས་གྲགས་ཀྱི་སྲས་བཞི…

ཇི་ལྟར་བྱོན་པ་ནི། འདི་ཕྱིན་རྣམ་ཐར་བར་དོ་མ་དང་བསྲེས་ནས་བརྗོད་པར་བྱ་སྟེ། མྱ་ངན་ལས་འདས་པའི་སྐད་ཅིག་ལ་དགའ་ལྡན་དང་ལྷའི་གནས་ཐམས་ཅད་དུ་སྐུའི་བཀོད་པ་ཅིག་ཆར་དུ་སྣང་བ་ལ་མཆོད་སྤྲིན་མཐའ་ཡས་པས་མཆོད་པས་ཅུང་ཟད་ཡེངས་པ་ལྟར་གྱུར། ཞག་བརྒྱད་འདས། དེ་མ་ཐག་སྙིང་རྗེ་ཆེན་པོས་བུ་སློབ་ལ་གཟིགས་སྟེ་སྐུ་གདུང་ལ་འཇུག་པར་བཞེད་སྟ…

བྱམས་པའི་དུས་སུ་ངག་བཞིན་སྒྲུབ། །ཅེས་གསུངས་པས་དེ་རྣམས་ན་རེ། ངེད་རྣམས་མི་ཡུལ་མཐིལ་ནས་འོངས། །ཡིན་པ་ཞིང་སྐྱོངས་མཁའ་འགྲོ་ཡིན། །ཁྱེད་ལ་བསྐུལ་མ་མི་འཚལ་ཡང༌། །སེམས་ཅན་དོན་དུ་སྐུལ་དུ་འོངས། །བརྩེ་བའི་ཡུལ་ལ་མི་བརྩེ་ན། །ཐུགས་རྗེའི་མངའ་བདག་ཇི་ལྟར་ལགས། །ཅེས་ཟེར་ནས་སྡེ་ཚན་སོ་སོས་མིང་དང་སྲོག་སྙིང་ཕུལ་བ། གསང་བ་རྡོ་…

འཁྲུལ་སྣང་ཡིན་དགོངས་སྟེ་བཤིག་ཡང་འཕྲོར་མ་འདོད་ནས་ལན་གསུངས་པ། བདག་འཛིན་རྣམ་རྟོག་བྲག་པས་སྲ། །ང་རྒྱལ་རི་བོ་གནམ་ལས་མཐོ། །འདི་ལ་ཐོས་པའི་གཟོང་བཙུགས་སྟེ། །སྒོམ་པའི་རྒྱོགས་རྡོ་འཕངས་ལགས་ཀྱང༌། །འཇིག་པས་སེར་ཀ་ཅུང་མ་མཐོང༌། །འགྲོ་དྲུག་སྐུ་ཁམས་ཅི་བདེར་བཞུགས། །ཞིང་སྐྱོང་ཇི་ལྟར་དགྱེས་དགྱེས་མཛོད། །ཅེས་གསུངས་པ་དང༌། …

ནི་འགྲན་སེམས་ཆེ། །འགྲོ་དྲུག་ཀུན་ཡང་རྒྱུད་ངན་རེངས། །དེ་ལ་ཕན་ཐབས་མི་གདའ་བས། །ཁྱེད་ལ་བསྐུལ་མ་ཅིས་ཀྱང་འདེབས། །ཅེས་ཟེར་རོ། །དེ་ནས་ཐུགས་རྗེས་ཆེན་པོ་གཡོས་སྟེ་ལན་གསུངས་པ། དལ་འབྱོར་མི་ལུས་བླང་ས་མེད། །མཚན་ལྡན་བླ་མ་རྙེད་པར་དཀའ། །རྙིགས་དུས་མངལ་དེ་གྲིབ་རེ་ཆེ། །འདས་མ་འོངས་ཀྱི་དྲན་པ་སྟོར་ནས་འགྲོ། །སེམས་ཅན་འགྲོ་དོ…

རིན་ཆེན་འཇའ་ཡི་ལམ་སྣ་བདོག །དལ་འབྱོར་མི་ལུས་བླང་ས་བདོག །མང་ཡུལ་བཀྲ་ཤིས་གུང་ཐང་ན། །ཇོ་མོ་བཀྲ་ཤིས་གཡུ་ཆུང་མ། །ཞུར་མོ་གངས་ཀྱི་མདུན་ཤེད་ན། །འོམ་ལུང་བཀྲ་ཤིས་འཁན་ཐང་དུ། །ཕ་ཏིག་ལེ་འོད་གསལ་ཁང་པ་བདོག །རྩ་ཕུ་རིན་ཆེན་ཆེ་བའི་གངས། །ཕུ་གསུམ་འཛོམ་པའི་ཀླུང་ཤོད་ན། །རྩ་ལུང་མི་ལའི་འཁྲུངས་ས་བདོག །ལྷོ་རི་དམར་སྨུག་མདངས…

ནག་པོ་ཅན་ཤར་ཕྱོགས་ཀྱི་ན་མཁའ་ལ་བྱོན་སོང་བར་གཟིགས་སྟེ་སྤྱན་ཆབ་བྱུང༌། བཞུགས་པར་ཞུས་པས་ད་རེས་ཅིས་ཀྱང་འགྲོ་མྱུར་དུ་འཕྲད་འོང་གསུངས་ནས་བཞུད་པ་གཟིགས། མདང་རྨི་ལམ་ངན་རིན་པོ་ཆེ་ཀརྨ་པ་མི་བཞུགས་པ་འདྲ་གསུངས་ནས་མཆོད་པ་ཆེན་པོ་མཛད་ཏོ། །དེ་ལྟར་རྙིགས་དུས་ཀྱི་འདྲེན་པ་གཅིག་པུ་བ་ཐམས་ཅད་མཁྱེན་པ་རང་བྱུང་རྡོ་རྗེ་དེ་ནི་ལ་ས…

བསྐལ་པ་རྒྱ་མཚོར་བཟོད་པ་དང་བྱམས་པ་ལ་གོམས་པའི་ཕྱིར་དང་ཚོགས་གཉིས་སུ་དང་ཡང་མི་མཚུངས་པའི་ཕྱིར་ཁྱེའུ་དེ་སུས་མཐོང་ཡང་ངོ་མཚར་གྱི་མིག་བགྲད་སྟེ་ཨེ་མ་འདི་རྨི་ལམ་མིན་ན་རུང་སྟེ་ཞེས་སེམས་པ་དང་མཆོད་པའི་འཚོགས་ཆས་སྣ་ཚོགས་ཀྱིས་མཆོད་ཅིང་སྙན་པར་གྲགས་སོ། །རེ་ཞིག་བཏང་སྙོམས་པ་ལྟར་མཛད་ནས་དགུང་ལོ་གསུམ་པ་ལ་ཕྱིང་པ་ནག་པོ་ལ་ཞྭ་…