མ་སེམས་དཔའ་ཆེན་པོ་གསེར་ཁང་པ་དེར་གྲལ་དབུ་ལ་བྱོན་པས་དྲི་བ་ཞིབ་ཏུ་ཞུས་པ་ན་རྣམ་ཐར་བར་དོ་མ་གསུངས་སྟེ་ཁོང་གིས་ཡི་གེར་བཏབ་ཅིང་ཞབས་གཙུག་དུ་བླངས། གླང་འཁོར་སྤྱོད་མཆོད་ཀྱི་དུས་སྐུ་གདུང་ཀ་རུ་ལ་ངོ་མཚར་གྱིས་གཟིགས་སྣང་དུ་མ་དང་འོད་ཟེར་རང་ཉིད་ལ་ཐིམ་པར་གཟིགས་ཤིང་ཡབ་ལས་ཞི་བྱེད་སོ་ལུགས་དང་རྒྱུད་ཕྱི་གསན། ཤེལ་གྱི་ཁྲི་ར…

ཆེན་པོ་འོང་བར་འདུག་གསུངས། ཁྲི་ཆེན་པོ་དེ་ལ་ཤད་ཀྱིས་བྱོན་ནས་བཞུགས། ཁྱོད་སུ་ཡིན་གསུངས་པས་ཕྱག་ན་མཁའ་ལ་བརྐྱངས་སྟེ་ང་ནི་མིང་ཡོངས་སུ་གྲགས་པ་ཀརྨ་པའོ་གསུངས། སྔོན་གྱི་མཇལ་ལུགས་ཤོད་ཅིག་གསུངས་པས། ལ་སྟོད་ཀྱི་བན་བཙུན་ཨོ་ཌྱན་པ། །ཁོ་བོའི་མདུན་དུ་འོངས་ནས་ཀྱང༌། །རྒྱ་གར་ཤར་ནུབ་ཀྱི་གླེང་མོ་གཏོང༌། །རྡོ་རྗེ་གདན་གྱི་བཀ…

འཕར་ཚང་གི་གྲོང་འཇུག་གི་ཚུལ་གསུངས། བདེན་བརྫུན་ལྟ་གསུངས་ནས་འཕྲལ་དུ་མི་བཏང་བས་ངེས་པ་འདྲོངས། མངལ་དུ་ཕྱི་རོལ་གྱི་ཡུལ་མ་བསྒྲིབས་པར་གཟིགས་པ་དང༌། ཡུམ་གྱིས་འདི་སྐད་ཅིག་ཀྱང་མི་སྡོད་པར་འདུག་པས་བུ་མོར་འོང༌། ཡབ་ཀྱི་རྨི་ལམ་ལས་བུར་འོང་ཟེར་བ་གསན་གསུངས་པས་ཡབ་ཡུམ་བོས་གདོང་འཛོམ་མཛད་པས་ཀུན་ཡིད་འཆེས་སྟེ་རྒྱ་གར་དུ་སང…

དུ་ལྷ་འདྲེ་དཔག་མེད་ཀྱིས་བསུ་ཞིང་འདུད་པ་དང་དབང་དུ་འདུས་ཤིང༌། རང་ཉིད་གསང་བའི་བདག་པོ་དངོས་སུ་གཟིགས། མ་མགོན་དང་སྔགས་བདག་གི་མཚུར་ཕུར་མྱུར་དུ་བྱོན་ཞེས་བསྐུལ་སྟེ་ཕེབས། གྲོང་འཇུག་མཛད་པའི་བྱིས་པའི་མ་དེ་བོས་ནས་མཛོ་མོ་ཞིག་གནང་ཁྱོད་ཀྱིས་ངའི་མིག་ལ་ཅི་བྱས་གསུངས། ས་ཞིག་བཏབ་ལགས་ཟེར། བླ་མ་གཉན་རས་ཀྱིས་མཇལ་བའི་ཚེ…

མཐའ་དག་གསན། འཇམ་དབྱངས་ཤཱཀ་གཞོན་པ་ལ་ཚད་མ་མདོ་སྡེ་བདུན་ཡན་ལག་དང་བཅས་པ། མངོན་པ་གོང་འོག་ས་སྡེ་དང་བཅས་པ། བྱམས་ཆོས་ལྔ་འགྲེལ་བཅས། དབུ་མ་རྩ་འཇུག་བཞི་གསུམ་འགྲེལ་པ་དང་བཅས་པ་ལ་སོགས་མཚན་ཉིད་ཀྱི་ཐེག་པ་ཆེ་ཆུང་གི་གཞུང་ལུགས་མཐའ་དག་གསན། དགུང་ལོ་བཅོ་བརྒྱད་པ་བཤོལ་དང་མངལ་ཟླ་བརྩིས་པའི་ཉི་ཤུར་ཚང་བ་ན་དགེ་འདུན་སྒང་པའི་འ…

བ་རིག་པ་གསན། བཤེས་གཉེན་ཚུལ་རིན་པ་ལ་གསང་འདུས་འཕགས་སྐོར་སོགས་མདོར་ན་བོད་ཀྱི་ཡུལ་དུ་བཀའ་བསྟན་བཅོས་མན་ངག་འགྱུར་རོ་ཅོག་ཐམས་ཅད་གསན་པར་མཛད་སྟེ་དམ་པའི་ཆོས་ལ་གུས་པ་དང༌། བླ་མ་མེད་པར་རང་གཟོས་མི་འཇུག་པའི་གདམས་ངག་མིག་ལྟོས་སུ་སྟོན་པར་མཛད། དེ་ཐམས་ཅད་ཀྱང་ཚར་རེ་གསན་པ་ཙམ་གྱིས་ཚིག་དོན་མཐའ་དག་སྐད་ཅིག་རེས་ཐུགས་སུ་ཆུད…

ནགས་ཚལ་ཆེན་པོ་ཡོད་པ་ལ་བློ་བུར་དུ་མེ་ཤོར་ནས་ཐམས་ཅད་ཅི་བྱའི་གཏོལ་དང་བྲལ་སྟེ་མཁས་བཙུན་གཞོན་ནུ་འབུམ་གྱིས་མེའི་འཇིགས་པ་ལས་བསྐྱབ་ཏུ་གསོལ་ཞེས་ཞུས་པས། བདག་ནི་ལྷག་བསམ་རྣམ་དག་དང་ལྡན་སྟེ། །སྔོན་ཚེ་རྒྱལ་བ་རྣམས་ལ་ཚོགས་བསགས་ཤིང༌། །ད་ལྟར་ས་བཅུའི་དབང་ཕྱུག་ཡིན་གྱུར་ན། །བདེན་པ་འདི་ཡི་བདེན་ཚིག་བརྗོད་པའི་མཐུས། །མེ་ཆེན…

བརྟག་གཉིས་ཀྱི་འགྲེལ་པ་མཛད་པ་ན་བྱང་ཆུབ་སེམས་འགྲེལ་མཐའ་དག་ཐུགས་ལ་མ་བསྒྲིབས་པར་གསལ། མཚུར་ཕུའི་རི་ཁྲོད་སྐུངས་སུ་ཕྱི་ནང་གི་གཟའ་སྐར་དུས་སྦྱོར་ཐམས་ཅད་ཇི་ལྟ་བར་གཟིགས་སྟེ་རྩིས་ཀུན་བསྡུས་པའི་བསྟན་བཅོས་མཛད། ཇོ་མོ་གངས་ལ་སོགས་པར་དབེན་པ་མཛད་པ་ན་སློབ་དཔོན་པདྨ་རང་ཉིད་ལ་ཐིམ་པ་དང༌། བྱང་ཕྱོགས་ཀྱི་ཞིང་ཁམས་ཅིག་ན་འཇམ་…

བོ་མཁའ་འགྲོ་འདུས་པའི་འཇའ་འོད་ཀྱིས་ན་མཁའ་ཁྱབ་པར་གཟིགས་སྟེ་དམ་ཚིགས་རྒྱ་མཚོ་རྩ་འགྲེལ་མཛད། ཇོ་བོ་གངས་དཀར་གྱི་ཕུག་པར་སློབ་དཔོན་པདྨའི་སྐུ་བཞེངས་ཚེ་དེའི་འཕྲིན་ལས་ཀྱི་ལྷག་མ་ད་དུང་རིང་དུ་འབྱུང་བར་མཁྱེན། གཡས་རུ་ཤངས་ལ་བྱོན་སྟེ་སོ་ནམ་ཁོ་མའི་འབྲོང་ལ་བྱེད་ཟེར་ཞིང་འབྲོང་ནས་བྲ་བྱི་ཡན་གསོད་པས་འཚོ་བའི་ལུང་ནག་དེའི་ས…

ཕྱོགས་སུ་རླུང་གིས་ཁྱེར་སྟེ་མ་འདུས་པས་ངའི་ཆོས་ཀྱི་བསྟན་པ་འབྱུང་གསུང་སྟེ་ཕྱིས་ཕག་མོ་ཀར་ལུགས་གནས་དེར་དར། ཙཱ་རི་སར་རྙིང་ཐམས་ཅད་དུ་ངོ་མཚར་གྱི་བཀོད་པ་གཟིགས་ཤིང་གནས་མི་གསལ་བ་དུ་མ་ཞལ་ཕྱེ། རྟ་བར་རྒྱལ་འཛིན་དུ་གཙང་པོས་ཞིང་དང་ཚལ་ཁྱེར་ནས་མཚོར་གྱུར་པ་ལ་སྐྱབས་ཞུས་པས་གྲུ་ཁ་ཅུང་ཟད་འགྱུར་འོང་ཁྲི་རྩིགས་ཅིག་གསུངས་ནས་…

རམ་སྤང་དུ་ཕེབས་ཚེ་ཚད་མ་པཎ་ཆེན་པས་ཚིབས་རགས་ཀྱི་ཁྲོད་དུ་གནས་ཆེན་ཙཱ་རིའི་མཁྲིས་སུ་སླེབ་ནས་མ་མཇལ་ཞུས་པས། ཙཱ་རིའི་གནས་དགུན་གྱི་ཁ་བས་ནོན་པས་ངས་བསྟན་མི་ཐུབ། ཙཱ་རིའི་མཁའ་འགྲོ་དགོས་ན་བསྟན་གྱི་གསུངས། སྟོན་པར་ཞུ་ཞུས་པས་རླུང་བུས་ལྟ་སྟངས་མཛད་སྟེ་ཆིབས་སྔོན་ལ་ཤར་གྱིས་བཞུད། ཅུང་ཟད་ན་ན་བུན་དང་འཇའ་ཚོན་འདྲེན་མ་ནར་…

ཐུགས་དལ་ཞིང་ལྷོད་ཆགས་པ་ལས་མི་གཡོ་བར་གཟིགས། ཆོས་ཀྱི་དཀའ་བའི་གནས་རྣམས་དྲིས་པ་ན་དེ་ཙམ་ནི་དཀའ་བ་མ་ཡིན་སྟེ་དེ་ལས་གཞན་འདི་དང་འདི་ལྟ་བུའོ་ཞེས་གསུང་བ་ན་སྔོན་རྣ་ལམ་དུ་ཡང་མ་གསན་པ་ཁོ་ན་གསན། ཉིན་རེ་རེ་བཞིན་མཁས་པ་དང་གྲུབ་པའི་མཐའ་ཇེ་མི་དཔོགས་སུ་སོང༌། བློའི་ར་བ་ལས་བརྒལ་སྟེ་ཞབས་ལ་སྤྱི་བོས་གཏུགས་ནས་སྤྲུལ་པའི་སྐུ་…

བདག་བློས་ནོངས་པར་གྱུར་པ་མཐོལ་ཞིང་བཤགས། །སླན་ཆད་ཁྱོད་ཀྱི་རྣམ་ཤེས་ཚོགས་དྲུག་འདི། །བྱ་བ་སྒྲུབ་དང་སོ་སོར་རྟོགས་པ་ཡི། །ཡེ་ཤེས་དག་པ་དྲི་མེད་ཡིན་མིན་གྱི། །ཐེ་ཚོམ་གཅོད་མཛད་ཁྱོད་ལ་ཕྱག་འཚལ་ལོ། །ཞེས་ཆེད་དུ་བརྗོད་པ་བྱས། ཡང་རྣམ་ཐོས་ཚལ་དུ་རྒྱལ་བའི་ཚེམས་བསྟན་པའི་ཚེ་ལོ་ཙཱ་སྒྱུར་ཞིག་གསུངས། ཁོང་གིས་སྐད་འགགས་ནས་མི་ཐ…

ཏུ་མང་པོ་བྱུང་ཞིང་ཆོས་དབྱིངས་བསྟོད་པའི་འགྲེལ་པ་མཛད། དགེ་བསྙེན་རྡོ་རྗེ་རྒྱལ་པོའི་གནས་སོག་གི་ཆུ་ལ་ཟམ་པ་མཛད་པ་ན་ཀླུ་དེས་འཕྲིན་ལས་ཐམས་ཅད་སྒྲུབ་པར་ཁས་བླངས། སྤྱན་རས་གཟིགས་ཀྱིས། རྙིགས་དུས་གཡེང་བ་བྱས་ན་བར་ཆད་འབྱུང༌། །དབེན་གནས་གཞན་དུ་ཕྱིན་ཡང་ཆོས་མི་འཕེལ། །དེ་བས་དཔལ་ལྡན་ནགས་ཕུའི་རི་ཁྲོད་སོང༌། །ཞེས་བསྐུལ་བས…

རྒྱལ་སར་ཐོན་ནས་ལོ་གསུམ་པ་ལྕགས་ལུག་ལ་མགོན་པོ་ཚང་ཆིང་སང་ལ་འཇའ་ས་དང་འབུལ་བ་གསེར་གྱི་ཐམ་ཀ་དང་བཅས་པ་བསྐུར་ནས་སྤྱན་འདྲེན་དུ་སླེབས་པས་ལུག་ལོ་ཟླ་བ་བདུན་པ་ལ་བཏེག་སྟེ་དབུས་སུ་བྱོན། ལྷ་ས་གུང་ཐང་དུ་ཏི་ཤྲི་ཀུན་དགའ་རྒྱལ་མཚན་པ་དང་ཞལ་འཛོམས། འདམ་གཞུང་གི་བར་བྱོན་པ་ན་རྒྱལ་གྱི་ཟླ་བ་ལ་འབྲུག་དང་ཐོག་བྱུང༌། ཉི་མ་གཟས་བཟུ…

འདེབས། རྒྱལ་པོ་གུར་དཀར་ཆེན་པོ་ན་གསེར་ཁྲི་ལ་བཞུགས་པས་རྒྱང་རིང་པོ་ནས་སྔུན་བསུས་སྟེ་ཞབས་ལ་སྤྱི་བོས་གཏུགས། ཡོན་མཆོད་ལྷན་ཅིག་པར་ཕོ་བྲང་དུ་ཕེབས། རྒྱལ་པོ་རྒྱལ་རྒྱུད། ཨོལ་ཐི་མུར། ཐའི་ཤྲི་སོགས་རྒྱལ་བློན་ཐམས་ཅད་དད་པས་འདུད་ཅིང་དམ་པའི་ཆོས་ལ་སྦྱར། མི་དཔོན་མང་པོས་ཐའི་ཤྲི་ལ་ངན་བརྩམས་འཁྲུག་པ་ཆེན་ཡོང་བར་བྱུང་བ་ཞ…

ཟླ་བ་ལྔ་པའི་ཉལ་བཏེག་སྟེ་རི་བོ་རྩེ་ལྔར་བྱོན། འཇམ་དཔལ་གྱི་འཕྲིན་ལས་ཀྱིས་བཀོད་པ་གཟིགས། མི་ཉག་འགར་བྱོན་སྟེ་ལྷ་ཁང་དགོན་གནས་ཞིག་པ་རྣམས་བསོས། ཆོས་ཀྱི་རིང་ལུགས་པ་དུ་མ་བསྐོས། མི་ཉག་རིང་མོར་མི་སྐྱ་ཕལ་པ་གཅིག་གིས་ཐུ་བ་ནས་གསེར་སྲང་ཉིས་བརྒྱ་ཅིག་ཅར་དུ་བཏོན་ནས་ཕུལ། འཁྲུག་པ་ཀུན་བསྡུམས། སྨར་ཁམས་ནས་ཀརྨ་བརྒྱུད་ཕག…

མཛད། དེའི་ཚེ་ས་མོ་གླང་ལོ་ཟླ་བ་བརྒྱད་པ་ལ་ས་གཡོས་ཆེན་པོ་བྱུང་སྟེ་གྲོང་ཐམས་ཅད་ཞིག །སྔོན་ནས་རྗེའི་གསུང་ཉན་པ་དང་སྐྱབས་ཞུར་འོངས་པ་རྣམས་དང་དཔོན་སློབ་མཆོད་ཡོན་ལ་གནོད་པ་གང་ཡང་མེད། སྐབས་དེར་རྒྱ་དང་མདོ་སྨད་པའི་བནྡྷེ་ངན་པ་འགའི་སྤྱོད་པ་ལ་བརྟེན་ནས་ཆོས་ལ་མི་དགའ་བའི་མི་དཔོན་རྣམས་བགྲོས་ཕྱོགས་ཀུན་དུ་བནྡྷེ་མི་གཙང་བ་…

སྦྱིན་བདག་དང་ས་ཆའི་ཞལ་ཏ་ཞུ་རྒྱུ་འདུག །ཉིད་ལ་དེ་ལྟ་བུ་མེད་པ་ལགས་སམ་ཞུས་པས་ཁོ་བོ་ལ་ཡང་ཤར་ཕྱོགས་ཀོང་པོའི་རྒྱལ་ཁམས་བྱ་བ་མི་ཁྱིམ་འབུམ་ཕྲག་གཅིག་ཙམ་ཡོད་གསུངས། འོ་ན་དེའི་མི་དཔོན་ལ་ངེད་ཀྱིས་གནང་སྦྱིན་དང་ལས་ཀ་ཆེན་པོ་བྱེད་ཞུས་པས། དེ་ངེད་རང་གི་ཐུགས་རྗེ་ཆེན་པོ་ལ་གསོལ་བ་བཏབ་ནས་ཆོས་ཀྱིས་འདུལ་བ་ཡིན་ཡུལ་ཁམས་དེ་མི…

བཟོད་པའི་ཆོ་ངེ་ཡིན་པར་ཁུམས། ཟླ་བ་ལྔ་པའི་བཅུ་བཞི་ལ་ཕོ་བྲང་ཆེན་པོ་ཏ་ཏུ་ནས་བཏེག་སྟེ་ཆུ་ཚན་འཇམས་སུ་ཕེབས་ཚེ་ཆུ་ཚན་ལ་སྐུ་ཁྲུས་མཛད་སྟེ། ཆུ་འདི་རྣམས་ནི་ཀུན་ལ་ཁྱབ་པར་གྱིས། །བླ་མའི་ལུས་དང་འབྲེལ་ན་ལུས་སྒྲིབ་འདག །ངག་གིས་ངག་དང་ཡིད་ཀྱིས་ཡིད་སྒྲིབ་སྦྱོང༌། །གསུངས་སྟེ་རྫིང་ཡང་ཡང་དུ་བསྐྱིལ་བའི་ཁྲུས་ཆུ་སྐུ་འཁོར་བ་ཀ…