འགྱུར་པའི་ཚེ་ལྷོ་ཕྱོགས་སུ་དྲང་སྲོང་བྱ་བའི་ཡུལ་བསོད་ནམས་ལྡན་པའི་གྲོང་བྱེ་མ་ཆེན་པོ་འབབ་ཆུ་མཛེས་འབྱོར་གྱི་འགྲམ་རྗེ་རིགས་འབྲོ་གོ་ཅན་གྱི་ས་ཕྱོགས་སུ་ངའི་མིང་ཅན་དུ་སྐྱེས་ནས་སངས་རྒྱས་ཀྱི་བྱ་བ་བྱེད་དོ། །བློན་པོ་དམ་ཆོས་དཀྱིལ་འཁོར་གྱི་མཛོད་ཀྱི་ཤཱཀྱའི་བསྟན་པ་འབྱིན་པའི་རྒྱལ་པོར་སྨོན་པ་ནི་ད་ལྟར་གྱི་བྲམ་ཟེ་ཀཽཎྜི་ན…

ཡང་དེའི་སློབ་མ་རྣལ་འབྱོར་པ་དྲུག་གིས་ལུས་དངོས་པོ་སྤངས་པའི་ཕྱག་རྒྱ་ཆེན་པོ་འཐོབ་པར་འགྱུར་རོ། །ཞེས་དང༌། པཎྜི་ཏ་རྣམས་ཀྱི་གཙོ་བོར་གྱུར་པ་ཆོས་ཀྱི་གྲགས་པ་ཅེས་པར་གྲགས་པ་འདི་དང༌། སྐྱེས་བུ་དྲུག་བསྟན་པ་ལ་ཕན་པ་ཚངས་པར་སྤྱོད་པ་ལ་གནས་པ་རྣམས་ཀྱིས་གྲུབ་བོ། །ཕྱི་ནས་མ་ཧི་ལ་དང་སཱཾ་ག་ར་དང་བྷ་བྱ་གྷོ་ཤ་དང་ཧ་བྲ་ཀརྣ་ཞེས་པའ…

ལ་འཇུག་ཀཏྱའི་བུས། །ཡང་དག་གྲོལ་བའི་རྣམ་གྲངས་ནི། །གསུས་པོ་ཆེ་ཡིས་བྱས་ཅེས་གྲག །ཞེས་སངས་རྒྱས་བཞུགས་དུས་ཉན་ཐོས་ཆེན་པོ་རྣམས་ཀྱིས་མངོན་པ་སྡེ་བདུན་བྱས། ཁ་ཆེ་བྱེ་སྨྲ་འདི་དག་བཀའང་འདོད། །ཕྱིས་དགྲ་བཅོམ་པ་ཉེར་སྦས་དང་ཞི་ལྡན་དང་སྐུར་པོ་ལ་སོགས་པ་བདུན་བརྒྱས་བསྟན་བཅོས་བྱེ་བྲག་དུ་བཤད་པ་ཅེས་གཞུང་འབུམ་པ་མཛད། ཁ་ཅིག་མང…

དེའི་ཚེ་མུ་གེ་ཉམ་ང་བ་བྱུང་བས་གླིང་བྲ་ནས་གསེར་འགྱུར་གྱི་རྩི་བླངས་སྟེ་དགེ་འདུན་གྱི་འཚོ་བ་སྦྱར་ནས་དབྱར་གནས་གྲོལ་ཚེ་འདྲི་བ་ལ་བཤད་པས་དགེ་འདུན་ལ་མ་ཞུས་པར་དགེ་འདུན་ལོག་འཚོ་ལ་བཀོད་འདུག་ཞེས་གནས་ནས་ཕྱུང༌། ཆད་པར་གཙུག་ལག་ཁང་དང་མཆོད་རྟེན་བྱེ་བ་གྱིས་ཅིག་ཟེར། དེས་མཆོག་གི་དངོས་གྲུབ་ས་དང་པོའི་རྟོགས་པ་ཐོབ། ཐུན་མོང…

ལ་ཆགས་པས་སྲས་རྣམས་སློབ་དཔོན་འདྲ་བར་བྱུང་བའི་ལྟུང་བ་སྤང་ཕྱིར་ཨཱརྻ་དེ་ཝས་མ་ཧེ་འདུ་བའི་སར་མ་ཧེ་རྒོད་ཀྱི་ལྕི་བ་དང་ས་དང་ཤོག་འདག་ལས་མ་ཧེ་ཕོ་ཞུར་པོ་ལེགས་པ་ཅིག་བྱས་པས་མ་ཧེ་མོ་ཐམས་ཅད་དེ་ལ་འདུས་སྟེ་བསྐོར། དོ་ཞག་བེའུ་ཐམས་ཅད་དེ་འདྲ་བ་ཤ་སྟག་བྱུང་བས་ཡིད་ཆེས། སློབ་དཔོན་འདིས་རྡོ་རྗེ་གདན་ལ་རྡོ་རྗེའི་དྲ་མིག་གིས་བསྐ…

ཀླུ་སྒྲུབ་དང་སྲོག་གཅིག་པ་ཡིན་ཟེར་བས་དེས་སློབ་དཔོན་གྱི་དབུ་སློངས་པ་ན་ཆོད་ལ་ཁྱེར་ཞིག་གསུངས་པ་ན་མཚོན་གྱིས་མ་ཕེད། ངས་མཚོན་རྒྱབ་པའི་རྣམ་སྨིན་སྦྱངས་ཟིན་པས་མི་ཕེད། རྩ་ཀུ་ཤ་བརྔས་པར་སྲོག་ཆགས་ཤི་བའི་རྣམ་སྨིན་མ་སྦྱངས་པས་ཀུ་ཤས་ཆོད་གསུངས་སྟེ་བཅད་པ་ན་མཚམས་ནས་སྒྲ་བྱུང་བ། ང་ནི་བདེ་བ་ཅན་གྱི་འཇིག་རྟེན་དུ། །ཕྱིན་ནས…

ཚོད་བསླངས་ནས་བྱོན་དུས་བྱིས་པ་དེས་རྒྱལ་པོ་བྱས་ནས་རྒྱལ་བློན་གྱི་རྩེ་མོ་བྱེད་ཅིང་འདུས་པས་སློབ་དཔོན་གྱིས་ཁྱོད་རྒྱལ་པོ་ཡིན་ན་དགའམ་གསུངས་པས་ལོས་དགའ་ཟེར། དེར་སློབ་དཔོན་གྱིས་ཡུལ་འཁོར་དང་ཕོ་བྲང་དང་རྒྱལ་བློན་འཁོར་བཅས་ཀྱི་མིང་བྲིས་ནས་བུམ་པ་བཟང་པོར་བཅུག །བྱིས་པ་དེ་ལ་བུམ་པར་ཁ་བཅུག་ནས་འདི་ཐམས་ཅད་ཀྱི་རྒྱལ་པོ་ང་ཡ…

མཚུངས་པ་དང་ཆོས་ཀྱིས་རྒྱལ་སྲིད་སྐྱོང་ཞིང་བདུད་བཞི་ལས་རྒྱལ་བའི་ཕྱིར་སྲིད་སྒྲུབ་དང་འདྲ་བས་ཀླུ་སྒྲུབ་ཅེས་མཚན་དུ་བྱས་སོ། །རྒྱ་མའི་སངས་རྒྱས་དབོན་སྟོན་གྱིས་ནི་སློབ་དཔོན་ཤྲཱི་སྠ་ནའི་ནུབ་དཔལ་གྱི་རིའི་ཤར་ཕྱོགས་གྲོང་ཁྱེར་བསོད་ནམས་དང་ལྡན་པར་འཁྲུངས། དགུང་ལོ་ཉེར་བརྒྱད་ལ་མཁན་པོ་དྲི་མེད་གཟི་བརྗིད་ཅེས་སྦྱོར་ལམ་པ་ཅི…

དཔོན་ཀུན་སྐྱོང་ནོར་གྱི་བདག །དཔལ་ལྡན་ཕ་ཁོལ་སྨན་གྱི་བདག །ཀ་མིངྒ་ནི་དམག་གི་བདག །མཛེས་མ་འོད་ལྡན་ཚལ་གྱི་བདག །ཞེས་བདག་པོ་བཞིའི་ཡ་གྱལ་ཡིན། དབང་ཕྱུག་ཞག་བདུན་གྱིས་གྲུབ་སྟེ་ནག་པོ་ཐུབ་རྒྱལ་དུ་བཏགས་ནས་མངལ་སྐྱེས་ཀྱིས་མི་ཐུབ་པ། ཁ་ནས་མེ་ཕྱུང་སྟེ་རྒོལ་བ་སྲེག་པ། མཐར་དབང་ཕྱུག་ཉིད་ཞུགས་ནས་རྩོད་པ་རྣམས་བྱིན། དབང་ཕྱུ…

ཕྱུག་དང་སྟོན་པ་དྲུག་དང་རྟ་དབྱངས་རྒྱལ་བར་གྱུར་ཅིག་ཞེས་སྒྲ་ཆེན་པོ་སྒྲོག །ཁོ་དགེ་འདུན་གྱི་གྲལ་དུ་འོངས་ནས་མགོ་ཟླུམ་དང་པོ་གང་ནས་སྐྱེས། ཅེས་དབྱུག་པ་རྡེག །དགེ་འདུན་གྱིས་དཀོན་མཆོག་ལ་གསོལ་བ་བཏབ་པས་གནས་བརྟན་གྱི་རྨི་ལམ་དུ་ཡེ་ཤེས་མགོན་པོ་ན་རེ། མུ་སྟེགས་ཀྱིས་ངའི་གཟུགས་ཀྱི་སྤྱི་བོར་ཕུར་པ་བཏབ། ངན་རྫས་སྣ་ཚོགས་པ…

རྣམས་ཐུལ་མིག་ལ་མ་ཆགས་པར་གྱིས་ཅིག་གསུང༌། ལམ་དུ་ནགས་ཀྱི་ལྷ་མོ་ན་རེ་སློབ་དཔོན་གྱི་སྤྱན་ལེགས་ཅེས་རྗེས་སུ་འབྲེངས་པ་ན་འོ་ན་ཁྱོད་ཁྱེར་ཞེས་སྤྱན་ཡ་གཅིག་བྱིན། ནཱ་ལནྡར་བྱོན་ཚེ་ཤིང་ཚོང་བར་བརྫུས་སྟེ་ཡོ་བྱད་ཤིང་ཁུར་གྱི་གསེབ་ཏུ་བཅུག་ནས་བྱོན་པས་ཐར། ནང་གི་ཁྲོན་པ་ཙམ་མ་གཏོགས་ཆུ་ཐམས་ཅད་བཀག་པས་དགེ་འདུན་འཚོག་ཚེ་ཆུ་གསེ…

བཀྲུས་པས་ནང་མི་གཙང་བས་བཀང་ནས་ཕྱི་བཀྲུས་སྟེ་ཅི་བྱེད་ཟེར་བ་ལ་ཁྱོད་ཀྱང་དེས་ཅི་བྱེད་ཀྱིས་བརྡུགས། དཔང་པོ་ཕྱི་པ་ནང་པ་གཉི་ག་འཛིན་པ་གསུམ་གསུམ་སྟེ་དགུ་བཞག་ནས་རྩོད། གང་རྒྱལ་བའི་བསྟན་པ་ལ་ཕམ་པ་ཐམས་ཅད་འཇུག་པར་བྱས། གང་མ་ཉན་པ་རྒྱལ་པོས་ལྕེ་གཅོད་པར་བྱས། སློབ་དཔོན་གྱིས་ཁོའི་མགོ་ཐོག་དུ་ལྷམ་སྐྲད་བཏགས། བྱི་ལ་གཅིག་ན…

འགྱེལ་སྟེ་བརྒྱལ། སངས་པ་དང་ཚངས་པའི་འཇིག་རྟེན་དུ་འབྲོས་སོ་སྙམ་ནས་དབང་ཕྱུག་གི་མཐུས་ན་མཁའ་ལ་བྲོས། སློབ་དཔོན་གྱིས་ཀྱང་དེད་སྟེ་དེ་ཡན་ལ་རླུང་སྤུ་གྲིའི་རེག་པ་ཅན་བྱ་བ་ཐམས་ཅད་དུམ་བུར་བྱེད་པ་ཡོད་པས་མ་འགྲོ། ཡིད་མ་འཆེས་ན་སྐྲའི་ལ་བ་ཆོད་ལ་སྐྱུར་གསུངས་ནས་ཁོས་དེ་བཞིན་བྱས་པས་ཕྱེ་མར་སོང་སྟེ་བབ་བྱུང༌། ད་དུང་ཅུང་ཟད་…

སྐུར་ལྡན། །སངས་རྒྱས་དཔག་བསམ་འདྲ་ལ་ཕྱག་འཚལ་ལོ། །ཆོས་ཉིད་རྒྱུ་མཐུན་གསུང་རབ་བཅུ་གཉིས་དང༌། །ཆོས་ལ་སྐྱེ་འགག་མེད་ཅིང་སྤྲོས་པས་དབེན། །དེ་ལ་དམིགས་ན་ཡོན་ཏན་ཀུན་འགྲུབ་པ། །ལེགས་རྒྱུ་དམ་པའི་ཆོས་ལ་ཕྱག་འཚལ་ལོ། །ཉོན་མོངས་སྒྲིབ་དང་ཤེས་བྱའི་སྒྲིབ་པ་དག །གཉེན་པོས་རིམ་པར་གསལ་ནས་སངས་རྒྱས་སར་བཞུགས་པ། །སེམས་ཅན་དོན་མཛད་སང…

ཀྱི་སྤྲིན་ཆགས་པ། དེ་ལས་བདུད་རྩིའི་ཆར་འབབ་པ། ཤིང་འབྲས་དུས་མིན་དུ་སྨིན་པ་སྟེ་གསུམ། ལྷ་ཡུལ་དུ་རྒྱལ་མཚན་གཡོ་བ། དེ་ལས་འོད་འཕྲོ་བ། མེ་ཏོག་གི་ཆར་འབབ་པ་གསུམ། མི་ཡུལ་དུ་ས་གཡོ་བ། ཨུཏྤལའི་ཆར་འབབ་པ། དུག་གི་མེ་ཏོག་རྙིངས་པ། གསེར་གདུགས་རང་བཞིན་གྱིས་འཁོར་བ། དུང་རྣམས་རང་སྒྲ་འབྱིན་པ། ཤིང་གི་བཅད་མཚམས་ནས་འོ་མ་དང་སྦ…

གཡོ་བ། སྒྲོལ་མ་སྟེ་སློབ་དཔོན་ལྷ་གསུམ་པ་ཅེས་སོགས་མང་དུ་གྲགས་སོ། །སློབ་དཔོན་ཨཱརྻ་དེ་ཝས་དེ་ལྟ་བུའི་སྟོན་པ་ཆེན་པོ་བཏུལ་སྟེ་སངས་རྒྱས་ཀྱི་བསྟན་པ་ལ་བྱ་བ་མཛད། དབུ་མ་བཞི་བརྒྱ་པ་དང་ལག་པའི་ཚད། གཏན་ཚིགས་གྲུབ་པ། ཡེ་ཤེས་སྙིང་པོ་ཀུན་ལས་བཏུས་པ། སྤྱོད་བསྡུས་སྒྲོན་མེ། བདག་བྱིན་རླབས། སེམས་ཀྱི་སྒྲིབ་སྦྱོང༌། གདན་བཞི…

རྣམས་རྩིས་ཆེན་བྱེད་ཅིང་འདུག །དེས་དཔྲལ་པ་ལ་རེག་ཙམ་བྱས་སྟེ་འཕངས་སོ། །སློབ་དཔོན་གྱིས་དེའི་རྒྱུ་དྲིས་པས་ང་སློབ་དཔོན་གྱི་གདམས་ངག་ལས་གྲུབ་པ་ཐོབ་པ་ཡིན། དེ་འདྲ་ཅི་དགོས་བྱ་ཡིས་ཆུ་དང་སྣོད་ལྟ་གོན་མཛོད་ཟེར་བས་སློབ་དཔོན་གྱིས་རྫས་མང་པོ་ཆུས་བཀང་པས་ཁོས་ལྷུང་བཟེད་དུ་དྲི་ཆུ་བཙགས་པ་ཐིགས་པ་རེ་བླུག་པས་གྲུབ་པའི་དངུལ་ཆུ…

ལྟ་བུ་མི་སྣང་ངོ༌། །སློབ་དཔོན་ཟླ་བ་གྲགས་པ་ནི་ལྷོ་ཕྱོགས་སོ་མ་ནར་འཁྲུངས། སྐྱེ་བ་ལྔ་བརྒྱར་པཎྜི་ཏར་གྱུར། འཇམ་དཔལ་གྱིས་རྗེས་སུ་བཟུང་བས་ཟླ་མེད་པའི་མཁས་པར་གྱུར། བཞི་བརྒྱ་པའི་འགྲེལ་པ་དང་གཙོ་བོར་ཉི་ཟླ་ལྟར་གྲགས་པ་གསལ་བ་རྣམ་གཉིས་ཅེས་པ་རྩ་ཤེའི་འགྲེལ་པ་ཚིག་གསལ་དང་གསང་འདུས་ཀྱི་འགྲེལ་པ་སྒྲོན་གསལ་མཛད། ནཱ་ལནྡྲར་བ…

རོག་སྡོད་བྱས་པས་མའི་ངག་ཉན་པས་ཅི་ཡང་མ་སྨྲས། མཚན་ཟླ་བར་བཏགས། ཕྱིས་དགེ་འདུན་གྱི་ཕྱག་མི་ལེན་གྲལ་མགོར་མི་བཞུགས་པའི་ཕྱིར་གོ་མིའི་དགེ་བསྙེན་དུ་བཞུགས་པས་ཙནྡྲ་གོ་མིར་གྲགས་སོ། །མུ་སྟེགས་དེས་སྒྲའི་བསྟན་བཅོས་ཆེན་པོ་དཀྲུགས་པ་ཅིག་ཕ་ལ་བསྐུར་ནས་འདིའི་འགྲེལ་མ་ཤེས་ན་ཕྱི་པར་འཇུག་དགོས་སོ་ཟེར། དེ་མ་གོ་ནས་པཎྜི་ཏ་གཞན་ལ་…

གསུང་བའི་སར་གདུགས་གཅིག་བསྣམས་ནས་བྱོན་པས་སློབ་དཔོན་གྱི་གསུང་ནས་ཕ་གི་ང་ལ་རྩོད་པ་བྱེད་པ་ཅིག་ཡིན་པར་འདུག །ཆོས་ཅིས་ཤེས་དྲིས་ཤོག་གསུངས་སྟེ་དྲིས་པས། སྒྲ་པཱ་ཎི་དང་བསྟོད་པ་བརྒྱ་ལྔ་བཅུ་པ་འཇམ་དཔལ་མཚན་བརྗོད་གསུམ་ཤེས་ཟེར་བས་མཁས་པ་ཆེན་པོར་རིག་ནས་ནཱ་ལནྡ་པ་ཐམས་ཅད་ཀྱིས་ཕྱིར་བྱོན་ཞིག་ཟེར་ནས་སླར་དཔག་ཚད་ནས་བསུས་སྟེ་ད…