བཏབ༔ རྡོ་རྗེ་འཆང་དབང་བླ་མ་དང༔ མཁའ་འགྲོའི་ཚོགས་ལ་གསོལ་བ་འདེབས༔ བདག་ཅག་ཉོན་མོངས་འཁོར་བ་ལས༔ བསྒྲལ་ཕྱིར་ཡེ་ཤེས་དཀྱིལ་འཁོར་དུ༔ བདེ་སྟོང་ཟག་པ་མེད་པ་ཡི༔ དབང་མཆོག་དམ་པ་བསྩལ་དུ་གསོལ༔ སྨིན་ཅིང་གྲོལ་བར་མཛད་དུ་གསོལ༔ ཡེ་ཤེས་བདེ་དྲོད་སྦར་དུ་གསོལ༔ ཞེས་ལན་གསུམ་ཞུས་པའི་ལན་དུ༔ བླ་མས་འདི་ལྟར་བསྒོ་བར་བྱ༔ ཨེ་མ་སྐལ་ལྡན་ར…

ཞེས་དམ་ཚིག་གི་རྣམ་དབྱེ་རྒྱས་པར་བཤད༔ དེ་ནས་སློབ་མ་རྣམས་ལ་ཕག་མོའི་བསྐྱེད་རིམ་ཕོག༔ རྡོ་རྗེ་སྐྱིལ་ཀྲུང་ལག་པ་གཉིས་སྤྱི་བོར་ཐལ་མོ་སྦྱར༔ ངག་གནད་རླུང་བཟུང་སྨྲ་བ་བསྐྱུང༔ ཡིད་གནད་མ་ཡེངས་དམིགས་པ་ནི༔ སྤྱི་བོར་ཧཾ་ཡིག་དཀར་པོ་གྱེན་དུ་བཞེངས་པ༔ རྩ་གསུམ་འདུས་མཚམས་སུ་ཨ་ཐུང་གསལ་བཏབ༔ སྙིང་ཁར་དགའ་བ་འཁྱིལ་པ་དམར་པོ་གཡོན་དུ…

དབྱིངས་ངང་ལས་ཁྲོ་མོའི་སྐུར་སྤྲུལ་མ༔ རྡོ་རྗེ་ཕག་མོ་དབྱིངས་ནས་སྐུར་བཞེངས་ཤིག༔ འདིར་བྱོན་སྐལ་ལྡན་བུ་ལ་བྱིན་གྱིས་རློབས༔ ཤར་ཕྱོགས་མི་འགྱུར་རྡོ་རྗེའི་གནས་མཆོག་ནས༔ དཀར་མོ་ཞི་མཛད་ཞི་བའི་སྐུར་སྤྲུལ་མ༔ རྡོ་རྗེ་མཁའ་འགྲོ་དབྱིངས་ནས་སྐུར་བཞེངས་ཤིག༔ འདིར་བྱོན་སྐལ་ལྡན་བུ་ལ་བྱིན་གྱིས་རློབས༔ ལྷོ་ཕྱོགས་དཔལ་ལྡན་རིན་ཆེན…

འོད་ཕུང་ཕུངས་སེ་ཕུང༔ དགའ་བཞི་འཛག་བྲལ་བདེ་སྟོང་ཁྲི་ལི་ལི༔ རང་ལུས་སྣང་སྟོང་ལྷ་སྐུར་སྤུངས་སེ་སྤུང༔ བདེ་དྲོད་ཡེ་ཤེས་མེ་དཔུང་ལྷབས་སེ་ལྷབ༔ དྭངས་མ་ཡེ་ཤེས་མེ་དཔུང་སྦར་དུ་གསོལ༔ ཡེ་ཤེས་རྣམ་ལྔའི་མེ་དཔུང་སྦར་དུ་གསོལ༔ རང་བྱུང་གཏུམ་མོའི་བདེ་དྲོད་སྦར་དུ་གསོལ༔ འཇའ་ལུས་འོད་གསལ་ཀློང་དུ་གྲོལ་བ་དང༔ ཟུང་འཇུག་ཀུན་ཁྱབ་བདེ…

རིགས་ཀྱི་བུ་ལ་བྱིན་གྱིས་རློབས༔ བྱིན་རླབས་བདེ་སྟོང་དབང་བསྐུར་སྩོལ༔ ཨོཾ་ཧ་རི་ནི་ས་ར་ཙ་ཧྲི་ཡ་ཙིཏྟ་ཧྲིཾ་ཧྲིཾ་ཛཿཛཿཙནྡྷ་ལཱི་ཤྭ་ར་སརྦ་ཏ་ཐཱ་ག་ཏེ་ཤྭ་ར་རཾ་སྭ་བྷཱ་ཝ་ཨཱཏྨ་ཀོ྅་ཧཾ་ཨ་བྷི་ཥིཉྩ་ཨཱོཾ༔ ཅེས་པས་གནས་ལྔར་དབང་བསྐུར་བུམ་ཆུས་ཁྲུས་འཐུང་བྱེད་དུ་བཅུག༔ དེ་ནས་ཐོད་པ་མེ་ལོང་མར་མེ་གནས་གསུམ་དུ་བཞག་ལ༔ ཧཱུྃ་ཧྲཱི༔ བྱིན་…

རྩ་རུ་བྱང་སེམས་གནས་པའི་ཕྱིར༔ རྩ་རླུང་ཐིག་ལེ་དྲོད་ཀྱི་དབང་བསྐུར་རོ༔ བུམ་དབང་གི་སྔགས་བརྗོད་དབང་བསྐུར་ལ༔ ཧོ༔ སྐལ་ལྡན་ཁྱོད་ལ་རྩ་རླུང་ཐིག་ལེ་དྲོད་ཀྱི་དབང་བསྐུར་པས་བདེ་དྲོད་རྟོགས་པ་རྒྱུད་ལ་སྐྱེས་ནས༔ བཅོམ་ལྡན་རྟ་ཕག་ཡབ་ཡུམ་གྱི་གོ་འཕང་ཚེ་འདི་ཉིད་ལ་ཐོབ་པར་གྱུར་ཅིག༔ ཅེས་བརྗོད༔ རྡོར་དྲིལ་སྙིང་ཁར་བཞག་ལ༔ ཧཱུྃ་ཧྲཱ…

གཞོན་ནུ་བུམ་སྐུར་འཕོ་མེད་འཇིགས་བྲལ་ཤོག༔ འཛབ་བརྗོད་དབང་དོན་ངོ་སྤྲོད་བྱ༔ རས་དབང་བསྐུར་བ་ནི༔ ཧཱུྃ་ཧྲཱི༔ གཟུང་འཛིན་གོས་སྤངས་རས་དཀར་དྲི་མེད་དང༔ བདེ་སྟོང་ཟུང་འཇུག་ཐབས་ཤེས་སྒོམ་ཐག་དང༔ མཁའ་འགྲོ་དབང་སྡུད་དར་དམར་ཨང་རག་དང༔ མཁའ་སྤྱོད་བགྲོད་པའི་དུར་ཁྲོད་ཆས་དབང་གིས༔ སྐལ་ལྡན་རིགས་ཀྱི་བུ་ལ་དབང་བསྐུར་པས༔ སྣང་བ་དབང་ས…

པའི་གསོན་པ་བས༔ དམ་ཚིག་གཙང་མར་ཤི་བ་རུང༔ བཙུན་པ་འདུལ་ཁྲིམས་མེད་པ་དང༔ སྔགས་པ་དམ་ཚིག་མེད་པ་དང༔ བུད་མེད་ངོ་ཚ་མེད་པ་གསུམ༔ གང་ལ་མི་གཏོགས་མི་སྲིད་དོ༔ དེ་བས་འབད་པ་དུ་མ་ཡིས༔ ཉོན་མོངས་རྣམ་པར་འཇོམས་པ་དང༔ མི་དགེ་སྤོང་ལ་བརྩོན་པར་གྱིས༔ དམ་ཚིག་ཉམས་པའི་མི་དག་ལ༔ རྨི་ལམ་ངན་པ་ཐམས་ཅད་རྨི༔ མཚན་མ་ངན་པ་ཐམས་ཅད་འབྱུང༔ ལྟས་ངན…

པོའི་ཞལ་ནས༔ བླ་མར་སྨད་པའི་གང་ཟག་ནི༔ རྨི་ལམ་དུ་ཡང་མཐོང་མི་བྱ༔ ཞེས་དང༔ ཕ་མ་གཉིས་བསད་དགྲ་བཅོམ་ལྔ་བརྒྱ་བཀྲོངས༔ དེ་བཞིན་གཤེགས་པའི་སྐུ་འབུམ་བརྒྱ་ཕྲག་བཤིགས༔ དེ་ལས་བླ་མ་རྡོ་རྗེ་འཛིན་པ་ལ༔ ལོག་ལྟ་སྐད་ཅིག་ཙམ་ལ་སྐྱེས་གྱུར་ན༔ རྣམ་སྨིན་བརྒྱ་ཕྲག་གཉིས་ཀྱིས་ཆེ་བར་འགྱུར༔ ཞེས་དང༔ ཉན་ཐོས་རང་རྒྱལ་བྱང་སེམས་དང༔ གསང་སྔགས་ད…

གིས༔ ཞེས་གསུངས་པ་ལྟར་རོ༔ དེ་ནས་དགའ་སྟོན་དང་གཏང་རག་གི་མཎྜལ་ཕུལ༔ དབང་འདི་ཤིན་ཏུ་གཉན་པས་ཚུལ་དང་ལྡན་ཞིང་དཀའ་སྤྱད་སྙིང་རུས་ལ་བརྩོན་པ༔ བླ་མ་སངས་རྒྱས་སུ་མཐོང་བ༔ ཅི་གསུང་དང་དུ་ལེན་པ་ལ་སྟེར་བའི་དུས༔ གསེར་གྱི་མཎྜལ་མེད་པ་དང་ཚོགས་འཁོར་མེད་པ་ལ་སྟེར་དུ་མི་རུང་ངོ༔ གསུམ་ལྔ་བདུན་ལས་སྤེལ་མི་རུང༔ དེ་ཡི་དམ་ལས་འགལ་གྱུར་…

གྱི་མཆོག་ཏུ་གྱུར་པ་སངས་རྒྱས་ལག་བཅང་གི་གདམས་པ་གསུངས་པའི་དོན་ལ་གསུམ་སྟེ༔ སྔོན་འགྲོ་དངོས་གཞི་རྗེས་དང་གསུམ་མོ༔ དང་པོ་སྔོན་དུ་འགྲོ་བ་ལ་ཡང་གསུམ་སྟེ༔ ཐུན་མོང་དང་ཐུན་མོང་མ་ཡིན་པ་དང་ཁྱད་པར་གྱི་ཐུན་མོང་ངོ༔ དེ་ལ་དང་པོ་ཐུན་མོང་ནི༔ ལམ་འདི་ཉིད་ཉམས་སུ་ལེན་པར་འདོད་པའི་གང་ཟག་རྣམས་ཚེ་གཅིག་ལུས་གཅིག་གིས་སངས་རྒྱས་སྒྲུབ་…

ལུས་རྡོ་རྗེའི་ཚིག་རྐང་ལས༔ ལམ་གྱི་རྩ་བ་བྱང་སེམས་མོས་གུས་ཏེ༔ ཞེས་པས༔ དགའ་དང་སྙིང་རྗེ་བྱམས་པ་དང་བཏང་སྙོམས་བཞི་སྟེ༔ སྙིང་རྗེ་ཚད་མེད་པ་རྒྱལ་པོའི་བུ་སྟོར་བའམ༔ རྔ་མོང་གི་ཕྲུ་གུ་སྟོར་བའམ༔ ལག་རྡུམ་ཆུས་ཁྱེར་བ་ལྟར༔ ཚད་མེད་པའི་སྙིང་རྗེ་འགྲོ་ལ་གདུང་སེམས་བསྒོམ་པའོ༔ དགའ་བ་ཚད་མེད་པ་རབས་ཆད་ལ་བུ་སྐྱེས་པའམ༔ སྟོར་བ་རྙེ…

སྟེ༔ སེམས་ཉིད་ཀྱི་གཞི་རྩ་ལེགས་པར་གཅོད་པའི་སྒོ་ནས་ལྷུན་གྲུབ་རྣམ་གསུམ་ཉམས་སུ་ལེན་པ་དང༔ ཁ་ཟས་ཀྱི་འཁྲི་བ་བཅད་ཅིང་འབྱུང་ལྔའི་རླུང་ཟས་སུ་ཟ་བ་དང༔ གོས་ཀྱི་འཁྲི་བ་གཅོད་ཅིང་བདེ་སྟོང་གཏུམ་མོ་གོས་སུ་གྱོན་པ་དང་གསུམ་མོ༔ དངོས་གཞིའི་དང་པོ་འཇའ་ལུས་རྡོ་རྗེའི་ཚིག་རྐང་ལས༔ ལྷུན་གྲུབ་རྣམ་གསུམ་ཉམས་ལེན་སྲོག་ཤིང་མཆོག༔ ཅེས་པ…

གནས་ལུགས་ཀ་དག་གི་ལ་བཟླ་བ་ནི༔ ཆོས་ཐམས་ཅད་ཀྱི་རང་བཞིན་སྲོག་གི་མཆོག་ཏུ་གྱུར་པ་ཡིན་ནོ༔ གཉིས་པ་ནི་འཇའ་ལུས་རྡོ་རྗེའི་ཚིག་རྐང་ལས༔ ཟག་བཅས་འཁོར་བའི་རྐྱེན་ལ་མ་ལྟོས་པར༔ ཟག་མེད་རླུང་ལྔའི་དྭངས་མ་བཅུད་དུ་ཟ༔ ཞེས་པས༔ ཁ་ཟས་ཀྱི་འཁྲི་བ་གཅོད་ཅིང་འཇའ་ལུས་སུ་བགྲོད་པའི་ཉམས་ལེན་ལ་གསུམ་སྟེ༔ སྟེང་རླུང་ཟས་སུ་ཟ་བ་དང༔ འོག་རླུང་…

དུ་མདའ་ལྟར་འཕངས་པས་ཞེ་སྡང་ལས་གྱུར་པ་ཐམས་ཅད་ཁ་དོག་དམར་པོའི་རྣམ་པར་དཔག་ཚད་རྒྱང་གྲགས༔ ཕྱི་ཡི་རྒྱ་མཚོའི་ཕ་མཐར༔ ནད་གདོན་སྡིག་སྒྲིབ༔ གྲིབ་དང་མི་གཙང་བ་རྩྭ་དུག་རླུང་དུག་ཐིག་ལེའི་ཉེས་སྐྱོན་ཉོན་མོངས་པ་བརྒྱད་ཁྲི་བཞི་སྟོང་ལ་སོགས་པ་ཐམས་ཅད་དུ་བ་ནག་བུན་རྣག་ཁྲག་ཆུ་སེར་སྡིག་པ་སྡོམ༔ སྦལ་པ་འབུ་སྲིན་སོལ་ཁུ་དུད་ཁུའི་རྣམ…

ཙམ༔ ཕྱི་སྔོ་བ་ནང་ཤིན་ཏུ་དམར་བའི་མདངས་དང་ལྡན་པ༔ ཡར་སྣ་ཟླ་བའི་ངོ་བོ་ཐིག་ལེ་དཀར་པོ་རྣམ་པ་རིལ་བ༔ བྱ་མ་སར་གྱི་སྒོ་ང་ཙམ་འོད་ཟེར་སྣ་ཚོགས་འཕྲོ་བ་གཅིག་གསལ་བཏབ༔ མར་སྣ་ཐིག་ལེ་དམར་པོའི་རྣམ་པ་རིལ་བ་བྱ་མ་སར་གྱི་སྒོ་ང་ཙམ་གཅིག་གསལ་བཏབ༔ དེ་ཡང་དྭངས་ཤིང་ཐོགས་པ་མེད་པ་བར་སྣང་དྭངས་པའི་འཇའ་ཚོན་ལྟར་གསལ་སྟོང་འཛིན་མེད་དུ་སྒོ…

བར་ཟ་བ་ཧུབ་སྒྲས་ཁ་སོ་གཉིས་ཀྱི་བར་ནས་འདྲེན་ནོ༔ བཙན་ཐབས་སུ་ཟ་བ་ཁ་སྣ་བཙུམ་པའི་སྒང་ལ་རླུང་རིག་མིད་པ་ནས་སྒྲ་བཅས་ཀྱིས་མིད༔ དྲག་པོར་ཟ་བ་གཡས་གཡོན་གསུམ་གསུམ་ནས༔ ཁ་སྒྲ་བཅས་མིད་པ་སྒྲ་བཅས་ཀྱི་འཇུག་པའོ༔ གསུམ་ཀ་ཕོ་བ་གང་བར་མ་གྱུར་གྱི་བར་དུ་ཟའོ༔ དེ་ཐམས་ཅད་ཀྱི་ཉམས་ལེན་དམིགས་གནད་ཟབ་མོ་རྣམས་ཞལ་ལས་ཤེས་པར་བྱའོ༔ ཉམས་ལེན་…

བཅངས་སུ་གདམས་པའི་ཟབ་ཁྲིད་ཚང་ལ་མ་ནོར་རྫོགས་པ་འདི་ཉིད༔ ཉམས་སྣང་ཟ་ཟིར་དུ་བྱུང་བ་ལ་བརྟེན་ཏེ་དུང་དཀར་རྒྱ་མཚོའི་རུས་མིང་གི་ཐ་ཤལ་སྤྲང་པོ་ཉི་ཟླ་ཀློང་གསལ་གྱིས་དུས་ཚེས་ངེས་མེད་དུ་བེར་ཆེན་དབེན་པའི་རི་ཁྲོད་དུ་ཉམས་ལེན་ངང་ནས་ཡི་གེར་བཀོད་པའོ༔ ཚེ་གཅིག་འོད་ཕུང་མཆོག་སྒྲུབ་ཟབ་ཆོས་འདི༔ དབང་མེད་ལུང་མེད་དམར་ཁྲིད་ཉམས་མྱོང…

རླུང་གནད་དང་ལྡན་པ༔ སེམས་དམིགས་གནད་དང་ལྡན་པའི་ངང་ནས༔ ཧཱུྃ༔ ཡེ་སྟོང་ཀ་དག་སྤྲོས་བྲལ་རང་མདངས་ལས༔ སྣོད་ཀྱི་འཇིག་རྟེན་དག་པ་མཁའ་སྤྱོད་གནས༔ བཅུད་ཀྱི་སེམས་ཅན་རྒྱལ་ཡུམ་ཕག་མོར་གྱུར༔ སྐྱེ་མེད་ཆོས་འབྱུང་དམར་ནག་ཡངས་པའི་ནང༔ པདྨ་ཉི་ཟླ་བམ་རོ་བརྩེགས་པའི་སྟེང༔ རང་ལུས་རྒྱལ་ཡུམ་རྡོ་རྗེ་ཕག་མོའི་སྐུ༔ དམར་གསལ་བརྐྱང་བསྐུམ་ག…

གར་བྱེད་པར་བསམ༔ རིག་པ་བརྟུལ་ཞུགས་བྲོ་གར་དྲག་ཏུ་བྱ༔ སླར་ཡང་མེ་ལྕེ་ཚུར་བྱུང་རང་ལ་ཐིམ༔ འཁོར་ལོ་ལྔ་ལ་འབར་འཛག་དྲག་ཏུ་བསྒོམ༔ ལྷ་ཚོགས་གསལ་བཏབ་ཡབ་ཡུམ་འབྲོས་འདེད་བསྐུལ༔ གསོལ་འདེབས་འབད་ཅིང་ལུས་གནད་དྲག་ཏུ་གཅུན༔ ལུས་གནད་པུས་འཁྱུད་ཁྲིལ་གཉིས་བསྡམ༔ རླུང་གནད་བསྡིག་ཅིང་མགྲིན་གཅུ་མནན༔ དམིགས་གནད་གསལ་སྟོང་རྩ་འཁོར་བསྒོམ…