འབུམ་ཕྲག་མང་པོ་སྔོན་དུས་བྱུང༔ དེ་རྣམས་ཀུན་གྱི་སྙིང་པོའི་བཅུད༔ ཅུང་ཟད་སྤྲོས་དང་ཉེར་མཁོ་དང༔ ཟབ་པའི་མན་ངག་གསུམ་དུ་བསྡུས༔ རྒྱས་པ་མཐོང་གྲོལ་སྐུ་རྟེན་བཅས༔ ཟབ་ལུང་རྫ་ཡི་སུལ་དུ་གཏམས༔ ཉེར་མཁོ་དབང་གི་བྲག་ལ་སྦས༔ སྙིང་པོའི་བཅུད་འདི་ཟབ་པས་ན༔ མཆོག་གྱུར་གླིང་པའི།་་་དགོངས་པའི་གཏེར་ལས་ཡང་དག་འབྱུང༔ འཕགས་མས་བྱིན་བརླབས…

བྱ་ཐབས་མེད༔ གདུག་པ་སྤྲེ་འུའི་ལོ་ཤར་ནས༔ བོད་ཁམས་ཁོལ་བུར་གཡོ་འཁྲུགས་ལྡང༔ དེ་ནས་རིམ་པར་རྩུབ་ཟིང་འབྱུང༔ ཕྱི་འཁྱར་ནང་འཁྲུགས་ཀླ་ཀློ་གཡོ༔ དེ་ཚེ་བདེ་སྐྱིད་འབྱུང་འདོད་ན༔ ཆོས་འཁོར་གསུམ་ལ་མཆོད་པ་ཕུལ༔ དུས་སྟོན་བཟང་པོའི་རྒྱུན་ཡང་བཙུག༔ དབུས་གཙང་སྒྲུབ་གནས་ཉེར་གཅིག་དང༔ ཁམས་ཀྱི་གནས་ཆེན་ཉེར་ལྔ་ལ༔ སྙིང་པོ་དོན་གྱི་སྒྲུ…

འདོད་ཡོན་ཕུང་པོར་བརླབ༔ མཆོད་རྔ་བརྡུང་ཞིང་འདི་སྐད་བསྐུལ༔ ཧཱུྃ༔ ཆོས་དབྱིངས་སྐྱེ་མེད་ཡུམ་གྱི་ཀློང༔ སྐྱེ་བའི་ཆོ་འཕྲུལ་རྗེ་བཙུན་མ༔ རིགས་ལྔའི་སྒྱུ་འཕྲུལ་ཀུན་ཏུ་སྣང༔ ཡེ་ཤེས་དེ་ལས་མ་གཡོས་བཞིན༔ ཕྲིན་ལས་དབང་གིས་བསྟན་སྐྱོང་ཚུལ༔ ལྷན་སྐྱེས་རྡོ་རྗེ་གཡུ་སྒྲོན་མ༔ མཆེད་ལྔ་སྤྲུལ་པ་ཡང་འཁོར་བཅས༔ དམ་ཚིག་གསང་བའི་དཀྱིལ་འཁ…

བསྟན་སྲུངས་བསྟན་འཛིན་སྐྱོངས༔ བོད་ཁམས་མཐའ་དབུས་ཐམས་ཅད་དུ༔ སྣོད་བཅུད་བདེ་ཞིང་སྐྱིད་པ་དང༔ ཁྱད་པར་རྣལ་འབྱོར་བདག་ཅག་གི༔ ལས་ཀྱི་འབྲས་བུ་མཆིས་པར་མཛོད༔ ཨོཾ་བཛྲ་པྲ་མོ་ཧ་བཾ་ཧ་རི་ནི་ས་ཧྲཱིཾ་ཧྲཱིཾ་སརྦ་སིདྡྷི་སྭཱ་ཧཱ༔ ཞེས་བཟླས་དབང་འདུས་བྲན་དུ་འགྱུར༔ སྙིང་ཉེའི་སློབ་མར་བཀའ་གཏད་ན༔ གཏོར་མ་ལྷར་གསལ་ཕྲིན་ལས་བསྐུལ༔ ཧཱུྃ༔…

ལས་ཀྱི་འབྲས་བུ་མཆིས་པ་དང༔ བཀྲ་ཤིས་བདེ་ལེགས་གྲུབ་པར་མཛོད༔ བཛྲ་ས་མ་ཡ་རཀྵནྟུ༔ སྲོག་སྔགས་སྦྱིན་ཞིང་དོན་ངོ་སྤྲད༔ དེ་ཡིས་སྨན་མོ་གྲིབ་བཞིན་འགོ༔ ཕྲིན་ལས་གང་བཅོལ་འགྲུབ་པར་འགྱུར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ དགོངས་གཏེར་སྒྲོལ་མའི་ཟབ་ཏིག་གི་རྡོ་རྗེའི་སྲུང་མའི་མཆོད་བྱང་ཡང་དག་པའོ། །༁ྃ༔ དགོངས་གཏེར་སྒྲོལ་མའི་ཟབ་ཏིག…

ཡི༔ ཐུགས་ནས་འོད་ཟེར་སེར་པོ་སྤྲོས༔ སྨན་བཙུན་འཁོར་བཅས་ཐུགས་ཀར་ཕོག༔ སྔོན་གྱི་ཐ་ཚིག་རྗེས་དྲན་ནས༔ སྒེག་མཛེས་རྒྱས་པའི་གཟི་བྱིན་འབར༔ འོད་དང་སྤྲུལ་པས་འཇིག་རྟེན་ཁྱབ༔ སྣོད་བཅུད་འབྱུང་བའི་དྭངས་མ་དང༔ དཔལ་འབྱོར་ལོངས་སྤྱོད་མཁོ་རྒུའི་ཚོགས༔ བཀྲ་ཤིས་རྫས་རྟགས་རིན་ཆེན་བདུན༔ འཇའ་ཟེར་ཐིག་ལེའི་རྣམ་པ་རུ༔ ཆར་སྤྲིན་གཏིབས་ལྟ…

བསྐུམ་གར་སྟབས་ཀྱིས༔ སྨན་ཕྲན་འབུམ་གྱི་དབུས་ན་རོལ༔ འཁོར་དང་བཅས་པ་ཐམས་ཅད་ཀུན༔ ལས་ལ་མ་གཡེལ་ད་ཚུར་བྱོན༔ བཀྲ་ཤིས་ཡིད་འོང་གནས་འདི་རུ༔ བཤམས་པའི་རྟེན་དང་དབྱེར་མེད་བཞུགས༔ ཉེར་སྤྱོད་འདོད་ཡོན་མཁོ་རྒུ་དང༔ གཏོར་མ་སྐྱེམས་ཕུད་བདུད་རྩིའི་སྤྲིན༔ བསང་གསུར་མཆོད་རྫས་སྣ་ཚོགས་པ༔ ནམ་མཁའ་མཛོད་ཀྱི་འཁོར་ལོར་འབུལ༔ ཐུགས་དམ་བསྐང…

ཁུག༔ མཛེས་བརྗིད་གཟུགས་ཀྱི་ཕྱྭ་གཡང་ཁུག༔ སྙན་འགྱུར་སྒྲ་ཡི་ཕྱྭ་གཡང་ཁུག༔ བློ་གྲོས་སྤོབས་པའི་ཕྱྭ་གཡང་ཁུག༔ ཚེ་རིང་ནད་མེད་ཕྱྭ་གཡང་ཁུག༔ སྙན་གྲགས་དབང་ཐང་ཕྱྭ་གཡང་ཁུག༔ བསམ་དོན་འགྲུབ་པའི་ཕྱྭ་གཡང་ཁུག༔ བཅུད་ཅན་ཟས་ཀྱི་ཕྱྭ་གཡང་ཁུག༔ བཀྲག་ཅན་གོས་ཀྱི་ཕྱྭ་གཡང་ཁུག༔ དཔལ་ཅན་ནོར་གྱི་ཕྱྭ་གཡང་ཁུག༔ རོ་བཅུད་འབྲུ་ཡི་ཕྱྭ་གཡང་ཁུག…

རྗེ་བཙུན་མའི༔ རྣམ་འཕྲུལ་འཇིག་རྟེན་སྐྱོང་བའི་ཚུལ༔ སྨན་བཙུན་རིན་ཆེན་གཡུ་སྒྲོན་མ༔ སེར་གསལ་མཛེས་འཛུམ་རྒྱས་པའི་ཉམས༔ ཕྱག་གཡས་སོགས༔ རི་རཏྣ་པྲ་མོ་ཧ་ཙིཏྟ་ཧྲཱིཾ་ཧྲཱིཾ་ཛ་སརྦ་སིདྡྷི་བཱ་ཤཾ་པུཥྚིཾ་ཀུ་རུ་ཏྲཱཾ༔ ཧྲཱི༔ དུས་གསུམ་སངས་རྒྱས་ཐམས་ཅད་ཀྱི༔ གསུང་གི་ཡུམ་གྱུར་རྗེ་བཙུན་མའི༔ རྣམ་འཕྲུལ་འཇིག་རྟེན་སྐྱོང་བའི་ཚུལ༔ སྨན…

འཁོར་དང་བཅས༔ རྟེན་འདིར་འབྲལ་མེད་རྟག་བཞུགས་ནས༔ ཚེ་དབང་ལོངས་སྤྱོད་བརྟན་པར་མཛོད༔ སྭསྟི་སྭསྟི་ཏིཥྛནྟུ༔ ཞེས་བརྗོད་རྒྱས་གདབ་མེ་ཏོག་འཐོར༔ དེས་ནི་རྨ་གཡང་ལོངས་སྤྱོད་ཀུན༔ ནམ་མཁའི་མཛོད་བཞིན་འཕེལ་བར་འགྱུར༔ ས་མ་ཡ༔ གསུང་གི་སྒོ་ནས་དམིགས་བྱ་དགུག༔ རྟེན་ནི་གི་ཝཾ་སིནྡྷུ་ར༔ ཁབ་ལེན་རྡོ་དང་ཨུཏྤལ་དམར༔ པདྨ་རཀྟ་རིལ་བུར་དྲིལ…

ཞགས་པས་བཅིངས་ཏེ་རང་ལ་ཐིམ༔ རྟེན་གྱི་རྫས་དང་དབྱེར་མེད་འདྲེས༔ རང་དབང་བྲལ་ཏེ་དབང་འདུས་བསམ༔ སྐབས་སུ་བཟང་ཤིང་མེ་སྦར་ལ༔ ཕྱེ་མར་དབང་གི་རྫས་རྣམས་བསྲེག༔ ཆང་ཕུད་འཐོར་ཞིང་ཆགས་པའི་བློས༔ དབྱངས་དང་བཅས་ཏེ་ཐུགས་དམ་བསྐུལ༔ ཧྲཱི༔ མྱུར་མ་དཔའ་མོའི་ཡེ་ཤེས་ལས༔ འཇིག་རྟེན་སྐྱོང་བའི་སྨན་བཙུན་ཆེ༔ མཆེད་ལྔ་སྤྲུལ་པ་ཡང་སྤྲུལ་བཅས༔ …

མཚན་མཐོང་བའི་ཚེ༔ རིལ་བུ་མི་ལག་མི་བརྒྱུད་པར༔ རང་གིས་བཅངས་ཤིང་ཟ་བ་དང༔ སྐབས་སུ་བཟང་ཤིང་མེར་བསྲེགས་ལ༔ ཐུགས་དམ་སྐུལ་བའི་ཆོ་ག་བྱ༔ དེས་ནི་དམིགས་བྱ་ཕོ་མོ་དང༔ འདོད་རྒུའི་དངོས་གྲུབ་དབང་དུ་འགྱུར༔ ས་མ་ཡ༔ ཐུགས་ཀྱི་སྒོ་ནས་རྣོ་མཐོང་དགུག༔ རྟེན་ནི་ཁྱེ་འུ་གཙང་མ་ལ༔ ཁྲུས་བྱས་རྒྱན་གདགས་སྤོས་ཀྱིས་བདུག༔ ས་གཙང་བཀྲ་ཤིས་དབེན…

འབོད་དོ་རྡོ་རྗེ་གཡུ་སྒྲོན་མ༔ སྐུལ་ལོ་རྣོ་མཐོང་པྲ་ཡི་བདག༔ མིང་པོས་འབོད་པའི་དུས་བྱུང་ན༔ སྲིང་གཅིག་འོང་བར་མ་ཆད་དམ༔ རྟེན་ལ་འབེབ་པར་མ་ཆད་དམ༔ རྣོ་མཐོང་སྟོན་པར་མ་ཆད་དམ༔ དྲི་མེད་དཀར་གསལ་མཛེས་འཛུམ་སྐུ༔ མངོན་སུམ་ཉིད་དུ་འདིར་གཤེགས་ཤིག༔ ཕྱག་གཡས་མདའ་དར་གཡབ་པ་ཡིས༔ སྣང་གསལ་པྲ་ཡི་དངོས་གྲུབ་སྡུས༔ གཡོན་པས་དངུལ་དཀར་མེ…

མཁས་པས་ཚོད་ཟིན་བྱ༔ ས་མ་ཡ༔ དེ་ལྟར་སྨན་བཙུན་ཆེན་མོ་ཡི༔ སྐུ་གསུང་ཐུགས་ཀྱི་ལས་ཚོགས་འདི༔ ཟབ་ཅིང་ཤིན་ཏུ་གཉན་པས་ན༔ ཀུན་ལ་མི་སྟོན་དམ་ཚིག་རྒྱ༔ དམ་ལྡན་ནུས་ཐོབ་རྣལ་འབྱོར་པས༔ ལས་ཀྱི་སྦྱོར་བ་འདི་བརྩམས་ན༔ བཀའ་བཙན་བཀྲ་ཤིས་བྱིན་ཆེ་ཞིང༔ འཕྲལ་དང་ཡུན་དུ་དགེ་ལེགས་འགྱུར༔ ས་མ་ཡ༔ རྒྱ་རྒྱ་རྒྱ༔ བརྡ་ཐིམ༔ དགོངས་གཏེར་སྒྲོལ་མའི…

གཅོད་ཡུལ་སྟན་ཐོག་གཅིག་མའི་གདམས་པ་དཔའ་བོའི་གད་རྒྱངས་ཞེས་བྱ་བ་བཞུགས་སོ། །

ན་མོ་གུ་ར་ཝེ། བ་སྤུ་གཅིག་དགེ་དངོས་ཀྱིས་སངས་རྒྱས་ཀུན། །མཉེས་བྱས་ནུས་གཟུགས་མ་ཚང་མེད་གསལ་བའི། །བཀའ་དྲིན་མཉམ་མེད་རྩ་བའི་བླ་མ་དང་། །ཤེས་རབ་ཕ་རོལ་ཕྱིན་ཡུམ་དེ་ལ་འདུད། །རྒྱལ་བ་ཀུན་གྱི་བགྲོད་པ་གཅིག་པའི་ལམ། །ཕྱི་ནང་བདུད་སྡེའི་གཉེན་པོར་དཔའ་བའི་གཤེད། །ཟབ་དོན་གཅོད་ཡུལ་གདམས་པའི་སྙིང་པོ་ཀུན། །ཡོངས་ཚང་སྟན་ཐོག་གཅིག་…

འགྲོའོ། །གཉིས་པ་དངོས་གཞིའི་ཉམས་ལེན་ནི། རང་གི་སྤྱི་བོར་པདྨ་ཟླ་བའི་གདན་ལ། ཆོས་སྐུ་ཡུམ་ཆེན་མོ་དང་གཉིས་སུ་མེད་པའི་མ་གཅིག་ཇོ་མོ་སྐུ་མདོག་དཀར་ལ་དམར་བའི་མདངས་ཆགས་པ། ཕྱག་གཡས་ཌཱ་མ་རུ་དང་གཡོན་དྲིལ་བུ་འཁྲོལ་བའི་སྟབས་སུ་འཛིན་པ། དབུ་སྐྲ་སྐུ་རྒྱབ་ཏུ་བསྙིལ་ཞིང་གཅེར་བུ་དར་གྱིས་སྨད་དཀྲིས་ཅན་ཕྱག་རྒྱ་ལྔས་བརྒྱན་པ། མཚན་…

དང་ལྡན་པའི་མགོ་བོས་ལུང་པའི་ཕུ། རྐང་པས་ལུང་པའི་མདའ། རྩིབ་ལོགས་གཡས་གཡོན་གྱིས་ཕན་ཚུན་གྱི་ཡུལ་གྲུ་རྣམས་མནན་པར་བསམ་ལ། ངག་ཏུ་འཁོར་བའི་རྒྱ་མཚོ་མ་སྟོངས་ཀྱི་བར་དུ་འདུག་ས་འདི་ཉིད་ལས་ནམ་ཡང་གཡོ་བར་མི་བྱའོ། །ཞེས་བརྗོད་ཅིང་དེ་དོན་རྒྱུད་ལ་འགེལ། དེས་ལྷ་འདྲེ་འབྲོས་པ་དང་མགོ་སྐོར་ཚར་ཚད་མི་འབྱུང་། དེ་ནས་དབྱིངས་རིག་བསྲེ…

གཙོ་བྱས་སེམས་ཅན་ཐམས་ཅད་ཀྱི་ཚོགས་གཉིས་རྫོགས་ཤིང་སྒྲིབ་གཉིས་བྱང་བར་གྱུར་ཅིག །ཅེས་བརྗོད་ཅིང་སྟོང་ཉིད་ཀྱི་ངང་ལ་མཉམ་པར་གཞག །དམར་འགྱེད་ནི། སྒྱུ་ལུས་དང་རྣམ་ཤེས་རྣལ་འབྱོར་མར་གསལ་བ་སྔར་བཞིན་ནམ་མཁར་ཐོན་གཡས་པའི་གྲི་གུག་གིས་སེམས་དང་བྲལ་བའི་ལུས་ཀྱི་པགས་པ་བཤུས་ནས་དམར་ཆལ་གྱིས་བཏིང་པའི་ཁར། མགོ་དང་ཡན་ལག་ལྷུ་གཟུགས་ཐམ…

ཀྱི་ངང་དུ་ལྷོད་ཀྱིས་གློད། ཁྲེས་སེ་བོར་ལ་འཇོག །འཇིགས་པ་དང་ཉམ་ང་བ་བྱུང་རེས་ཀྱིས་དེ་ལྟར་བྱ། ད་ལུས་ནི་སྣང་སྲིད་ལྷ་འདྲེ་ལ་སྦྱིན་པར་བཏང་ནས་མེད། སེམས་ནི་ཁྱོད་ལས་ང་རང་གིས་ཀྱང་མ་མཐོང་། གཞི་མེད་རྩ་བྲལ་སྟོང་ཞིང་བདག་མེད་པ་ཡིན་ནོ། །ཞེས་བདག་དང་ལྷ་འདྲེ་གཅོད་ཡུལ་གསུམ་ཀ་ཡིད་ལ་མི་བྱེད་པར་སྟོང་པ་གསུམ་གྱི་ངང་ལ་མཉམ་པར་ག…