ཐུབ་པར་སྲུངས་ཤིག༔ སྐལ་ལྡན་ལས་ཅན་གཅིག་དང་འཕྲད་པར་ཤོག༔ ༼ཕ༽ ༄༅༔ རྫོགས་པ་ཆེན་པོ་གསང་བ་སྙིང་ཏིག་ཟབ་དོན་བསྡུས་པའི་སྙིང་པོ་ལས༔ སྤྲོས་པ་གཅོད་པའི་སྒྲོན་མ་བྱང་ཆུབ་སེམས་སྦྱོང་སོགས་ཀྱི་ཡི་གེ་བཞུགས་སོ༔ རྒྱ་གར་སྐད་དུ༔ ཡ་པ་ར་ས་མ་ཡཱེ༔ བོད་སྐད་དུ༔ སྤྲོས་པ་གཅོད་པའི་སྒྲོན་མ༔ དཔལ་ཀུན་ཏུ་བཟང་པོ་ལ་ཕྱག་འཚལ་ལོ༔ སརྦ་ཏ་ཐཱ་ག་…

ནམ་མཁའི་བུ་མོ་ནམ་མཁའི་བུས་བཙོན་དུ་བཟུང་བ་ལ་བྱའོ༔ ཨེ་མ་ཧོ༔ འཁྲུལ་པ་ཐམས་ཅད་རང་སར་གྲོལ་བ་ཞེས་བྱ་བ་ནི༔ རླུང་གི་ཞགས་པ་རླུང་གི་ཞགས་པས་བཟུང་བ་ལ་བྱའོ༔ ཨེ་མ་ཧོ༔ འབྱུང་བ་ཐམས་ ཅད་རང་དག་ཏུ་སོང་བ་ཞེས་བྱ་བ་ནི༔ མེའི་མིང་པོས་གསལ་ཤིང་བསྲེགས་པ་ལ་བྱའོ༔ སྐུ་གསུམ་ཇ་ལོག་ཏུ་ཤར་བ་ཞེས་བྱ་བ་ནི༔ སའི་གྲོང་ཁྱེར་ཆུའི་ རྐུན་མས་བཅ…

ཤེས་པར་བྱ་བའི་མན་ངག་གིས༔ དྲོད་རྟགས་གཏན་ལ་དབབ་པར་བྱ་བ་དང་༔ རིག་པ་མ་གྲོལ་བ་གྲོལ་བར་བྱ་བའི་མན་ངག་གིས༔ སྐུ་གསུམ་གྱི་ས་ལ་གོམས་པར་བྱ་བའོ༔ གྲོགས་མེད་གཅིག་པུར་གནས་པས་སྣང་བ་གྲོགས་ཀྱི་མཆོག༔ འགྱུ་བྱེད་འགྲོ་འོང་བཅད་པས་ཤེས་པ་རང་སོར་གནས༔ འདུག་སྟངས་རྣམ་གསུམ་བརྟན་པས་གྲོལ་བ་གཅེར་ཚད་འཛིན༔ མིག་དང་ངོ་བོ་འབྲེལ་པས་རྟོག་མ…

བསྐྱེད་པ་ངོ་ཤེས་པར་བྱེད་པ་དང་༔ དུག་སྦྲུལ་གྱི་འདུག་ལུགས་ཀྱིས་ཤེས་པ་གྲོལ་བར་བྱེད་པའོ༔ ྀཨཚ༔ བསམ་པ་སྟོབས་ཟད་པར་བྱ་བའི་ཐབས་ཀྱིས་ལས་དང་པོ་པའི་བསླབ་པར་བྱ་བ་དང་༔ སོ་སོའི་ཞེན་ཡུལ་དགག་པའི་ཐབས་ཀྱིས་བསླབ་པ་ཆུད་མི་ཟོས་པར་བྱ་བ་དང་༔ རང་རང་གི་ཡུལ་བཙལ་བའི་ཐབས་ཀྱིས་དུས་ཐམས་ཅད་དུ་མི་འབྲལ་བར་བྱ་བ་དང་༔ སྣང་བ་ཐད་ཀར་གཅོད་…

དགོངས་པའོ༔ གོམས་པ་གནད་ཀྱི་མན་ངག༔ ཚིག་དྲུག་གི་རྡོ་རྗེ་སེམས་དཔའི་ཞལ་མཐོང་བར་བྱེད་པའི་མན་ངག་རྫོགས་སོ༔ རྒྱ་རྒྱ་རྒྱ༔ ྀཨཚ༔ སརྦ་ཨ་དྷ་སྤྱ་མ་ལྦྱ་དྷ་ཐིམ༔ ཟག་མེད་ཐིག་ལེའི་སྐུ་ལ་ཕྱག་འཚལ་ལོ༔ ཟག་པ་རྣམ་པར་ཟད་པར་བྱ་བའི་ཕྱིར༔ རྟག་ཆད་ལ་སོགས་གྲུབ་པའི་མཐའ་རྣམས་ཀུན༔ ཡོད་དང་མེད་དང་བློས་བཏགས་འཁྲུལ་པས་ན༔ འདི་ཉིད་སྤྲོས་བྲལ་…

བཏང་སྟེ༔ བསམ་གཏན་གྱི་འཛིན་པ་རྣམས་སྤང་སྟེ༔ དང་པོ་སེམས་སྦྱང་བར་བྱའོ༔ དེ་ལ་བདུན་ཏེ༔ མི་རྟག་པ་བསམ་སྟེ་བྱང་ཆུབ་ཀྱི་སེམས་སྦྱོང་བ་དང་༔ འཕྲལ་གྱི་བདེ་བ་དང་ཡུན་གྱི་བདེ་བ་ལ་བསམ་སྟེ་བྱང་ཆུབ་ཀྱི་སེམས་སྦྱོང་བ་དང་༔ རྐྱེན་དུ་མ་ལ་བསམ་སྟེ་བྱང་ཆུབ་ཀྱི་སེམས་སྦྱོང་བ༔ བྱས་པ་དོན་མེད་པ་ལ་བསམ་སྟེ་བྱང་ཆུབ་ཀྱི་སེམས་སྦྱོང་བ་དང…

རྒྱུད་ལ་སྐྱེས་པ་དང་༔ འཇིག་རྟེན་པའི་ལོངས་སྤྱོད་ཀྱིས་ཅི་ཞིག་བྱ༔ དར་ཅིག་བསྒོམས་ཀྱང་མི་རྟོག་པ་སྐྱེ་བའི་གྲོགས་སུ་གྱུར་ཨང་སྙམ་པ་རྒྱུད་ལ་སྐྱེས་པ་དང་༔ བསྒོམས་པས་གནས་པ་ལ་ཡུན་ཇེ་རིང་ཇེ་རིང་སོང་བས་འདི་ལ་རྟག་ཏུ་གནས་པར་བྱའོ་སྙམ་པ་རྒྱུད་ལ་སྐྱེས་པའོ༔ ྀཨཚ༔ བྱང་ཆུབ་ཀྱི་སེམས་སྦྱོང་བ་རྫོགས་སོ༔ དེ་ལྟར་སེམས་འབྱོངས་པ་དང་…

བ་ལ་ཡང་ནས་ཡང་དུ་ཤེས་པ་བཞག་པས༔ རྟགས་ནི་ལུས་ཡང་བ་དང་༔ ཡིད་རྣོ་བ༔ སེམས་གནས་པའོ༔ དབྱིབས་ནི་ཐིག་ལེ་ཟླུམ་པོ་ཆེ་ཆུང་སྲན་མ་ཙམ་མམ༔ མཐེ་བོང་ཙམ་ལ་ཤེས་པ་གཏད་དེ་བསྒོམ་པ་ནི༔ རླུང་ཕར་སོང་ཙ་ན་ཐིག་ལེ་ཡང་ཕར་རྒྱང་གིས་སོང་༔ ཚུར་འདུས་ཙ་ན༔ ཚུར་མེར་གྱིས་བྱུང་བ་ལ་ཤེས་པ་བཞག༔ ཞག་བཅུའམ་ཟླ་བ་ཕྱེད་དུ་བསླབས་པས་གོམས་པའི་ཚད་ནི༔ སྨ…

འདོན་ནུས་པའོ༔ གྲངས་ནི་དེ་ལྟར་གཅིག་གཉིས་ལ་བསླབ༔ དེ་ནས་ཇེ་མང་ཇེ་མང་ལ་བསླབས་པས༔ ཞག་དུ་མ་བསམ་གཏན་ལ་གནས་པའོ༔ ྀཨཚ༔ ཆགས་ཅན་རྣམས་ནི་རིག་མ་དངོས་ལ་བསྟེན་ནས༔ བདེ་བ་བསྒོམ་པ་དང་༔ རླུང་སེམས་ཀྱི་བདེ་བ་བསྒོམ་པའོ༔ དེ་ལ་རིག་མ་ལ་ནི༔ དང་པོ་ཕྱག་རྒྱ་མ་བཙལ་བ་དང་༔ དེ་ནས་མཚན་བརྟག་སྟེ་འགུགས་པ་དང་༔ དེའི་དགྱེས་པ་བསྐྱེད་པ་དང་༔ …

ཤེས་པ་བཞག་པས་ལུས་བདེ་སྟོང་དུ་མེར་གྱིས་གང་སྟེ༔ དེ་ཡར་བཟློག་མར་འབེབ་ལ་ཤེས་པ་གཏད་དེ་བསྒོམས་པས༔ ཅི་ཞིག་ཙམ་ན་ལུས་བདེ་ཕྲིལ་གྱིས་འགྲོ༔ ངག་ཚིག་སྨྲ་སྙིང་མི་འདོད༔ སེམས་བདེ་བ་ལ་མི་རྟོག་པའི་ཉམས་ཀྱིས་བདེ་སྟོང་དུ་ཕྲིལ་གྱིས་འགྲོ༔ དེ་ལྟར་གོམས་པས་ཐིག་ལེ་དངོས་པོ་འབབ་པ་ཡང་འོང་བས༔ དེ་ནི་གོམས་པའི་ཚད་དོ༔ ལུགས་གཅིག་ལ༔ དེ་…

ལ་བློ་གཏད་པ་དང་༔ ཤེས་པ་ཡང་དེ་ལྟར་འོང་༔ མ་ནིང་ལ་ཐུགས་རྗེ་རྒྱུན་ཆད་པ་རྣམས་གཟུང་བར་བྱ་བ་ནི༔ སྔར་གྱི་ཐིག་ལེ་འབར་འཛག་དེ་ལ་ཤེས་པ་གཏད་ནས་བསྒོམས་པས་ལུས་བདེ་བར་ཕྲིལ་གྱིས་འོང་ངོ༔ ཐིག་ལེ་ཡང་དངོས་སུ་འོང་ངེས་སོ༔ རིགས་ཆད་ཐུགས་རྗེས་གཟུང་བའི་མན་ངག་རྫོགས་སོ༔ རྒྱ་རྒྱ་རྒྱ༔ ས་མ་ཡཱ༔ ྀཨཚ༔ རྒྱ་གར་སྐད་དུ༔ ཨ་ཨ་ཊ་མ་ཏི་ཀྲ་མ༔ …

གིས་སྣང་བ་ཟིལ་གྱིས་གནོན་པ་དང་༔ དམིགས་གཏད་མེད་པ་བསྒོམ་པའི་མན་ངག་གིས་དྲན་བྱེད་ཀྱི་ཡིད་ཟིལ་གྱིས་གནོན་པ་དང་༔ གཟའ་གཏད་མེད་པ་ལྟ་བའི་མན་ངག་གིས་ཞེན་པའི་གཞི་ཉོན་མོངས་པ་ཟིལ་གྱིས་གནོན་པ་དང་༔ སྤང་ཐོབ་མེད་པ་འབྲས་བུའི་མན་ངག་གིས་རིག་པ་ཕྱིར་མི་ལྡོག་པར་བསྟན་པའོ༔ སྤྱོད་པ་ནི་གཉིས་ཏེ༔ སྤྱིའི་སྤྱོད་པ་དང་༔ རང་གི་སྤྱོད་པའ…

གང་ཐོབ་པ༔ གང་གིས་ཐོབ་པ༔ གང་ལྟར་ཐོབ་པ༔ ཐོབ་པ་ལ་དགོས་པ་ཅི་ཡོད་པའོ༔ ལྟ་སྒོམ་སྤྱོད་པའི་ལྡེ་མིག༔ སྦས་པའི་མིག་འབྱེད་ཅེས་བྱ་བ་རྫོགས་སོ༔ ྀཨཚ༔ རྒྱ་གར་སྐད་དུ༔ ཙརྱ་བྲི་དུ་ཀལ་པ༔ བོད་སྐད་དུ༔ སྤྱོད་པ་བསྡུས་པའི་སྒྲོན་མ༔ སྣང་བ་དབང་སྒྱུར་ཉིད་ལ་ཕྱག་འཚལ་ལོ༔ སྣང་བ་མི་སྣང་འདི་ཀུན་འཁྲུལ་པས་ན༔ མ་བརྟགས་ཉམས་དགའ་བརྟག་ཅིང་དཔྱ…

སྤྱོད་པ་བསྡུས་པའི་སྒྲོན་མ་རྫོགས་སོ༔ སྒོམ་པ་བསྡུས་པའི་སྒྲོན་མ༔ བདེ་ཆེན་མཉམ་པ་ཉིད་ལ་ཕྱག་འཚལ་ལོ༔ སརྦ་ཏི་ལོ་ཀི་པུ་སཾ་འདུ་ཡཱ༔ དངོས་མེད་སྤྲོས་དང་བྲལ་བའི་རིག་པ་ནི༔ དྲན་པའི་ཐག་པ་བཅད་ནས་བཏང་བའི་ཕྱིར༔ བསམ་པའི་འདུག་སར་གཞུག་པ་འདི་ཉིད་ནི༔ དྲན་པ་རྣམས་ནི་ཟད་པའི་སར་བསྐྱལ་ལོ༔ དྷརྨཱ་ཏྲི་ཀ་དུ་སུ་བཾ༔ ཨེ་མ་ཧོ༔ དྲན་པ་རྒྱ…

བསྡུས་པའི་སྒྲོན་མ་རྫོགས་སོ༔ རྒྱ་རྒྱ་རྒྱ༔ ལྟ་བ་བསྡུས་པའི་སྒྲོན་མ་ཞེས་བྱ་བ༔ སྟོང་ཉིད་ཅིར་ཡང་སྟོན་ལ་ཕྱག་འཚལ་ལོ༔ སྔ་མ་ཀ་བག་ཡཱ༔ རྒྱ་རྒྱ་རྒྱ༔ ཕྱོགས་རིས་མེད་པའི་རིག་པ་ཟང་ཐལ་ནི༔ གང་གིས་མ་བསྒྲིབས་གང་ལ་ཐོགས་པ་མེད༔ ཁྱབ་བརྡལ་ཆེན་པོའི་རིན་ཆེན་ཕོ་བྲང་དུ༔ འབྱུང་ལྔ་ཟད་པའི་རིག་པའི་ལྷིང་བར་ལྟོས༔ ཨེ་མ་ཧོ༔ ཕྱི་ཡུལ་ལ་བལ…

གི་འབྲས་བུ་སྣང་བ་སྐུ་གསུམ་དུ་གྲོལ་བ་དང་༔ གསང་བའི་འབྲས་བུ་ཞིང་ཁམས་དབྱིངས་རིག་ཏུ་གསལ་བ་དང་༔ གསང་བ་བླ་ན་མེད་པའི་འབྲས་བུ་རིག་པ་ཕྱིར་མི་ལྡོག་པའི་ས་ལ་གཟེར་ཐེབས་པའོ༔ ཕྱི་ལ་གསུམ་སྟེ༔ སྤྲུལ་སྐུ་ངོ་སྤྲོད་ཀྱི་གདམས་ངག་གིས་སྐྱེ་བ་གཏན་ལ་ཕེབ་པ་དང་༔ ལོངས་སྐུ་ངོ་སྤྲོད་ཀྱི་གདམས་ངག་གིས་གནས་པ་གཏན་ལ་ཕེབ་པ་དང་༔ ཆོས་སྐུ་ང…

བཅུད་ཀྱི་མན་ངག་གིས༔ མཚན་ཉིད་འཛིན་པའི་རིག་པ་ཐིག་ལེ་ལས་ཕྱིར་མི་ལྡོག་པར་བྱ་བ་དང་༔ ཡེ་ཤེས་གཏིང་ཟློག་གི་མན་ངག་གིས་གཞི་འཛིན་པའི་རིག་པ་འོད་གསལ་ལས་ཕྱིར་མི་ལྡོག་པར་བྱ་བ་དང་༔ འཁོར་བ་རུ་ལྡོག་གི་མན་ངག་གིས་ཞི་གནས་ཀྱི་རིག་པ་ནམ་མཁའ་ལས་ཕྱིར་མི་ལྡོག་པར་བྱ་བ་དང་༔ དག་པ་གནད་གསུམ་གྱི་མན་ངག་གིས་ལྷག་མཐོང་གི་རིག་པ་ནང་དབྱིང…

དུ་འབྱིན་པ་ལ་ཕྱག་འཚལ་ལོ༔ ཨཱུ༔ ཨེ་མ་དད་ལྡན་སྙིང་རྗེ་གཏོང་ཕོད་ཡངས་པ་ཆེ༔ དབང་པོ་རྣོ་ཞིང་ངག་འཇམ་དུལ་ཞིང་སྨྲ༔ བླ་མ་ལ་གུས་ཚིག་གི་སྤྲོས་པ་ཆོད༔ མ་བརྟག་གསང་ཚིག་གཞན་དུ་རྡུལ་ཙམ་ཡང་༔ བརྗོད་པར་མི་བྱེད་ཉམས་ལེན་ཉིད་ལ་བརྩོན༔ འདི་ནི་གསང་སྔགས་གསང་བའི་སྣོད་ཡིན་པས༔ བུ་མཆོག་དད་དང་ལྡན་པ་འདི་ཉིད་དཀོན་པས་ན༔ བདུད་རྩི་ཐིགས་པ…

ཀྱང་མི་མཐོང་བར་བྲག་གི་ཐེམ་བར་རམ༔ འབྱུང་བའི་དགྲས་མི་ཚུགས་པའི་གནས་སུ་བཞུགས་སུ་གསོལ་ལ༔ རྒྱས་གདབ་པ་བྱས་ལ་གཞུག་གོ༔ དང་པོ་ཉམས་སུ་ལེན་པའི་ལས་དང་པོ་པ་དེས་ལུས་ངག་གི་བྱ་བ་གང་ཡང་མི་བྱ་བར་བཏང་ལ༔ སྐྱེ་བོའམ་ཐེག་པ་དམན་པའི་རིགས་ཀྱིས་སྐད་ཙམ་ཡང་མི་ཐོས་པའི་སར་སོང་སྟེ༔ མཁའ་འགྲོ་མ་ཚོགས་གཏོར་གྱིས་མཉེས་པར་བྱ་བ་ནི༔ རང་གི་བ…

དང་དཀྱིལ་འཁོར་བསྐྱེད་པའི་བསམ་པ་སྤྲོ་བ་དང་༔ ཆོས་ཀྱི་ཚིག་གི་བསམ་པ་སྤྲོ་བ་དང་༔ བྲོད་ཅིང་དགའ་བ་ལ་སོགས་པའི་བསམ་པ་སྤྲོ་བ་ནི༔ སེམས་རྣལ་དུ་ཕེབ་ཐབས་སོ༔ སྔོན་དུ་འགྲོ་བ་དེ་དག་གི་སྐབས་སུ་ཉིན་མཚན་དུ་གཉིད་སྤངས་ལ་བྱའོ༔ དེ་ནས་དེ་དག་གི་རྗེས་ཀྱི་ཤེས་པ་ཅི་ལྟར་འདུག་པ་ཡང་རང་གི་རྒྱུད་ལ་འགེལ་ཞིང་བལྟའོ༔ ལས་ཅན་འགའ་ནི་དེ་ལྟར…