དང་། ལུས་ཐལ་བའི་རྡུལ་དུ་བརླག་ནས་འབུལ་བ་དང་། དད་པ་ཅན་གྱི་འབུལ་སྣ་བྱས་ནས་འབུལ་བ་དང་གསུམ་ཡིན་གསུངས། འབྲིང་སྤྱོད་ལམ་གྱི་ཞབས་ཏོག་ལ་གསུམ། རང་གི་ལུས་དང་སྲོག་ལ་ལྟོས་པ་མེད་པར་སྐྱོ་བ་དང་དུབ་པ་མེད་པར་བྱེད་པ་དང་། བླ་མའི་རྣམ་ཐར་གང་ལ་ཡང་མི་དད་པ་མི་བསྒོམ་པ་དང་། བླ་མ་མ་མཉེས་ཀྱི་དོགས་ནས་རང་གི་ལུས་ངག་ཡིད་གསུམ་གྱི་སྤྱ…

དེའི་རྗེས་ལ་སྐྱབས་འགྲོའི་སྡོམ་པ་ཕོག །སོ་སོ་ཐར་པའི་སྡོམ་པ་ཕོག་ནས་རབ་བྱུང་ལ་བཙུད། བྱང་ཆུབ་མཆོག་ཏུ་སེམས་བསྐྱེད་ནས་སྡོམ་པ་ཕོག །གསང་སྔགས་སུ་དབང་བསྐུར། བསྐྱེད་རྫོགས་ཟབ་མོའི་དོན་བསྟན་པར་བསྒོམ་པ་ནི་སྙན་པར་སྨྲ་བའི་བསྡུ་བའོ། །དོན་སྤྱོད་པའི་བསྡུ་བ་ནི། དེ་རྣམས་སྒྲུབ་པ་ལ་བསྐུལ་བར་བསྒོམ་པའོ། །དོན་མཐུན་པ་ནི། རང་ཆོ…

དོ། །ལྷ་མ་ཡིན་ལ་འཐབ་རྩོད་ཀྱི་སྡུག་བསྔལ་དང་། ལྷ་ལ་ཡང་གོས་ལ་དྲི་མ་ཆགས་པ་དང་། མེ་ཏོག་གི་རྒྱན་རྙིང་པ་དང་། ལུས་ལ་དྲི་མི་ཞིམ་པ་བྲོ་བ་དང་། རང་གི་སྟན་ལ་འདུག་སྙིང་མི་འདོད་པ་དང་། ལྷ་མོ་རྣམས་ཀྱིས་བོར་བ་དང་། རྟགས་ལྔ་བྱུང་བ་དང་། ཉ་བྱེ་ཚན་ལ་སྒྲེས་པ་ལྟ་བུའི་སྡུག་བསྔལ་བསམ་པས་སྙིང་རྗེ་བརྩེ་རམ་པ་སྐྱེ། ནག་པོའི་རྒྱུ་འབ…

འཁྱམས་ཤིང་སྡུག་བསྔལ་གྱིས་རྒས་ཤིང་འཁོགས་པ་འདི་རྣམས་སྙིང་རེ་རྗེ། ཆོག་ཤེས་བསམ་གཏན་གྱི་ཟག་མེད་ལ་དབུལ་ཞིང་འཕོངས། བཀྲེས་ཤིང་སྐོམ་པ་འདི་སྙིང་རེ་རྗེ། ཐོས་བསམ་སྒོམ་གསུམ་ཤེས་རབ་ཀྱི་མིག་ཀྱང་མེད་ལ། ཆུ་བུར་གྱི་མིག་ཀྱང་མེད། ལོང་བ་འདི་སྙིང་རེ་རྗེ། སེམས་ལ་རང་དབང་མ་ཐོབ། འཁྲུལ་པ་ཆགས་སྡང་གི་དབང་དུ་ཤོར་ཅིང་། རང་སེམས་སྨ…

བྱུང་། སྡུག་བསྔལ་རང་རྒྱུད་དུ་སྤྱོད་པ་ཨ་མ་སེམས་ཅན་རྣམས་སྙིང་རེ་རྗེ་སྙམ་དུ་བསམ་གསུངས། དེ་ལ་རྗེའི་ཞལ་ནས། སྙིང་རྗེ་སྒོམ་པ་ཐམས་ཅད་ཀྱི་ནང་ནས་རང་ལ་སྒོམ་པ་འདི་གནད་ཆེ་བ་ཡིན། རང་ལ་སྐྱེས་ན་གཞན་ལ་སྐྱེ་བ་ལ་ཚེགས་མེད་པ་ཡིན་གསུངས། བླ་མ་དཀོན་མཆོག་ལ་བསམ་ལ་སྙིང་རྗེ་བསྒོམ་པ་ནི། བླ་མ་དཀོན་མཆོག་ལ་བསམ་དུ་ནི་སེམས་ཅན་དོན་ལས…

པས་འགྲོ་དོན་ཐམས་ཅད་རྩོལ་མེད་དུ་འགྲུབ་པ་ཡིན། ད་ལྟ་ཡང་འགྲོ་དོན་མི་འགྲུབ་པ་ཐམས་ཅད་སྙིང་རྗེ་མེད་པར་རང་དོན་དུ་སོང་བའི་རྟགས་ཡིན་གསུངས། དེས་ན་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཐུགས་དགོངས་ལ་སེམས་ཅན་གྱི་དོན་མཛད་པ་ལ་སྙིང་རྗེ་ཆེན་པོ་བསྐྱེད་པ་ལས་མེད་དེ། ཆོས་ཡང་དག་པར་སྡུད་པའི་མདོ་ལས་ཀྱང་། སྤྱན་རས་གཟིགས་ཀྱི…

གང་ཟག་དེ་ལ་བསམ་གཏན་གྱི་ལས་སུ་རུང་བ་དེ་ཡིན། ཤེས་རབ་ནི་སེམས་རྣམ་པར་དག་པ་ཡིན་གསུངས། དེས་ན་སྙིང་རྗེ་ཡོད་ན་སངས་ལ་མི་རྒྱ་བའི་ཁ་ཐབས་མེད་དེ། ད་འོ་སྐོལ་རྣམས་སངས་མ་རྒྱས་པ་བྱམས་སྙིང་རྗེ་བྱང་ཆུབ་ཀྱི་སེམས་མེད་པས་ལན་གསུངས། ད་ལག་ལེན་ལ་སངས་རྒྱས་པ་ལ་སྙིང་རྗེ་མེད་ཐབས་མེད་པས་ལུས་དང་སྲོག་ལ་མ་ལྟོས་པར་སེམས་ཅན་གྱི་དོན་བྱའ…

ཐམས་ཅད་ཀྱི་ནད་དང་དུཿཁ་ཐམས་ཅད་འོད་ཟེར་གྱིས་བསྡུས་ནས་བདག་གི་ཐོག་ཏུ་བྱུང་བར་བསམ། བདག་གི་རྒྱུད་ཐོག་ཏུ་སླེབ་པ་དང་བདེ་སྟོང་དང་ལྡན་པར་བསམ། དེ་ལ་བསྔོ་བ་ནི། བདག་གིས་དགེ་བའི་རྩ་བ་དེ་ལ་བརྟེན་ནས་སེམས་ཅན་ཐམས་ཅད་བདེ་བ་དང་ལྡན། དུཿཁ་དང་བྲལ་ནས་བླ་ན་མེད་པའི་བྱང་ཆུབ་ཐོབ་པར་གྱུར་ཅིག། ཅེས་བརྗོད་ལ་སྨོན་ལམ་གདབ་པ་ནི་ལག་ལེན…

ལྟ་བུ་སྒོམ་པ་ཡིད་ཀྱིས་བརྗེ་བའོ། །དངོས་སུ་ཕན་འདོགས་པའི་ཏིང་ངེ་འཛིན་གྱི་ནི། རྒྱུ་དང་འབྲས་བུ་གཉིས་ལས། རྒྱུ་ལ་ཕན་གདགས་པ་ནི། ཨ་མ་མ་རིག་གཏི་མུག་ཅན་ཚོ་སྙིང་རེ་རྗེ། མ་རིག་གཏི་མུག་དེ་བདག་གིས་བླང་ངོ་། །བདག་གི་ཤེས་རབ་འོད་གསལ་དེ་ཕར་ལ་སྦྱིན་ནོ། །དེའི་དགེ་བའི་རྩ་བ་ལ་བརྟེན་ནས་སེམས་ཅན་ཐམས་ཅད་ཤེས་རབ་འོད་གསལ་དང་ལྡན་ན…

གིས་སྲོག་གཅོད་པ་སྤངས་པའི་དགེ་བ་འདི། ཨ་མ་སྲོག་གཅད་པའི་དུཿཁ་ཅན་ཚོ་ལ་སྦྱིན་ནོ། །དགེ་བའི་རྩ་བ་དེ་ལ་བརྟེན་ནས་སེམས་ཅན་ཐམས་ཅད་སྐྱེ་འཆི་མེད་པའི་སྐུ་དང་ལྡན་ནས་བླ་ན་མེད་པའི་སྐུ་དང་ལྡན་པར་གྱུར་ཅིག །ཨ་མ་ན་ཚའི་དུཿཁ་ཅན་ཚོ་སྙིང་རེ་རྗེ། ན་ཚའི་དུཿཁ་དེ་བདག་གིས་བླང་ངོ་། བདག་གི་ནད་མེད་ཟག་མེད་ཀྱི་བདེ་བ་དེ་ཨ་མ་ན་ཚའི་དུཿཁ…

བདག་གིས་འབྲེལ་མེད་དུ་ཤེས་པའི་དགེ་བ་འདི། ཨ་མ་གཉེན་བྱམས་པ་དང་བྲལ་བའི་སྡུག་བསྔལ་ཅན་གྱི་རྒྱུད་ལ་སྦྱིན། དགེ་བའི་རྩ་བ་དེ་ལ་བརྟེན་ནས་སེམས་ཅན་ཐམས་ཅད་བརྩེ་དུང་འབྲལ་མེད་དུ་ཤེས་ནས་བླ་ན་མེད་པའི་བྱང་ཆུབ་ཐོབ་པར་གྱུར་ཅིག །ཨ་མ་གདོན་གྱིས་ཉེན་པའི་སྡུག་བསྔལ་ཅན་ཚོ་སྙིང་རེ་རྗེ། ཨ་མ་གདོན་གྱིས་མནར་བའི་སྡུག་བསྔལ་དེ་བདག་གིས…

མ་སྡུག་བསྔལ་སྣ་ཚོགས་ཀྱིས་མནར་བའི་རྒྱུད་ལ་སྦྱིན། དགེ་བའི་རྩ་བ་དེ་ལ་བརྟེན་ནས་སེམས་ཅན་ཐམས་ཅད་བདེ་སྐྱིད་ཕུན་སུམ་ཚོགས་པ་དང་ལྡན་སྡུག་བསྔལ་ཐམས་ཅད་དང་བྲལ་བར་གྱུར་ནས་མྱུར་དུ་བླ་ན་མེད་པའི་བྱང་ཆུབ་ཐོབ་པར་གྱུར་ཅིག །ཅེས་ཏིང་ངེ་འཛིན་དང་ལྡན་པས་ལག་ལེན་ལ་འདེབས་པ་ཡིན་གསུངས། འགམ་སྤྱོད་དང་མཐར་ཐུག་གི་བསྐྱལ་ས་གཉིས་བྱམས་ས…

རྗེ་དང་ལྡན་པའི་གང་ཟག་དེ་ལ་གནོད་པ་བསྐྱལ་ཡང་བྱམས་པས་འབྲེལ་ཐོག་ནས་སྙིང་རྗེས་རྗེས་སུ་འཛིན། དེ་ཡིས་སྡུག་བསྔལ་ཐམས་ཅད་བསལ་ནས་བདེ་ལ་འགོད་པ་ཞིག་འོང་བ་ཡིན། དེ་ཡང་མཐར་ཐུག་གི་སྐྱེལ་ས་བྱམས་པ་ཡིན་གསུངས་སོ། །དེའི་རྗེས་ལ་ལྷག་པའི་བསམ་པ་བསྒོམ། དེ་ལ་རྣམ་པ་གསུམ་ཡིན་གསུངས། ལྷག་པའི་བསམ་པ་སྐྱེ་བའི་རྒྱུ་སྙིང་རྗེ་ཡིན། ལྷག་བ…

སེམས་དཔའ་རྣམས་ཀྱིས་སེམས་ཅན་གྱི་དོན་བྱེད་དེ་ཡོན་ཏན་ལ་རྒྱ་དང་ཚད་ཡོད་གསུངས། འོ་ན་སེམས་ཅན་གྱི་དོན་སུས་ནུས་ཤེ་ན། རྣམ་པ་ཐམས་ཅད་མཁྱེན་པ་རྫོགས་པའི་སངས་རྒྱས་བྱ་བ་ཆོས་ཀྱི་སྐུ་ལས་མ་གཡོས་པ་ལ། སེམས་ཅན་རེ་རེའི་མདུན་དུ་སྐུ་དཔག་ཏུ་མེད་པ་དེ་འདྲ་བ་ཞིག་ཐོབ་ན་ནི་ནུས། མ་ཐོབ་ན་ནི་མི་ནུས་སྙམ་དུ་རྗེས་སུ་འགྲོ་ལྡོག་ཤེས་པར་བྱ…

བ་སྤུ་འགྲུབ་པའི་དགེ་བའི་རྩ་བ་དེ་གཅིག་ནས་བརྒྱ་རུ་བསྒྱུར་བས་དཔེ་བྱད་བཟང་པོ་བརྒྱད་ཅུའི་གཅིག་འགྲུབ། དཔེ་བྱད་གཅིག་ནས་བརྒྱད་ཅུའི་བར་ལ་ཡང་རྒྱུ་དེ་ཙམ་ལ་འགྲུབ། དཔེ་བྱད་འགྲུབ་པར་བྱེད་པའི་དགེ་བའི་རྩ་བ་སྟོང་འགྱུར་དུ་བསྒྱུར་བས་མཚན་སུམ་ཅུ་རྩ་གཉིས་ཀྱི་གཅིག་འགྲུབ། མཚན་རེ་རེ་ལའང་དེ་ཙམ་རེ་དགོས་ཏེ། མཚན་འགྲུབ་པར་བྱེད་པ…

ཅད་ཀྱང་དང་པོ་བྲེ་ཕུལ་ལ་བསགས་པས་བྱུང་བ་ཡིན། ལུག་བརྒྱ་ཁྱུ་སྟོང་ཁྱུ་ཡང་རེ་རེ་གཉིས་གཉིས་ནས་བྱུང་བ་ཡིན། དེ་བཞིན་དུ་སངས་རྒྱས་ཀྱང་རྒྱུ་རེ་རེ་བསགས་པ་ལས་བྱུང་བ་ཡིན། རྒྱུ་རླབས་པོ་ཆེ་དེ་ལས་འབྲས་བུ་རླབས་པོ་ཆེ་དེ་འབྱུང་སྙམ་པའི་ཡིད་ཆེས་པའི་དད་པ་དང་དང་བའི་དད་པ་དང་ཐོབ་པར་འདོད་པའི་དད་པ་སྐྱེ། འབྲས་བུ་རླབས་པོ་ཆེ་དེ་ལས…

ཏོར་མི་མཐོང་རི་རྒྱལ་བཞིན་ཞེས་གསུངས་ནས་སྐུའི་ཚད་མ་རྙེད་དོ། །གསུང་གི་གསང་བ་བསམ་གྱིས་མི་ཁྱབ་པ་ནི། གསུང་སྙན་པ་ཟུར་ཕྱིན་པ་རྣ་བར་སྙན་པ་སྙིང་ལ་འབབས་པ། ཀ་ལ་པིང་ཀའི་དབྱངས། གསུང་གཅིག་སྟོན་པས་སེམས་ཅན་གྱི་རྟོག་པ་སེལ་ནུས་པ་ཡིན་ཏེ། འཕགས་པ་མོའུ་འགལ་གྱི་བུས་འདི་ནས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དགུ་བཅུ…

ལྡན་འདས་ཀྱི་ཞལ་ནས། ངའི་ཐུགས་ཚད་བལྟ་བར་འདོད་ན་སེམས་ཅན་གྱི་སེམས་ཉིད་དང་། ནམ་མཁའི་ཁམས་དང་། སངས་རྒྱས་ཀྱི་ཐུགས་དང་གསུམ་པོ་དབྱེར་མེད་གཅིག་ཏུ་གྱུར་པ་ཡིན་པས་ནམ་མཁའི་ཁམས་ཀྱི་མཐའ་ཚོལ་ཅིག་གསུངས། ཕྱག་ན་རྡོ་རྗེས་རྡོ་རྗེ་ནམ་མཁའ་ལ་འཕངས་པས་ནམ་མཁའི་མཐའ་མ་རྙེད་པར་ལོག་མ་ཡོང་ཅིག་གསུངས་པས། ད་ལྟ་ཉི་མ་རེ་ལ་དཔག་ཚད་བརྒྱད་ཁྲ…

འཁོར་བདུན་པོ་རེ་རེ་ལའང་ལྷ་ལྔ་བཅུ་རྩ་གསུམ་གསུམ་མོ། །དེ་ཐམས་ཅད་སེམས་ཅན་རེ་རེའི་མདུན་དུ་བསྟན་ལ་ནམ་མཁའི་ཁམས་དག་པ་ལ་མཐུ་སྟོབས་ཐོགས་པ་མི་མངའ། དེ་བཞིན་དུ་བདེ་མཆོག་འཁོར་ལོ་ལྷ་ཚོགས་དྲུག་ཅུ་རྩ་བཞི་ཡོད་པ་སེམས་ཅན་རེ་རེའི་མདུན་དུ་བསྟན་ནས་ནམ་མཁའི་ཁམས་དག་པ་ལ་མཐུ་སྟོབས་ཐོགས་པ་མི་མངའ་འོ། །སྐུའི་དབྱིབས་བསྟན་པ་ནི། ལྷ་…

པ་བཞིན་བསྲུང་། འཇུག་པའི་བསླབ་བྱ་ནི་བསླབ་པ་གསུམ་སྟེ། ལྷག་པ་ཚུལ་ཁྲིམས་ཀྱི་བསླབ་པ། ལྷག་པ་ཤེས་རབ་ཀྱི་བསླབ་པ། ལྷག་པ་སེམས་ཀྱི་བསླབ་པ་གསུམ་ལས། ལྷག་པ་ཚུལ་ཁྲིམས་ཀྱི་བསླབ་པ་ལ་ཉེས་སྤྱོད་སྡོམ་པའི་ཚུལ་ཁྲིམས། དགེ་བ་ཆོས་སྡུད་ཀྱི་ཚུལ་ཁྲིམས། སེམས་ཅན་དོན་བྱེད་ཀྱི་ཚུལ་ཁྲིམས་གསུམ་མོ། །སྡོམ་པའི་ཚུལ་ཁྲིམས་ལ་བཅུ་གཅིག་སྟེ།…