མ་ཐོས་སོ། །སྤྲོས་བྲལ་བདེ་བ་ཆེན་པོ་ལ། །ཆགས་པ་ཡོད་སྐད་མ་ཐོས་སོ། །སྨོན་ལམ་ཐུགས་རྗེ་ཆེན་པོ་ལ། །ཐོགས་པ་ཡོད་སྐད་མ་ཐོས་སོ། །སྣང་བ་འཁྲུལ་པའི་རྣམ་རྟོག་ལ། །བདེན་རྫུན་ཡོད་སྐད་མ་ཐོས་སོ། །ཞེས་སོ། ༈ །ཡང་བླ་མའི་བཀའ་མ་བཅག་ཅིང་ཅི་གསུང་བསྒྲུབས་པས་སེམས་མི་འགྱོད་པར་སྒྲོ་འདོགས་ཆོད་པ་ཞབས་ཏོག་གསུམ་ལ་གདམས་པ་ལུས་སྲོག་ལྟོས་མ…

བཅས་པས་ཐུགས་ལ་བཏགས། །ད་ཞེ་འགྱོད་མེད་པས་བློ་རེ་བདེ། །དཔང་རང་གི་སེམས་ཀྱིས་མ་ཁྲེལ་བ། །དམ་ཚིག་ལ་ངོས་ལྐོག་མ་བྱས་པས། །རྗེ་ཡི་དམ་མཁའ་འགྲོའི་བྱིན་རླབས་ཞུགས། །ད་དོན་གཉིས་གྲུབ་པས་བློ་རེ་བདེ། །གནས་ལུགས་ཀྱི་ལྟ་བས་མ་ཁྲེལ་བ། །གོ་བློའི་ཡུལ་དུ་མ་བྱས་པས། །དོན་ཡིད་ལ་མི་ཕྱེད་འགྱུར་བ་མེད། །ད་མཐའ་དང་བྲལ་བས་བློ་རེ་བདེ། །…

ལས་འདས་པ་ཆོས་ཀྱི་སྐུ། །ད་རེ་དོགས་མེད་པས་བློ་རེ་བདེ། །ཞེས་སོ། ༈ །ཡང་བྲག་དམར་རྫོང་ཆེན་ན་གསུངས་པ་རྨི་ལམ་ཉམས་ཀྱི་མགུར་ནི། དུས་ཕྱིས་བྲག་དམར་རྫོང་ཆེན་ན་བཞུགས་པའི་དུས། སེདྒེ་རྒྱལ་མཚན་རྫ་དེའུ་ན་གཅིག་པུར་བཞུགས། རྒྱགས་ཆད། ཁ་བས་ལམ་བཅད་པ་ལ། ནངས་མ་གཉིས་སུ་མཇལ་དུ་ཡོང་ཚད་པ་ལ། ཁ་བ་ཆེན་པོ་འཚུབས་པས་མ་ཐོན་ནས། ཞག་གསུམ་…

ཀྱི་གདམས་པ་འདི་རྣམས་གསུངས་གསུངས་ནས་མགུར་འདི་གསུངས་སོ། །ཆོས་སྦྱོར་བ་སྟོང་ཉིད་སྙིང་རྗེའི་ཀློང་། །དོན་འགྲོ་བ་འདྲེན་པ་བདེ་ཆེན་ངང་། །ཆོས་དངོས་གཞི་ཕར་ཕྱིན་དྲུག་ལྡན་ཀློང་། །དོན་སྒྱུ་མ་ལྟར་སྣང་བདེ་ཆེན་ངང་། །ཆོས་རྗེས་ཤེས་འཁོར་གསུམ་མི་རྟོག་ཀློང་། །དོན་རྒྱུ་འབྲས་རྟེན་འབྲེལ་བདེ་ཆེན་ངང་། །ཆོས་སྦྱོར་དངོས་རྗེས་གསུ…

ལྡན་གཏུམ་མོ་བརྩོན་འགྲུས་ཀློང་། །དོན་དྲོད་རྟགས་ཉམས་རྟོགས་བདེ་ཆེན་ངང་། །གནད་རྨི་ལམ་སྦྱོང་སྒྱུར་དེ་ཉིད་ཀློང་། །དོན་གཉིད་ཀྱི་འོད་གསལ་བདེ་ཆེན་ངང་། །གནད་འགྱུར་མེད་འཕོ་བ་ཆོས་སྐུའི་ཀློང་། །དོན་གཟུགས་སྐུའི་ཕྲིན་ལས་བདེ་ཆེན་ངང་། །གནད་བར་དོ་གསུམ་འདྲེས་འོད་གསལ་ཀློང་། །དོན་སྐྱེ་འཆི་མེད་པ་བདེ་ཆེན་ངང་། །སྤྱིར་ཆོས་བ…

༈ འབའ་རོམ་དར་མ་དབང་ཕྱུག་གི་སློབ་མའི་གཙོ་བོར་གྱུར་པ་འགྲོ་མགོན་ཏི་ཤྲི་སངས་རྒྱས་རས་ཆེན་གྱི་རྣམ་ཐར་ཟུར་ཙམ་ནི། དེའང་སྐུ་འཁྲུངས་ཡུལ་འདམ་ཤོད་སྣར་མོ། ཡབ་དར་ཁྲ་བོ། ཡུམ་སྐ་བཟའ་ཀླུ་ལྕམ་གཉིས་ཀྱི་སྲས་སུ་ཤིང་ཕོ་སྤྲེལ་ལོ་ལ་འཁྲུངས། གདུང་ནི་གཞོང་དང་ལྟེང་གཉིས་ལས་ལྟེང་འཛོམ་ཡིག་ཚང་རྗེ། ལེའུ་བོན་པོས་རྩིས་བྱས་པས་བནྡེ་བཟང…

འཕངས། འཁྲུགས་པ་ལས་རྒྱལ་བ་དང་། ངས་ཇི་ལྟར་བྱས་ཀྱང་ཕྱག་རྒྱ་ཆེན་པོ་ལས་མ་འདས་གསུངས་པས། དེ་མ་ཐག་བྱིན་རླབས་ཞུགས། རང་སེམས་ངོ་འཕྲོད། ཡི་དམ་ལྷ་ཡི་བསྐྱེད་རིམ་དང་། ཆོས་སྐྱོང་ཕྱག་བཞི་པའི་དབང་སྒྲུབ་ཐབས་རྣམས་གནང་ནས་ཁྱོད་ལ་ཕན་ཐོག་པར་ཡོང་གསུངས། དབང་བསྐུར་ཞིག་མཛད་དུས་ཡེ་ཤེས་པ་ཕེབས་རྟགས་སུ་འཕགས་ནས་ནམ་མཁའ་ལ་འདུག་པ་བྱུང…

ཅིག་སྐྱེས་སྦྱོར་ཡི་དམ་སྒྲུབ་ཐབས་མཐའ་ཡས་དང་། གུར་བརྟག་སམ་གསུམ་སོགས་བཤད་འགྲེལ་གྱི་སྐོར་དང་། བླ་མ་ལྔ་བཅུ་པ་དང་རྩ་ལྟུང་སོགས་དམ་ཚིག་གི་ཆོས་སྐོར་རྣམས་ཞུས། དེ་ནས་བླ་མ་འབའ་རོམ་པ་ཁམས་ནས་ཡར་བྱོན་ཟེར་བའི་གཏམ་ཐོས་མ་ཐག་ཏུ་འབའ་རོམ་བྲག་ལ་བྱོན། དར་མ་དབང་ཕྱུག་མདུན་ནས་ཕྱག་ཆེན་མེ་ལོང་ལྔ་སྐོར། ཞི་བྱེད་སོགས་ཆོས་མང་དུ་ཞུ…

གསན། དགུང་ལོ་སོ་གཉིས་ཡོས་བུའི་ལོ་ལ་མཁན་པོ་ཐག་མ་བ་དང་། སློབ་དཔོན་གུ་ར་བ། གསང་སྟོན་དར་གཞོན་བཅས་དགེ་མདུན་མང་པོའི་དབུས་ནས་བསྙེན་པར་རྫོགས་པར་མཛད། དེ་ནས་བླ་མ་རིན་པོ་ཆེ་ཅུང་ཟད་བསྙུང་བ་ཐོས་ནས་འབའ་རོམ་དུ་བྱོན་སྐབས་སུ་རྒད་པོ་སེ་ཐུང་བ་རལ་གུ་དང་ཕྱིང་ཞྭ་གྱོན་པ་ཞིག་འདུག་པ་ལ། ཁྱོད་གང་ནས་ཡིན་གསུངས་པས། རྩི་བར་ཇ་པ་ལ་…

བླ་མཆོད་མཛད་ནས་ལོ་སོ་གསུམ་བཞུགས། ཐམས་ཅད་ཆོས་ལ་བཀོད། ཆོས་སྡེ་ཆེན་པོ་བཞི་བཏབ། གྲྭ་ཚོགས་བསམ་གྱིས་མི་ཁྱབ་པ་བསྐྱངས། དགུང་ལོ་དྲུག་ཅུ་རྩ་དྲུག་ཐོག་ཡར་བོད་ལ་ཕེབས། བླ་མའི་གདན་ས་བ་རྣམས་ལ་འབུལ་བ་རྒྱ་ཆེན་དང་། དགེ་འདུན་རྣམས་ལ་མང་བསྐོར་མཛད། ཁམས་ཕྱོགས་ཀྱི་ས་ཆ་ཡུལ་རིས་ཕལ་ཆེར་ཞབས་ཀྱིས་བཅགས་ཤིང་ཆོས་ཀྱི་དགའ་སྟོན་སྤེལ། …

རྒྱུད་གཞི་བདག་རྣམས་ལ་ཆོས་བཤད། དེ་ནས་བེ་རི་དང་། རྩི་པའི་ཡུལ་པ་རྣམས་འཁྲུགས་སྐབས་བླ་མ་རིན་པོ་ཆེ་འབྱོན་རོགས་ནན་ཆེར་ཞུས་པས་ངོ་མ་ལྡོག་ནས་ཕེབས་མཛད། འཁྲུགས་པ་བཟླུམས། ཚུར་ཕེབས་ལམ་ཅུང་ཟད་བསྙུང་ཚུལ་བསྟན་ནས་ཀོ་མཛོའི་དགོན་དུ་བྱོན། དགེ་འདུན་རྣམས་ནས་སྐུ་རིམ་ཕུལ་བས་བསྐྱེད་མེད་གསུངས་ནས་ཞལ་ཏ་སྨོན་ལམ་མཛད། ཡོས་ཕུར་ཕེབས…

སྐུ་རྟེན། ཡ་ར་ལ་ཝ་ཧཱུྃ་བྃ་སོགས་གསུང་རྟེན། རིང་བསྲེལ་ཁ་དོག་ལྔ་ལྡན་སོགས་ཐུགས་རྟེན། དུང་གཡས་འཁྱིལ་སོགས་ངོ་མཚར་བའི་རྟེན་དུ་མ་བྱུང་། གཞན་ཡང་འདི་ཉིད་ལ་སློབ་མ་མང་དུ་བྱོན་པའི་ནང་ནས་མཆོག་ཏུ་གྱུར་པ་སྤྱན་སྔ་རས་པ་དཀར་པོ། གུར་སྐྱོང་བཟང་སྒོམ་སོགས་སྟོད་སྨད་བར་གསུམ་ནས་ཆོས་སྒོར་བཀོད་པ་མང་དུ་བྱུང་བ་བསམ་གྱིས་མི་ཁྱབ་བོ…

དང་པོར་ཚིག་ལ་ཐོས་པ་བྱས། །བར་དུ་ལུང་རིགས་འགལ་འབྲེལ་བརྩིས། །ཐ་མར་ཚིག་ལ་མཁས་པར་བྱུང་། །དུས་ད་ལྟ་གཅིག་ཤེས་ཀུན་ལ་མཁས། །དུས་དང་པོར་ཡི་དམ་བསྒྲུབ་བྱར་མཐོང་། །བར་དུ་རྩ་བའི་དཀྱིལ་འཁོར་བསྒོམས། །ཐ་མར་རང་ལུས་ལྷ་སྐུར་ཤེས། །དུས་ད་ལྟ་སྣང་བ་ལྷ་སྐུར་གསལ། །དུས་དང་པོར་སྒྲོ་འདོགས་ཡུལ་ལ་བཅད། །བར་དུ་སེམས་འཛིན་སྒོམ་དུ་བྱས།…

ཟིང་ནོར་རྫས་བསགས། །བར་དུ་ཞེན་པ་ནང་ནས་ལོག །ཐ་མར་རང་སེམས་ཡིད་བཞིན་རྙེད། །དུས་ད་ལྟ་དགོས་འདོད་སེམས་ལས་འབྱུང་། །དུས་དང་པོར་འབྲས་བུ་བསྒྲུབ་བྱར་མཐོང་། །བར་དུ་སངས་རྒྱས་རང་སེམས་རྙེད། །ཐ་མར་སྐུ་གསུམ་མངོན་དུ་གྱུར། །དུས་ད་ལྟ་གཞན་དོན་ཤུགས་ལ་འཆར། །ཞེས་གསུངས་སོ། ༈ །དམ་ཆོས་ནོར་བུ་རིན་ཆེན་བཞུགས། བླ་མ་སངས་རྒྱས་རིན་ཆེ…

དེ་དག་ཀུན་གྱི་སློབ་མ་ནི། །བདག་གི་བླ་མ་རིན་པོ་ཆེ། །དངོས་གྲུབ་བརྙེས་ནས་གཞན་དོན་མཛད། །ཟབ་ཆོས་གསུངས་པ་བདག་གིས་ཐོས། །བདག་གིས་བསྒོམས་པས་ཉམས་མྱོང་ཐོབ། །དེ་འགྲོ་བ་རྣམས་ལ་བསྟན་པར་བྱ། །སྐལ་ལྡན་རྣམས་ཀྱིས་ཉམས་སུ་ལོངས། །ཉམས་དང་རྟོགས་པ་སྐྱེ་བར་ངེས། །རང་གཞན་གཉིས་ཀྱི་བདེ་བ་བསྒྲུབས། །དེ་དག་བརྒྱུད་པའི་ཟབ་ཆོས་འདི། །ཁྲ…

ནས་ལྷང་ལ་ཕྱུང་། །གཉིས་མེད་ཡེ་ཤེས་མངོན་དུ་གྱུར། །བདག་གིས་བསྒོམས་པས་ཉམས་རྟོགས་སྐྱེས། །འབྲས་བུ་མངོན་དུ་གྱུར་པ་ཡིན། །བཀའ་བརྒྱུད་གདམས་ངག་རིན་པོ་ཆེ། །ལྷན་ཅིག་སྐྱེས་པའི་བདུད་རྩི་དེ། །གཉིས་མེད་ཡེ་ཤེས་ཆེན་པོ་ལ། །བདག་གིས་བསྒོམས་པས་ཉམས་རྟོགས་སྐྱེས། །ཉམས་སུ་མྱོང་བས་རང་རྒྱུད་ཚིམས། །འཁོར་འདས་གཉིས་ཀྱི་ཆོས་རྣམས་ཀུན…

ཤེས་གཅིག་ཆར་སྐྱེ་བ་ཡི། །ཐེག་པ་མཆོག་གི་ལམ་ལ་ཞུགས། །རྟོགས་པ་གཅིག་གིས་ས་ལམ་བགྲོད། །ཚེ་གཅིག་སངས་རྒྱས་ཐོབ་པ་ཡི། །དམ་ཆོས་ནོར་བུ་རིན་པོ་ཆེ། །བླ་མས་གསུངས་བཞིན་རས་པས་བཀོད། །དེ་བྱུང་དགེ་བ་དྲི་མེད་ཀྱིས། །བདག་གཞན་སངས་རྒྱས་ཐོབ་པར་ཤོག །ཏི་ཤྲི་རས་པས་བཀོད་པ་དགེའོ། ༈ །རི་ཁྲོད་པ་ལ་གདམས་པ། རྗེ་རི་ཁྲོད་དབང་ཕྱུག་ལ་ཕྱག་འ…

མའི་གྲོང་ནས་འགྲོ་ཙ་ན། །ཁུར་གཅིག་པང་གང་ཁྱེར་བ་འདི། །རི་ཁྲོད་པ་ཡི་མཛད་སྤྱོད་མིན། །རྗེ་བཙུན་མི་ལ་རས་པ་ཡི། །གཏུམ་མོ་འབར་བའི་རས་གོས་དེ། །ཆོས་བརྒྱད་ཅན་གྱིས་འཕྱོར་གོས་བྱས། །རས་ཕྱམ་ལ་རི་ཁྲོད་མ་རེ་མཛོད། །གཏུམ་མོ་ཨ་ཤད་རས་གོས་གྱོན། །རྗེ་བཙུན་དྭགས་པོ་ཆེན་པོ་ཡི། །མལ་ན་བཞུགས་པའི་སྒོམ་ཞྭ་དེ། །ང་ཆེ་རྣམས་ཀྱིས་ཞྭ་ཆེ་…

ལྟར་མཛོད། །རི་བོ་གངས་ཅན་ཏི་སེ་ལ། །རྗེ་བཙུན་མི་ལ་རྣལ་འབྱོར་གྱིས། །ཚེ་གཅིག་རྫོགས་པའི་སངས་རྒྱས་འགྲུབ། །རྟེན་འབྲེལ་ཟབ་མོའི་ཟས་གཡོས་ནས། །ཐབས་ལམ་གནད་ཀྱི་གཡབ་མོས་གཡོབས། །བརྩོན་འགྲུས་ཅན་ལ་འདིར་ཤོག་གསུངས། །ཁྱེད་རི་ཁྲོད་མཛད་ན་དེ་ལྟར་མཛོད། །འབའ་རོམ་ཙམ་ཆེན་ལྷ་སྒོ་ན། །དཔལ་ལྡན་ཆེན་པོ་འབའ་རོམ་པས། །ཕྱག་རྒྱ་ཆེན་པོའི…

ཡིན། །ཡང་ཞིག་སྐལ་ལྡན་རི་ཁྲོད་པ། །སྙིང་གཏམ་ཚིག་བཞི་བཟླ་རྒྱུ་ཡོད། །ལྟ་བསྒོམ་སྤྱོད་འབྲས་མན་ངག་ཡིན། །སེམས་ཉིད་ཕྱག་རྒྱ་ཆེན་པོ་ལ། །ཡོད་མེད་བརྟག་དཔྱད་མ་མང་བར། །མཐའ་དང་བྲལ་བར་བློ་ཐག་ཆོད། །ལྟ་བ་དབྱིངས་སུ་སྐྱོལ་ཙམ་ན། །རྟོགས་པའི་ཤེས་རབ་རལ་གྲི་དེ། །ལུང་དང་རྟོགས་པའི་ངར་བླུད་ནས། །མ་རིག་རྩད་ནས་ཆོད་པར་གྱིས། །ལྷན་སྐ…