སྣང་དུ་གྱུར། དེ་ནས་ཕྱོགས་ཀྱི་བླ་མ་མི་དཔོན་ལྷ་སྡེ་མི་གསུམ་ཀུན་ཚོགས་པ་ལ་སྐུ་འགྱེད་ཆེན་པོ་བཏང་བས་ཀུན་ངོམས་པར་གྱུར་ཅིང་། གདུང་ཞུགས་ལ་ཕུལ་ཚེ་ལྷ་མི་ཀུན་གྱིས་མཆོད་པ་བླ་ན་མེད་པས་མདུན་བདར་ཏེ་ངོ་མཚར་བའི་གནས་སུ་གྱུར། གདུང་དང་རིང་བསྲེལ་གྲངས་ལས་འདས་པ་བྱུང་ཞིང་སློབ་ཚོགས་ཀྱང་མང་དུ་མཆིས་པ་ལས། གཙོ་ཆེ་བ་རིགས་དབོན་གྲག…

༈ སྤྱན་སྔ་བྱང་གཞོན་པའི་སློབ་ཆེན་བློ་གྲོས་རྡོ་རྗེ་ནི། སྐུ་འཁྲུངས་ཡུལ་ལྕི་རྒྱུད་སྟོང་རོང་མཆིག་ནག་གི་རྫོང་ནག་ཅེས་པར། ཡབ་ཚབ་ཤི་སེང་གེ་དཔལ་གྱི་སྲས་སུ་འཁྲུངས། ཁོང་སྐུ་ན་གཞོན་པར་ཡབ་ཀྱི་རྫོང་གཞི་ལ་མ་ཆགས་པར་བན་བྲོས་ལ་ཚང་གསར་ནང་དུ་བྱོན། སྤྱན་སྔ་བྱང་ཆུབ་གཞོན་ནུ་ལས་རབ་ཏུ་བྱུང་། མཚན་བློ་གྲོས་རྡོ་རྗེར་བཏགས། ཡི་དམ…

ཆོས་ཀྱི་ཁྲིར་ལོ་ཤས་བཞུགས། མར་བྱོན་ནས་ཇོ་མོ་གཡུ་སྒྲོན་ཇབ་དང་ཀུ་སྐྱོ་རྣམས་སུ་རི་འགྲིམ་དང་། ཟླ་ཉིན་ལ་ཆིང་གི་དགོན་པ་བཏབ། འགྲོ་དོན་རྒྱ་ཆེན་པོ་མཛད། མཐར་དེར་སྐུ་མྱ་ངན་ལས་འདས། གདུང་ཞུགས་ལ་ཕུལ་བས་འཇའ་མི་འདྲ་བ་དུ་མ་དང་རིང་བསྲེལ་གྲངས་མེད་བྱོན། དེའི་སློབ་མ་མང་དུ་ཡོད་པའི་ནང་ནས་ཁྱད་པར་འཕགས་པ་ལྷ་རས་པ་དང་གླང་རས་པ་ག…

གནས་ལུགས་རྣམ་པར་དག་པ་ལ། །སྤྱད་བྱ་སྤྱོད་བྱེད་མ་གྲུབ་ཀྱང་། །སྤྱོད་དུ་མེད་པའི་ཚུལ་གྱིས་སྤྱོད། །སེམས་ཉིད་མཁའ་ལྟར་དག་པ་ལ། །བསྲུང་བྱ་སྲུང་བྱེད་མ་གྲུབ་ཀྱང་། །བསྲུང་དུ་མེད་པའི་ཚུལ་གྱིས་སྲུང་། །རང་བཞིན་ལྷུན་གྱིས་གྲུབ་པ་ལ། །བསྒྲུབ་བྱ་སྒྲུབ་བྱེད་མ་གྲུབ་ཀྱང་། །གཉིས་སུ་མེད་པའི་ངང་དུ་སྒྲུབ། །ཐ་མལ་ཤེས་པ་རང་ངོ་ཤེས།…

༈ སྟོང་ནག་རས་པའི་སློབ་མ་ལྷ་རས་པ་ནི། སྐུ་འཁྲུངས་ཡུལ་ལྕི་རྒྱུད། གདུང་མཆོག་པོའམ་ལྷ་ཡི་གདུང་། བློ་གྲོས་རྡོ་རྗེ་ལས་རབ་ཏུ་བྱུང་། མཚན་བརྩོན་འགྲུས་དཔལ། གྲུབ་བརྙེས་ཀྱི་བླ་མ་མང་དུ་མཇལ་ཞིང་ཟབ་རྒྱས་ཀྱི་གདམས་པ་ཐུགས་སུ་ཆུད་པར་མཛད་ཅིང་། ཁྱད་པར་སྟོང་ནག་རས་པ་ལས་ཕྱག་ཆེན་གྱི་དགོངས་བརྒྱུད་བརྙེས་པས་བརྒྱུད་འཛིན་གྱི་མཆོག་…

༈ །རྗེ་དེ་ཉིད་ཀྱི་ཐུགས་ཀྱི་སྲས་མཆོག་འཇམ་དབྱངས་རྣམ་འཕྲུལ་སྐྱོ་བྲག་[རྒྱལ་མཚན་གྲགས་པའམ་]གྲགས་པ་རྒྱལ་མཚན་གྱི་རྣམ་ཐར་མདོར་བསྡུས་ནི། དང་པོ་རྡོ་རྗེའི་ལུང་གིས་ཟིན་པའི་ཚུལ་ནི། ཏི་ཤྲི་རས་པ་དཀར་པོའི་རྡོ་རྗེའི་ལུང་བྱང་ལས། །ཨོ་རྒྱན་སྦས་གནས་སེང་གེ་རྫོང་འདི་རུ། །འགྲོ་དོན་རྒྱུན་མི་འཆད་པ་གནས་ཀྱི་བདག །གྲགས་པ་གསུམ་དང་…

གདུལ་བྱ་སྐྱོང་། །ཞེས་ལུང་བསྟན་པའི་ཐོག་མ་དང་། ཉང་རལ་ཉི་མ་འོད་ཟེར་གྱི་གཏེར་ལུང་ལས། རྫོང་ཆེན་ཀུན་གྱི་ཡ་གྱལ་སེང་གེ་རྫོང་། །མཁའ་སྤྱོད་ས་ལ་ཆགས་པའི་སྐྱོ་བྲག་པ། །རྡོ་རྗེ་འཆང་དངོས་མི་ཡི་ཚུལ་བྱོན་པའི། །བསྟན་པ་འཛིན་པའི་རྒྱལ་མཚན་མཚན་ཅན་འབྱུང་། །ཞེས་དང་། སྟག་ཤམ་ལུང་བསྟན་ལས། །ས་ར་ཧ་སྤྲུལ་རྒྱལ་མཚན་མིང་ཅན་དང་། །ཡེ་…

མཆོག་ཁྱད་པར་ཅན་དང་མ་འོངས་ལུང་བསྟན་སོགས་ཕུལ་བས། སྐུ་གསུམ་མངོན་གྱུར་གྱི་རྟགས་མཚན་བསམ་གྱིས་མི་ཁྱབ་པ་མངའ། ལྷ་རས་པའི་ཞལ་ནས། བུ་འདི་ལ་མ་མགོན་སྤྲིན་ལྟར་འདུ། ཆོས་སྲུང་དམ་ཅན་རྒྱ་མཚོས་རྟག་ཏུ་སྲུང་ཞིང་སྐྱོབ་པ་དང་། སྒོམ་རོ་གཅིག་གི་རྟོགས་པ་མངོན་དུ་གྱུར་འདུག །མ་འོངས་པར་དཔལ་འབའ་རོམ་པའི་བསྟན་པའི་བརྒྱུད་འཛིན་སྙན་གྲག…

ཁྱད་འཕགས་རྣམས་ལ་དཀའ་སྤྱད་དང་བརྩོན་འགྲུས་ཆེན་པོས་རྩེ་གཅིག་ཏུ་སྒྲུབ་པ་ལོ་ཉི་ཤུར་བཞུགས་པས་ཕྱག་རྒྱ་ཆེན་པོའི་རྟོགས་པ་མངོན་དུ་གྱུར་ནས་ཚེ་གཅིག་ཟུང་འཇུག་རྡོ་རྗེ་འཆང་གི་གོ་འཕང་བརྙེས་པའོ། །བཞི་པ་གདན་ས་ཐོག་མར་ཕྱག་བཏབ་ཚུལ་ནི། གླང་རས་པ་གྲགས་པ་རྒྱལ་མཚན་དེ་ཉིད་གནས་ཆེན་སྐྱོ་ཁོ་ཉིན་ཕུག་ཏུ་ཕྱག་རྒྱ་ཆེན་པོའི་ངང་ལ་བཞུགས…

ཁང་ཁྱད་པར་ཅན་བཞེངས་པའི་རྟེན་གྱི་གཙོ་བོ། ནཱ་རོ་གར་མཁན་གསུང་བྱོན་མ་དང་། བདེ་མཆོག་འཇའ་ཟུག་མ། པཀྴི་འབྱུང་བཞི་གཡུལ་རྒྱལ་མ་དང་རྗེ་ཉིད་ཀྱིས་བཞེངས་པའི་སྟོན་པའི་སྐུ་འཇའ་ཟེར་མ། དཔའ་བོ་མཁའ་འགྲོས་ཕུལ་བའི་རྡོ་རྗེ་འཆང་གསུང་བྱོན་མ། འཇང་རྒྱལ་པོས་ཕུལ་བའི་དགྱེས་རྡོར་སྐུ། གུར་མགོན་བྱིན་རླབས་མེ་འབར་མ། ཀརྨ་པ་རོལ་པའི་རྡོ…

བྲག་ལ་ཟང་ཐལ་དང་ནམ་མཁའ་ལ་བྱ་ལྟར་འཕུར། རྫུ་འཕྲུལ་སྐུ་ཡི་བཀོད་པ་མཐའ་ཀླས། གཞན་ཡང་སློབ་མ་དང་ཡང་སློབ་སོགས་ཀྱིས་དཔལ་རྒྱལ་བ་འབའ་རོམ་པའི་བསྟན་པ་འདི་ཉིད་ད་ལྟའི་བར་རྒྱུན་མ་ཆད་པར་དར་ཞིང་རྒྱས་པ་འདི་ཉིད་དོ། །ཁྱད་པར་རྒྱ་བོད་ཧོར་འཇང་མི་ཉག་ཆེ་དགུ་རྣམས་ཀྱིས་གཙུག་ཏུ་བཀུར་ཞིང་བསྟན་པའི་སྦྱིན་བདག་ཆེན་པོར་གྱུར། གཞན་ཡང་འགྲ…

འདི། །རང་གཅིག་པར་འདུག་པའི་སྐྱོ་རོགས་ཡིན། །ཉམས་ཏིང་འཛིན་རྒྱུན་ཆད་མེད་པ་འདི། །མི་ཚེ་སྐྱེལ་བའི་ཡིད་རྟེན་ཡིན། །ཆོས་ཉིད་རང་གཤིས་ཤར་བ་འདི། །གཅིག་པུར་འདུག་པའི་རྩེ་རོགས་ཡིན། །བྱ་བྱེད་ཡིད་ལ་བྲལ་བ་འདི། །ནམ་རྩ་བ་གཅོད་པའི་སྐྱེལ་ཐག་ཡིན། །སྟོང་ཉིད་མངོན་དུ་གྱུར་པ་འདི། །སྣང་བ་གཅོད་པའི་རལ་གྲི་ཡིན། །སྣང་སེམས་གཉིས་སུ་…

འགྲོ་འོང་འཕོ་འགྱུར་མེད་པ་འདི། །ཕྲིན་ལས་རྒྱུན་ཆད་མེད་པ་ཡིན། །ཅལ་ཅོལ་ཚིག་གི་ན་ཡམ་ལ། །འགལ་བ་མཆིས་ན་བཟོད་པར་གསོལ། །དགེ་བས་སེམས་ཅན་ཐམས་ཅད་ཀྱིས། །ཆོས་ཉིད་མངོན་དུ་རྟོགས་པར་ཤོག །ཅེས་སོ། །ཡང་གླང་རས་པ་རྒྱལ་མཚན་གྲགས་ཀྱི་རྟོགས་མགུར་ནི། རྗེ་བླ་མ་རྣམས་ལ་གུས་པས་འདུད། །མི་ང་དེང་བདེ་གསལ་ཉམས་ལེན་སྐྱོང་། །བདེ་གསལ་ལ་ཉམ…

འཛིན་མེད་བར་སྣང་བཞིན་ཡོད་དེ། །བདེ་གསལ་མི་རྟོག་སྟོང་པའི་ཉམས། །ཆགས་སྙམ་ཏིང་འཛིན་སྐྱོང་བའི་ཚེ། །ངེས་ཤེས་དགའ་བ་ཐོབ་པའི་དུས། །རྩེ་གཅིག་ཉམས་ལེན་དེ་རུ་རྫོགས། །རང་སེམས་སྐྱེ་འགག་སྤྲོས་དང་བྲལ། །རྣམ་རྟོག་ཆོས་སྐུར་འཆར་བའི་ཚེ། །རིག་པ་དབྱིངས་སུ་གཅུན་པར་བྱ། །ངོ་བོ་དབྱིངས་རིག་ཤར་བའི་ཚེ། །མ་བསྒོམ་མི་བསྒོམ་རང་ཡལ་གསུམ…

རྫོགས། །རྣལ་འབྱོར་བཞི་ཡི་རིམ་པ་འདི། །སེམས་ལ་ཤར་ནས་ངག་ཏུ་སྨྲས། །ཨྀཐི། ཞེས་གསུངས་སོ། ༈ །རྡོ་རྗེ་འཆང་སོགས་བཀའ་བརྒྱུད་གོང་མ་རིན་པོ་ཆེའི་ཟབ་གསང་ཐུགས་བཅུད་དྲི་མེད་བུམ་པ་གང་བྱོའི་ཚུལ་དུ་འཛིན་པར་མཛད་པ། དེའང་གྲྭ་སྟོད་ཨོ་རྒྱན་གླིང་པའི་གཏེར་ལུང་ལས། བོད་ཡུལ་ཁམས་ཀྱི་སེང་རྫོང་དུ༔ བྲམ་ཟེ་མདའ་བསྣུན་ས་ར་ཧ༔ དངོས་བྱོན…

གདམས་པའི་ཆུ་བོ་ཆིག་རྫོགས་སུ་བསྩལ། འཇིག་རྟེན་དབང་ཕྱུག་ཀརྨ་པ་དེ་བཞིན་གཤེགས་པ་ལས་ཀྱང་ཆོས་མང་དུ་གསན། བྲམ་ཟེ་ཆེན་པོ་ས་ར་ཧ་ལན་གསུམ་དུ་མཇལ་བའི་དག་གཟིགས་ལ་བརྟེན་ཡེ་ཤེས་ཀྱི་སྐུས་རྗེས་སུ་བཟུང་སྟེ་དོ་ཧའི་གདམས་པ་མང་དུ་གསན། གནས་ཆེན་སེང་ཧ་རྫོང་དང་། སྐྱོ་ཁོ་ཉིན་ཕུག །ཟླ་སྐྱིད་འབྱམས་ཉི་ཟླ་ཕུག །ཆབ་བསྟི་གསེར་ཕུག །མཁའ་…

དང་ཟིལ་གནོན་གྱི་སྐྱེ་མཆེད་ལ་མངའ་བརྙེས་པས་འབྱུང་བཞིར་རང་དབང་བསྒྱུར། རྡོ་རྗེའི་གླུ་མཛོད་བརྡོལ། ཉི་ཟླ་གཏོད་ལ་མནན། རི་བྲག་ལ་ཟང་ཐལ་དུ་གྱུར། སྐྱོ་བྲག་དབུ་རྩེ་ནས་ཆབ་བསྟི་གསེར་ཕུག་ཏུ་བྱ་ལྟར་འཕུར་བ་དང་། ཟླ་ཆུར་མི་བྱིངས་པར་ཉ་ལྟར་འཕྱོ་བའི་རྫུ་འཕྲུལ་སྐྱེ་བོ་ཕོ་མོ་ཀུན་གྱི་སྤྱོད་ཡུལ་དུ་ལན་མང་མཇལ། དེ་དག་གི་སྐབས་ཞབ…

ལ་ཕྱག་འཛུབ་བཙུགས་པའི་རྗེས་རིང་བསྲེལ་གྱིས་མཚན་པ་གནང་སྟེ་གསང་བདག་བདུད་འཇོམས་རྡོ་རྗེ་དང་། འཇིགས་མེད་ཆོས་ཀྱི་སེང་གེ་དུས་མཉམ་དུ་འབྱུང་བར་ལུང་བསྟན། ཡེ་ཤེས་ཀྱི་ཌཱ་ཀི་མི་མོའི་ཟོལ་འཛིན་པ་ཨ་ཁྲོམ་ཆོས་འཛོམ་མ་དང་ལྷན་དུ་ཧེ་རུ་ཀའི་བརྟུལ་ཞུགས་ལ་རོལ་པར་མཛད་པ་སོགས་སོ་སྐྱེའི་བློ་ཡུལ་ལས་འདས་པའི་སྐུ་གསུང་ཐུགས་ཡོན་ཏན་ཕྲི…

ཕྱག་ཆེན་ནམ་མཁའི་ཁེབས་མ། གེགས་སེལ་རྡོ་རྗེའི་མགུར་སོགས་ཞལ་ཁྲིད་གསུང་གི་བདུད་རྩི་དུ་མ་གདུལ་བྱའི་བགོ་སྐལ་དུ་བསྩལ། མཐར་ཞིང་འདིར་སྐུ་དངོས་ཀྱི་གདུལ་བྱ་རེ་ཞིག་རྫོགས་པའི་ཚུལ་བསྟན་ཏེ་བགྲང་བྱ་བདུན་ཅུ་དོན་བརྒྱད་དུ་སོན་པ་ས་ཟླའི་ཚེས་བཞི་ལ་ངོ་མཚར་བའི་ལྟས་དང་ཆོ་འཕྲུལ་བཅས་གཟུགས་སྐུའི་བཀོད་པ་བསྡུ་བའི་ཚུལ་བསྟན། གདུང་ཤ…

གཏོགས་པ། །ཡི་དམ་གཞན་ནས་ངས་མི་འཚོལ། །བར་ཆད་སེལ་རུང་མ་སེལ་རུང་། །རྡོ་རྗེ་གུར་མགོན་མ་གཏོགས་པ། །ཆོས་སྐྱོང་གཞན་ནས་ངས་མི་འཚོལ། །ལྟ་བ་རྟོགས་རུང་མ་རྟོགས་རུང་། །བར་སྣང་འདུག་ལུགས་མ་གཏོགས་པ། །རྒྱུད་སྡེ་གཞན་ནས་ངས་མི་འཚོལ། །སྒོམ་པ་ཤར་རུང་མ་ཤར་རུང་། །འཁོར་འདས་ལམ་ཁྱེར་མ་གཏོགས་པ། །ཐབས་ལམ་གཞན་ནས་ངས་མི་འཚོལ། །སྤྱོད་པ…