འབྱོར་འདི་ནི་ཤིན་ཏུ་རྙེད་པར་དཀའ། །སྐྱེས་བུས་དོན་སྒྲུབ་ཐོབ་པར་གྱུར་པ་ལ། །གལ་ཏེ་འདི་ལ་ཕན་པ་མ་བསྒྲུབ་ན། །ཕྱིས་འདི་ཡང་དག་འབྱོར་པར་ག་ལ་འགྱུར། །སྲིད་གསུམ་མི་རྟག་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གར་ལ་བལྟ་དང་མཚུངས། །སྐྱེས་བུའི་ཚེ་འགྲོ་ནམ་མཁའི་གློག་འདྲ་སྟེ། །རི་གཟར་འབབ་ཆུ་བཞིན་དུ་མྱུར་མགྱོགས་འགྲོ། །…

རེ་རྗེ། །འདི་རྣམས་བདེ་ལྡན་སྡུག་བསྔལ་བྲལ་བ་དང་། །འཕགས་པའི་བདེ་ཐོབ་བཏང་སྙོམས་ཆེར་འགོད་ཕྱིར། །ཟབ་ལམ་ཉམས་ལེན་མཐའ་རུ་དབྱུང་བར་བགྱི། །[ཞེས་ཚད་མེད་བཞི་ལ་བློ་སྦྱངས་པས་འོག་གི་ཉམས་ལེན་སོ་སོའི་དོན་རྣལ་མ་རྒྱུད་ལ་སྐྱེ་བའི་གཞི་འདིང་ངོ་། །གཉིས་པ་ཁྱད་པར་གྱི་སྔོན་འགྲོ་ལ་ལྔ་ལས། དང་པོ་ལམ་གྱི་འཇུག་སྒོ་སྐྱབས་སུ་འགྲོ་བ་ན…

བརྩེགས་པའི་རྣམ་པ་ཅན། །གཡོན་གྱི་ཡལ་གར་ཉེ་བའི་སྲས་བརྒྱད་ལ། །བྱང་སེམས་ཉན་རང་འཕགས་པའི་ཚོགས་ཀྱིས་བསྐོར། །མདུན་གྱི་ཡལ་གར་ཞི་ཁྲོ་རབ་འབྱམས་ལ། །རྒྱུད་སྡེ་བཞི་དྲུག་ཡི་དམ་ལྷ་ཚོགས་དང་། །མཐའ་སྐོར་མཁའ་འགྲོ་ཆོས་སྐྱོང་ཚོགས་ཀྱིས་བསྐོར། །ཀུན་ཀྱང་མཚན་དཔེའི་གཟི་བྱིན་འོད་སྟོང་འབར། །མཐོང་ཐོས་དྲན་རེག་སྒྲོལ་བའི་ཐུགས་རྗེ་ཅན…

གཉིས་པ་སེམས་བསྐྱེད་པ་ནི། གཞན་དོན་དུ་བྱང་ཆུབ་ཐོབ་པར་འདོད་ཅིང་དེའི་ཕྱིར་བྱང་ཆུབ་སེམས་དཔའི་སྤྱོད་པ་ལ་སློབ་པར་འདོད་པའི་བློས།] སྣང་བ་བཀོད་པ་ཆེན་པོའི་དབྱིངས༔ ཡེ་ཤེས་འོད་ལྔ་རྫོགས་པའི་སྐུ༔ ཐིག་ལེ་རྣམ་དག་རྫོགས་ལྡན་ལ༔ རང་གྲོལ་ཆེན་པོར་སེམས་བསྐྱེད་དོ༔ [ཞེས་སྨོན་འཇུག་གི་བདག་ཉིད་ཅན་ལ་སློབ་པ་ཀུན་རྫོབ་སེམས་བསྐྱེད་ད…

སྡིག་སྒྲིབ་རྒྱུ་བཅས་སྦྱངས། །སྣང་གྲགས་ལྷ་དང་སྔགས་ཀྱི་རོལ་པར་གྱུར། །[ཞེས་དམིགས་ལ།] ཨོཾ་བཛྲ་ས་ཏྭ་ས་མ་ཡ་སོགས་[ཡི་གེ་བརྒྱ་པ་དང་།] ཨོཾ་བཛྲ་ས་ཏྭ་ཨཱཿ[ཞེས་སྙིང་པོ་འབྲུ་དྲུག་པ་ཉིད་ཅི་ནུས་སུ་བཟླ་བ་ཀུན་རྫོབ་རྒྱུའི་སྒྲིབ་སྦྱོང་དང་། མཐར།] ལྷ་སྔགས་སྣང་ཆའི་དངོས་ཀུན་རང་ལ་ཐིམ། །རང་ཉིད་རྡོར་སེམས་མེ་ལོང་གཟུགས་བརྙན་ལྟར།…

ཚོམ་བུ་སོ་བདུན་ནམ་བདུན་སོགས་གང་འོས་བཀོད་ལ།] སྟོང་གསུམ་མི་མཇེད་འཇིག་རྟེན་ཞིང་ཁམས་སུ༔ བྱེ་བ་ཕྲག་བརྒྱ་འཛམ་གླིང་ཚོམ་བུར་བཀོད༔ འབྱུང་བཞི་རང་སྣང་ལྕགས་རི་མུ་ཁྱུད་བཅས༔ རིག་སྣང་དག་པ་སྤྲུལ་པའི་སྐུ་ལ་འབུལ༔ [ཞེས་བླ་མ་སྤྲུལ་སྐུར་ཕུལ་ནས། སླར་ཡང་ཚོམ་བུ་གསོ་བཞིན་དུ།] ཆོས་སྐུའི་མཎྜལ་སྟོང་ཉིད་སྙིང་རྗེ་འབུལ༔ ལོངས་སྐུའ…

པདྨ་ཉི་ཟླའི་གདན་སྟེང་དུ། །ཁྱབ་བདག་དྲིན་ཅན་རྩ་བའི་བླ་མ་ཉིད། །མངོན་སུམ་བཞིན་དུ་བཞུགས་པའི་སྤྱི་བོ་ནས། །ཡང་རིམ་བརྒྱུད་པའི་བླ་མ་མཐོ་བརྩེགས་བཞུགས། །མཐའ་སྐོར་བླ་མ་ཡི་དམ་ཞི་དང་ཁྲོ། །སངས་རྒྱས་བྱང་སེམས་དཔའ་བོ་མཁའ་འགྲོ་དང་། །ཆོས་སྐྱོང་ཚོགས་ཀྱི་སྤྲིན་ཕུང་གཏིབ་བཞིན་བསྐོར། །ཀུན་ཀྱང་སྐུ་མཆོག་མཚན་དཔེའི་གཟི་མདངས་འབར…

ཟབ་གཏེར་མངའ་བདག་ཨོ་རྒྱན་པདྨ་གླིང་། །སྐལ་ལྡན་སྔགས་འཆང་ཆོས་རྗེ་རྣམ་པ་གཉིས། །སྤྲུལ་པའི་སྐུ་མཆོག་བསྟན་འཛིན་གྲགས་པ་ལ། །གསོལ་བ༴ རྒྱལ་བའི་སྲས་མཆོག་པདྨ་ཕྲིན་ལས་རྩལ། །ཤེས་བྱ་ཀུན་མཁྱེན་ཚུལ་ཁྲིམས་རྡོ་རྗེའི་ཞབས། །གྲུབ་མཆོག་བསྟན་འཛིན་འགྱུར་མེད་རྡོ་རྗེ་ལ། །གསོལ་བ༴ མཚུངས་མེད་བསྟན་འཛིན་ལེགས་པའི་དོན་གྲུབ་ཞབས། །ཁྱབ་བ…

ཚོགས། །མ་དང་མཁའ་འགྲོ་ཆོས་སྐྱོང་གཏེར་བདག་ལ། །གསོལ་འདེབས་རྗེས་བཟུང་བདག་རྒྱུད་སྨིན་གྲོལ་གསོལ། །[ཞེས་བླ་མ་བརྒྱུད་པའི་གསོལ་འདེབས་སྔོན་དུ་འགྲོ་བས། གཙོ་བོར།] ཨོཾ་ཨཱཿཧཱུྃ༔ བླ་མ་འཇའ་དང་འོད་དུ་འཁྱིལ་ལི་ལི༔ སྐུ་དང་ཐིག་ལེར་ཤིགས་སེ་ཤིག༔ ལུས་ངག་ཡིད་གསུམ་གུས་ཕྱག་འཚལ༔ རྡོ་རྗེའི་སྐུ་ལ་གསོལ་བ་འདེབས༔ ལུས་ལ་བདེ་བར་བྱིན…

མཚན་གྱུར། །[ཞེས་མོས་ལ་སླར་ཡང་གསོལ་བ་བཏབ་པས།] བླ་མའི་དཔྲལ་བའི་ཨོཾ་ལས་འོད་ཟེར་དཀར་པོ་འཕྲོས། རང་གི་དཔྲལ་བར་ཐིམ། ལུས་ཀྱི་སྒྲིབ་པ་སྦྱངས། སྐུའི་བྱིན་རླབས་ལུས་ལ་བཞུགས། སངས་རྒྱས་ཐམས་ཅད་ཀྱི་སྐུ་དང་རང་ལུས་དབྱེར་མེད་སྣང་སྟོང་གི་ངང་དུ་གྱུར། མགྲིན་པའི་ཨཱཿལས་འོད་ཟེར་དམར་པོ་འཕྲོས། རང་གི་མགྲིན་པར་ཐིམ། ངག་གི་སྒྲིབ་པ…

[བསམ་ལ་མ་བཅོས་རང་བབས་སུ་ཀློད་དེ་ཅི་གནས་སུ་མཉམ་པར་བཞག །དེ་ལས་ལྡང་བ་ན་རང་དང་བླ་མ་དབྱེར་མེད་སྣང་གྲགས་རིག་གསུམ་བླ་མའི་སྐུ་གསུང་ཐུགས་ཀྱི་རོལ་པར་ཤེས་པའི་ངང་ནས།] རང་བཞིན་དག་པའི་དགེ་བ་འདིས༔ འཁོར་བ་ངན་སོང་དོང་སྤྲུགས་ནས༔ སྲིད་ན་འགའ་ཡང་མི་གནས་པར༔ ཐམས་ཅད་སངས་རྒྱས་མྱུར་ཐོབ་ཤོག༔ སེམས་ཅན་རྣམས་ནི་ཐམས་ཅད་ཀྱི༔ གཞི་ནི…

དྲིལ་ཏེ། རྒྱལ་ཁམས་པ་འཇིགས་བྲལ་ཡེ་ཤེས་རྡོ་རྗེས་སྤེལ་བ་ལམ་འདིའི་རིང་ལུགས་ཕྱོགས་མཐར་ཁྱབ་ཅིང་འབྲེལ་ཚད་སྨིན་གྲོལ་མཐར་ཕྱིན་པའི་རྒྱུར་གྱུར་ཅིག །སརྦ་དཱ་མངྒ་ལཾ།། །།]

༄༅། །ཞི་ཁྲོ་ཀུན་བཟང་དགོངས་འདུས་ཀྱི་སྒོ་ནས་ཚེ་འདས་རྗེས་འཛིན་གྱི་ཆོ་ག་འབྲེལ་ཚད་རང་གྲོལ་ཞེས་བྱ་བ་བཞུགས་སོ། །

ཨོཾ་སྭསྟི། འཁོར་བ་དོང་ནས་སྤྲུགས་པའི་ཕྲིན་ལས་ཅན། །བླ་མ་ཞི་ཁྲོ་རྒྱལ་བར་གུས་བཏུད་ནས། །ཉམ་ཐག་གཤིན་པོའི་གདུལ་བྱ་རྗེས་འཛིན་གྱི། །ཆོ་གའི་མན་ངག་སྙིང་པོ་འདིར་གསལ་བྱ། །[དེའང་ཡང་གསང་བླ་མེད་ཞི་ཁྲོ་ཀུན་བཟང་དགོངས་པ་ཀུན་འདུས་ཀྱི་སྒོ་ནས་གཤིན་པོའི་གདུལ་བྱ་ལ་ཕན་གདགས་པའི་ཆོ་ག་ལག་ཏུ་བླང་བ་ལ་གཉིས། གནས་ལུང་གི་སྒོ་ནས་རྗེས…

ཆོས་ལ་དམིགས་བྱའི་རོ་ཡོད་ན་དེ་ལ་བརྟེན་པའམ། མིན་ན་ཤོག་བུ་ལ་དམིགས་བྱའི་གཟུགས་བརྙན་ནམ་གུར་གུམ་གྱིས་མིང་ཡིག་ནྲྀ་དང་བཅས་དྲི་མའི་རྟེན་དང་མཉམ་དུ་པདྨ་འདབ་བརྒྱད་ཀྱི་སྟན་ལ་རྩ་བའི་དཀྱིལ་འཁོར་གྱི་ཤར་ཕྱོགས་སུ་བཞག །དཀྱིལ་འཁོར་གྱི་ལྷོ་ཕྱོགས་སུ་རིགས་དྲུག་གི་དལ་དམྱལ་བ་ནས་ཡས་རིམ་དུ་མི་ཡི་དལ་བར་བཀྲམ་པའི་རིགས་དྲུག་རང་རང…

བར་བཤམ་མོ། །གཉིས་པ་ཆོ་ག་དངོས་ནི། རྩ་བའི་དཀྱིལ་འཁོར་སྒྲུབ་མཆོད་སྐོང་བཤགས་ཚོགས་མཆོད་བདག་ཉིད་འཇུག་ཅིང་དབང་བླང་སྟེ་སློབ་མ་གཞུག་པར་གནང་བ་ནོད་པའི་བར་སོང་ནས། གནས་ལུང་དངོས་ལ་བཅོ་ལྔ་ལས། དང་པོ་རྟེན་བསྐྱེད་པ་ནི། དམིགས་རྟེན་ལས་སྔགས་ཀྱིས་བསང་།] སྭ་བྷཱ་ཝས་སྦྱང་། སྟོང་པའི་ངང་ལས་པདྨ་དང་ཟླ་བའི་གདན་ལ་མིང་བྱང་ནྲྀ་ལས་ཚ…

འདིར་མཆིས་པར་གྱུར་ཅིག །ཨོཾ་བཛྲ་ཨཱ་ཀརྵ་ཡ་ཛཿ[ཞེས་པས་རྣམ་ཤེས་དང་།] སརྦ་པཱ་པཾ་ཨཱ་ན་ཡ་ཧཱུྃ༔ [ཞེས་པས་སྡིག་པ་བཀུག་ནས། སླར་ཡང་]ཀྱེ་མ་ཚེ་འདས་རིགས་ཀྱི་བུ༔ ཁྱོད་ཀྱི་མིང་ནི་ཤི་བ་ཡིན༔ འབྱུང་བཞི་སྒྱུ་མའི་འཁྲུལ་འཁོར་ཞིག༔ ཡིད་ལ་ཆགས་པའི་གཉེན་དང་བྲལ༔ སེར་སྣས་བསགས་པའི་ཟས་ནོར་ལུས༔ འཇིག་རྟེན་འདི་ཡི་སྣང་བ་ནུབ༔ ཕྱི་མ་བར་མ…

ཅིག༔ རྩལ་ཤུགས་དྲག་པོས་འདིར་ཤོག་ཅིག༔ ནྲྀ་ཏྲི་བཛྲ་ཨངྐུ་ཤ་ཡ་ཛ་ཛཿ ཛཿཧཱུྃ་བྃ་ཧོཿ རྣམ་ཤེས་ཨ་དཀར་པོའི་རྣམ་པས་རྟེན་ལ་ཐིམ་པར་[བསམ། གསུམ་པ་ཤི་བ་ངོ་སྤྲོད་པ་ནི།] ཨེ་མ༔ གསོན་ཅིག་དགོངས་ཤིག་རིགས་ཀྱི་བུ༔ ཚེ་འདས་སྒྱུ་མའི་འཁྲུལ་འཁོར་ཁྱོད༔ དང་པོ་སྐྱེས་ཀྱང་ལས་ཀྱིས་སྐྱེ༔ བར་དུ་འཁོར་ཡང་ལས་ཀྱི་འཁོར༔ ཐ་མ་ཤི་ཡང་ལས་ཀྱིས་ཤི༔ …

མོས་གུས་ཀྱིས༔ ལྷ་དང་བླ་མའི་དྲུང་འདིར་བག་ཕོབ་ཅིག༔ [ཞེས་བརྗོད་པས་དྲི་མ་དང་གཉིས་སུ་མེད་པར་བསམ། བཞི་པ་བགེགས་སྦྱོང་བ་ནི། གཏོར་མ་གསུམ་པོ་རེ་རེ་བཞིན་རྟེན་ལ་བསྐོར་ཞིང་།] ཨོཾ་སརྦ་བིགྷྣཱན་ན་མཿསརྦ་ཏ་ཐཱ་ག་ཏེ་བྷྱོ༴ [ཞེས་པ་ནས།] གྲྀཧྞེ་དཾ་བ་ལིནྟེ་སྭཱ་ཧཱ། [ཞེས་སོགས་གསུམ་གྱིས་ཞི་བ། ཏིང་ལོ་དང་ཆངས་བུ་བསྐོར་ཞིང་།] ཨོཾ་…