དུ་བཟླ། མཚན་ཐུན་གཉིས་ལ་ལས་གཞུང་སྦྱོར་རྗེས་ཀྱི་ལས་རིམ་བསྡུ་བ་ཙམ་ལས་གཞན་རྣམས་ཉིན་ཐུན་དང་འདྲ། ཞག་གཉིས་པར་ལྷ་དབྱེ་ཡན་ཁྱུག་ཙམ་སོང་རྗེས་དབབ་པའི་ལས་སྦྱོར་ཞིང་དེའི་སྔགས་རྒྱུན་བཟུང་བ་སོགས་ཞག་སྔ་མའི་སྟེང་དུ་ཕྱི་མའི་སྒོས་ཆོས་རིམ་བསྣན་གྱིས་རིགས་འགྲེ ། འདི་དག་གི་ཚེ་ཤིན་ཏུ་འཛོམ་ན་ངན་སྔགས་ཀྱི་ཕུར་པ་དྲུག་ཀྱང་དམོད་པ…

ཕྱི་མཚམས་མ་བཀྲོལ་སྟབས་ཀྱིས་འཕང་བའི་ལས་ཀྱི་གྱེར་ཚིག་སྒྲུབ་ཁང་རང་གྲལ་ནས་བརྗོད་ཅིང༌། ལས་ཀྱི་རྒྱལ་ཐེབས་ཙམ་གྱིས་གཏོར་ཟོར་ཕྱི་རོལ་ཏུ་རྟིང་རྫོང་བྱེད་པ་དང༌། མནན་པའང་ཕྱི་སྒོའི་ཐེམ་པའི་ནང་སོགས་གང་བདེར་མནན། དེ་འཕྲལ་གསོབ་གསུམ་བྱ་ཞིང་ཚེ་འགུགས་སོགས་རྒྱུན་སྤྱོད་འགྲེ ། ཞལ་བསྟབ་རྗེས་སུ་དངོས་གྲུབ་ལེན་ཆོག་བྱས་ཀྱང་རུང་…

བཀོད། དངོས་གཞི་ཆོ་གའི་ལས་རིམ། རྗེས་འཕང་བའི་ལས་སོགས་ཀྱིས་མཐའ་བསྡུ་བ་རྣམས་སྨད་ལས་ཀྱི་ཆོ་ག་ཁྲིགས་དཀྱུས་སུ་ཇི་ལྟར་བཤད་པ་བཞིན་ལག་ཏུ་བླང་བར་བྱ་བ་ཡིན་ཅིང༌། དེ་དག་གང་ལའང་ཕྲ་ཞིབ་ཀྱི་ལག་ལེན་ཇི་སྙེད་ཅིག་མཆིས་པ་རྣམས་ནི་འདིར་སྨོས་ཀྱིས་མ་ལོངས་པས། རིག་འཛིན་བརྒྱུད་པའི་ཞལ་ལུང་གི་བདུད་རྩི་འཐུང་བ་དང༌། ཕྱག་ལེན་གནད་ཀྱི་…

གནམ་ལྕགས་སྤུ་གྲིའི་སྨད་ལས་དགྲ་བགེགས་སྒྲོལ་བའི་མན་ངག་གསལ་བར་བྱས་པ་བདུད་འདུལ་རིག་པ་འཛིན་པའི་དགའ་སྟོན་ཅེས་བྱ་བ་འདི་ནི། ལུང་ཟིན་གྱི་ཆོས་བདག་སྤྲུལ་པའི་སྐུ་འཇིགས་མེད་ཆོས་དབྱིངས་ནོར་བུའི་སྡེའི་བཞེད་པ་སྐོང་བའི་སླད་དང༌། རྗེས་འཇུག་རྣམས་ལག་ལེན་གྱི་གནད་མི་འཆོལ་བར་བྱ་བའི་ཆེད་དུ། ཀཱི་ལ་ཡའི་རྣལ་འབྱོར་པ་འཇིགས་བྲལ་ཡ…

༄༅། །དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་ཐུན་མོང་གི་རྫོགས་རིམ་རྩ་རླུང་ཐིག་ལེའི་མན་ངག་སྙིང་པོར་དྲིལ་བ་བདེ་ཆེན་འདོད་འཇོའི་དགའ་སྟོན་ཅེས་བྱ་བ་བཞུགས་སོ། །

དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་ཐུན་མོང་གི་རྫོགས་རིམ་རྩ་རླུང་ཐིག་ལེའི་མན་ངག་སྙིང་པོར་དྲིལ་བ་བདེ་ཆེན་འདོད་འཇོའི་དགའ་སྟོན་ཅེས་བྱ་བ། ཁྱབ་བདག་བླ་མ་ཟུང་འཇུག་རྡོ་རྗེ་གཞོན་ནུའི་ངོ་བོ་ཉིད་ལ་ཕྱག་འཚལ་ལོ། །རྣམ་པ་ཀུན་གྱི་མཆོག་དང་རབ་ལྡན་ཨེ་དབྱིངས་འཁོར་ལོ་རྒྱས་འདེབས་མཁར། །མི་འགྱུར་ལྷན་སྐྱེས་སྙིང་…

དྷཱུ་ཏིར་བཅིངས་པ་ལས། །འཕོ་བ་བཀག་པའི་མན་ངག་ཟབ་མོའི་ཚུལ། །བདེ་ཆེན་འདོད་པ་འཇོ་བའི་དགའ་སྟོན་སྤྲོ། །དེ་ལ་འདིར་ཕུར་བུ་ཐལ་འབྱིན་གྱི་དགོངས་པ་རྣམ་པ་བཞི་ལས་བྱང་ཆུབ་སེམས་ཀྱི་ཕུར་བུ་ཡུམ་གྱི་མཁའ་ལ་གདབ་པའི་རིམ་པ་རྩ་རླུང་ཐིག་ལེའི་རྣལ་འབྱོར་གྱི་མན་ངག་ཟབ་མོ་སྟོན་པ་ལ་གཉིས་ཏེ། ཟབ་ལམ་བསྒོམ་པའི་ལམ་གྱི་གཞི་འདིང་བ་དང༌། ཟབ…

དངོས་གཞི་སྨིན་བྱེད་ཟབ་མོས་རྒྱུད་སྨིན་པར་བྱས་ཏེ་བསྐྱེད་རིམ་ལ་གསལ་དག་བརྟན་པ་ཚགས་སུ་ཚུད་ཅིང་ཁྲེགས་ཆོད་ཀྱི་གནས་ལུགས་ཕྱོགས་ཙམ་རྟོགས་པ་ཞིག་གིས་ལམ་གྱི་ཆ་རྐྱེན་དུ་སྦྱོར་བ་སྟེ། དེ་རྣམས་ནི་སོ་སོའི་རིམ་པ་བཞིན་ཤེས་པར་བྱའོ། །གཉིས་པ་ཁྱད་པར་མཐུན་པའི་རྐྱེན་གྱིས་གཞི་བཟུང་བ་ལ་གསུམ། ཕྱི་གནས་ཀྱི། ནང་ཟས་ཀྱི། གསང་བ་གྲོགས…

སྤྱིར་བཤད། བརྟེན་པ་རྩ་རླུང་ཐིག་ལེའི་རྣལ་འབྱོར་བྱེ་བྲག་ཏུ་བཤད་པའོ། །དང་པོ་ནི། རྡོ་རྗེ་ཕུང་པོའི་གྲོང་ཁྱེར་གྱི༔ རྩ་རླུང་ཐིག་ལེ་དག་སྦྱོར་ཕྱིར༔ རྡོ་རྗེ་ལུས་ཀྱི་རྣལ་འབྱོར་བསྟན༔ ཅེས་གསུངས་ཏེ། དེའང་རྟེན་རྡོ་རྗེའི་ལུས་དང་བརྟེན་པ་རྩ་རླུང་ཐིག་ལེའི་གནད་འཆིང་བ་རྫོགས་པ་ཨ་ནུ་ཡོ་ག་ཞེས་རྗེས་སུ་རྣལ་འབྱོར་གྱི་ལུང་དང་འ…

དུ་འབྱུང་བཞིའི་ཚོགས་པ་ལ་རླུང་སེམས་ཀྱི་རྟོག་པས་བདག་ཏུ་བཟུང་བའི་རྟེན་ཨེ་དབྱིངས་ཡུམ་གྱི་བྷ་ག་རུ། གཟུགས་ཀྱི་ཕུང་པོ་རགས་པར་གྲུབ་པ་གཞལ་མེད་ཀྱི་ཁང་པ་ཆེན་པོ་སྟེ། དེའང་ལུས་འདོམ་གང་གྲུ་བཞི་གཞལ་ཡས་ཁང༌། ཡན་ལག་བཞི་ཀ་བ་བཞི། མིག་ཉི་ཟླའི་སྐར་ཁུང༌། རྣ་བ། སྣ། ཁ། འོག་སྒོ་བཞི་པོ་སྒོ་བཞི། ཤ་དཀྱིལ་འཁོར་གྱི་གཞི། ཁྲག་མཚོ་ར…

གྲུབ་པ་དང༌། ཕྱི་ལུས་ཀྱི་ཕུང་པོ་དམ་ཚིག་སེམས་དཔའ། ནང་དྭངས་མའི་ཐིག་ལེ་ཏིང་འཛིན་སེམས་དཔའ། དེའི་ཁྱབ་བྱེད་རིག་པ་ཡེ་ཤེས་སེམས་དཔའ་གསུམ་པོ་གདོད་ནས་དབྱེར་མེད་དུ་གྲུབ་པ་ཡིན་པ་ལ་ཡིན་པར་ཤེས་པའི་ང་རྒྱལ་གྱིས། རྫོགས་བྱེད་ཡན་ལག་སྒོ་ལྔའི་ཡུལ་དུ་འདོད་ཡོན་གྱི་ལོངས་སྤྱོད་ཇི་ལྟར་སྣང་བ་ཐམས་ཅད་བདེ་བ་ཆེན་པོའི་མཆོད་པའི་སྤྲིན…

པའི་རྫོགས་རིམ་དུ་ཞུགས། སྟོང་ཉིད་དེའི་ངང་ལས་གཟུགས་སྣང་སྒྲ་གྲགས་འགྱུ་དྲན་གྱི་རྟོག་ཚོགས་ཀུན་ཀྱང་སྐུ་གསུང་ཐུགས་རྡོ་རྗེ་གསུམ་གྱི་མཆོག་ཏུ་དབྱེར་མེད་པར་ལྷུན་གྱིས་གྲུབ་པའོ། །དེ་ལྟར་ཡང་ཀུན་འདུས་རིག་པའི་མདོ་ལས། ཀུན་བཟང་རྫོགས་ཆེན་ཡེ་ནས་བརྡལ་བ་ལ། །ཕྱི་ནང་གསང་བ་བཀོད་པའི་དཀྱིལ་འཁོར་ནི། །སྣང་སྲིད་རྣམ་དག་ལྷ་དང་ལྷ་མ…

ལུས་ཀྱི་གནད་འཆིང་བ་གལ་ཆེ་བས་ན། འབོལ་ཞིང་བདེ་བའི་སྟན་ལ་ལུས་གནད་རྣམ་སྣང་ཆོས་བདུན་བཅའ་སྟེ། རྐང་གཡོན་ནང་དང་གཡས་ཕྱི་ནས་བསྡམས་པའི་རྡོ་རྗེའི་སྐྱིལ་ཀྲུང་བྱ། ལག་གཉིས་རྡོ་རྗེའི་ཁུ་ཚུར་བརླ་སྟེང་དུ་བཞག །རྒལ་ཚིགས་མདའ་ལྟར་བསྲང༌། དཔུང་པ་རྒོད་གཤོག་བཞིན་བརྐྱང༌། མགྲིན་པ་གཞུ་མཆོག་ལྟར་བཀུག །ལྕེ་ཡ་རྐན་ལ་སྦྱར། མིག་སྣ་རྩེ…

ཉི་ཟླ་རཱུ་དྲ་ཕོ་མོའི་གདན་ལ་གྱད་ཀྱི་འདོར་སྟབས་སུ་བཞུགས་པ། ཡུམ་འཁོར་ལོ་རྒྱས་འདེབས་མ་མཐིང་སྐྱ་ཨུཏྤལ་དུང་ཁྲག་འཛིན་པ་དང་མཉམ་པར་སྦྱོར་བ། དཔལ་དང་དུར་ཁྲོད་ཀྱི་ཆས་རྣམས་རྫོགས་ཤིང༌། གཏུམ་རྔམས་སྒེག་ཅིང་དཔའ་བའི་ལང་ཚོ་ཅན། ཡེ་ཤེས་ཀྱི་མེ་དཔུང་ཆེན་པོའི་ཀློང་དུ་རྣམ་འགྱུར་དྭངས་གསལ་རྙོགས་པ་མེད་པ་ཆུ་ཟླའི་རོལ་གར་དང༌། སྒྲ…

ལྕག །རང་ལུས། ཁང་ཁྱིམ། ཡུལ་ཁམས་སོགས་ནས་མཐར་ནམ་མཁས་གར་ཁྱབ་དབུ་མས་ཁྱབ། དབུ་མ་དང་སེམས་ཉིད་ནམ་མཁའ་གསུམ་དབྱེར་མེད་ཀྱི་ངང་ལ་བཞག །སླར་ཚུར་འདུས་ཇེ་ཕྲ་ལ་སོང་སྟེ་རྦ་ལྕག་འབྲིང་པོ་ཙམ་དུ་གསལ། དེའི་གཡས་སུ་རོ་མ་དམར་མོ་དང༌། གཡོན་དུ་རྐྱང་མ་དཀར་མོ་གཉིས་དབུ་མ་ལས་བཞི་འགྱུར་གྱིས་ཕྲ་བ། ཡར་རྩེ་གུག་པ་རྣ་ལྟག་ནས་སྣ་བུག་གཉིས་ལ…

རྣམ་པ་ཅན། ཐམས་ཅད་ཀྱང་དབུ་མའི་མཚན་ཉིད་ལྟ་བུ་དྭངས་གསལ་སྦུབས་སྟོང་གི་རང་བཞིན་དུ་ཡོད་པར་བསམ། འདི་ལ་གསལ་མ་ཐེབས་ཀྱི་བར་བུ་བསྒོམ་མོ། །གཉིས་པ་གཡོ་བ་རླུང་གི་རྣལ་འབྱོར་ལ་གཉིས། ཐུན་གྱི་ཉམས་ལེན་དང༌། ཐུན་མཚམས་ཀྱི་ཉམས་ལེན་ནོ། །དང་པོ་ནི། མ་དག་སྙིགས་མའི་རླུང་བསལ་ཕྱིར༔ སྙིགས་མ་ལས་རླུང་ལན་དགུར་བསལ༔ དུས་གསུམ་རྒྱལ་བ་སྲ…

གྱེན་བསྟན་དང༌། དེ་ནས་སྒང་བསྟན་གྱིས་ལུས་བྱིང་བརྒྱུད་དེ་ནུ་སྟེང་ནས་གདོང་ཐད་ཀྱི་ནམ་མཁར་འཕང་སྟེ། ལག་གཡོན་གཞུ་རྒྱུད་འཐེན་ཚུལ་གྱིས་བཀུག་ནས་མཆན་རྡེབ་དང་བཅས་མཛུབ་མོ་བསྒྲེང་བའི་ཁུ་ཚུར་ནང་བསྐོར་གྱིས་སྣ་བུག་གཡོན་པ་བཀག་པ་དང་ཆབ་གཅིག་ལག་གཡས་ཁུ་ཚུར་པུས་མོ་གཡས་སྟེང་དུ་བཞག །ཚེ་རབས་ནས་བསགས་པའི་ཉོན་མོངས་པ་ཞེ་སྡང་གིས་ཀ…

སྙིང་གར་བསྣོལ་ལ་ངག་ནས་ཧ་ཧ་ཞེས་བརྗོད་པ་དང་ཆབ་གཅིག་ལག་པའི་རྒྱ་དང་རྐང་པའི་སྐྱིལ་ཀྲུང་ཐར་གྱིས་བཤིགས་པས་སྡིག་སྒྲིབ་གདོས་བཅས་ཀྱི་ཕུང་པོ་དང་བཅས་པ་རྡུལ་ཕྲན་ནམ་མཁའ་ལ་དེངས་པ་ལྟར་ཡལ་བར་བསམ་ལ་སྟོང་ཉིད་ཀྱི་ངང་དུ་ཅུང་ཟད་བཞག །དེ་ནས་རླུང་སྦྱོང་བ་དངོས་ལ། སྔར་བཞིན་ལུས་གནད་དང་ལྡན་པས་ལྷ་སྐུ་རྩའི་སྟོང་ར་གསལ་བཏབ་ལ། རང་གི…

བ་རིམ་གྱིས་ཇེ་དྲག་ཏུ་བསྐྱེད་པས་བུམ་ཅན་རབ་འབྲིང་ཐ་མའི་ཚད་ལྡན་དུ་འགྲུབ་པ་སྟེ། ལག་པའི་ཐལ་མོས་པུས་མོ་ལ་ལན་རེ་བསྐོར་ཏེ་སེ་གོལ་གཅིག་གཏོགས་པའི་ཡུན་ཚད་སུམ་ཅུ་རྩ་དྲུག་གི་བུམ་པ་ཅན་ཆུང་ངུ༌། བདུན་ཅུ་དོན་གཉིས་འབྲིང༌། བརྒྱ་རྩ་བརྒྱད་ཁེགས་པ་ཆེན་པོའི་ཚད་དུ་བཞེད། དེ་ལྟར་རླུང་བུམ་པ་ཅན་གྲུབ་པའི་ཡོན་ཏན་ཀྱང་ལུས་མཉེན་ལྕུག…

འཛིན་སྒོམ་པ་སོགས་གང་གི་ཡང་གྲོགས་སུ་འགྲོ་ཞིང༌། འབྱོངས་ན་རྩོལ་བ་མི་དགོས་པར་བར་རླུང་རང་སར་གནས་པས་རླུང་སེམས་ཀྱི་རྟོག་པ་ཕྲ་རགས་དབྱིངས་སུ་དེངས་ཤིང་ཤེས་པ་རྣལ་དུ་ཕེབས་པར་འགྱུར་པ་དང༌། བར་སྐབས་རྣམས་སུ་དབུགས་རང་བབས་ཀྱི་འཇུག་གནས་ལྡང་གསུམ་ལ་སེམས་གཏད་དེ། ནང་དུ་འཇུག་པ་ཨོཾ། གནས་པ་ཨཱཿ ཕྱིར་ལྡང་བ་ཧཱུཾ་གི་སྒྲ་གདངས་སུ་…