ཡོངས་སུ་བསྐོར་བ་ལ་རྒྱལ་བའི་ཕྱག་ཕྱོགས་བཅུའི་འཇིག་རྟེན་ནས་བྱུང་བ། བ་བླ་དང༌། གསེར་དང༌། མེ་ཏོག་ཙམ་པ་ཀ་དང༌། ཟླ་བའི་འོད་ཟེར་དང༌། པད་མོ་འདྲ་བས་བྱང་ཆུབ་སེམས་དཔའ་སེམས་དཔའ་ཆེན་པོ་པད་མོ་ཆེན་པོའི་གཞལ་མེད་ཁང་ན་སྟན་ལ་འདུག་པ་དེ་ལ་དབང་བྱེད་པ་དང༌། འཁོར་ལོས་བསྒྱུར་བ་དང༌། དབང་པོའི་རྒྱལ་པོ་ལྟར་སྤྱི་བོ་ནས་དབང་བསྐུར་རོ། …

གྱི་རླབས་ཀྱིས་བྱིན་དུ་རློབ་པར་མཛད་དོ། །བློ་གྲོས་ཆེན་པོར་བྱིན་གྱིས་མ་བརླབས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་ནི་མུ་སྟེགས་ཅན། ཉན་ཐོས་དང༌། བདུད་ཀྱི་བསམ་པར་ལྟུང་ཞིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་མི་རྒྱ་སྟེ། དེ་ལྟར་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་དག་དེ་བཞིན་གཤེགས་པ…

མེད་ཀྱི་དབང་གོང་མ་གསུམ་ལ་མ་བརྟེན་པར་སྔགས་ཕྱི་པའི་རྒྱུད་ཀྱིས་རྡོ་རྗེ་འཆང་གི་གོང་འཕང་མི་འཐོབ་པར་བཤད་པའང་དོན་གྱིས་འདིར་མཐུན་ཅིང༌། མདོ་ལམ་དུ་སྦས་ཏེ་འོད་ཟེར་ཆེན་པོའི་དབང་ངམ་བྱིན་རླབས་ཙམ་དུ་གསུངས་པའི་ཕྱིར་རོ། །ཡང་འགོས་ལྷས་བཙས་ཆོས་རྗེ་ཟུར་པའི་དྲུང་དུ་ཆོས་ཞུ་བར་ཕྱིན་པ་མ་ཐོབ་པའི་སྙིང་ནད་ལ་བརྟེན་ཁོང་རྒྱ་གར་དུ…

ཡུལ་ཙམ་ན་སྔགས་སུ་མཁྱེན་པ་ཆེ་བར་གྲགས་པས་ཀྱང་བོད་དུ་དཔེ་ཧར་དཀོར་མཛོད་གླིང་གི་རྒྱ་དཔེ་རྣམས་གཟིགས་པས། ཁོང་ཉིད་ཀྱིས་སྔོན་ཆད་གསན་གཟིགས་མ་མྱོང་བའི་རྒྱུད་སྡེ་མང་པོ་བཞུགས་པས་སྔགས་ལ་མཁས་པའི་ཐུགས་རྒྱལ་ཆགས་པའི་ལོ་རྒྱུས་ཇོ་བོ་ཉིད་ཀྱི་རྣམ་ཐར་དུ་གསལ་ན་ལྷས་བཙས་ལྟ་བུའི་སོ་སྐྱེས་ཀྱིས་མ་མཐོང་བ་ལ་ཁག་མེད་ཅིང༌། དེར་མ་ཟད་…

འདི་རྒྱུད་ཡང་དག་པ་ཡིན་པའི་རྒྱུ་མཚན་ནི། དཔལ་གསང་བ་འདུས་པའི་འགྲེལ་ཆེན་སློབ་དཔོན་བི་ཤྭ་མི་ཏྲས་མཛད་པ་ལས། ཡེ་ཤེས་སེམས་དཔའ་གང་རེག་པ། །ཞེས་པའི་འགྲེལ་པར། གསང་བ་སྙིང་པོ་ལས། འོག་མིན་གྱི་གནས་མཐའ་དང་མུ་མེད་པ་ན་གཞི་ཚད་མེད་པའི་ཡེ་ཤེས་ཀྱི་དཀྱིལ་འཁོར་གསལ་བ་ལ། ཡེ་ཤེས་རིན་པོ་ཆེ་འབར་བའི་གཞལ་ཡས་ཁང༌། རྒྱ་ཕྱོགས་བཅུར་ཡོངས…

བའི་དོན་འཆད་པ་ན། གསང་སྙིང་ལས་རང་བཞིན་དང༌། གབ་པ་དང༌། སྦས་པ་དང༌། མི་བསྟན་པའི་གསང་བ་ཞེས་འབྱུང་བྱ་བ་དང༌། གསང་སྙིང་ལས་དབང་ལྔ་འབྱུང་ཞེས་བྱ་བ་དང༌། མཐིང་ག་དཀར་པོ་སེར་ལེ་བརྒན། །ཞེས་པ་ནས། མཐའ་དབུས་མེད་པར་ལྷུན་གྱིས་གྲུབ། །ཅེས་བྱ་བའི་བར་དང༌། གསང་སྙིང་ལས་དེ་ཁོ་ན་ཉིད་གསུམ་དུ་འབྱུང་བ་ཞེས་བྱ་བ་ལ་སོགས་པ་ཐམས་ཅད་ལ་གསང…

ཞེས། །བདག་ཉིད་འབའ་ཞིག་སྨྲ་བར་བྱེད། །རྒྱུད་མཛད་པ་ནི་ཐུགས་རྡོ་རྗེ། །ཞེས་བཤད་པ་བཞིན་གསུང་མཁན་ཉིད་ཀྱིས་བསྡུས་པའི་ལུགས་ཡིན། གཞི་ཚད་མེད་པ་ནི། ཆོས་མངོན་པ་ནས་ཀྱང་འོག་མིན་ལ་ཚད་མེད་པར་བཤད་པ་ཡོད་དོ། །དུས་བཞི་ནི་བི་ཤྭ་མི་ཏྲའི་འགྲེལ་ཆེན་ནས་ཀྱང༌། དུས་བཞི་མཉམ་པ་ཉིད་དུ་དེ་བཞིན་རིག་པར་བྱ། ཞེས་པ་དང༌། ཕྱོགས་བཅུ་དུས་བཞ…

བཤད་པ་ལྟར་འཕགས་ཡུལ་དུ་ཡོངས་སུ་གྲགས་པའི་བསྟན་བཅོས་ཆེན་མོར་རྒྱུད་འདི་ཉིད་ཀྱི་ལུང་དྲངས་ཤིང༌། སྔར་སྨོས་པའི་སློབ་དཔོན་དེ་དག་རྣམས་ཀྱིས་འགྲེལ་པའི་རྣམ་གྲངས་དུ་མ་དང་བཅས་པས་འཆད་ཉན་གྱིས་གཏན་ལ་ཕབ་པ་མངོན་སུམ་དུ་གྱུར་བཞིན་ལ་ལྟོས། དེས་ན་པཎ་ཆེན་ཤྭཀ་མཆོག་པས། །རྙིང་མའི་ཆོས་རྣམས་འཕགས་ཡུལ་ནས། །བསྒྱུར་བར་འབད་པས་བསྒྲུབ་མ…

བར་ངེས་རྣམས་གྲུབ་མི་དགོས། །མ་ངེས་པ་རྣམས་བསྟན་བཅོས་སུ། །བསྒྲུབས་ལས་གྲུབ་པར་འགྱུར་འདི་ཡང༌། །གང་འདི་རྣམ་རྟོག་རང་བཟོའི་ལམ། །རྙེད་ནས་འཕྱན་པར་གྱུར་མིན་གྱི། །བོད་ཀྱི་ཡུལ་དུ་སྔོན་བྱོན་པའི། །ཆེན་པོ་རྣམས་ཀྱི་དེར་བཤད་པའོ། །ཞེས་རིགས་པར་སྨྲས་པ་འདི་ནི་དྲང་པོར་གནས་པའི་རྟོག་དཔྱོད་ཀྱིས་ཤེས་བྱ་རིག་པའི་གཏན་ཚིགས་སུ་སྣང…

གཞན་ཡང་གླང་དར་མས་བསྟན་པ་བསྣུབས་རྗེས་ཀྱི་བར་སྐབས་དེར་རྒྱ་གར་ནས་ཨ་ཙ་ར་དམར་པོ་བྱ་བ་དང༌། པཎྜི་ཏ་ཤམ་ཐབས་སྔོན་པོ་ཅན་བྱ་བ་བོད་དུ་འོངས་ནས་གྲོང་གསེབས་སུ་རྙེད་བཀུར་གྱི་ཆེད་དུ་སྦྱོར་སྒྲོལ་ཐུན་མོང་དུ་བྱེད་པའི་ལག་ལེན་སྤེལ་བ་བོད་རྣམས་དེ་ལ་འཇུག་པ་མང་ཙམ་བྱུང་བས་བསྟན་པར་རྨ་འབྱིན་བཀག་པའི་ཕྱིར། ལྷ་བླ་མ་ཁུ་དབོན་དང་ལོ་ཙ…

ནི་རི་སུལ་བྲག་ཕུག་སོགས་ཁོལ་བུར་གནས་པའི་ཕྱིར་དང༌། གནུབས་ཆེན་ལ་གླང་དར་རང་གིས་ཁས་བླངས་པ་བཞིན་སྔགས་པ་སུ་ལའང་སྐྱོན་གཏན་ནས་མ་བྱུང་ཞིང༌། སྐབས་དེ་དག་ཏུ་ཉང་བན་ཏིང་འཛིན་བཟང་པོ། ངན་ལམ་བྱང་ཆུབ་རྒྱལ་མཚན། གཉགས་ཛྙཱ་ནའི་སློབ་མ་དཔལ་གྱི་བུ་བརྒྱུད་ཕལ་ཆེར། གནུབས་ཆེན་ཡབ་སྲས། རོག་ཤཱཀྱ་འབྱུང་གནས། བདེ་གཤེགས་ཟུར་པོ་ཆེ་སོགས་…

པ་དང༌། ཟུར་མེས་དབོན་གསུམ་སོགས་ཤི་བ་སློང་ནུས་པའི་བརྟུལ་ཞུགས་གྲུབ་པ་དང༌། སྐུ་དེ་ཉིད་ཀྱིས་མཁའ་ལ་མི་སྣང་བར་གྱུར་པའང་དུ་མ་བརྒྱུད་མར་བྱུང་ཞིང༌། ལྷོ་བྱང་གིས་མཚོན་པའི་རྫོགས་ཆེན་ཟབ་གཏེར་གྱི་ལམ་ནས་འཇའ་ལུས་སུ་གཤེགས་པ་ཇི་སྙེད་བྱུང་བའི་རྣམ་གྲངས་བརྗོད་ཀྱི་མི་ལང༌། ཕྱི་མའི་དུས་འདིར་མཚོན་ནའང་རབ་བྱུང་བཅོ་ལྔ་པའི་ཆུ་ལུ…

རྣམས་རྣམ་རྒྱལ་བཅས་ཁོ་བོའི་དྲན་ཐོག་འདི་རང་ལ་ཕུང་པོ་ལྷག་མེད་འཇའ་ལུས་སུ་དེངས་པ་མང་དུ་བྱུང་བ་མངོན་སུམ་ཚད་མའོ། །དེར་མ་ཟད་བདུད་འཇོམས་གཏེར་སྲས་དྲི་མེད་འོད་ཟེར། ཌཱ་ཀི་ཀུན་བཟང་ཆོས་ཉིད་བདེ་སྐྱོང་དབང་མོ། ཞེ་ཆེན་རྒྱལ་ཚབ་འགྱུར་མེད་པདྨ་རྣམ་རྒྱལ། རྫོགས་ཆེན་མཁན་ཆེན་གཞན་ཕན་ཆོས་ཀྱི་སྣང་བ་དང༌། དགེ་མང་གཉིས་པ་ཐུབ་དབང་བས…

པ་མི་མངའ་བ་འཛམ་གླིང་མཛེས་པའི་རྒྱན་མཆོག་ཀླུ་ཐོགས་རྣམ་གཉིས་ལྟ་བུའི་གོ་འཕང་ལ་ཞབས་སྟེགས་བཀོད་པ་རོང་ཟོམ་ཆོས་ཀྱི་བཟང་པོ་དང༌། ཀུན་མཁྱེན་ཆོས་ཀྱི་རྒྱལ་པོ་ཀློང་ཆེན་རབ་འབྱམས་པ་སོགས་མང་དུ་ཐོས་པ་རྒྱ་མཚོའི་ཕ་རོལ་ཏུ་སོན་པའང་ཇི་སྙེད་བྱུང་བར་གྱུར་ལ། ཐུན་མོང་དུའང་སྤྲུལ་པའི་ལོ་ཙཱ་བ་བཻ་རོ་ཙ་ནས་བསྒྱུར་པའི་སྨན་གྱི་རྒྱུད་…

བྱང་ཆུབ་སེམས་དཔའ་རྣམས་ནི་སེམས་ཅན་གཞན་ལ་སྨན་པ་འབའ་ཞིག་ཡིན་པས་མངོན་མཐོ་དང་ངེས་པར་ལེགས་པའི་ཕྲིན་ལས་ཅན་གྱི་བསྟན་པ་དེ་ཉིད་ཕྱོགས་གང་དུ་འཕུལ་བསམ་པར་བྱ་དགོས་སོ། །ཚུལ་དེ་ལ་དགོངས་ནས་མཁས་མཆོག་འགོས་ལོ་ཙཱ་བ་གཞོན་ནུ་དཔལ་གྱིས། སྤྱིར་ན་དར་མས་བསྟན་པ་བསྣུབས་ནས་ལོ་བདུན་ཅུ་ལྷག་གི་བར་དུ་དབུས་གཙང་ན་རབ་ཏུ་བྱུང་བ་ནི་གཅིག་ཀ…

རྙིང་མ་བའི་གྲུབ་ཐོབ་བརྒྱུད་པ་ལས་བྱུང་བ་ཡིན་ནོ། །ཞེས་གསུངས་པ་ལྟར་འཕགས་ཡུལ་གྱི་སློབ་དཔོན་ཨིནྡྲ་བྷུ་ཏི་དང༌། ཡེ་ཤེས་ཞབས་དང༌། ནཱ་རོ་པ་སོགས་ཀྱིས་མཛད་པའི་རྫོགས་ཆེན་གྱི་མན་ངག་ཐར་ཐོར་བོད་དུ་བྱུང་བ་ཙམ་ལས་གྲུབ་ཐོབ་གཞན་གྱིས་མཛད་པའི་བསྟན་བཅོས་སོགས་ཕལ་ཆེ་བ་བོད་དུ་མ་འགྱུར་ཡང༌། སློབ་དཔོན་དེ་དག་གསང་བ་སྲུང་བ་ལ་ཐུགས་བ…

བཀའ་སོགས་གསན་ནས་འགྲོ་ལྡིང་གི་ཡུལ་སོགས་གཞན་ལའང་སྤེལ་བའི་ལོ་རྒྱུས་སློབ་དཔོན་དེ་ཉིད་ཀྱི་སློབ་མ་བོད་དུ་བྱོན་པ་རྣམས་ཀྱིས་གསུངས་པ་དང༌། ཞང་གཡུ་བྲག་པས་སློབ་དཔོན་ཆེན་པོ་དང༌། བོ་དྷི་ས་ཏྭ། བི་མ་ལ་རྣམས་ལས་དངོས་སུ་གསན་པའི་རྫོགས་ཆེན་ཡོད་ལ། རྗེ་བཙུན་མི་ལས་ཐོག་མར་གནུབས་ཁུ་ལུང་པ་ལས་རྫོགས་ཆེན་སེམས་སྡེ་གསན་པ་ན་རིག་ཐོག…

མ་ལའི་སྤྲུལ་པར་ཞལ་གྱིས་བཞེས་ཤིང་སྙིང་ཐིག་གི་བསྟན་པའི་བདག་པོར་གྱུར་ནས་དགོངས་གཏེར་ཀྱང་བྱོན། གྲུབ་ཆེན་ཨོ་རྒྱན་པ་དང༌། རྗེ་རྒོད་ཚང་པ། ཡང་དགོན་པ་སོགས་འཁོར་འདས་རོ་མཉམ་དུ་རྟོགས་པ་དེ་རྣམས་གནས་སྐབས་ལམ་གང་ལ་བརྟེན་ཀྱང་གྲུབ་པ་རྫོགས་པ་ཆེན་པོའི་ཀློང་དུ་ཐོབ་པ་ཡིན་ཏེ་སོ་སོའི་དགོངས་པའི་ཞེ་ཕུགས་ལ་ལྟོས། དཔལ་ལྡན་ས་སྐྱ་པ…

ཀུན་སྤངས་རྡོ་རིང་པ་དང༌། ཆོས་རྗེ་ཚར་པ། འཇམ་དབྱངས་མཁྱེན་བརྩེའི་དབང་ཕྱུག་སོགས་ས་ལུགས་ཀྱི་བསྟན་འཛིན་མཆོག་རྣམས་སློབ་དཔོན་ཆེན་པོས་དངོས་སམ་བརྒྱུད་པས་རྗེས་སུ་བཟུང་བ་དང་བྱིན་གྱི་བརླབས་པ་ལ་བརྟེན་ནས་རྫོགས་ཆེན་སོགས་སྔ་འགྱུར་གྱི་ལམ་ནས་དངོས་གྲུབ་བརྙེས་པ་མང་བ་སོ་སོའི་རྣམ་ཐར་སོགས་ཀྱིས་ཤེས་པར་ནུས་ཤིང་འདིར་སྨོས་ཀྱིས་…

རིམ་པ་གཉིས་ཀྱི་མན་ངག་རྣམས་རྫོགས་པ་ཆེན་པོའི་ལམ་དངོས་རྐང་ཚུགས་པར་ཡོད་དེ། རྗེ་ཙོང་ཁ་པས་ཡང་དག་པའི་ལྟ་བ་ཟབ་མོ་ལ་དོགས་པ་གཅོད་པར་གྲུབ་ཆེན་ལ་གསོལ་བ་བཏབ་པས། ཁོང་གིས་གསང་བདག་ལ་ཞུས་ཤིང་དེས་བསྩལ་བའི་ཞུས་ལན་བདུད་རྩི་སྨན་མཆོག་ལས། ཡབ་ཀུན་ཏུ་བཟང་པོའི་དགོངས་པར། ཡུམ་ཀུན་ཏུ་བཟང་མོའི་སྙིང་གཏམ། རྡོ་རྗེ་འཛིན་པ་བདག་གི་གསང…