གཞི་ནམ་མཁའི་ཟླ་བ་ལྟ་བུ་སངས་རྒྱས་རང་སྣང་གི་སྐུ་གསུམ་པོ་གཞན་ནས་བཙལ་བ་མེད་པར་ཡེ་ཤེས་རང་ལ་རང་སྣང་བར་བྱེད་པ་སྟེ། རྒྱུད་བླ་མར། རང་བཞིན་འོད་གསལ་ཞེས་བརྗོད་གང་ཡིན་ཉིད་དེ་མཁའ་བཞིན་གློ་བུར་གྱི། །ཉོན་མོངས་ཤེས་བྱའི་སྤྲིན་ཚོགས་སྟུག་པོས་བསྒྲིབས་པ་ལས་ནི་བྲལ་གྱུར་པ། །དྲི་མེད་སངས་རྒྱས་ཡོན་ཏན་ཀུན་ལྡན་རྟག་བརྟན་གཡུང་དྲུ…

བྱེད་རྒྱུས་རང་བྱུང་ཟག་མེད་ཀྱི་ཡེ་ཤེས་ཉིད། དཔེ་ཆུ་ཟླའི་ཚུལ་དུ་གདུལ་བྱ་གཞན་སྣང་དུ་སྟོན་པའི་ཆ་ནས་སྨིན་འབྲས་སུ་བཞག་པ་སྟེ། སྔ་མ་ལས། སྣ་ཚོགས་དམ་ཆོས་འོད་ཟེར་སྣང་བའི་སྐུས། །འགྲོ་བའི་རྣམ་གྲོལ་དོན་སྒྲུབ་པ་བརྩོན་པ། །མཛད་པ་ཡིད་བཞིན་ནོར་བུ་རྒྱལ་བཞིན་ཏེ། །སྣ་ཚོགས་དངོས་ཀྱང་དེ་ཡི་རང་བཞིན་མིན། །འཇིག་རྟེན་ཞི་བའི་ལམ་ད…

ཤེས་པར་བྱའོ། །ཞེས་དང་། གྲུབ་མཐའ་མཛོད་ལས། རིགས་གཉིས་ལ་སངས་རྒྱས་སྐུ་གསུམ་ཡེ་ལྡན་དུ་ཡོད་པས། སངས་རྒྱས་ཀྱི་སའི་རྒྱས་འགྱུར་སྣང་ཆ་ལོངས་སྐུ་དང་། དེའི་སྟོང་ཆ་ཆོས་སྐུ་རང་བཞིན་གནས་རིགས་གཉིས་དབྱེར་མེད་པའི་བྱིན་རླབས་ལས། སྤྲུལ་སྐུ་གདུལ་བྱ་གཞན་སྣང་དུ་སྟོན་པ་འཁོར་བསྒྱུར་གྱི་གཟུགས་བརྙན་གསེར་རིར་ཤར་བའི་དཔེས་གསུངས་པ་བ…

སྐྱབས་ཀྱང་རྙེད་པར་མི་འགྱུར་བས་ན། ཚུལ་དེ་ལ་དགོངས་ཏེ་ཀུན་མཁྱེན་ཆོས་རྗེས་ཡིད་བཞིན་རིན་པོ་ཆེའི་མཛོད་དུ། ཚུལ་འདི་མི་ཤེས་སྟོང་པ་ཕྱང་ཆད་པ། །ཚིག་ཏུ་ཡོད་མེད་མཐའ་བྲལ་ཞེས་སྨྲ་ཡང་། །བྲལ་གཞི་མི་ཤེས་སྲིད་རྩེའི་ལྟ་བ་ཅན། །བསྟན་པ་འདི་ལས་ཕྱི་རོལ་གྱུར་པས་ན། །། ནམ་མཁའི་ཡིད་ཅན་ཐལ་བས་བྱུག་ན་རུང་། །ཞེས་ལོག་པར་ལྟ་བ་ཕུར་བུ་…

བ་ཙམ་ལས་ངོ་བོའམ་རང་བཞིན་དབྱེར་མེད་ཟག་མེད་འདུས་མ་བྱས་ཆེན་ལ་བཞག་པ་འདི་ཀུན་མཁྱེན་ཆོས་རྗེའི་དགོངས་པ་རྨ་མེད་པ་ཡིན་ཏེ། ཤིང་རྟ་ཆེན་མོར། དེའང་རང་བཞིན་གྱིས་དག་ཅིང་ངོ་བོ་ཉིད་དྲི་མ་མེད་པའི་སེམས་ཉིད་སངས་རྒྱས་ཀྱི་ཡེ་ཤེས་དམ་པ་ཡེ་ནས་གནས་པའི་སེམས་ཀྱི་རང་བཞིན་འོད་གསལ་བའི་སྣང་ཆ་ལས་སངས་རྒྱས་གཟུགས་སྐུའི་ཡོན་ཏན་ལྷུན་གྲུ…

བསྐྱེད་པ་ནས་བཟུང་སྟེ་རྡོ་རྗེ་ལྟ་བུའི་ཏིང་ངེ་འཛིན་ལ་ཐུག་གི་བར་དུ་དེའི་རྒྱུའི་གནས་སྐབས་ཀྱི་སེམས་དང་། འབྲས་བུའི་ངོ་བོ་དཔག་བསམ་གྱི་ཤིང་དང་ཡིད་བཞིན་གྱི་ནོར་བུ་རིན་པོ་ཆེ་ལྟ་བུའི་ཆོས་ཀྱི་སྐུ་མཛད་པ་དང་བཅས་པའི་སེམས་རྣམས་རང་བཞིན་བྱེ་བྲག་མེད་པས་རྡོ་རྗེ་ལྟར་མི་ཕྱེད་པ་ཀུན་ཏུ་བཟང་པོའི་སེམས་ཞེས་གཞི་ལམ་འབྲས་གསུམ་དབ…

མེད་མ་ཡིན་སྐྱེས་མ་ཡིན། །གཟུང་བ་ཀུན་ལས་རྣམ་གྲོལ་བ། །ཇི་ལྟར་འཛིན་པར་བརྟག་པར་བྱ། །མི་གཙང་མི་རྟག་སྡུག་བསྔལ་ཞེས། །བྱ་བ་གསུམ་པོས་སེམས་སྦྱོང་བྱེད། །སྟོང་པ་ཉིད་ནི་སྟོན་པའི་མདོ། །རྒྱལ་བས་འདི་སྐད་གསུངས་པ་སྟེ། །དེ་དག་ཀུན་གྱིས་ཉོན་མོངས་ལྡོག ། ཁམས་དེ་ཉམས་པར་བྱེད་མ་ཡིན། །ཞེས་དང་། ཆོས་དབྱིངས་རང་བཞིན་ནམ་མཁའ་ཡི། །ཁམ…

དེ་འོག་མར་མེའི་འོད་སྣང་འགྱུར། །དེ་བཞིན་བུམ་པ་རང་ལུས་ཉིད། །འོད་གསལ་མར་མེ་ལྟ་བུ་ཡིན། །བླ་མའི་ཞལ་གྱིས་ལེགས་བཅག་ན། །སངས་རྒྱས་ཡེ་ཤེས་གསལ་བར་གྱུར། །ཞེས་དང་། ཏཻ་ལོས་ནཱ་རོ་ལ་གནང་བའི་ཕྱག་ཆེན་གངྒཱ་མར། དཔེར་ན་ནམ་མཁའི་རང་བཞིན་ཁ་དོག་དབྱིབས་ལས་འདས། །དཀར་ནག་དག་གིས་གོས་ཤིང་འགྱུར་བ་མེད། །དེ་བཞིན་རང་སེམས་སྙིང་པོ་ཁ་དོ…

གཉུག་མའི་སེམས། །གདོད་ནས་དག་པའི་དེ་བཞིན་ཉིད། །ནམ་མཁས་ནམ་མཁའ་སྦྱོར་བ་མཐོང་། །ཞེས་དང་། རྗེ་མི་ལས་སྙི་བ་རིན་ཆེན་ལ་གནང་བའི་སྙན་བརྒྱུད་དངོས་པོ་གསལ་བྱེད་ལས། ལུས་ཅན་དག་ནི་ཀུན་ལ་ཡང་། །སྙིང་པོའི་དོན་འདི་གདོད་ནས་གནས། །དེས་ན་སེམས་ཅན་སངས་རྒྱས་རྒྱུ། །རྒྱུ་ལས་འབྲས་བུ་ཐེབས་པ་ལ། །གདོད་ནས་ཐེབས་ཀྱིས་ད་ལྟར་མིན། །ཞེས་སྤ…

གྲངས་མ་ཡིན་པའི་དོན་དམ་ཉིད་རྩལ་འདོན་དུ་མཛད་ནས། དེ་ལྟར་རྟོགས་པའི་མཁས་པ་ཡིས། །རྣམ་ཤེས་མ་མཐོང་ཡེ་ཤེས་མཐོང་། །ཆོས་ཅན་མ་མཐོང་ཆོས་ཉིད་མཐོང་། །དེ་ལས་སྙིང་རྗེ་ཤུགས་འབྱུང་སྟེ། །སྟོབས་དང་མི་འཇིགས་གཟུགས་ལ་སོགས། །སངས་རྒྱས་ཡོན་ཏན་གང་ཡིན་པ། །ནོར་བུ་རིན་ཆེན་ཚུལ་དུ་འབྱུང་། །དེ་རྣལ་འབྱོར་བདག་གི་རྟོགས་ཚད་ཡིན། །ཞེས་དྲི…

མང་པོར་གནོད་བྱས་ཀྱང་། །མཁའ་ལ་མི་གནོད་འཕེལ་གྲིབ་མེད་པ་ལྟར། །ཉི་འོད་རབ་གསལ་སྤྲིན་གྱིས་རབ་བསྒྲིབས་པས། །མུན་པ་འཐིབས་དང་སྤྲིན་ཚོགས་ཡལ་བའི་ཚེ། །གསལ་བར་འགྱུར་བའི་འཕེལ་འགྲིབ་ལྟར་སྣང་གི། །ཉི་མའི་སྙིང་པོ་འཕེལ་དང་འགྲིབ་མི་སྲིད། །དེ་ལྟར་གནས་པའི་འགྱུར་མེད་ཆོས་སྐུ་འདི། །རང་གི་སེམས་ལས་མ་གཏོགས་གཞན་ན་མེད། །སྣ་ཚོགས་འ…

བསྡུས་ཀྱི་ལུང་གིས་རིགས་ཀྱི་དབྱེ་བ་རྒྱས་པར་བཤད་ནས། ཡང་རྒྱས་འགྱུར་གྱི་རིགས་དེ་གསར་དུ་བྱུང་བ་སྙམ་དུ་ཁ་ཅིག་སེམས་ན་དེ་ལྟ་མ་ཡིན་ཏེ་ཞེས་སོགས་ཀྱིས་རང་བཞིན་གནས་རིགས་ཆོས་དབྱིངས་དང་། རྒྱས་འགྱུར་ཚོགས་བརྒྱད་དག་པའི་ཡེ་ཤེས་དེ་དབྱིངས་དང་ཡེ་ཤེས་གཉིས་སུ་གསལ་བར་བསྟན་ནས་དེ་གཉིས་ཀྱང་། ཆུ་ཁམས་གསེར་དང་ནམ་མཁའ་རྣམས། །དག་པ་བ…

པ་རིགས་ཚོགས་ཀྱི་དགོངས་པ་དང་། ཡོན་ཏན་སྣང་ཚུལ་ལ་ལྟོས་ནས་གནས་གྱུར་ཡོད་པ་བསྟོད་ཚོགས་ཀྱི་དགོངས་པ་སྟེ། དེ་གཉིས་གནད་ཀྱིས་མི་འགལ་བ་དང་། སངས་རྒྱས་ལ་ཡེ་ཤེས་མེད་པར་འདོད་པ་ཕྱོགས་སྔར་བཞག་ནས། རང་བཞེད་སངས་རྒྱས་ལ་ཡེ་ཤེས་མེད་པ་མ་ཡིན་པ་དང་། སྐུ་མེད་པ་མ་ཡིན་པ་དང་། དེ་གཉིས་དབྱེར་མེད་པར་གསུངས་པ་དང་། སྙེ་མོ་སྒོམ་ཆེན་གྱིས…

ལས་བྱུང་བ་སངས་རྒྱས་ཀྱི་སའི་ཡེ་ཤེས་དང་ངོ་བོ་གཅིག་པར་བཞེད་པ་སོགས་དཔལ་ལྡན་ས་སྐྱ་པ་རྣམས་ལ་ཡོངས་སུ་གྲགས་པ་དང་། གཞན་ཡང་བདག་ཉིད་ཆེན་པོ་ཙོང་ཁ་པའི་ལམ་གྱི་གཙོ་བོ་རྣམ་གསུམ་དུ། གང་ཞིག་འཁོར་འདས་ཆོས་རྣམས་ཐམས་ཅད་ཀྱི། །རྒྱུ་འབྲས་ནམ་ཡང་བསླུ་བ་མེད་མཐོང་ཞིང་། །དམིགས་པའི་གཏད་སོ་གང་ཡིན་ཀུན་ཞིག་པ། །དེ་ཚེ་སངས་རྒྱས་དགྱེས་པ…

པར་ཙམ་ལས། དོན་ལ་བདེན་གཉིས་རོ་མཉམ་རྣམ་གྲངས་མིན་པའི་དོན་དམ་མཐར་ཐུག་བློ་བྲལ་ཡེ་ཤེས་ཆེན་པོའི་ཀློང་དུ། ཆོས་ཉིད་ཀྱི་བདེན་པ་གཟིགས་པའི་འཕགས་ཆེན་རྣམས་ཀྱི་དགོངས་པའི་གསང་མཛོད་ཆུ་དང་ལན་ཚྭ་བཞིན་དབྱེར་མེད་རོ་མཉམ་པས་ན་ཚུར་མཐོང་བྱིས་བློས་གཞལ་བྱའི་ཡུལ་མིན་ཏེ། མགོན་པོ་ཨ་ཏི་ཤས། གང་ཕྱིར་དེ་ནི་རྒྱ་མཚོ་ལྟར། །སྒྲ་དང་དཔེ་ད…

གཉིས་མི་འགལ་བར་གཏན་ལ་ཕབས་ནས། མཐར་ཐུག་རྣམ་གྲངས་མ་ཡིན་པའི་དོན་དམ་ལ་སྦྱོར་བར་མཛད་པ་ཡིན་ལ། ཕྲ་བ་ནང་གི་དབུ་མའི་སྐབས་དེ་ཉིད་གཞིར་བཞག་གི་སྟེང་དུ། འཁོར་ལོ་ཐ་མའི་བསྟན་དོན་རྟོགས་བྱ་ལྟ་བས་གཏན་ལ་འབེབས་པའི་ཡུལ་ཆོས་དབྱིངས་དེ་ཡང་མེད་དགག་ཕྱོགས་གཅིག་པའི་སྟོང་རྐྱང་ཙམ་མིན་པར་སྐུ་དང་ཡེ་ཤེས་ཀྱིས་བརྒྱན་པའི་སྣང་བ་དང་ཐ་མི་…

འཕགས་པའི་ཡེ་ཤེས་ཀྱི་སྤྱོད་ཡུལ་དུ་གྱུར་པའི་མཐར་ཐུག་རྣམ་གྲངས་མིན་པའི་དོན་དམ་ཉིད་གཏན་ལ་ཕེབས་པར་བྱ་ཞིང་། དེ་ཕེབས་པ་ན་བྱམས་གཞུང་དང་བསྟོད་ཚོགས་སོགས་ཀྱི་དགོངས་པ་ལྟར་སྐུ་དང་ཡེ་ཤེས་སོགས་ཟག་པ་མེད་པའི་ཆོས་རྣམས་ཀྱང་ཆོས་ཀྱི་དབྱིངས་དེ་དང་ངོ་བོ་ཐ་མི་དད་པའི་ཕྱིར་རང་བྱུང་འདུས་མ་བྱས་སུ་མི་འགྲུབ་པའི་གནས་མེད་ལ་ཆོས་དབྱི…

གྱིས་ཆོས་དབྱིངས་སྣང་སྟོང་ཟུང་འཇུག་རྣམ་གྲངས་མིན་པའི་དོན་དམ་འདི་ཉིད་མཐར་ཐུག་ཐེག་གཅིག་ཏུ་སྒྲུབ་པའི་གཞི་ཡིན་པས། འདི་ཉིད་སྔགས་སུ་ཨེ་ཝྃ་དང་། རྒྱུ་ཡི་རྒྱུད་དང་། རྡོ་རྗེའི་བདག་དང་། ཕྱག་རྒྱ་ཆེན་པོ་དང་། རྣམ་ཀུན་མཆོག་ལྡན་དང་། གཉུག་མའི་སེམས་དང་། རང་བྱུང་གི་ཡེ་ཤེས་སོགས་སུ་གསུངས་པ་ཡིན་པས། དེ་ལྟར་ཤེས་ན་འདི་ཉིད་ངེས…

ལེགས་པར་བརྟག་ན། རགས་པ་ཕྱིའམ་ཤེས་རབ་རྒྱུའི་དབུ་མ་ལ་བརྟེན་ནས་བདེན་གཉིས་ཀྱི་མཚན་ཉིད་ལེགས་པར་ཕྱེས་ཏེ་བདག་མེད་གཉིས་ཀྱི་དོན་གཏན་ལ་ཕབ་ནས་ངེས་པའི་ཤེས་པ་ཐེ་ཚོམ་གྱི་སྨག་དང་བྲལ་བ་སྐྱེས་པ་ན། མཉམ་བཞག་སྒོམ་པའི་ཚེ་ཕྲ་བ་ནང་ངམ་ཟུང་འཇུག་འབྲས་བུའི་དབུ་མ་གཉིས་མེད་ཡེ་ཤེས་ཆེན་པོའི་དོན་ལ་རིམ་གྱིས་སྦྱོར་ཞིང་གོམས་པར་བྱེད་པ་…

དང་བྲལ་བའི་ཆོས་ཉིད་མཐར་ཐུག་མི་བསླུ་བའི་དབང་གིས་དོན་དམ་བདེན་པར་བཞག་ཅིང་སྒོམ་པས་ན་དོན་གྱིས་གནད་གཅིག་ཅིང་། གྲུབ་མཐའི་ཁས་ལེན་ཡོད་མེད་ཀྱང་རང་ལུགས་ཀུན་མཁྱེན་ཆེན་པོའི་བཞེད་པ་ཐེག་ཆེན་འཕགས་པའི་མཉམ་བཞག་གི་ཡེ་ཤེས་སམ་དོན་དམ་ཉིད་ཡུལ་དུ་བྱེད་པའི་ཚེ་ན། དེའི་ངོར་མེད་དགག་དང་མ་ཡིན་དགག་གི་འཛིན་སྟངས་སོགས་སྤྲོས་པ་གང་ཡང་…