མ་ཚིག་གམ། བླ་མཚོ་སྔོན་མོ་མ་བསྐམས་སམ། བླ་བྲག་དཀར་པོ་མ་ཉིལ་ལམ་ཟེར་བ་ལ། དེ་རྣམས་མ་ནོར་བར་སྨྲས་ཀྱང་རྒན་མོ་རྒན་ཆེས་ནས་དབང་པོ་ཉམས་པས་ལོག་པར་གོ་སྟེ། འོ་ན་རྒྱལ་ས་མི་ཟིན་ཟེར་ནས་མཚན་ལོག་པར་བཏགས་ཞེས་གྲགས། གྲི་གུམ་བཙན་པོའི་བཙུན་མོ་ཀླུ་སྲིན་མེར་ལྕམ་ལ། སྲས་ཤ་ཁྲི། བྱ་ཁྲི། ཉ་ཁྲི་གསུམ་དང་། སྲས་མོ་ལྷ་གཅིག་བཅས་རིམ་པར་…

ལོང་བཏགས། ཕྲག་པ་གཡས་ལ་ཝ་རོ་དང་གཡོན་ལ་ཁྱི་རོ་བཀལ། རལ་གྲི་ཀླད་ལ་བསྐོར་ཞིང་འཐབ་པས། དར་ནག་གི་ཐོད་དང་ཝ་རོ་དང་ཁྱི་རོས་རྗེའི་མགུར་ལྷ་དང་དགྲ་ལྷ་ཕོ་ལྷ་གསུམ་པོ་ཡལ། རལ་གྲི་ཀླད་ལ་བསྐོར་བས་རྨུ་ཐག་དང་རྨུ་སྐས་ཆད། ལོང་ངམ་གྱིས་དཔྲལ་བའི་མེ་ལོང་ལ་མདའ་རྒྱབ་ནས་གྲི་གུམ་བཙན་པོ་བཀྲོངས། རྨུ་ཐག་ཆད་པས་སྤུར་བྱུང་བ་ཟངས་ཀྱི་གའུར…

པ་ན་གཡག་དཀར་པོ་ཞིག་སོང་བ་མཐོང་། ཟླ་བ་ཚང་ནས་ཁྲག་གི་གྲོད་ཐུམ་འགུལ་མཁྲིག་ཅན་ཞིག་བཙས་པ་འབྲོང་རུ་དྲོན་མོར་བཅུག་ནས་འོ་མས་བྲན་ཅིང་དྲོད་ཀྱིས་སྨིན་པར་བྱས་པས། དེའི་ནང་ནས་ཁྱེའུ་གཟུགས་མཛེས་ལྟ་ན་སྡུག་པ་ཞིག་བྱུང་བ་ལ་མིང་རུ་ལས་སྐྱེས་ཞེས་བཏགས། དེ་ཡར་ལྷ་ཤམ་པོའི་སྤྲུལ་པའི་བུ་ཡིན་ལ་ལོ་བཅུ་ལོན་པ་ན་ཕ་དང་ཁུ་བོ་དྲིས་པས་རྒ…

ཁྱོད་ལ་ངའི་བུ་གཅིག་བྱུང་ན་ལེགས་པར་སྐྱོངས་ཤིག་དང་མ་འོངས་པ་ན་མང་པོ་ལ་ཕན་ཐོགས་པ་འོང་། ང་ནི་གདུལ་བྱ་དུས་ལ་བབས་པས་ཡུལ་དབུས་སུ་འགྲོའོ་གསུངས་ཏེ་བྱོན། རྒྱལ་སར་ཕེབས་པ་ན་རྒྱལ་པོར་མངའ་གསོལ། དེའི་ཚེ་ཡུམ་གྱིས་སྲས་ལ་འཇུས་ནས་བུ་ཁྱོད་རྒྱལ་བརྒྱུད་མ་ཉམས་པ་ཡིན་པར་ངེས་ན་རྒྱལ་སྲིད་བརྟན་ཅིང་རྒྱས་པར་ཤོག་ཅིག་ཅེས་སྨྲས་པ་ན། …

གསེར་དངུལ་ཟངས་ལྕགས་རྣམས་བྱུང་། ཤིང་ལ་མིག་ཕུག་ནས་གཤོལ་དང་གཉའ་ཤིང་བྱས། ས་གཞི་བརྐོས་ནས་ཕུ་ཆུ་ཡུར་དུ་དྲངས། བརྒལ་མི་ཐུབ་པའི་ཆུ་ལ་ཟམ་པ་བཙུགས། རྨོན་དོར་བསྡེབས་ནས་སྤང་ཐང་ཞིང་དུ་རྨོས། རྨོས་པའི་ལོ་ཏོག་གི་ཐོག་མ་འདི་ནས་བྱུང་ངོ་། །གཞན་ཡང་མ་འོངས་པ་ན་སྔགས་དང་འདུལ་བ་འབྱུང་བའི་ལྟས་སུ་གནམ་བོན་གཤེན་པོ་ཆེ་དང་བོན་གཞུང་བ…

གྱིས་གསོན་གཤིན་གྱི་རྩིས་བྱེད་པ་སྟེ་ཐམས་ཅད་ཀྱང་རྔ་གཤང་གི་སྒྲ་འཁྲོལ། འཇིམ་པའི་ཤ་བ་ཞོན་ནས་ནམ་མཁའ་ལ་འགྲོ་བ་དང་། རྔ་ལ་ཞོན་ནས་འགྲོ་བ་སོགས་ཟག་བཅས་ཀྱི་རྫུ་འཕྲུལ་སྟོན་ནུས་པ་མང་པོ་བྱུང་། མདོ་སྡེ་འབྱུང་བའི་ལྟས་སུ་རོ་ལངས་གསེར་སྒྲུབ་ཀྱི་སྒྲུང་དང་། མ་སངས་ཀྱི་སྒྲུང་དང་། མཆིལ་པའི་སྒྲུང་སོགས་ཉན་བཤད་དང་། མངོན་པའི་སྡེ…

ཀླུ་སྨན་མེར་མོའི་སྲས་ཐི་ཤོ་ལེགས། དེ་དང་བཙན་མོ་གུང་སྨན་གྱི་སྲས་གོང་རུ་ལེགས། དེ་དང་མཚོ་སྨན་འབྲོང་མའི་སྲས་འབྲོང་གཞེར་ལེགས། དེ་དང་གནམ་སྨན་བུ་མོའི་སྲས་ཨི་ཤོ་ལེགས། དེ་རྣམས་ལ་སའི་ལེགས་དྲུག་ཅེས་བྱ་སྟེ། འདི་དྲུག་གི་རིང་ལ་སྐུ་མཁར་སྟག་རྩེ། རྒོད་རྩེ། ཡང་རྩེ། ཁྲི་རྩི། རྩེ་མོ་ཁྱུང་རྒྱལ། ཁྲི་བརྩེགས་འབུམ་གདུགས་རྣམས…

རྗེ་རྣམས་ཀྱིས་བྱས། འདི་ཡན་ཆད་ཀྱི་རྒྱལ་པོ་རྣམས་ལྷ་ཀླུའི་བུ་མོ་འབའ་ཞིག་བཙུན་མོར་བསྟེན་པས་ཡུམ་རྣམས་གྲོངས་པའི་ཚེ་སྤུར་མ་བྱུང་ཞིང་། འདི་མན་ཆད་འབངས་དང་གཉེན་བསྲེས་པ་སྟེ། རྗེ་ཏོ་རེ་ལོང་བཙན་དང་འོ་མ་ལྡེ་བཟའ་ཁྲི་བཙུན་བྱང་མའི་སྲས་ཁྲི་བཙན་ནམ། བློན་པོ་སྣུབས་གཉའ་དོར་གཙུག་བློན་དང་། སྦས་ཁྲི་ཟུང་མོ་ཁོང་གིས་བྱས། རྗེ་ད…

ཏུ་ནགས་ཚལ་ཡང་རིམ་གྱིས་མེད་པར་གྱུར་ཏེ། གྲོང་དང་། གྲོང་རྡལ་དང་། རྒྱལ་པོའི་ཕོ་བྲང་སོགས་ཀྱིས་ཀུན་ནས་བརྒྱན་པ་བྱུང་ལ། དེའང་ཡུལ་སྤྱིའི་དགེ་མཚན་གྱི་དབང་དུ་བྱས་ན། ཆོས་རྒྱལ་སྲོང་བཙན་སྒམ་པོས། དེ་ལྟར་འཕགས་པའི་གང་ཟག་རྣམས་བྱུང་ཞིང་། །འཁོར་ནི་ལེགས་གནས་སྟོན་པའི་གསུང་རབ་དང་། །སྟོན་པའི་སྐུ་གཟུགས་དངོས་སུ་བཞུགས་པ་དང་། …

སྐྲྀ་ཏ་དང་མཚུངས། །མི་སྐད་ཆོས་ལ་བསྒྱུར་དུ་བཏུབ་པའི་སྒྲ། །ཡངས་ཤིང་མཐའ་ལེགས་ཡོན་ཏན་ཀུན་ལྡན་པ། །དེ་ལྟར་ཁ་བ་ཅན་གྱི་ཡུལ་དབུས་སུ། །ཞེས་སོགས་ཀྱིས་བསྔགས་པར་མཛད་པ་ལྟར་དང་། གམ་འབྲོག་རྒྱང་འབྲོག་རྩྭ་ཡི་དགེ ། ཁང་ས་ཞིང་ས་ས་ཡི་དགེ ། འཐུང་ཆུ་ཡུར་ཆུ་ཆུ་ཡི་དགེ ། ཁང་རྡོ་ཐག་རྡོ་རྡོ་ཡི་དགེ ། ཁང་ཤིང་བུད་ཤིང་ཤིང་གི་དགེ ། ཞ…

དྲི་མ་མེད་པའི་བོད་ལུང་བསྟན་པའི་མདོ་ལས་གདོང་དམར་ཅན་གྱི་ཡུལ་ཞེས་གསུངས་པ་འདིར་དམ་པའི་ཆོས་ཀྱི་དབུ་བརྙེས་པའི་དུས་ལ་བབས་པ་ན། གོང་གསལ་ཡབ་ཐོག་རྗེ་ཐོག་བཙན་དང་ཡུམ་རུ་ཡོང་བཟའ་སྟོང་རྒྱལ་མོ་མཚོའི་སྲས་སུ། བྱང་ཆུབ་སེམས་དཔའ་ཀུན་ཏུ་བཟང་པོའི་རྣམ་འཕྲུལ་ལྷ་ཐོ་ཐོ་རི་གཉན་བཙན་ཞེས་བྱ་བ་བོད་ཤིང་ཕོ་ཁྱི། སྤྱི་ལོ་༣༧༤པར་སྐུ་འཁྲ…

འདིའི་དོན་ཤེས་པ་འབྱུང་ངོ་ཞེས་ནམ་མཁའ་ནས་ལུང་བསྟན་གྱི་སྒྲ་བྱུང་། དེས་ན་མདོ་ལ་སྔ་བ་ཟ་མ་ཏོག་དང་། གཟུངས་ལ་སྔ་བ་ཙིནྔྷ་མ་ཎི་ཞེས་གྲགས། དེར་རྒྱལ་པོས་དོན་གང་ཡིན་མ་མཁྱེན་པའི་ཚུལ་བསྟན་ཡང་ཤིན་ཏུ་ངོ་མཚར་བའི་གཙིགས་སུ་བཟུང་ནས། བཀུར་བསྟི་དང་བཅས་ཕོ་བྲང་གི་དཀོར་མཛོད་དུ་སྤྱན་དྲངས་ཏེ་བཞུགས་སུ་གསོལ། དེ་དག་ལ་མཚན་ཡང་གཉན་པོ…

གུང་བསྒྲིགས་པ་མཁས་པའི་གསུང་ཡིན་ཀྱང་། ནེལ་པ་པཎྜི་ཏས་ནམ་མཁའ་ལས་བབས་པ་མི་འཐད་པར་སྨྲ་བ་ནི་བློ་ཆུང་གི་གཏམ་སྟེ། བསྟན་པའི་དབུ་བརྙེས་པའི་རྟེན་འབྲེལ་དུ་འཕགས་པའི་གང་ཟག་གི་སྤྲུལ་པ་དང་ཐུགས་རྗེ་བསམ་ལས་འདས་པས་སོ། །ཞེས་གསུངས། དེ་ལྟར་ལྷ་ཐོ་ཐོ་རི་གཉན་བཙན་ཤིང་ཕོ་ཁྱིའི་ལོ་ལ་སྐུ་བལྟམས་ཤིང་། དགུང་ལོ་དྲུག་ཅུ་པ་ཆུ་མོ་བྱའི…

ངས་ཀྱང་བཟའོ་སྙམ་ནས་ལྡེ་ཚབ་ཀྱིས་སྒོ་ཕྱེ་བས་ཉའི་རོ་མཐོང་ནས་ཐུགས་རྟོག་ཟོས་པས་སྐུ་ལ་བསྙུན་ནད་བྱུང་། དེ་དུས་བོད་གཞན་ན་ཉ་མི་ཟ་བས་དྭགས་པོ་སྦལ་ཟན་གྱི་ཡུལ་ཞེས་ཟེར། དེས་ན་ཉ་ཟ་ཞིང་ཉ་ལ་སྦལ་པར་གྲགས་པ་ཡིན་སྐད། དྭགས་མོའི་སྲས་དམུས་ལོང་ཞིག་བལྟམས་པ་ལ་མིང་དཀོན་པ་བཀྲ་ཞེས་བཏགས་ཏེ་ཡབ་ཀྱི་ཞལ་ཆེམས་སུ། བསམ་པ་བཟང་པོ་གསེར་དང་…

གསང་བ་མཆོད་པའི་བྱིན་རླབས་དང་། རྒྱལ་ཕྲན་འ་ཞ་རྗེ་བྱ་བ་སྨན་པ་མཁས་པ་ཞིག་བོས་པས་སྤྱན་ཕྱེ། རྒྱལ་པོའི་ཞབས་ལྷམ་སྒོ་གོང་དུ་བཏགས་པའི་འོག་ཏུ་འ་ཞ་རྗེ་འཛུལ། ཕྱིར་ལོག་པ་ན་མས་གཏམ་དྲིས་པས། བོད་ཀྱི་རྒྱལ་པོ་ནི་མ་མཐོང་། སྒོ་གོང་ན་གཡུའི་ལྷམ་ཆུང་ཞིག་བཏགས་འདུག་པའི་འོག་ལ་ཕྱིན་པས་བྱིས་པ་དམུས་ལོང་ཞིག་འདུག་པ་དེའི་མིག་ཕྱེས་ནས…

མཐུན་གཉིས་ལ་ལུང་བསྡེབས་པས་འཕྲུལ་བློན་མཛངས་པ་མི་བདུན་གྱི་གསུམ་པར་གྲགས། རྒྱལ་པོ་འདི་གསུམ་ལ་བར་གྱི་སྟེང་གསུམ་ཞེས་གྲགས་ཏེ། སྲས་ཀྱི་བང་སོ་དོན་མཁར་མདའ་རུ་བརྩིགས་སོ། །རྗེ་དེ་དང་གོང་བཟའ་སྟོང་བཙུན་འགྲོ་དཀར་གྱི་སྲས་གནམ་རི་སྲོང་བཙན། བློན་པོ་དབས་སྣང་གཞེར། ཚེ་སྤོང་ན་གནག་སེང་། ཉང་ཙོང་དགུ། གནོན་འཕན་ལྔ་སུམ་རྣམས་ཀྱི…

དབང་ཕྱུག་མིའི་ཟོལ་གྱིས་གངས་ཅན་བོད་ཀྱི་ལྗོངས་འདིར་ལེགས་པའི་སྒོ་བརྒྱ་འབྱེད་ཅིང་ལུགས་གཉིས་ཆབ་སྲིད་ཀྱི་རྩ་བ་ཐོག་མར་འཛུག་པའི་མེས་པོ་ནི་ཆོས་རྒྱལ་སྲོང་བཙན་སྒམ་པོ་སྟེ། དེའང་འདི་ཉིད་གདུང་རབས་ཇི་སྙེད་བཅས་འཇམ་དཔལ་རྩ་རྒྱུད་དུ་འདི་སྐད་ཅེས་ལུང་བསྟན་ཏེ། དེ་བཞིན་གཤེགས་པའི་བསྟན་འདི་ལ། །རྣམ་པ་སྣ་ཚོགས་བྱ་བ་བྱེད། །བྱང་…

ཁ་དོག་སྣ་ཚོགས་སྣ་ཚོགས་གཟུགས། །ཁ་བ་ཅན་གནས་ཀླ་ཀློའི་རྒྱལ། །དེ་ཡང་སྟོན་པ་མཆོད་བྱེད་པའོ། །ཁྱུ་མཆོག་ཁྱུ་མཆོག་བཟང་པོ་དང་། །ས་འོད་དེ་བཞིན་ས་འོད་བཟང་། །དེ་བཞིན་ཕ་རོལ་གནོན་ཉིད་དང་། །རྐང་པའི་འགྲོས་ཤེས་བསྟན་པ་ཡིན། །ས་སྲུང་དང་ནི་བེའུ་དང་། །འོད་ལྡན་ཉིད་ནི་ཕྱི་མ་ཡིན། །ཐ་མར་འཆར་རྒྱལ་ངང་ཚུལ་ཏེ། །ཀླ་ཀློ་རྣམ་པ་སྣ་ཚོག…

ནི་འདུས་སྲོང་མང་རྗེ། ས་འོད་བཟང་ནི་ཁྲི་ལྡེ་གཙུག་བརྟན། ཕ་རོལ་གནོན་ནི་ཁྲི་སྲོང་ལྡེའུ་བཙན། རྐང་པའི་འགྲོས་ནི་མུ་ཁྲི་བཙན་པོ། ས་སྲུང་ནི་ཁྲི་རལ་པ་ཅན། བེའུ་ནི་གླང་དར་མ། འོད་ལྡན་ནི་གནམ་ལྡེ་འོད་སྲུང་། ཐ་མར་འཆར་རྒྱལ་ངང་ཚུལ་ནི་ཉི་མ་འཆར་བའི་ཕྱོགས་ནས་བོད་ལ་དབང་བྱེད་པའི་ཧོར་རྒྱལ་པོ་ཡིན་ཞེས་འགའ་ཞིག་འདོད་ལ། ཤར་ཁ་ཞེས་…

མེད་ཀྱི་ཞལ་དངོས་སུ་བཞུགས་པ་ལ་དེ་སྦེད་པའི་ཕྱིར་ཡབ་ནས་དར་ལེ་བརྒན་གྱིས་དབུ་ལ་ཐོད་དཀྲི་བར་མཛད། རྒྱལ་བུའི་ན་ཚོད་དང་མཉམ་པའི་ཁྱེའུ་མགར་དང་ཐོན་མི་གཉིས་ཞེ་ས་འབུལ་བའི་ཕྱིར་མདུན་དུ་འགྲེང་སྐབས། ཨ་མི་ཏཱ་བྷའི་ཞལ་མཐོང་བ་གཞན་ལ་བཤད་པས་རྒྱལ་བུ་ལ་དབུ་གཉིས་དང་ལྡན་པར་གྲགས། ཁྲི་སྲོང་བཙན་ཞེས་མཚན་དུ་གསོལ་བ་ལས། ཡོན་ཏན་ཀུན་ལ…