དེ་ལྟར་སྔས་ཕྱིས་ཀྱི་ལྟུང་བ་གསུམ་མོ། །གལ་ཏེ་ལུང་ལས། བརྟད་པ་ལས་བྱུང་བའི་གོས་ལྔ་པོ། ནད་པ་དང་ནད་པའི་ཕྱིར་དང་། འཆི་བ་དང་འཆི་བའི་ཕྱིར་དང་། འགྲོ་བར་ཆས་པ་ལ་སྦྱིན་པ། ཞེས་གསུངས་པ་ལྟར། རྐྱེན་ལྡན་དེ་དག་ལ་དབྱར་མཐའི་ཞག་བཅུའི་ནང་དུ་སོ་སོར་སྦྱིན་ན་ཉེས་པ་མེད་ཅིང་། ཡང་དབྱར་ནང་དུ་ཆོས་སྨྲ་བའི་རྙེད་པ་དང་། ནད་པའི་རིམ་གྲོ…

ཐུན་ཚོད་ལས་འདས་ནས་སོ། །དེ་རྣམས་ཕྱིར་བཅོས་ཀྱི་སྐབས་བྱིན་འཕྲོགས་དང་། ལྷུང་བཟེད་ཚོལ་བ་གཉིས་ཀྱི་རྫས་རྩ་བ་ནས་སྤང་དགོས་ཤིང་། གཞན་རྣམས་ཞག་གཅིག་གི་རིང་སྤང་བ་སྔོན་དུ་བཏང་དགོས་སོ། །བཞི་པ་ལྟུང་བྱེད་འབའ་ཞིག་པའི་སྡེ་ལ་གཉིས། མདོར་བསྟན་པ་དང་། རྒྱས་པར་བཤད་པའོ། །དང་པོ་མདོར་བསྟན་པ་ནི། ལྟུང་བྱེད་འབའ་ཞིག་དགུ་བཅུ་ཐམ་པ་ན…

ལྟུང་བརྗོད། །མི་ཆོས་བླ་མ་བདེན་སྨྲ་བཤེས་ངོར་འཕྱ། །བསླབ་གཞི་ཁྱད་གསོད། ཅེས་པ་སྟེ། སྡེ་ཚན་འདིའི་དང་པོ་ནི། དེ་ཡང་ཕམ་པའི་རྫུན་དང་། གཞི་མེད་བག་ཙམ་གྱི་ལྷག་མའི་རྫུན་དང་། ཤེས་བཞིན་དུ་ཆོས་དང་ཆོས་མིན་འགལ་འདུར་སྨྲ་བ་སྦོམ་པོར་གྱུར་པའི་རྫུན་དང་། ཡང་དག་དྲི་བའི་དུས་ལྟུང་བ་ཡོད་བཞིན་མི་སྨྲ་བ་ཉེས་བྱས་ཀྱི་རྫུན་ཏེ་བཞི་དང…

དྲུག་ལས་ལྷག་པར་སྟོན༷་པ་དང་། དྲུག་པ་ནི། རྒོད་བག་གི་བསམ་པས་བསྙེན༷་པ༷ར་མ༷་རྫོ༷གས་པ་ད༵ང་ལྷན༷་ཅི༷ག་ཏུ་ཆོ༷ས་ཀྱི་ཚིག་གདངས་སྣ་ཚོགས་ཀྱིས་འདོ༷ན་པར་བྱས་པ་དང་། བདུན་པ་ནི། ཡུལ་ཁྱིམ་པ་ལ་དགོས་པ་མེད་པར་དགེ་སློང་གཞན་ལ་གན༷ས་ང༷ན་ལེ༷ན་ཕམ་ལྷག་གི་ལྟུང་བ་བྱུང་བ་གླེང་བར་མ་བསྐོས་བཞིན་དུ་ལྟུང༷་བ་བརྗོ༵ད་ནས་གོ་བ་དང་། བརྒྱད་པ་ན…

བྱུང་གླེང་ལ་མ་ཐོས་ལན་གཞན་འདེབས། །ཁྲི་དང་འདིང་བ་མ་བསྡུས་བཏིང་སོང་དང་། །དགེ་སློང་སྐྲོད་དང་ཐོ་མཚམས་ཕྱིས་གནོན་བྱས། །མལ་ཁྲིས་བུག་དབྱུང་སྲོག་ཆགས་ལྡན་པའི་ཆུ། །རྩྭར་འདེབས་གཙུག་ལག་ཕ་གུ་རིམ་གཉིས་བརྩིགས། །ཤེས་བཞིན་བགྱིས་སོ། ཞེས་པ་སྟེ། སྡེ་ཚན་འདིའི་དང་པོ་ནི། རུང་བ་མིན་པ་ནི་མ་ཉམས་པའི་ས༷་བོ༷ན་འཇོམས་པར་བྱེད་ཅིང་རྩ…

པ་ནི། རང་ལ་ལྟུང་བ་བྱུང་བ་བསྒོ༷་བ་རྣ༷ར་གཟོ༷ན་པའི་སྒོ་ནས་ནི༵་དགེ་སློང་གཞན་གྱིས་ཕྱིར་བཅོས་སུ་གཞུག་པའི་ཕྱིར་ཆེད་དུ་ལྟུང༷་བ་བྱུང༷་བ་དེ་གླེང༷་བ་ལྟ་བུ་ཆོས་མཐུན་གྱི་བསྒོ་བ་དང་དྲི་བ་དྲིས་པ་ལ༷་དེ་མ༷་ཐོ༷ས་པ་ལྟར་རམ་ཁྱད་གསོད་ལྟ་བུས་ལ༷ན་གཞ༷ན་ལོག་པར་འདེ༵བས་པའི་ཚིག་སྨྲས་པ་ཡུལ་གྱིས་གོ་བ་དང་། བཞི་པ་ནི། དགེ་འདུན་གྱི་ཁ…

ངག་གིས་ཟིལ་གྱིས་གནོན་པ་དང་། བརྒྱད་པ་ནི། གཙུག་ལག་ཁང་གི་སྟེང་ཐོག་སྙི་བ་ལ་མ༷ལ་ཁྲི༷་རྐང་པ་རྣོན་པོས༷་བཙུག་ནས་ལུས་ལྗིད་ཕབ་སྟེ་འདུག་པས་བུག༷་པ་དབྱུང༷་བ་དང་། དགུ་པ་ནི། སྲོ༷ག་ཆ༷གས་དང་ལྡ༷ན་པ༷འི་ཆུ༵་དང་རྩྭ་ཤིང་སོགས་ལ་དེར་ཤེས་བཞིན་དུ་ཆུ་ནི་རྩྭ་སོགས་སྐམ་སར་འདེབས་པ་དང་། རྩྭ་སོགས་ཆུར༷་འདེ༷བས་པས་དུད་འགྲོ་ཇི་སྙེད་ཤི་…

ཡིན་ཏེ། དང་པོ་ནི། དེ་ཡང་དགེ་སློང་མའི་སྟོན་པར་མ༷་བསྐོ༷ས་པའམ་བསྐོས་ཀྱང་མཚན་ཉིད་དང་མི་ལྡན་པའི་དགེ་སློང་གིས་དགེ་སློང་མ་ལ་ཆོ༷ས་སྟོན༷་ནས་གོ་བ་དང་། གཉིས་པ་ནི། དགེ་སློང་མའི་སྟོན་པར་བསྐོས༷་ཀྱང༷་འཇིགས་པ་དང་བཅས་པའི་གནས་སུ་ཉི༷་མ་ནུ༷བ་ཟིན་རྗེས་སུའང་ཆོས་སྟོན་པ་དེས་གོ་བ་དང༵་། གསུམ་པ་ནི། དགེ་སློང་མའི་སྟོན་པར་འོས་ཤི…

ཉེ་མིན་བུད་མེད་དང་དབེ༷ན་པ༷་སྐྱབས་ཡོད་སར༷་ཁྲིམས་གྲོགས་མེད་པར་གནས་གཅིག༷་ཏུ་འདོམ་གང་ཙམ་གྱིས་བར་ཆོད་ཀྱང་གཉིས་ཀ་ས་ལ་འདུ༷ག་པ༷་ད༷ང་། དགུ་པ་ནི། དབེན་པར་བུད་མེད་དམ་ཁྱད་པར་དགེ་སློང་མ་དང་ལྷན་ཅིག་འགྲེ༷ང་བ༷་ད༵ང་། བཅུ་པ་ནི། དགེ་སློང་གིས་ཉེས་མིན་དགེ་སློང་མ་ལ་སྦྱིན་བདག་ཁྱིམ་པ་ལ་རང་དང་མི་འབྲེལ་བའི་ཡོན་ཏན་བརྗོད་ཅིང་ས…

ཕྱིན་པ་བཅས་མ་ཡིན་ཞིང་སྲ་བརྐྱང་མ་བཏིང་བའི་དགེ་སློང་གིས་ཁྱིམ་པ་ཉེ་དུ་མ་ཡིན་པ་ལ། དུས་རུང་གི་ཟས་ཉི་མ་གཅིག་ལ་ཁྱིམ་སྔ་མར་ཟོས་ཟིན་ཀྱང་ཡང་ཁྱིམ་གཉིས་པ་དང་གསུམ་པ་ལ་སོགས་པ་ལས་ཡ༷ང་ཡ༷ང་བསླངས་ཏེ་ཁ་ཟ༷ས་ཟ༷་བ་དང་། གཉིས་པ་ནི། ཉེ་མིན་ཁྱིམ་པའི་གནས་སུ་མུ༷་སྟེག༷ས་པ་འདུ༷ག་པ༷འི་ས༵ར་སྦྱིན་བདག་གིས་མ་བསྟབ་པར་ཞ༷ག་གཅི༷ག་ལས་ལྷག༷…

དགོས། གང་ལྟར་ཡང་དེ་བཟའ་བ་པོ་ལ་གཏད་ནས་བཟར་རུང་བའོ། །ལྔ་པ་ནི། དགེ་སློང་གཞན་གྱིས་སྤང༷ས་པའི་ཟ༷ས་ལྷག་པོར་མ་བྱས་བཞིན་དུ་དེ་ལ་ངན་སེམས་ཀྱིས་ལྟུང༷་བ་འབྱུང༷་བའི་ཆེ༷ད་དུ༷་ལྷག་པོར་བྱས་སོ་ཞེས་རྫུན༷་གྱིས༷་སྟོབ༵་པའི་ཚིག་སྨྲས་པ་དེས་གོ་ནས་ཟོས་ན་སྟོབ་པ་པོ་ལ་ལྟུང་བ་བྱུང་བ་དང་། དྲུག་པ་ནི། ན་བ་སོགས་གན༷ང་བའི་དུས་མི༷ན་པར་…

རང་གིས་རེག་པ་དང་། དགེ་སློང་རང་དབང་བའི་མཚམས་དངོས་སམ་དེའི་ཉེ་འཁོར་གྱི་ནང་དུ་ཟས་རྗེན་པ་ཞིག་བཙོས་པ་དང་། མཚམས་ནང་དེར་དེ་འདྲའི་དངོས་པོ་ཞག་ལོན་པ་དང་། དེ་འདྲའི་དངོས་པོ་རྗེན་པར་མཚམས་ཀྱི་ཕྱི་ནང་གང་རུང་དུ་དགེ་སློང་གིས་བཙོས་པའོ། །དེ་བཞིན་ནད་ལ་ཕན་པའམ་མུ་གེའི་དུས་མིན་པར་ཟོས་ན་ཉེས་བྱས་སོ། །དགུ་པ་ནི། བདག་ཉིད་ཟན་ཆད་…

ཤིང་ཞི༷མ་པ༷འི་བཟང་པོ་ཉེ་མིན་ཁྱིམ་པས་ཅི་བདེར་མ་བསྟབས་ཀྱང་ཆོག་མི་ཤེས་པས་སློ༷ང་སྟེ་ཟོས་ན་ལྟུང་བྱེད་དུ་འགྱུར་བ་རྣམས་སོ། །བཅུ་ཚན་ལྔ་པ་ཆུ་དང་སོགས་ཀྱི་སྡེ་ནི། སྲོག་ཆགས་བཅས། །ཆུར་སྤྱོད་ཉལ་པོ་བྱེད་པའི་ཤུལ་དུ་ཉལ། །དབེན་པའི་སྐྱབས་སུ་འགྲེང་དང་གཅེར་བུར་རྒྱུ། །དམག་བལྟ་དམག་སར་ཞག་གཉིས་ལྷག་པར་བསྡད། །དམག་གི་རུ་བཀོད་བ…

ཞུགས་པའམ་དེར་ཕྱོགས་པ་ལ་དེ་དང་ཉེ་བའི༷་ཤུ༷ལ་དུ༷་ཉལ༵་ལམ། འདུག་པ་དེ་དག་དགེ་སློང་དེར་ཡོད་པ་རྣམས་ཀྱི་ཚོར་བ་དང་། གསུམ་པ་ནི། དེར་དབེ༷ན་པ༷འི་སྐྱབ༷ས་སུ༷་འགྲེ༷ང་སྟེ་གནས་པ་ཚོར་བ་ད༷ང་། བཞི་པ་ནི། ནད་པ་དང་ཉེ་དུ་དང་དགེ་བ་ལ་སྦྱོར་བ་དོན་སོགས་དགོས་པ་ཁྱད་པར་ཅན་མོད་པར་མུ་སྟེགས་པའི་རབ་བྱུང་གཅེ༷ར་བུ༷ར་རྒྱུ༵་བ་ཕོ་མོ་གང་རུང…

པ་ནི། ཁྲོས་པས་དགེ་སློང་གཞན་ལ་བརྡེ༷ག་པར་བརྩམ༷་པ་སྟེ་བརྡེག་ཚུལ་བྱས་པ་དེས་གོ་བ་དང་། བཅུ་པ་ནི། མཐོལ་ཡུལ་མཚན་ཉིདལྡན་པའི་དབུས་སུ། དགེ་སློང་གཞན་ལ་གན༷ས་ང༷ན་ལེ༷ན་གྱི༷་ལྟུ༷ང་བ༷་ཕམ་ལྷག་གང་རུང་བྱུང་བ་ངོ་ཤེས་སམ་ཐེ་ཚོམ་ཟབ་ལ་དགོས་པ་ཁྱད་པར་ཅན་མེད་བཞིན་དུ་འཆ༵བ་སྟེ་མཚན་མཐའ་འདས་ན་ལྟུང་བྱེད་དུ་འགྱུར་བ་རྣམས་སོ། །ཕམ་ལྷག་…

གམ་རེག་ཏུ༷་བཅུག༵་པ་དང་། འདིར་ཆོས་ལྡན་གྱི་བྱ་བའི་ཆེད་དུ་གནང་བ་ཡིན་སྙམ་པས་དུས་དྲན་བསྟེན་དགོས་སོ། །གསུམ་པ་ནི། དགེ༷་འདུ༷ན་གྱིས་དགེ་སློང་གི་ཆེད་དུ་ལས༷་བྱས་ཤིང་ཆགས་པ་ལ༷་དང་པོ་འདུ༷ན་པ་ཕུལ༷་ནས་ཕྱིས་འདུན་པ་ཕྱི༷ར་བྱིན་ཅིག་ཅེས་ལྡོག༷་པའི་ཚིག་སྨྲ༵་བ་གོ་བ་དང་། བཞི་པ་ནི། བསྙེན༷་པར་མ༷་རྫོ༷གས་པ་ད༷ང་ལྷན་ཅིག་གནས་གཅིག་…

ནི། ཆུ་ཚག་མ་གཏོགས་རུ༷ང་བ༷འི་ཚོ༷ན་གསུམ་གྱིས་ཁ་བསྒྱུར་བ་མི༷ན་པ་ཁ༷་དོ༷ག་དཀར་པོ་ཅ༷ན་གྱི་གོ༷ས་ཁྲུ་གང་ཡན་ཆད་གཞན་གྱིས་མ་གཡོགས་པར་གྱོན༵་ན་ལྟུང་བྱེད་དང་། ནག་པོའམ་ཁྲ་བོ། ཚོན་ཆེན་བརྒྱད་ཀྱིས་བསྒྱུར་བ་གྱོན་ན་ཉེས་བྱས་སོ། །དགུ་པ་ནི། ཆུད་འཛའ་བ་དང་། སྦྱིན་བདག་བསོད་ནམས་འདོད་པས་བསྟབས་པ་དང་། ཆོས་འཆད་པ་སོགས་དོན་ཁྱད་པར་ཅ…

པ་དང་། །གཞི་མེད་སྐུར་བཏབ་བུད་མེད་ལྷན་ཅིག་ཏུ། །སྐྱེས་པ་མེད་པར་ལམ་འགྲོ། ཞེས་པ་སྟེ། བཅུ་ཚན་འདིའི་དང་པོ་ནི། བསོད་སེམས་ཀྱིས་དུད༷་འགྲོ༷འི་རིགས་གསོད་དམ་གསོ༵ད་དུ་བཅུག་ནས་ཇི་སྙེད་ཤི་བ་དེ་སྙེད་ཀྱི་དང་། གཉིས་པ་ནི། དགེ༷་སློང༷་བྱས༷་པ་གཞན་ལ༷་ཁྱོད་སྡོམ་པ་མ་སྐྱེས་ཞེས་སམ་ཡང་ན་ཉམས་སོ་ཞེས་སོགས་འགྱོ༷ད་པ་བསྐྱེད༷་པའི་ཚིག…

དུ་བཅུག་ནས་སྦས་པ་དང་། བརྒྱད་པ་ནི། དགེ་སློང་གཞན་ལ་སྔར༷་རང་གིས་གོས་བྱིན༷་པ་རྐུ་སེམས་དང་ཡིད་བཅུག་མིན་པར་དེས་གནང་བའི་གདེ༷ངས་མེ༷ད་བཞིན་སླར༷་བླ༷ངས་ནས་ཅི་དགར་ལོངས་སྤྱོད༷་པ༷་ད༵ང་། དགུ་པ་ནི། མཐོང་ཐོས་དོགས་གསུམ་གྱི་གཞི༷་མེ༷ད་པའི་དགེ་སློང་གཞན་ལ་ལྷག་མ་བཅུ་གསུམ་གང་རུང་གིས་སྐུར༷་པ་བཏབ༷་པ་དེས་གོ་བ་དང་། བཅུ་པ་ནི། ཉ…

ཡིད་གཉིས་ཀྱིས་བསྙེན༷་རྫོ༷གས་ཕོ༵ག་ན་ལས་བརྗོད་པ་གསུམ་པའི་བྱ་བ་བརྗོད་པ་རྫོགས་ནས་བྱེད་པ་བརྗོད་པ་འགོ་རྩོམ་པའི་ཚེ་མཁན་པོ་ལ་ལྟུང་བྱེད་དང་། སློབ་དཔོན་དང་དགེ་འདུན་ལ་ཉེས་བྱས་སུ་གྱུར་པ་དང་། གསུམ་པ་ནི། དགོས་པ་ཁྱད་པར་ཅན་མེད་པར་སོར་བཞི་ཡན་ཆད་ཀྱི་ས༷་བརྐོ༷་བའམ་བརྐོར་བཅུག་པ་དང་། བཞི་པ་ནི། སྦྱིན་བདག་གིས་དུས་ཇི་ཙམ་མགྲ…