བཅས་པ་ཞག་བདུན་དུ་བསྟན་ཅིང་ལུང་བསྟན་ཐོབ། ཐོགས་པ་མེད་པའི་བློ་གྲོས་ཀྱི་དངོས་གྲུབ་ཆེན་པོ་རང་དབང་དུ་ཐོབ་པ་ལས། ལུད་དང་རིག་པའི་གནས་རྒྱ་ཆེན་པོ་ལ་མི་འཇིགས་པའི་སྤོབས་པ་བརྙེས་པས་བསམ་ཡས་ལུང་མང་བའང་ཀློང་ཆེན་རབ་འབྱམས་ཞེས་པའི་མཚན་གྱི་རྔ་བོ་ཆེ་ཕྱོགས་ཀུན་ཏུ་གྲགས། སློབ་དཔོན་དན་ཕག་པ། གཞོན་ནུ་དོན་གྲུབ། མྱོས་མཐིང་མ་བ་སང…

མཱ་ཡཱ། གཤིན་རྗེ་གཤེད་དམར་ནག་སོགས་ཆོས་བཀའ་རྒྱ་ཆེན་པོ། སློབ་དཔོན་དབང་ཚུལ་ལས་སྦྱོར་དྲུག་དང༌། བསྙེན་སྒྲུབ། རླུང་སྐོར་ལ་སོགས་པ་མང་པོ། ས་སྐྱ་བ་བླ་མ་དམ་པ་ལ་སེམས་བསྐྱེད་ཆེན་མོ་དང༌། ལམ་འབྲས་སོགས་ས་སྐྱ་པའི་ཆོས་ཟབ་དགུ། ཞི་བྱེད་བརྒྱུད་པ་རྨ་སོ་ཀཾ་གསུམ་དུ་གྲགས་པའི་སློབ་བརྒྱུད་ཤུག་གསེབ་རི་པ་གཞོན་རྡོར་ལས་དོ་ཧ་སྐོར་…

མཁན་སློབ་རྣམས་སྐྱེས་བུ་དམ་པ་འདིའི་རྣམ་སྤྱོད་ལ་དཀོན་པའི་འདུ་ཤེས་བཟོད་པར་དཀའ་བས་ནན་གྱིས་བཤོལ་བཏབ་ཀྱང་མ་ཐེབས་པར་ཆས་པས། རྔོག་ལོ་ཆེན་པོའི་གདུང་རྟེན་རྩར་དགེ་སློང་དཔྱོད་ལྡན་པ་ཞིག་དང་འཕྲད། ཁོང་གིས་ཀྱང་བཤོལ་བཏབ་ཅིང་སྐྱོ་བའི་རྣམ་པ་སྟོན་པ་ལ། གནས་ཚུལ་རྣམས་བཤད་པས། ཁོང་ཡང་ཁམས་པའི་ཚོགས་ལ་འཁུན་པར་བྱེད་ཅིང༌། ད་ཅིས་ཀ…

འཇོལ་བེར་དང་གསེར་གཡུའི་རྒྱན་གྱིས་སྤྲས་ཤིང༌། བསྭེ་ཁྲབ་དྲིལ་བུས་བརྒྱན་པའི་རྟ་ལ་བཅིབས་པ་གདོང་གསེར་གྱི་དྲྭ་བས་གཡོགས་པ་གཅིག་དང་མཇལ། དེའི་ཐུ་བ་ནས་འཇུས་ཏེ་འཕགས་མ་རྗེས་སུ་འཛིན་པར་ཞུ་ཞེས་བཏུད་པས། རིན་པོ་ཆེའི་དབུ་རྒྱན་ཞིག་འདུག་པ་ཕུད་ནས་ཀུན་མཁྱེན་པའི་དབུ་ལ་བསྐོན། དེང་ནས་དུས་རྟག་ཏུ་བྱིན་གྱིས་རློབ་ཅིང་དངོས་གྲུབ་…

མཚམས་ཐམས་ཅད་དུ་ཁྱེར་སོང་བར་རྨིས་པས་བརྒྱུད་པ་འཛིན་པ་ཞིག་འོང་གསུངས་ནས་ཤིན་ཏུ་མཉེས། དེར་ཆོས་ཁྲལ་འདེགས་རྒྱུ་མེད་པས་ཐུགས་ལ་སྐྱོ་བ་དཔག་ཏུ་མེད་པ་འཁྲུངས། ཆོས་ཁྲལ་ལ་ཐོགས་ཏེ་བླ་མའི་དྲུང་ནས་འགྲོ་དགོས་པ་ངས་མེད་པས་ཉིན་པར་འགྲོ་བ་ངོ་ཚ། སང་ནམ་ལངས་ཙ་ན་ལུང་པ་འདིའི་མདའ་ལ་སླེབས་པར་འགྲོ་དགོས་ཙ་ན། བླ་མའི་མངོན་མཁྱེན་གྱིས་…

དཀའ་བ་སྤྱད་པ་བསམ་གྱིས་མི་ཁྱབ། ལོ་དེར་རྫོགས་པ་ཆེན་པོ་གསང་བ་སྙིང་ཏིག་གི་དབང་ཁྲིད་གདམས་པ་དང་བཅས་པ་ཐོབ་ཅིང་བསྒོམ། ཕྱི་ལོ་དེར་དབང་གོང་མ་དང༌། རྫོགས་ཆེན་སྡེ་གསུམ་གྱི་རྒྱུད་ལུང་མན་ངན་བསྟན་སྲུང་དང་བཅས་པ་བུམ་པ་གང་བྱོར་གནང་ནས་བསྟན་པའི་རྒྱལ་ཚབ་ཏུ་དབུགས་འབྱིན་མཛད། ལོ་དྲུག་གི་བར་དུ་སྒྲུབ་པའི་དམ་བཅའ་ཕུལ། སུམ་ཅུ་རྩ…

)སྣང་སེམས་རོ་གཅིག་ཏུ་རྟོགས་པའི་རྣལ་འབྱོར་པ་ཡིན་བར་ཆད་མི་འོང་གསུངས། དེར་རྣལ་འབྱོར་མས་བླ་མ་ལ་ཕྱག་བྱས། དཀྱིལ་འཁོར་ལ་བལྟས་ནས། རྨ་བྱ་མ་འཛོམ་པ་ག་རེ་ཟེར། ཡིད་ཀྱིས་བསམ་པ་ཡིན་གསུངས་པས། བརྡའི་ཆོས་ལ་ཡིད་ཀྱིས་ག་ན་འོང་ཟེར། ཡང་བུམ་པའི་སྟེགས་ཀྱི་མཉྫི་དོར་ཏེ་བུམ་པ་གསུམ་སྦྲེལ་ནས་བཞག །ཆོ་གའི་རྣམ་གཞག་ཞིབ་མོ་མཛད་དུས་ཐལ…

མལ་གྱི་གཉིད་ལས་འདས་པའི་འོད་གསལ་རྩེ་གཅིག་ཏུ་ཤར། དཔའ་བོ་དང༌། མཁའ་འགྲོ་དང༌། ཆོས་སྐྱོང་སྣ་ཚོགས་པའི་གཟུགས་བརྙན་མངོན་སུམ་དུ་མཐོང་ནས། བུད་མེད་ནག་པོ་གཅིག་གིས་ཕྱེད་ཕུད་ཟེར་བ་དང༌། དམ་ཅན་མི་དཀར་པོར་བསྟན་ནས་ངའི་གཏོར་མ་ལ་དམར་རྒྱན་ཆད་ཟེར་བ་དང༌། ཇོ་བོ་མདངས་ལྷ་མི་དཀར་རྟ་དཀར་ཅན་དུ་འོངས་ནས་གཏོར་མ་འདོད་པ་ལ་དམར་གཏོར་སྦ…

མཁའ་འགྲོ་མས། སངས་རྒྱས་ཀྱི་རྣམ་འཕྲུལ་ལ་བར་ཆད་ག་ན་འོང༌། གདུལ་བྱ་ལ་དགོངས་པ་ཡིན། བི་མ་ལ་བོད་དུ་བྱོན་པ་མི་ཤེས་སམ་ཟེར། ད་ཅི་ཙམ་བཞུགས་དྲིས་པས། ལུག་ལོ་ཕྱི་མའི་བར་བཞུགས། དེ་ནས་གདུལ་བྱ་དང་བསྟུན་པའི་ངེས་པ་མེད་ཟེར། འོ་ན་ང་བླ་མ་ཀུ་མཱ་རཱ་རྫས་གཞན་དོན་ལ་བསྐུལ་ལམ་དྲིས། འོ་འོ་དེ་ཀ་ཟེར་དུས། ངས་གཅིག་པུར་བསྒྲུབས་ན་འོད་ལ…

འདེབས་ཟེར། སྙིང་ཏིག་གི་ཆོས་བཀའ་རྡོ་རྗེ་གཡུ་སྒྲོན་མའི་གནས་སུ་འབྱེད་དམ་དྲིས་པས། འདི་ན་མཁའ་འགྲོ་རང་བཞིན་གྱིས་འདུ་བས་འདིར་འབྱེད་དགོས་ཟེར། བུམ་ཐང་གི་གཏེར་ཁའི་ལུང་ཡང་གསལ་བར་བཤད། སློབ་དཔོན་ཆེན་པོ་དང་མཇལ་ལམ་དྲིས་པས། ལུང་གསུམ་གྱི་ཕུ། རི་གསུམ་གྱི་མདའ། བྲག་ཆུང་ངེ་བ་ཁ་ནུབ་ཏུ་བལྟ་བའི་གཡས་ཟུར་དུ་མཇལ་ཟེར། བི་མ་ལ་ད…

མཐར་མ་ཕྱིན། ད་ལྟ་ཁྱེད་དུ་སྐྱེས་དུས་འོད་གསལ་གྱི་སྣང་བ་ལམ་དུ་ཁྱེར་བ་འདི་ནི་ལོངས་སྐུའི་ཞིང་ཁམས་དར་གཅིག་ཉུལ་བ་དེ་ཡིན་ཟེར། ངས་ཕུང་པོ་ལྷག་མེད་ཨེ་འགྲུབ་དྲིས་པས། གཅིག་པུར་བསྒོམ་ན་ད་ལྟ་འགྲུབ། གཞན་དོན་མཛད་པས་བར་དོར་གྲོལ། སྤྲུལ་པས་བུམ་ཐང་དུ་སྐྱེ་བ་བླངས་ཏེ་གཞན་དོན་བྱེད། དེའང་ནུབ་ཕྱོགས་ཨོ་རྒྱན་གྱི་ཡུལ་དུ་གཤེགས་ན…

མཐོང༌། དེར་ཉེར་བརྒྱད་ཀྱི་ཉིན་གཅིག་ལྷོ་ནུབ་མཚམས་ནས་སློབ་དཔོན་ཆེན་པོ་སྐུ་མདོག་དཀར་གསལ་ཟ་འོག་གི་བེར་དང་ཤེའུའི་མཉེན་ཞུ་ཅན། འཁོར་དཔག་ཏུ་མེད་པས་བསྐོར་ནས་བྱོན་ཏེ་བླ་མ་ལ་ཐིམ་པ་མཐོང༌། དེའི་ནུབ་མཁའ་འགྲོ་མ་རུས་པའི་རྒྱན་ཅན་མཁའ་ལ་བུན་བུན་འགྲོ་བས་བླ་མ་ལ་མཆོད་བྱེད་ཅིང༌། བུད་མེད་སྨུག་ནག་གསུམ་བྲོ་འཁྲབ་པ་དང༌། ངེད་ཡོང…

པའི་བསམ་གཏན་པ། །ཡིད་གཅིག་ལ་མི་འཛིན་གང་བདེར་ཐོང༌། །སེམས་འཕྲོ་ཡང་སྟོང་ལ་གནས་ཀྱང་སྟོང༌། །གང་ཤར་ཡེ་ཤེས་ཀྱི་རོལ་པ་ཡིན། །ཅེས་པ་ལ་སོགས་རྡོ་རྗེའི་གླུ་བཞེངས། དེ་དུས་རྡོ་རྗེ་གཡུ་སྒྲོན་མ་དཀར་མོ་མཆེད་བདུན་དང་བཅས་པ་བྱོན་ནས་ངའི་གནས་སུ་གཤེགས་པར་ཞུ་ཟེར། བླ་མས་ཁྱོད་ཀྱི་གནས་སུ་རྒྱུད་དུ་སྡོད་དགོས་གསུངས་པས། རྒྱུན་དུ་བཞ…

བྱས་པས། མིན་མིན། རྡོ་རྗེ་ཕག་མོ་ཡིན་ངོ་མ་ཤེས་སམ་ཟེར། འདི་ནི་འཇིག་རྟེན་པའི་གཟུགས་ཀྱིས་ཕྲིན་ལས་བྱས་པ་དང༌། འདས་པའི་གཟུགས་ཀྱིས་མཆོག་གི་དངོས་གྲུབ་སྟེར་བའི་རྣམ་པ་ཆ་ཕྱེད་དགོས་པའོ། །འདི་ན་ཐིག་ལེ་གཙོ་བོར་བཤད་ནས་དབང་གསུམ་པ་རྟེན་ཅན་དུ་བསྐུར་བ་ཇི་ལྟར་ལགས་དྲིས་པས། དེ་ཆགས་ཆེན་ལམ་དུ་འཇུག་པ་ལ་དགོས་པ་ཡིན། །ཆགས་བྲལ་ལ་…

བཟླས་པའི་སྔགས་འདུག་གམ། མཆོད་པའི་ཡུལ་འདུག་གམ། རྣལ་འབྱོར་པ་དམ་ཚིག་དང་རྟོགས་པར་ལྡན་པ་ཀུན་ལ་ང་རྒྱུན་དུ་ཡོད་པ་མི་ཤེས་སམ། ཁྱོད་དང་ཚེ་རབས་ཐམས་ཅད་དུ་འདུ་འབྲལ་མེད་ཟེར། མཆིམས་ཕུར་ལྷ་ལྕམ་གྱི་ནོར་ཡོད་པ་དེ་ཅི་འདྲ་ཞིག་ན་འདུག་དྲིས་པས། བྲག་ལྷ་བཤོས་འདྲ་བ་རྩེ་མོ་མེད་པ་གཅིག་ན་འདུག །ད་དུང་དུས་ལ་མ་བབ་ཟེར། བི་མ་ལའི་གཏེར་…

འཁྱིལ་ཚུལ། དེའི་རྩལ་སྣང་ལོངས་སྐུའི་འཆར་ལུགས། ཕྱིར་གསལ་ལས་སྤྲུལ་པའི་སྐུ་འགྱེད་ཅིང༌། རིགས་དྲུག་གི་འཆང་ཚུལ་སོགས་འོད་གསལ་གྱི་ཆོས་སྐད་སྒྲ་བོ་ཆེ་དང༌། རྩིས་པོ་ཆེ་དག་གིས་ཀྱང་ཕྱོགས་མི་མཚོན་པའི་ངོ་བོའི་བཞུགས་ཚུལ་ཆེན་པོ་གང་ཡིན་པ་བླ་མ་ཡི་དམ་མཁའ་འགྲོའི་ཚོགས་ཀྱིས་ཐུགས་རྒྱུད་ལ་མངོན་དུ་གསལ་བར་བྱིན་གྱིས་བརླབས་ཤིང༌། …

ལའང༌། ཀུན་ཏུ་བཟང་པོ་གཉིས་པའི་དགོངས་གཏེར་རྒྱ་མཚོའི་རྡོ་རྗེའི་གནས་འདི་ན་གསལ་བའི་ཟབ་གནད་ཀྱི་ཆ་ཤས་ཀྱིས་ཀྱང་མ་གོས་པ་ཉིད་དུ་མཐོང་བས། ཡིག་ཆ་འདི་ལ་བརྟེན་པ་གང་ཞིག་རི་མོའི་མར་མེ་དང་མཚུངས་པ་ཉིད་དུ་རིག་པར་བྱས་ནས་འདིའི་གསུང་རབ་ཚིག་བཞི་པ་ཡན་ཆད་ལའང་གཅེས་སྤྲས་སུ་བྱ་བར་འོས་སོ། །གདམས་པའི་ས་བོན་ཕལ་ཆེར་གནས་འདིར་བྱུང་ཡང…

པས་དབང་ཁང་ལ་འཇའ་ཚོན་ཟུག་པ་དང༌། ནམ་གྲུ་རེ་མ་ཏི་མངོན་སུམ་སུ་འོངས་ནས་ང་ལ་གཏོར་མ་མི་སྟེར་བ་ཨེ་ཡིན། ངས་དཀའ་ལས་ཡུན་རིང་རབས་བྱས་ཟེར་ནས་རང་ཉིད་གཙོ་འཁོར་རྣམས་ཀྱི་མངོན་རྟོགས་གསལ་བར་བཤད་ཅིང༌། གཏེར་གྱི་ལུང་བསྟན་དང་ཆོ་འཕྲུལ་ཆེན་པོ་བསྟན་པས། ང་ནང་འོད་གསལ་གྱི་གཏེར་ཁ་ཕྱེད་པ་ལ། །བྲག་སེར་ཀའི་གཏེར་གྱིས་དགོས་པ་མེད། །གཏེ…

ཅད་མཁའ་འགྲོས་གང་ནས་ཐལ་མོ་སྦྱར། ནུབ་མོ་སྔགས་སྲུང་མ་བབས་ནས་གར་བྱེད་པ་ལ། བླ་མས་ཁོ་བོ་སྙིང་ཏིག་དེ་ལྟར་དུ་སྟོན་པ་ཡིན། ཁྱེད་བཀའ་སྲུང་དང་མཁའ་འགྲོ་རྣམས་ཨེ་དགའ་གསུངས་པས། གུ་རུ་དང་ཡེ་ཤེས་མཚོ་རྒྱལ་དེ་བཞིན་གསུངས། གཞན་དེ་ལྟར་ཤེས་པ་ག་ན་ཡོད་ངོ་མཚར་ཆེ། སྤྱིར་མཁའ་འགྲོ་ཐམས་ཅད་དགའ། ལྷག་པར་ཨོ་རྒྱན་རྫོང་ན་གསོལ་བ་འདེབས་པ…

དེས་ཆོག་ལས་ཆེ་ཞུས་པས། དེས་མི་ལྡང་ད་དུང་ཆུ་རྒྱོབ་ལ་ཚོགས་གསུངས། དེ་བཞིན་བྱས་པས་བཙགས་ཚད་ཆང་དུ་བྱུང་ནས་དེར་ཚོགས་པ་ཐམས་ཅད་བཟི་བ་ཙམ་སོང་བས། དངོས་པོ་སྤྲུལ་བསྒྱུར་བྱ་བ་དེ་ལྟར་ཡིན་གསུངས། དེ་ནས་གཡུ་སྒྲོན་མས་ཀྱང་ངའི་གནས་སུ་གཤེགས་པར་ཞུ་ཞེས་བསྐུལ་ནས་ཞལ་གྱིས་བཞེས་ཙ་ན། ཤིན་ཏུ་དགའ་བའི་ཚུལ་གྱིས་ཁོ་མོ་སྔོན་ལ་འགྲོ་ཟེར…