ཡིད་དུ་འོང་བར་བྱས་ལ། གོང་དུ་སྨོས་པ་བཞིན་དུས་ཚོད་དགེ་ཞིང་ཤིས་པའི་ཉིན་དབུ་བརྩམས་ཏེ། དགོང་ཐུན་ལ་བདག་བསྐྱེད་ཕྱག་རྒྱ་གཅིག་པའི་རྣལ་འབྱོར་བསྒོམ་ནས་བཟླས་པ་བརྒྱ་རྩ་ཙམ་གྱི་མཐར་འོད་གསལ་དུ་བསྡུ་ཞིང་ཐུན་མཚམས་ཀྱི་ལྷར་ལངས་ཏེ། ཞིང་སྐྱོང་སྡེ་བརྒྱད་གཞི་བདག་སོགས་དཀར་ཕྱོགས་པ་ལ་གཏོར་མ་ཕུལ་ནས་ཕྲིན་ལས་བཅོལ། ནག་ཕྱོགས་པ་རྣམ…

གྱིས་མཆོད། ཨོཾ་དྷྲྀཥྚ་རཱཥྚ་ཡ་སྭཱ་ཧཱ། ཨོཾ་བཻ་རུ་ཌྷ་ཀཱ་ཡ་སྭཱ་ཧཱ། ཨོཾ་བི་རུ་པཱཀྵ་ཡ་སྭཱ་ཧཱ། ཨོཾ་བཻ་ཤྲཱ་མ་ཎ་ཡེ་སྭཱ་ཧཱ། ཞེས་སྔགས་སོ་སོའི་མཐར། ཨེ་དཾ་བ་ལིཾ་ཏ་ཁ་ཁ་ཁཱ་ཧི་ཁཱ་ཧི། ཞེས་ལན་གསུམ་གྱིས་གཏོར་མ་ཕུལ་ལ། ཧཱུཾ། ཟབ་ཅིང་རྒྱ་ཆེ་གཟིགས་པ་པོ། །ཡུལ་འཁོར་སྲུང་དང་འཕགས་སྐྱེས་པོ། །སྤྱན་མི་བཟང་དང་རྣམ་ཐོས་སྲས། །རྒྱལ་ཆེ…

མཐོང་ཚོར་མི་བྱ། སྲུང་འཁོར་འདི་དག་མཚམས་གྲོལ་རྒྱུའི་ཐུན་ཐ་མའི་མཐར་མ་གཏོགས་མི་བསྡུ་ཞིང༌། ཐུན་མགོ་ཐམས་ཅད་དུའང་བར་ཆད་མི་འཇུག་པའི་ཕྱིར་གསལ་འདེབས་བསྐྱར་མ་རེ་བྱའོ། །དེ་ནས་བཅས་བཤམ་བྱ་བ་ནི། རང་གི་མདུན་ངོས་སུ་དམ་ཚིག་གི་བྲིས་སྐུ་རབ་གནས་ཅན་བཀྲམ། དེའི་མདུན་དུ་བིངྱོ་ཏ་མ་ལས། གླིང་བཞི་པ་ཡི་བྷཉྫ་ལ། འཁོར་ལོ་རྩིབས་བརྒྱ…

ཏེའམ། མ་འབྱོར་ན་གཙོ་ཕུར་ཉིད་བཙུགས་པ་བཀོད། དེའི་མདུན་རྒྱབ་གང་བདེར་མཉྫི་ལ་སྙིང་པོའི་གཏའ་གཏོར་སྐུ་རྟེན་དར་གདུགས་ཀྱིས་སྤྲས་པ་དང༌། གཡས་གཡོན་དུ་སྟེགས་བུ་ཅུང་ཟད་དམའ་བར་ཡི་དམ་གྱི་མཆོད་གཏོར་དང༌། ཕུར་སྲུང་སོགས་སྤྱི་བྱེ་བྲག་གི་སྲུང་མའི་གཏོར་མ་རྣམས་ཀྱང་བཤམས་པའི་གཡས་སུ་སྨན་ཕུད། གཡོན་དུ་རཀྟ། མཐའ་སྐོར་དུ་ཕྱི་ནང་གི…

བའི་རྣལ་འབྱོར་གྱིས་ལངས་ནས། ནམ་ལངས་པ་དང་བདེ་བའི་སྟན་ལ་བསམ་གཏན་གྱི་འདུག་སྟངས་ཀྱིས་འཁོད་དེ་བརྒྱུད་འདེབས་དང་སྐྱབས་སེམས་ཚོགས་བསགས་སྔོན་དུ་འགྲོ་བས། གཞི་བགེགས་ཀྱི་གཏོར་མ་བསྔོ་བ་རྒྱུད་དུ་མི་དགོས་པས་བགེགས་བསྐྲད་སྐབས་ལས་ཀྱི་ལན་ཆགས་ཞེས་པའི་ཚིག་གཅིག་བསྐྱུར་ལ་བཀའ་བསྒོ་ནས་བརྩམ་སྔོན་འགྲོའི་ལས་རིམ་རྣམས་དང༌། དངོས་གཞ…

གཤགས་པ་ཐམས་ཅད་ཀྱི་གསུང་གི་བདུད་རྩི་སྔགས་ཀྱི་ཡིག་འབྲུ་ཁ་དོག་ལྔའི་རང་བཞིན་ཆར་ལྟར་བབས་ནས་ཕྲེང་བའི་ལྷ་ལ་ཐིམ་པར་བསམ་ནས་ཕྲེང་བ་བདུད་རྩིར་རློབ་པའི་སྙིང་པོ། ཨོཾ་རུ་ཙི་པྲ་མརྟ་ན་ཡེ་རཏྣ་མ་ཎི་དྷར་ཛྙཱ་ན་དེ་ཝ་ཨ་བྷི་ཥིཉྩ་ཧཱུཾ་སྭཱ་ཧཱ། ཞེས་བརྒྱ་རྩ་བརྒྱད་བཟླས་པའི་མཐར་ལྷ་རྣམས་འོད་དུ་ཞུ་ནས་མགོ་བོ་རློན་པ་ཁྲག་འཛག་པའི་ཕྲེ…

བཟླ། ཐུན་མཐར་ཐབས་ཀྱི་ཡི་གེ་ཀ་ལི་ལན་གསུམ་གྱིས་སྐུ་བསྐྱེད་རིམ་མ་གསལ་བ། སྒོམ་ཚུལ་མ་ཤེས་པ། བརྡ་དོན་རྟགས་གསུམ་མ་འཕྲོད་པ་ལ་སོགས་པ་དང༌། ཤེས་རབ་ཀྱི་ཡི་གེ་ཨ་ལི་ལན་གསུམ་གྱིས་གསུང་བཟླས་བརྗོད་སྔགས་ཀྱི་སྒྲ་མ་དག་པ། གྲངས་མ་ཚང་བ། གོ་རིམ་ནོར་ཞིང་སྔགས་དོན་མ་ཤེས་པ། བཟླས་པའི་སྐྱོན་དུ་གྱུར་པ་ལ་སོགས་པ་དང༌། ཞི་ཁྲོ་ཀུན་འདུ…

གསུམ་ལ་འཇུག་པས་ཆོག་ཅིང༌། ཕྲེང་བ་བྱིན་རླབས་ཀྱང་དོར། སྲོད་ཐུན་གྱི་མཐར་ཆོས་སྐྱོང་སྤྱི་དང་བྱེ་བྲག་ཕུར་སྲུང་དམ་ཅན་གྱི་གཏོར་འབུལ་རྒྱས་བསྡུས་གང་འགྲུབ་བྱ། ཕྱིར་ནང་ཐོར་ཐུན་གྱི་མགོར་སྔོན་འགྲོ་རྣམས་དང་ཕྲེང་བ་བྱིན་རླབས་སོགས་སྦྱར། སྔ་ཐུན་མན་ཆད་སྔ་ཉིན་ཕྱི་ཐུན་དང་འདྲ། ཚོགས་མཆོད་འབྱོར་ན་སྲོད་ཐུན་ལ་མ་ཆགས་པར་བྱ་དགོས་…

དུས་ཕྲེང་བ་ལ་རྡོ་རྗེའི་མདུད་པ་བྱས་པ་ཁྲོ་ཞལ་དུ་དམིགས་ནས་གདན་ཁར་བཞག་པས་སྟན་བསྲུང༌། གཞན་འགྲོ་འཆག་མང་པོ་སྤངས་ཏེ་སྟན་གྱི་དྲོད་མ་ཡལ་བར་སྡོད་ཚུགས་པ་གལ་ཆེ། སྲོད་ལ་སྒྱུ་ལུས་མཆོད་སྦྱིན་དང་ཕྱིར་ཟློག་སོགས་སྦྱོར་སྤྲོ་ནའང་ལེགས་ཤིང༌། ཉལ་ཁར་ཉིན་རེའི་བསྙེན་པའི་བསྲུང་མཚམས་ལས་ཕྲ་མོ་ཞིག་འགལ་བ་བྱུང་ཡང་ཞག་ཏུ་མི་འགྲོགས་པར…

པས་ཆོས་ཉིད་སྐྱེ་བ་མེད་པ་ལས་ལངས་ཏེ། འགག་པ་མེད་པ་དཔལ་རྡོ་རྗེ་གཞོན་ནུའི་སྐུར་བཞེངས་པར་བསམ། འགྲོ་བའི་དུས་སུ། ཨོཾ་བཛྲ་ཀཱི་ལི་ཀཱི་ལ་ཡ་ཨེ་ཝཾ་མ་ཡ་དྷརྨ་ཀཱ་ཡ་ཧཱུཾ། ཞེས་བརྗོད་ཅིང་འགྲོ་བ་འདྲེན་པའི་དོན་དུ་འགྲོ་བར་བསམ། འདུག་པའི་དུས་སུ། རང་ཉིད་ལྷའི་ང་རྒྱལ་ལ་གནས་པའི་ངང་ནས་གང་དུ་གནས་པའི་ཁང་པ་དེ་ཡེ་ཤེས་ཀྱི་གཞལ་ཡས་ཁང་…

འབྲལ་བ་དང༌། ཡིད་ཆོས་ཉིད་བྱང་ཆུབ་སེམས་ཀྱི་ཕུར་བུ་རྩེ་གཅིག་པ་གསལ་སྟོང་དབྱེར་མེད་པ་དང་མི་འབྲལ་བ་སྟེ། མི་འབྲལ་བ་རྣམ་པ་གསུམ་ལ་དྲན་པ་རྒྱུན་ཆད་མེད་པར་བྱས་ཏེ་སྣང་གྲགས་རིག་གསུམ་ལྷ་སྔགས་ཆོས་ཉིད་ཀྱི་རོལ་པར་ལམ་དུ་ཁྱེར། གཞན་ཡང་བསྙེན་སྒྲུབ་ཀྱི་སྐབས་སུ། གདན་མི་སྤྲུག་ཅིང་དྲོད་མི་ཡལ་བར་བྱེད། སྔས་བླ་མར་མོས་ལ་མི་འགོང༌…

མཉམ་རྗེས་ཐམས་ཅད་དུ་བདེ་སྟོང་གི་དར་གདངས་ཤིག་མེད་ཐབས་མེད་པས། དེ་སྐྱེ་བའི་རྒྱུ་ཀུན་རྫོབ་རྒྱུའི་ཐིག་ལེའི་འཕེལ་འགྲིབ་ལ་ལྟོས་ནས་རྗེས་སུ་འགྲོ་དགོས་པས་ན། རྒྱུད་ལས་ཀྱང༌། དེ་ལ་ག་བུར་རྒྱུ་ཡི་ཕྱིར། །ཤ་ནི་བཟའ་བ་ཉིད་དུ་བྱ། །ཁྱད་པར་དུ་ཡང་ཆང་ཉིད་དོ། །ཞེས་གསུངས་པ་སོགས་ཤ་ཆང་ལོངས་སྤྱོད་པ་ལ་ཉེས་པ་མེད་པ་མ་ཡིན་ཀྱང༌། གསང་…

སྤྱད་དགོས་པ་བྱུང་ན། སྤྱད་བྱའི་བཟའ་བཏུང་གང་ཡིན་དེ་བདུད་རྩིར་བྱིན་གྱིས་བརླབས། སྤྱོད་ཡུལ་གྱི་དཀྱིལ་འཁོར་ལེགས་པར་གསལ་བཏབ། སྔགས་བཟླ་འཕྲོས་སྣ་བུག་ཏུ་ཕུས་བཏབ་ནས་སྣ་སྒོའི་རླུང་ལས་སྔགས་ཀྱི་སྒྲ་དི་རི་རི་སྒྲོག་པར་མོས་ལ། འཕྲེང་བ་འཁོར་མཚམས་ནས་བཟའ་བཏུང་བདུད་རྩིའི་ཚོགས་མཆོད་ཕུལ་ཏེ། དེ་འཕྲལ་བཟླས་པར་འཇུག་པ་ལས་བག་མེད…

སུ་བསྐྱེད་པའི་ལས་བྱེད་པར་བསམ་ལ་བསྔོ། སྤྱིར་ལྷ་ཞི་ཁྲོ་གང་བསྐྱེད་ཀྱང་སྣང་སྟོང་འཇའ་ཚོན་ལྟ་བུར་གསལ་བས་གང་ལ་གང་འདུལ་གྱི་སྤྲུལ་བསྒྱུར་བྱ་བ་ལས། ཕྱི་གཟུགས་ཡུལ་ཆས་གོས་ཆ་ལུགས་སོགས་ལ་རག་མ་ལུས་ཀྱང༌། ལ་ལ་དག་གཏོར་མ་དང་ལུས་སྦྱིན་སོགས་གཏོང་བའི་སྐབས་རང་གི་གདོང་དམར་པོ་དེས་ཡི་དྭགས་རྣམས་འཇིགས་སྐྲག་གི་ཉེས་པ་སྒྲིབ་ཕྱིར་ཞ…

སྔགས་བརྒྱའམ་ཉེར་གཅིག་བདུན་སོགས་བཟླས་པས་འགྲུབ། དེ་ཡང་ལྷའི་སྣང་ཆ་གསལ་མ་ཐེབས་ན་བསྐྱེད་རིམ་གྱིས་གོ་མི་ཆོད། ང་རྒྱལ་མེད་ན་ཐ་མལ་གྱི་སྣང་ཞེན་མི་ལྡོག །དག་དྲན་མེད་ན་ལྷ་ཞི་བ་བསྒོམ་ཀྱང་རྒྱལ་འགོང་དང༌། དྲག་པོ་བསྒོམ་ན་རཱུ་དྲར་གོལ་བར་འགྱུར་བས་ན་གསལ་བརྟན་དག་གསུམ་གྱི་གནང་ལ་འབད། གཞན་ཡང་བདུད་ཀྱིས་ལྷར་བརྫུས་ནས་བར་གཅོང་འ…

བསྙེན་སྒྲུབ་ལ་རྟགས་མ་ཐོན་བར་དུ༔ དང་པོ་ནས་རྣལ་འབྱོར་པ་རེ་དོགས་ཅན་གྱིས་ལྷ་མི་བསྲེལ་ཏེ༔ གང་ཞེ་ན༔ གདོན་ཆེན་པོ་ལ་བྱིན་རླབས་མི་བྱ༔ སྲིའུ་མི་གསོ༔ སེར་རྒོད་མི་བཟློག༔ གཞན་གྱི་ཟས་གོས་གྲིབ་ཅན་ལ་མི་འབག་གོ༔ བྱས་ན་སྒྲུབ་པ་པོ་ཟག་ལ་འགྲོ་བས་རྟགས་མི་འབྱིན༔ རྟགས་མཚན་མི་ལ་མི་བཤད༔ རེ་དོགས་དང་འཁུ་འཁྲིག་མི་བྱ་སྟེ༔ རྟགས་བཟ…

ཏུ་ཆུག་པ་དགོས། ཕྱིས་དེ་དག་གཏོང་དགོས་བྱུང་ཚེ་མཚམས་ལ་ཧར་གྱིས་གྲོལ་བའི་བར་ཆད་མི་འཇུག་པའི་དགོས་པ་ཡོད་པས་སོ། །དེ་ལྟར་ཐུན་བཞིའི་རིམ་པས་དུས་གྲངས་རྟགས་ཀྱི་བསྙེན་པ་གསུམ་གང་རུང་བྱ་སྟེ། དེ་ལ་དུས་ནི་དགོངས་རྒྱུད་ལས། ཡུན་ནི་ལོ་ཟླ་ཙམ་དུ་བསྲིང་༔ ཞེས་པས་རང་གི་ནུས་པ་དང་སྦྱར་ཏེ་ལོའམ་ཟླ་བའི་གྲངས་འདི་ཙམ་ཞིག་བྱའོ་ཞེས་ཇི་…

སྙིང་པོ་ཕྲིན་ལས་ཀྱི་རྒྱུད་ལས། འབྲུ་འབུམ་བདུན་འབུམ་ཉི་ཁྲི་ཙམ༔ སྟན་དྲོད་མ་ཡལ་རྩེ་གཅིག་བཟླ༔ ཞེས་སོགས་འབྱུང་ངོ༌། །ད་ལྟའི་དུས་དང་སྦྱར་ན། རྩ་བསྙེན་བྱེ་བ་ཕྲག་གསུམ་དང་འབུམ་ཕྲག་བཞི། ལས་སྦྱོར་འབུམ་གསུམ་དང་ཁྲི་ཚོ་བཞི་བཟླས་ན་འགྲུབ་པར་ཞུས་ལན་ཉིད་དུ་གསལ་ལོ། །འོན་ཀྱང་གང་ཟག་སྦྱངས་པ་སྔོན་སོང་བསྙེན་སྒྲུབ་ཀྱི་ལས་འཕྲོ་…

པ༔ གྲུ་པ་མཉན་པ་སྡེ་དཔོན༔ ཁྲོམ་གྱི་ཁ་ལོ་བསྒྱུར་བ་འབྱུང་ངོ་༔ ཞེས་གསུངས་པ་ལས་སྐུ་གསུང་ཐུགས་ཀྱི་རྟགས་སྣ་གསུམ་རྫོགས་ན་བསྙེན་ཚད་རྫོགས་པའི་རྟགས་སུ་གསུངས་སོ། །སྐབས་འདིར་སྔོན་ལས་ཀྱི་དབང་གིས་ཇི་ལྟར་བསྒྲུབས་ཀྱང་བར་ཆད་ན་ཚ་སོགས་མི་ཤིས་པ་མང་ཞིང་རྟགས་མཚན་གང་ཡང་མ་མཐོང་བའམ་ལོག་པར་མཐོང་ན་སྔོན་གྱི་ལས་འཕྲོ་མེད་པའམ། དམ་…

གདིང་བཅའ། བྱམས་སྙིང་རྗེ་བྱང་ཆུབ་ཀྱི་སེམས་དཔང་དུ་བཙུགས་ཏེ་བརྩོན་འགྲུས་དྲག་པོས་བསྒྲུབ་བོ། །དེས་ཀྱང་མ་འགྲུབ་ན་སྒྲུབ་པ་ལན་གསུམ་མམ་ལྔའམ་བདུན་སོགས་སྤོགས་ན་ལས་འཕྲོ་ཇི་ལྟར་ངན་ཀྱང་འགྲུབ་པར་གསུངས་སོ། །གཉིས་པ་སྒྲུབ་པ་ནི། ཕྱི་ནང་གི་མཚམས་གཅོད་སོགས་བསྙེན་སྒྲུབ་སྦྲེལ་བའི་སྐབས་འདིར་སྔར་སོང་བས་འཐུས་པར་མཛད། ཆག་ཆག་གདབ…