༄༅། །ཟབ་གསང་མཁའ་འགྲོའི་སྙིང་ཐིག་གི་སྔོན་འགྲོའི་ཁྲིད་རིམ་ཐར་ལམ་སྣང་སྒྲོན་ཞེས་བྱ་བ་བཞུགས་སོ། ། ག མྦྷི ར གུ ཧྱ ཊཱ ཀི ནི ཅི ཏྟ ཀ ནྟ རི ས མ ནྟ ཀ སྱ ན ཡ ཏི གོ ལཾ ནིཿ པ པྲ དཱི པ ན མ དི ཛ ཧ ར། །

ཨོཾ་སྭསྟི། ཟབ་གསང་མཁའ་འགྲོའི་སྙིང་ཐིག་གི་སྔོན་འགྲོའི་ཁྲིད་རིམ་འཇུག་བདེར་བཀྲལ་བ་ཐར་ལམ་སྣང་བྱེད་ལེགས་བཤད་སྒྲོན་མེ་ཞེས་བྱ་བ། རབ་འབྱམས་སྐྱབས་གནས་རྒྱ་མཚོའི་ངོ་བོར་བཞུགས་པ་དཔལ་ལྡན་བླ་མ་མཚོ་སྐྱེས་རྡོ་རྗེ་འཆང་དང་གཉིས་སུ་མེད་པའི་ཞབས་ལ་གུས་པས་ཕྱག་འཚལ་ལོ། །སྟོང་ཉིད་ཞི་བའི་དབྱིངས་ལས་མ་གཡོས་བཞིན། །སྙིང་རྗེ་སྒྱུ་…

གནས་ཟུང་འཇུག་རྡོ་རྗེ་ཅན། །ཁྱབ་བདག་དྲིན་ཅན་བླ་མར་ཕྱག་བགྱིའོ། །ཀུན་རྨོངས་ཉེས་བརྒྱའི་མུན་རུམ་འཕྱན་པ་ལས། །འཇིགས་རུང་ངན་འགྲོའི་གཡང་སར་མངོན་ཕྱོགས་པའི། །ཐར་འདོད་མགྲོན་པོ་གང་དག་བདེ་མྱུར་དུ། །ཞི་བའི་དགའ་ཚལ་མཆོག་དེར་དབུགས་དབྱུང་ཕྱིར། །ཟབ་དོན་ལམ་བཟང་རབ་གསལ་སྣང་བྱེད་ཀྱི། །ལེགས་བཤད་རིན་ཆེན་སྒྲོན་མེ་འདིར་སྤོར་ན། …

འབྲེལ་ཚད་དོན་དང་ལྡན། །མཐའ་ཡས་འགྲོ་ལ་ཕན་པའི་བཀའ་དྲིན་སྩོལ། །དེའང་ཟབ་གསང་མཁའ་འགྲོའི་སྙིང་ཐིག་གི་སྔོན་འགྲོའི་ཁྲིད་རིམ་དོན་དུ་གཉེར་བའི་སྐལ་ལྡན་དག་འོངས་པ་ན། གང་དུ་འཆད་ཉན་བྱ་བའི་གནས་ཁང་བྱི་དོར་བྱ་ཞིང་ཆོས་སྨྲ་བ་ལ་སེང་གེ་དང་རིན་པོ་ཆེ་ལ་སོགས་པའི་ཁྲི་སྟན་བཟང་པོ་བརྩིག །གདུགས་དང་བླ་བྲེ་ཡོལ་བ་བྲེ། སྤོས་དང་མེ་ཏོག…

དད་གུས་ཆེན་པོ་བསྐྱེད། བག་ཡོད་གཙང་སྦྲ་དང་བཅས་པས་བསྟི་སྟངས་དང་ཅི་འབྱོར་པའི་ཡོན་དབུལ། བདག་པོས་བཟུང་བ་དང་མ་བཟུང་བའི་མཆོད་པའི་བྱེ་བྲག་ནམ་མཁའི་དབྱིངས་གང་བ་དང་རང་གི་ལུས་ལོངས་སྤྱོད་དུས་གསུམ་གྱི་དགེ་ཚོགས་ཐམས་ཅད་ཆོས་ཀྱི་སྐུ་ཡོན་སེམས་ཅན་ཐམས་ཅད་ཀྱི་དོན་དུ་འབུལ། དེར་འདུས་པའི་སྐྱེ་བོ་ཐམས་ཅད་ལ་ཆགས་སྡང་ཕྲག་དོག་བྲེ་…

རིང་དུ་གནས་པར་བྱ་སྙམ་དུ་བསམ་ཞིང་། རང་ཉིད་ཀུན་བཟང་མཚོ་སྐྱེས་རྡོ་རྗེ་འཆང་ཡབ་ཡུམ་དུ་གསལ་བའི་སྤྱན་སྔར་ལྷ་དང་དྲང་སྲོང་རིག་འཛིན་འབྱུང་པོ་བྱེ་བ་སྙེད་གུས་པ་དང་བཅས་ནས་འཁོད་པ་རྣམས་ལ། རང་གི་གསུང་ཡན་ལག་དྲུག་ཅུ་དང་ལྡན་པའི་ཆོས་ཀྱི་སྒྲས་འཇིག་རྟེན་ཐམས་ཅད་ཁྱབ། སེམས་ཅན་ཀུན་གྱི་མ་རིག་པའི་མུན་པ་བསལ། ཆོས་ཀྱི་སྒོའི་གཟུངས…

ནོད་དེ་ལམ་གྱི་རིམ་ལ་ཚུལ་བཞིན་དུ་བསླབ་པར་བགྱིའོ་སྙམ་པའི་བྱང་ཆུབ་ཀྱི་མཆོག་ཏུ་ཐུགས་བསྐྱེད་པ་དང་། ཆོས་གསན་པའི་ཀུན་ཏུ་སྤྱོད་པའང་། སྐྱེས་པ་རབས་ཀྱི་རྒྱུད་ལས། རབ་ཏུ་དམའ་བའི་སྟན་ལ་འདུག །དུལ་བའི་དཔལ་ནི་ཉེ་བར་བསྐྱེད། །དགའ་དང་ལྡན་པའི་མིག་གིས་བལྟ། །ཚིག་ནི་བདུད་རྩི་འཐུང་བ་བཞིན། །རབ་ཏུ་དྭངས་ལ་དྲི་མེད་བློས། །ནད་པས་…

དུག་ཅན་གྱི་སྣོད་དུ་ཆར་ཆུས་གང་བ་མཐོ་བར་གནས་ཀྱང་གང་གིས་ཀྱང་སྤྱད་དུ་མི་རུང་བ་ལྟར། ཉོན་མོངས་པའི་དབང་དུ་སོང་ན་སླར་ཡང་ཐོས་པས་རྒྱགས་པར་འགྱུར་བས་དེ་གསུམ་སྤང་བར་གདམས་པའང་། ཡུམ་བར་མ་ལས། ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ། །ཞེས་གསུངས་ཏེ། ཉོན་མོངས་པ་མེད་པར་ལེགས་པར་ཉོན། ཁ་མ་སྦུབ་པར་རབ་ཏུ་ཉོན།…

དྲུག་པོ་རབ་ཏུ་སྤང་ལ་ཡོན་ཏན་གྱི་ཚོགས་དང་ལྡན་པས་ཉན་པར་བྱ་དགོས་པའང་། ལག་བཟང་གིས་ཞུས་པའི་མདོ་ལས། ཆོས་སྨྲ་བའི་བླ་མ་ལ་རིན་པོ་ཆེའི་གཏེར་དུ་འདུ་ཤེས་པ་དང་། ཆོས་ལ་ཡིད་བཞིན་གྱི་ནོར་བུར་འདུ་ཤེས་པ་དང་། ཆོས་ཉན་པ་ལ་རབ་ཏུ་དཀོན་པར་འདུ་ཤེས་པ་དང་། ཆོས་འཛིན་ཅིང་བསམ་པ་ལ་གཅེས་པའི་དོན་ཡོད་པར་འདུ་ཤེས་པ་དང་། ཆོས་ལ་སོ་སོར་རྟ…

རང་སྣང་ལས་གྲུབ་པའི་གཞལ་མེད་ཁང་ཚད་དང་བཀོད་པ་མཚན་ཉིད་ཐམས་ཅད་ཡོངས་སུ་རྫོགས་པའི་དབུས་སུ། རྡོ་རྗེ་རིན་པོ་ཆེའི་ཁྲི་པདྨའི་རྒྱལ་པོའི་ཟེ་བ་ལ་ཞབས་བསྟེན་པའི་སློབ་དཔོན་ཉིད་ངོ་བོ་དུས་གསུམ་སངས་རྒྱས་ཐམས་ཅད་ཀྱི་ཐུགས་རྗེ་དང་ཕྲིན་ལས་གཅིག་ཏུ་འདུས་པ་ཡེ་ཤེས་སྒྱུ་འཕྲུལ་དྲྭ་བའི་རང་གཟུགས། མཚན་ཐོས་པ་ཙམ་གྱིས་ཀྱང་འཁོར་བ་དང་ངན…

ཆོས་ཀྱི་དོན་རྣམས་གསལ་ལམ་ལམ་གོ་ཞིང་མི་བརྗེད་པའི་གཟུངས་ཀྱིས་ས་ལེར་འཛིན་པར་མོས་ལ་གསན་པར་ཞུ། གང་ཞིག་གསན་པར་བྱ་བའི་གདམས་པ་འདི་ལ་སྤྱི་དོན་རྣམ་པ་གཉིས་ཀྱི་སྒོ་ནས་སྟོན་ཏེ། ལམ་གྱི་རྩ་བ་བཤེས་གཉེན་བསྟེན་པའི་ཚུལ་དང་། བསྟེན་ནས་ལམ་ལ་ཇི་ལྟར་འཇུག་པའི་རིམ་པའོ། །དང་པོ་ལ་གསུམ། བསྟེན་བྱ་སློབ་དཔོན་གྱི་མཚན་ཉིད། སྟེན་བྱེད་…

ཐབས་མེད་པ་བཞིན་ནོ། །དེ་ལྟར་ཡང་སྡོང་པོ་བཀོད་པ་ལས། ཐམས་ཅད་མཁྱེན་པ་ནི་དགེ་བའི་བཤེས་གཉེན་གྱི་གདམས་ངག་ལ་རག་ལས་སོ། །ཞེས་དང་། ཡུམ་ལས། བྱང་ཆུབ་སེམས་དཔའ་མངོན་པར་རྫོགས་པར་འཚང་རྒྱ་བར་འདོད་པས་ཐོག་མ་ཉིད་དུ་དགེ་བའི་བཤེས་གཉེན་ལ་བསྙེན་པར་བྱ། བསྟེན་པར་བྱ། བསྙེན་བཀུར་བར་བྱའོ། །ཞེས་དང་། ཇི་སྐད་དུ། གདོས་པ་འཛིན་པ་མེད་པ་…

མདོ་སྡེ། མངོན་པ་སྟེ་སྡེ་སྣོད་གསུམ་མང་དུ་ཐོས་པ་ལུང་གི་ཡོན་ཏན་དང་། གནས་ལུགས་ཀྱི་དོན་ཕྱིན་ཅི་མ་ལོག་པར་གཟིགས་ཤིང་རང་གིས་ཇི་ལྟར་གཟིགས་པ་ལྟར་ལུང་རིག་དང་སྦྱར་ཏེ་གདུལ་བྱའི་རྣ་བར་སྐྱེལ་བ་ལ་སྨྲ་མཁས་པ་དང་ལྡན་པ། རྙེད་བཀུར་ལ་མ་ལྟོས་པར་འགྲོ་བ་ཉམ་ཐག་པ་རྣམས་ལ་སྙིང་རྗེ་ཆེན་པོའི་གཞན་དབང་དུ་གྱུར་པ། གཞན་གྱི་དོན་སྒྲུབ་པ…

བརྟན་པ། ངག་བག་ཡོད་ཀྱིས་བསྡམས་པས་དུལ་བ། ཤེས་རབ་ཆེ་བས་བློ་གྲོས་དང་ལྡན་པ། གནོད་བྱེད་དང་། དཀའ་སྤྱད་དང་། ཟབ་མོའི་དོན་བསྒོམ་པ་ལ་བཟོད་པ་ཆེ་བ། སེམས་ཅན་ཀུན་ལ་ལྷག་བསམ་དག་པས་དྲང་བ། རང་གི་ཉེས་པ་ཐབས་ཀྱིས་མི་མངོན་པར་བྱེད་ཅིང་ཡོན་ཏན་མེད་བཞིན་དུ་ཡོད་པ་ལྟར་སྟོན་པའི་གཡོ་སྒྱུ་མེད་པས་ཡིད་བསྡམ་པ། སྔགས་དང་རྫས་སྨན་གྱི་སྦྱ…

ཤུགས་དྲག་ཁྱད་པར་བ་ཞིག་གི་སྒོ་ནས་འཇུག་དགོས་པས་ན་ཤིན་ཏུ་བརྩེ་བའི་ཐུགས་རྗེ་ཅན། ནང་རིག་པའི་བསྟན་བཅོས་ལ་མཁས་ཤིང་དེ་ཉིད་བཅུ་ལ་བློ་སྦྱངས་པ། ཐིག་ཚོན་གྱིས་དཀྱིལ་འཁོར་འབྲི་བའི་ལས་དང་། གཞན་ལ་གསང་སྔགས་ཀྱི་ལམ་འཆད་པ་ལ་མཁས་པ། ཐེག་ཆེན་སྤྱི་དང་ཁྱད་པར་སྔགས་ཀྱི་ཐེག་པ་ལ་རབ་ཏུ་གུས་ཤིང་དད་པ་བརྟན་པས་རབ་ཏུ་དང་བ། ལོག་པའི་ཡུ…

ལས་དང་སྦྱོར་བ་སླར་བསྡུ་བ། །དེ་ཉིད་བཅུ་ཞེས་ཡོངས་སུ་གྲགས། །ཞེས་སོགས་གསུངས་སོ། །དེ་དག་ལས་ཀྱང་ཁྱད་པར་མན་ངག་སྟོན་པའི་སློབ་དཔོན་གྱི་མཚན་ཉིད་ནི། ཨ་ཏི་བཀོད་པ་ཆེན་པོ་ལས། མཁས་ཤིང་བྱ་བ་བྲལ་བ་དང་། །ཆོས་ཉིད་དོན་ལ་ཚད་ཕེབས་དང་། །འདོད་པའི་དོན་ལ་རྨོངས་པ་མེད། །གསང་སྔགས་བླ་མའི་མཚན་ཉིད་དོ། །ཞེས་དང་། སློབ་དཔོན་ཆེན་པོས། …

སངས་རྒྱས་དངོས་དང་མཚུངས། །རབ་དད་སྲི་ཞུ་གུས་པའི་སྤྱི་བོས་བསྟེན། །ཞེས་གསུངས་པས། དེ་ཡང་ཚེགས་ཆུང་དུས་དོན་ཆེན་པོ་སྒྲུབ་པའི་ཐབས་ལ་མཁས་ཤིང་ཐུགས་རྗེ་སྐྱོ་ངལ་མེད་པས་གཞན་ཕན་དཔག་མེད་མཛད་པ། བདེ་བར་གཤེགས་པའི་གསུང་རབ་མདོ་རྒྱུད་ཀྱི་དོན་མང་དུ་ཐོས་པའི་མིག་ཡངས་ལ་དྲི་མ་མེད་པས་ཆོས་ཀྱི་མཛོད་ཁང་རྒྱ་ཆེ་བ། འགྲོ་བ་རྣམས་ཁ་ལོ་…

རང་བཞིན་ཡོན་ཏན་རྫོགས་པའི་བླ་མ་ནི། །རིགས་བཟང་ངོ་ཚ་ཁྲེལ་ཡོད་དབང་པོ་ཚང་། །བྱམས་དང་སྙིང་རྗེ་ཤེས་རབ་རྒྱ་ཆེ་ཞིང་། །མང་ཐོས་སྒོ་གསུམ་དུལ་ཞིང་བཟོད་ཆེན་ལྡན། །གསོང་ཞིང་ངེས་ལ་གྱ་གྱུ་མེད་པ་སྟེ། །ཡིད་བཞིན་རིན་ཆེན་དད་བརྒྱའི་གཙུག་གིས་བསྟེན། །ཞེས་རིགས་ཀྱི་ཡོན་ཏན་རྒྱལ་རིགས་ལ་སོགས་པར་སྐྱེས་པས་ངོ་ཚ་དང་ཁྲེལ་འཛེམ་ཆེ་བ། ས…

ཤེས། །ཚད་མེད་ཡངས་པའི་བློ་གྲོས་དང་། རྐྱེན་ཐུབ་བཟོད་ལྡན་ཀུན་ཏུ་དྲང་། །གསོང་ཞིང་སྤྱོད་ལམ་གྱ་གྱུ་མེད། །འདུ་འཛི་དམན་པའི་ལས་རྣམས་སྤངས། །འཕྱོ་དང་གཡེང་བྲལ་དབེན་པ་བསྟེན། །འདི་དང་གང་ལྡན་དམ་པའི་འོས། །ཞེས་སོ། །མཚན་ཉིད་གསུམ་པ། སྲིད་ལས་རྣམ་གྲོལ་མཆོག་རབ་བླ་མ་ནི། །ཡུལ་དང་རྒྱང་བསྲིང་མི་ཆོས་རྒྱབ་ཏུ་བོར། །དགོས་མེད་རང་…

ཐེག་ཆེན་དོན་དང་ལྡན་པས་འགྲོ་དོན་ཐབས་ལ་མཁས་པ་སྟེ། དགོངས་འདུས་ལས། དཔའ་བོ་མཐུ་ལྡན་རང་ཡུལ་སྤངས། །བདེན་སྨྲ་ཇི་སྐད་གསུངས་བཞིན་བྱེད། །རི་དྭགས་རྒྱལ་པོ་སེང་གེ་ལྟར། །བརྟགས་ཤིང་ཡོན་ཏན་བླར་ཆེ་བ། །སྡུག་བསྔལ་རྣམས་ལས་ཐབས་ཀྱིས་སྐྱོབ། །ཅེས་སོ། །མཚན་ཉིད་བཞི་པ། ཤེས་རབ་རྒྱ་ཆེ་སྐལ་བཟང་བླ་མ་ནི། །རིག་གནས་ཀུན་ལ་ཤེས་བྱའི་དཀྱ…