སློབ་མས་བླ་མ་འདི་ལྟར་བལྟ། །བླ་མ་སངས་རྒྱས་ཀུན་དང་མཉམ། །དེ་ཉིད་རྟག་ཏུ་རྡོ་རྗེ་འཆང་། །ཞེས་དང་། གཞན་ཡང་། སློབ་དཔོན་དང་ནི་རྡོ་རྗེ་འཛིན། །ཐ་དད་པར་ནི་མི་བརྟག་གོ །ཞེས་གསུངས། དེས་ན་སངས་རྒྱས་ཐམས་ཅད་འདུས་པའི་བདག་ཉིད། སྤྱན་དང་ཡན་ལག་ལ་སོགས་པ་རྣམས་སའི་སྙིང་པོ་ལ་སོགས་པའི་ཉེ་སྲས་ཀྱི་ངོ་བོ། བ་སྤུ་རྣམས་དགྲ་བཅོམ་པ། རི…

སྡིག་པ་འབྱུང་བས། ཞབས་བཅག་བཞུགས་གདན་བཟའ་སོགས་དང་། ཆིབས་པ། མཆོད་ཞལ་ལ་སོགས་པའི་ཉེར་སྤྱད། གདུགས་དང་བླ་བྲེ་ལ་སོགས་པའི་ཡོ་བྱད་རྣམས་འགོམ་པའང་དེ་དང་འདྲ་ཕྱིར་རྟག་ཏུ་འཛེམ་པར་བྱ་དགོས་ཏེ། མཆོད་རྟེན་བཤིགས་འདྲའི་སྡིག་འཇིགས་པས། །གྲིབ་མའང་འགོམ་པར་མི་བྱ་ན། །ལྷམ་དང་སྟན་དང་བཞོན་པ་སོགས། །འགོམ་མི་བྱ་བ་སྨོས་ཅི་དགོས། །ཞེས…

པ་སྟོང་གི་སངས་རྒྱས་པས། །བླ་མ་གཉན་པར་ཤེས་པར་བྱ། །ཅི་ཕྱིར་ཞེ་ན་བསྐལ་པ་ཡི། །སངས་རྒྱས་མ་ལུས་ཐམས་ཅད་ཀུན། །བླ་མ་དག་ལ་བརྟེན་ནས་བྱུང་། །བླ་མ་མེད་པའི་གོང་རོལ་ན། །སངས་རྒྱས་བྱ་བའི་མིང་ཡང་མེད། །ཅེས་སོ། །གསུམ་པ་བཀའ་བསྒྲུབ་པ་ནི། བླ་མས་ཇི་སྐད་གསུངས་པའི་དོན་ལ་དགའ་ཞིང་གུས་པའི་སེམས་ཀྱིས་བསྒྲུབ་དགོས། གལ་ཏེ་ཆོས་མིན་ལ་ས…

ཞུ་བ་ལས་གཅོག་ཏུ་མི་རུང་སྟེ། འཁོར་ལོ་ཆུབ་པ་རོལ་པ་ལས། གལ་ཏེ་སྐྱོན་དང་བཅས་ན་ཡང་། །ཇི་སྐད་གསུངས་པ་ལྟར་བྱ་ན། །ཡང་དག་དོན་དུ་འགྱུར་བའི་ཕྱིར། །བསྒྲུབ་པར་བྱ་བ་སྨོས་ཅི་དགོས། །ཞེས་སོ། །བཞི་པ་བླ་མའི་རྫས་དང་འཁོར་ལ་ཇི་ལྟར་བྱ་བ་ནི། རང་གི་སྲོག་ལ་གཅེས་སྤྲས་ཇི་ལྟར་བྱ་བ་ལྟར་བླ་མའི་ཕྱག་རྫས་ལ་བྱ་ཞིང་། བླ་མའི་སྲས་དང་ཕྱག་…

ཞེས་སོ། །ལྔ་པ་འཕྲལ་གྱི་ཀུན་སྤྱོད་དག་པར་བྱ་བ་ནི། ལུས་ཀྱི་ལས་སུ་བླ་མ་བཞེངས་པའི་ཚེ་ཉལ་བའམ་རང་གར་འདུག་པ། བཞུགས་པའི་ཚེ་རང་གར་ཉལ་བ། གནང་བ་ཐོབ་པའམ་དགོས་པ་ཁྱད་པར་ཅན་མེད་པར་སྔོན་ལ་འགྲོ་བ་དང་། བླ་མ་བཞུགས་གདན་ལ་མ་ཕེབས་གོང་གདན་ཁར་འགྲོ་བ་དང་། བླ་མ་ས་རྗེན་ལ་བཞུགས་དུས་སྟན་ལ་སྡོད་པ་དང་། བླ་མའི་སྐུ་དྲུང་དུ་ལག་པ་སྐེད…

དང་བཅས་པ་དང་། །སྟན་ལ་རྐང་འཇོག་སྐེད་པར་ནི། །ལག་བཞག་དྲུང་དུ་མི་བྱའོ། །བླ་མ་དག་ནི་བཞུགས་བཞེད་ན། །ཉལ་དང་འདུག་པར་མི་བྱའོ། །རྟག་ཏུ་དེ་ཡི་བྱ་བ་ལ། །ལྡང་མཁས་ཕུན་སུམ་ཚོགས་པར་བྱ། །མཆིལ་མ་ལ་སོགས་འདོར་བ་དང་། །སྟན་ལ་རྐང་པ་བརྐྱང་བ་དང་། །འཆག་དང་རྩོད་པར་སྨྲ་བ་དག །བླ་མའི་མདུན་དུ་མི་བྱའོ། །ཡན་ལག་མཉེད་དང་གར་དག་དང་། །གླ…

མི་སྙམ་པའི་སྣང་ཆུང་དང་ཧང་རྒྱག་ལྟ་བུར་བྱ་མི་རུང་སྟེ། བཏུད་དེ་སྟན་ལས་ལྡང་བ་དང་། །གུས་པ་ཡིས་ནི་འདུག་པར་བྱ། །ཞེས་སོ། །ངག་གི་ལས་སུ་ཀུ་རེ་བཞད་གད་དང་ལོང་གཏམ་འབྲེལ་མེད། ཟེར་རེ་ཟློས་སེ་རྫུ་དང་ཕྲ་མ་གཞན་ལ་སྨོད་པའི་ཚིག་ལ་སོགས་པ་མི་སྨྲ་སྟེ། བདེན་པ་ཡིན་ཀྱང་སྨྲ་བ་པོ་ལ་མི་དགེ་བ་ཆེན་པོ་འཐོབ་བོ། །ཅིའི་ཕྱིར་ན། བླ་མའི་…

བླ་མས་དགོས་པའི་དབང་གིས་མཛད་སྤྱོད་ཞི་བའམ་རྩུབ་པ་དང་། འཇིག་རྟེན་དང་མཐུན་པར་འཇུག་པ་ཅུང་ཟད་ལ་ཁ་ཞེ་འཛོལ་བས་དེ་ནི་ནོར་ཞིང་དེ་ལྟར་མི་འཐད་སྙམ་པ་དང་། ཚིག་སྔ་ཕྱི་དང་བྱ་བ་ཅུང་ཟད་ལ་འགལ་འདུ་མང་པོ་མི་བསམ་སྟེ། ཡེ་ཤེས་གྲུབ་པ་ལས། བླ་མའི་རྫས་དང་འཁོར་རྣམས་དང་། །ཉེ་འཁོར་སུན་འབྱིན་བརྣབ་སེམས་སྤང་། །མཛད་པ་སྣ་ཚོགས་སེམས་ཅན་…

དྲིལ་དང་མཉེ་བ་ལ་སོགས་ལ། །ཕྱག་ནི་སྔོན་དུ་འགྲོ་བས་བྱ། །དེ་བཞིན་མཐར་ཡང་ཅི་བདེར་བྱ། །དེ་ཡི་མཚན་སྨོས་བརྗོད་ན་ནི། །མིང་མཐར་ཞལ་སྔ་ལྡན་པར་བྱ། །གཞན་དག་གུས་པར་བྱ་བའི་ཕྱིར། །ཁྱད་པར་ཅན་གྱི་ཚིག་དག་བརྗོད། །ཅེས་སོ། །གཞན་ཡང་བླ་མར་སྟན་འདིང་བ་དང་། བསྟོད་ཅིང་ཐལ་མོ་སྦྱོར་བ་དང་། འབྱོན་པ་དང་བཞུད་པའི་ཚེ་ལྡང་ཞིང་བསུ་བ་དང་ས…

པར་ཉན། བསླབ་སྟོན་གནང་གྲུབ་པའི་རྗེས་སུའང་ཁ་རོག་པར་མི་འགྲོ་བར་ཇི་ལྟར་བཀའ་སྩལ་བ་བཞིན་དུ་བགྱིད་དོ་ཞེས་ཞུ། བྱ་བ་དེ་གྲུབ་ཟིན་ནས་འཇམ་ཞིང་ཐུགས་ལ་འབབ་པའི་ངག་གིས་འདི་ལྟར་བགྱིས་ཡོད་ལགས་ཞེས་ཞུ། སྐུ་ལོགས་སུ་གནས་པའི་ཚེའང་ལུད་པ་ལུ་བ་གླལ་བ་སྦྲིད་པ་དགོད་པ་སོགས་ལ་ཁ་བཀབ་ཅིང་མི་མཛེས་པ་མེད་པར་བྱ། རང་དབང་མ་བྱུང་ན་མ་གཏོགས…

ཞིང་མ་ཡེངས་པར། །བླ་མས་བསྒོ་བ་ཉན་པར་བྱ། །དགོད་དང་ལུད་པ་ལ་སོགས་པ། །ལག་པས་ཀ་ནི་དགབ་པར་བྱ། །བྱ་བ་ཟིན་ནས་འཇམ་པ་ཡི། །ཚིག་དག་གིས་ནི་གདས་པར་བྱ། །མདུན་དུ་དུལ་བར་འདུག་པ་དང་། །གོས་སོགས་ཚུལ་ནི་བསྡམ་པ་དང་། །པུས་བཙུགས་ཐལ་མོ་སྦྱོར་བ་ཡིས། །ཉན་སོགས་འདོད་པས་གསོལ་གསུམ་གདབ། །ཅེས་དང་། བསྙེན་བཀུར་སྤྱོད་པ་ཐམས་ཅད་ལ། །ཡིད་ན…

བླ་མ་བཞུགས་སར་རང་གི་སློབ་མས་ལྡང་བ་དང་ཕྱག་སོགས་བསྙེན་བཀུར་བྱེད་ན་མི་ལེན་ཅིང་། གལ་ཏེ་ཡུལ་དེར་དབང་བསྐུར་སོགས་གནང་བ་ཐོབ་ནས་བྱེད་ནའང་འབུལ་བ་གང་བྱུང་བླ་མ་ལ་ཕུལ་ནས། བླ་མས་ཀྱང་དེ་ལས་གང་འདོད་པ་ཞིག་བླངས་ཏེ་ལྷག་མ་ཕྱིར་གནང་ནས་ལོངས་སྤྱོད་དུ་འཇུག་སྟེ། རབ་གནས་དཀྱིལ་འཁོར་སྦྱིན་སྲེག་དང་། །སློབ་མ་བསྡུ་དང་བཅས་པ་རྣམས། …

སྩལ་པ། །དེ་ནི་བཏུད་དེ་ལག་གཉིས་ཀྱིས། །བློ་དང་ལྡན་པས་འབུལ་ཞིང་བླངས། །ཞེས་གསུངས། དེ་དག་ཀྱང་འགྲུབ་ན་ཕྱག་དང་བཅས་པས་བྱ་དགོས་པར་གསུངས་ཏེ། སམྦྷུ་ཊར། གང་ཞིག་བྱིན་པ་དེ་དང་དེར། །ཕྱག་བྱས་ནས་ནི་བླང་བར་བྱ། །ཞེས་སོ། །མདོར་ན་རྟག་ཏུ་དྲན་ཤེས་ཀྱིས་ཟིན་པས་བཤེས་གཉེན་བསྟེན་ཚུལ་ལ་ཁ་ཞེ་ངོ་ལྐོག་མེད་པས་བརྩོན་པ་དང་། རྡོ་རྗེའི…

དེ་དག་གི་དོན་མདོར་ཧྲིལ་གྱིས་དྲིལ་ན། རྟག་ཏུ་བླ་མ་དགྱེས་པའི་ཐབས་ལ་འབད་ཅིང་མི་མཉེས་པའི་རིགས་རྣམས་གཏན་ནས་སྤང་བར་བྱ་སྟེ། འདིར་མང་སྨྲ་བ་ཅི་ཞིག་དགོས། །བླ་མ་དགྱེས་བྱེད་གང་ཡིན་བྱ། །མི་མཉེས་བྱེད་ཀུན་སྤང་བ་ནི། །དེ་དང་དེ་ལ་འབད་དེ་བྱ། །དངོས་གྲུབ་སློབ་དཔོན་རྗེས་འབྲང་ཞེས། །རྡོ་རྗེ་འཛིན་པ་ཉིད་གསུངས་པ། །ཤེས་ནས་དངོས་…

མཐོང་ཚུལ་ཡིན་སྙམ་དུ་དགག་དགོས་ཤིང་། མ་དད་པའི་བློ་སྐྱེས་པ་ཉིད་སྐད་ཅིག་གམ་ཐང་ཅིག་གམ་ཉིན་མཚན་མ་འདས་པར་བཤགས་དགོས་ཏེ། ཀུན་མཁྱེན་ཆེན་པོས། རྟག་ཏུ་བླ་མའི་ཡོན་ཏན་དྲན་བྱ་ཞིང་། །སྐྱོན་ལ་མི་རྟོག་མཐོང་ཡང་ཡོན་ཏན་བསམ། །རང་སྣང་ཡིན་ངེས་ཁོང་ལ་མི་མངའ་ཞེས། །སྙིང་ནས་བསམ་ཞིང་བཤགས་སྡོམ་གཉེན་པ་བསྟེན། །ཞེས་གསུངས། དེར་མ་ཟད་རྨ…

དཔོན་སྨོད་པ་ན། །ཞི་བའམ་མངོན་སྤྱོད་ལས་ཀྱིས་བཟློག །ནུས་པ་ཡོད་པར་མ་གྱུར་ན། །རྣ་ཆ་དྲན་པས་དགབ་པར་བྱ། །བསྟེན་པར་མི་བྱ་གཏམ་མི་བྱ། །གལ་ཏེ་དེ་དང་འདྲིས་གྱུར་ན། །ངན་སོང་དག་ཏུ་འཚེད་པར་འགྱུར། །ཞེས་སོ། །ལར་དེང་སང་དཔེར་ན་ཁྱི་བཟང་བ་ཙམ་ཞིག་ལའང་། ཁྱི་འདི་རྒྱུད་ལེགས་སྐད་བཟང་གཅན་གཟན་ལས་ཐུ་ཞེས་སོགས་ཀྱི་ཡོན་ཏན་དང་། རྟ་ཕྱ…

ཕྱོགས་ལེགས་ལ་ཚུན་ཆད་ཀྱི་བཀའ་དྲིན་ཡང་དྲན་པར་བྱ། དེའང་ལན་རེ་ཙམ་མ་ཡིན་པར་ཡང་དང་ཡང་བསམ་པས་མོས་གུས་འཕེལ་བར་འགྱུར་རོ། །དེ་ལྟར་ཟང་ཟིང་གི་ཞབས་ཏོག་གིས་ཚོགས་གཉིས་ཀྱི་བྲེ་ཁ་ཁེངས་པ་དང་། ལུས་ངག་གི་ཞབས་ཏོག་གིས་སྒོ་གསུམ་གྱི་སྒྲིབ་པ་འབྱང་བ་དང་། གཙོ་བོར་སྒྲུབ་པ་ཉམས་ལེན་གྱི་ཞབས་ཏོག་གིས་སྒྲུབ་བརྒྱུད་ཀྱི་བསྟན་པ་འཛིན་པའ…

རིན་ཆེན་གྱིས་ཞུས་པའི་མདོ་ལས། ལྷའི་བུ། འདི་ལ་དགེ་བའི་བཤེས་གཉེན་བསྟེན་ཅིང་བཀུར་བསྟི་བྱས་པས་ནི་ཐམས་ཅད་དུ་སངས་རྒྱས་ཀྱི་ཞིང་དག་པ་མཐོང་བ་ཡིན་ནོ། །སྙིང་རྗེ་ཆེན་པོའི་ཏིང་ངེ་འཛིན་དམ་པ་ཐོབ་པ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་མི་འབྲལ་བ་ཡིན་ནོ། །སེམས་ཅན་རྣམས་ཡོངས་སུ་སྨིན་པ་འགྲུབ་པ་ཡིན་ནོ། །རེ་བ་ཐམས་ཅད་ཡོངས…

༈ གཉིས་པ་ལམ་ལ་ཇི་ལྟར་འཇུག་པའི་རིམ་པ་དངོས་ལ་གཉིས། རྒྱུད་སྣོད་རུང་དུ་བྱེད་པ་ཐུན་སྤྱིའི་སྔོན་འགྲོ་དང་། རིམ་གཉིས་རྣལ་འབྱོར་བྱེ་བྲག་སྒོས་ཀྱི་སྔོན་འགྲོའོ། །དང་པོ་ནི། དེའང་སྤྱིར་ཉམས་ལེན་གྱི་རིམ་པ་གང་ལ་འཇུག་ཀྱང་ཐོག་མར་སྐྱེ་བོའི་རྒྱུ་འགྲུལ་དང་སྒྲའི་གླག་ཅོར་སོགས་བསམ་གཏན་ལ་ཚེར་མ་མི་འབྱུང་བའི་གནས་དབེན་ཞིང་ཡིད་ད…

སོ། །དེ་ལ་ཉེས་པ་ལྔ་ནི། དབུས་མཐའ་ལས། ལེ་ལོ་དང་ནི་མན་ངག་རྣམས། །བརྗེད་དང་བྱིང་དང་རྒོད་པ་དང་། །འདུ་མི་བྱེད་དང་འདུ་བྱེད་དེ། །འདི་དག་ཉེས་པ་ལྔར་འདོད་དོ། །ཞེས་པས། ཉམས་ལེན་ལ་མི་སྤྲོ་བའི་ལེ་ལོ། བསྒོམ་བྱའི་ཚིག་དོན་བརྗེད་པ། བྱིང་རྒོད་ཀྱི་དབང་དུ་སོང་བ། དེ་གཉིས་བྱུང་ཚེ་གཉེན་པོ་མི་བསྟེན་པ། བྱིང་རྒོད་ཞི་ནས་ཀྱང་གཉེན…