དམོད་པས་གཟིར༔ བདེན་སྟོབས་བརྗོད་ལ་ཐལ་མོ་བརྡབ༔ དགྲ་དཔུང་རྡོ་རྗེ་ཡིན་གྱུར་ཀྱང་༔ སྐད་ཅིག་མིང་མཐར་བརླག་པར་བྱེད༔ བསད་པ་སྡིག་པ་སྙིང་འཛིན་ནི༔ བདག་ཉིད་ཧཱུྃ་ལས་ལྕགས་སྡིག་ཆེ༔ མགོ་དགུ་བཅོ་བརྒྱད་རྭ་ལྡན་པ༔ ཁ་དགུ་གདངས་ཤིང་མིག་དགུ་བགྲད༔ ཤིན་ཏུ་གཏུམ་རྔམས་འཇིགས་རུང་གྱུར༔ བཛྲ་རཱ་ཙའི་ཙིཏྟ་སྲོག་དུང་དུང་༔ རུ་རུ་བྷ་ཤ་བྷ་ཤ…

ལ་སོགས་རྟགས་དང་སྦྱར༔ མཐར་ནི་ལས་ལ་བསྐུལ་ཞིང་རྦད༔ དྲེགས་པ་ལྷ་སྲིན་སྡེ་བརྒྱད་དང་༔ འདྲེ་རྒོད་རྒྱལ་འགོང་དམ་སྲི་སོགས་༔ གནོད་བྱེད་ཀུན་ལ་ལྕགས་སྡིག་བྷྱོ༔ བར་གཅོད་ཐལ་བའི་རྡུལ་དུ་རློག༔ ཅེས་བརྗོད་ཏིང་འཛིན་དམིགས་པས་གཟིར༔ འདི་ནི་ཤིན་ཏུ་གཉན་པའི་ཕྱིར༔ ཚད་ལས་བརྒལ་ན་རང་ཉིད་བརླག༔ སྟོང་ཁམས་འཇིག་བྱེད་ངན་སྔགས་ཐོག༔ སྤུ་གྲ…

དེ་རྒྱབ་འཁོར་ལོ་རྩིབས་བརྒྱད་ཀྱི༔ ཕྱོགས་བཞིར་ཧ་རི་ནི་ས་དང་༔ མཚམས་བཞིར་ར་ཙ་ཧྲིཿཡ་བྲི༔ རྩིབས་མཆན་ལས་ཀྱི་གཟེར་ཁས་བརྒྱན༔ དམ་སྲི་ཕོ་མོ་ཏྲིག་ནན་རཀྵ༔ དེ་རྒྱབ་དབྱངས་གསལ་རྟེན་སྙིང་དང་༔ རྡོར་ལྕགས་སྡིག་མེ་རིས་བསྐོར༔ བདུད་རྩི་དྲི་སྨན་རིན་པོ་ཆེ༔ གུ་གུལ་གླ་རྩི་ཤུ་དག་ནག༔ སྤྲེའུའི་སྙིང་ཁྲག་རྣམས་ཀྱིས་བྱུག༔ ཡེ་ཤེས་བསྟི…

མ་ཡ་ཧཱུྃ་ཕཊ༔ གནོད་བྱེད་རྒྱལ་འགོང་དམ་སྲི་འབྱུང་པོའི་གནོད་པ་ཐམས་ཅད་མཧཱ་ཤ་རི་བྷྱོ་བྷྱོ་ཟློག་ཟློག༔ ཅེས་སོགས་ཟློག་སྔགས་དམོད་མོ་བྲི༔ དེ་མཐར་ལྕགས་སྡིག་བྱ་ཁྱུང་དང་༔ མེ་ཡི་ར་བ་རྣམས་ཀྱིས་བསྐོར༔ དུག་སྣ་ཁྲག་སྣས་ཁྱབ་པར་བྱུག༔ ལྷར་བསྐྱེད་སྔགས་ཀྱི་སྤུ་གྲིས་བརླབ༔ ཕས་རྒོལ་ཕྱོགས་སུ་བསྟན་ལ་བཞག༔ དེས་ནི་དགྲ་གདོན་རྦོད་གཏོ…

ལ་འཇིབས༔ དེ་རྣམས་ངར་སྐྱེས་ཤ་རུས་ཀུན༔ ལྷག་མེད་ཧབ་ཧབ་ཟོས་པར་བསམ༔ ཏིང་འཛིན་ངར་བསྐྱེད་དྲག་སྔགས་བཟླ༔ གཟས་པོར་བསྔགས་པའི་ཐུན་གྱིས་བྲབ༔ དངོས་ཉམས་རྨི་ལམ་གང་རུང་དུ༔ རི་བསྙིལ་མཚོ་སྐེམ་ཤིང་གཤག་དང་༔ ལྷ་ཁང་འབག་སེང་ལྡེར་ཚོ་བཅོམ༔ མི་དང་གཅན་གཟན་ཁྱི་སྤྱང་བསད༔ ཁྲག་འཇིབ་རྒྱུ་མ་ཟ་བ་སོགས༔ རྟགས་བྱུང་ཉ་བོ་མིང་རུས་ཕྱུང་༔ མཐ…

ཀྱིས་དམིགས་བྱ་དགུག༔ ཁུག་རྟགས་མཐོང་ནས་ལྷ་དང་ཕྲལ༔ བྱད་དུ་བཅུག་ཅིང་གནད་ལ་དབབ༔ དེ་ཡི་གནས་ལྔར་གནས་ལྕགས་ཀྱི༔ འཁོར་ལོ་རྩིབས་བཞི་སྲ་ཞིང་བརྟན༔ ཤིན་ཏུ་ལྕི་བ་རེས་མནན་ཏེ༔ འགུལ་བསྐྱོད་ཙམ་ཡང་མི་ནུས་བསམ༔ ཨོཾ་བཛྲ་ཡཀྵ་ཀྲོ་ངྷ་སརྦ་དུཥྚན་ཏྲིག་ནན༔ གནོད་བྱེད་དམ་སྲི་རྒྱལ་འགོང་འབྱུང་པོ་ཧཾ་ཤཾ་ཏྲིག་ནན༔ ཧཱུྃ་ལཾ་ཀཱ་ཝཱ་ཙི་མཱ་ར་ཡ…

འཇུག༔ དུར་ཁྲོད་རྩུབ་པའི་གནས་དུས་དེར༔ དྲག་པོའི་མཎྜལ་བཅས་པའི་དབུས༔ ལྕགས་སམ་མཆོག་གི་ཁོག་པ་རུ༔ འབྲུ་ནག་ཁྲག་གིས་སྦྲུས་པ་ལས༔ དམར་གྱིས་གཏོར་ཆེན་ཟུར་གསུམ་ནི༔ ལྟོ་བར་སྲིན་པོའི་ཞལ་ཕྱུངས་པ༔ བཤོས་ཕྲན་མཚེ་ཡུངས་མེ་རི་སོགས༔ དྲག་རྒྱན་རྔམས་བརྗིད་ལྡན་པ་བཤམ༔ གདུག་པའི་ས་སྣའི་ཀོང་བུ་རུ༔ དྲག་ཁྲག་མཚེ་ཡུངས་རྦབ་རྡོ་དང་༔ མདའ…

ཕས་རྒོལ་བྱད་ཕུར་དང་༔ མཐའ་དམག་མཚོན་འཁྲུགས་དལ་ཡམས་ནད༔ རྣལ་འབྱོར་ཆག་ཆེ་ཉམ་ང་ཀུན༔ སྐད་ཅིག་ཉིད་ལ་བཟློག་པར་བྱེད༔ རྣོ་མྱུར་འཕང་བའི་ལས་མཐའོ༔ ས་མ་ཡ༔ གསུམ་པ་བསད་པའི་མཐའ་སྡུད་དུ༔ སྲེག་པ་ཧོམ་གྱི་སྦྱོར་བ་བྱ༔ ཕུང་གསུམ་ས་ལ་སྟེགས་བུ་བརྩིག༔ ཁྲག་ཆེན་དུག་ཆུས་ཆག་ཆག་གདབ༔ ཨེ་དཀྱིལ་རཾ་ཡིག་བྲིས་པར་ཁར༔ དུག་ཤིང་ཧོམ་ཁུང་གྲུ་ག…

ར་ཏྲི་ཧཾ་ཤཾ་ཏྲིག་ནན་མཱ་ར་ཡ་ཕཊ༔ གནོད་བྱེད་རྒྱལ་འགོང་དམ་སྲི་འབྱུང་པོ་སོད༔ རཾ་རཾ་ཛྭ་ལ་རཾ༔ ཁཱ་ཧི་ཁཱ་ཧི༔ ཧ་ཧ་ཧི་ཧི་ཧཱུྃ་ཧཱུྃ་ཕཊ༔ ཅེས་བསྟབ་དྲག་པོའི་ཕྲིན་ལས་བཅོལ༔ ཡེ་ཤེས་གཤེགས་ཤིང་སྤྲུལ་པ་བསྡུ༔ ཐལ་སོལ་དུག་ཁྲག་ཆུ་ཡིས་གཞིལ༔ རྒྱ་གྲམ་ལམ་མམ་ཐེམ་འོག་མནན༔ ཤིན་ཏུ་མི་སྲུན་གདུག་ཅན་ཡང་༔ བརྩམས་པ་ཙམ་གྱིས་མཐར་བྱེད་པའི༔ …

བདག་ཅག་འཁོར་བཅས་ལ༔ གནོད་ཅིང་འཚེ་བའི་དགྲ་བགེགས་འབྱུང་པོའི་ཚོགས༔ ཞི་བའི་ཐབས་ཀྱིས་འདུལ་དུ་མ་འཚལ་བས༔ དྲལ་ཤུལ་འབར་བ་ཆེན་པོའི་ཆོ་འཕྲུལ་གྱིས༔ མངོན་སྤྱོད་དམོད་པའི་ཕྲིན་ལས་དུས་ལ་བབ༔ བདག་སོགས་སྙིགས་མའི་དུས་མཐར་སྐྱེས་པ་རྣམས༔ ལྷ་མཆོག་ཁྱོད་ལས་སྐྱབས་གཞན་མ་མཆིས་པས༔ ཚེ་སྲོག་ཆོས་ལ་བར་དུ་གཅོད་བྱེད་པའི༔ གདུག་པ་ཅན་རྣམས…

པོའི་ཕྲིན་ལས་མཛོད༔ རྣལ་འབྱོར་བདག་ཅག་འཁོར་བཅས་ཀྱི༔ སྔོན་ལས་འཕྲལ་རྐྱེན་ངན་པ་དང་༔ གཉིས་སྣང་འཁྲུལ་པ་ལས་བྱུང་བའི༔ མི་མཐུན་བར་ཆད་ཐམས་ཅད་ཟློག༔ འཇིགས་ཆེན་བརྒྱད་དང་བཅུ་དྲུག་ཟློག༔ ནད་རིགས་བཞི་བརྒྱ་རྩ་བཞི་ཟློག༔ གདོན་རིགས་སུམ་བརྒྱ་དྲུག་ཅུ་ཟློག༔ བགེགས་རིགས་སྟོང་ཕྲག་བརྒྱད་ཅུ་ཟློག༔ དུས་མིན་འཆི་རྐྱེན་བཅོ་བརྒྱད་ཟློག…

མ་མོ་མཁའ་འགྲོའི་སུན་མ་ཟློག༔ རྩ་རླུང་ཐིག་ལེའི་གཡོ་འཁྲུགས་ཟློག༔ མདོར་ན་འགལ་རྐྱེན་མི་མཐུན་ཕྱོགས༔ བཟློག་གོ་དམར་ཆེན་གཏེར་མས་ཟློག༔ བསྒྱུར་རོ་དགྲ་བགེགས་སྟེང་དུ་སྒྱུར༔ བཟློག་བསྒྱུར་བཅོལ་བའི་ཕྲིན་ལས་མཛོད༔ ཅེས་དང་ཐལ་རྡེབ་དམོད་མོ་བྱ༔ མཐར་ནི་གཏོར་ཆེན་ཟོར་དུ་བསྐུལ༔ ཧཱུྃ༔ ང་ནི་ཆེ་མཆོག་གྲོ་བོ་ལོད༔ ཁམས་གསུམ་ཀུན་གྱི…

དགོངས་པའི་གཏེར་གྱི་ཆོས་སྡེ་ཡང་དག་པའོ། །] ༁ྃ༔ [བླ་མ་དྲག་པོའི་ལས་ཚོགས་འགོང་པོ་ཨར་ལ་གཏད་པའི་མན་ངག་ཨྠྀི༔] མ་འོངས་བསྐལ་པའི་ཐ་མ་ལ༔ འཛམ་གླིང་བོད་ཁམས་མཐའ་དབུས་ཀུན༔ འགོང་པོ་སྤུན་དགུས་དབང་བྱས་ཏེ༔ དུས་འཁྲུག་མཚོན་གྱི་བསྐལ་པ་དར༔ ལྷ་འདྲེ་འཁྲུགས་པས་ནད་ཡམས་རིགས༔ མི་འོང་བྱ་བ་གཅིག་ཀྱང་མེད༔ ས་ཡི་བཅུད་ཉམས་ལོ་ཉེས་ལྡང་༔ …

གཟུགས་ཀྱི་ཕྱི་རོལ་དུ༔ འཁྲུགས་བྱེད་ཀྱི་འགོང་པོ་སྤྱང་མགོ་ཅན༔ དུར་དུར༔ མྱོག་མྱོག༔ ཐུཾ་ཐུཾ༔ ཨ་ཀྲག་ཀླག་ཀླག༔ རྦད་རྦད༔ ཡན་ལག་ཛཿཧཱུྃ་བྃ་ཧོཿདང་༔ ཏྲིག་ནན་ཅེས་པའི་གཟེར་གྱིས་གདབ༔ ཡན་ལག་ལྕགས་སུ་བཅུག་པ་སོགས༔ མནན་ལིང་སྤྱི་ལྟར་བྲིས་བྱས་ལ༔ ལྷ་ཁང་ཞིག་དང་སྡེ་འཁྲུགས་ས༔ རི་རུད་ཕུང་ཤུལ་འདྲེ་ཅན་ས༔ ཁྱི་དང་བྱ་སྤྲེལ་བྱི་ལའི་…

[བླ་མ་དྲག་པོའི་ལས་ཚོགས་རྒྱལ་བསེན་ཤི་ས་བསྟན་པའི་མན་ངག་ཨྠྀི༔] དྲག་པོ་བསྙེན་པའི་རྟགས་མཐོང་ཞིང་༔ བསྐྱེད་རྫོགས་གདིང་ལྡན་སྔགས་འཆང་གིས༔ རྒྱལ་བསེན་ཤི་ས་བསྟན་པ་ཡི༔ ལས་ཀྱི་སྦྱོར་བར་འཇུག་འདོད་ན༔ རོ་རས་སམ་ནི་དུག་ཤོག་ལ༔ འཁོར་ལོའི་རྩིབས་བརྒྱད་སྡིག་པས་མཚན༔ ལྟེ་བར་དྲག་པོའི་སྙིང་པོ་བྲི༔ དེ་ཕྱིར་རྩིབས་བརྒྱད་རྩེ་ནང་བས…

མནན་པའི་ལས་ལ་སྦྱར༔ འདི་ནི་ཤི་ས་བསྟན་པ་སྟེ༔ ཤིན་ཏུ་གལ་ལ་ཐུག་པ་ལས༔ འཆོལ་བར་སྤྱོད་ན་རང་སྲོག་གཅོད༔ དུས་ངན་བསྐལ་པའི་ཐ་མ་ལ༔ སྔགས་པ་དམ་ལོག་དམ་སྲིར་འཁྲུལ༔ བཙུན་པ་སྡོམ་ཤོར་རྒྱལ་པོར་སྐྱེ༔ བུད་མེད་ཕལ་ཆེར་བསེན་མོར་ལྡང་༔ སྐྱེ་འགྲོའི་སྲོག་ལ་ཧབ་ལེན་བྱེད༔ སྨྱོ་འབོག་བརྒྱལ་ནད་གཟེར་ཐུང་སོགས༔ ཅི་མི་འདོད་པ་སྣ་ཚོགས་ཀྱིས༔…

ཞིང་ཁང་གྲོང་སྲང་ཡུལ་ལྗོངས་འཇིག༔ སད་སེར་མུ་གེ་ཐན་ཆེན་འབར༔ མི་ནད་ཕྱུགས་ནད་རླུང་ལྟར་འཚུབས༔ དེ་ཚེ་བོད་ཀྱི་མགུར་ལྷ་སོགས༔ ལྷ་སྲིན་སྡེ་བརྒྱད་ཐམས་ཅད་ལ༔ ཐ་ཚིག་དམ་བསྒྲགས་བཀའ་ནན་བྱ༔ དུས་བཟང་ཚེས་བཅུ་ལ་སོགས་པ༔ ཤིས་པའི་དུས་ཀྱི་སྔ་དྲོའི་ཆར༔ རི་ཆེན་རྩེའམ་ཐང་ཆེན་དཀྱིལ༔ མཁར་གྱི་ཡང་ཐོག་ལ་སོགས་པ༔ གཉན་ཅིང་མཐོ་བའི་ས་ཕྱོག…

འཁོར་འདས་ཡོངས་ཀྱི་སྤྱི་དཔལ་ཡིན༔ སྣང་སྲིད་ཁམས་ན་གནས་རྒྱུ་བའི༔ ལྷ་སྲིན་སྡེ་བརྒྱད་འབྱུང་པོའི་ཚོགས༔ ཚུར་ཤོག་ཚུར་ཤོག་དམ་ལ་འདུས༔ ཆོས་ཉིད་བདེན་པའི་གཏམ་ལ་ཉོན༔ ཐ་ཚིག་གཉན་པོ་དྲན་པར་གྱིས༔ གལ་ཏེ་འདུ་བར་མི་བྱེད་ཅིང་༔ བསྒོ་བའི་བཀའ་ལ་མི་ཉན་ན༔ ཁྱེད་རྣམས་སྲོག་སྙིང་ང་ལ་ཡོད༔ གནད་དུ་བོར་ནས་བརླག་ཏ་རེ༔ དེ་བས་འདིར་འདུས་དམ…

ལྟས་ངན་ཆོ་འཕྲུལ་ཐམས་ཅད་སོལ༔ སངས་རྒྱས་བསྟན་དང་བསྟན་འཛིན་སྐྱོངས༔ རྒྱལ་ཁམས་བདེ་ལ་འགོད་པ་སོགས༔ སོ་སོའི་མཐུ་དང་འཚམས་པ་ཡི༔ ཇི་ལྟར་ནུས་པའི་ཕྲིན་ལས་མཛོད༔ དཀྱིལ་འཁོར་གཉན་པོ་མ་མཐོང་ཞིང་༔ འདའ་ཀའི་ཐ་ཚིག་མ་ཐོས་པའི༔ གློ་བུར་ལྷགས་པའི་འདྲེ་རྒོད་རྣམས༔ མཆོད་སྦྱིན་ཡས་སྟགས་འདི་ཁྱེར་ལ༔ བདག་གི་བསྒོ་བ་ཉན་པར་གྱིས༔ གལ་ཏེ་མི…

བྱས་ན༔ བོད་ཁམས་སྤྱི་དང་བྱེ་བྲག་གི༔ སྣོད་བཅུད་ཉེས་རྒུད་ཡོངས་ཞི་ནས༔ ཕན་བདེའི་ལེགས་ཚོགས་འཕེལ་བར་འགྱུར༔ དེ་ཕྱིར་ཤིན་ཏུ་གཅེས་པར་ཟུངས༔ ས་མ་ཡ༔ [འཇིགས་བྲལ་ཡེ་ཤེས་རྡོ་རྗེ་འགྲོ་འདུལ་གླིང་པ་རྩལ་གྱི་ཟབ་མོ་དགོངས་པའི་གཏེར་གྱི་ཆོས་སྡེ་ཡང་དག་པའོ། །] ༁ྃ༔ [བླ་མ་དྲག་པོའི་ལས་ཚོགས་དུག་ཁྲག་རྫས་རྒོད་ཀྱི་མན་ངག་ཟབ་མོ་ཨྠྀི༔]…