ཕྲག་དོག་མིན་པ་ང་ལ་རྒྱུས་ཡོད། འདིར་རྩིགས་ཤིག་དང་ངས་གྲོགས་བྱའོ་གསུངས་པས། ཁྲི་བཙུན་རབ་ཏུ་དགྱེས་ཏེ་བཀའ་བཞིན་དུ་འཚལ་ཟེར་རོ། །དེར་རྒྱལ་པོའི་ཞལ་ནས་ཐོག་མར་མཚོ་འགྲམ་འདིར་ངའི་ཕོ་བྲང་ཞིག་རྩིགས་ཤིག་གསུངས་ཏེ་སུམ་ཐོག་གཅིག་བརྩིགས་པ་ལ་ཕོ་བྲང་གི་བསྐྱས་མཛད་དེ་མཆོད་གནས་རྣམས་ཀྱང་སྤྱན་དྲངས་ནས་མཆོད་པ་ཆེན་པོ་མཛད། ཁྲི་བཙུན…

ཡིག་དྲུག་གི་སྒྲ་དང་བཅས་ཏེ་དབུས་སུ་བསྐྱུར་བས་མཁར་གྱི་རྣམ་པ་གྲུ་བཞི་པ་ཞིག་བྱུང་། དེའི་དཀྱིལ་དུ་གཏེར་བཅུགས་ཤིང་དེ་ལ་སྣ་གཏད་ནས་ཕུབ་པས་མཚོ་མི་མངོན་པར་བསུབས་ཏེ་ལྟེ་བ་དེ་དེང་སང་གི་དཀྱིལ་འཁོར་མཐིལ་འདི་ཡིན། ཀླུའི་ཡུལ་ནས་རྡོ་རྗེའི་འཇིམ་པ་བླངས་ཏེ་ཤིང་ཐམས་ཅད་ལ་བྱུགས་པས་ཤིང་ཐམས་ཅད་མི་བང་མི་རུལ་བ་རྡོ་རྗེ་ཕ་ལམ་ལྟར…

བདར་བའི་ལྡེ་གུ་བསྲེས། རིན་པོ་ཆེ་སྣ་ཚོགས་པའི་ཕྱེ་མ་བཏབ་པའི་ལྡེ་གུ་རྒྱལ་པོའི་དབུས་སྔས་སུ་སྤུངས། བྱང་ཆུབ་ཤིང་གི་སྲོག་ཤིང་། ཙནྡན་སྦྲུལ་སྙིང་གི་ཞབས་ངར། སྐུའི་དབྱིབས་གཏོད་པའི་ཕྱིར་རྒྱ་མཚོའི་གླིང་གི་འཇག་མ། ཟེ་མེ་རུའི་གཟེར། རིན་པོ་ཆེའི་སྤྱན་འབྲས། འཇམ་བྱེད་པའི་ལྡེ་བན། ཁ་བསྒྱུར་བའི་ཚོན་རྣམས་སྟ་གོན་བྱས་ཏེ་དབུ་…

སྦྲུལ་སྙིང་གི་སྐུ་རང་བྱུང་དང་མཆོད་སྡོང་གསུམ་པོ་འདིའི་ནང་དུ་གཞུག་རྒྱུ་ཡིན་ཏེ་གསུངས་པས། བཟོ་བོ་ན་རེ། བདག་ནི་ལྷ་བཞེངས་དགོས་སྙམ་ནས་གདོད་མཆིས་པ་ལགས་ཏེ་འདི་ནི་རང་བྱུང་དུ་བྱོན་པར་གདའོ་ཟེར་སྐད། དེ་མ་ཐག་ཏུ་སྐུ་དེ་གཡོས་ནས་ཕྱག་གཡས་ཀྱིས་དར་ཤམ་པུས་གོང་དུ་བརྫེས་ཏེ་ཞབས་གཡས་པ་ནས་འོད་ཟེར་བྱུང་བས། རྟེན་དེ་རྣམས་སྤྱན་ད…

ཁ་བ་ཅན་གྱི་འདྲེ་ཐམས་ཅད་དུག་ཤིང་གི་སྡོང་པོ་རྐང་གཅིག་གི་རྩར་འདུས་ཏེ་གྲོས་བྱེད་པ་གསན་པས། འདྲེ་རྒན་པོ་གཅིག་ན་རེ། ཁ་བ་ཅན་གྱི་རྒྱལ་ཁབ་འདི་སངས་རྒྱས་ཀྱི་ཞབས་ཀྱིས་མ་བཅགས་ཤིང་གསུང་གིས་མ་ཁྱབ་པས། ངེད་རང་མི་མ་ཡིན་རྣམས་ཀྱིས་དབང་བ་ཡིན་པ་ལ། རྒྱལ་པོ་མགོ་གཉིས་པ་འདིས་ལམ་བཅད། ཉལ་ས་འཕྲོག །ཆོས་ཁྲིམས་བྱས་བྱུང་བས། ད་ངེད་རང…

ཁྲོ་བོ་གཉིས་དང་མེ་ཕུང་སླར་གླ་བའི་བྲག་ལ་ཐིམ་པས། འོད་དཔག་མེད། ཁ་སརྤཱ་ཎི། དཔལ་རྟ་མགྲིན་གསུམ་རང་བྱུང་དུ་ཤར། སང་ཉིན་རྒྱལ་པོ་དེར་བྱོན་ཏེ་མཆོད་པ་མཛད་ཅིང་། སྤྱན་རས་གཟིགས་དབང་འཇིག་རྟེན་མགོན། །ཐུབ་པའི་དབང་པོས་སྤྱི་གཙུག་བརྒྱན། །སྐུ་མདོག་དཀར་གསལ་གངས་རི་འདྲ། །ཉོན་མོངས་མ་གོས་པདྨ་བཞིན། །ཐུགས་རྗེ་ཆེ་ཞིང་མཐུ་ལྡན་པ། …

ཟེར་ཅན། དབྱངས་ཅན་མ་རྣམས་ཀྱང་བཞེངས་པར་མཛད། ནུབ་ཕྱོགས་སུ་མཆོད་རྟེན་སི་ཏུ་བརྩིགས་ནས་ནུབ་ཀྱི་ས་དགྲ་གནོན་པ་ལ་སོགས་ས་དགྲ་བཞི་མནན་པར་མཛད། དེ་རྗེས་ལྷ་ཁང་གི་རྨང་བཏིང་པ་ཡང་ཞིག་སྟེ་བརྩིག་ཏུ་མ་བཏུབ་པས། སྲིན་མོའི་དཔུང་པ་གཡོན་གནོན་པའི་ཕྱིར་ཡར་ཀླུངས་སུ་བྱོན་ནས། མཚོ་སོག་ཁ་ལ་ཀླུ་གདུག་པ་ཅན་གནས་པ་དེ་སྐམ་པའི་ཤུལ་དུ་ལྷ་…

ནས་མཚོ་སྟེང་དུ་ལྡིང་བ་ན་མཚོ་ཁོལ་ཏེ་ཀླུ་སྦྲུལ་མགོ་ལྔ་པ་ཞིག་རོང་ངེ་བར་བྱུང་བས། བོན་པོས་ངས་ནི་མ་ཐུལ་ལོ། །ཅོག་ལ་ཁྱེད་ཀྱིས་བརྩོན་འགྲུས་སྐྱེད་ཅིག་ཅེས་ཟེར་བས། སྔགས་པས་ཆོ་ག་བྱས་ནས་མཉམ་པར་བཞག་པ་ན་གནམ་ས་རལ་བ་ལྟ་བུའི་སྒྲ་ཆེན་པོ་གྲགས་པས་སྐྱེ་བོ་ཐམས་ཅད་བྲེད་ཅིང་ས་གཞི་འགུལ། ནམ་མཁའ་ནས་བྱ་ཁྲ་འདྲ་བ་སྐད་འབྲུག་ལྟར་འདོ…

འཁོར་སེམས་དཔའ་རྣམས་ནི་ལི་ཡུལ་གྱི་སྤྲུལ་པའི་བཟོ་བོས་ལི་ལས་ལུགས་སུ་བླུགས་པ་རིན་པོ་ཆེའི་ཕྲ་ཅན་བལ་ཡུལ་ནས་ཞབས་ཀྱིས་བྱོན། དེའི་གྲས་འཇམ་དཔལ་ཆོས་དབྱིངས་གསུང་དབང་བལ་ཡུལ་དུ་བཞུགས་པའི་ཚབ་ཏུ་རྡོ་སྐུ་རང་བྱུང་ཞིག་བྱོན་སྐད། ཡང་གསེར་བྲེ་བརྒྱད། བྲེ་བདུན། བྲེ་དྲུག བྲེ་ལྔ། བྲེ་བཞི་རྣམས་ལ་རྒྱུ་བྱས་ཏེ་གནོད་སྦྱིན་གྱི་བཟོ…

ལ་ཀླུ་བཏུལ་བྱེད་བྱ་ཁྲའི་མིང་དང་སྐད་ལས་ཁྲ་འབྲུག་ཏུའང་གྲགས་ཏེ། དེ་ནི་བོད་ཀྱི་ལྷ་ཁང་བརྩིགས་པ་ལ་སྔ་ཞིང་འཇིག་པ་ལ་ཕྱི་བ་ཞིག་སྟེ་རྒྱལ་པོའི་ཐུགས་དམ་གྱི་སྙིང་པོ་གཙུག་ལག་ཁང་ཐམས་ཅད་ཀྱི་རྩ་བ་ཡིན་ནོ། །ཚེ་སྤོང་བཙན་འདྲ་དོང་ཆུང་ཞེས་བྱ་བའི་བློན་པོ་གཅིག་གིས་ཀྱང་ལྷ་ཁང་གློ་འབུར་ཅན་ཞིག་བྱས་སོ། །དེར་རྒྱལ་པོའི་ཞལ་ནས། ངའི་…

བཅས་ཕྱི་རོལ་དུ་བྱོན་པ་དང་། མཆོད་རྟེན་རྩེ་ལྔ་པའི་འགྲམ་ན་དགེ་སློང་གི་ཆ་བྱད་ཅན་མགོ་ཆེ་ཞིང་དཔྲལ་བ་འབུར་བ་སྣ་ཉག་ཅིང་མིག་ཚག་པ་སྟོད་ཆུང་ཞིང་སྨད་ཆེ་ལ་ཚང་ར་འབུར་བ་ཞིག་ཚེམ་བུ་ཚེམས་ཤིང་འདུག་པ་གཟིགས་པས། ངས་རབ་བྱུང་གི་རྟགས་ཙམ་འཛིན་པ་ལ་ཡང་ཕྱག་འཚལ་བར་དམ་བཅས་ན་འདི་ལྟ་བུའི་རབ་ཏུ་བྱུང་བ་དངོས་ལ་ཅིའི་ཕྱིར་ཕྱག་མི་བྱ་དགོ…

ཕྱེ་སྟེ་གསང་བ་འདུས་པའི་ལྷ་ཚོགས་བཅུ་དགུ་ཁྲ་ལམ་གྱིས་བསྟན་པས། རྒྱལ་པོ་ཤིན་ཏུ་དགྱེས་ཏེ་རབ་ཏུ་བྱུང་བ་རྣམས་ལ་ཡོན་ཏན་འདི་ལྟ་བུ་ཡོད་ཀྱིས། ངའི་འབངས་ཐམས་ཅད་ཀྱིས་རབ་བྱུང་གི་རྟགས་ཙམ་འཛིན་པ་མཐོང་ནའང་ཞབས་སྤྱི་བོར་ལོངས་ཤིག་ཅེས་དྲིལ་བསྒྲགས་སོ། །འདི་ནི་དགེ་སྦྱོང་གཟུགས་བྱད་ངན་ཡང་ཡོན་ཏན་བསམ་གྱིས་མི་ཁྱབ་པས་བརྙས་པ་སྤངས་…

ཀོང་པོ་བུ་ཆུང་། གཡོན་པ་ལ་ལྷོ་འབྲུག་གི་ཟེ་སྟེང་དུ་ལྷོ་བྲག་མཁོ་མཐིང་། པུས་མོ་གཡས་པ་ལ་ནུབ་བྱ་དམར་མོའི་སྒལ་སྟེང་དུ་དགེ་རྒྱས། གཡོན་པ་ལ་བྱང་རུས་སྦལ་གྱི་དཔྲལ་སྟེང་དུ་པྲ་དུན་རྩེའི་ལྷ་ཁང་རྣམས་བཏབ་པ་སྟེ་ཡང་འདུལ་བཞིའོ། །ལག་མཐིལ་གཡས་གནོན་པ་ལ་མི་ཉག་གིས་ལག་དཔོན་བྱས་ཏེ་ཁམས་ཀྱི་ཀློང་ཐང་སྒྲོལ་མ། གཡོན་ལ་ཐོ་གར་གྱིས་ལག…

ལྷ་སྲིན་ཐམས་ཅད་ཀྱིས་བསྭོ་སྒྲ་དང་ཆ་སྒྲ་བསྒྲགས་ནས་བྱུང་བའི་ཚེ། སྤྲུལ་པའི་རྒྱལ་པོས་ཡི་དམ་ལ་མཆོད་པ་བཤམས་ཤིང་དཔང་བཙུགས་ནས་དམ་བདར་བས། དེའི་མོད་ལ་སྤྱན་རས་གཟིགས་ཕྱག་སྟོང་སྤྱན་སྟོང་ཞིག་ནམ་མཁའ་ལ་བྱོན་ཏེ་སྤྱན་ཡེར་པའི་རི་ལ་གཟིགས་ཤིང་ཐུགས་ཡེར་པའི་བྲག་ལ་གཏད། ཡང་ཁྲོ་གཉེར་ཅན་དང་སྒྲོལ་མས་ཡེར་པ་ཞབས་ཀྱིས་བཅགས། ཆོས་སྐྱ…

སྐུར་སྤྲུལ། དབང་དུ་འདུས་པའི་ཕྱིར་སྤང་རི་ཁྲོ་མོར་སྤྲུལ། ནད་སེལ་བའི་ཕྱིར་ཆུ་རྣམས་བདུད་རྩིར་བསྒྱུར། དེའི་ཚེ་རྒྱལ་པོ་ཉིད་སྤྱན་རས་གཟིགས་ཕྱག་སྟོང་སྤྱན་སྟོང་གི་སྐུར་གྱུར་ནས་འོད་ཟེར་གྱིས་སྔགས་ཕྱི་ནང་གི་ལྷ་ཚོགས་དང་སངས་རྒྱས་བྱང་སེམས་ཐམས་ཅད་སྤྱན་དྲངས་ནས་བསྟིམས་པས་ས་རྡོ་ཐམས་ཅད་ལྷར་བྱིན་གྱིས་བརླབས། ཁྲོ་གཉེར་ཅན་ད…

བཏིང་སྟེ། རབ་བྱུང་གི་དོན་དུ་འདུལ་བའི་ལུགས་ཀྱི་དྲི་གཙང་ཁང་དང་བཅས་པར་བྱང་ཕྱོགས་སོ་བདུན་མཚོན་པའི་རེ་མིག་སོ་བདུན་དུ་མཛད། སྐྱེ་བོ་སྤྱིའི་དོན་དུ་ཆོས་གང་བྱེད་ལས་ཀྱི་སྒྲོས་ཚང་བར་བྱེད་དགོས་པའི་བརྡར་ཕྱི་གྲུ་བཞིར་མཛད། བོན་པོའི་དོན་དང་ཆོས་ཉིད་མི་འགྱུར་བ་མཚོན་ཕྱིར་ཟུར་བཞི་གཡུང་དྲུང་རིས་མཛད། སྔགས་པའི་དོན་དང་འབྲས་…

སུམ་བརྒྱ་བཀྱེས་ཏེ་ཤིང་བཟོ་རྣམས་མཛད་པའི་ཚེ། ལྷ་གཅིག་ཁྲི་བཙུན་སྐྲ་འཁྲུ་བས་ནངས་པར་རྒྱལ་པོའི་གསང་བུ་འདྲེན་དུ་མ་ཁོམས་ཏེ། བྲན་མོ་ལ་དངུལ་གཞོང་དུ་ཤ་གསར་དང་མར་གསར་ལ་སོགས་པ་གཡོས་སྣ་བཅུ་གསུམ་དང་འབྲས་ཆང་དང་རྒུན་ཆང་སོགས་ཀྱི་གསང་བུ་འདྲེན་དུ་བཏང་བས། དེས་ངོ་མི་ཤེས་པའི་བཟོ་བོ་སུམ་བརྒྱ་བཟོ་བྱེད་པ་མཐོང་ནས་རྒྱལ་པོ་ངོ་མ…

ཟུར་ཉམས་སོ། །དེར་རྒྱལ་པོའི་ཞལ་ནས། འབངས་མོ་མ་ཚུགས་པས་ངའི་སྤྲུལ་པ་ངོ་ཤེས་སོ་ཞེས་གསུངས་ནས་སྤྲུལ་པ་བཤིག་པར་མཛད་པས། གཞན་རྣམས་ཀྱིས་རྒྱལ་པོས་ཤིང་དང་འདག་པའི་མི་ལ་སྟེ་ལྟག་རེ་བརྒྱབ་པས་ཤི་བར་མཐོང་། བློན་པོ་རྣམས་ཀྱིས་ཤིང་བཟོ་བ་རྣམས་རྩིག་ཕུག་ན་ཕར་རྐང་པ་ཉུག་ཉུག་སོང་བར་མཐོང་། ཐུན་མོང་དུ་ཤིང་བཟོས་པ་དང་། བརྐོས་པ་དང་…

རྣམས་མཐོངས་ཀ་ལ་བཀབ་ནས་ལོག་སྐད། དེ་ལྟར་ཞག་གཉིས་ཀྱི་རིང་ལ་ར་སའི་འོག་ཁང་གི་ཕྱི་ཐམས་ཅད་ལེགས་པར་ཟིན་པར་བྱས་རྗེས། རྒྱལ་པོས་གཙང་ཁང་དེ་རྣམས་གང་ལེགས་པ་ཞིག་ཏུ་ངའི་ཡི་དམ་རང་བྱུང་ཐུགས་རྗེ་ཆེན་པོ་གཙོ་འཁོར་དགུ་པོ་བཞུགས་སུ་གསོལ་དགོས་སྙམ་དུ་དགོངས་ནས་དེའི་ནངས་པར་གཟིགས་སུ་བྱོན་དུས། གཙང་ཁང་དབུས་མའི་སྒོ་ཕྱེ་བས་གུང་ལ་སང…

འབྲང་མ་ཕྱག་དྲུག་པ། གཤིན་རྗེ་མཐར་བྱེད་མཐིང་ནག་ཞལ་དྲུག་ཕྱག་དྲུག་ཞབས་དྲུག་པ། ཤེས་རབ་མཐར་བྱེད་དཀར་པོ་ཞལ་བཞི་ཕྱག་བརྒྱད་པ། པདྨ་མཐར་བྱེད་དམར་པོ་ཕྱག་བཞི་པ། བགེགས་མཐར་བྱེད་མཐིང་ནག་ཕྱག་བཞི་པ་རྣམས་གནོད་སྦྱིན་རྣམས་ཀྱིས་བསྐོར་ནས་ཁ་བ་ཅན་གྱི་འདྲེ་སྲིན་འདུལ་ཐབས་སྟོན་ཅིང་བཞུགས་པ་དང་། རྣམ་སྲས་དང་ཛམྦྷ་ལ་གཏེར་གྱི་བུམ་པ…