བདུན་པས་སྟོང་ཆུང་ངུའི་བར་བསྐྱང་ངོ་ཟེར། དེ་བཞིན་དུ་གནོད་སྦྱིན་ནཱ་ག་ཀུ་བེར་དམར་པོ་ཞལ་གསུམ་ཕྱག་བཞི་པས་གསེར་གྱི་ཐག་བཟང་ཞིག་ཕུལ་ནས་ངས་མེའི་འཇིགས་པ་ལས་བསྲུང་ངོ་ཟེར། དྲི་ཟ་ཟུར་ཕུད་ལྔ་པ་དེ་འདྲ་བས་མེ་ཏོག་གཅིག་ཕུལ་ཏེ་མི་མ་ཡིན་གྱི་གནོད་པ་ལས་བསྲུང་ངོ་ཟེར། སྲིན་པོ་ལངྐ་མགྲིན་བཅུ་མཐིང་ག་མགོ་དགུ་སྟེང་ན་རྟ་མགོ་དཔངས་…

དེར་ལྷ་རྣམས་མ་བཞུགས་པར་སྤོས་དང་མེ་ཏོག་ཐོར་རེ་འདུག་པས་ཁོང་རྣམས་འཇིགས་ཏེ་རྟབ་དི་རི་བྱས། དེའི་ཡང་ཐོག་ན་ནེ་ཙོ་སྨྲ་མཁན་ཞིག་ཡོད་པ་ན་རེ། ཁྱེད་རྣམས་ཐུགས་ཅིའི་ཕྱིར་རྟབ་ཟེར་བ་ལ། ལྷ་རྣམས་གར་གཤེགས་ཆ་མེད་པར་གཤེགས་པས་སོ་བྱས་པས། ནེ་ཙོ་དེ་ན་རེ། མདང་ནམ་ཕྱེད་ཙམ་ལྷ་རྣམས་གཅིག་ལ་གཅིག་ཕྱག་བྱས་ཤིང་སྤོས་དང་མེ་ཏོག་གིས་མཆོད་…

ཚུན་གཅིག་ལ་གཅིག་བལྟ་ཞིང་ཐལ་མོ་སྦྱར་ཏེ་མོས་གུས་བྱེད། བུ་མོ་བཅུ་དྲུག་པོས་རྟེན་ལ་མཆོད་ཅིང་བསྟོད་པར་བྱེད་དོ། །དེ་ནས་རྒྱལ་པོས་བལ་པོའི་ལྷ་བཟོ་བ་ལ་བཀའ་བསྒོས་ཏེ་ཀ་བ་ཤིང་ལོ་ཅན་གྱི་འགྲམ་དུ་ཚོན་རྩི་དང་པིར་སོགས་སྟ་གོན་བྱས། དེའི་སང་ཉིན་ལྷ་ཇི་ལྟར་འབྲི་བ་བགྲོ་བའི་ཕྱིར་རྒྱལ་བློན་བཟོ་བོར་བཅས་པ་ལྷ་ཁང་དུ་བྱོན་པ་དང་། ལ…

ཀྱི་ཡབ་རྒྱལ་པོ་དང་གཉེ་བོ་རྣམས་ཆད་བྱས་ནས། ངས་བོད་ཡུལ་འདིར་ལྷ་ཁང་བརྒྱ་རྩ་བརྒྱད་བཞེངས་པའི་སྒོ་བལ་ཡུལ་དུ་སྟོན་པར་ཆད་པས་ད་དེ་རྣམས་བཞེངས་པའི་ཕྱིར་འགྲོའོ་ཞེས་བཀའ་བསྩལ་པས། ལྷ་གཅིག་མཉེས་ཏེ་བཀའ་བཞིན་བགྱིད་འཚལ་ཞེས་གསོལ་ནས་བར་ཁང་སོགས་ལྷག་མ་ཐམས་ཅད་ཚང་བར་མཛད། དེ་ཡང་མཐིལ་ཞལ་ཐམས་ཅད་བེེ་ཌཱུརྻ་སྔོན་པོ་ལྟར་དྭངས་པ་ཆུའི…

ཐམས་ཅད་རིན་པོ་ཆེས་བརྒྱན་པ། དར་གྱི་ཅོད་པན་དང་། གདུགས་དང་། རྒྱལ་མཚན་དང་། རྔ་ཡབ་དང་། ཁོར་ཡུག་ལྕགས་ཐག་གིས་བསྐོར་བ་དང་བཅས་པ་ལས་དྲིལ་བུའི་ཚོགས་ཀྱིས་ཆོས་སྒྲ་འཁྲོལ་བ། དེའི་སྟེང་དུ་གསེར་གྱི་གཉྫི་ར་གཟི་འོད་རབ་ཏུ་འབར་བས་སྤྲས་པར་བྱས་སོ། །གཙང་ཁང་གི་ལྷ་གཞན་རྣམས་ཀྱང་རྒྱལ་པོས་ཇི་ལྟར་གཟིགས་པ་བཞིན་དུ་ཙནྡན་གྱི་ལྡེ་གུ་…

ཚོགས། བར་ཁང་དུ་རྟ་མགྲིན་དཀར་པོ་དང་ཇོ་མོ་སྒྲོལ་མ་སོགས་ལེགས་པར་བྲིས། གདུང་རྣམས་ལ་མངོན་པའི་རྒྱུད་རིས། གདུང་རྩར་མདོ་སྡེའི་རྒྱུད་རིས། ཀ་བ་ལ་འདུལ་བའི་རྒྱུད་རིས་ཏེ་མ་འོངས་པའི་དབོན་སྲས་དང་རབ་བྱུང་གི་དོན་དུ་སྡེ་སྣོད་གསུམ་གྱི་རྒྱུད་རིས་རྣམས་བྲིས། ཕྱི་རབས་རྣམས་ཀྱིས་རིག་པའི་ཆོས་གོ་བར་བྱ་བའི་ཕྱིར་གག་སྤང་དང་ཀ་ཞུ་…

བརྐོས། མོང་བཟའ་ཁྲི་ལྕམ་གྱིས་ཡེར་པའི་གཙུག་ལག་ཁང་བཞེངས་སོ། །དེ་ནས་སྤྲུལ་པའི་རྒྱལ་པོས་བློན་པོ་ཆེན་པོ་བཅུ་དྲུག་དང་བཅས་པའི་སྐུའི་སྣང་བ་བོད་ཡུལ་ཐམས་ཅད་དུ་སོ་སོར་བསྟན་ནས། ནུབ་ཕྱོགས་བལ་བོའི་ཡུལ་དུ་སྒོ་བསྟན་པའི་ལྷ་ཁང་བརྒྱ་རྩ་བརྒྱད་དང་། རྒྱའི་སོ་ཁ་ཕྱིར་འཕུར་བ་དང་རྒྱ་རྗེ་ལ་ཞལ་གྱིས་བཞེས་པ་ཆད་བཙན་པར་བྱ་བའི་ཕྱིར་…

སོར་གདུབ་བོར་བས་སིང་སྒྲ་ཁྲ་ལ་ལ་གྲགས་ནས་དཀྱིལ་འཁོར་གྱི་རྩར་སོང་བས། རྒྱལ་པོ་གཟོད་ཐུགས་ཆེས་ཏེ་ལྷ་ཁང་རྣམས་སུ་བྱོན་ནས་གཟིགས་པས་སྤྲུལ་པའི་སྐུ་དངོས་སུ་མཁྱེན། སྟེང་ཁང་དུ་གཟིགས་ནས་ཁྱོད་ཀྱི་ཤིང་བཟོ་བ་ལ་སོགས་པ་འདི་རྣམས་ཤིན་ཏུ་ལེགས་པ་འདུག་སྟེ་ངའི་འཕྲུལ་གྱི་བཟོ་དང་ཁྱད་མི་སྣང་གསུངས་པ་ལས་འཕྲུལ་སྣང་དུ་མཚན་ཐོགས་ཤིང་…

གཉིས་གཙོ་བོ་ཐུབ་དབང་ཤཱཀྱའི་སྲས། །གྲངས་མེད་སྤྲུལ་པས་འགྲོ་བའི་དོན་མཛད་པ། །སྟོན་པ་བདེ་བར་གཤེགས་པ་ལ་སོགས་པ། །ཕྱོགས་བཅུའི་སངས་རྒྱས་རྣམས་ཀྱིས་བདེ་ལེགས་སྩོལ། །ཐབས་མཁས་ཐུགས་རྗེ་ལྡན་པའི་ཆུ་རྒྱུན་གྱིས། །གང་ལ་གང་འདུལ་སྨིན་ཅིང་གྲོལ་བར་མཛད། །རྗེ་བཙུན་སྤྱན་རས་གཟིགས་དབང་ལ་སོགས་པ། །བྱང་ཆུབ་སེམས་དཔའ་རྣམས་ཀྱིས་བདེ་ལེ…

སྤོས་ངད་ཀྱིས་གོ་མཚམས་མེད་པར་ཁྱབ། ལྷ་དང་ལྷ་མོ་རྣམས་ཀྱིས་བསྟོད་པའི་དབྱངས་སྙན་པོས་སྤྲུལ་པའི་ཆོས་རྒྱལ་ཆེན་པོ་ལ་མངོན་པར་བསྟོད་པ་སོགས། དེར་འདུས་པའི་བློན་འབངས་ཕལ་ཆེ་བས་མེ་ལོང་ལ་གཟུགས་བརྙན་སྣང་བ་བཞིན་མངོན་སུམ་དུ་མཐོང་བས་ཤིན་ཏུ་ངོ་མཚར་སྐྱེས་ནས་རྒྱལ་པོ་ཉིད་ལ་བསྔགས་པར་བྱེད་དོ། །དེ་ནས་རྒྱལ་པོ་ཡབ་ཡུམ་བློན་འབངས་བ…

གྱིས་གྲུབ། །སངས་རྒྱས་བསྟན་པའི་རྒྱལ་མཚན་བཙུགས། །ནག་པོའི་ཕྱོགས་ལས་རྣམ་པར་རྒྱལ། བདུད་དཔུང་བཅོམ་པའི་མཐུ་དཔལ་གྱིས། །བཀྲ་ཤིས་རབ་གནས་ལྷུན་གྱིས་གྲུབ། །དམ་པའི་ཆོས་ཀྱི་རྔ་ཆེན་བརྡུངས། །དུག་ལྔ་གཏི་མུག་རང་སར་ཞི། །དཀོན་མཆོག་གསུམ་གྱི་རྔ་སྒྲ་ཡིས། །བཀྲ་ཤིས་རབ་གནས་ལྷུན་གྱིས་གྲུབ། །དེ་རིང་སྐྱིད་པའི་ཉི་མ་ཤར། །རང་དབང་མེ…

ཡཱ་ན་ལ་སོགས་པ་སྤྱན་དྲངས། ལོ་ཙཱ་བ་ཐོན་མི་དང་དེའི་སློབ་བུ་དྷརྨཱ་ཀོ་ཤ་སོགས་ཀྱིས་བྱས་ཏེ། མདོ་སྡེ་ཟ་མ་ཏོག་བཀོད་པ་སོགས་སྡེ་སྣོད་གསུམ་དང་། རྒྱུད་ཀྱི་ཆ་ལག་མང་རབས་བསྒྱུར་ཞིང་བསྟན་པའི་སྲོལ་བཏོད་པར་མཛད། ཇི་ཞིག་ན། ལྷ་མོ་ཡི་གེ་དྲུག་མའི་རྣམ་འཕྲུལ་བཙུན་མོ་ཆུན་མ་མང་བཟའ་ཁྲི་ལྕམ་ལ་ཡབ་སྲོང་བཙན་དགུང་གྲངས་ང་གསུམ་པ་ས་མོ་…

རྒྱལ་སྲིད་བཟུང་སྟེ། མི་བསྲུན་པའི་སྐྱེ་བོ་རྣམས་ཡང་དག་པའི་ཁྲིམས་ལ་འཛུད་པའི་སླད་དུ། མི་དགེ་བ་བཅུ་ལ་སྤྱོད་ཅིང་དེ་ལས་མི་ལྡོག་པ་དེ་དག་གཤེང་མ་འཇིགས་སུ་རུང་བས་བཟུང་ནས་མགོ་དང་ཡན་ལག་གཅོད་པ་དང་། མིག་དང་ལྕེ་དབྱུང་བ་སོགས་མཐོང་བ་ཙམ་གྱིས་ཀྱང་འཇིགས་ཤིང་སྐྱི་གཡའ་བའི་ཁྲིམས་ར་ལྷ་ས་དང་ཁྲ་འབྲུག་སོགས་བོད་ཡུལ་གྱི་ཕོ་བྲང་ར…

ལྟ་བུ་ཅི་ཡིན་སུས་བྱས་ཞེས་དྲིས་པས། རྒྱལ་པོས་ཁྲིམས་མཛད་པ་ཡིན་ཟེར་བས། རྒྱལ་པོ་ལ་མ་དད་དེ་འཕགས་པ་སྤྱན་རས་ག་ལ་ཡིན་བདུད་དུ་འདུག་པ་ཟེར་ནས་ལོག་སྟེ་མགོའི་ར་བ་ལ་དབུ་རར་མིང་ཐོགས། ཡང་ལྷ་ས་དང་ཉེ་བར་སླེབས་ཚེ་བོན་པོ་ཞར་བ་རྟ་ལ་ཞོན་པ་ཞིག་བྱུང་བ་དང་འཕྲད། དེ་ལ་ལི་ཡུལ་དུ་འགྲོ་བའི་ལམ་དྲིས་པ་ན། ང་རྒྱལ་པོས་ལྷ་ཁང་བརྩིག་པའི་…

ཅི་བྱེད་དུ་འོངས་གསུངས་པས། དེ་གཉིས་ན་རེ། བདག་ཅག་གཉིས་ལ་འཕགས་པ་འཇམ་དཔལ་གྱིས་ལུང་བསྟན་ནས་སྤྱན་རས་གཟིགས་བལྟར་མཆིས་པ་ལགས་ཏེ་ཟེར། འོ་ན་ཁྱོད་གཉིས་སྤྱན་རས་གཟིགས་བལྟ་བར་འདོད་དམ་གསུངས་པས། དེ་དང་འཚལ་ཏེ་ཟེར། དེ་གཉིས་ནུབ་ཕྱོགས་བྱེ་མའི་གླིང་དུ་ཁྲིད་ནས་དབུའི་ལ་ཐོད་ཕུད་དེ་ཨ་མི་ཏཱ་བྷའི་ཞལ་དངོས་སུ་བསྟན་པ་ན། དེ་གཉིས་ན…

ལ་སྐྱབས་སུ་སོང་སྟེ་བྱམས་པ་དང་སྙིང་རྗེ་དྲག་པོས་བདག་གཞན་བརྗེ་བའི་བློ་སྒོམས་ཤིག །ལུས་ངག་གི་ཆོས་བཟང་པོ་བས་བསམ་པ་བཟང་པོ་ལྷག་པ་ཡིན་ནོ། །འདི་གསུམ་དང་ལྡན་ན་བྱང་ཆུབ་འགྲུབ་ལ་མི་ལྡན་ན་མདོ་རྒྱུད་མན་ངག་ཐམས་ཅད་བློ་ནས་འདོན་དུ་ཡོད་ཀྱང་སྙིང་པོ་མེད་དོ། །ཞེས་གདམས་ཤིང་གཞན་ཡང་ཐུགས་རྗེ་ཆེན་པོའི་ཆོས་སྐོར་དུ་མ་གསུངས་སོ། །ད…

ཆོས་གཏེར། མཐའ་ནོར་མ་ལུས་པ་འདུ་ཞིང་རིན་པོ་ཆེ་ལ་སྤྱོད་པའི་ཕྱིར་ཤིང་ལོ་ཅན་དུ་གསེར་དངུལ་རིན་པོ་ཆེའི་རིགས། མཐའ་དམག་བགེགས་ཚོགས་ཞི་ཕྱིར་སྦྲུལ་མགོ་ཅན་ལ་དྲག་སྔགས་མཐུ་གཏེར། བཞོན་ཕྱུགས་དཀར་ཐོག་འཕེལ་ཕྱིར་སེང་མགོ་ཅན་ལ་ཕྱུགས་ཀྱི་གཡང་ཡིག །རྒྱན་གོས་འབྲུ་ནོར་ཅི་འདོད་འབྱུང་ཕྱིར་ཛམ་ལའི་འོག་ཏུ་ནོར་བུ་རཏྣ་དེ་ཝ། ལོ་ལེགས་…

གི་གོང་དུ་ཉང་བྲན་ཕ་བོང་ཁར་ཐུགས་རྗེ་ཆེན་པོའི་རྣལ་འབྱོར་ལ་སྤྱོད་པའི་རལ་པ་ཅན་བརྒྱ་ཕྲག་ཙམ་རྒྱུན་དུ་བྱུང་བར་གྲགས་ཤིང་། རྒྱལ་པོས་དུས་དེ་དག་གི་ཚེ་གསུངས་པ་རྣམས་ཕྱོགས་གཅིག་ཏུ་བསྡོམས་པའི་བཀའ་ཆེམས་ཀྱི་སྐོར་རྣམས་གཏེར་ཁ་གསུམ་དུ་སྦས་པ། ཕྱིས་གྲུབ་ཐོབ་དངོས་གྲུབ་དང་། མངའ་བདག་ཉང་། སྟོན་པ་ཤཱཀྱ་འོད་གསུམ་གྱིས་གཏེར་ནས་སྤ…

འདྲའི་དུས་སུ་གྱུར་ཙ་ན། །རྒྱ་ཆེན་མཆོད་པ་བཤམས་ནས་ནི། །མོས་གུས་གསོལ་འདེབས་གཅེས་པ་ཡིན། །དེ་ལྟར་བྱས་ན་ཅུང་ཞིག་གནས་པར་འགྱུར། །ནང་གི་ལྷ་གསོས་ཕྱི་ཡི་རགས་ལ་ཕན། ཕྱི་ཡི་རགས་གསོས་ནང་གི་ལྷ་རྣམས་རྒྱལ། །མཆོད་པ་བཤམས་ཤིང་གསོལ་བ་བཏབ་པ་ན། །བོད་འབངས་བསམ་པ་ཐམས་ཅད་འགྲུབ་པར་འགྱུར། །དུས་ཀྱི་མཐའ་ལ་སྡིག་སྤྱོད་མང་འབྱུང་ཡང་། །…

ངུར་སྨྲིག་གི་ན་བཟའ་གསོལ་བ་ལྷ་མིའི་མཆོད་གནས་སུ་འོས་པ་མང་དུ་འབྱུང་གིས། དེ་ལས་རང་གཞན་གྱི་འདི་ཕྱིའི་བདེ་བ་ཐམས་ཅད་འབྱུང་བས་ན། ངའི་དབོན་སྲས་རྗེ་བློན་རྣམས་ཀྱིས་འཚོ་བ་བླ་ནས་སྦྱོར་ཞིག །ཆབ་འོག་ནས་ཕྱུངས་ལ་བདེ་བ་བྱིན་ཅིག །དབུའི་མཆོད་གནས་སུ་ཁུར་ཞིག་ཅེས་བཀའ་བསྩལ་པ། དེ་མ་ཐག་མགར་གྱིས་ཟངས་ཀྱི་བྱང་བུ་ལ་བྲིས་ཏེ་མཆིམས་…