སླར་ཡང་དབྱིན་ཇིའི་དཔུང་དམག་ལྷ་སར་སླེབས་འབྱོར་གྱིས་རྒོལ་ཟིང་ལ་བརྟེན། སྐུ་ཚབ་སྲིད་སྐྱོང་ལས་ཚབ་དགའ་ལྡན་ཁྲི་ཐོག་བརྒྱད་ཅུ་གྱ་དྲུག་པ་བློ་བཟང་རྒྱལ་མཚན་ལ་བསྐོ་བཞག་དང་འབྲེལ་སྦུག་ཐམ་རྩིས་སྤྲོད་བསྩལ་ཏེ། ྋགོང་ས་མཆོག་བྱང་ལམ་བརྒྱུད་རྒྱ་སོག་ཡུལ་དུ་ཆིབས་བསྒྱུར་གནང་བའི་ཕེབས་ཐོན་ཉིན་རྟ་ལམ་སྒོར་མོར་འུག་པས་ཆིབས་འོག་ཏུ་…

ལྷ་ཀླུང་སྒར་བབས། དབྱིན་བོད་ཕན་ཚུན་སྣེ་འཕྲོད་མ་ཐུབ་པར་ཞག་ཤས་ལུས། དེར་སྲིད་སྐྱོང་རང་ནས་དགོངས་དཔྱད་ཀྱིས་དབྱིན་ཇིའི་དམག་སྒར་དུ་བོད་ཀྱི་རྒྱལ་པོ་ཕེབས་ཀྱི་ཡོད་ཅེས་ཞོལ་གཉེར་གཅིག་བརྡ་སྐྱེལ་དུ་བཏང་། དེ་ནས་སྲིད་སྐྱོང་རང་ཉིད་སྐུ་འཁོར་ཉུང་བསྡུས་ཀྱིས་དམག་སྒར་དུ་ཕེབས་པར། དབྱིན་ཇིའི་དཔོན་དམག་ནས་ཞི་བའི་རུ་བསྒྲིགས་ཆེ…

སྐྱེལ་དང་བཅས། རིམ་གྱིས་མཁའ་འགྲོ་ཆིན་ཝང་གི་ཕེབས་བསུས་རྡོ་རྗེ་ཕུ་རལ་བཀྲ་ཤིས་ལྷུན་པོའི་གླིང་དང་། ཛ་ཡ་ནས་གསོལ་བ་བཏབ་པ་བཞིན་དགའ་ལྡན་སོགས་སུ་ཞབས་སོར་འཁོད། དགོན་སྡེའི་གར་འཆམས། སྦེར་ག །རྡོ་འགྱོགས། རྟ་རྒྱུགས་སོགས་སྤྱན་ལམ་དུ་བསྟར། མི་རྒན་མགོན་པོ་ཚེ་རིང་གིས་འཆམས་རྣམ་གྲྭ་པར་སློབ་སྦྱོང་གནང་། གོང་མ་ཡུམ་ནས་རང་ཉིད་…

སྤྱི་ལོ་༡༩༠༧པར་བཀའ་ཡིག་གི་ལམ་ནས་ཁྲི་ཟུར་རིན་པོ་ཆེར་སྲིད་སྐྱོང་ལས་ཚབ་ཐོག །བཀའ་ཟུར་བཤད་སྒྲ། ཞོལ་ཁང་། ཆང་ཁྱིམ་པ་གསུམ་ལ་སྲིད་སྐྱོང་ལས་རོགས་བློན་ཆེན་དུ་བསྐོ་བཞག་བསྩལ་བ་བཞིན་ཐུགས་འགན་མཉམ་བཞེས་ཀྱི་ཆབ་སྲིད་བསྐྱངས། ས་སྤྲེལ། སྤྱི་ལོ་༡༩༠༨ བོད་ཟླ་བདུན་པར་གོང་མའི་བཀའ་འབྲེལ་པེ་ཅིང་རྒྱལ་ཁབ་ཏུ་ཕེབས་སྐབས་ལམ་ཁེལ་ཡུལ་…

ཧད་ཐའི་ཕོ་བྲང་དུ་གདན་དྲངས་ཏེ། གོང་མ་ཀོང་ཞུ་དང་ཡུམ་བཅས་གསེར་ཞལ་མཇལ་འཛོམ་ཐོག་མཚན་འཕར་དངོས་འབུལ་སོགས་རྒྱལ་མཆོག་ལྔ་པ་ཆེན་པོའི་དུས་ལས་ལྷག་པའི་གཟེངས་བསྟོད་མཛད། ས་བྱ། སྤྱི་ལོ་༡༩༠༩བོད་ཟླ་དང་པོར་གོང་མ་ཀོང་ཞུ་གཤེགས་པའི་དགོངས་རྫོགས་མཆོད་འབུལ་སོགས་གནང་སྟེ། ངྷཱ་ཆེན་ཤོན་ཐོང་གོང་མ་ཆེན་པོའི་གསེར་ཁྲིར་དབང་བསྐུར་ལེགས…

རང་ལྗོངས་རྒྱལ་ཁབ་ཕོ་བྲང་ཆེན་པོ་པོ་ཏ་ལའི་གསེར་ཁྲིར་ཞབས་སོར་འཁོད་དེ་དགྱེས་སྟོན་རྒྱ་ཆེར་སྤྲོས། ལྕགས་ཁྱི། སྤྱི་ལོ་༡༩༡༠པར་རྒྱའི་བློན་པོ་ལོག་སྨོན་ཅན་དབང་དང་གོ་ས་ཆེ་བ་འགའ་ཞིག་དང་། ཟི་ཁྲོན་ཙུང་ཐུང་། བོད་སྡོད་ཨམ་བན་བཅས་ནས་ངན་གཡོའི་ཐབས་ཤེས་དུ་མས། བོད་ཀྱི་སྣོད་བཅུད་མ་ལུས་བཟའ་སེམས་ཀྱིས། འབའ་ཐང་། ལི་ཐང་ཁུལ། ཚ་སྡ…

འགེལ་གྱིས་རང་འཚམས་ལག་རྟགས་ཐལ་བ་བཞིན། ཨམ་བན་ནས་ཁྲོམ་སྲུང་དམག་མི་དྲུག་སྟོང་དགོས་ལུགས་དང་། ཀྲང་ངྷཱ་རིན་ནས་ཀྱང་འདྲ་བདེན་རྫུན་བསྒྲིགས་ཀྱིས་གཏམ་འཆལ་ཁྱབ་སྤེལ་ལ་བརྟེན་ཟི་ཁྲོན་ཙུང་ཐུང་ནས་རྒྱ་དམག་ཕོན་ཆེ་བོད་ཕྱོགས་སུ་བཏང་། ལྷ་སྡོད་ཨམ་བན་ནས་གཞུང་སྒེར་གྱི་རྒྱུ་དངོས་འཕྲོག་བཅོམ། མི་དམངས་ལ་བརྡབ་བསིག །དོན་གཅོད་མི་ནག…

ཕྱག་རོགས་སུ་མཁན་དྲུང་ཏཱ་བླ་མ་མཁྱེན་རབ་ཕུན་ཚོགས་བསྐོ་བཞག་མཛད་ནས། ྋགོང་ས་མཆོག་དང་སྲིད་བློན་སོགས་སྟོན་འཁོར་ཆིབས་ཞབས་ཧྲག་བསྡུས་བཅས་ནམ་ཕྱེད་ཙམ་ན་རྩེ་ཕོ་བྲང་ནས་ནོར་གླིང་དུ་ཆིབས་བསྒྱུར་གནང་ཞིང་། ནམ་ལངས་ཁར་ར་མ་སྒང་གི་གྲུ་བརྒལ་ཏེ་ཉིན་ཞག་གཉིས་ཀྱི་ཕེབས་ལམ་ཉིན་གཅིག་ལ་བཅད་ནས་ལྕགས་ཟམ་བླ་བྲང་དུ་ཕེབས། དེ་ནས་དཔལ་དི།…

ལ་བརྒྱུད་ཀ་སྤུག་ཏུ་ཕེབས། རིང་མིན་ཀ་ལི་ཀ་ཏར་ཕེབས་ནས་དབྱིན་གཞུང་སྐུ་ཚབ་མོ་ལུག་ལར་དང་མཇལ་འཕྲད་ཟིན་རྗེས་རྡོར་གླིང་དུ་ཕེབས་བཞུགས་གནང་། དབྱིན་གཞུང་ནས་ཀ་རྡོར་གཉིས་སུ་བཞུགས་འཇགས་རིང་ཕེབས་བསྒྲིགས་དང་སྐུ་སྲུང་སོགས་གཟེངས་བསྟོད་གཟབ་ལེགས་ཞུས། ཟླ་བ་བཅུ་གཉིས་པའི་ནང་འཕགས་ཡུལ་གནས་ཆེན་ཁག་ལ་མཇལ་གཟིགས་སུ་ཕེབས་ནས་མཆོད་འ…

གསར་པའི་མཚན་དུ་མི་འགྱུར་མངོན་དགའ་ཕོ་བྲང་ཞེས་འདོགས་གནང་མཛད། གཙོ་བོར་རྒྱ་བོད་ཆབ་སྲིད་སྐོར་ལ་དབྱིན་ཇིས་བར་དཔང་གིས་ཆིངས་མོལ་ཞིབ་ནན་གྱིས་བོད་ལྗོངས་བསྟན་འགྲོའི་བཞེད་དོན་ལེགས་འགྲུབ་བྱུང་སྟེ། ཆུ་བྱི། སྤྱི་ལོ་༡༩༡༢བོད་ཟླ་བཞི་པའི་ཚེས་བཅུ་ཉིན་ཀ་སྤུག་ཕོ་བྲང་ནས་རང་ལྗོངས་སུ་ཆིབས་ཞལ་བཏེགས་ཏེ། ནགས་ཐང་ནས་རྫ་ལེབ་ལ་བརྒ…

ཁྱད་པར་དགའ་ལྡན་ཁྲི་པ་ཚེ་སྨོན་གླིང་པ་ཐུགས་བསྐྱེད་རྨད་དུ་བྱུང་ཞིང་མཛད་སྒོ་ཚང་མ་དགོངས་མཐུན་ཐོག བསྟན་དགྲ་རྒྱ་དམག་ནས་ཚུར་རྒོལ་དམག་ཟིང་སྐབས་ཀྱང་གཞན་དྲིང་མི་འཇོག་པའི་ཐབས་ཤེས་ཟབ་མོས། འཕྲུལ་སྣང་གི་གཙུག་ལག་ཁག་དང་། ཕོ་བྲང་ཡས་མས། གདན་ས་སེ་འབྲས་དགའ་གསུམ་སོགས་ལ་མེ་དགྲའི་འཚེ་བས་མ་གོས་པའི་གསུང་བཀོད་དོ་ཁུར་ཐོག །འགལ་…

ནས་ྋགོང་ས་སྐྱབས་མགོན་ཆེན་པོར་བཀའི་ཕྱག་རྒྱ་གསེར་ཐམ་ཆེན་མོ་ཕུལ་བའི་འབྲུ་དོན་དུ། འཕགས་པའི་ཡུལ་ནས་སངས་རྒྱས་ཀྱི་བཀའི་ལུང་གིས་རྒྱལ་དབང་འཇིག་རྟེན་གསུམ་མགོན་དུས་ཀུན་ས་སྟེང་ཀུན་ཁྱབ་རྒྱལ་བསྟན་ཡོངས་ལ་མངའ་དབང་བསྒྱུར་བ་ཐམས་ཅད་མཁྱེན་པ་འགྱུར་མེད་རྡོ་རྗེ་འཆང་རྒྱ་མཚོའི་བླ་མ་ལྷ་མི་ཡོངས་ཀྱི་སྤྱི་བོས་མཆོད་པའི་ཡིད་བཞིན་…

ནས་བཟུང་མི་དམངས་ཚོགས་འདུར་སྤྱི་དོན་དགེ་འདོན་སྐྱོན་བསྲང་ཞུས་ཆོག་པའི་དབང་ཆ་བསྩལ། མདོ་ཁམས་ཞི་དྲག་སྤྱི་ཁྱབ་བཀའ་བློན་བླ་མ་བྱམས་པ་བསྟན་དར་གྱིས་ཁམས་ཕྱོགས་ཤར་བྱང་གཉིས་ནས་རྒྱ་དམག་འཕྲོས་ལྷག་རྣམས་ཕྱིར་ཕུད་དེ་ས་གཙང་བཟོས། ཤིང་སྟག །སྤྱི་ལོ་༡༩༡༤པར་ྋགོང་ས་མཆོག་གི་སྐུ་ཚབ་བློན་ཆེན་བཤད་སྒྲ་བ་དཔལ་འབྱོར་རྡོ་རྗེའི་གཙོས་ག…

སྐབས་མེ་མདས་རྒྱ་ཕིབས་དང་མདའ་ཡབ་སོགས་ལ་སྐྱོན་ཆར་བྱུང་བ་རྣམས་ཉམས་གསོ་སྔར་ལས་ལྷག་པ་མཛད། ཤིང་ཡོས། སྤྱི་ལོ་༡༩༡༥པར་རྭ་སྒྲེང་གི་གདན་སར་སྐུ་འཁོར་ཧྲག་བསྡུས་ཀྱིས་ཆིབས་བཏེགས་ཏེ་གནས་གཟིགས་ཐུགས་སྨོན་དང་སྤྱི་སྒེར་གྱི་བཀའ་སློབ་རྒྱ་ཆེར་བསྩལ། དེ་སྐབས་རྭ་སྒྲེང་གི་ཤུག་པ་མིང་ཅན་ཞིག་སྐམ་འདུག་པ་སྲོག་ཤིང་དུ་དགོས་ཞེས་གྲུ་བ…

དཔལ་ཁྲོས་པ་རྡོ་རྗེ་འཇིགས་བྱེད་ཀྱི་གཞི་བསྙེན་ཆེན་མོ་གནང་བཞེད་ཀྱིས་བཅད་རྒྱ་ཚུགས་ཁར་གྲུ་འཛིན་ཕོ་བྲང་གི་ལྷོ་ཕྱོགས་སུ་ཀུ་ཤུའི་སྡོང་པོ་ཞིག་འཛུག་པ་གནང་སྟེ། འདི་སྐྱེས་ནས་མེ་ཏོག་ཤར་ན་བཞེད་དོན་མཐར་ཕྱིན་ཡོང་བའི་ལྟས་ཡིན་ཞེས་བཀའ་ཕེབས་པ་བཞིན། རིམ་པས་སྡོང་པོ་ཆེར་སྐྱེས་ཤིང་མེ་ཏོག་དང་འབྲས་བུས་བརྒྱན་པ་བྱུང་བས་ཐུགས་སྨ…

པ་བཅས་གསར་བཞེངས་དང་། བཀའ་འགྱུར། བུ་སྟོན་རིན་ཆེན་གྲུབ་ཀྱི་བཀའ་འབུམ་བཅས་ཀྱི་སྤར་ཤིང་གསར་བསྐྲུན། འཕྲུལ་སྣང་གཙུག་ལག་ཁང་ཁྱམས་ར་མདའ་ཡབ་དང་བཅས་པ་ཉམས་གསོས་དང་། གཞན་ཡང་སྔ་ཕྱི་ཅི་རིགས་པར་རྒྱ་སྟག་ར་མོ་ཆེ། ཁྲ་འབྲུག །སྤུ་རང་ཇོ་བོ། བྱང་པྲ་དུན། གྲོམ་པ་རྒྱང་། ལྷོ་བྲག་བན་པ་ཕྱག་རྡོར། སོལ་ནག་ཐང་མོ་ཆེ། གསེས་མཁར་དགུ་ཐོག…

ལ་སྲིན་བློན་བསྐོ་བཞག་མཛད། བཀྲས་ལྷུན་དགོན་འབངས་ཉམས་ཆག་མི་འབྱུང་ཆེད་གཙོ་འཛིན་དུ་ཛ་སག་བླ་མ་ངོ་ལས་བསྐོ་རྫོང་བསྩལ། མེ་སྟག སྤྱི་ལོ་༡༩༢༦པར་ཆབ་མདོ་རུ་ཚ་མཁན་ཆུང་མགོན་པོ་བསོད་ནམས་གཞུང་དོན་ཚོང་སྤྱི་ཡིན་ཞེས་སྤུ་ཡུལ་ཡོངས་རྫོགས་ནས་པདྨ་བཀོད་ཀྱི་རིན་སྤུངས་བར་དུ་ཕེབས་བསྐྱོད་ཀྱིས་མི་མང་ལ་བརྡབ་བསིག་ཤིན་ཏུ་ཆེ་བ་བྱུང་སྟ…

སྟོངས། འདིར་གཏེར་སྟོན་རྡོ་རྗེ་དྲག་སྔགས་ཀྱི་ལུང་བྱང་དུ། བོད་ཁམས་མི་བདེ་འབྱུང་བའི་སྣ་འདྲེན་དུ༔ འགོང་པོའི་འཕྲུལ་གྱིས་ཤར་གྱི་རྒྱལ་སྒོ་ཕྱེ༔ སྤུ་ཀོང་ཞབས་བརྡོལ་རྒྱ་ཡི་སྟག་ཟམ་འཛུགས༔ རོང་གི་ལམ་ནས་སྒམ་གྱི་གནས་མགྲོན་འབྱུང་༔ གཡེར་མ་ཐང་དུ་རྒྱ་ཡི་བཟའ་ཁང་ཆགས༔ རྒྱ་གྲོག་དམར་པོའི་ཚང་ཁ་བོད་དུ་བརྡོལ༔ ཞེས་གསུངས་པའི་ཐོག་…

དང་། བར་ལམ་སྐུ་ཕྲེང་ཁ་ཤས་ཀྱི་སྐབས་མི་ཆེན་འགའ་ཞིག་ནས་གྲུབ་མཐའི་ཁ་འཛིན་ཕྱོགས་ཁྱེར་དབང་གིས་གུ་རུའི་རྣམ་འཕྲུལ་གཏེར་སྟོན་དང་གཏེར་ལུང་དང་ལེན་མ་མཛད་སྟབས་སྐུ་ཚེ་མཛད་འཕྲིན་མཐར་ཕྱིན་མ་བྱུང་བར་གཟིགས་ཏེ། རྒྱལ་མཆོག་འདི་ཉིད་ནས་གཏེར་སྟོན་ལས་རབ་གླིང་པ་བསོད་རྒྱལ་ལུང་བསྟན་དུས་བབས་ཀྱི་རྟེན་འབྲེལ་བདག་གིར་མཛད་ནས། ཟབ་ཆོས…

ཡུལ་འབྱུང་༔ དེ་ཡང་བདུད་འཇོམས་སྤྲུལ་པ་དང་༔ ཐུགས་མཐུན་རྟེན་འབྲེལ་མ་ལོག་ན༔ མེ་བྱི་ལོ་པའི་རྟེན་སྐལ་མཆོག༔ རྟ་ཕག་བླ་རྡོ་སྲོག་རྫས་གཏེར༔ ནང་རྒྱུད་གསུམ་སོགས་ཆོས་ཀྱི་གཏེར༔ མ་ཉམས་ལག་ཏུ་འབྱོར་པ་དང་༔ སྒྲུབ་སྤེལ་རྟེན་འབྲེལ་ལེགས་འགྲིགས་ཚེ༔ རྒྱལ་རྗེ་ཁྱད་པར་བོད་ཁམས་ཀྱི༔ བསྟན་འགྲོ་བདེ་བར་གནས་པ་དང་༔ དངོས་གྲུབ་ཐོབ་པའི་…