སྦྱང་བྱ་སྡི༷ག་ལྟུང༷་སྟོབ༷ས་དང་ལྡན༷་པ་རེ་རེ༷་ཙམ་ལ་སྤྱོད༷་ན༵། དེའི་གཉེན་པོར་སྦྱོང་བྱེད་ལ་ཆེ་ཐང་གིས་འབད་དུ་ཟིན་ཀྱང་རྒྱུད་ཉེས་པའི་སྒྲིབ་པ་དེ་རྣམ་གྲོལ་གྱི་ས༷་གོང་མའི་ཡོན་ཏན་ཐོ༷བ་པ་ལ་ཡུ༷ན་རིང་དུ༷་འགྱང་སྟེ་འགོ༷ར་བ༷ས་ན་ལྟུང་བ་ཕྲ་ཞིང་ཕྲ་བའང་མི༷ག་གི་འབྲས་བུ་ལྟར༷་གཅེས་སྤྲས་ཀྱིས་བསྲུ༷ང་དགོས་ཏེ། ཉེས་པ་ཆུང་ངུས་ཀྱ…

ལས། མ་མཐོང་བཞིན་དུ་སྡིག་པ་བྱེད་ན་ཡང་། །དུག་ཟོས་བཞིན་དུ་བདེ་བར་མི་འགྱུར་ཏེ། །ལྷ་དང་རྣལ་འབྱོར་ཅན་གྱི་མི་དག་གི། །རྣམ་དག་མིག་གིས་མི་མཐོང་མི་སྲིད་དེ། །ཞེས་པ་ལྟར། ཉེས་པ་ལྐོག་ཏུ་བྱས་ཀྱང་ས་བླའི་ལྷ་རྣམས་ཀྱིས་བསྒྲགས་པས། གཏམ་ངན་ཕྱོགས་ཐམས་ཅད་དུ་ཁྱད། འཇིག་རྟེན་ལྷ་དང་བཅས་པས་ཁྲེལ་ཞིང་བརྙས། མཁན་པོ་དང་སློབ་དཔོན་གྱི་…

ཡོད་པའི་སྒོ་ནས་ནན་ཏན་དུ་གསོ་བ་ལ་བརྩོན་པར་བྱའོ། །ལྔ་པ་བསྲུང་བའི་ཕན་ཡོན་ལ་གསུམ། ཚུལ་ཁྲིམས་ཙམ་གྱི་ཕན་ཡོན། སོ་ཐར་གྱི་སྡོམ་པའི་ཕན་ཡོན། དེ་ཡོན་ཏན་ཐམས་ཅད་ཀྱི་གཞི་རྟེན་དུ་འགྱུར་བའི་ཕན་ཡོན་ནོ། །དང་པོ་ཚུལ་ཁྲིམས་ཙམ་གྱི་ཕན་ཡོན་ནི། ཕན་ཡོན་ནད་དང་རྒྱལ་པོའི་ཆད་ཕྱིར་བླངས། །རྐྱེན་འགའ་སེལ་ཀྱང་འཇིགས་སྐྱོབ་ཚུལ་ཁྲིམས་ཡིན…

ཕན་ཡོན་ནི། ངེས་པར་འབྱུང་བའི་ཚུལ་ཁྲིམས་སྡོམ་ལྡན་ན། །དགྲ་བཅོམ་ཐོབ་པ་དགའ་བོའི་རྣམ་ཐར་བཞིན། །ཞེས་པ་སྟེ། དེས་ན་འཁོར་བ་ལས་ངེ༷ས་པ༷ར་འབྱུང༷་བ༷་མྱང་འདས་གསུམ་གང་རུང་ཐོབ་པར་འདོད་པ༷འི་བསམ་པས་ཟིན་པའི་རིགས་བརྒྱད་གང་རུང་གི་ཚུ༷ལ་ཁྲི༷མས་བླངས་ནས་སྡོམ༷་པ་མ་ཉམས་པར་བསྲུང་བ་དང་ལྡན༷་ན༵་དགྲ༷་བཅོ༷མ་པ་སོགས་མྱང་འདས་གསུམ་གང་དོ…

ནོར་བདུན་གྱིས་ཕྱུག་པ་དང་། འགྱོད་པ་མེད་པར་འཆི་བའི་དུས་བྱས་ནས། སྐྱེ་བ་ཕྱི་མར་ཕམ་པ་བསྲུངས་པས་གཞན་འཕྲུལ་དབང་བྱེད། དགེ་འདུན་ལྷག་མས་འཕྲུལ་དགའ། སྦོམ་པོས་དགའ་ལྡན། ལྟུང་བྱེད་ཀྱི་འཐབ་བྲལ། སོར་བཤགས་དང་ཉེས་བྱས་རྣམས་བསྲུང་པས་རི་རབ་ལ་གནས་པའི་ལྷའི་གནས་སུ་སྐྱེ་བར་འགྱུར་ཞིང་། མཐར་ཐུག་འགྱོད་པ་མེད་པའི་ཚུལ་ཁྲིམས་རྣམ་པར…

གསོག་ཅིང་སངས་རྒྱས་འབྲས་བུ་འགྲུབ། །ཅེས་སོ། །གསུམ་པ་ཡོན་ཏན་ཐམས་ཅད་ཀྱི་གཞི་རྟེན་དུ་འགྱུར་བའི་ཕན་ཡོན་ནི། སྐྱབས་གསུམ་འཛིན་སོགས་ཡོན་ཏན་ཕྱི་མ་མཆོག །སྔ་མ་ཕྱི་མའི་ཐུན་མོང་ལམ་ཡིན་ཕྱིར། །སེམས་བསྐྱེད་སྔགས་ཀྱི་གདུལ་བྱའང་དེ་དང་མཚུངས། །དེ་ཕྱིར་ཡོན་ཏན་ཀུན་གྱི་གཞི་རྟེན་ཡིནཞེས་པ་སྟེ། མྱང་འདས་ལ། གང་སུ་གསུམ་ལ་སྐྱབས་འགྲ…

ཚུལ་གོང་དུ་བཤད་པ་དེ༷་དག་ད༷ང་མཚུང༵ས་ཤིང་། རྒྱུ་མཚན་དེ༷་ཡི་ཕྱིར༷་ན་ངེས་འབྱུང་གི་ཚུལ་ཁྲིམས་ནི་ཐེག་པ་ཀུན་གྱི་ལུང་དང་རྟོགས་པའི་ཡོ༷ན་ཏན༷་མ་ལུས་པ་ཀུ༷ན་གྱི༷་གཞི༷་རྟེ༷ན་དུ་འགྱུར་བ་ཡི༵ན་ཏེ། བཤེས་སྤྲིང་ལས། ཁྲིམས་ནི་རྒྱུ་དང་མི་རྒྱུའི་ས་བཞིན་དུ། །ཡོན་ཏན་ཀུན་གྱི་གཞི་རྟེན་ལགས་པར་གསུངས། །ཞེས་སོ། །མདོར་ན་སྔོན་བསྟན་པ…

འདུལ་བ་སོ་ཐར་གྱི་རིམ་པར་ཕྱེ་བ་སྟེ་གཉིས་པའོ། །ཞེས་པ་སྟེ། བསྟན་བཅོས་འདི་ལ་ལེའུ་ལྔ་ལས། བརྗོད་བྱ་འདུ༷ལ་བ༷་སྤོང་འཇུག་གི་ཚུལ་ཁྲིམས་ཉིད། རྗོད་བྱེད་ཀྱི་འདུལ་བ་ལ་ཕ་མའི་འབྱེད། ལུང་གི་གཞི། ལུང་བླ་མ། ལུང་ཕྲན་ཚེགས་ཏེ། ལུང་སྡེ་བཞིའི་སྒོ་ནས། ཉན་ཐོས་དང་ཐུན་མོང་བའི་བསྟན་པའི་ཉམས་ལེན་སོ༷་ཐར༷་གྱི༷་རི༷མ་པར༷་ཕྱེ༷་བ༷་སྟེ༷…

རྣམས་སྲིད་པ་འཁོར་བ༷འི་སྡུག་བསྔལ་ལས་ཞི་བ་མྱ་ངན་ལས་འདས་པའི་གྲོང་དུ་འདྲེ༷ན་པར་མཛད་པའི་ཆེད་དུ། སླར་ཡང་མཛད་པ༷་བཅུ་གཉིས་ལ་སོགས་པའི་སྒོ་ནས་བླ་ན་མེད་པའི་བྱང་ཆུབ་ཆེན་པོ་བརྙེས་པའི་ཚུལ་བསྟན་ཏེ། རྒྱུད་བླ་མ་ལས། ཐུགས་རྗེ་ཆེན་པོས་འཇིག་རྟེན་མཁྱེན། །འཇིག་རྟེན་ཀུན་ལ་གཟིགས་ནས་ནི། །ཆོས་ཀྱི་སྐུ་ལས་མ་གཡོས་པར། །སྤྲུལ་པའི་…

ཐེ༷ག་པ་ཆེ༷ན་པོའི་རི༷གས་ཅན༷་ལྷ་ཀླུ་མི་དང་ལྷ་མ་ཡིན་དྲི་ཟ་སོགས་ཐུན་མོང་བའི་འཁོར་དང་། ཐུན་མོང་མ་ཡིན་པའི་འཁོར་ས་ཆེན་པོ་ལ་བཞུགས་པའི་བྱང་ཆུབ་སེམས་དཔའ་དཔག་ཏུ་མེད་པ་ལ༵། ཆོས་ཕུན་སུམ་ཚོགས་པ་ཤིན་ཏུ་རྒྱས་པའི་སྡེ་སྣོད་ལྷག་པ་སེམས་ཀྱི་བསླབ་པ་གཙོ་བོར་སྟོན་པ་ལས་བརྩམས་ཏེ་མདོ་སྡེའི་འདུལ་བ་བྱང་སེམས་ཀྱི་སྡོམ་པའི་མཚམས་རྣམ…

རྣམ་གྲངས་སྟོན་པ་ལེགས་པ་རྣམ་པར་ཕྱེ་བའི་ཆོས་འཁོར་ཏེ། ཚིག་དོན་ཤི༷ན་ཏུ༷་ཟབ་ཅིང་རྒྱས༷་པ༷འི་སྡེ༷་སྣོད༷་དཔ༷ག་ཏུ་མེད་ཅིང་བསམ་ཡ༷ས་པ་རྣམས། དུས་ཕུན་སུམ་ཚོགས་པ་གདུལ་བྱའི་མོས་པ་བཞིན་རིམ་གྱིས་སམ་ཅིག་ཆར་དུ་གསུ༵ངས་པ་ལྟར་སྣང་བ་མཛད་དེ། མདོ་སྡེ་ཡོན་ཏན་བཀོད་པའི་རྒྱལ་པོ་ལས། ང་ཡིས་ཅི་ཡང་མ་གསུངས་པར། །སེམས་ཅན་རྣམས་ལ་ཁྱབ་བར…

དྲང་བའི་དོན། རྩོད་པའི་གཞིའི་གནས་སུ་གྱུར་པ། ཞེས་གསུངས་ཤིང་། ཐ་མའི་སྐབས་སུ། ངོ་མཚར་རྨད་དུ་བྱུང་བའི་ཆོས་ཀྱི་འཁོར་ལོ་བསྐོར་ཏེ། འཁོར་ལོ་བསྐོར་བ་འདི་ནི་བླ་ན་མ་མཆིས་པ། སྐབས་མ་མཆིས་པ། ངེས་པའི་དོན་ལགས་ཏེ། རྩོད་པའི་གཞིའི་གནས་སུ་གྱུར་པ་མ་ལགས་སོ། །ཞེས་གསུངས་པའི་ཕྱིར་རོ། །གཉིས་པ་དེ་བསྡུས་ནས་བཤད་སྒྲུབ་ཀྱིས་ཇི་ལྟར…

ལས། ཟབ་མོ་སྟོང་པ་ཉིད་ཇི་ལྟ་བའི་ཕྱོགས་རྣམས་རྗེ་བཙུན་འཇ༷མ་དཔལ་དབྱང༷ས་ཀྱིས་བཀ༷འ་བསྡུས༷་ཤིང་། དེའི་རྗེས་སུ་བཟུང་བ་རྒྱལ་བས་ལུང་བསྟན་སློབ་དཔོན་ཀླུ་སྒྲུབ༷་ཀྱིས་འཁོར་ལོ་བར་པའི་དགོངས་འགྲེལ་དུ་ཆོས་ཐམས་ཅད་རང་སྟོང་དུ་གཏན་ལ་འབེབས་བྱེད་དབུ་མ་རིགས་ཚོགས་དང་། འཁོར་ལོ་ཐ་མའི་དགོངས་འགྲེལ་གཞན་སྟོང་དུ་གཏན་ལ་འབེབས་བྱེད་བས…

ཎ་སྡེ་བརྒྱད་སོགས་མཛད་དེ། དེ་ལྟར་སྐུ༷་མཆེ༷ད་གཉིས་ཀྱིས་ལེགས་པར་བཀྲ༵ལ་བའི་སྲོལ་ཉིད་ཕྱོགས་ཀྱི་གླང་པོ། ཆོས་ཀྱི་གྲགས་པ། ཙནྡྲ་གོ་མི་ལ་སོགས་པས་བཟུང་ཞིང་། སེམས་བསྐྱེད་ཀྱི་ཕྱག་བཞེས་ཉིད་བོད་ཡུལ་འདིར་ཇོ༷་བོ༷་རྗེ༷་དཔལ་ལྡན་ཨ་ཏི་ཤས༷་སྤེལ༷་བར་མཛད་ཅིང་རིམ་པར་བརྒྱུད་པ་ནི་རྒྱ༷་ཆེ༷ན་སྤྱོད༷་པ༷འི་སྲོ༵ལ་ཡིན་ལ། རང་ཅག་སློབ་…

པ་སྟེ། བརྗོད་བྱའི་སྙིང་པོ་བྱང་ཆུབ་སེམས་ཀྱི་ངོ༷་བོ༷་ནི་སེམས་ཅན་ཐམས་ཅད་ལ་མས་བུ་གཅིག་པ་ལྟར་ཡིད་དུ་འོང་བར་མཐོང་ནས་བདེ་བ་དང་ལྡན་པར་འདོད་པའི་བྱམ༷ས་པ་ད༷ང་། དེ་དག་གི་སྡུག་བསྔལ་རྒྱུ་དང་བཅས་པ་བྲལ་བར་འདོད་པའི་སྙིང༷་རྗེ༷ས་རྒྱུད༷་བརླན་ཅིང༵་། གཞ༷ན་གྱི༷་དོ༷ན་ཁོ་ནའི་ཕྱིར་ཆེད་དུ༷་བྱ་བ་ཡང་དག་པར་རྫོགས་པའི་བྱང༷་ཆུབ༷་ཐོ…

དམིགས་པའི་སེམས་པ་ནི་སེམས་བསྐྱེད་པའོ། །ཞེས་སེམས་པ་ལ་བཞེད། འདིར་སེམས་རང་གིས་བསྐྱེད་པར་བྱ་བས་ན་སེམས་བསྐྱེད་ཅེས་པ་བྱ་བ་ལ་བཤད་ན་གཙོ་སེམས་དང་། སེམས་བསྐྱེད་པར་བྱེད་པས་ན་སེམས་བསྐྱེད་ཅེས་བྱེད་པ་ལ་བཤད་ན་སེམས་བྱུང་ཡིན་པས། གཉིས་ཀ་ལ་སེམས་བསྐྱེད་ཀྱི་སྒྲ་བཤད་དུ་ཡོད་ཅེས་གསུངས། ཀུན་མཁྱེན་ཆེན་པོས་ནི། སེམས་ནི་དོན་གྱི་…

དབྱེ་བས་གཉིས༷་གཉིས༷་ཏེ༵་ཞེས་པའོ། །གཉིས་པ་རྒྱས་པར་བཤད་པ་ལ་གཉིས། གཅིག་ནས་དྲུག་ཚན་གྱི་བར་དུ་དབྱེ་བ་དང་། ས་མཚམས་ཀྱི་དབྱེ་བའོ། །དང་པོ་གཅིག་ནས་དྲུག་ཚན་གྱི་བར་དུ་དབྱེ་བ་ནི། དང་པོ་སྟོང་ཉིད་སྙིང་རྗེའི་སྙིང་པོ་ཅན། །ཚོགས་གཉིས་བསླབ་པ་ཀུན་རྫོབ་དོན་དམ་གཉིས། །ཚུལ་ཁྲིམས་ཏིང་འཛིན་ཤེས་རབ་བསླབ་གསུམ་དང་། །ཚོགས་སྦྱོར་མོ…

སེམས་བསྐྱེད་པ་གཉིས༵་སོ། །གསུམ་ཚན་ནི། དག་པར་བྱེད་པ་ཚུལ༷་ཁྲི༷མས། གནས་པར་བྱེད་པ་ཏི༷ང་འཛི༷ན། གྲོལ་བར་བྱེད་པ་ཤེ༷ས་ར༷བ་ཀྱི་བསླབ༷་པ་གསུ༷མ་ལ་ལྟོས་ནས་སེམས་བསྐྱེད་གསུམ་མམ། ཡང་ན་ཉེས་སྤྱོད་སྡོམ་པ། དགེ་བ་ཆོས་སྡུད། སེམས་ཅན་དོན་བྱེད་དང༵་གསུམ་པོ་ལ་ལྟོས་ནས་ཀྱང་གསུམ་དུ་དབྱེ་བའོ། །བཞི་ཚན་ནི། ཚོ༷གས་སྦྱོར༷་དུ་སྟོང་ཉིད་མ…

ཉིད་ཀྱི་དོན་མངོན་སུམ་དུ་མཐོང་བའི་དང་། སྒོམ་ལམ་ན་དེ་ལྷན་སྐྱེས་ཀྱི་སྒྲིབ་པ་ལས་རྣམ་པར་གྲོལ་བཞིན་པའི་དང་། མི་སློབ་པའི་ལམ་ན་འདུས་མ་བྱས་པའི་ཡེ་ཤེས་ཇི་བཞིན་པ་མངོན་དུ་གྱུར་པ་མཐར་ཐུག་པའི་ངང་ནས་འགྲོ་དོན་ལྷུན་གྲུབ་ཏུ་འབྱུང་བ་སར་གནས་རྣམས་ཀྱིས་ཀྱང་ཇི་བཞིན་སྤྱོད་ཡུལ་དུ་མ་གྱུར་པས་ན་བསམ་གྱིས་མི་ཁྱབ་པའི་སེམས་བསྐྱེད་…

ཆུབ་དོན་གཉེར་གྱི་འདུན་པ་དང་མཚུངས་པར་ལྡན་པའི་སེམས་བསྐྱེད་ཆོས་ཅན། དཔེ་ས་ལྟ་བུ་ཡིན་ཏེ། དཀར་ཆོས་ཐམས་ཅད་བསྐྱེད་པའི་གཞིའི་དངོས་པོ་བྱེད་པ་ཆོས་མཐུན་པའི་ཕྱིར། དེ་བཞིན་དུ་སྦྱར་ཏེ། རྒྱུན་གནས་པའི་བསམ་པ་བྱང་ཆུབ་ཀྱི་བར་དུ་འགྱུར་བ་མེད་པས་གསེར་ལྟ་བུ་དང་། བསམ་པ་དེ་ལྷག་པར་གྱུར་པས་དགེ་ཆོས་གོང་དུ་འཕེལ་བས་ཟླ་བ་ལྟ་བུ་དང་…