སྐལ་བ་དང་འཚམས་པར་ལེགས་བཤད་ཀྱི་དགའ་སྟོན་འགྱེད་པ་དང་། ཟང་ཟིང་ནོ༷ར་གྱི་སྦྱིན་པ་ལ་ཟས་གོས་ཁང་ཁྱིམ་རྟ་དང་ཤིང་རྟ་ལ་སོགས་པ་གཏོང་བ་དང་། གཏོང་བ་ཆེན་པོ་ལ་བུ་དང་ཆུང་མ་རྒྱལ་སྲིད་སོགས་གཏོང་བ་དང་། བྱ་དཀའ་བའི་གཏོང་བ་ལ་རང་གི་མགོ་དང་རྐང་ལག་སོགས་གཏོང་བའོ། །འོན་ཀྱང་ཕ་དང་མ་སྦྱིན་པ་དང་། རབ་ཏུ་བྱུང་བས་ཆོས་གོས་གསུམ་སྦྱིན་པ…

ཚུལ༷་ཁྲི༷མས། དབྱེ་ན། དང་པོ་བྱང་ཆུབ་ཀྱི་སེམས་གནས་པའི་ཐབས་ཉེས་སྤྱོད་སྡོམ་པའི་ཚུལ་ཁྲིམས། གཉིས་པ་རང་རྒྱུད་ཀྱི་ཆོས་སྨིན་པའི་ཐབས་དགེ་བ་ཆོས་སྡུད་ཀྱི་ཚུལ་ཁྲིམས། གསུམ་པ་སེམས་ཅན་རྣམས་སྨིན་པའི་ཐབས་སེམས་ཅན་དོན་བྱེད་ཀྱི་ཚུལ་ཁྲིམས་ཏེ། དེ་ལྟར་ཚུལ་ཁྲིམས་རྣ༷མ་པ་གསུ༷མ་པོ་ལ་བླང་དོར་མ་ནོར་ཞིང་བསམ་སྦྱོར་དག་པའི་སྒོ་ནས་གཞ…

གྱི་འདུ་བྱེད་མ་དག་པ་ཐམས་ཅད་སྤངས་ཤིང་དག་པ་གསུམ་བསྟེན་པར་བྱའོ། །གསུམ་པ་བཟོད་པའི་ཕར་ཕྱིན་ལ། ཁོང་ཁྲོ་ཟབ་མོ་སྡུག་བསྔལ་བཟོད་པར་བྱ། །ཞེས་པས། དེ་ལ་བཟོད་པའི་ངོ་བོ་ནི་ཁྱད་ཆོས་བཞི་ལྡན་གྱི་མི་འཁྲུག་པའི་སེམས་དགེ་བ་ས་བོན་དང་བཅས་པའོ། །སྒྲ་དོན་ནི། ཀྵནྟའི་སྒྲ་ལས་སྡུག་བསྔལ་སོགས་མི་བདེ་མི་དགའ་བའི་ཡུལ་ལ་སེམས་མི་འཁྲུགས་པ…

འབྱིན་པ་ལ་དཔྱད་བརྟེན་པ་བཞིན་ནོ། །གསུམ་པ་ནི། སྟོང་ཉིད་ལ་སོགས་པ་ཟ༷བ་མོ༷འི་དོན་ལ་མི་སྐྲག་ཅིང་གཞན་དོན་ལ་མི་སྐྱོ་བ་དང་། ཕུག་གི་བདེ་བ་བླ་ན་མེད་པའི་དོན་དུ་འཕྲལ་གྱི་སྡུག༷་བསྔ༷ལ་དམ་ཆོས་སྒྲུབ་པའི་དཀའ་སྤྱད་སོགས་ཀྱིས་མི་སྐྱོ་བར་དང་དུ་བླང་ནས་བཟོ༷ད་པ༷ར་བྱ༵་བའོ། །བཞི་པ་བརྩོན་འགྲུས་ཀྱི་ཕར་ཕྱིན་ལ། གོ་ཆ་དགེ་སྡུད་གཞན་…

པ་ལ་མི་ཞུམ་ཞིང་ཅུང་ཟད་ཙམ་གྱིས་མི་ངོམས་པ་རྐྱེན་གྱི་མི་ལྡོག་པའི་སྒོ་ནས་གུས་རྟག་གིས་བརྩོན་པར་བྱ་བ་དང་། གསུམ་པ་ནི། དོན་གཉིས་འགྲུབ་པའི་རྒྱུ་གཞ༷ན་ལ་ཕ༷ན་པའི་དངོས་པོ་སྒྲུབ་པ་ལ་སྤྲོ་བའི་སྒོ་ནས་འཇུག་པའི་བརྩོ༷ན་འགྲུ༷ས་བརྩ༵མ་པའོ། །ལྔ་པ་བསམ་གཏན་གྱི་ཕར་ཕྱིན་ལ། འཇིག་རྟེན་འཇིག་རྟེན་འདས་པའི་བསམ་གཏན་བསྒོམ། །ཞེས་པས། ད…

དགེའི་བསམ་གཏན་ཞེས་བྱ་བ་དེ་རྣམས་སོ། །དྲུག་པ་ཤེས་རབ་ཀྱི་ཕར་ཕྱིན་ལ། ཐོས་བསམ་སྒོམ་པའི་ཤེས་རབ་ཟབ་མོ་སྤྱད། །ཞེས་པས། དེ་ལ་ཤེས་རབ་ཀྱི་ངོ་བོ་ནི་ཁྱད་ཆོས་བཞི་ལྡན་གྱི་ཆོས་རབ་རྣམ་པར་འབྱེད་པའི་སེམས་པ་དགེ་བ་ས་བོན་དང་བཅས་པའོ། །སྒྲ་དོན་ནི། པྲཛྙྰ་ཞེས་པའི་སྒྲ་ལས་རབ་ཏུ་རྟོགས་པའམ་རབ་ཏུ་ཁོང་དུ་ཆུད་པས་ན་ཤེས་རབ་བོ། །དབྱེ་ན…

སོགས་པའི་སྒོ་ནས་འཇལ་དགོས་ཀྱང་། འདིར་ཆོས་རྣམས་ཀྱི་གནས་ལུགས་ཇི་བཞིན་པ་ལ་ངེས་པ་ཐོབ་པའི་ཤེས་རབ་བསྐྱེད་པའི་ཕྱིར་ཡོད་པ་སྒྲོ་འདོགས་ཀྱི་མཐའ་སེལ་བྱེད་ངོ་བོ་ལ་དཔྱོད་པ་གཅིག་དུ་བྲལ། རྒྱུ་ལ་དཔྱོད་པ་རྡོ་རྗེའི་ཟེག་མ། འབྲས་བུ་ལ་དཔྱོད་པ་ཡོད་མེད་སྐྱེ་འགོག །རྒྱུ་འབྲས་གཉིས་ཀ་ལ་དཔྱོད་པ་མུ་བཞི་སྐྱེ་འགོག་སྟེ་བཞི་དང་། ཡོད་…

གསེར་བཞིན་དུ། །ལེགས་པར་བརྟག་ལ་ང་ཡི་བཀའ། །བླང་བར་བྱ་ཡི་གུས་ཕྱིར་མིན། །ཞེས་པ་ལྟར་དད་པས་འཇུག་པ་ཙམ་མ་ཡིན་པར་ཡིད་ཆེས་བསྐྱེད་པའི་ལུང་དང་། དངོས་སྟོབས་ཀྱི་རིག་པ་དང་། སྔ་ཕྱི་མི་འགལ་བ་གསུམ་གྱིས་བརྟགས་ནས་བླང་བར་བྱ་སྟེ། བཞི་བརྒྱ་པ་ལས། དོན་གང་ལུང་དང་རིག་པ་ཡིས། །ལེགས་པར་མངོན་པར་བརྗོད་པ་དང་། །སྔ་ཕྱི་འགལ་བ་མེད་པ་སྟ…

སོ་སོར་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །ཞེས་སོ། །དེ་ལྟར་བཞག་པས་སྤྲིན་དེངས་པ་ན་ཉི་མའི་དཀྱིལ་འཁོར་གསལ་བ་ལྟར་མཉམ་བཞག་གི་རིག་ངོ་ན་ངོས་བཟུང་གང་རུང་དུའང་མ་གྲུབ་པའི་བློ་བྲལ་གྱི་ཡེ་ཤེས་རང་གསལ་རྗེན་པར་གནས་པ་ནི་སེམས་ཀྱི་རང་བཞིན་འོད་གསལ་བ་ཁོང་ནས་ཤར་བ་སྟེ། དེ་ལ་ཡང་ཡང་གོམས་པའི་སྟོ…

དང་པོ་མདོར་བསྟན་པ་ནི། སེམས་ཅན་དོན་བྱེད་ཚུལ་ཁྲིམས་བསྡུ་དངོས་གཞི། །ཞེས་པས། སེ༷མས་ཅ༷ན་རྣམས་ཀྱི་དོ༷ན་བྱེད༷་པའི་ཚུལ་ཁྲི༷མས་ནི་ཕྱིན་དྲུག་གིས་རང་རྒྱུད་སྨིན་པར་བྱས་ནས་རང་དོན་ཡིད་བྱེད་ཀྱི་བློ་དང་མ་འདྲེས་པར་བསྡུ༷་བའི་དངོ༷ས་པོ་བཞི༵་ཡི་སྒོ་ནས་གདུལ་བྱ་རྣམས་ཀྱི་དོན་བྱེད་པའོ། །གཉིས་པ་རྒྱས་པར་བཤད་པ་ནི། ཐོག་མར་སྦྱིན…

བློ་འབྲིང་གསུམ་ལ་བྱ་སྤྱོད་རྣལ་འབྱོར་གསུམ་དང་། བློ་རབ་གསུམ་ལ་བསྐྱེད་རྫོགས་རྫོགས་ཆེན་གསུམ་སྟེ། ཐེ༷ག་པ༷་རི༷མ་པ་དགུ༷ར་རིམ་གྱིས་དཀྲི༷་བ༷་ནི་དོ༷ན་སྤྱོད༷་པ་ལ་བཤད་དེ༵། པདྨ་སྤུངས་པ་ལས། སྦྱིན་པའི་གཡབ་མོས་ལེགས་པོས་ཏེ། །སྙན་པར་སྨྲ་བའི་ཚིག་གིས་བསུ། །དོན་མཐུན་པ་ཡི་བག་ཕབ་སྟེ། །དོན་སྤྱོད་གྲོས་ཆེན་གདབ་པར་བྱ། །ཞེས་སོ…

རང་རྒྱུད་ལ་མ་སྐྱེས་པ་ཀུན༷་བསྐྱེད་པ་ལ་སློབ༷་ཅིང་སྐྱེས་པ་རྣམས་གོང་དུ་སྤེལ་བ་དང་། མི༷་མཐུ༷ན་པའི་ཕྱོགས་མི་དགེ་བ་མཐ༷འ་དག༷་མི་བསྐྱེད་ཅིང་སྐྱེས་པ་རྣམས་སྤང༵ས་པ་དང་། དེ་ཡང་དུས་རྟག༷་ཏུ༷་བསླབ་པ་བསྲུང་སེམས་མི་བརྗེད་པའི་དྲ༷ན་པ་ད༷ང་། རང་རྒྱུད་ལ་ཉེས་པ་བྱུང་མ་བྱུང་རྟོག་པའི་ཤེ༷ས་བཞི༷ན། འཇུག་ལྡོག་གི་གནས་མི་འཆོལ་བར་གཟ…

སྒོ་ནས༷་ཀྱང་སྨོ༷ན་ལ༷མ་འདེ༵བས་པར་བྱའོ། །གསུམ་པ་དོན་བསྡུ་བ་ལ་གཉིས། མཁས་པ་གཞན་གྱི་བཞེད་པ་ཟློས་པ་དང་། རང་གི་བཞེད་པ་འགོད་པའོ། །དང་པོ་མཁས་པ་གཞན་གྱི་བཞེད་པ་བཟློས་པ་ནི། མཁྱེན་རབ་དབང་ཕྱུག་ཀློང་ཆེན་རབ་འབྱམས་ནི། །སྨོན་པའི་བསླབ་བྱ་ཚད་མེད་བཞི་སྒོམ་ཞིང་། །འཇུག་པའི་བསླབ་བྱ་ཕ་རོལ་ཕྱིན་དྲུག་སྤྱོད། །བསྡུ་ན་དཀར་ནག་ཆོས…

ཞེས༷་གསུང༵ས་སོ། །གཉིས་པ་རང་གི་བཞེད་པ་འགོད་པ་ནི། འདིར་ནི་ཕན་དང་བདེ་བ་རྣམས་བྱ་ཞིང་། །འདིར་ཡང་མི་ཕན་ཕྱི་མར་གནོད་པ་སྤངས། །སྲོལ་གཉིས་བསླབ་བྱར་འདུས་མེད་ཅེས་སྨྲ། །ཞེས་པ་སྟེ། གཞན་ཡང་བྱམས་པས་ཀུན་ནས་བསླངས་ཏེ་གང་ཅི་སྤྱོད་ཀྱང་རུང་། རང་གཞན་ལ་ཚེ་འདི༷ར་ནི༷་ཕ༷ན་པ་ད༷ང་། ཕྱི་མ་ཕན་ཆད་མཐར་ཐུག་ཏུ་བདེ༷་བ༷་བསྒྲུབ་པའི་རྒྱུ…

ནོ། །གསུམ་པ་སྡོམ་པ་སྐྱེ་བའི་རྟེན་ནི། སྐྱེ་བའི་རྟེན་ནི་ལྷ་ཀླུ་འཕྲོག་མ་སོགས། །སྡིག་ཅན་ལ་ཡང་སྐྱེ་བར་ཀླུ་སྒྲུབ་བཞེད། །ཐོགས་མེད་དེ་རྟེན་སོ་ཐར་དགོས་ཞེས་གསུངས། །སྤྱིར་ན་སངས་རྒྱས་ཆོས་ལ་དད་བྱེད་ཅིང་། །འབྲས་བུ་བླ་མེད་བྱང་ཆུབ་ལ་དད་ཅིང་། །རྒྱལ་སྲས་སྤྱོད་པ་རྒྱ་མཚོར་དད་བྱེད་ན། །བྱང་སེམས་སྐྱེ་བར་དཀོན་མཆོག་ཏྰ་ལར་གས…

འཕགས་པ་ཐོ༷གས་མེ༷ད་ཀྱི་ལུགས་ལྟར་ན་འཇུག་སྡོམ་མ་ཐོབ་པ་ཐོབ་པར་བྱེད་པ་དེ༷འི་རྟེ༷ན་གླིང་གསུམ་གྱི་སྐྱེས་པ་བུད་མེད་མཚན་དོན་བྱེད་ནུས་པ་ཞིག་དགོས་ཏེ། སོ༷་ཐར༷་རིགས་བདུན་གྱི་སྡོམ་པ་གང་རུང་འཇུག་སྡོམ་གྱི་རྟེན་དུ་འགྲོ་དགོ༷ས་པའི་ཕྱིར་ཞེ༷ས་གསུ༵ངས་པས་སོ། །དེས་ན་སྲོལ་གཉིས་པོ་ལ་རྟེན་རྒྱ་ཆེ་ཆུང་དང་འཇུག་སྒོ་ཡངས་དོག་སོགས་ཡ…

འདོད་ཀྱི་འདུན་པ་དང་ད༷ད་པར་བྱེད༷་ན༵་བྱང༷་ཆུབ་ཀྱི་སེ༷མས་སྐྱེ༷་བ༷ར་དཀོ༷ན་མཆོ༷ག་ཏྰ༷་ལ༷འི་མདོར༷་གསུ༵ངས་ཏེ། ཇི་སྐད་དུ། རྒྱལ་དང་རྒྱལ་བའི་ཆོས་ལ་དད་གྱུར་ཅིང་། །བྱང་ཆུབ་བླ་ན་མེད་ལའང་དད་གྱུར་ལ། །རྒྱལ་སྲས་རྣམས་ཀྱི་སྤྱོད་ལའང་དད་བྱེད་ན། །བློ་དང་ལྡན་པ་རྣམས་ཀྱི་སེམས་སྐྱེའོ། །ཞེས་སོ། །གནས་པའི་རྟེན་ནི་གང་ལ་སྐྱེས་པའི་…

པ་དང་། མིང་དོན་ཤོར་བ་ལ་སོགས་པ་ཚེ་འདིར་འབྱུང་བར་མ་ཟད་ཕྱི་མ་དམྱལ་བ་ཆེན་པོར་སྐྱེ་བའི་རྒྱུར་འགྱུར་ཏེ། བསླབ་བཏུས་ལས། དགེ་བའི་རྩ་བ་ལྟུང་བ་དེ། །སེམས་ཅན་དམྱལ་བ་ཆེན་པོའི་རྒྱུ། །ཞེས་སོ། །ཁྱད་པར་བྱང་སྡོམ་ཕུལ་བ་ནི་ཉེས་པ་ཤིན་ཏུ་ལྕི་སྟེ། སྤྱོད་འཇུག་ལས། བླ་ན་མེད་པའི་བདེ་བ་ལ། །བསམ་པ་ཐག་པས་མགྲོན་གཉེར་ན། །འགྲོ་བ་ཐམས་…

པའོ། །དང་པོ་ལྟུང་བའི་རྣམ་གཞག་མུ་བཞིར་བསྟན་པ་ནི། གང་གི་རིགས་དང་མི་རིགས་མ་བརྟགས་པར། །རྩོམ་མམ་ལྡོག་གམ་བཏང་སྙོམས་འཇོག་ཀྱང་རུང་། །འོས་ལས་འདས་བྱེད་ཐམས་ཅད་ལྟུང་བའི་སྡེ། །དོན་ཆེན་བསྒྲུབ་ལ་ཆུང་བཏང་གཟུགས་བརྙན་ཏེ། །ནུས་པའི་ཡུལ་མིན་ཐམས་ཅད་ལྟུང་བ་མེད། །མི་ནུས་དེར་བརྩོན་དེ་ཡི་གཟུགས་བརྙན་ཡིན། །ཅེས་པ་སྟེ། གང་ཟག་ག༷ང…

ཆེད་ལ༷་དེ་བས་དོན་ཆུང༷་བ་སྦྱིན་པ་གཏོང་བ་བཤོལ་ཏེ་བཏ༷ང་བ་ལྟ་བུ་ལྟུང་བའི་གཟུ༷གས་བརྙན༷་ཏེ༵་དོན་ལ་ལྟུང་མེད་དང་། ལས་དང་པོ་པས་མགོ་སོགས་གཏོང་བ་ལྟ་བུ་རང་གི་ནུས༷་པ༷འི་ཡུ༷ལ་མི༷ན་པས་ན་མི་བསྒྲུབ་པའམ་འཇུག་ལྡོག་མ་ནོར་བར་བརྩོན་པ་ཐ༷མས་ཅ༷ད་ལ་ལྟུང༷་བ༷་མེ༵ད་ཅེས་དང་། རང་རང་གི་བློ་སྟོབས་ཀྱི་མི༷་ནུས༷་བཞིན་དུ་ཡན་ལག་གཏོང་བ་ལ…