དད་གསུམ་ལྡན་པའི་སེམས་ཅན་དོན་མི་བྱེད། །སེམས་མི་བསྲུང་དང་བསླུ་བ་བཅུ་གཉིས་པ། །ཞེས་པ་སྟེ། བླ་མ་དང་དཀོན་མཆོག་གི་ཡོན་ཏན་ལ་སྤྲོ་བ་དང་བའི་དད་པ། དེ་དོན་དུ་གཉེར་བ་འདོད་པའི་དད་པ། དེ་དང་དེས་བསྟན་པའི་ཆོས་ལ་ཐེ་ཚོམ་དང་བྲལ་བས་ཡིད་ཆེས་པའི་ད༷ད་པ་གསུ༷མ་དང་ལྡ༷ན་པ༷འི་སེ༷མས་ཅན༷་ཆོས་འདོད་ཅིང་སྦྱིན་དུ་རུང་བ་ལ་རང་ལ་ནུས་པ་ཡོ…

འབྲེ༷ལ་ཀྱང༷་ཉན་ཐོས་ཀྱི་བསླབ་པ་ལ་འཆལ་ནས་མི་གཙང་བ་དང་ཉེས་དམིགས་ཀྱི་བསམ་པས་མི༷་བསྟེ༷ན་པ་རྩ་ལྟུང་བཅུ༷་གསུ༷མ་པ༵འོ། །བཅུ་བཞི་པ་ཤེས་རབ་མར་སྨོད་པ་ནི། སྤྱི་དང་བྱེ་བྲག་ལ་ལྟོས་ཤེས་རབ་མར། །ངོས་ལྐོག་སྙིང་ཚིམ་སྨད་གོ་བཅུ་བཞི་པ། །ཞེས་པ་སྟེ། བུད་མེད་ཀྱི་རིགས་འདི་རྣམས་གཡོ་སྒྱུ་ཆེའོ་ཞེས་པ་ལྟ་བུ་སྤྱི༷་ལ་ལྟོས་ནས་སྨོད་པ་…

རྩ་ལྟུང་ཡིན་ཞིང་། དབང་ཕྱི་མ་ཕྱི་མའི་ཚེ་ན་སྔ་མ་སྔ་མ་ཐུན་མོང་དང་། དབང་རང་སྐལ་གྱི་དེ་ཉིད་ཐུན་མིན་དུ་འགྱུར་རོ། །དེས་ན་བུམ་དབང་ཙམ་ཐོབ་པས་རང་འགལ་བའི་དགུ་པོ་སྤྱད་ན་རྩ་ལྟུང་དུ་འགྱུར་གྱི། དེ་ལས་གཞན་པ་ལྔ་ལ་སྤྱད་ཀྱང་རྩ་ལྟུང་དངོས་སུ་མི་འགྱུར་ཏེ། དེ་སྤོང་བའི་སྡོམ་པ་མ་ཐོབ་པའི་ཕྱིར་རོ། །བཞི་པ་ཡན་ལག་སྦོམ་པོའི་ལྟུང་…

སྟོབས་བདུད་རྩི་ལེན། །སྣོད་ལྡན་སློབ་མར་གསང་སྔགས་མི་སྟོན་དང་། །དད་ལྡན་ཆོས་འདྲི་བ་ལ་ཆོས་གཞན་སྟོན། །ཉན་ཐོས་ནང་དུ་ཞག་བདུན་ལོངས་པར་བསྡད། །རྣལ་འབྱོར་ཡེ་ཤེས་མི་ལྡན་སྔགས་པར་རློམ། །སྣོད་མིན་ལ་བཤད་ཡན་ལག་ལྟུང་བ་བརྒྱད། །ཅེས་པ་སྟེ། དབ༷ང་མ་ཐོབ་པ་ད༷ང་ད༷མ་ཚི༷ག་དང་མི་ལྡན་པ་རྒྱུད་མ༷་སྨི༷ན་པའི་རི༷ག་མ༷་བསྟེན༵་པ་ཙམ་དང་། …

འབྱོར༷་པ་རང་ཉིད་དེ་ཁོ་ན་ཉིད་ཀྱི་ཡེ༷་ཤེ༷ས་དང་མི༷་ལྡ༷ན་བཞིན་དུ་ང་ནི་སྔ༷གས་འཆང་རྡོ་རྗེ་འཛིན་པ་ཡིན་པ༷ར་སྨྲ་ཞིང་རློམ༵་པ་དང་། ཚོགས་བཤད་ཙམ་ལས་མན་ངག་སློབ་བཤད་སྟོན་པའི་སྣོད༷་མི༷ན་པ་ལ༷་ཟབ་དོན་རྗེན་པར་བཤ༷ད་པ་སྟེ་དེ་རྣམས་ནི་ཡ༷ན་ལ༷ག་གི་ལྟུང༷་བ༷་བརྒྱད༵་དོ། །གཉིས་པ་རྣམ་གྲངས་གཞན་བཤད་པ་ནི། བསྙེན་སོགས་མ་བྱས་དབང་རབ་ལས…

ནི་སྦོམ་པོའོ། །གསུམ་པ་དོན་བསྡུ་བ་ནི། །ཞེས་སོགས་སྦོམ་པོའི་ལྟུང་བ་དུ་མ་རྣམས། །ཡོད་ཀྱང་ཉེས་པ་ཆུང་ཞེས་དུས་འཁོར་བཤད། །ཅེས་པ་སྟེ། ཞེ༷ས་བཤད་པ་ལ་སོ༷གས་པའི་སྦོམ༷་པོ༷འི་ལྟུང༷་བ༷་ངོས་འཛིན་དང་། གོ་རིམ་དང་། གྲངས་མ་ངེས་པ་དང་། ཡན་ལག་གང་རུང་མ་ཚང་བའི་ཉེས་བྱས་སོགས་དུ༷་མ༷་རྣམ༵ས་ཡོ༷ད་ཀྱང༷་ཉེ༷ས་པ༷་ཆུང༷་བའི་ཚུལ་ཇི་སྐད་དུ…

ཇི་ལྟར་དམ་བཅས་པ་ལས་འདའ་བར་བྱ་བ་མ་ཡིན་པས་ན། ཀུན་འདུས་ལས། འདའ་དཀའ་རྡོ་རྗེའི་དམ་ཚིག་གཏན་གྱི་གཉེར། །ཞེས་སོ། །དེ་ལ་བསྲུང་མ་བསྲུངས་ཀྱི་ཁེ་ཉེན་གྱི་དམ་ཚིག་ཏུ་བཞག་པའང་ཡོད་དེ། ཧེ་རུ་ཀ་འདུས་པའི་རྒྱུད་ལས། མི་འདའ་དམ་པ་མཆོག་གྱུར་པ། །འདས་པར་གྱུར་ན་ཚིག་པར་བཤད། །ཅེས་སོ། །དབྱེ་ན་སྔ་འགྱུར་གྱི་རྒྱུད་སྡེ་ཐུན་མོང་མ་ཡིན་པ…

དང་བླང་གཉིས་ལས་གཞན་མེད་ཅིང་། ལུང་ཐམས་ཅད་ཀྱི་རྩ་བ་སྤྱི་མདོ་དགོངས་པ་འདུས་པ་ལས་རྩ་བའི་དམ་ཚིག་གསུམ་དང་ཡན་ལག་ཉེར་ལྔ་བཤད་པ་ལས་སྔ་མའང་འདིར་བཤད་པར་འདུ་ཞིང་། ཕྱི་མའང་ཉེར་ལྔ་པོ་འདིར་བཤད་པ་དང་དོན་གཅིག་པས་དེས་ན་བསྟན་བཅོས་འདིར་ནི་མན་ངག་ཨ་ཏི་ཡོ་གའི་དམ་ཚིག་རྣམས་བསྟན་ཏོ། །གསུམ་པ་ལྷག་པའི་དམ་ཚིག་ནི་འོག་ཏུ་འཆད་པར་འགྱུ…

ཅིར་སྣང་ཡེ་ཤེས་ཆེན་པོའི་རོལ་པ་འབའ་ཞིག་ཏུ་འཆར་བ་ནི་བསྲུང་དུ་མེད་པ་གཅིག་ཅར་བའི་དམ་ཚིག་གི་ཐ་སྙད་དུ་བཞག་པའོ། །གཉིས་པ་བསྲུང་མཚམས་ཅན་རིམ་གྱིས་པའི་དམ་ཚིག་ནི། དེ་ལྟ་བུའི་གདམས་ངག་ཟབ་མོ་ཐོབ་ཀྱང་ཉམས་ལེན་གྱི་ངོས་ནས་རྟོགས་གོམས་ཀྱི་གདིང་ཚད་མ་ལོངས་པའི་གང་ཟག་དད་བརྩོན་ཤེས་རབ་ཅན་ཐུན་མོང་གི་འཇུག་སྒོར་བསྲུང་མཚམས་ཅན་རིམ…

སྨོད་པ། ཆོས་དང་གང་ཟག་ལ་སྨོད་པ། རང་ལུས་ལ་བརྡེག་བཙོག་དང་དཀའ་ཐུབ་ཀྱིས་བརྙས་ཤིང་གདུང་བ་རྣམས་སྤང་བ་སྐུའི་ནང་གི་གསུམ་དང་། རྡོ་རྗེ་སྤུན་སྲིང་གི་ལུས་ལ་བརྡེག་གམ་བརྡེག་པར་གཟས་ཤིང་རྒྱན་ལ་སྨོད་པ། བླ་མའི་ཡུམ་ལ་གཙེས་པ། བླ་མའི་སྐུའི་གྲིབ་མར་འགོངས་པ་དང་སྤྱན་སྔར་ལུས་ངག་གི་སྤྱོད་པ་བག་མེད་པ་རྣམས་སྤོང་བ་སྐུའི་གསང་བའི་ད…

སྤངས་པ་རྣམས་ཐུགས་ཀྱི་ནང་གི་དང་། ཉིན་ཞག་གི་ཐུན་རེ་རེ་བཞིན་ལྟ་སྒོམ་སྤྱོད་གསུམ་ཡིད་ལ་མ་བྱས་པ། ཡི་དམ་གྱི་ལྷ་ཡིད་ལ་མ་བྱས་པ་དང་། བླ་མའི་རྣལ་འབྱོར་དང་། མཆེད་ལྕམ་ལ་བརྩེ་གདུང་ཡིད་ལ་མ་བྱས་པ་རྣམས་སྤང་བ་ཐུགས་ཀྱི་གསང་བའི་དམ་ཚིག་སྟེ་ཉི༷་ཤུ༷་རྩ༷་བདུ༷ན་ད༵ང་། ཞེས་སོ། །གཉིས་པ་ཡན་ལག་གི་དམ་ཚིག་བཤད་པ་ལ་གཉིས། མདོར་བསྟན་པ…

པ་ལེ༷ན་པ་ད༷ང་། རྫུན༷་དུ་སྨྲ་བ་རྣམ་སྔར་ལྟར་ལ། གདུལ་བྱ་མ་རུང་བའི་རྒྱུད་འཆོས་པའི་ཕྱིར་ཞེ་གཅོད་ཀྱི་བརླང་ཚིག་ང༷ག་འཁྱལ༷་སྨྲ་བ་རྣམས་དང་། སྦས་དོན་དུ་རླུང་རྟོག་དབུ་མར་གསོད་པ་དང་། ཁ་སྦྱོར་ལས་ཞུ་བདེ་འགྱུར་མེད་དུ་སྒྲུབ་པའི་འདོད་སྤྱོད་དང་། བཙུན་མོའི་ཤུ་ཏྲ་མ་བྱིན་པར་ལེན་པ་དང་། འཁོར་བ་མེད་སྣང་ལས་སྒྲོལ་བའི་རྫུན་ཚིག…

ཡིན་པས་ཀྱང་མི་སྤང་སྟེ། རྣ་བར་ཆུ་ཞུགས་པ་ཆུས་འགུགས་པ་བཞིན་ཏེ། རྒྱ་མཚོ་ལས། ཉོན་མོངས་ལམ་ནི་དག་པ་ཆེ། །ཐབས་ཀྱི་འདོད་ཡོན་རྒྱན་གྱི་མཆོག །ཐམས་ཅད་ཐམས་ཅད་རོལ་པ་ཡིས། །མྱུར་དུ་ཧེ་རུ་ཀ་དཔལ་འགྱུར། །ཞེས་སོ། །ཉོན་མོངས་པ་ལྔ་ཡེ་ནས་རིགས་ལྔ་ཡེ་ཤེས་ལྔའི་རང་བཞིན་ཡིན་པས་ཀྱང་མི་སྤང་སྟེ། སྣུམ་འདོད་པས་ཏིལ་འབྲུ་སྒྲུབ་པ་བཞིན་ཏེ…

ཀྱིས་མི་སྤོང་བ་སྟེ། དེ་དག་ནི༷་མི༷་སྤང༷་བའི་དམ༷་ཚི༷ག་ལྔ༵འོ། །གསུམ་པ་དང་དུ་བླང་བ་ལྔ་ནི། དྲི་ཆེན་དྲི་ཆུ་རཀྟ་མཱཾ་ས་དང་། །རྡོ་རྗེ་ཟིལ་པ་དང་དུ་བླངས་པ་ལྔ། ཞེས་པ་སྟེ། དངོས་བསྟན་ལྟར་ན། དྲི༷་ཆེ༷ན་དང་། དྲི༷་ཆུ༷་དང་། ར༷ཀྟ༷་དང་། མཱ༷ཾ་ས༷་ད༵ང་། རྡོ་རྗེ་ཟིལ་པ་སྟེ་བདུད་རྩི་ལྔ་པོ་དེ་ཉིད་ཆོས་ཉིད་ངོ་བོས་གྲུབ། ཆོས་ཅན་རང…

ལྔ༷་སེམས་མ། དབ༷ང་པོ༷་ལྔ༵་དང་དབང་ཤེས་ལྔ་སེམས་དཔའ། ཁ༷་དོ༷ག་ལྔ་རིགས་ལྔ༷་ཡེ་ཤེས་ལྔ་སོགས་ལྔ་ཚན་གྱི་རྟོག་ཚོགས་རྣམ༷ས་ཀྱི་རང་བཞིན་ལྷ༷་རུ༷་དག་པས་སྐུ་དང་ཡེ་ཤེས་ཀྱི་དཀྱིལ་འཁོར་དུ་ཤེས་རབ་ཀྱིས་སྒྲོ་འདོགས་བཅད་ནས་ཤེ༷ས་པར་བྱེད་པ༷་སྟེ། དེ་དག་ནི་ཤེས་བྱ་ལྟ་བའི་དམ་ཚིག་ལྔ༵འོ། །ལྔ་པ་བསྒྲུབ་པར་བྱ་བ་ལྔ་ནི། དེ་བཞིན་གཤེགས་དང…

ལྷག་པའི་དམ་ཚིག་ནི། སྤྱི་དང་ཁྱད་པར་གྱི་དམ་ཚིག་ལ་གནས་པའི་རྣལ་འབྱོར་པས་སྒྲུབ་པ་ལ་སོགས་པའི་སྐབས་སུ་བསྲུང་བྱ་ལྷག་པར་བསྟན་པའི་དམ་ཚིག་ཉི་ཤུ་ལྡེམས་དགོངས་ཀྱི་སྒྲས་བཤད་པ་སྟེ། །ཞི་རྒྱུད་ལས། གཞུང་དོན་ལྷག་པའི་དམ་ཚིག་ནི། །རབ་ཏུ་ལྷག་པར་བསྲུང་བར་བྱ། །གཅན་གཟན་རྒྱལ་པོའི་ཁྲི་མི་གཞིག །ཅེས་རྡོ་རྗེ་སློབ་དཔོན་གྱི་སྐུ་ལ་མི…

བཞིན་ནོར་བུ་མི་འབྲེག་སྟེ། །ཞེས་མཚན་ལྡན་གྱི་གཟུངས་མ་དང་སྣོད་ལྡན་གྱི་སློབ་མ་མི་སྤང་བ་དང་། ཁྱུང་ཆེན་གཤོག་པ་ཡ་མི་འབྲལ། །ཞེས་དོན་བདེ་སྟོང་དང་རྟགས་ཡབ་ཡུམ་མི་འབྲལ་བ་དང་། གནམ་ལྕགས་ངུར་མོའི་མཚོན་མི་རྡེག །ཅེས་མཆེད་ལ་ཀྱལ་ཀ་ཙམ་དུའང་ནང་འཐབ་མི་བྱེད་པ་དང་། གཅན་གཟན་རོལ་པའི་ལྷག་མི་སྤྱད། །ཅེས་གཞན་གྱིས་སྤྱད་པའི་ལྷག་མི…

པའི་དམ་ཚིག་ཡིན། ཞེས་སོ། །གསུམ་པ་དོན་བསྡུ་བ་ནི། དེ་སོགས་དམ་ཚིག་རྣམ་གཞག་མང་གསུངས་པ། རྩ་བ་ཡན་ལག་བཅས་འདིར་མ་འདུས་མེད། །མདོར་ན་རང་ལུས་རྡོ་རྗེ་གསུམ་ཤེས་ན། །སྔགས་ཀྱི་དམ་ཚིག་ས་ཡ་འབུམ་སྡེ་འདུས། །ཞེས་པ་སྟེ། གོང་དུ་ཇི་སྐད་བཤད་པ་དེ༷ས་མཚོན་ཏེ་སོ༷གས་ཁོངས་ནས་སྔར་བཤད་པའི་སྒྱུ་འཕྲུལ་གྱི་རྩ་བ་དང་ཡན་ལག་གི་དམ་ཚིག་བཅོ་ལ…

མེ༵ད་དོ། །གང་སྤྱད་ན་སྔགས་སྡོམ་གཏོང་བའི་རིགས་དང་། མི་གཏོང་ནའང་ཡན་ལག་ཉམས་པར་བྱེད་པའི་རིགས་གཉིས་སུ་འདུས་པའི་ཕྱིར་རོ། །འོ་ན་གསར་རྙིང་ཐུན་མོང་བའི་རྩ་ལྟུང་བཅུ་བཞི་དང་། སྔ་འགྱུར་བའི་ཁྱད་པར་གྱི་དམ་ཚིག་སྔར་བཤད་པ་རྣམས་མི་འགལ་ལམ་སྙམ་ན། བཅུ་བཞི་པོ་ཁྱད་པར་གྱི་རྩ་བའི་དམ་ཚིག་དེ་དག་ཁོངས་སུ་འདུས་པས་འགལ་བ་མེད་དོ། །དེ…

སྐད་ཅིག་ལ་གཅོད་པ་ལྟར་མཚན་ཉིད་ཐེག་པས་ཚེ་རབས་མང་པོར་ཚོགས་བསགས་ནས་བསྒྲུབ་དགོས་པའི་འབྲས་བུ་དེ་སྔགས་ཀྱི་ཐེག་པ་འདིར་ཞུགས་ན་ཚོགས་གཉིས་ཀྱི་བསགས་པ་སྔོན་དུ་འགྲོ་མི་དགོས་པར་མ་ཟད། ཐེག་པ་གཞན་དུ་སྤངས་པའི་གདུལ་བྱ་ཉིན༵་བཞི༷ན་བྲམ༷་ཟེ༷་གསོ༵ད་པ་དང་། མཚ༷མས་མེ༷ད་པ་ལྔ༷་བྱེ༷ད་པ་ལ༷་སོ༷གས་པའི་སྡིག་པ་ཚབ་པོ་ཆེའི་ལས་བྱེད་བཞིན་…