སྤུན་དགོངས་བྱིན་གྱིས་བརླབ། །བདེ་གཤེགས་ཉིད་ཀྱི་ཡུལ་ལ་ཞུགས། །འཇིགས་མེད་ཀུན་ཏུ་བཟང་པོར་སྦྱོར། །ཞེས་དང་། དམ་ཚིག་གསུམ་བཀོད་ལས། གསང་སྔགས་རྡོ་རྗེའི་དམ་ལ་གནས། །དེ་ཡི་སྨོན་པ་ཀུན་འགྲུབ་ཅིང་། །ལྷ་རྣམས་ཀྱིས་ཀྱང་རྟག་ཏུ་བསྲུང་། །རྒྱལ་བ་རྒྱལ་མཆོག་སྲས་བཅས་ཀྱིས། །བུ་བཞིན་དགོངས་པ་དམ་པ་མཛད། །ཏིང་འཛིན་ཡོན་ཏན་དཔག་ཡས་ཤིང…

བྱས་ཏེ་མི་སློབ་པའི་ཟུང་འཇུག་གི་སྐུར་ལྡང་ཞིང་། འབྲིང་གི་ཐ་མས་ཀྱང་སྲིད་པ་བ༷ར་དོ༷་རུ༵་རང་གི་ཉམས་ལེན་དང་བླ་མ་ལ་མོས་གུས་དང་དག་པའི་ཞིང་ཡིད་ལ་བྱས་པས་རང་བཞིན་སྤྲུལ་སྐུའི་ཞིང་དུ་དབུགས་དབྱུང་སྟེ་གྲོལ་བར་འགྱུར་རོ། །དེ་དག་གི་ཚེ་ཐོབ་བྱའི་ཡོན་ཏན་མཐའ་ཡས་པ་ཡོད་ནའང་ཐུན་མཆོག་གི་དངོས་གྲུབ་གཉིས་སུ་འདུ་བ་ཡིན་པས། ཐུ༷ན་མ༷…

བསྒྱུར། །ཞེས་པ་སྟེ། འདི་དག་ནི་བསྐྱེད་རིམ་ཁོ་ནས་ཀྱང་འགྲུབ་ནུས་པ་ཡིན་ནོ། །ཐུན་མོང་ཞེས་པའི་དོན་ནི་ཡོན་ཏན་འདི་དག་ཕྱི་རོལ་པ་ལའང་ཡོད་པས་འཇིག་རྟེན་པ་དང་འདས་ལམ་གཉིས་ཀའི་ཐུན་མོང་བ་དང་བསྐྱེད་རྫོགས་གཉིས་ཀའི་ཐུན་མོང་གི་ཡོན་ཏན་ཡིན་པས་ཀྱང་དེ་སྐད་ཅེས་བྱའོ། །མཆོ༷ག་གི༷་དངོ༷ས་གྲུབ༷་ནི། སྐུ་བཞི་ཡེ་ཤེས་ལྔའི་བདག་ཉིད་མི་…

དེ༷འི་ཕྱི༷ར་ན་ར༷ང་གཞ༷ན་གྱི་དོ༷ན་གཉིས༷་ལྷུན༷་གྱིས༷་གྲུབ༵་པར་འགྱུར་རོ། །ལེའུའི་སྐབས་བསྡུ་བ་ནི། གསང་སྔགས་རིག་འཛིན་སྡོམ་པའི་རིམ་པར་ཕྱེ་བ་སྟེ་བཞི་པའོ། །ཞེས་པ་སྟེ། རྡོ་རྗེ་ཐེག་པ་ཐུན་མོང་མ་ཡིན་པའི་བསྟན་པའི་ཉམས་ལེན་གས༷ང་སྔ༷གས་རི༷ག་པ་འཛི༷ན་པའི་སྡོ༷མ་པའི་དོན་རྣམ་པར་གཞག་པ་བསླབ་བྱ་དང་བཅས་པ་བཤད་པ༷འི་རི༷མ་པ༷ར་ཕྱ༷…

པོ་དེ་རིམ་པར་ནོད་པའི་ག༷ང་ཟ༷ག་གི་རྒྱུད༷་གཅི༷ག་ལ༵་འགལ་མེད་དུ་ཉམས་སུ་ལེན་ཚུལ་གྱི་མཐའ་དཔྱད་པས་དོན་བསྡུ་བའི་ཚུལ་བཤད་པར་བྱ་སྟེ། དེ་ལ་མདོ་རྒྱུད་དགོངས་འགྲེལ་དང་བཅས་པའི་དོན་ལ་ཤེས་རབ་གསུམ་གྱིས་སློབ་པ་ཟད་མི་ཤེས་པ་མངའ་བ་གསར་རྙིང་གི་མཁས་གྲུབ་དུ་མའི་དགོངས་པ་རྨ་མེད་པ་ཉིད་གཞུང་འདིར་བཀོད་པའི་དོན་དངོས་བཟུང་བ་སྟེ། སྡོ…

ལ་གསུམ་ལྡན་དུ་བསྲུང་བ་ལ། རང་ལྡོག་མ་འདྲེས། དགག་དགོས་ཡོངས་རྫོགས། ངོ་བོ་གནས་འགྱུར། ཡོན་ཏན་ཡར་ལྡན། སྡོམ་པ་གསུམ་གནད་ཀྱི་མི་འགལ་བ། དུས་སྐབས་ཀྱི་གཙོ་བོར་གང་འགྱུར་དུ་བྱ་བ་དང་དྲུག་གོ། །ཞེས་གསུངས་པ་དང་དགོངས་པ་གཅིག་གོ། །གཉིས་པ་ཡན་ལག་རྒྱས་པར་བཤད་པའི་སྒོ་ནས་མཐའ་དཔྱད་པ་ལ་ནང་གསེས་དོན་ཚན་དྲུག་ཏུ་ཡོད་པ་ལས། དང་པོ་སྡོ…

དཔེར་ན་བསམ་པ་སེམས་བསྐྱེད་ཀྱིས་ཟིན་པས་ཆོ་ག་ཉན་ཐོས་ཀྱི་ལུགས་ལྟར་བླངས་པའི་ཐེག་ཆེན་སོ་ཐར་རམ་ཉན་ཐོས་ཀྱི་དགེ་སློང་གི་སྡོམ་པ་ཉིད་སླར་སེམས་བསྐྱེད་བླངས་པས་དེར་གནས་འགྱུར་བའི་རྒྱུད་ཀྱི་སོ་ཐར་གྱི་སྡོམ་པ་གང་ཡིན་ཀྱང་རུང་སྟེ། དེ་ལ་ཀུན་སློང་བྱང་ཆུབ་སེམས་ཀྱི་ལྡོག་པ་དང་། སྡོམ་པའི་ལྡོག་པ་གཉིས་ཡོད་པ་ལས་སྔ་མ་ཚེ་འཕོས་པའི…

ཀུན་ནས་བསླངས་པའི་མི་དགེ་བ་སྡོམ་པར་གཅིག་སྟེ། འདུལ་བ་ལུང་ལས། ཆོས་གང་ཞིག་དངོས་དང་བརྒྱུད་ནས་ཀུན་ཏུ་འདོད་ཆགས་པའི་རྒྱུར་འགྱུར་གྱི་ཀུན་ཏུ་འདོད་ཆགས་དང་བྲལ་བར་མི་འགྱུར་བ་འདི་ནི་ཆོས་མ་ཡིན། འདུལ་བ་མ་ཡིན། སྟོན་པའི་བསྟན་པ་མ་ཡིན་པར་ཤེས་པར་གྱིས་ཤིག །ཆོས་གང་ཞིག་དངོས་དང་བརྒྱུད་ནས་ཀུན་ཏུ་འདོད་ཆགས་དང་བྲལ་བའི་རྒྱུར་འགྱ…

པས་དེ་ཡེ་ཤེས་ཀྱི་རང་བཞིན་དུ་བལྟས་ཏེ་ལ༷མ་དུ༷་བྱེ༷ད་པ༷འི་ཚུལ་སོ༷་སོ༷་བ་ལྟར་སྣང་ཡ༵ང་འཆིང་བྱེད་ཀྱི་ཉོན༷་མོ༷ངས་ར༷ང་མཚ༷ན་པ་རྣམས་སྤོ༷ང་བ༷ར་མཁ༷ས་པ་རྣམ༷ས་མཐུ༵ན་ཏེ། དཔེར་ན་དྲུག་སྤོང་བ་དང་། སྨན་གྱིས་སྦྱོང་བ་དང་། སྔགས་ཀྱིས་བཏབ་སྟེ་བཟའ་བ་གསུམ་ཀས་ཀྱང་དུག་གིས་མི་གནོད་པའི་དགོས་པ་སྒྲུབ་པར་གཅིག་པ་བཞིན་ནོ། །གསུམ་པ་ངོ་…

པ༷་ཞེ༷ས་བྱ༷་བའི༷་ཚུལ༷་ཁྲི༷མས་ཡི༵ན་ལ། དེ་ཉིད་ཀྱང་དབ༷ང་ཐོབ༷་ཅིང་ཐབས་ཤེས་ཆེན་པོས་ཡོངས་སུ་ཟིན་པ་ནི་བླ་ན་མེད་པའི་བྱང་ཆུབ་ཆེན་པོར་འབད་རྩོལ་མེད་པར་ལྷུན་གྱིས་གྲུབ་པའི་རྒྱུར་རྡོ༷་རྗེ༷་འཛི༷ན་པ༷འི་སྡོམ༷་པ༷ར་འགྱུར༵་བ་དེ༷འི་ཕྱིར༷་འོག་མ་གཉིས་ཀྱི་སྐབས་སུ་རང་དོན་ཡིད་བྱེད་ཐ་མལ་སྣང་ཞེན་རེ་ཡོད་པ་བཏང་ནས་གཞན་གནོད་གཞིར་བ…

རྒྱུད་ལ་སྐྱེས་ན་འོག་མ་གཉིས་ཀྱི་དམན་སེམས་དང་། ཐ་མལ་སྣང་ཞེན་གྱི་ལྡོག་ཆ་དེ་དུས་མི་གནས་ལ། སྡོམ་པའི་ངོ་བོ་ནི་རིགས་ལྔ་སྤྱིའི་རྣམ་སྣང་གི་དམ་ཚིག་ཏུ་གནས་འགྱུར་བས་ཐ་དད་པ་མེད་དོ། །བཞི་པ་ཡོན་ཏན་ཡར་ལྡན་ནི། འཇིག་རྟེན་རྣལ་འབྱོར་རྣལ་འབྱོར་བློ་ཁྱད་ཀྱིས། །གོང་མ་གོང་མས་གནོད་ཕྱིར་འོག་མ་ཡི། ཡོན་ཏན་ཡར་ལྡན་འོག་མ་ཟིལ་གྱིས་…

ཅེས་སོ། །ལྔ་པ་གནད་ཀྱི་མི་འགལ་བ་ནི། འདུ་ཤེས་གསུམ་གྱིས་འཁྲིག་ན་རྣལ་འབྱོར་དེ། །ཡུལ་བསམ་སྦྱོར་བ་མཐར་ཐུག་མ་ཚང་བས། རྨི་ལམ་ཇི་བཞིན་གནད་ཀྱིས་འགལ་མི་སྲིད། །ཅེས་པ་སྟེ། སྡོམ་པ་འོག་མ་གཉིས་གོང་མར་འདུས་པ་མི་འཐད་དེ་སོ་ཐར་གྱི་ཕམ་བཞི་འཆབ་བཅས་སྤོང་བ་དང་། བྱང་སེམས་ཀྱི་སེམས་ཅན་འཚེ་བ་ཆ་བཅས་ལས་ལྡོག་ནས་གཞན་ལ་ཕན་འདོགས་པ་དེ…

མཐར་ཐུག་ཐིག་ལེ་འཕོས་པས་བདེ་བའི་སིམ་པ་བདག་གིར་བྱེད་པ་དེ་ཆགས་པའི་རོ་ཡེ་ཤེས་སུ་བསྒྱུར་ཞིང་ཐིག་ལེ་འཛག་མེད་དུ་འཆིང་བའི་ཕྱིར་མཐ༷ར་ཐུག༷་གི་ཡན་ལག་མ༷་ཚ༷ང་བ༵ས་ན། ཆོས་ཐམས་ཅད་སེམས་ཉིད་རང་སྣང་དུ་ཤེས་པས་རྨི༷་ལ༷མ་གྱི་གནས་སྐབས་ན་བྱ་བ་བྱས་པ་ཇི༷་བཞི༷ན་དུ་གན༷ད་ཀྱིས༷་འག༷ལ་བ་ནི་མི༷་སྲིད༵་དེ། གསང་སྙིང་ལས། མ་ཆགས་པ་ལ་ཆགས་པ…

དང་རྣལ་འབྱོར་གྲུབ་ཐོབ་དང་། །ཐམས་ཅད་མཁྱེན་པའི་སྤྱོད་པ་གང་ཡིན་པ། །དུས་ཚོད་འབྲེལ་བར་དགོས་ཞེས་དུས་འཁོར་བཤད། །ཅེས་པ་སྟེ། སྡིག༷་ཏོ༷་མི༷་དགེ༷་བའི༷་ཕྱོག༷ས་རང་བཞིན་གྱི་ཁ་ན་མ་ཐོ་བ་རྣམས་ད༷ང་། ཚོག༷ས་པ༷་མང་པོའི༷་གསེ༵བ་ཏུ་ལས་དང་པོ་པ་རྣམས་ལྟ་ཅི་སྨོས། རང་རྒྱུད་ལ་ཉེས་པས་མི་གོས་པའི་རྣལ་འབྱོར་པ་རྣམས་ཀྱིས་ཀྱང་གདུལ་བྱའི…

རྣམས་དང་འགལ་བ་ལྟར་སྣང་ཡང་ལྟུང་བའི་གཟུགས་བརྙན་ཙམ་ལས་དོན་ལ་ཉེས་པ་མེད་པར་མ་ཟད་དགོས་པ་དང་ལྡན་ཏེ། སློབ་དཔོན་ཆེན་པོས། ནང་ལྟར་གསང་སྔགས་ཐུན་མོང་ལུགས་སུ་སྤྱད། །བསྐྱེད་རྫོགས་དོན་དང་འབྲེལ་བའི་དགོས་པ་ཡོད། །གསང་བ་གསང་ཆེན་ཨ་ཏིའི་ལུགས་སུ་སྤྱད། ཚེ་གཅིག་འོད་སྐུར་གྲོལ་བའི་དགོས་པ་ཡོད། །ཅེས་དང་། རབ་དབྱེ་ལས། འདི་ལ་སྡིག་…

གཅིག་གི་བསྲུང་བྱར་སོང་ནས་འགལ་བར་གྱུར་ན༷་རང་རྒྱུད་ཀྱི་དག༷ག་བྱ་ཉོན་མོངས་པའི་གཉེན་པོར་འགྲོ་བ་དང་། དགོ༷ས་པ་མི་འཆིང་བ་གཉིས་གང་དུ་ཚང་བ་བརྩི༷ས་ནས་གང་དུ་ཚང་བ་དེ་སྤྱད་པར་བྱ་དགོས་སོ་ཞེ༷ས་མཁ༷ས་པ་རྣམ༷ས་བཞེ༵ད་དེ། མི་དགེ་བ་དང་ཉེས་པ་སྐྱེ་བ་གང་ཡང་འགོག་ཅིང་། དགེ་བ་དང་ཡོན་ཏན་བསྐྱེད་ན་གང་ལ་ཡང་བསླབ་པར་བྱ་དགོས་པས། སྤྱིར…

སོགས་སྔགས་ནང་རྒྱུད་ཀྱི་སྤྱོད་པ་ཐུན་མོང་བ་དང་། བསྐྱེད་རྫོགས་ལ་གོམས་པའི་འབྲས་བུ་གནས་སྐབས་གྲུབ༷་པ་ཐོབ༷་པ་ན་བླང་དོར་མེད་པའི་སྤྱོད་པ་ད༵ང་། མཐར་ཐུག་གི་འབྲས་བུ་ཐམ༷ས་ཅ༷ད་མཁྱེན༷་པ༷འི་ཡེ་ཤེས་མངོན་དུ་གྱུར་པའི་ཚེ་ན་གཞན་ལ་ཕན་པའི་སྤྱོད༷་པ༷་ཁོ་ན་གང༷་ཡི༷ན་པ༵་དེ་དང་དེ་དག་དུས༷་ཚོ༷ད་དང་འབྲེ༷ལ་བ༷ར་སྤྱོད་དགོ༷ས་ཞེ༷ས་དུས༷…

ཞིང་དུ་རྫོགས་འཚང་རྒྱ། །ཞེས་པ་སྟེ། ཉན་ཐོས་དང་ཐུན་མོང་བའི་ལམ་དུ་འཁོར་བ་ལ་སྐྱོ་ཤེས་དང་ངེས་འབྱུང་གིས་ཀུན་ནས་བསླངས་ཏེ་ཡོ༷ན་ཏ༷ན་ཐམས་ཅད་ཀྱི་གཞི༷་རྟེན༷་སྤོང་བ་བཞིའམ་བདུན་ལྡན་གྱི་སོ༷་སོར་ཐར༷་པ་རིགས་བདུན་གྱི་སྡོམ་པ་ག༷ང་ནུས༷་བླངས་ལ་ལུས་ངག་ཉེས་སྤྱོད་ལས་ལྡོག་པར་བྱ་ཞིང་། དེའི་སྟེང༵་དུ་མཐའ་ཡས་པའི་སེམས་ཅན་ཐམས་ཅད་ཀྱ…

ཟབ་མོ་རྣམས་བསྒོམ་པ་ད༵ང་། རྩ་རླུང་ཐིག་ལེ་ལ་དངོས་སུ་གནད་དུ་བསྣུན་པས་ལམ་མཚ༷ན་བཅ༷ས་ཀྱི་རྫོགས་རིམ་ཐབས་ལམ་སྟེང་འོག་གི་སྒོ་དང་། དེ་ཐམས་ཅད་ཀྱི་རྒྱས་གདབ་ཏུ་གྱུར་པ་མཚ༷ན་མ༷་མེ༷ད་པ༷འི་རྫོ༷གས་རི༷མ་བསྒོམ༵་ཞིང་། གོམས་པ་ན་ཟག་པ་མེད་པའི་འབྲས་བུ་ལ་མྱུར་དུ་སྦྱོར་བའི་ཉེ༷་རྒྱུའི༷་སྤྱོད༷་པ༷ས་རི༷མ་པ་བཞིན་མཚ༷མས་སྦྱར༷་ན༵ས་དབ…

མཐར་ཕྱིན་པའི་བྱ་བ་ལ་ལྔ། དང་པོ་རྩོམ་པའི་རྒྱུ་བརྩེ་བའི་སྙིང་རྗེ་ཆེན་པོ་ཐུགས་རྒྱུད་ལ་ཇི་ལྟར་འཁྲུངས་པའི་ཚུལ་ནི། དེང་སང་མ་སྦྱངས་མུ་ཅོར་སྨྲ་བ་བརྒྱས། །རང་གི་ཡེ་ཤེས་རྡུལ་ཙམ་མ་རྟོགས་པར། །རང་བཟོའི་ཆོགས་རྨོངས་རྣམས་ཚིམ་པའི་དུས། །སྐྱབས་དེ་བསམ་གྱིན་སྙིང་ནས་མཆི་མ་དཀུ། །ཞེས་པ་སྟེ། དེ༷ང་ས༷ང་གསུང་རབས་དགོངས་འགྲེལ་དང་བ…