ཨརྒྷཾ་ལ་སོགས་མཆོད་པའི་སྤྲིན༔ ཕྱི་མཆོད་རྣམ་དག་རྒྱལ་བ་རྣམས་ལ་འབུལ༔ ལྷ་མིའི་མཆོད་རྫས་འདོད་ཡོན་ལོངས་སྤྱོད་ཚོགས༔ གཟུགས་སྒྲ་དྲི་རོ་རེག་བྱ་ལ་སོགས་པ༔ རང་བྱུང་ནང་མཆོད་ཀུན་བཟང་སྤྲིན་ཕུང་ལྟར༔ དཀྱིལ་འཁོར་ལྷ་ཚོགས་རྣམས་ལ་འབུལ་བར་བགྱི༔ འདོད་ཆགས་ཞེ་སྡང་གཏི་མུག་ང་རྒྱལ་ཆེ༔ ཕྲག་དོག་ཤ་ཁྲག་རུས་པ་ནང་རོལ་ཏེ༔ ཙིཏྟར་བཅས་རྣམ…

རང་བྱུང་འདུས་པའི་དཀྱིལ་འཁོར་ལྷ་རྣམས་ལ༔ རྣམ་དག་བདུད་རྩི་དམ་རྫས་དགྱེས་མཆོད་འབུལ༔ ཨོཾ་ཨཱཿཧཱུྃ༔ སརྦ་པཉྩ་ཨ་མྲྀ་ཏ་ཁ་རཾ་ཁཱ་ཧི༔ ཐུགས་རྗེའི་རྩལ་མདངས་དཀྱིལ་འཁོར་ལྷ་རྣམས་ལ༔ རྣམ་དག་བདུད་རྩི༴ ཨོཾ་ཨཱཿཧཱུྃ༔ སརྦ༴ མ་འགགས་སྤྲུལ་པའི་དཀྱིལ་འཁོར་ལྷ་རྣམས་ལ༔ རྣམ་དག༴ ཨོཾ་ཨཱཿཧཱུྃ༔ སརྦ༴ མོས་པའི་བློས་བཟུང་དཀྱིལ་འཁོར་ལྷ་རྣམས་ལ…

རྒྱུ་རྐྱེན་འདུས༔ དཀར་སེར་དམར་ལྗང་མཐིང་ནག་འོད་ཟེར་འཕྲོ༔ ཁ་མངར་སྐྱུར་ཚོགས་རོ་བཅུད་ནུས་པར་ལྡན༔ ཚོགས་དྲུག་ཡུལ་སྣང་གཏོར་མའི་བརྗིད་ལྡན་འདིས༔ ཆོ་འཕྲུལ་དུ་མས་བསྲེགས་སྦྱངས་བཀྲུས་ཤིང་བསྒྱུར༔ རྣམ་དག་བདུད་རྩིའི་ཞལ་ཟས་ཆེན་པོ་སྟེ༔ ཡེ་ཤེས་རབ་འབྱམས་མཆོད་པ་ཆེན་པོའི་རྫས༔ བྱིན་རླབས་མཁྱེན་ལྡན་རྩ་བརྒྱུད་བླ་མ་དང་༔ རང་སྣང…

གྲུབ་པར་མཛད་དུ་གསོལ༔ ཨོཾ་ཨཱཿཧཱུྃ་གུ་རུ་དེ་བ་ཌཱ་ཀི་ནཱི༔ མ་ཧཱ་བ་ལིངྟ་ཁ་ཁ་ཁཱ་ཧི་ཁཱ་ཧིཿ [བདུན་པ་བསྟོད་པ་བྱ་བ་ནི།] ཧཱུྃ་ཧྲཱིཿ ཐུགས་རྗེ་རོལ་པ་དབང་གི་དཀྱིལ་འཁོར་འདིར༔ དུས་གསུམ་རྒྱལ་བ་ཀུན་གྱི་ཕྲིན་ལས་བདག༔ [འགྲོ་བ་ཡོངས་ཀྱི་དཔལ་མགོན་ཨོ་རྒྱན་རྗེ༔]པདྨ་བཛྲ་རྩལ་ལ་ཕྱག་འཚལ་བསྟོད༔ དོན་གྱི་དབྱིངས་ལ་ཆ་ལུགས་ལས་འདས་ཀྱང་…

དགྲ་བགེགས་ཚར་གཅོད་གསང་བདག་རྡོ་རྗེ་འཛིན༔ ཕྱོགས་མཚམས་གཙོ་བརྒྱད་ཡབ་ཡུམ་སྲས་འཁོར་བཅས༔ བླ་མ་ཡི་དམ་ཞི་ཁྲོ་ཌཱ་ཀིའི་ཚོགས༔ ཐམས་ཅད་དགོངས་འདུས་དཀྱིལ་འཁོར་ཕྱི་ནང་ལྷ༔ དཔའ་བོ་དཔའ་མོ་མཚམས་མ་ཕྱེད་གཟུགས་བཅས༔ ལྕགས་ཀྱུ་ཞགས་པ་ལྕགས་སྒྲོགས་དྲིལ་བུ་འཁྲོལ༔ དམ་ཅན་སྒོ་མ་ཕོ་ཉ་ལས་མཁན་རྣམས༔ སྤྲུལ་དང་ཡང་སྤྲུལ་བཅས་ལ་ཕྱག་འཚལ་བསྟོད…

སྙིང་རྗེ་རྔམས་པར་སྟོན༔ འབར་བ་ཁྲོ་དང་ཞི་ཚོགས་གར་དགུར་ལྡན༔ བརྗིད་པའི་སྐུ་ལ་དུར་ཁྲོད་ཆས་རྣམས་རྫོགས༔ གསུང་ནི་སྙིང་པོའི་སྒྲ་སྒྲོགས་སྔགས་དང་བཅས༔ ཐུགས་ནི་སྒྲོལ་འགྱུར་སྲོག་བཅས་ཡེ་ཤེས་སེམས༔ ཛཔྲ་ཀྱིས་རྒྱུད་བསྐུལ་རྡོ་རྗེའི་སྐུ་གསུང་ཐུགས༔ ཕཊཿཀྱིས་སྤྲོས་པས་སྟོང་གསུམ་སྐུ་ཡིས་གང་༔ ཧཱུྃ་གིས་བསྡུས་པས་ཡུམ་གྱི་མཁའ་ལ་འ…

ཕྱི་ནང་གསངབའི་ཛཔྲ་བསྙེན་མཆོད་པ་འབུལ༔ སྐུ་གསུང་ཐུགས་དང་ཡོན་ཏན་ཕྲིན་ལས་བསྟོད༔ ཉམས་ཆག་འགལ་འཁྲུལ་ཅི་མཆིས་མཐོལ་ལོ་བཤགས༔ མ་ཧཱ་པཉྩ༔ མ་ཧཱ་རཀྟ༔ མ་ཧཱ་བ་ལིཾ་ཏ༔ སརྦ་པཱུ་ཛ་ཁཱ་ཧི༔ [ཞེས་སྟོང་ཚིགས་ཀྱི་མཆོད་བསྟོད་བྱའོ། །][གཉིས་པ་མདུན་བསྐྱོད་སྒྲུབ་པའི་རྣལ་འབྱོར་ལའང་བརྒྱད་ཀྱི། དང་པོ་རྟེན་དང་བརྟེན་པའི་དཀྱིལ་འཁོར་བསྐྱོད…

ཅིང་དར་དང་རིན་པོ་ཆེའི་རྒྱན་སྣ་ཚོགས་ཀྱིས་བརྒྱན་པའི་སྐུར་གྱུར། དེའི་ཐུགས་ཀ་ནས་འོད་ཟེར་ཕྱོགས་ཐམས་ཅད་དུ་འཕྲོས་པས། འོག་ཐམས་ཅད་རྡོ་རྗེའི་ས་གཞི། ཁོར་ཡུག་ཐམས་ཅད་རྡོ་རྗེའི་ར་བ་དང་དྲྭ་བ། སྟེང་ཐམས་ཅད་རྡོ་རྗེའི་གུར་དང་བླ་རེ། །དེའི་ཕྱི་རོལ་ཐམས་ཅད་འཁོར་ལོ། རིན་ཆེན། པདྨ། རྒྱ་གྲམ། དགྲ་སྟྭ། གཏུན་ཤིང་། བེ་ཅོན། ལྕགས་ཀ…

པ། རྃ་ལས་མེའི་ཁོར་ཡུག་ནམ་མཁའི་མཐའ་ཀླས་པར་འབར་བའོ། །རི་རབ་ཀྱི་སྟེང་དུ་སྣ་ཚོགས་རྡོ་རྗེའི་ལྟེ་བར་བྷྲཱུྃ་ལས་ཕྱི་ཡེ་ཤེས་རིན་པོ་ཆེ་འབར་བའི་གཞལ་ཡས་ཁང་གྲུ་བཞི་སྒོ་བཞི་པ། ནང་ནས་རིམ་པ་བཞིན་དཀར་སེར་དམར་ལྗང་མཐིང་ཁའི་རྩིག་པ་རིམ་པ་ལྔ་དང་ལྡན་པའི་སྟེང་ན་རིན་པོ་ཆེའི་ཕ་གུ་སེར་པོ་ནོར་བུ་སྣ་ཚོགས་པས་བཀྲ་བ་འཕྱར་ཐབས་སུ་བཀ…

ཁང་ཐེམ་སྐས་རིམ་པ་བརྒྱད་དང་བཅས་པའི་སྒོ་ལོགས་ཀྱི་ཟུར་བཞི་ནས་བུམ་པ་ལ་གནས་པའི་ཀ་བ་བཞི་བཞིས་བཏེགས་པའི་རྟ་བབས་སྣམ་བུ་བཞི་པ་བསིལ་ཁང་དང་ལྡན་པའི་རྩེ་མོར་པདྨ་ལ་གནས་པའི་ཆོས་ཀྱི་འཁོར་ལོ་གདུགས་ཀྱིས་ཕུབ་པ་གཡས་གཡོན་དུ་རི་དྭགས་ཕོ་མོ་དང་བཅས་པ། གཞན་ཡང་གདུགས་དང་རྒྱལ་མཚན་བ་དན་སྣ་ཚོགས་དང་གསེར་གྱི་དྲིལ་བུ་ལ་སོགས་པས་བརྒྱན…

བཏབ་པ། ལྷ་ཆེན་པོ་བརྒྱད་ཀྱི་ཀ་བ་ལ། ཀླུ་ཆེན་པོ་བརྒྱད་ཀྱི་ཀ་གདན། གཟའ་ཆེན་པོ་བརྒྱད་ཀྱི་ཀ་ཞུ། རྒྱུ་སྐར་ཉི་ཤུ་རྩ་བརྒྱད་ཀྱི་ཕྱི་མ་དང་༔ ཞིང་ཆུང་གིས་དྲལ་ཁེབས་བྱས་པ། ཚངས་པ་ཕོ་མོའི་གདུང་ཆེན་བཞི་མིག་མང་རིས་སུ་བྲེས་པས་མཛེས་པར་ཕུབ་པའི་དབུས་ཕྱུར་བུར་གྱུར་པའི་རྩེ་མོ་པདྨ་རཱ་ག་ལས་གྲུབ་པའི་རྡོ་རྗེ་རིན་པོ་ཆེའི་ཏོག་གིས་…

དགུའི་བྲག་རིས་གཏམས་པའི་ཁར་ནང་རྒྱུད་སྡེ་གསུམ་མཚོན་པའི་པད་ཉི་ཟླ་བའི་གདན། དགུ་རྫོགས་དབུས་ཀྱི་ལྟེ་བར་དྲེགས་པ་ཅན་དང་སེང་གེ་གླང་ཆེན་རྟ་མཆོག་རྨ་བྱ་ཤང་ཤང་གི་སྟེང་དུ་སྲིད་པའི་འཁོར་ལོ་ལུགས་ལྡོག་པས་ཉོན་མོངས་པའི་དྲྭ་བ་རྩད་ནས་གཅོད་པ་འཁོར་ལོའི་གདན། ཕྱོགས་མཚམས་ཀྱི་གཙོ་བོ་ལ་ཉི་ཟླའི་གདན་མན་ཆད་དང་། པད་འདབ་རྣམས་ལ་རང་ར…

ཞལ་ཅན་གྲི་ཐོད་འཛིན་པས་འཁྱུད་པ། ཡབ་ཡུམ་གཉིས་ཀ་དར་དང་རུས་པ་རིན་པོ་ཆེའི་རྒྱན་དང་དུར་ཁྲོད་ཆས་བརྒྱད་ཀྱིས་བརྒྱན་པ། གར་དགུའི་ཉམས་ཅན་ཡེ་ཤེས་ཀྱི་མེ་དཔུང་འབར་བའི་དབུས་ན་བཞུགས་པ། རྟ་མགྲིན་ཡབ་ཡུམ་གྱི་སྤྱི་བོར་པདྨ་ཉི་ཟླའི་གདན་ལ་ཧྲཱིཿཡིག་འོད་ཟེར་འཕྲོ་འདུས་ཡོངས་སུ་གྱུར་པ་ལས་བདག་ཉིད་དུས་གསུམ་སངས་རྒྱས་ཐམས་ཅད་ཀྱི་ངོ་…

པར་ཞུགས་པའི་སྒྲས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་སྤྱན་དྲངས། ཞལ་དུ་ཞུགས། ཐུགས་ཀར་རྗེས་ཆགས་ཀྱི་མེས་ཞུ། ཡབ་ཀྱི་གསང་བ་ནས་ཡུམ་གྱི་མཁར་བབས་པ་ས་བོན་ཧྲཱིཿཤ་སྟག་ཏུ་གྱུར༔ མཁའ་གསང་ལས་སྤྲོས་ཏེ་གདན་སོ་སོའི་སྟེང་དུ་འཁོད་པ་ཡོངས་སུ་གྱུར་པ་ནི། གཙོ་བོའི་པདྨ་འདབ་མ་བརྒྱད་པའི་ཤར་དུ་ཞེ་སྡང་རྡོ་རྗེ་མཐིང་ནག་རྡོ་དྲིལ་འཛ…

དུ་མཚོ་སྐྱེས་རྡོ་རྗེ་དམར་པོ་བུམ་པ་དྲིལ་བུ་འཛིན་པ་ལ། མནྡྷ་ར་བ་སྔོན་མོ་པད་སྡོང་ཐོད་པ་འཛིན་པས་འཁྱུད་པ། བྱང་ཤར་དུ་ཁྲག་འཐུང་རྡོ་རྗེ་སྨུག་ནག་དགྲ་སྟྭ་དྲིལ་བུ་འཛིན་པ་ལ། གསོད་བྱེད་མ་ལྗང་གུ་སྤུ་གྲི་ཐོད་པ་འཛིན་པས་འཁྱུད་པ། ཀུན་ཀྱང་སྤྱན་གསུམ་པ་ཁྲོ་ཞིང་འཛུམ་པའི་མདངས་ལྡན་དར་དང་རུས་པ་རིན་པོ་ཆེས་བརྒྱན་པ། རང་འོད་འཁྲི…

འཛིན་པ་ལ། མཱ་མ་ཀི་སྔོན་མོ་རིན་ཆེན་འབར་བ་དང་གའུའི་གཡུ་འཛིན་པས་འཁྱུད་པ། ནུབ་ཏུ་པདྨ་ཐོད་ཕྲེང་རྩལ་དམར་པོ་པདྨའི་ཐོ་བ་འཛིན་པ་ལ། གོས་དཀར་མོ་དམར་མོ་པདྨ་དང་པད་ཕོར་འཛིན་པས་འཁྱུད་པ། བྱང་ཕྱོགས་སུ་ཀརྨ་ཐོད་ཕྲེང་རྩལ་ལྗང་གུ་སྣ་ཚོགས་རྡོ་རྗེའི་ཐོ་བ་འཛིན་པ་ལ། དམ་ཚིག་སྒྲོལ་མ་ལྗང་གུ་དར་དཀར་གྱི་བ་དན་དང་དངུལ་བུམ་འཛིན་པས་འ…

སུ་མི་བསྐྱོད་རྡོ་རྗེ་སེར་ནག་དཀར་དམར་སེར་བའི་ཞལ་གསུམ་ཨམ་གཙིགས་ཅན། ཕྱག་དྲུག་གི་གཡས་གསུམ་རལ་གྲི་མདུང་ཐུང་ཐོད་དབྱུག ། གཡོན་གསུམ་སྟོང་གི་འཇིག་རྟེན་མེ་རླུང་འཛིན་པ་ལ། བདེ་དབྱིངས་མ་དམར་སེར་ཆོས་འབྱུང་དང་དུང་དམར་འཛིན་པས་འཁྱུད་པ། གཉིས་ཀའང་དར་དང་རུས་པ་རིན་པོ་ཆེའི་རྒྱན་དང་དུར་ཁྲོད་ཀྱི་ཆས་ཀྱིས་བརྒྱན་པ། གར་དགུའི་ཉ…

མ་སྔོན་མོ་གཡུ་གཞོང་མར་ཁུས་བཀང་བ་འཛིན་པ། ཤར་ལྷོར་པདྨ་སམྦྷ་ཝ་དཀར་དམར་དགེ་སློང་གི་ཆ་བྱད་ཀ་པཱ་ལ་དང་མཆོག་སྦྱིན་གྱི་ཕྱག་རྒྱ་ཅན། གཡོན་དུ་རྒྱ་མཚོའི་གླིང་གི་མཁའ་འགྲོ་ལྗང་སྔོན་མེ་ལོང་འཛིན་པ། ལྷོ་ནུབ་ཏུ་པདྨ་རྒྱལ་པོ་དམར་གསལ་དར་དམར་གྱི་ན་བཟའ་ཅན་ཌཱ་མ་རུ་དང་མེ་ལོང་འཛིན་པ། གཡོན་དུ་ཞི་བ་འཚོ་དཀར་མོ་རྔ་ཡབ་འཛིན་པ། ནུབ་…

བརྒྱན་པ། གར་དགུའི་ཉམས་ཅན་ཡེ་ཤེས་ཀྱི་མེ་དཔུང་འབར་བའི་དབུས་ན་བརྐྱང་བསྐུམ་གྱིས་བཞུགས་པ། འདབ་མ་བརྒྱད་ལ་ཤར་དུ་རྡོ་རྗེ་ཉི་མ་དམར་སེར་འཁོར་ལོ་དྲིལ་བུ་འཛིན་པ་ལ། ལེགས་སྐྱེས་མ་སྔོན་མོ་མེ་ཏོག་འཛིན་པས་འཁྱུད་པ། ལྷོར་ཐོགས་མེད་རྒྱལ་པོ་མཐིང་ནག་དགྲ་སྟྭ་ཐོད་དབྱུག་འཛིན་པ་ལ། ཕྲ་མེན་དབྱིངས་ཕྱུག་མ་དམར་མོ་མི་མགོའི་ཕྲེང་བ་འ…

བདག་མོ་དུད་ཁ་ཚོན་གྲུ་བསྣམས་པས་འཁྱུད་པ། ཡུམ་རྣམས་ཀྱི་ཕྱག་གཡོན་ཐོད་པ་འཛིན་པ། ཐམས་ཅད་ཀྱང་དར་དང་རུས་པ་རིན་པོ་ཆེས་བརྒྱན་ཅིང་ཐོར་ཚུགས་རྡོ་རྗེ་ཕྱེད་པས་མཚན་པ་ཞབས་འདོར་སྟབས་ཀྱིས་བཞུགས་པའོ། །བྱང་ཕྱོགས་ཀྱི་དཀྱིལ་འཁོར་གྱི་དབུས་སུ་རིག་འཛིན་ཐོད་པ་རྩལ་ལྗང་ནག་དཀར་དམར་ལྗང་བའི་ཞལ་གསུམ་ཕྱག་དྲུག་གི་གཡས་གསུམ་རྡོ་རྗེ་འཁོ…