ཡུམ་རང་རྩལ་སྤྲུལ་པའི་འཁོར་ཚོགས་དང་བཅས་པ་སྐད་ཅིག་གིས་གསལ་བར་གྱུར་བའི་སྤྱི་བོར་ཨོཾ། མགྲིན་པར་ཨཱཿཐུགས་ཀར་ཧཱུཾ་གིས་མཚན་པ། ཧཱུཾ་གི་འོད་ཟེར་གྱིས་ཡེ་ཤེས་ཀྱི་འཁོར་ལོ་སྤྱན་དྲངས་པར་མོས་པ། ཧཱུཾ༔ ཆོས་ཀྱི་དབྱིངས་ཀྱི་དཀྱིལ་འཁོར་ནས༔ དཔལ་ཆེན་རྡོ་རྗེ་གཞོན་ནུ་ཆེ༔ ཡབ་ཡུམ་འཁོར་དང་བཅས་པ་རྣམས༔ རང་བཞིན་དབྱིངས་ནས་སྤྱན་འདྲེ…

སྙིང་པོ་ཉེར་གཅིག་གིས་བསྔགས་པའི་མེ་ཏོག་འཐོར་ཞིང་ཤིས་བརྗོད་བྱ། སྒྲུབ་པ་ཐོན་ནས་ལྟེ་བ་མ་ཉམས་པར་བལྟེབས་ལ་ཚོན་སྐུད་སྣ་ལྔས་བཅིངས་ཏེ་བསྲུང་བྱའི་མགུལ་དུ་གདགས་པའམ། པུ་རིའི་ལྟེ་བའམ་གནས་ཁང་གི་ཐོག་ཁར་དབུབ་པ་སོགས་བྱའོ། །ཟློག་འཁོར་རབ་གནས་ལ། སྟོང་པའི་ངང་ལས་ཧཱུཾ་ཡིག་ལས་བྱུང་བའི་འཁོར་ལོ་རྟེན་གྱི་དཀྱིལ་འཁོར་ཆེན་པོར་གོ…

དང་ནི་ཉ་བོ་གཉིས། །དམིགས་པ་གཅིག་སྟེ་རྒྱུ་མི་གཅིག །ལིངྒ་ཉ་བོའི་སྙིང་གར་གཞུག །ཅེས་པས་ཐོག་མར་ཉ་བོ་བཅའ་སྟེ། དུར་ཁྲོད་ཀྱི་འཇག་མ་ཡུགས་སྐྲའམ་རོ་རས་ཀྱི་སྐུད་པས་བསྡམས་པའི་རུས་ཤིང་ལ། རྒྱུད་ལས་བཤད་པའི་རྒྱུ་དྲུག་ཕར་རྐན་ཚུར་རྐན་མི་བསྐྱོད་ཤུལ་ཏེ་ས་གཉིས། གངས་ཀྱི་དུམ་བུ་རྣམ་སྣང་ཤུན་རས་ཏེ་དྲི་མ་གསུམ། དཔག་བསམ་གྱི་ལོ་མ…

ཤི་བའི་པགས་པའམ་རོ་རས་དེའི་སྙིང་ཁྲག་གི་སྣག་ཚ་མཆོག་ཕུར་གྱི་སྨྱུ་གུའམ། སྤྱི་ཙམ་དུ་དུག་ཤོག་ལ་དུག་ཁྲག་སྦྱར་བས་དུག་ཤིང་ཚེར་མ་ཅན་ནམ་མི་གསོད་པའི་མདས་སྨྱུ་གུ་བྱས་ཏེ། རྒྱལ་པོ་ལ་རྐྱང་ཁྲུ་གང༌། བནྡྷེ་ལ་བསྐུམ་ཁྲུ་གང༌། སྐྱེས་པ་ལ་མཐོ་གང༌། བུད་མེད་ལ་མཛུབ་གང༌། བྱིས་པར་སོར་བཞི། བགེགས་ལ་ཆག་གང་བའི་རང་གཟུགས་རིད་ཅིང་སྐྱེ་…

གབ་པའི་སྔགས་དྲུག་བྲི། ཕྱི་རིམ་མུ་ཁྱུད་ཀྱི་ནང་ངོས་སུ་འཁོར་ལོ་རྩིབས་དགུའི་རྩེ་མོ་ནང་དུ་བསྟན་པའི་རྩིབས་རེ་ལ། ཨོཾ་བཛྲ་ཀཱི་ལི་ཀཱི་ལ་ཡ་ཧཱུཾ་ཕཊ༔ ཅེས་འབྲུ་རེ་བྲི། དེ་རྒྱབ་མུ་ཁྱུད་ལ་ལིངྒའི་མགོ་ཕྱོགས་ནས་བརྩམས་ཏེ་སྤུ་གྲིའི་དྲག་སྔགས་དང༌། དེ་རྒྱབ་མུ་ཁྱུད་ལ་ཨོཾ་ལཾ་ཧཱུཾ་ལཾ་སོགས་ཀྱིས་བསྐོར་བ་བྲི། མཐར་ཛ་ཁྲམ་ཉེར་བརྒྱ…

ཅད་མཱ་ར་ཡ་ཆིངས་བྲུབ་ནན། སྤྱི་དགྲ་རླུང་ལྟར་འཚུབས་པ་ཐམས་ཅད་མཱ་ར་ཡ་ཆིངས་བྲུབ་ནན། སྒོས་དགྲ་རྦབ་ལྟར་རྒྱུག་པ་ཐམས་ཅད་མཱ་ར་ཡ་ཆིངས་བྲུབ་ནན། ཟུར་དགྲ་ཁྱི་ལྟར་ཟུག་པ་ཐམས་ཅད་མཱ་ར་ཡ་ཆིངས་བྲུབ་ནན། རྐྱེན་དགྲ་ཐོག་ལྟར་འབབས་པ་ཐམས་ཅད་མཱ་ར་ཡ་ཆིངས་བྲུབ་ནན། ཤར་ཤིང་ཁམས་པའི་དགྲ་བོ་ཐམས་ཅད་མཱ་ར་ཡ་ཆིངས་བྲུབ་ནན། ལྷོ་མེ་ཁམས་པའི་ད…

བཞིན་ལས། དམོད་ཚིག་ནི། ལོ་སྲི་ལོ་བཅུ་གཉིས་ལ་འཁོར་བ་ཐམས་ཅད་མཱ་ར་ཡ་ཆིངས་བྲུབ་ནན། ཟླ་སྲི་བཅུ་གཉིས་ཟླ་བར་བབས་པ་ཐམས་ཅད་མཱ་ར་ཡ་ཆིངས་བྲུབ་ནན། ཞག་སྲི་སུམ་ཅུའི་ཞག་ཏུ་འགྱུ་བ་ཐམས་ཅད་མཱ་ར་ཡ་ཆིངས་བྲུབ་ནན། དུས་སྲི་དྲུག་ཅུའི་སྲང་དུ་བསྡིག་པ་ཐམས་ཅད་མཱ་ར་ཡ་ཆིངས་བྲུབ་ནན། དམ་སྲི་སྣང་སྲིད་འབྱུང་བ་དཀྲུག་པ་ཐམས་ཅད་མཱ་ར་ཡ་ཆི…

ཕུང་སྲི་སྒོ་བཞིའི་ཟུར་ནས་ལྡངས་པ་ཐམས་ཅད་མཱ་ར་ཡ་ཆིངས་བྲུབ་ནན། མདོར་ན་བར་དུ་གཅོད་པའི་སྲི་ངན་ཐམས་ཅད་མཱ་ར་ཡ་རྦད་ཐུཾ། དྷ་ར་ཡ་དྷ་ར་ཡ་ནན། མཱ་ར་ཡ་མཱ་ར་ཡ་ནན། ཡ་མ་དམ་སྲི་ཀཱ་ཡ་ཝཱཀ་ཙིཏྟ་སྟམྦྷ་ཡ་ནན། ཅེས་དང་ཛ་ཁྲམ་སྔར་བཞིན་བཀོད། ཡང་སྟོད་ལས་སྒྲུབ་ཆེན་སྐབས་ཀྱི་དམ་སྲི་མནན་པ་ལ། ལིང་ག་མི་གདོང་བྱ་རོག་གི་མཆུ་ཅན་སྐྲ་འབལ་བ།…

མཐར་ཛ་ཁྲམ་གྱིས་བསྐོར། དེ་དང་འབྲེལ་བར་ཉུ་ལེའི་ལིངྒ་ནི། ལིངྒ་ཁྱིམ་བྱ་མོའི་མགོ་ཅན་གྱི་སྙིང་གར་ཏྲི་དང་ཛ་ཁ་སྤྲོད། དེ་མཐར་མགྲིན་པ་ནས་བརྩམས་ཡིག་མགོ་ཕྱིར་བསྟན་གྱིས། དམ་སྲི་ཉུ་ལེ་ཤ་ཀྲིང་བུ་མོ་སྐད་འགྱུར་མ། འབྲོག་རྐུན་ནག་མོ། གཏི་མུག་རྒྱན་བྱེད། འདོད་ཆགས་ར་ནུ། ཞེ་སྡང་དུན་ཙེ། གཟའ་ཡི་བུ་མོ། གནམ་ཐིལ་དཀར་པོ། ཀླུ་སྲི…

སྐུ་ལས་བདུད་རྩིའི་རྒྱུན༔ བབས་པས་སྒོ་གསུམ་སྒྲིབ་དག་གྱུར༔ ཅེས་མོས་ལ་ཡིག་བརྒྱ་བཟླ། སླར་ཡང་གནས་གསུམ་རྡོར་སེམས་ཀྱི༔ སྐུ་ལས་འོད་ཟེར་ཡར་འཕྲོས་པས༔ རབ་འབྱམས་ཞིང་གི་རྒྱལ་བ་མཆོད༔ ཐུགས་རྗེའི་བྱིན་རླབས་ཚུར་འདུས་པ༔ བདག་གི་གནས་གསུམ་ཐིམ་པ་ཡིས༔ ཉམས་ཆག་ཉེས་ལྟུང་དྲི་མ་སྦྱངས༔ ཕ་རོལ་བྱད་མའི་བསམ་ངན་གྱིས༔ གནོད་བྱས་ཉེས་ཚོག…

རོག་དང་འུག་སྒྲོས་རླུང་གཡབ་ཅིང༌། ཡཾ་ཧོཿཤུདྡྷེ་ཤུདྡྷེ་ཡེ་སྭཱཧཱ༔ ཞེས་ལན་གསུམ་གསུམ་དང༌། གོང་གི་རང་གྲིབ་སྦྱོང་བའི་སྔགས་བརྒྱ་རྩ་གཅིག་བཟླས་རྗེས། ཨེ་ཧོཿཤུདྡྷེ་ཤུདྡྷེ་སོགས་ཉེར་གཅིག་རེའི་མཇུག་ཏུ་ལིངྒ་བར་སྣང་ལ་གཡབ་ཅིང༌། རྣལ་འབྱོར་པ་བདག་འཁོར་དང་བཅས་པ་ཐམས་ཅད་ཀྱི་ལུས་ཀྱི་དྲི་མས་མ་གོས། ངག་གི་དྲི་མས་མ་གོས། ཡིད་ཀྱི་…

བྲུབ་ཁུང་ནི། ཕུང་ཤུལ་གཡུལ་འཐབ་རོ་བསྲེག་གྲོག་མཁར་དམར་པོ་འདྲེ་འདུལ་རེ་ལྕག་པའི་ས་རྣམས་དང་དུག་ཁྲག་བོང་གཅིན་རྣམས་སྦྱར་ཏེ་ཕྲིན་ལས་བཞི་རྫོགས་ཀྱི་ཚུལ་ལམ། ཡང་ན་གྲུ་གསུམ་རྒྱ་དཔང་ཁྲུ་གང་བ། ཁ་ཁྱེར་སོར་བཞིའི་ཕྱེད་ཕྱིར་འཕྱངས་པའི་ཟུར་གསུམ་དུ་ཁྲོ་ཞལ། ལོགས་གསུམ་དུ་མདའ་གཞུས་མཚན་པ། ཁ་ཁྱེར་ལ་རྩང་དམར་སྲིན་མོ་འགྲོས་སུ་བཙ…

འདྲེ་གསོད་ཤིས་པར་བཤད། །དབབ་པ་ལ་ནི་ཉུངས་ཀར་རྒྱལ། །བཅིང་ལ་ཚོན་སྣ་ལྔ་ཡིས་སོ། །སྨྱོ་ལ་དུག་ཉིད་ཤིས་པར་བཤད། །རྡུལ་དུ་བརླག་ན་ཕྱག་མཚན་ནོ། །བསྟབ་ལ་ཧོམ་གཟར་ཤིས་པར་བཤད། །ཅེས་སོ། །སྐམ་ཐུན་ལ། ཡུངས་ནག་ར་ནག་ཏིལ་ཏེ་འབྲུ་གསུམ། ཀེ་ཚེ་ཤང་ཚེ་བྲག་ཚེ་སྟེ་ཚེ་གསུམ། ལྕགས་ཕྱེ་ཟངས་ཕྱེ་རྡོ་ཕྱེ་སྟེ་ཕྱེ་གསུམ་རྣམས་དང༌། རློན་ཐུན་ལ…

གདེང་ཁེལ་བའི་ཉམས་མྱོང་མེད་བཞིན་སྤྲོས་པས་མ་ལྕོགས་པ་དང་མ་འབྱོར་པར་དོན་དམ་གོ་ཡུལ་ཁ་ཁྱེར་ལ་རྒྱུ་མཚན་དུ་བྱས་ཏེ་ཀུན་རྫོབ་མཚན་མའི་རྫས་དང་ཡོ་བྱད་མཐའ་དག་ལ་ཇི་མི་སྙམ་པའི་གསང་ཆེན་རྒྱུད་ལུང་མན་ངག་གི་དགོངས་དོན་རས་བོར་ཁྱད་གསོད་ཀྱི་ལས་ནམ་ཡང་མི་བྱ་སྟེ། སྔགས་ཀྱི་དངོས་གྲུབ་དང་ཕྲིན་ལས་ནི་རྫས་སྔགས་ཏིང་ངེ་འཛིན་ཚོགས་པའི་…

ལ་ཉེ་བར་མཁོ་བའི་ཕྱིར། སྔགས་ཀྱི་བནྡྷེ་རལ་པ་ཅན་འཇིགས་བྲལ་ཡེ་ཤེས་རྡོ་རྗེས་རང་ལོ་སོ་གསུམ་པའི་ཐོག་ཏུ་སོན་པ་འཛིན་བྱེད་ཀྱི་ལོ་སྣྲོན་ཉ་བའི་ཡར་ངོ་རྒྱལ་བ་གཉིས་པར་གྲུབ་པའི་བསྟི་གནས་འཆི་མེད་དགའ་ཚལ་གྱི་སྨན་ལྗོངས་སུ་སྦྱར་བ་སྟེ། འདིས་ཀྱང་ལས་དང་དངོས་གྲུབ་རྒྱ་མཚོ་ཡིད་བཞིན་དུ་འགྲུབ་པའི་རྒྱུར་གྱུར་ཅིག །སརྦ་དཱ་མངྒ་ལཾ།།…

༄༅། །དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྟོད་ལས་བྱང་ཆུབ་སྒྲུབ་པའི་མན་ངག་གསལ་བར་བྱས་པ་དངོས་གྲུབ་རྒྱ་མཚོའི་དགའ་སྟོན་ཅེས་བྱ་བ་བཞུགས་སོ། །

དཔལ་རྡོ་རྗེ་ཕུར་བུ་བདུད་འཇོམས་གནམ་ལྕགས་སྤུ་གྲིའི་སྟོད་ལས་བྱང་ཆུབ་སྒྲུབ་པའི་མན་ངག་གསལ་བར་བྱས་པ་དངོས་གྲུབ་རྒྱ་མཚོའི་དགའ་སྟོན་ཅེས་བྱ་བ། བླ་མ་དང་གཉིས་སུ་མེད་པའི་བཅོམ་ལྡན་འདས་དཔལ་ཧེ་རུ་ཀ་ལ་ཕྱག་འཚལ་ལོ། །སྟོང་ཉིད་རྡོ་རྗེ་ཁྲོས་པའི་གར་གྱིས་ཞེ་སྡང་མཚན་རྟོག་དབྱིངས་སུ་གཅོད། །སྙིང་རྗེའི་མཚོན་ཆེན་རབ་ཏུ་འབར་བས་ཕུང…

བདུད་འཇོམས་སྤུ་གྲིར་འབྲེལ་བའི་ཕྲིན་ལས་གཞུང༌། །ཚུལ་བཞིན་བསྙེན་ཅིང་སྒྲུབ་ལས་མཆོག་ཐུན་གྱི། །དངོས་གྲུབ་རྒྱ་མཚོའི་དཔལ་གྱི་དགའ་སྟོན་སྤྲོ། །དེ་ལ་འདིར་རྒྱུད་ཐམས་ཅད་ཀྱི་རྒྱལ་པོ། ལུང་ཐམས་ཅད་ཀྱི་བླ་མ། མན་ངག་ཐམས་ཅད་ཀྱི་ངེས་པའི་དོན། དུས་གསུམ་རྒྱལ་བ་ཐམས་ཅད་ཀྱི་ཐུགས་ཀྱི་བརྣག་པ། རྒྱ་བོད་མཁས་གྲུབ་ཐམས་ཅད་ཀྱི་གཅེས་པའི…

ཁོག་དོན་དྲུག །ཐེམ་སྦྱོར་བཅུ། གནད་ཐོ་བཅུ་གཉིས། གསང་ཐེམ་ཉེར་གཅིག་ལ་སོགས་པར་གསུངས་པ་རྣམས་ཧྲིལ་གྱིས་དྲིལ་ན་ཕུར་བུའི་རྒྱུ་བཞིས་གང་ཟག་རྣམ་པ་བཞི་མཐར་དབྱུང་བ་སྟེ། ཕུར་བུ་ངན་སྔགས་གཙུག་ལག་གི་རྒྱུད་ལས། ཕུར་བུ་རྣམ་བཞིའི་དགོངས་པ་ཡིས། །གང་ཟག་རྣམ་བཞི་མཐར་དབྱུང་ངོ༌། །རིག་པ་ཡེ་ཤེས་ཕུར་བུ་ནི། །ཆོས་ཀྱི་དབྱིངས་ཀྱི་ཀློང…