བཟད་པའི་ཕུར་པ་དྲུག་ནི། །ལྷ་དང་དབྲལ་བའི་ཚེ་གནམ་གྱི་འཇུ་ཐག་བཅད་པའི་གནད་ཡིན་པས་སེང་ལྡེང་ཕུར་པ་སྤྱི་གཙུག་ཏུ་གདབ། གཟུགས་ལ་དབབ་པའི་ཚེ་སའི་རྟེན་ཕུར་ཕྱུང་བའི་གནད་ཡིན་པས་བྱ་ཕུར་རྐང་མཐིལ་དུ་གདབ། བྱད་དུ་གཞུག་པའི་ཚེ་སྐྱེ་བ་དགུ་བརྒྱུད་བཅད་པའི་གནད་ཡིན་པས་མཆོག་ཕུར་གསང་གནས་སུ་གདབ། སྨྱོར་གཞུག་པའི་ཚེ་སྨྲ་བ་ངག་གི་གནད་…

ཅིང་གསོད་བྱེད་རྣམས་རང་རང་གི་གཡོན་དུ་གདབ། ཁྲོ་བོ་བཅུས་རིག་པའི་གནས་རིམ་ནས་གདབ་ཅིང་ཟ་བྱེད་རྣམས་རང་རང་གི་གཡས་སུ་གདབ། སྟེང་འོག་གི་ཡུམ་གཉིས་གསོད་བྱེད་དང་བཅས་པས་དགེ་སྡིག་ཆ་སྙོམས་ནས་གདབ། སུར་ཕུག་གམ་ཐལ་བྱུང་དུ་གདབ་པ་ཞེས་ནང་སྲས་ལྔ། སྲས་མཆོག་ཉེར་གཅིག་རྣམས་གནས་ངེས་མེད་དུ་གདབ། དམ་ཅན་བཅུ་གཉིས་ལྷུ་བཅུ་གཉིས། གིང་བཞ…

གཏུན་དུ་བརྡུངས་ནས། གབ་པའི་སྔགས་དྲུག་ལས་གཅིག་ཀུན་གྱི་མཇུག་ལ་གདགས་པ་ཞེས་ཞལ་དུ་སྟོབ་པའི་སྒོ་ནས་དུག་གསུམ་རང་གནས་སུ་དག་པར་བྱེད་པའོ། །གཉིས་པ་མཐར་ཕྱིན་གསུམ་གྱི་བྱ་བ་ནི། འདི་ལ་གསོ་བའི་དུས། གསོ་བའི་ཡུལ། གསོ་བའི་དགོས་པ། གསོ་བའི་ཐབས་དང་བཞི་ལས། དང་པོ་ནི། བསྒྲུབ་བྱ་དམིགས་སུ་བསལ་བ་ལ་དྲག་ལས་བརྩམས་པའི་དུས་ཡིན་ན་ལས་…

པར་བྱ་བའི་ཕྱིར་རོ། །གསོ་བའི་ཐབས་ལའང་གསུམ་སྟེ། ལས་དང་བྱ་བས་གསོ་བ་ནི། ཀཱི་ལ་ཡ་བཅུ་གཉིས་ཀྱི་ཏནྟྲ་ལས་འབྱུང་བའི་ཆོ་ག་ཞིབ་མོ་ལྟ་བུའོ། །མན་ངག་གིས་གསོ་བ་ནི། དམིགས་བྱ་ཕུར་བུ་བདག་གསུམ་གྱི་བྱང་ཆུབ་ཀྱི་སེམས་ལྗང་དམར་མཐིང་གའི་འོད་རྣམ་པ་གསུམ་དབྱེར་མེད་འོད་ཀྱི་ཐིག་ལེ་གཅིག་ཏུ་བསྡུས་ལ་མི་དམིགས་པར་སྦྱོང་བའི་མན་ངག་རིག་…

པའི་སྲས་མཆོག་ཕུར་བུ་གཉིས་ཀྱི་དབལ་ནས་བཟུང་སྟེ་ཀཱི་ལ་ཡ་ལན་ཉེར་གཅིག་བཟླས་ཤིང་ཀླད་ལ་ལན་གསུམ་བསྐོར་བས་ཁམས་གསུམ་ཕུར་བུས་གང༌། དེ་ཐམས་ཅད་སླར་འདུས་པས་སྟོད་ཁྲོ་བོ་ཞལ་གསུམ་ཕྱག་དྲུག་པ། སྨད་ཕུར་བུའི་རྣམ་པ་ཅན། སྐུ་རི་རབ་ལྟར་བརྗིད་ཅིང་ཆེ་བ་ལས་ཡེ་ཤེས་ཀྱི་མེ་འབར་ཞིང་འུར་སྒྲ་དྲག་པོ་སྒྲོགས་པས་ལྷ་རྣམས་ལ་ཉེས་པས་མི་གོས་ཤ…

ཐུགས་ཀར་ཐིམ་པས་དབྱེར་མེད་དུ་བྱང་ཆུབ། སླར་དབུ་མའི་ལམ་བརྒྱུད་གསང་བ་ནས་ཡུམ་གྱི་མཁར་བབས། གཞན་དོན་དུ་གཟུགས་སྐུ་རྡོ་རྗེ་སེམས་དཔའི་སྲས་ཀྱི་ཐུ་བོར་སྣང་ནས་འགྲོ་བའི་དོན་བྱེད་པར་གྱུར་པའི་ཕྲིན་ལས་ཀྱི་ཐབས་མཁས་གསང་བ་ཟབ་མོའི་གནད་ཀྱི་མན་ངག་ཡང་དག་པའོ། །གསུམ་པ་དྲག་པོའི་ལས་མཇུག་བསྡུ་བ་ནི། སྔགས་ཀྱི་ཕྲིན་ལས་ཕལ་ཆེར་སྲུང་…

སྟེ་ཕུང་བ་གསུམ། གཏད་ལམ་བསྟན་པ། གཏད་དམག་དྲང་བ། གཏད་ལོག་གཏད་པ་སྟེ་གདམས་པ་གསུམ། མཚོ་དང༌། ཆུ་མིག །སྐམ་ས་སྟེ་གཞུག་ས་གསུམ། སྤྱན་དྲང་བ། ཤག་གདབ་པ། མནའ་དགག་པ་སྟེ་གཅེས་པ་གསུམ། མ་མོ། གཤིན་རྗེ། བདུད་སོགས་གང་ལ་གཏད་པའི་ཡུལ། ཟས་སྐལ་དུ་གཏད་པ། དགྲ་སྐལ་དུ་གཏད་པ། གྲོགས་སྐལ་དུ་གཏད་པ་སོགས་གཏད་ལུགས། ནམ་མནན་པའི་དུས་ཚོད། མ…

ནི། ཕོ་སྲི་ལ་བཙས་འོག །མོ་སྲི་བྲག་ནག་རྨངས། ཆུང་སྲི་མའི་མལ་འོག །དུར་སྲི་དུར་ཁྲོད་དབུས། དགྲ་སྲི་ལྡང་ཕྱོགས་སམ་ལུང་གསུམ་མདོ། གོད་སྲི་ར་བའི་དབུས། ཕུང་སྲི་གྲོང་ཁྱེར་གྱི་སྲང་མདོ། དམ་སྲི་ལྷ་ཁང་ཐེམ་འོག་གམ་མཆོད་རྟེན་རྨངས། དགྲ་འདྲེ་སྤྱི་ལ་ལྷ་ཁང་དང་མཆོད་རྟེན་གྱི་འོག །ལམ་རྒྱ་གྲམ་སོགས་སུ་གནོན་ཅིང༌། དེར་ཡང་དཔྱིད་གས…

དོ། །གཉིས་པ་བསྲེག་པ་ནི། དཔེར་ན་གནོད་པའི་དགྲ་ཞིག་གཡུལ་སྤྲད་ནས་ལག་ཏུ་ཟིན་པའི་ཚེ་བསད་ནས་སླར་གཟུགས་ཕུང་ཡང་མེ་ཆུར་སྦྱངས་ཏེ་མེད་པར་བྱེད་པ་ལྟར། བསད་པའི་མངོན་སྤྱོད་ཀྱིས་སྲོག་ཕྲོགས་པར་བྱས་པ་དེའི་གཟུགས་ཀྱི་ཕུང་པོ་དང་བཅས་མེ་ལྷ་ཡེ་ཤེས་པའི་ཞལ་གྱི་ཧོམ་རབ་ཏུ་འབར་བའི་ཀློང་དུ་བསྲེགས་པར་བྱེད་པ་མཐའ་སྡུད་ལས་ཀྱི་གཟེར་ཁ་…

་ཅིང༌། དོན་དམ་ཡེ་ཤེས་མེ་ལྕེ་འབར་བའི་ཞལ་གྱི་ཧོམ་དུ་མ་དག་ལྔ་ཕུར་གྱི་ཚོགས་ཀྱི་བུད་ཤིང་བསྲེགས་པས་དག་པ་ཆོས་ཉིད་མཉམ་པའི་དབྱིངས་སུ་ཡེ་ཤེས་ཀྱི་མེ་ལྕེ་འོད་རབ་ཏུ་གསལ་བས་མ་རིག་པའི་མུན་པ་སངས་ཏེ་ཤེས་བྱ་ཀུན་ལ་ཡེ་ཤེས་རྒྱས་པའི་གོ་འཕང་དམ་པར་སྦྱོར་བར་བྱེད་པའི་ཐབས་བླ་ན་མེད་པའོ། །གསུམ་པ་འཕང་བ་ཟོར་ནི། དཔེར་ན་ཕ་རོལ་གྱི་ག…

བསད་པའི་ལས་རྣམས་ཀུན་ལ་ཤིས། །ཞེས་དང༌། གསེར་སྐྱེམས་རྒྱས་པར་གཏང་བར་བྱ། །མ་ཉེས་དཔང་གཟུག་ལས་རྣམས་བསྐུལ། །རྡོ་རྗེའི་གླུ་ནི་དྲག་ཏུ་བླང༌། །ལྷོ་ཕྱོགས་ཁ་བལྟས་ཧ་ཧས་གདབ། །རྐང་པ་གཡས་པ་བག་ཙམ་བསྐུམ། །གཡོན་པ་རབ་ཏུ་བགྲད་ལ་འཕང༌། །ཞེས་སོགས་གསུངས་པ་ལྟར། དང་པོ་ཟོར་བསྒྲུབ་པའི་དཀྱིལ་འཁོར་བཞེངས། དེ་ལ་རྫས་དགོད་དེ་ཏིང་ངེ་འཛི…

ཁྲིགས་དཀྱུས་སུ་བསྟན་པ་དེ་ལ་དོན་གྱི་གནད་ཐམས་ཅད་ཚང་བ་ཡིན་ནོ། །སྤྱིར་དྲག་པོའི་ལས་ཀྱི་མངོན་སྤྱོད་ཟབ་མོ་སྒྲུབ་པ་ལ། ལྟ་བ་ཆོས་ཉིད་ཀྱི་རྫོང་དང་ལྡན་པ། སྒོམ་པ་ཏིང་ངེ་འཛིན་གྱི་འཕྲང་ལས་ཐར་བ། སྤྱོད་པ་བྱང་ཆུབ་སེམས་ཀྱི་སྲོག་གནད་ཟིན་པས་དྲག་སྔགས་ལོག་པར་མི་གོལ་བ། གསལ་བ་གསུམ་དང་ལྡན་པས་ལོག་རྡུགས་འབྱམས་གསུམ་གྱི་སྐྱོན་མི…

ཡིད་ཡུལ་དུ་བྱས། དེ་ལ་ཞེ་སྡང་རང་རྒྱུད་པས་བསྐུལ་ཏེ་ཟན་གོང་གི་གཟུགས་བརྙན་ལ་མཚོན་ཆས་བརྡེག་པའི་རྔམས་སྟབས་བྱས་པས་ནི་ཐེག་ཆེན་སོ་ཐར་ལྟར་ན་སྲོག་གཅོད་ཀྱི་ཕམ་པའི་ཉེར་ལེན་དང༌། བྱང་སེམས་ཀྱི་སེམས་ཅན་བློས་སྤོང་གི་ལྟུང་བ། གསང་སྔགས་ལོག་པར་སྒྲུབ་པའི་དམ་ཚིག་ཉམས་པ་བཅས་དོན་དུ་ཅུང་ཟད་ཀྱང་མི་འགྱུར་བའི་སྟེང་དུ་རྣམ་སྨིན་བཟོ…

ཞེས་དང༌། མྱང་འདས་ལས། གཉིས་མེད་དོན་ལྡན་སྐྱེས་བུ་དེས། །གནོད་གདུག་རྣམ་གཉིས་མ་བསྒྲལ་ན། །ངེས་པར་ངན་སོང་འཁོར་བར་ལྟུང༌། །ཅི་ཕྱིར་ངེས་པའི་ལས་ལ་བསྒྲིབ། །ཅེས་སོགས་གསུངས་པའི་མཚན་ཉིད་ཀྱིས་བསྒྲལ་བའི་ཡུལ་ལ་སྒྲོལ་བའི་ནུས་པ་ཡོད་བཞིན་དུ་མ་བསྒྲལ་བར་བཏང་སྙོམས་སུ་འཇོག་ན། སྤྱིར་བླ་མ་རྡོ་རྗེ་སློབ་དཔོན་མཆེད་ལྕམ་དཀྱིལ་འཁོར…

བའི་ཕན་ཡོན་ནི། རྒྱུད་ལས། དེ་ལ་དྲག་པོའི་ལས་བྱས་ན། །མྱ་ངན་འདས་པའི་ཡོན་ཏན་ཐོབ། །མ་མོ་མཁའ་འགྲོ་བྲན་བཞིན་འཁོལ། །ཚེ་རིང་བདེ་བ་ཕུན་སུམ་ཚོགས། །དགྲ་དང་འབྱུང་པོ་རྡུལ་དུ་རློག །མཐུ་ཆེན་ལྷ་སྲིན་དེ་བཞིན་ཏེ། །ཅི་བགྱིའི་བཀའ་དང་བསྒོ་བ་ཉན། །འདི་དང་ཕ་རོལ་གཉིས་སུ་ཡང༌། །བསམ་པ་འགྲུབ་ཅིང་མཐོ་རིས་འཐོབ། །བདག་དང་གཉིས་མེད་བྱང…

བྱིན་ཆེ་བ་སོགས་ཡོན་ཏན་མཐའ་དང་མུ་མེད་པ་འཐོབ་པར་འགྱུར་ལ། དེས་ན་དགོངས་སྤྱོད་ཚུལ་བཞིན་ལྡན་པས་སྒྲོལ་བ་ལམ་དུ་བྱས་པ་དེ་ཉིད་ཀྱིས་ཕ་རོལ་པོའི་ཚེ་བསོད་རང་ལ་ཁུག་པས་བདག་རྣལ་འབྱོར་བ་འཚེངས། དགྲ་བགེགས་ཀྱི་ལས་ངན་རྒྱུན་ཆོད་ནས་བདེ་བར་གཤེགས་པའི་སྲས་སུ་གྱུར་པས་གཟས་པ་པོ་འཚེངས། སྙིགས་མའི་ཤ་ཁྲག་ཟག་མེད་ཀྱི་བདུད་རྩིར་གྱུར་པས…

བའི་དམ་ཚིག་ནི། །བསད་ཅིང་མནན་པ་མ་ཡིན་ཏེ། །ཕུང་པོ་རྡོ་རྗེར་གཏམས་བྱས་ནས། །རྣམ་པར་ཤེས་པ་རྡོ་རྗེར་བསྒོམ། །ཞེས་དང༌། དཔལ་ཆེན་རྡོ་རྗེ་ཉིད་ཀྱི་སྐུ། །མ་ལུས་དབྱེར་མེད་འདུས་མ་བྱས། །གཉིས་མེད་དོན་གྱི་དེ་བཞིན་ནོ། །ཞེས་སོགས་གསུངས་པ་ལྟར། མཚན་མའི་ཕུར་པ་ཡེ་ཤེས་ཀྱི་རང་བཞིན་ཅན་དེ་བསྒྲལ་བྱའི་ཡུལ་ལ་ཐེབས་བས་གནས་སྐབས་ཀྱི་ལས…

ཏུ་བཤད་པ་ལ་གཉིས། སྨད་ལས་མན་ངག་ཁྱད་པར་བའི་སྒྲུབ་ཁོག་གི་ཆིངས་བསྟན་པ་དང༌། གདབ་ཁ་དཀྱུས་སུ་ཚང་བ་དམར་ཆེན་གཏོར་མའི་ལས་རིམ་བཤད་པའོ། །སྔ་མ་ལའང༌། སྒྲུབ་ཁོག་དངོས་ཀྱི་རྣམ་བཞག་སྤྱིར་སྨོས་པ་དང༌། འཇུག་པ་བདེ་བའི་ལག་ལེན་བྱེ་བྲག་ཏུ་བཤད་པ་གཉིས་ཀྱི། དང་པོ་ལ་གསུམ། བསྙེན་པ་གསུམ་བྱ་བ། ལས་སྦྱོར་གྱི་སྒོ་ནས་དངོས་གྲུབ་ཀྱི་བཅུ…

སོགས་བབ་ལྔས་བསྐུལ་ལོ། །ངན་སྔགས་ཀྱི་ཚེ་རྒྱས་པར་གཞུང་གི་རྩ་བའི་བསྐུལ་བྱང་དང༌། བསྡུ་ན་བབ་བརྒྱད་གཤམ་དུ། བྱང་ཆུབ་མཆོག་ཏུ་སེམས་བསྐྱེད་ཅིང༌། །ཞེས་སོགས་འདོད་པའི་དོན་ལ་གསོལ་བ་གདབ་པ་ཉིད་ཀྱིས་བསྐུལ་བ་ཡིན་ནོ། །དེ་ལྟར་བསྙེན་པ་གསུམ་གྱིས་ཡེ་ཤེས་ཀྱི་ལྷ་གྲུབ་པའི་རྟགས་སྒྲུབ་ཁོག་ཏུ་བཤད་པ་ལྟར་དང༌། དམ་ཅན་གྲུབ་པའི་རྟགས་ས…

ནུས་ན་དེ་མ་ཐག་ཏུ་སྨད་ལས་ཀྱི་དཀྱིལ་འཁོར་ཨེ་ཀ་དམར་ནག་གི་ཚུལ་དུ་བཞེངས་པར་བྱ་སྟེ། བྱིཏྟོ་མ་ལས། དབུས་ན་ཕོ་བྲང་ཨེ་ཡི་དཀྱིལ། །ཟླ་གམ་དབང་ཆེན་རཀྟའི་རྒྱ་མཚོ་འཁྲུག །ཆོས་སྐུ་སྐྱེ་མེད་མུ་ཁྱུད་ཟླུམ་པོར་འཁྱིལ། །མཁའ་དབྱིངས་བཅུ་དྲུག་ཨེ་ཡི་མཐའ་བསྐོར་ཏེ། །དུག་གསུམ་འཇོམས་ཕྱིར་ཐོད་པ་ཚར་གསུམ་དང༌། བར་ཁྱམས་དང་ནི་ཡེ་ཤེས་སྒོ…