སང་སོང་བར་མོས་པ། ལག་གཉིས་ཁུ་ཚུར་མདུན་དུ་བརྐྱང་རྗེས་ཁུ་ཚུར་གྱི་རྒྱབ་ནུ་སྟེང་དང་ལག་ངར་རྩིབས་ལོགས་ལ་ཐེབས་པར་རྡེག་པ་དང་མཉམ་དུ་ཧ་ཐུང་དྲག་ཏུ་འདོན་ནོ། །སྨད་ཀུནྡའི་གེགས་ནི་ཆགས་སྲེད་བག་ཆགས་ཀྱི་རྒྱུ་ལས་བྱུང་བ་ཡིན་ན་དགག་སྒྲུབ་དང་བྲལ་བའི་བློས་སེལ། གྲིབ་དང་དམ་སེལ་གྱིས་འཛག་ན་དབང་ཞུ་ཞིང་ཚོགས་འཁོར་བྱ། གང་བས་འཛག་པ་ད…

ནུས་བཟླས་ཏེ། རང་གི་རྡོ་རྗེ་ལྤགས་པས་མགོ་བཏུམས་ལ་ཁོང་པར་སྦས་པས་རྟིང་པ་གཡས་གཡོན་གང་རིགས་ཀྱིས་མནན་ཅིང༌། རྐང་པ་ཅིག་ཤོས་བརྐྱངས་ནས་ཉལ་བས་སེལ་ཏེ་ཤིན་ཏུ་ཟབ། སྤྱིར་གེགས་སྐྱོན་ཆེ་ཆུང་གང་བྱུང་ཡང་བླ་མ་ལ་གསོལ་བ་འདེབས་པ་དང༌། མཁའ་འགྲོ་ལ་ཚོགས་གཏོར་བཏང་ཞིང༌། ཁྱད་པར་ཤེས་པ་ཀ་དག་གི་ངང་ལ་བཞག་པས་རྩ་རླུང་ཐིག་ལེའི་སྐྱོན་ཐམས…

ལམ་རྟགས་ཡོན་ཏན་བསམ་མི་ཁྱབ༔ གྲུབ་པ་བརྒྱད་ལ་མངའ་དབང་འབྱོར༔ མཐར་ཐུག་ཡེ་ཤེས་འཁོར་ལོ་རུ༔ ཡང་དག་རྫོགས་པའི་སངས་རྒྱས་འགྱུར༔ ཞེས་གསུངས་པ་ལྟར་རོ། །གསང་ཆེན་གསང་བའི་ལམ་གྱི་མཐར་ཐུག་ཆེ། །བདེ་བས་བདེ་སྟོང་ཡེ་ཤེས་ལ་སྦྱོར་བ། །ཐབས་མཆོག་ཐབས་ལམ་མན་ངག་བདུད་རྩིའི་སྐྱེས། །སྐལ་ལྡན་སྐལ་བར་བསྐྱིལ་འདི་སྙིང་གི་གསོས། །འཁྲུལ་རྟོག…

ཚོགས་དགའ་ཚལ་གྱི་བསྟི་གནས་སུ་གྲུབ་པར་བགྱིས་པ་སྟེ། འདིས་ཀྱང་འགྲོ་བ་ཐམས་ཅད་ཟུང་འཇུག་བདེ་ཆེན་རྡོ་རྗེ་གཞོན་ནུའི་གོ་འཕང་མཆོག་ལ་མྱུར་དུ་རེག་པའི་རྒྱུར་གྱུར་ཅིག། །།སརྦ་དཱ་མངྒ་ལཾ། །ཛ་ཡནྟུ། །

༄༅། །ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་ཐིག་ལེའི་མན་ངག་གི་ལྷན་ཐབས་ལག་ཁྲིད་དཔལ་ཆེན་དགྱེས་པའི་ཞལ་ལུང་ཞེས་བྱ་བ་བཞུགས་སོ། །

ཨོཾ་སྭསྟི། །མཁའ་ཁྱབ་བདེ་ཆེན་སྒྱུ་དྲྭའི་ཟློས་གར་གྱིས། །དངོས་ཀུན་མི་ཤིགས་ཐིག་ལེར་སྡོམ་མཛད་མགོན། །ཧེ་རུ་ཀ་དཔལ་བླ་མར་གུས་བཏུད་ནས། །མཆོག་གསང་མན་ངག་ཟབ་མོའི་ལྷན་ཐབས་དབྱེ། །དེ་ལ་འདིར་ཕུར་པ་བདུད་འཇོམས་གནམ་ལྕགས་སྤུ་གྲིའི་རྫོགས་རིམ་རྩ་རླུང་ཐིག་ལེའི་མན་ངག་གི་ལྷན་ཐབས་ལག་ཁྲིད་ཅུང་ཟད་གསལ་བར་བྱེད་པ་ལ་གཉིས་ཏེ། སྤྱིའ…

ཐིག་ལེ་བྱང་ཆུབ་སེམས་ཀྱི་མཚན་ཉིད་དོ། །དང་པོ་ལུས་འགྲུབ་པའི་རྒྱུ་རྐྱེན་ནི། རྡོ་རྗེ་ཐེག་པའི་རྟེན་ཁྱད་པར་དུ་འཕགས་པ་འཛམ་བུའི་གླིང་པའི་མི་ཁམས་དྲུག་ལྡན་གྱི་ལུས་འདི། དྲི་མ་དང་བཅས་པའི་སེམས་ཀྱིས་འདུ་བྱས་ཤིང་ལས་མངོན་པར་བསྒྲུབས་པས་རྒྱུ་བྱས། ཕ་མའི་འདུ་འཕྲོད་ཀྱིས་རྐྱེན་བྱས་ཏེ། དེ་གསུམ་ཚོགས་པ་ཉི་ཟླ་སྒྲ་གཅན་ཞེས་བཏགས…

གྲུབ་ཅིང༌། དེ་བཞིན་དུ་བྱང་སེམས་ཁུ་བ་གཤེར་བའི་རང་བཞིན་ཆུ། བསྐྱོད་པ་ལས་དྲོད་སྐྱེ་བ་མེ། རྩ་གནས་ཐམས་ཅད་ལས་བྱང་སེམས་གཡོ་བ་རླུང༌། བདེ་བ་ནམ་མཁའི་ཁམས་ཏེ་འབྱུང་བ་ལྔ། རྣམ་པར་ཤེས་པ་ཡེ་ཤེས་ཀྱི་ཁམས་དང་དྲུག་འདུས་པ་ལས་ལུས་གྲུབ་པ་སྟེ། མའི་མངལ་དུ་ས་བཅུའི་རང་བཞིན་གྱི་ཟླ་བ་ངོ་བཅུར་གནས་པའི་ཚེ་རྩའི་གཙོ་མོ་གསུམ་ནས་བརྩམས་…

ཆེན་འབྱིན་སྡོམ་གྱི་ལས་བྱེད། སྤྱི་མགྲིན་སྙིང་ལྟེ་གསང་བའི་འཁོར་ལོ་ལྔ་ཀའི་ལྟེ་བ་དྷཱུ་ཏི་ནས་ཕྱོགས་བཞིར་འབྱུང་བཞིའི་ནུས་པ་འཛིན་པའི་རྩ་འདབ་བཞི་བཞི་གྱེས་ཤིང༌། སྙིང་གར་དེ་བཞི་ལས་གཉིས་རེ་གྱེས་པས་བརྒྱད། མགྲིན་པར་དེ་ལས་གཉིས་གཉིས་གྱེས་པས་བཅུ་དྲུག སྤྱི་བོར་དེ་ལས་གཉིས་གཉིས་གྱེས་པས་སོ་གཉིས། ལྟེ་བར་སྙིང་ག་ལྟར་གྱེས་…

དང༌། དེ་དང་དེར་བྱེད་པ་བཅིངས་པ་ལས་རྟོག་པ་གཅོད་པའི་ཕྱིར་འཁོར་ལོ་དང་བྱེད་ལས་མཚུངས་པས་ཀྱང་དེ་སྐད་ཅེས་བྱའོ། །རྩ་དེ་དག་ལས་ཀྱང་ཕྱེ་ན་ནང་གི་གནས་ཉེར་བཞི་དང་ཡུལ་སོ་བདུན་དང༌། རོ་རྐྱང་དབུ་མ་གསུམ་གྱི་རིག་འཛིན་པའི་རྩ་སྟོང་ཕྲག་ཉི་ཤུ་རྩ་བཞི་པ་ཚོ་གསུམ་ལ་སྟོང་ཕྲག་བདུན་ཅུ་རྩ་གཉིས། དེ་རྣམས་ལས་གྱེས་པ་ནི་བསམ་གྱིས་མི་ཁྱབ་…

བའི་ལུས། དེ་རྣམས་ཀྱི་ཆོས་ཉིད་དོན་དམ་ཡེ་ཤེས་ཀྱི་རྩ་ནི་རང་རིག་པའི་རྣམ་པར་ཤར་བའི་ཕྱིར་ཐ་མལ་གྱི་རྩ་ཐམས་ཅད་ལ་ཁྱབ་བྱེད་དུ་བཞུགས་པས་ཡེ་ཤེས་ཀྱི་དབུ་མ་ཆེན་པོ་ཞེས་ཀྱང་གྲགས་ལ། དེ་ཉིད་རྣམ་པ་ཐམས་ཅད་པ་ཡིན་པས་ཀུན་རྫོབ་ཀྱི་རྩ་ཡང་དེའི་རྗེས་སུ་འགྲོ་བའི་ཕྱིར། རྣལ་འབྱོར་པའི་སེམས་ཀྱིས་རྣམ་པ་གར་གཏད་དེ་དང་འདྲ་བར་ཐ་མལ་པའི་…

གཞིའི་རྣམ་ཤེས་ཀྱི་རང་བཞིན་ཡུལ་ལ་གཡོ་བནི་ལས་ཀྱི་རླུང་སྟེ། དེ་ལ་ཕུང་པོ་ལྔའི་རྟེན་བྱེད་པ་རྩ་བའི་རླུང་ལྔ་ནི། སྲོག་འཛིན། གྱེན་རྒྱུ། ཁྱབ་བྱེད། མེ་མཉམ། ཐུར་སེལ་ལྔ་སྟེ། བྱེད་ལས་ཀྱང་རིམ་པ་བཞིན། སྲོག་གནས་པ་དང༌། དབུགས་དབྱུང་རྔུབ་དང༌། ལུས་གནས་པ་དང༌། དྲོད་འབེབས་པ་དང༌། འགྲོ་འདུག་གཤང་གཅི་ཁུ་གསུམ་འབྱིན་སྡོམ་དང་བཅས་…

རེ་བཞི་ལས། སྔར་དྲུག་ཏུ་གྱེས་པའི་ཡ་གྱལ་བཞི་པོ་དབུ་མའི་འཕོ་བ་ཡིན་པའི་ཕྱིར། དཀྱིལ་འཁོར་མི་འབབས་པས་སྟོང་པའི་རྩ་བཞི་ཞེས་བྱའོ། །དེ་ལྷག་དྲུག་ཅུ་པོ་ནས་རྒྱུ་ཚུལ་ནི། བ་སྤུའི་མཐར་ཐུག་པའི་རྩ་ལམ་ནས་རྩ་འཁོར་གྱི་རླུང་རྣམས་ལྟེ་བའི་རླུང་དང་འདྲེས་ཏེ་རོ་རྐྱང་གི་ལམ་ལས་སྣ་སྒོར་འབབ་པ། དེ་ཡང་འབྱུང་བ་ལྔ་གཡས་གཡོན་སྡུད་པ་བསྐ…

གྲངས་ཏེ་ཕྱི་རོལ་དུ་ཟླ་ཤོལ་གྱི་རྒྱུར་འགྱུར་ལ། སྐྱེས་བུ་ལོ་བརྒྱ་པའི་ཡེ་རླུང་བསྡོམས་པས་ལོ་གསུམ་ཕྱོགས་གསུམ་དུ་ལོངས་པ་སོགས་རྒྱུད་སྡེ་རྣམས་ལས་རྒྱ་ཆེར་གསུངས། ཁ་དོག་ནི་ས་ཆུ་མེ་རླུང་ནམ་མཁའ་རིམ་པར་སེར་དཀར་དམར་ནག་སྔོན་པོ། ཚད་ཀྱང་ལྟེ་འོག་སོར་བཞི་ནས་བརྒྱུད་དེ་སྣ་རྩེ་ལས་སོར་བཅུ་གཉིས་ནས་བཅུ་དྲུག་གི་བར་དུ་འགྲོ་བ་ཡི…

གྱུར་པ་སྟོང་གསལ་འགག་མེད་ཀྱི་ངོ་བོར་བཞུགས་པ་ནི་ཡེ་ཤེས་སྙིང་པོའི་ཐིག་ལེའམ་དོན་དམ་མི་ཤིགས་པའི་ཐིག་ལེ་ཡིན་ལ། ཀུན་རྫོབ་རྒྱུའི་ཐིག་ལེ་ནི་ཁམས་དཀར་དམར་གཉིས་ལས་དྭངས་སྙིགས་གཉིས་སུ་གྱུར་ཏེ། སྤྱི་བོར་ཕ་ལས་ཐོབ་པའི་དཀར་ཆ་ཧཾ་གི་རང་བཞིན་དང༌། ལྟེ་འོག་རྩ་གསུམ་འདུས་མདོར་མ་ལས་ཐོབ་པའི་དམར་ཆ་ཨ་ཐུང་གི་རང་བཞིན་ཏེ། ལས་ཀྱི་ད…

མཆིལ་སྣབ་ལ་སོགས་པ་དང༌། དགའ་བའི་མཐར་འཛག་པ་སྟེ། ལུས་ཟུངས་བདུན་ཞེས་གྲགས་ཤིང༌། དེ་དག་གི་རྣམ་དབྱེ་རྒྱས་པར་ཕྱེ་ན་བྱེ་བ་ཕྲག་བདུན་ཅུ་རྩ་གཉིས་སོགས་རྩ་ཇི་སྙེད་པར་རླུང༌། རླུང་ཇི་སྙེད་པར་ཐིག་ལེས་ཁྱབ་པར་གསུངས། མདོར་ན་ཐིག་ལེ་མཐའ་དག་ཁུ་རྡུལ་མུན་གསུམ་དུ་འདུ་ཞིང༌། དེ་གསུམ་གྱིས་ཆགས་སྡང་རྨོངས་གསུམ་སྐྱེད་པ་ལས། རང་བཞིན་…

སེམས་ཀྱི་དྭངས་མ་དྲུག་པོ་ཡང་གཉིས་གཉིས་ཟུང་དུ་འཇུག་པ་ལས། ས་ཆུའི་དྭངས་མ་སྐུ་རྡོ་རྗེ། མེ་རླུང་གི་དྭངས་མ་གསུང་རྡོ་རྗེ། མཁའ་སེམས་ཀྱི་དྭངས་མ་ཐུགས་རྡོ་རྗེར་བཞུགས་ཤིང༌། དེ་གསུམ་ལྡོག་ཆས་ཕྱེ་བ་ཙམ་ལས་དོན་དམ་པར་སྐུ་གསུང་ཐུགས་རྡོ་རྗེ་མཉམ་པ་ཉིད་དེ་སྦྱང་གཞི། དེའི་རང་མདངས་ཀུན་རྫོབ་སྣང་ངོའི་ཆ་ནས་རྐྱང་མ་རོ་མ་དབུ་མ་གསུ…

སྒྲུབ་པའི་གནས། འཚོ་བ་ཟས། ལམ་གྱི་གྲོགས་སོགས་གཞུང་མཐུན་མཚན་ཉིད་ཚང་བ་དང༌། ཁྱད་པར་གསང་སྤྱོད་གསང་སྒྲོགས་ཀྱི་ཉེས་པ་འགོག་ཕྱིར་གཞན་གྱིས་མཐོང་ཚོར་མེད་པའི་དབེན་གནས་ས་གཞི་ཁོད་སྙོམས་པར། རླུང་ར་རྒྱ་ཁྱོན་འཚམས་ཤིང་ཁོར་ཡུག་ཀུན་ནས་ར་བས་ལེགས་པར་བསྐོར་ལ་ཡོལ་བ་སོགས་ཀྱི་ལྟ་གསེང་མེད་པར་བྱ། རྟེན་འབྲེལ་ལུས་ལ་བསྒྲིགས་པས་རྟོ…

མཚོན་པའི་སྒོམ་ཐག་དམར་ཁྲ། གཙང་དམེའི་རྟོག་པ་དག་ཅིང་ཏིང་ངེ་འཛིན་གྱི་བཟའ་བཏུང་ལ་རོལ་པ་མཚོན་པའི་ཀ་པཱ་ལ་མཚན་ལྡན་བཅས་བཅང་ཞིང༌། བྱེ་བྲག་རླུང་གི་ཡོ་བྱད་ཁྱད་པར་བ་ལ། འབེབས་གདན་ནི། འབོལ་སྲབ་འཐུག་རན་པ་རྒྱར་འདོམ་གང་ངམ་མཐོ་ལྔ་ལས་མི་ཆུང་བའི་ཁར་ཀོ་སྟན་འཇམ་ཞིང་མཉེན་ལྡན་ཁོད་སྙོམས་པ་འདི་དང༌། ཨང་རག་ནི། མཛེས་ཤིང་ཡིད་དུ་འ…

བཞིའི་ཚད་ཅན་གཉིས་ཁ་སྦྱར་བའམ། ཡང་ན་ཞེང་གཅིག་ཉིས་ལྟེབས་ཀྱིས་ནང་ཁོངས་སྟོང་དུ་བྱས་པའི་ངོས་ལ་རས་དཀར་གྱི་སྐུད་པས་རྩ་གསུམ་མཚོན་དོན་ལྟ་བུ་དྲུབ་ཅིང་མཛེས་པར་བྱ། རིང་ཐུང་གི་ཚད་སྲིད་དུ་བཞི་ལྟེབས་བྱས་ནས་རང་གི་མགོ་ལ་དཀྲིས་པའི་ལྷག་མ་སོར་བརྒྱད་རིང་ཚད་དང༌། སོར་བཞི་ཐུང་ཚད་ཡིན་པས་གང་བདེར་བྱས་ལ་བཅང་ངོ༌། །གཉིས་པ་རྩ་བའི་…