གཉེན་པོའི་ལྷ་མཆོག་སྟོབས་སུ་ཆེ་བ་དྲག་པོ་རྟ་ཕྱག་ཁྱུང་གསུམ་གྱི་གདམས་སྐོར་མཐའ་ཡས་པ་ཞིག་དཔལ་ཆེན་ཧེ་རུ་ཀ་དངོས་བྱོན་པདྨ་ཐོད་ཕྲེང་རྩལ་གྱིས་ཐུགས་སྲས་རྗེ་འབངས་གྲོགས་དང་བཅས་པ་རྣམས་ལ་སྩལ་ཞིང་ཕལ་ཆེར་ཕྱི་མའི་དུས་ཀྱི་གདུལ་བྱ་དགོངས་ཏེ་གཏེར་གྱི་རིགས་བྱེད་དུ་མར་རྒྱས་བཏབ་པ་ལས། སྐབས་སུ་བབས་པ་འདི་ནི་འབྲོག་བན་ཁྱེའུ་ཆུང་ལ…

ཕྱིར༔ རྡོ་རྗེ་གསུམ་གྱི་དབང་བསྐུར་སྩོལ༔ [ལན་གསུམ།] དེ་ལྟར་གསོལ་བ་བཏབ་པའི་ལན་དུ་སློབ་དཔོན་གྱིས་གནང་བ་བྱིན་པ་འདི་ལ་གསན་འཚལ། ཀྱཻ༔ སྐལ་ལྡན་རིགས་ཀྱི་བུ་ཁྱོད་ཉོན༔ མི་ལུས་ཐོབ་པ་དོན་ལྡན་ཕྱིར༔ སྒོ་གསུམ་རྡོ་རྗེའི་གྲོང་འཇུག་ན༔ ཟབ་མོའི་དབང་མཆོག་བསྐུར་བགྱིའོ༔ བླ་མ་དབང་ཆེན་དྲག་པོ་རྩ་གསུམ་རྒྱ་མཚོའི་བདག་ཉིད་དུ་གསལ་བ…

བཟོད་པར་དཀའ་བའི་རྣམ་འགྱུར་ཅན། སྐུ་མདོག་དམར་པོ་དུས་མཐའི་མེ་ལྟར་འབར་ཞིང་ཁམ་ནག་རལ་པ་གྱེན་དུ་བརྫེས་པའི་ཁྲོད་དུ་རྟ་མགོ་ལྗང་ཞུར་རྟ་སྐད་དྲག་པོ་འཚེར་བ། ཕྱག་གཡས་གནམ་ལྕགས་ཀྱི་རལ་གྲི་མེ་འབར་བ་ནམ་མཁའ་ལ་འཕྱར་ཞིང་གཡོན་སྡིག་མཛུབ་དཀུ་ལ་བརྟེན་པའི་ཚུལ་གྱིས་སྦྲུལ་ཞགས་འཛིན་པ། དུར་ཁྲོད་འཇིགས་པའི་ཆས་ཀྱིས་བརྗིད་ཅིང་ཞབས་གཉ…

བཞེས་གཉེན་པོ་སྟོབས་ཀྱི་ལྷ། །ཁྲག་འཐུང་དྲག་པོ་ལྷ་གསུམ་གནས་འདིར་གཤེགས། །དབང་བསྐུར་བྱིན་ཕོབ་མཐུ་རྩལ་དངོས་གྲུབ་སྩོལ། །[རྩ་སྔགས་མཐར།] ཛྙཱ་ན་ཨ་བེ་ཤ་ཡ་ཨ་ཨཱ༔ [བཏགས་པ་དྲག་ཏུ་བརྗོད་ལ་དབབ།] ཡེ་ཤེས་པའི་བྱིན་རླབས་བརྟན་པར་བྱས་པའི་མོས་པ་མཛོད། ཏིཥྛ་བཛྲ། [ཞེས་སྤྱི་བོར་རྡོ་རྗེ་རྒྱ་གྲམ་དུ་བཞག །]དེ་ནས་དབང་དངོས་ལ། བུམ་པ་…

སྒྲིབ་པ་ཀུན་དག་ནས༔ རྡོ་རྗེའི་སྐུ་རུ་སྨིན་སྒྲོལ་ཤོག༔ [རྩ་སྔགས་མཐར།] ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ སྲིད་གསུམ་གདུག་པ་འདུལ་མཛད་པ༔ རྡོ་རྗེ་གཏུམ་པོའི་དབང་བསྐུར་རོ༔ གདོན་གསུམ་གཡུལ་ལས་རྒྱལ་བ་དང་༔ དྲེགས་པ་ཀུན་འདུལ་དབང་ཐོབ་ཤོག༔ [རྩ་སྔགས་མཐར།] ཀཱ་ཡ་ཨ་བྷི་ཥིཉྩ་ཨོཾ༔ ཧཱུྃ༔ ཆོས་ཉིད་རྩལ་ལས་རང་ཤར་བ༔ ཡེ་ཤེས་ཁྱུང་གི་དབང་…

ཀྱི་ཡེ་ཤེས་འགྲུབ་པར་ཤོག༔ [རྩ་སྔགས་མཐར།] ཝཱ་ཀ་ཨ་བྷི་ཥིཉྩ་ཨཱཿ ཐུགས་ཀྱི་དབང་གི་སླད་དུ་མེ་ལོང་དྭངས་པའི་ངོས་སུ་རྡོ་རྗེའི་གཟུགས་བརྙན་ཤར་ཡང་སྣང་ལ་རང་བཞིན་མ་གྲུབ་པ་བཞིན་འདི་ལྟར་སྣང་བའི་འཁོར་འདས་ཀྱི་ཆོས་རྣམས་རང་བྱུང་རིག་པའི་རང་རྩལ་དུ་ཤེས་པས་གནས་ལུགས་གསལ་སྟོང་ཟུང་འཇུག་གི་ངོ་བོར་མཉམ་པར་ཞོག་ཅིག །[མེ་ལོང་དུ་རྡོ་…

སྙིང་གར་བཞག་པས་སྣང་སྟོང་ཐབས་ཤེས་ཟུང་འཇུག་གི་བརྡ་དོན་རྟོགས་ཏེ་ཡིད་དང་ཐིག་ལེའི་སྒྲིབ་པ་སྦྱངས་ཤིང་ཤེས་རབ་ཀྱི་དབང་བསྐུར་ཐོབ་པར་མོས་མཛོད། [རྨ་བྱའི་མདོངས་སྙིང་བར་བཞག་ལ། [] ཧཱུྃ༔ སྐུ་དང་ཡེ་ཤེས་རང་བྱུང་བ༔ མདངས་ལྡན་རྨ་བྱ་ལུག་རྒྱུད་ཀྱི༔ རྣམ་པའི་འོད་ཐིག་འདི་གཏད་པས༔ ཡིད་སྒྲིབ་དག་ནས་ཤེར་དབང་ཐོབ༔ ཆོས་ཀྱི་སྐུ་རུ་ས…

དེ་ནས་ཡོན་ཏན་ཕྲིན་ལས་ཡོངས་རྫོགས་གཏོར་མ་ལ་བརྟེན་ནས་དབང་བསྐུར་བ་ལ་འདུན་པ་འདི་ལྟར་མཛོད། གཏོར་མ་འདི་ཉིད་དབང་ཆེན་དྲག་པོ་ལྷ་གསུམ་གར་དགུའི་ཉམས་ཀྱིས་རྣམ་པར་རོལ་པའི་སྐུར་གསལ་བ་ཁྱེད་རང་གི་སྤྱི་བོར་དྲངས་ཏེ་དབང་བསྐུར་བས་སྒོ་གསུམ་གྱི་དྲི་མ་ནད་གདོན་བག་ཆགས་དང་བཅས་པ་སྦྱངས་ཤིང་ཡེ་ཤེས་ཆེན་པོའི་བྱིན་རླབས་རྒྱུད་ལ་རྩལ་བ…

འགར་རྐྱེན་སེལ་ཆེད་དུ་དབང་བསྐུར་བྱེད་ན་གི་ཐུགས་དབང་གི་བར་དཀྱུས་ལྟར་ལ།] དེ་ནས་ཡོན་ཏན་ཕྲིན་ལས་ཡོངས་རྫོགས་གཏོར་མ་ལ་བརྟེན་ནས་དབང་བསྐུར་བ་ལ། [སོགས་གཏོར་དབང་སྦྱར་བ་ལས་མཆོག་དབང་གསུམ་མི་དགོས་སོ། །]དེ་དག་གིས་དྲག་པོ་རྟ་ཕྱག་ཁྱུང་གསུམ་གྱི་དབང་བསྐུར་ཟབ་མོ་ལེགས་པར་གྲུབ་པ་སྟེ། རྡོ་རྗེའི་གསུང་ལས། དེ་ལྟར་དབང་བསྐུར་ཟབ…

ཟུང་གིས་ཀྱང་བསྐུལ་བ་ལྟར། ཟབ་གཏེར་རང་གཞུང་ལ་མཚམས་སྦྱོར་ཉུང་ངུའི་གསལ་བྱེད་དང་བཅས་བཀླག་པས་གྲུབ་པར་འཇིགས་བྲལ་ཡེ་ཤེས་རྡོ་རྗེས་སྤེལ་བ་དགེ་ལེགས་མཆོག་ཏུ་གྱུར་ཅིག །སརྦ་མངྒ་ལཾ།། །།]

༄༅། །འཇིགས་བྱེད་བདུད་འདུལ་དྲག་མོ་སེང་གདོང་མའི་ཕྲིན་ལས་ཌཱ་ཀི་དགྱེས་པའི་གད་རྒྱང་ཞེས་བྱ་བ་བཞུགས་སོ། །

ཤྲཱི་བི་ཛ་ཡནྟུ། བདེ་ཆེན་ཤེས་རབ་དབྱིངས་ཉིད་དུ་མའི་གར། །ཞི་ཆགས་ཁྲོ་སྒེག་ཉམས་འགྱུར་འབུམ་ཕྲག་གིས། །ཚར་གཅོད་རྗེས་འཛིན་འདོད་རྒུར་སྒྱུར་མཛད་མ། །བླ་མ་འཁོར་ལོའི་གཙོ་མོས་བདག་སྐྱོངས་ཤིག །ཌཱ་ཀིའི་ཐུགས་བཅུད་ཨོ་རྒྱན་མཁན་པོའི་ལུང༌། །བདུད་འདུལ་ཁྲོས་མའི་རྒྱལ་མོ་སྒྲུབ་པའི་ཐབས། །ཟབ་གཏེར་གསང་བའི་དགོངས་དོན་མ་འཁྲུལ་བར། །…

ན་དུར་ཁྲོད་མཚོ་གླིང་བྲག་སྐྱིབས་སོགས་འཇིགས་ཤིང་རྔམས་ཟིལ་ཆགས་པའི་ས་ཕྱོགས་གང་ཡང་རུང་བའི་སྒྲུབ་ཁང་དུ་དམ་ཚིག་གི་བྲིས་སྐུ་སོགས་སྒྲུབ་པའི་རྟེན་བཀྲམ་ཞིང༌། ཕྱི་ནང་གི་མཆོད་པ་གཏོར་ཚོགས་སོགས་དགོས་པའི་དམ་རྫས་མ་ཚང་བ་མེད་པར་འདུ་བྱས་ནས། ཆོ་ག་དངོས་ལ་སྔོན་འགྲོ། དངོས་གཞི། རྗེས་གསུམ་གྱིས་བསྡུས་པ་ལས།] [དང་པོ་སྔོན་འགྲོའི…

གསུམ་དད་པས་སྐྱབས་སུ་མཆི༔ [ཞེས་ལན་གསུམ་གྱིས་སྐྱབས་སུ་འགྲོ།] ཧོཿ མ་གྱུར་མཁའ་མཉམ་སེམས་ཅན་རྣམས༔ རྣམ་གྲོལ་སྐུ་གསུམ་སར་འགོད་ཕྱིར༔ ཡེ་ཤེས་མཁའ་འགྲོ་ཁྱོད་བསྒྲུབ་ནས༔ དོན་གཉིས་འགྲུབ་པར་སེམས་བསྐྱེད་དོ༔ [ཞེས་ལན་གསུམ་གྱིས་སེམས་བསྐྱེད།] [གཉིས་པ་ཚོགས་བསགས་པ་ནི།] ཧོཿ སྐུ་གསུམ་མཁའ་འགྲོའི་གྲོང་ཁྱེར་ལ༔ རྣམ་གསུམ་དད་པས་ཕ…

སྥ་ར་ན་ཨི་མཾ་ག་ག་ཁཾ་གྲྀཧྞེ་དཾ་བ་ལིཾ་ཏ་ཡེ་སྭཱ་ཧཱ། [ལན་གསུམ་གྱིས་གཏོར་མ་བསྡོས་ལ།] ཧཱུྃ་ཧྲཱིཿ ང་ནི་སྤྱི་དཔལ་སེང་གདོང་མ༔ གསང་བ་ཡེ་ཤེས་དྲག་མོའི་སྐུ༔ ཁམས་གསུམ་མ་ལུས་དབང་དུ་སྡུད༔ སྲིད་གསུམ་མ་ལུས་ཟིལ་གྱིས་གནོན༔ རབ་འབྱམས་རྒྱལ་བ་བསྐྱེད་པའི་ཡུམ༔ སྤྲུལ་པའི་མཁའ་འགྲོས་ནམ་མཁའ་གང་༔ ལས་བྱེད་མཁའ་འགྲོས་བར་སྣང་གང་༔ སྒྲ…

མ་རིག་དབང་གིས་ཆོས་ཉིད་འཆར་སྒོ་འགགས༔ ད་ནི་རང་རིག་ཡེ་ཤེས་རྟོགས་པའི་ལྷ༔ རང་ངོ་མཇལ་ཕྱིར་ཡེ་ཤེས་འཆར་སྒོ་ཕྱེས༔ ཨོཾ་བཛྲ་པྲ་ཝེ་ཤ་ཡ་ཕཊ༔ [དྲུག་པ་བརྡ་ཕྱག་འཚལ་བ་ནི།] ཧཱུྃ་ཨཱ༔ གཟུང་འཛིན་གཉིས་མེད་ཡེ་ཤེས་ཀློང་༔ གདོད་ནས་རང་རིག་ཡུམ་ཆེན་མོ༔ རྟོག་ཚོགས་གནས་དག་མཁའ་འགྲོའི་གར༔ རང་ཞལ་མཇལ་ཕྱིར་གུས་ཕྱག་འཚལ༔ ན་མོ་པུ་རུ་ཤ་ཡ་ཧོ…

ཆོས་ཀུན་རྣམ་དག་དྲི་མ་མེད། ཕྱི་ནང་གསང་བའི་མཆོད་སྤྲིན་དུ༔ ཡེ་ནས་རང་བྱུང་ལྷུན་གྲུབ་བོ༔ ཨོཾ་བཛྲ་ཨརྒྷཾ་ཨཱཿཧཱུྃ༔ ཨོཾ་བཛྲ་པཱདྱཾ་ཨཱཿཧཱུྃ༔ དེ་བཞིན་དུ་ཤཔྡའི་བར་དང༌། ཨོཾ་བཛྲ་རཱུ་པ་ཤཔྡ་གནྡྷེ་ར་ས་སྤརྴེ་པྲ་ཏཱིཙྪ་ཡེ་སྭཱ་ཧཱ༔ [སྨན་]རཾ་ཡཾ་ཁཾ་[གིས་བསང་སྦྱང༌།] སྟོང་པའི་ངང་ལས་སྨན་སྣོད་བྷནྡྷ་འབར་བའི་གཞལ་ཡས་ཁང་དུ་བཅུད་རྫས…

ཅན་དུ་གྱུར་བར་[བསམ་ཞིང༌།] ཨོཾ་ཨཱཿཧཱུྃ༔ མ་ཧཱ་བ་ལིཾ་ཏ་ཏེ་ཛྭ་བ་ལིཾ་ཏ་བ་ལ་པ་ཏེ་གུ་ཧྱ་ཧྲཱི་ཤྭ་ས་མ་ཡ་ཧཱུྃ་ཧྲཱིཿཋཱ༔ [ལན་བདུན་ནམ་གསུམ།] ཨོཾ་ཨཱཿཧཱུྃ༔ བོ་དྷི་ཙིཏྟ་ཏ་ན་ག་ན་གུ་ཧྱ་ས་རྦ་སྭཱ་ཧཱ༔ [ཞེས་ཕྱི་ནང་གསང་མཆོད་རྣམས་བྱིན་གྱིས་བརླབ། དེ་དག་རྣམས་ནི་སྔོན་འགྲོའི་ལས་རིམ་མོ། །][གཉིས་པ་དངོས་གཞིའི་ཆོས་ལ་བརྒྱད་ལས། དང་པ…

སུཾ་ལས་ཤ་ཆེན་ས་གཞི་སྨུག༔ ཀེཾ་ལས་རུས་པའི་རི་རབ་སྟེང་༔ རཾ་ལས་བསྐལ་པའི་མེ་དཔུང་འབར༔ དེའི་དབུས་སུ་ཕྱི་ལྟར་ན་ས་གཞི་ཞིང་ལྤགས་བརྒྱངས་པ་ལྟ་བུ་ལ༔ རི་བོ་ཐམས་ཅད་ཀེང་རུས་དཀར་པོ་དང་༔ རྩི་ཤིང་ཐམས་ཅད་མདའ་མདུང་རལ་གྲི༔ ཆུ་འབབས་ཐམས་ཅད་ཁྲག་དང་རྣག་གི་རང་བཞིན༔ གཟུགས་སྣང་ཐམས་ཅད་གསོད་གཅོད་ལས་ཀྱི་ཕོ་ཉ༔ སྒྲ་གྲགས་ཐམས་ཅད་ཕཊ་ཕ…