གཏེར་སྲུང་གི་འབུལ་གཏོར། ཚོགས་ཀྱི་ཡོ་བྱད། མིག་དར་མེ་ཏོག །འགྲིམ་དཀྱིལ། གསེར་ཐུར། ཕྱག་ཤིང༌། མཎྜལ་གྱི་ཆས་སོགས་མདོར་ན་དབང་དང་ཆོ་གར་མཁོ་བའི་ཡོ་བྱད་ཐམས་ཅད་མ་ཚང་བ་མེད་པ་ལེགས་པར་འདུ་བྱས་ལ། དབང་དོན་སྒྲུབ་མཆོད་ནི། ལས་བྱང་གི་དབུ་ནས་བརྩམ་མཐར་ཆགས་སུ་གཞུང་བསྲང་བ་ལས། བློ་རབ་ཀྱིས་བདག་མདུན་དབྱེར་མེད་གཅིག་རྫོགས། འབྲིང…

སྟབས་སུ་བཞུགས་པའི་ཐུགས་ཀར་ཉི་སྟེང་ཧཱུྃ་མཐར་སྔགས་ཀྱི་ཕྲེང་བས་བསྐོར་བ་ལས་བདུད་རྩིའི་རྒྱུན་བབས་པས་བུམ་པ་གང་བར་[བསམ་ལ།] ཨོཾ་བཛྲ་ཨ་མྲྀ་ཏ་ཀུཎྜ་ལཱི་ཧ་ན་ཧ་ན་ཧཱུཾ་ཕཊ༔ [ཅེས་ཅི་འགྲུབ་བཟླས་མཐར།] ལྷ་འོད་དུ་ཞུ་བ་བུམ་ཆུ་དང་དབྱེར་མེད་ལས་ཐམས་ཅད་འགྲུབ་པའི་ནུས་ལྡན་དུ་གྱུར་བར་[བསམ། བཀའ་སྲུང་གཏེར་སྲུང་གི་གཏོར་འབུལ། ཚོགས…

གསན་འཚལ། གསན་བྱ་ཟབ་མོའི་ཆོས་འདི་དང་འབྲེལ་བའི་ལོ་རྒྱུས་མདོ་ཙམ་སྨོས་ན། སྔོན་བསྐལ་པ་དཔག་ཏུ་མེད་པ་འདས་པའི་དུས་འོད་དཔག་མེད་ཀྱི་བསྟན་པའི་མཇུག་ཏུ། བདུད་དགའ་རབ་དབང་ཕྱུག་གི་བུ་མོ་ཕྲ་མེན་སེང་གདོང་མ་ཞེས་བྱ་བ་འཇིག་རྟེན་དུ་བྱུང་ནས་སྐྱེ་འགྲོ་ཐམས་ཅད་ཀྱི་སྲོག་དབུགས་དང་ཤ་ཁྲག་ལ་ལོངས་སྤྱོད་ཅིང་སངས་རྒྱས་ཀྱི་བསྟན་པ་ལའང་…

ནས་སྤྲུལ་པ་དུ་མས་བདུད་ཀྱི་ནུས་པ་བཅོམ། མཐུ་དང་སྟོབས་རྩལ་འཕྲོག་ནས་དབང་དུ་བསྡུས་ཤིང་རྣམ་ཤེས་མཁའ་འགྲོའི་ཐུགས་ཀློང་དུ་གནས་སྤར། ལུས་ཕུང་དུར་ཁྲོད་གསང་ཆེན་བསྣོལ་མར་བྱིན་གྱིས་བརླབས། འཁོར་ཚོགས་དྲེགས་པ་ཅན་རྣམས་ཀྱིས་སྲོག་སྙིང་ཕུལ་ཞིང་དམ་ལ་བཏགས་ནས་སངས་རྒྱས་ཀྱི་བསྟན་པ་སྐྱོང་བའི་སྲུང་མར་བཞག །དེར་གཙོ་བོ་མོས་གསང་སྔག…

གནམ་གྱི་དཀྱིལ༔ མུན་པ་བྱ་བ་ཡིད་ལ་མེད། མུན་པ་ཉི་མ་བརྒལ་ནས་འོང་༔ བསལ་ཐབས་དྲག་སྔགས་བཟླ་བར་དགོས༔ ཞེས་གསུངས་པའི་དོན་གནང་བར་གསང་བའི་བདག་པོས་ཞུས་པ་ལྟར་སྟོན་པ་བདུད་འདུལ་བའི་ཏིང་ངེ་འཛིན་ལ་བཞུགས་པས་མཁའ་འགྲོ་བདུད་འདུལ་མ་དངོས་ཀྱིས་གནམ་ལྕགས་ཐོག་རྒྱུད་ཅེས་བྱ་བ། ཡི་གེ་བཅུ་བཞི་རྐང་ལག་མེད་པ་སྦྲུལ་གཅུན་པོའི་རེ་སོ་འདྲ་…

རྗེ་གདན་དུ་ཆོས་རྒྱལ་སུ་རྻ་སིཾ་ཧས་མཆོད་གནས་པཎ་ཆེན་ལྔ་བརྒྱ་དང་བཅས་སངས་རྒྱས་ཀྱི་བསྟན་པ་སྐྱོང་བའི་དུས། ཕྱི་རོལ་མུ་སྟེགས་ཀྱི་བསྟན་པ་འཕེལ་ནས་ནང་པ་སངས་རྒྱས་པའི་བསྟན་པ་ལ་རྩོད་དུ་བྱུང་བའི་ཚེ། ཆོས་རྒྱལ་དང་པཎ་ཆེན་རྣམས་ཀྱིས་སློབ་དཔོན་ཆེན་པོ་པདྨ་སམ་བྷ་བ་སྤྱན་དྲངས་ནས་བདུད་འདུལ་བར་གསོལ་བ་བཏབ་པས་པདྨས་རྫུ་འཕྲུལ་རྩོད…

དམར་ཀེའུ་ཚང་སོགས་གནས་ཆེན་རྣམས་སུ་ལས་ཅན་དག་པའི་འཁོར་རྣམས་ལ། སྒྲུབ་ཆེན་བཀའ་བརྒྱད་བདེ་གཤེགས་འདུས་པ་གཙོ་བོར་གྱུར་བའི་རྩ་བ་གསུམ་གྱི་གདམས་སྐོར་མཐའ་ཡས་པ་གནང་བའི་སྐབས། ཁྱད་པར་ཕྱི་ནང་གི་བྱད་ཕུར་རྦོད་གཏོང་གདུག་པའི་ཚང་ཚིང་བཅོམ་པ་ལ་དུས་མཐའི་མེ་དང་མཚུངས་པའི་ནུས་སྟོབས་གསང་རིག་གཟུངས་སྔགས་གང་གིས་ཀྱང་འགྲན་པའི་ཟླ་དང་…

དམ་ཚིག་གི་རྒྱས་བཏབ་མཐར། སྨོན་ལམ་གྱི་དུས་སད་པའི་ཚེ་མཁའ་འགྲོ་རྡོ་རྗེའི་ལུས་ཅན་ཞེས་བྱ་བའི་ལུང་གིས་སྐབས་ཕྱེས་པ་ལྟར་ཤོག་སེར་ལས་གཏན་ལ་ཕབ་སྟེ་ལས་ཅན་སྙིང་གི་བུ་གསུམ་ལ་ཐུན་མིན་མནོག་ཆོས་སུ་སྩལ་བ་ཟབ་ལམ་མཁའ་འགྲོ་འདུས་པའི་སྒྲུབ་ཐབས་ལ་ཕྱི་ནང་གསང་བ་ཡང་གསང་གི་སྐོར་རྣམས་སུ་བཞུགས་པ་ལས། འདིར་ནང་སྒྲུབ་བདུད་འདུལ་དྲག་མོ་…

དང་མཇལ་བའི་ཚེ་ཕྱག་སྟོང་པར་མཇལ་དུ་མི་རུང་བས་ཕྱག་རྟེན་གྱི་སླད་དུ་མེ་ཏོག་གསར་པའི་ཆུན་པོ་རེ་ཐོགས་པར་མོས་མཛོད། ཨོཾ་པུཥྤེ་ཧཱུྃ༔ ཞེས་མེ་ཏོག་གཏད། བླ་མ་དཀྱིལ་འཁོར་གྱི་གཙོ་མོ་དབྱེར་མེད་པ་ལ་མི་ཕྱེད་དད་པའི་གདུང་ཤུགས་དྲག་པོའི་སྒོ་ནས་གསོལ་བ་འདེབས་པ་འདིའི་རྗེས་ཟློས་མཛོད། ཀྱཻ༔ བླ་མ་སངས་རྒྱས་བླ་མ་ཆོས༔ བླ་མ་དགེ་འདུན་…

ལག་དམ་ཚིག་ལ༔ རྟག་ཏུ་གནས་ཤིང་མི་བསྲུང་རེ༔ དེ་རིང་ཉིད་ནས་མི་བསྲུང་རེ༔ [ཞེས་ཞུས་པའི་ལན་དུ།] ཧོཿསྐལ་ལྡན་རིགས་ཀྱི་བུ་མཆོག་རྣམས༔ དེ་ལྟར་ནུས་ཤིང་བསྲུང་གནས་ན༔ གསང་ཆེན་མཁའ་འགྲོའི་དབང་མཆོག་ནི༔ ཡོངས་རྫོགས་བསྐུར་གྱིས་ལེགས་པར་ཉོན༔ [ལག་ཏུ་རྡོ་རྗེ་དྲིལ་བུ་གཏད་ལ།] ཨེ་མ་སྐལ་ལྡན་བུ་མཆོག་རྣམས༔ གསང་སྔགས་རྡོ་རྗེ་ཐེག་པའི…

བགྱིའོ་སྙམ་དུ་སེམས་བསྐྱེད་པ་འདིའི་རྗེས་ཟློས། ཧོཿ མར་གྱུར་མཁའ་མཉམ་[སོགས་སེམས་བསྐྱེད་ལན་གསུམ།] དེས་ཐུན་མོང་དུ་རྒྱུད་སྦྱོང་བའི་རིམ་པ་སོང་ནས། ཐུན་མོང་མ་ཡིན་གསང་སྔགས་ཀྱི་དབང་ཐོབ་ནས་དམ་ཚིག་ལ་ཚུལ་བཞིན་དུ་གནས་དགོས་པས་དེའི་དཔང་པོར་རྡོ་རྗེའི་སྲོག་ཆུ་སྦྱིན་པར་ཤེས་མཛོད། [དམ་ཆུ་བདུད་རྩི་བྱིན་ལ།] ཧོཿ འདི་ནི་རྒྱལ་…

མཐའ་དག་ལེགས་པར་བསྲུང་དགོས་ཏེ། རྩ་བ་སྐུ་གསུང་ཐུགས་གསུམ་ཡན་ལག་ཉེར་ལྔ་སོགས་སྤྱི་ལྟར་བསྲུང་བ་དང༌། ཁྱད་པར་རང་ལུས་ཐ་མལ་དུ་མི་བཞག་པར་ཡེ་ཤེས་མཁའ་འགྲོའི་སྐུའི་འཁོར་ལོ། ངག་མཁའ་འགྲོ་གསུང་སྔགས་ཀྱི་འཁོར་ལོ། ཡིད་མཁའ་འགྲོའི་ཐུགས་བདེ་སྟོང་གི་འཁོར་ལོ་གསུམ་དང་མི་འབྲལ་བའི་དམ་ཚིག་ལ་གནས་དགོས་ཤིང༌། དམ་ཚིག་བསྲུངས་ན་དམ་ཆུ་…

ཅད་སྟོང་པ་ཉིད་དུ་གྱུར། སྟོང་པའི་ངང་ལས་གནས་ཡུལ་འོག་མིན་གསང་ཆེན་རོལ་པའི་ཞིང་ཁམས་རང་བྱུང་དུར་ཁྲོད་དྲག་པོའི་ཕོ་བྲང་ཆེན་པོར་ཡོངས་སུ་དག་པའི་དབུས་སུ་སློབ་མ་རྣམས་སྐད་ཅིག་གིས་མཁའ་འགྲོ་སེང་གདོང་ལྗང་མོ་ལང་ཚོ་དང་ལྡན་པ་སྟོང་ར་འོད་ཀྱི་སྐུར་བསྒོམ་པའི་སྙིང་གར་དགའ་བ་འཁྱིལ་བ་ཡྃ་གྱིས་མཚན་པ་གཡས་སུ་འཁོར་བའི་དབུས་སུ་ཀུན་…

པ་དྲག་ཏུ་བརྗོད་པས་དབབ།] དེས་མཁའ་འགྲོ་ཕེབས་པའི་རྟགས་ལུས་ངག་ཡིད་གསུམ་ལ་འབྱུང་ཞིང་ཁྱད་པར་སེམས་བདེ་གསལ་མི་རྟོག་པའི་ཉམས་འུར་བ་དང་རང་རིག་རྗེན་གསལ་ཁྲོལ་ལེ་བ་འབྱུང༌། དེ་ནི་ཡེ་ཤེས་མཁའ་འགྲོ་དངོས་སུ་ཕེབས་པ་དབང་དོན་གྱི་ཡེ་ཤེས་ཡིན་པས་ངོ་ཤེས་པར་གྱིས་ཤིག །དེ་ལྟར་བྱིན་ཕབ་པའི་ཡེ་ཤེས་པ་ཉིད་དམ་ཚིག་སློབ་མའི་སྒོ་གསུམ་གྱ…

ཅིག་སྐལ་ལྡན་རིགས་ཀྱི་བུ་རྣམས། དཀྱིལ་འཁོར་གྱི་དབུས་སུ་ཡེ་ཤེས་ཀྱི་མཁའ་འགྲོ་སེང་གདོང་མ་བཞུགས་པའི་རྟགས་སུ་ལྟེ་བ་དམར་པོ། ཕྱོགས་བཞིར་ཌཱ་ཀི་རིགས་བཞི་བཞུགས་པའི་རྟགས་སུ་པདྨ་འདབ་བཞི། ཕྱི་འཁོར་ལ་ཌཱ་ཀི་སྡེ་བརྒྱད་བཞུགས་པའི་པདྨ་འདབ་བརྒྱད། གསང་སྔགས་རིག་སྔགས་ཐམས་ཅད་འདུས་པའི་རྟགས་སུ་ཟླུམ་ཐིག་དུར་ཁྲོད་རྡོ་རྗེ་མེའི་ར་…

འབྲེལ་བའི་ལྷ་ལ་ཕོག་པར་ཤོག༔ ཨོཾ་བཛྲ་པུཥྤེ་པྲ་ཏཱི་ཙྪ་ཧཱུྃ༔ [ཞེས་དཀྱིལ་འཁོར་དངོས་སམ་འགྲིམ་དཀྱིལ་དུ་འདོར་གཞུག །]མེ་ཏོག་དབུས་སུ་བབས་ན་ཚེ་རབས་ཀྱི་ལས་འཕྲོའི་ལྷ་གཙོ་མོ་བདུད་འདུལ་མ། གསང་མཚན་བུདྡྷ་ནུས་ལྡན་རྩལ་ཐོགས་པ་ཡིན། དེ་བཞིན་དུ་ཤར་དུ་བབས་ན་ལྷ་སྐལ་རྡོ་རྗེ་བདུད་འདུལ། གསང་མཚན་རྡོ་རྗེ་ནུས་ལྡན་རྩལ། ལྷོར་བབས་ན་…

གྲུབ་པ་ལགས། ཞུགས་པའི་དཀྱིལ་འཁོར་དེར་དབང་བསྐུར་དངོས་གཞི་ཞུ་བའི་དོན་དུ་མཎྜལ་ཕུལ། གསོལ་བ་འདེབས་པ་འདིའི་རྗེས་ཟློས། ཀྱེཧོཿ བླ་མ་མཁའ་འགྲོ་ཐུགས་རྗེ་ཅན༔ དངོས་གྲུབ་རྣམ་གཉིས་འབྱུང་བའི་གནས༔ མཁའ་འགྲོ་གསང་བའི་དབང་མཆོག་བསྐུར་དུ་གསོལ༔ ལུས་ངག་ཡིད་གསུམ་སྨིན་ཅིང་གྲོལ་བར་མཛོད། [ལན་གསུམ།] དབང་དངོས་ལ་དབང་བཞི་རྗེས་འབྲེལ་…

སྐུ་སེང་གེའི་གདོང་ཅན་དང་༔ སྤྲུལ་སྐུ་ཡེ་ཤེས་མཚོ་རྒྱལ་མ༔ མ་དེས་གར་བསྒྱུར་རོལ་གར་གྱིས༔ ཡེ་ཤེས་དང་ནི་འཇིགས་རྟེན་གྱི༔ མ་དང་མཁའ་འགྲོ་རྒྱ་མཚོའི་ཚོགས༔ མ་ལུས་ལུས་པ་མེད་པར་རྫོགས༔ དོན་ལ་སོ་སོར་ཐ་མི་དད༔ ཡེ་ཤེས་དབྱིངས་སུ་ཀུན་བཟང་མོ༔ གདུལ་བྱའི་མོས་ངོར་དེར་སྟོན་མཛད༔ སྐལ་ལྡན་ཁྱོད་ལ་དབང་བསྐུར་རོ༔ མཁའ་འགྲོ་རྒྱ་མཚོ་ཐམ…

རོ༔ ངོ་བོ་ཆོས་སྐུའི་དབང་ཐོབ་ཤོག༔ [རྩ་སྔགས་དང༌།] ཀཱ་ཡ་ཨ་བྷི་ཥིཉྩ༴ ཨཱ༔ རང་བཞིན་གསལ་བའི་ཡེ་ཤེས་མདངས༔ ལོངས་སྐུ་མཁའ་འགྲོ་སེང་གདོང་མས༔ སྐལ་ལྡན་བུ་ལ་དབང་བསྐུར་རོ༔ འགགས་མེད་ལོངས་སྐུའི་དབང་ཐོབ་ཤོག༔ [རྩ་སྔགས་དང༌།] ཀཱ་ཡ་ཨ་བྷི་ཥིཉྩ༴ ཧཱུྃ༔ ཐུགས་རྗེ་ཀུན་ཁྱབ་ཡེ་ཤེས་མདངས༔ སྤྲུལ་སྐུ་ཡེ་ཤེས་མཚོ་རྒྱལ་མས༔ སྐལ་ལྡན་བུ་ལ་…

ཧཱུྃ༔ སྐལ་ལྡན་རིགས་ཀྱི་བུ་ཁྱོད་ལ༔ དཀར་མོ་ཁྱུང་གདོང་དབང་བསྐུར་བས༔ ཆུ་ཁམས་རྟོག་པ་གནས་དག་ནས༔ མེ་ལོང་ཡེ་ཤེས་མངོན་གྱུར་ཤོག༔ [རྩ་སྔགས་དང༌།] ཀཱ་ཡ༴ ཧཱུྃ༔ སྐལ་ལྡན་རིགས་ཀྱི༴ སེར་མོ་སྡིག་གདོང་༴ ས་ཁམས་རྟོག་པ༴ མཉམ་ཉིད་ཡེ་ཤེས༴ [རྩ་སྔགས་དང༌།] ཀཱ་ཡ༴ ཧཱུྃ༔ སྐལ་ལྡན་རིགས་ཀྱི༴ དམར་མོ་འཕར་གདོང་༴ མེ་ཁམས་རྟོག་པ༴ སོར་རྟོག་…