ཞིང་མ་ཡེངས་པར། །བླ་མས་བསྒོ་བ་ཉན་པར་བྱ། །དགོད་དང་ལུད་པ་ལ་སོགས་པ། །ལག་པས་ཀ་ནི་དགབ་པར་བྱ། །བྱ་བ་ཟིན་ནས་འཇམ་པ་ཡི། །ཚིག་དག་གིས་ནི་གདས་པར་བྱ། །མདུན་དུ་དུལ་བར་འདུག་པ་དང་། །གོས་སོགས་ཚུལ་ནི་བསྡམ་པ་དང་། །པུས་བཙུགས་ཐལ་མོ་སྦྱོར་བ་ཡིས། །ཉན་སོགས་འདོད་པས་གསོལ་གསུམ་གདབ། །ཅེས་དང་། བསྙེན་བཀུར་སྤྱོད་པ་ཐམས་ཅད་ལ། །ཡིད་ན…

བླ་མ་བཞུགས་སར་རང་གི་སློབ་མས་ལྡང་བ་དང་ཕྱག་སོགས་བསྙེན་བཀུར་བྱེད་ན་མི་ལེན་ཅིང་། གལ་ཏེ་ཡུལ་དེར་དབང་བསྐུར་སོགས་གནང་བ་ཐོབ་ནས་བྱེད་ནའང་འབུལ་བ་གང་བྱུང་བླ་མ་ལ་ཕུལ་ནས། བླ་མས་ཀྱང་དེ་ལས་གང་འདོད་པ་ཞིག་བླངས་ཏེ་ལྷག་མ་ཕྱིར་གནང་ནས་ལོངས་སྤྱོད་དུ་འཇུག་སྟེ། རབ་གནས་དཀྱིལ་འཁོར་སྦྱིན་སྲེག་དང་། །སློབ་མ་བསྡུ་དང་བཅས་པ་རྣམས། …

སྩལ་པ། །དེ་ནི་བཏུད་དེ་ལག་གཉིས་ཀྱིས། །བློ་དང་ལྡན་པས་འབུལ་ཞིང་བླངས། །ཞེས་གསུངས། དེ་དག་ཀྱང་འགྲུབ་ན་ཕྱག་དང་བཅས་པས་བྱ་དགོས་པར་གསུངས་ཏེ། སམྦྷུ་ཊར། གང་ཞིག་བྱིན་པ་དེ་དང་དེར། །ཕྱག་བྱས་ནས་ནི་བླང་བར་བྱ། །ཞེས་སོ། །མདོར་ན་རྟག་ཏུ་དྲན་ཤེས་ཀྱིས་ཟིན་པས་བཤེས་གཉེན་བསྟེན་ཚུལ་ལ་ཁ་ཞེ་ངོ་ལྐོག་མེད་པས་བརྩོན་པ་དང་། རྡོ་རྗེའི…

དེ་དག་གི་དོན་མདོར་ཧྲིལ་གྱིས་དྲིལ་ན། རྟག་ཏུ་བླ་མ་དགྱེས་པའི་ཐབས་ལ་འབད་ཅིང་མི་མཉེས་པའི་རིགས་རྣམས་གཏན་ནས་སྤང་བར་བྱ་སྟེ། འདིར་མང་སྨྲ་བ་ཅི་ཞིག་དགོས། །བླ་མ་དགྱེས་བྱེད་གང་ཡིན་བྱ། །མི་མཉེས་བྱེད་ཀུན་སྤང་བ་ནི། །དེ་དང་དེ་ལ་འབད་དེ་བྱ། །དངོས་གྲུབ་སློབ་དཔོན་རྗེས་འབྲང་ཞེས། །རྡོ་རྗེ་འཛིན་པ་ཉིད་གསུངས་པ། །ཤེས་ནས་དངོས་…

མཐོང་ཚུལ་ཡིན་སྙམ་དུ་དགག་དགོས་ཤིང་། མ་དད་པའི་བློ་སྐྱེས་པ་ཉིད་སྐད་ཅིག་གམ་ཐང་ཅིག་གམ་ཉིན་མཚན་མ་འདས་པར་བཤགས་དགོས་ཏེ། ཀུན་མཁྱེན་ཆེན་པོས། རྟག་ཏུ་བླ་མའི་ཡོན་ཏན་དྲན་བྱ་ཞིང་། །སྐྱོན་ལ་མི་རྟོག་མཐོང་ཡང་ཡོན་ཏན་བསམ། །རང་སྣང་ཡིན་ངེས་ཁོང་ལ་མི་མངའ་ཞེས། །སྙིང་ནས་བསམ་ཞིང་བཤགས་སྡོམ་གཉེན་པ་བསྟེན། །ཞེས་གསུངས། དེར་མ་ཟད་རྨ…

དཔོན་སྨོད་པ་ན། །ཞི་བའམ་མངོན་སྤྱོད་ལས་ཀྱིས་བཟློག །ནུས་པ་ཡོད་པར་མ་གྱུར་ན། །རྣ་ཆ་དྲན་པས་དགབ་པར་བྱ། །བསྟེན་པར་མི་བྱ་གཏམ་མི་བྱ། །གལ་ཏེ་དེ་དང་འདྲིས་གྱུར་ན། །ངན་སོང་དག་ཏུ་འཚེད་པར་འགྱུར། །ཞེས་སོ། །ལར་དེང་སང་དཔེར་ན་ཁྱི་བཟང་བ་ཙམ་ཞིག་ལའང་། ཁྱི་འདི་རྒྱུད་ལེགས་སྐད་བཟང་གཅན་གཟན་ལས་ཐུ་ཞེས་སོགས་ཀྱི་ཡོན་ཏན་དང་། རྟ་ཕྱ…

ཕྱོགས་ལེགས་ལ་ཚུན་ཆད་ཀྱི་བཀའ་དྲིན་ཡང་དྲན་པར་བྱ། དེའང་ལན་རེ་ཙམ་མ་ཡིན་པར་ཡང་དང་ཡང་བསམ་པས་མོས་གུས་འཕེལ་བར་འགྱུར་རོ། །དེ་ལྟར་ཟང་ཟིང་གི་ཞབས་ཏོག་གིས་ཚོགས་གཉིས་ཀྱི་བྲེ་ཁ་ཁེངས་པ་དང་། ལུས་ངག་གི་ཞབས་ཏོག་གིས་སྒོ་གསུམ་གྱི་སྒྲིབ་པ་འབྱང་བ་དང་། གཙོ་བོར་སྒྲུབ་པ་ཉམས་ལེན་གྱི་ཞབས་ཏོག་གིས་སྒྲུབ་བརྒྱུད་ཀྱི་བསྟན་པ་འཛིན་པའ…

རིན་ཆེན་གྱིས་ཞུས་པའི་མདོ་ལས། ལྷའི་བུ། འདི་ལ་དགེ་བའི་བཤེས་གཉེན་བསྟེན་ཅིང་བཀུར་བསྟི་བྱས་པས་ནི་ཐམས་ཅད་དུ་སངས་རྒྱས་ཀྱི་ཞིང་དག་པ་མཐོང་བ་ཡིན་ནོ། །སྙིང་རྗེ་ཆེན་པོའི་ཏིང་ངེ་འཛིན་དམ་པ་ཐོབ་པ་ཡིན་ནོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་མི་འབྲལ་བ་ཡིན་ནོ། །སེམས་ཅན་རྣམས་ཡོངས་སུ་སྨིན་པ་འགྲུབ་པ་ཡིན་ནོ། །རེ་བ་ཐམས་ཅད་ཡོངས…

༈ གཉིས་པ་ལམ་ལ་ཇི་ལྟར་འཇུག་པའི་རིམ་པ་དངོས་ལ་གཉིས། རྒྱུད་སྣོད་རུང་དུ་བྱེད་པ་ཐུན་སྤྱིའི་སྔོན་འགྲོ་དང་། རིམ་གཉིས་རྣལ་འབྱོར་བྱེ་བྲག་སྒོས་ཀྱི་སྔོན་འགྲོའོ། །དང་པོ་ནི། དེའང་སྤྱིར་ཉམས་ལེན་གྱི་རིམ་པ་གང་ལ་འཇུག་ཀྱང་ཐོག་མར་སྐྱེ་བོའི་རྒྱུ་འགྲུལ་དང་སྒྲའི་གླག་ཅོར་སོགས་བསམ་གཏན་ལ་ཚེར་མ་མི་འབྱུང་བའི་གནས་དབེན་ཞིང་ཡིད་ད…

སོ། །དེ་ལ་ཉེས་པ་ལྔ་ནི། དབུས་མཐའ་ལས། ལེ་ལོ་དང་ནི་མན་ངག་རྣམས། །བརྗེད་དང་བྱིང་དང་རྒོད་པ་དང་། །འདུ་མི་བྱེད་དང་འདུ་བྱེད་དེ། །འདི་དག་ཉེས་པ་ལྔར་འདོད་དོ། །ཞེས་པས། ཉམས་ལེན་ལ་མི་སྤྲོ་བའི་ལེ་ལོ། བསྒོམ་བྱའི་ཚིག་དོན་བརྗེད་པ། བྱིང་རྒོད་ཀྱི་དབང་དུ་སོང་བ། དེ་གཉིས་བྱུང་ཚེ་གཉེན་པོ་མི་བསྟེན་པ། བྱིང་རྒོད་ཞི་ནས་ཀྱང་གཉེན…

གཉིས་འབྱུང་མི་འབྱུང་རྟོག་པའི་ཤེས་བཞིན། བྱུང་ཚེ་སྤོང་བའི་གཉེན་པོ་མངོན་པར་འདུ་བྱེད་པ། ཧ་ཅང་གཉེན་པོ་སྟོབས་ཆེས་པའི་གཉེན་པོར་བཏང་སྙོམས་འདུ་མི་བྱེད་པ་དང་བརྒྱད་དོ། །དེ་ལྟར་ངེས་པའི་སྒོ་ནས་བདེ་བའི་སྟན་འཇམ་ཞིང་སྙོམས་པ་ལ་འཁོད་དེ་ལུས་གནད་རྣམ་སྣང་ཆོས་བདུན་ནམ་བདེ་ལུགས་སུ་དྲང་པོར་བསྲང་། ལར་ཁྲིད་རིམ་བསྒོམ་ཕྱིན་ཆད་ས…

དེ་ནས་སྣ་བུག་གཡས་གཡོན་གཉིས་མཉམ་གསུམ་ནས་རླུང་རོ་ལན་རེ་བསལ་བའི་ཚེ། རང་གཞན་སེམས་ཅན་ཐམས་ཅད་ཀྱིས་ཚེ་རབས་ཐོག་མ་མེད་པ་ནས་བསགས་པའི་སྡིག་སྒྲིབ་ནད་གདོན་མི་མཐུན་པའི་ཕྱོགས་ཐམས་ཅད་འུབ་ཀྱིས་འདུས་ནས་སྣ་སྒོའི་རླུང་དང་འགྲོགས་ཏེ་ཕྱིར་སང་སང་སོང་བས་ལུས་ཀྱི་ནང་ཀུན་བཤལ་བཏང་བ་ལྟར་དག་པར་གྱུར་སྙམ་དུ་བསམ། འདི་ནི་དཔེར་ན་བཅུད་…

མདོག་མཐིང་གསལ་མཚན་དཔེས་རབ་ཏུ་མཛེས་ཤིང་དར་དང་རིན་པོ་ཆེས་བརྒྱན་པ། ཕྱག་གཉིས་རྡོ་དྲིལ་བསྣོལ་སྟབས་སུ་འཛིན་ཞིང་ཡུམ་མཚོ་རྒྱལ་དཀར་དམར་གཅེར་མོ་གྲི་ཐོད་འཛིན་པས་མགུལ་ནས་འཁྱུད་པ་དང་མཉམ་པར་སྦྱོར་བ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། སྣང་སྟོང་ཡེ་ཤེས་སྒྱུ་མའི་སྐུ་ཅན་དགྱེས་པ་ཆེན་པོས་རང་ལ་དགོངས་ཏེ་མངོན་སུམ་བཞི…

བ་འདེབས། མ་རིག་མུན་པ་སེལ་བར་བྱིན་གྱིས་རློབས། བླ་མ་ལ་གསོལ་བ་འདེབས་སོ། བླ་མ་ལོངས་སྤྱོད་རྫོགས་པའི་སྐུ་ལ་གསོལ་བ་འདེབས། འོད་གསལ་ཁོངས་ནས་འཆར་བར་བྱིན་གྱིས་རློབས། བླ་མ་ལ་གསོལ་བ་འདེབས་སོ། བླ་མ་ཐུགས་རྗེ་སྤྲུལ་པའི་སྐུ་ལ་གསོལ་བ་འདེབས། རྟོགས་པ་ནམ་མཁའ་དང་མཉམ་པར་བྱིན་གྱིས་རློབས། བླ་མ་ལ་གསོལ་བ་འདེབས་སོ། བླ་མ་སངས་རྒ…

༈ གཉིས་པ་རིམ་གཉིས་རྣལ་འབྱོར་བྱེ་བྲག་སྒོས་ཀྱི་སྔོན་འགྲོ་ལ་གཉིས། ཐུན་མོང་བློ་ལྡོག་རྣམ་བཞིས་རྒྱུད་ཀྱི་ཞིང་ས་སྦྱོང་བ་དང་། ཐུན་མིན་ཟབ་ལམ་ཕྲུགས་ལྔའི་ས་བོན་གདབ་པའོ། །དང་པོ་ལ་བཞི། དལ་འབྱོར་རྙེད་དཀའ་བར་བསམ་ལ། ཚེ་མི་རྟག་པར་བསམ་པ། འཁོར་བའི་ཉེས་དམིགས་བསམ་པ། ལས་རྒྱུ་འབྲས་མི་བསླུ་བར་བསམ་པའོ། །དང་པོ་ལའང་བཞི། དལ་འབ…

དང་། གཞན་འབྱོར་སྣང་བའི་བྱེ་བྲག་གིས་གསལ་བ་ལྟ་བུ་ལྔ་ནི་དེའི་ཁྱད་པར་གྱི་ཆོས་ཏེ། ཕུན་སུམ་ཚོགས་པ་དེ་ལྟ་བུས་བརྒྱན་པའི་མི་ལུས་རིན་པོ་ཆེ་འདི་ནི་བྱང་ཆུབ་སྒྲུབ་པ་ལ་མེད་དུ་མི་རུང་བའི་རྟེན་ཡིན་ནོ། །དེ་ལ་མི་ཁོམ་པ་བརྒྱད་ནི། བརྒྱད་སྟོང་འགྲེལ་ཆེན་དུ། དམྱལ་བ་ཡི་དྭགས་དུད་འགྲོ་དང་། །ཀླ་ཀློ་ཚེ་རིང་ལྷ་དང་ནི། །ལོག་ལྟ་སངས…

འཇུག་ལྡོག་གི་ཤེས་རབ་མེད་པའི་གླེན་ལྐུག་ཅན་དུ་སྐྱེས་པ་རྣམས་ནི་མི་ཁོམ་པའི་གནས་བརྒྱད་ཡིན་ལ། དེའང་ངན་སོང་གསུམ་དང་ལྷ་ཚེ་རིང་པོ་ནི་མི་མ་ཡིན་པའི་མི་ཁོམ་པ་དང་གཞན་བཞི་ནི་མིའི་མི་ཁོམ་པ་ཡིན་ནོ། །དེ་ལྟར་མི་ཁོམ་པའི་གནས་བརྒྱད་དང་བྲལ་བ་ནི་དལ་བ་ཡིན་ཏེ། ནམ་མཁའ་རིན་པོ་ཆེའི་མདོ་ལས། བྱང་ཆུབ་སེམས་དཔའ་ནམ་མཁའི་སྙིང་པོས་གསོ…

ལས་ཀྱི་མཐའ་ལ་ལོག་པ། དཀར་ཆོས་ཐམས་ཅད་ཀྱི་འབྱུང་གནས་སངས་རྒྱས་དང་དེའི་གསུང་རབ་དམ་པའི་ཆོས་ལ་དད་པ་སྟེ་ལྔ་པོ་ནི་རང་རྒྱུད་ཀྱིས་བསྡུས་ཤིང་ཆོས་སྒྲུབ་པའི་མཐུན་རྐྱེན་ཡིན་པས་རང་འབྱོར་ཞེས་བྱའོ། །དེའང་མི་ཁོམ་པ་བརྒྱད་ལས་ལོག་པའི་དལ་བ་དང་རང་འབྱོར་ལྔ་ནི་གནད་གཅིག་གོ །གཞན་འབྱོར་ལྔ་ནི། སངས་རྒྱས་བྱོན་དང་དེས་ཆོས་གསུངས། །བས…

མི་ལུས་འདི་ལྟ་བུ་རྙེད་པར་དཀའ་བ་ཐོབ་པ་ནི་མི་དབུལ་པོ་ལོང་བ་ཞིག་གིས་ནོར་བུ་རིན་པོ་ཆེའི་མཆོག་རྙེད་པ་བས་ཀྱང་ངོ་མཚར་ཆེ་ཕྱིར། འགྲོ་བ་རིགས་དྲུག་གི་སྲིད་པ་ན་འཁོར་བའི་གནས་ནས་དལ་འབྱོར་གྱི་ལུས་ཐོབ་པ་ལ་ཡིད་རབ་ཏུ་སྤྲོ་བས་དམ་པའི་ཆོས་བསྒྲུབ་པ་ལ་འབད་པར་རིགས་ཏེ། དལ་འབྱོར་བསྟན་པའི་མདོ་ལས། འདི་ལྟ་སྟེ། དཔེར་ན་ལོང་བ་ཞིག་…

གྲངས་ཀྱི་སྒོ་ནས་རྙེད་པར་དཀའ་བའོ། །དང་པོ་ནི། དེ་ལ་སེམས་ཅན་གྱི་ནང་ནས་སྤྱིར་མིའི་འགྲོ་བ་ཉུང་། སྒོས་སུ་ཛམ་བུའི་གླིང་པའི་མི་ཉུང་། ཡང་སྒོས་ཆོས་ལྡན་གྱི་མི་ལུས་ཉུང་བ་ནི་སྲིད་མཐའ་ཙམ་སྟེ། དེའི་རྒྱུ་མཚན། གང་དག་ངན་འགྲོའི་རྒྱུ་སྡིག་པ་བྱེད་པ་ནི་ཆེས་མང་སྟེ་མཐའ་མེད། བདེ་འགྲོའི་རྒྱུ་དགེ་བ་བྱེད་པ་ནི་ཤིན་ཏུ་ཉུང་། དེ་བ…