སྡུག་བསྔལ་ཀུན་རྨོངས་པ། །དེ་ཚེ་བདག་གིས་ཅི་བྱར་ཡོད། །ཅེས་གསུངས་སོ། །གཉིས་པ་དཔེའི་སྒོ་ནས་རྙེད་པར་དཀའ་བ་ནི། དེ་ལྟར་དལ་འབྱོར་གྱི་མི་ལུས་ཉིད་ཇི་ལྟར་རྙེད་དཀའ་བའི་དཔེ་ཡང་། མགོན་པོ་ཀླུ་སྒྲུབ་ཀྱིས། རྒྱ་མཚོ་ཆེར་གཡེང་གཉའ་ཤིང་བུ་ག་དང་། །རུས་སྦལ་འཕྲད་པ་བས་ཀྱང་དུད་འགྲོ་ལས། །མི་ཉིད་ཆེས་ཐོབ་དཀའ་བས་མི་དབང་གིས། །དམ་ཆོ…

ཡོད་དོ། རྒྱ་མཚོ་ཆེན་པོ་དེ་ལ་རླུང་ཡས་ལྡང་བ་དང་མས་ལྡང་བ་ཞེས་བྱ་བ་ལྡང་ལ། རུས་སྦལ་ཞར་བ་དེའང་ལོ་བརྒྱ་བརྒྱ་ན་ལན་གཅིག་ཕྱིར་འབྱུང་བ་རབ་ཏུ་མྱུར་བའི་གཉའ་ཤིང་གི་བུ་ག་གཅིག་པ་དེར་རུས་སྦལ་ཞར་བ་ལོ་བརྒྱ་བརྒྱ་ན་ཕྱིར་འབྱུང་བའི་མགུལ་པ་ཆུད་པར་སྨྲ་ཡི། ལོག་པ་ལྟུང་བ་ལས་ཕྱིར་ཡང་མིར་འགྱུར་བ་ནི་དེ་ལྟ་མ་ཡིན་ཏེ། དེ་ལྟར་ལོག་པར་…

རིས་ན་ངན་སོང་གསུམ་གྱི་འགྲོ་བ་ནི་ཆེས་ཤིན་ཏུ་མང་སྟེ་ས་ཆེན་པོའི་རྡུལ་བཞིན་མཐའ་མེད། མཐོ་རིས་ཀྱི་འགྲོ་བ་ནི་ཤིན་ཏུ་ཉུང་སྟེ་སེན་མོའི་སྟེང་གི་རྡུལ་ཙམ་དུ་གསུངས་ཤིང་། ངན་སོང་གསུམ་གྱི་ནང་ནས་ཉུང་ཤོས་དུད་འགྲོ་དང་། དེ་ཡང་བྱིང་ནི་རྒྱ་མཚོ་ཆེན་པོར་གནས་ཤིང་བསམ་གྱིས་མི་ཁྱབ། ཁ་འཐོར་གྱིས་ཀྱང་ས་གཞི་རི་ཀླུང་བར་སྣང་ཐམས་ཅད་…

ཙམ་སྐྱེ་བའང་དཀའ་ལ། བློ་སྐྱེ་བ་དེ་ནི་སངས་རྒྱས་ཀྱི་ཐུགས་རྗེ་ཡིན་ཏེ། དཔེར་ན་མཚན་མོ་མུན་པའི་ནང་དུ་གློག་ལན་མང་དང་རྒྱུན་རིང་འགྱུ་བར་དཀའ་བ་བཞིན་ནོ། །དེ་ལྟར་ཡང་སྤྱོད་འཇུག་ལས། ཇི་ལྟར་མཚན་མོ་མུན་ནག་སྤྲིན་རུམ་ན། །གློག་འགྱུ་སྐད་ཅིག་རབ་སྣང་སྟོན་པ་ལྟར། །དེ་བཞིན་སངས་རྒྱས་མཐུ་ཡིས་བརྒྱ་ལམ་ན། །འཇིག་རྟེན་བསོད་ནམས་བློ་…

མཐའ་དག་བདེ་བླག་ཏུ་སྒྲུབ་ནུས། དེར་མ་ཟད་ཐེག་པ་འོག་མའི་མྱང་འདས་དང་བླ་ན་མེད་པའི་བྱང་ཆུབ་ཀྱང་སྒྲུབ་ནུས་ཤིང་། འདི་མ་ཐོབ་ན་ཐར་པ་ལྟ་ཅི་འཁོར་བའི་བདེ་བ་ཙམ་ཡང་སྒྲུབ་ཐབས་མེད་པས། དེས་ན་དགེ་བ་ཕྲན་ཚེགས་ནས་བརྩམས་ཏེ་དམ་པའི་ཆོས་འབའ་ཞིག་ལ་བརྩོན་པས་ནི་མངོན་མཐོ་དང་ངེས་ལེགས་ཀྱི་ཡོན་ཏན་ཕུན་སུམ་ཚོགས་པ་མང་པོ་འཐོབ་པ་ཉིད། རིན…

སྡོང་པོ་བཀོད་པ་ལས། ཀྱེ་རིགས་ཀྱི་བུ། གང་ལ་དལ་བ་དང་འབྱོར་པ་ཡོད་པ་དེ་ལ་ནི་སངས་རྒྱས་ཀྱི་ཆོས་ཕུན་སུམ་ཚོགས་པའི་ཆར་ཆེན་པོ་ཡང་འབབ་སྟེ། གཞན་ཡང་ཕན་ཡོན་དཔག་ཏུ་མེད་པ་སྙེད་ཡོད་དོ། །ཞེས་སོ། །གཉིས་པ་མི་ལས་འདས་པའི་ཡོན་ཏན་འཐོབ་པར་བསམ་པ་ནི། གང་གི་ཚེ་ཐུབ་པ་བཅོམ་ལྡན་འདས་བྱང་ཆུབ་ཆེན་པོ་བརྙེས་པའི་རྟེན་དེ་ཡང་ཛམ་བུའི་གླིང་…

བསམ་པ་ནི། ད་རེས་དལ་འབྱོར་གྱི་གྲུ་ལ་བརྟེན་ནས་འཁོར་བ་སྡུག་བསྔལ་གྱི་རྒྱ་མཚོ་བརྒལ་ཏེ་སྙིང་པོ་གཏན་འདུན་གྱི་ནོར་བུ་ལེན་པའི་ཐབས་ལ་རབ་ཏུ་སྒྲིན་ཞིང་མཁས་པར་གྱུར་ན་རྙེད་དཀའ་རྙེད་པ་ཉིད་ཤིན་ཏུ་དོན་ཆེ་བ་དབུལ་པོས་ཡིད་བཞིན་གྱི་ནོར་བུ་རྙེད་པ་ལས་ཀྱང་ལྷག་ཅིང་། སྙིང་པོ་མ་ལོན་ན་རིན་ཆེན་ནོར་བུའི་གླིང་ནས་ལག་སྟོང་དུ་ལྡོག་པ…

པར་བསམ་པ་ལ་གསུམ། ཅི་ནས་ཆོས་ལ་བརྩོན་དགོས་པར་བསམ་པ། ཆོས་ཀྱི་རྩ་བ་སེམས་བསྲུང་དགོས་པར་བསམ་པ། མི་ལུས་རིན་པོ་ཆེའི་ཡོན་ཏན་ལ་བསམ་པའོ། །དང་པོ་ནི། རྙེད་དཀའ་ཞིང་རྙེད་ན་དོན་ཆེ་བའི་དལ་འབྱོར་ཉིད་རྙེད་པར་གྱུར་ཅིང་། དེའང་ནད་སོགས་སྡུག་བསྔལ་གྱིས་མ་གཟིར་བ་དང་། གཞན་དབང་དུ་མ་གྱུར་པ་དང་། རང་དབང་ཐོབ་པའི་རྟེན་འབྲེལ་ཕུན་སུམ…

བསམ་པ་ནི། དེའང་ཆོས་ཐམས་ཅད་སེམས་ལ་བརྟེན་ཅིང་སེམས་དལ་འབྱོར་གྱི་ལུས་ལ་བརྟེན་པ་ནི་རྟེན་དང་བརྟེན་པའི་རྟེན་ཅིང་འབྲེལ་བར་འབྱུང་བ་སྟེ། སེམས་ནི་ཆོས་ཀྱི་རྩ་བར་གྱུར་ལ་དལ་འབྱོར་ནི་དེའི་རྟེན་ནམ་གྲོགས་སུ་གྱུར་པའི་ཕྱིར་སེམས་འདུལ་བ་ཁོ་ན་ལ་བསླབ་དགོས་པར་ཀླུ་སྒྲུབ་ཀྱིས། ཁྱོད་ཀྱིས་ཐུགས་དུལ་མཛོད་ཅིག་བཅོམ་ལྡན་གྱིས། །སེམས…

རང་གི་དལ་བ་དང་འབྱོར་པས་བརྒྱན་པའི་ལུས་རྙེད་པར་དཀའ་བ་ཉིད་སེམས་པ་མངོན་དུ་མ་བྱས་པར། མི་དགེ་བའི་བཤེས་གཉེན་གྱི་རྒྱུས་རྣམ་པར་འཁོར་ཏེ་སྡུག་བསྔལ་གྱི་མེས་གདུང་བར་བྱས་པ་ཡིན་གྱི། ཁོ་བོས་ནི་དལ་བ་དམ་པ་བསམ་པས་སྲིད་པ་ལས་རྣམ་པར་གྲོལ་བས། ཁྱོད་ཀྱིས་ཀྱང་དེ་ལྟར་བྱ་དགོས་སོ། །ཞེས་གསུངས་སོ། །གསུམ་པ་མི་ལུས་རིན་པོ་ཆེའི་ཡོན་ཏ…

འཇིག་རྟེན་ན་མཆོག་ཏུ་མཛེས་པས་དལ་འབྱོར་སྙིང་པོར་བྱེད་པ་ཞེས་བྱའོ། །དལ་འབྱོར་རིན་པོ་ཆེ་ཞེས་བྱའོ། །ཞེས་གསུངས་སོ། །དེ་ལྟ་བུའི་དལ་འབྱོར་རྙེད་པར་དཀའ་བའི་ཚུལ་ལ་ལེགས་པར་བསམ་ཞིང་རྒྱུད་འབྱོངས་པ་དེའི་ཕན་ཡོན་ཚད་མེད་ཀྱང་བསྡུ་ན། ཚེ་འདིའི་བྱ་བ་ཐམས་ཅད་དོན་མེད་དུ་ཤེས་ནས་དེ་ལ་མི་འཇུག་པ། ཕྱི་མའི་དོན་ལ་སེམས་པས་ཅི་བྱེད་ལས…

རྔུ་མེད་ཅིང་ངང་རྒྱུད་ཁོངས་ནས་དགེ་བ། ཅིས་ཀྱང་དགོས་མེད་དུ་མཐོང་བས་མཐུན་འཇུག་ཆོས་བརྒྱད་ཀྱི་རྩིག་པ་འགྱེལ་བ། དམ་ཆོས་ཚུལ་བཞིན་བསྒྲུབ་པས་ཐར་པའི་ལམ་སྣ་ཟིན་ཅིང་མྱུར་དུ་སངས་རྒྱས་འགྲུབ་པ་ཡིན་ནོ། །དེས་ན་དལ་འབྱོར་གྱི་རང་བཞིན་རྙེད་པར་དཀའ་བ་དང་། རྙེད་པ་དོན་ཆེ་བའི་ཡོན་ཏན་ལ་ལེགས་པར་བསམ་སྟེ་ཚེ་འདིར་ལྟོས་ཀྱི་སྣང་བ་ཐམས…

ཆོས་ཐོབ་སྲིད་པ་ཙམ༔ དལ་འབྱོར་སྟོང་ལོག་མ་གཏོང་གསུང་གི་སྲས༔ ཞེས་དང་། ཡང་ཡང་རྙེད་དཀའ་ཨུ་དུམ་ཝ་ར་འདྲ༔ རྙེད་པ་དོན་ཆེ་ཡིད་བཞིན་ནོར་བུ་འདྲ༔ ད་རེས་ཕུན་ཚོགས་རྐྱེན་ཀུན་འབྱོར་སྐབས་འདིར༔ བརྩོན་འགྲུས་དྲག་པོས་སྲིད་ལས་འདའ་བར་མཛོད༔ ཅེས་གསུངས་པས། གྲུ་ཡོད་དུས་ཆུ་ལས་བརྒལ་དགོས་པ་དང་། དཔའ་བོའི་དཔུང་ཚོགས་དུས་དགྲ་འདུལ་དགོས…

༈ གཉིས་པ་འཆི་བ་མི་རྟག་པ་བསམ་པ་ལ་གསུམ། ངེས་པར་འཆི་བར་བསམ་པ། ནམ་འཆི་ཆ་མེད་བསམ་པ། འཆི་བ་ལ་ཅིས་ཀྱང་མི་ཕན་པར་བསམ་པའོ། །དང་པོ་ལ་གསུམ། སྣོད་བཅུད་སྤྱིར་བསམ་ཡང་ངེས་པར་འཆི་བ། རྡོ་རྗེའི་སྐུ་སོགས་ལ་བསམ་ཡང་ངེས་པར་འཆི་བ། དཔེ་དོན་གང་ལ་བསམ་ཡང་ངེས་པར་འཆི་བར་བསམ་པའོ། །དང་པོ་ནི། དེ་ལྟར་ཤིན་ཏུ་རྙེད་པར་དཀའ་བའི་དལ་འབྱོར་…

དེ་འཆི་ཁ་ཚུན་ཆད་ལ་འབྱུང་། བློ་ངན་དེས་བསྒྲིབས་ནས་ཚེ་འདིའི་རྣམ་གཡེང་ལ་འབྱམས། ཕྱི་མའི་དོན་བསྒྲུབ་པ་ཕྱི་བཤོལ་ལེ་ལོའི་དབང་དུ་འགྲོ་བས་མི་རྟག་པ་བསྒོམ་དགོས་ཏེ། མི་རྟག་པའི་གཏམས་ལས། འདི་ལྟར་སྐྱེས་པ་ཐམས་ཅད་ཀྱི། །མདུན་ན་གནས་པ་འཆི་བ་སྟེ། །བདག་ཀྱང་དེ་ལས་མ་འདས་པས། །དེ་རིང་ཉིད་དུ་ཆོས་མཛོད་ཅིག །ཅེས་གསུངས། དེ་ལ་སྤྱིར…

ཤིན་ཏུ་ཉམ་ཆུང་མི་ལྟ་སྨོས་ཅི་འཚལ། །ཅེས་གསུངས། ལར་ཁམས་གསུམ་རིགས་དྲུག་གིས་བསྡུས་པའི་སེམས་ཅན་ཐམས་ཅད་རང་རང་གི་ལས་ཀྱིས་ལུས་ཆེ་བ་དང་ཆུང་བ་དང་། བདེ་བ་དང་སྡུག་བསྔལ་བ་དང་། དགེ་བ་དང་མི་དགེ་བ་དང་། འབྱོར་པ་དང་རྒུད་པ་དང་། མཐོ་བ་དང་དམའ་བ་སོགས་བཟང་ངན་དུ་སྣང་བ་ཐམས་ཅད་ཚེ་རིང་བ་བསྐལ་པར་ཐུབ་ཀྱང་མཐར་འཆི། ཐུང་བ་སྐད་ཅིག་ལ…

ཚེ་འགྲོ་བ་ནི་བར་སྣང་གི་གློག་འཁྱུག་པ་སྐད་ཅིག་ལ་ཡལ་བ་དང་རི་གཟར་གྱི་འབབ་ཆུ་ལྟར་ཡུན་ཐུང་དུར་མྱུར་བར་འགྲོ་བ་དང་། མཐིལ་དུ་བབས་ཟིན་པའི་ཆུ་བོ་སླར་ལྡོག་ཏུ་མེད་པ་ལྟར་ཚེ་ཟད་པ་གང་གིས་ཀྱང་བཟློག་ཏུ་མེད་པས་འཆི་བར་ངེས་ཏེ། རྒྱ་ཆེར་རོལ་པའི་མདོ་ལས། སྲིད་གསུམ་མི་རྟག་སྟོན་ཀའི་སྤྲིན་དང་འདྲ། །འགྲོ་བའི་སྐྱེ་འཆི་གར་ལ་བལྟ་དང…

ལྷམ་མེ་བ་དང་། གསུང་ཅ་ཅོ་མེད་པས་ལྷན་ནེ་བ་དང་། ཐུགས་དྲི་མ་མེད་པས་ལྷང་ངེ་བར་གསལ་ཞིང་རྡོ་རྗེ་ལྟར་བརྟན་པ་རྣམས་ཀྱང་མྱ་ངན་ལས་འདས་ཤིང་། ཤཱཀྱའི་སྐྱེས་མཆོག་ལས་གཞན་པ་དག་གི་བསྟན་པ་ཡང་རིམ་གྱིས་ནུབ་པར་གྱུར་བ་ལ་ལྟོས་ན། ལྦུ་བ་ལྟར་སྙིང་པོ་མེད་པ་བདག་གི་ལུས་ལྟ་ཅིའི་ཕྱིར་རྟག་ཅེས་བསམ་དགོས་ཏེ། མི་རྟག་པའི་ཚོམས་ལས། མཚན་སྟོ…

གྱུར་ཅིང་འབྱོར་པ་དམ་པས་བརྒྱན་པའང་འཆི་བའི་སྐབས་ཡོད་དེ། འདུལ་བ་ལུང་ལས། དགེ་སློང་དག །འབྱོར་པ་འདི་དག་རྒུད་ཅིང་སྙིང་པོ་མེད་པ་ལ་ལྟོས། ངས་སྔོན་དྲན་པའི་འཁོར་བ་ན། ཚངས་པ་དང་། བརྒྱ་བྱིན་དང་། འཇིག་རྟེན་སྐྱོང་བ་ལ་སོགས་པའི་དབང་པོ་བསམ་གྱིས་མི་ཁྱབ་པ་མྱོང་ཡང་མ་ངོམས་བཞིན་དུ་ཚེ་འཕོས་ཏེ་ངན་སོང་དུ་གཞོལ་བར་གྱུར་ཏོ། །ཞེས་…

དང་། །གཞན་ཡང་རྒྱལ་ཕྲན་བློན་པོ་དང་། །དགེ་སྦྱོང་བྲམ་ཟེ་ཁྱིམ་བདག་སོགས། །འགྲོ་བ་འདི་ཀུན་མི་རྟག་སྟེ། །རྨི་ལམ་འགྲོ་བ་ཇི་བཞིན་ནོ། །ཞེས་སོ། །གསུམ་པ་དཔེ་དོན་གང་ལ་གཞིག་ཀྱང་ངེས་པར་འཆི་བར་བསམ་པ་ནི། ཛམ་བུའི་གླིང་འདིར་ཡང་སྔོན་བསྐལ་པ་རྫོགས་ལྡན་གྱི་དུས་དང་། དེ་ནས་ཉིས་ལྡན་དང་། སུམ་ལྡན་དང་། ད་ལྟ་རྩོད་ལྡན་གྱི་དུས་དང་བ…