མཁའི་རང་བཞིན་དུ༔ གསལ་བཞིན་ཧཱུྃ་སྒྲ་དྲག་ལ་བཅད་ཐོན་བརྗོད༔ ཅེས་པ་སྟེ། རང་གི་སྙིང་ག་ནས་ཧཱུྃ་མཐིང་ནག་ཁྲུ་གང་བ་རྣོ་མྱུར་གྱི་ཤུགས་དང་ལྡན་པ་ཞིག་འཕྲོས་ཏེ། རི་བྲག་ལ་སོགས་དངོས་པོ་ཐོག་རེག་གི་རྣམ་པ་ཅན་ཕྱི་ཐལ་ནང་ཐལ་གྱིས་ཕུག་ཅིང་སྣང་སྲིད་སྟོང་དབྱིངས་ནམ་མཁའི་རང་བཞིན་དུ་གྱུར་པར་བསམ་ལ་ཧཱུྃ་སྒྲ་དྲག་ལ་བཅད་ཐོན་པར་བརྗོད།…

ནས་ཐོན་ཏེ་ཤིང་བུའི་རྩར་སླེབ་ནས༔ གཡས་འཁོར་གྱིས་ནི་སྦྲུལ་འཁྱུད་ལྟར་དཀྲིས་ཏེ༔ ཧཱུྃ་ཡིག་སྔ་མ་དམིགས་རྟེན་རྩེར་ཕྱིན་ལ༔ ཤེས་པ་གཏད་དེ་ཧཱུྃ་གླུ་དལ་གྱིས་བརྗོད༔ སླར་ཡང་ལུགས་སུ་ལྡོག་སྟེ་སྙིང་གར་བསྡུ༔ ཞེས་པ་སྟེ། མདུན་དུ་ཤིང་བུ་ལ་སོགས་པའི་མཚན་མ་བཙུགས་ལ། རང་གི་སྙིང་གར་ཧཱུྃ་མཐིང་ནག་ཞིག་བསྒོམ། དེ་ལས་ཧཱུྃ་དེ་འདྲ་བ་འོ…

ནུབ་བདེ་ཆེན༔ བྱང་ཕྱོགས་ལས་རབ་རྫོགས་པའི་ཞིང་ཁམས་སུ༔ ཕྱིན་ནས་དེ་བཞིན་གཤེགས་པ་རིགས་ལྔ་ལ༔ བསྐོར་བ་བྱ་ཞིང་ཕྱག་འཚལ་མཆོད་པ་འབུལ༔ དབང་ཞུ་ལུང་ནོད་སངས་རྒྱས་ལུང་བསྟན་ཐོབ༔ དེ་དག་ཀུན་ལ་ཧཱུྃ་གླུ་དལ་གྱིས་བརྗོད༔ མཐར་ནི་བསྔོ་བ་སྨོན་ལམ་རྒྱ་ཡིས་བཏབ༔ ཞེས་པ་སྟེ། རང་ལུས་ཧཱུྃ་ཡིག་མཐིང་ག་མཐོ་གང་བ་གཅིག་གསལ་ལ། ཕར་འཁྱོགས་ཚུར་…

གསུམ་བྱས། མཆོད་པ་ཕུལ་ཏེ་ཟབ་པ་དང་རྒྱ་ཆེ་བའི་དབང་ལུང་ནོད། སངས་རྒྱས་ཀྱི་ལུང་བསྟན་ཐོབ་སྟེ་སླར་ལྡོག་པར་བསམ་ལ་ཧཱུྃ་དལ་ལ་རིང་བར་བརྗོད། མཐར་བསྔོ་སྨོན་གྱི་རྒྱས་གདབ་བོ། །དེས་ནི་ཡུལ་གྱི་བག་ཆགས་སྦྱངས་ཤིང་ཞིང་ཁམས་འབྱོངས་པའི་རྟེན་འབྲེལ་དང་ངག་སྒྲིབ་དག་སྟེ་གསུང་རྡོ་རྗེ་ལོངས་སྤྱོད་རྫོགས་སྐུར་གྲོལ་བའི་དགོས་པ་ཡོད་དོ། …

ལ་མཁས་པར་བྱ། །ཞེས་པས་དེའང་ལུས་ཀྱི་གནད་བཟང་ངན་བླང་དོར་ལས་འདས་པ་དུར་ཁྲོད་ཀྱི་མི་རོ་བཞིན་དུ་ཅི་བདེར་བཞག །ངག་སྨྲ་བརྗོད་བཟླས་པ་ཐམས་ཅད་སྤངས་ཏེ་ལྐུག་པ་ལྟར་བཞག །ཡིད་དྲན་བསམ་ཐམས་ཅད་བཀག་ལ་བཅས་བཅོས་མེད་པར་སྤྲིན་མེད་ཀྱི་ནམ་མཁའ་ལྟར་ལྷོད་དེ་ཤིག་གེར་འཇོག་པ་སྟེ་བྱ་བ་དང་བྱེད་པ་མེད་པའི་ངང་དུ་གནས་པའོ། །དེའང་ལུས་རྣལ་དུ…

མཁར་འཕང་༔ མིག་དང་ཤེས་པ་མཁའ་གཏད་རུ་ལུ་བསྒྲགས༔ དེ་བཞིན་སྔོན་འགྲོའི་སྤྱོད་པ་ཐམས་ཅད་ཀུན༔ ཞག་གྲངས་བརྒྱད་བཅུར་གནད་དུ་བསྣུན་ཏེ་བྱ༔ ཞེས་པ་སྟེ། དེའང་འདས་རྗེས་ལས། ཉན་ཐོས་བྱང་སེམས་ཁྲོ་བོ་ཡི། །ལྟ་སྟངས་ཉིད་ཀྱིས་སོར་ཡང་གཞུག །དེས་ནི་གསུམ་པོ་སོར་ཆུད་ནས། །ཉམས་ལེན་ཉིད་ལ་བརྩོན་པར་འགྱུར། །ཞེས་པས་དང་པོ་ཉན་ཐོས་ཀྱི་ལྟ་སྟང…

ཉིད་ཐོབ་འགྱུར། །ཞེས་སོ། །གསུམ་པ་ཁྲོ་བོའི་ལྟ་སྟངས་ནི། ལངས་ཏེ་རྐང་པ་གྱད་ཀྱི་འདོར་སྟབས་སུ་བསྒྲད། སྡིགས་མཛུབ་སྟེང་གི་ནམ་མཁའ་ལ་འཕང་། མིག་དང་ཤེས་པ་མདུང་ཚུགས་སུ་གཏད་དེ་ཧཱུྃ་ཧཱུྃ་ཧཱུྃ་ཞེས་དྲག་ལ་ཐུང་བར་བརྗོད། ཡང་སྡིགས་མཛུབ་སོགས་གོ་ལྡོག་ཏེ་ཨོཾ་རུ་ལུ་རུ་ལུ་ཧཱུྃ་བྷྱོ་ཧཱུྃ་ཞེས་དྲག་པོར་བརྗོད་ལ་སྣང་བའི་རྫུན་ཕུག་བར…

ཐུག་སྒོ་གསུམ་མ་དག་པའི་སྐྱོན་དང་བྲལ་ཏེ་དག་པ་རྡོ་རྗེ་གསུམ་གྱི་རོལ་པར་སྨིན་ཅིང་གྲོལ་བར་བྱེད་དོ། །ལེའུའི་སྐབས་བསྡུ་བ་ནི། ཡིད་ཀྱི་རུ་ཤན་དབྱེ་བའི་ལེའུ་སྟེ་དྲུག་པའོ༔ ས་མ་ཡ༔ གུ་ཧྱ༔ གཉིས་པ་དངོས་གཞིའི་རིམ་པ་ཉམས་སུ་ལེན་ཚུལ་ལ་དྲུག །སྒོ་གསུམ་གྱི་གནད་གཟིར་བ། གནད་གསུམ་གྱིས་འོད་གསལ་བལྟ་བ། སྒྲོན་མའི་རྣམ་པར་བཞག་པ། ཇི…

དངོས་ནི། བཞུགས་སྟངས་གསུམ་དང་གཟིགས་སྟངས་གསུམ་ལས་མི་འདའ་བར་བྱེད་པ་སྟེ། ཐལ་འགྱུར་ལས། ལུས་ནི་སྐུ་གསུམ་བཞུགས་སྟངས་ལས། །རྒྱུན་དུ་འདའ་བར་མི་བྱའོ། །ཞེས་དང་། མུ་ཏིག་ཕྲེང་བ་ལས། ལུས་ཀྱི་གནད་ནི་རྣམ་གསུམ་སྟེ། །སེང་གེའི་ཚུལ་དང་གླང་ཆེན་དང་། །དྲང་སྲོང་ལྟ་བུར་ཤེས་པར་བྱ། །ཞེས་པས་དང་པོ་སྤྲུལ་སྐུའི་བཞུགས་སྟངས་ནི། དང་པོ…

སྟེ། ལུས་ཁ་སྦུབས་ཏེ་པུས་བྲང་སྦྱར་ནས་རྐང་པ་ཕྱིར་ཕུལ་གྲུ་མོ་གཉིས་ས་ལ་བཙུག་སྟེ་ལག་མཐིལ་གཉིས་ཀྱིས་ཨོལ་ཀོ་བསྟེན་ལ་སོར་མོ་འགྲམ་པ་ལ་སྦྱར་ཏེ་སྡོད་པའོ། །གསུམ་པ་ཆོས་སྐུའི་བཞུགས་སྟངས་ནི། ཡང་གཅིག་རྐང་གཉིས་མདུན་དུ་མཐིལ་སྤྲད་པའི༔ དབུས་སུ་རྡོ་རྗེ་ཁུ་ཚུར་སར་བཙུགས་ཏེ༔ རྒལ་རྒྱུད་དྲང་པོར་བསྲང་སྟེ་སྡོད་པ་ལ༔ ཆོས་སྐུའི་ལ…

པས་ཀུན་ཁྱབ་ཀྱི་སྤྱན་དབྱེ་བར་འགྱུར་རོ། །དེ་ལྟར་བྱས་པའི་ཡོན་ཏན་ནི། ཐལ་འགྱུར་ལས། ཆོས་སྐུའི་བཞུགས་སྟངས་སེང་གེ་ཡིས། །འཁྲུལ་པའི་འཇིགས་པ་ཀུན་བྲལ་ནས། །རྡོ་རྗེའི་མིག་གིས་མཐོང་བར་འགྱུར། །ལོངས་སྤྱོད་རྫོགས་སྐུའི་བཞུགས་སྟངས་ནི། །གླང་ཆེན་ཉལ་བ་ལ་བརྟེན་ནས། །ཆོས་ཉིད་དོན་ལ་ལོངས་སྤྱོད་དེ། །པདྨའི་སྤྱན་གྱིས་མཐོང་བར་འགྱུ…

ཡུན་ཐུང་བ་ལ་བསླབ། དེ་ནས་རིང་བར་བསླབ། དེ་ནས་ཆོས་སྤྱོད་ཙམ་ལས་ཚིག་གཅིག་ཀྱང་མི་སྨྲ། མཐར་བརྗོད་པ་མཐའ་དག་བཀག་ལ་ལྐུག་པ་ལྟར་གནས་པར་བྱའོ། །དེའི་ཡོན་ཏན་ནི། ཀློང་གསལ་ལས། དེ་ལྟར་ངག་གནད་སུས་གཟིར་བ། །ངག་གི་རྐྱེན་ཟད་མྱ་ངན་འདས། །ཞེས་སོ། །དེ་ལྟར་མ་བྱས་པའི་སྐྱོན་ནི། དེ་ཉིད་ལས། ངག་གི་གནད་ནི་མ་གཟིར་ན། །བརྗོད་མེད་དོན་ནི…

རླུང་གི་གནད་དང་གསུམ་ལས། དང་པོ་འཆར་བྱེད་སྒོ་ཡི་གནད་ནི། སྒོ་གནད་མིག་ནི་ཕྱེད་བཙུམ་ཟིམ་བུར་བལྟ། ཞེས་པ་སྟེ། དེ་ཡང་མིག་ཧར་གྱིས་ཕྱེས་ཏེ་བལྟས་པས་མིག་གི་རྣོ་ཉམས་ཤིང་འོད་གསལ་གྱི་སྣང་བ་མངོན་དུ་མི་འགྱུར་བས་ན་ཕྱེད་བཙུམ་གྱིས་བལྟ་བར་བྱ་བ་ཡིན་ལ། སྒོའི་གནད་འབྱོངས་པའི་ཚད་ཡུལ་ལ་ཇི་ཙམ་གཏད་ཀྱང་ཚུགས་པའོ། །གཉིས་པ་འཆར་གཞི་…

སྔ་གྲོ་ནུབ་དང་ཕྱི་དྲོ་ཤར་ཕྱོགས་སུ་བལྟས་ཏེ་སྡོད་པ་དང་། དཀར་ཁུང་དང་གསལ་ལ་ལམ་ལ་བལྟས་པས་ཆོག་པ་ཡིན་ནོ། །གསུམ་པ་ཇི་ལྟར་འཆར་བ་རླུང་གི་གནད་ནི། རླུང་གནད་མཆུ་སོ་ཅུང་ཟད་མ་རེག་པའི༔ བར་ནས་དབུགས་ཀྱི་འབྱུང་འཇུག་དལ་བར་བསླབ༔ ཅེས་པ་སྟེ། དེ་ཡང་རླུང་ཞེས་བྱ་བ་ནི་གྱ་གྱུ་ཅན་རྣམ་རྟོག་གི་བཞོན་པར་གྱུར་ནས་བདེ་བར་གཤེགས་པའི་སྙི…

གཡོ་མངོན་གྱུར་ངང་དུ་བཞག༔ སྒོ་གསུམ་བྱ་བ་དགུ་ཕྲུགས་གནད་དུ་ཤེས༔ ཞེས་པ་སྟེ། དེ་ལྟར་ཉམས་སུ་ལེན་པའི་དུས་སུ་ལུས་མི་འགུལ་བ་དུར་ཁྲོད་ཀྱི་མི་རོ་ལྟ་བུར་སྡོད་པ་དང་། ངག་སྨྲ་བཅད་ལས་མི་འགུལ་བར་ལྐུག་པ་བཞིན་སྡོད་པ་དང་། སེམས་མ་བཅོས་པར་ཤེས་པ་འོད་གསལ་དུ་མཆེད་པ་མངོན་དུ་བྱེད་པའི་ངང་ལས་མི་འགུལ་བར་སྡོད་པའོ། །གཞན་ཡང་ལུས་ངག་…

རྣམ་རྟོག་དང་བྲལ་བར་གནས་པའོ། །དེ་ལྟར་བྱ་བ་བཏང་བའི་ཕན་ཡོན་ནི། ཀློང་གསལ་ལས། ལུས་ངག་འཁྲུལ་པ་རྒྱུན་ཆད་ནས། །ཡེ་ཤེས་རྒྱུད་ལ་གནས་པར་འགྱུར། །ཞེས་སོ། །མ་བཏང་བའི་སྐྱོན་ནི། དེ་ཉིད་ལས། བྱར་མེད་རྒྱུད་ལ་མ་གནས་ན། །རིག་པའི་དོན་ལ་རིག་པ་མེད། །ཅེས་སོ། །ལེའུའི་སྐབས་བསྡུ་བ་ནི། སྒོ་གསུམ་གྱི་གནད་བཤད་པའི་ལེའུ་སྟེ་བདུན་པའོ༔ …

ཚུལ་ཤེས་དགོས་ཏེ། མ་དག་པའི་ཉོན་མོངས་རླུང་སེམས་རགས་པ་མངོན་གྱུར་གྱི་སྒོ་ཁ་དང་། ཕྲ་བ་ལྐོག་གྱུར་གྱི་སྒོ་སྣ་བུག་གཉིས་ཡིན་ཏེ། དེའི་རྒྱུ་ཚུལ་གློ་བ་ནི་རྩ་གྲོ་སོག་གི་སྦུ་གུ་ཙམ་ཞིག་འབྱུང་འཇུག་གི་རླུང་གིས་གང་བ་ལས་འཕེལ་བ་ཆེར་མཆེད་ན་ཚ་བའི་ནད་དང་། བྲི་བར་གྱུར་ན་གྲང་བའི་ནད་འབྱུང་ལ། དྲང་པོར་རྒྱུ་ཚེ་ཚ་གྲང་ཆ་སྙོམས་པར་…

དང་པོ་ཆགས་པའི་དུས་ན་ཆུའི་བྱེད་ལས་ཀྱིས་ཆགས་པའི་བསྐྱེད་བྱེད་ཀྱི་རྩའི་མདུད་པ་ན་སྒྲོན་མའི་སྤྱན་དང་འབྱུང་བའི་སྤྱན་གཉིས་སྔོན་དུ་ཆགས་ནས་འབྱུང་བའི་སྤྱན་ལས་ཕུང་པོར་གྲུབ་ཅིང་། སྒྲོན་མའི་སྤྱན་ལས་ཡེ་ཤེས་ཀྱི་འོད་སྣང་གསལ་བྱེད་མིག་གི་ཨ་འབྲས་ཀྱི་དཀྱིལ་ན་རྩ་བ་མེན་གྱི་རྭ་འདྲ་བ་རྩ་བ་ཕྲ་ཞིང་རྩེ་མོ་ཡངས་པ་གཉིས་ཆགས་ཏེ། དེ…

དག་པས་རྣམ་པར་དག་པ། དེ་ལ་བརྟེན་ནས་རྡོ་རྗེ་ལུ་གུ་རྒྱུད་ཀྱི་སྣང་བ་གསལ་བས་ན་སྒྲོན་མ་ཞེས་བྱའོ། །ཐིག་ལེ་སྟོང་པའི་སྒྲོན་མ་ཞེས་བྱ་བ་ནི་ནང་འབྱུང་ལྔ་པོ་དྭངས་མར་འཕོས་པ་སྟེ། སེམས་ཀྱི་དྭངས་མ་མཐིང་ག །ཁྲག་གི་དྭངས་མ་དཀར་པོ། ཤའི་དྭངས་མ་སེར་པོ། དྲོད་ཀྱི་དྭངས་མ་དམར་པོ། དབུགས་ཀྱི་དྭངས་མ་ལྗང་གུ་སྟེ། དྭངས་མ་དེ་དག་མུ་ཁྱུད…

ཤེས་རབ་རྣོ་ལ་མྱུར་བ་དང་ཚིག་དོན་ཀློང་རྡོལ་དུ་འབྱུང་བ་རྣམས་སོ། །ངེས་ཚིག་ནི། མུ་ཏིག་ཕྲེང་བ་ལས། ཤེས་པས་ཆོས་རྣམས་གཅིག་ཅར་རྟོགས། །རབ་ནི་ཀུན་གྱི་རྩེ་མོར་གྱུར། །རང་ནི་གཞན་ལྟོས་ཆོས་དང་བྲལ། །བྱུང་བས་མ་བཀག་ལྷུག་པར་སྣང་། །སྒྲོན་མས་འཆར་བྱེད་སྒོ་མ་འགགས། །ཞེས་སོ། །གཉིས་པ་རྣལ་འབྱོར་ལམ་གྱི་སྒྲོན་བཞི་བསྟན་པ་ནི། མདོར་…