སྟོང་པའི་སྒྲོན་མ་དང་། །རིག་པ་དབྱིངས་ཀྱི་སྒྲོན་མ་དང་། །ཤེས་རབ་རང་བྱུང་སྒྲོན་མ་དང་། །རྒྱང་ཞགས་ཆུ་ཡི་སྒྲོན་མ་རྣམས། །སེམས་ཅན་ཀུན་ལ་གནས་པའོ། །ཞེས་པ་ལྟར། གནས་ལུགས་གཞིའི་སྒྲོན་མ་རྣམ་པ་དྲུག་པོ་སེམས་ཅན་ཀུན་ལ་ཡེ་ནས་རང་བྱུང་དུ་གནས་ཀྱང་ཤེས་རབ་ཀྱི་མིག་ལྡོངས་ཏེ་མངོན་དུ་མ་གྱུར་པའོ། །ལེའུའི་སྐབས་བསྡུ་བ་ནི། གཞི་དང་ལ…

ཞུགས་དབྱིངས་ཐིག་རོལ་པར་ཐིམ༔ ཆེར་མཆེད་རང་ལུས་ཕུང་ཁམས་སྐྱེ་མཆེད་དང་༔ ཕྱི་ནང་སྣོད་བཅུད་དངོས་པོ་ཐམས་ཅད་ཀུན༔ འོད་ཕུང་རྣམ་ལྔའི་རོལ་པར་མེར་གྱིས་ཞུ༔ ཐམས་ཅད་དག་དབྱིངས་དྭངས་མའི་རོལ་པ་རུ༔ གསལ་ཞིང་ཡུན་གཅིག་མཉམ་པར་བཞག་པའི་མཐར༔ བསམ་བྱ་བསྒོམ་དམིགས་ཐམས་ཅད་ཆམ་བཞག་སྟེ༔ འོད་གདངས་མངོན་གྱུར་ལམ་བྱེད་བྱར་མེད་སྡོད༔ ཕྱི་ཡི་…

རྨད་དུ་བྱུང་བ་ཡིན་པས་གཞུང་འདི་ཉིད་ཀྱི་བླ་མའི་རྣལ་འབྱོར་བྱིན་རླབས་ཆར་འབེབས་ལྟར་ནན་ཏན་དུ་བྱའོ། །དེ་ནས་རང་གི་སྙིང་ག་ནས་འོད་ཟེར་འཕྲོས་པས་དགོངས་བརྡ་སྙན་བརྒྱུད་ཀྱི་བླ་མ་རིག་འཛིན་གྱི་ས་ལ་བཞུགས་པ་རྣམས་དང་ཕྱོགས་བཅུ་དུས་བཞིའི་རྒྱལ་བ་སྲས་དང་བཅས་པ་རྣམས་ཀྱི་ཐུགས་རྒྱུད་བསྐུལ། དབང་བྱིན་དངོས་གྲུབ་ཡེ་ཤེས་ཡོན་ཏན་ཐམས་…

བུ་གྱེན་བསྒྲེང་དང་རྩིབ་ཤར་གྱི་རྣམ་པར་སྣང་བ་ནི་ནང་དབྱིངས་ཕྱིར་གསལ་བ་དབྱིངས་རྣམ་པར་དག་པའི་སྒྲོན་མ་སྟེ། ཐལ་འགྱུར་ལས། དབྱིངས་ནི་ཕྱི་དང་ནང་དུ་སྟེ། །ཕྱི་ནི་སྤྲིན་བྲལ་མཁའ་ལ་འཛིན། །ནང་དབྱིངས་སྒྲོན་མ་དག་ཏུའོ། །ཞེས་སོ། །དེ་ལྟར་དབྱིངས་ཀྱི་ཀློང་དུ་ཐིག་ལེ་སྟོང་པའི་སྒྲོན་མ་ཀོ་མའི་ཆུ་ལ་རྡོ་བོར་བའི་རི་མོའི་རྣམ་པ་ལྟ…

བཟུངས་ཏེ། ཕྱི་ནང་རང་རྒྱུད་དུ་མི་གོལ་བར་དབྱིངས་རིག་དབྱེར་མེད་ཀྱི་རོལ་པར་ཞེན་པ་མེད་པའི་བརྟུལ་ཞུགས་ལ་བསླབ་པར་བྱའོ། །གཉིས་པ་ཉམས་ལེན་གྱི་གནད་བཤད་པ་ནི། སྤྱིར་ན་འགྲོ་དྲུག་འཁྲུལ་པའི་སྣང་བ་རྣམས༔ ཤེས་པ་དང་པོ་ཡུལ་གྱི་རྣམ་པར་མཆེད༔ རྣམ་རྟོག་ཕྱི་མས་ཨ་འཐས་ཉེར་ལེན་པའི༔ ཕྱི་ནང་སྣོད་བཅུད་འདོད་ཡོན་ལྔ་རུ་འཐས༔ མངོན་པར་ཞ…

མ་ཡ༔ གུ་ཧྱ༔ གཉིས་པ་ཉམས་ལེན་སྲང་དུ་འཛུད་པའི་ཚུལ་ནི། འོག་གི་ལེའུ་བཅུ་གསུམ་པ་རུ་འཆད་པར་འགྱུར་བ་ཡིན་ནོ། །གསུམ་པ་ལམ་གྱི་གོལ་ས་བསྟན་པ་ནི། དེ་ལྟར་ཚུལ་བཞིན་རྟོགས་པར་མ་གྱུར་ན༔ ཇི་ལྟར་བསྒོམ་ཀྱང་གཟུང་འཛིན་ལམ་དུ་གོལ༔ དེ་ཕྱིར་ཁྲེགས་ཆོད་ལྟ་བ་གཏན་ཕབ་ནས༔ འཁོར་འདས་རང་སྣང་ཉིད་དུ་རྟོགས་ནས་སླར༔ རང་སྣང་སྣང་ཙམ་ཉིད་ནས་སྟོ…

མདངས་ལྷུམས་སུ་བསྒྲིབ་པ་ལས༔ འོད་ཀྱི་གདངས་ལྔ་ཤར་ལ་དངོས་འཛིན་གྱི༔ བག་ཆགས་འཐས་པས་འབྱུང་བ་ལྔ་རུ་བསྒྲིབ༔ མདངས་ལྔ་དྭངས་མར་བསྒྲིབ་པས་ནང་འབྱུང་ལྔ༔ ནང་འབྱུང་སྙིམས་མར་འཐས་པའི་ཕྱི་འབྱུང་ལྔ༔ ལུགས་སུ་འབྱུང་སྟེ་འཁོར་བར་འདུ་བྱེད་ཅིང་༔ ལུགས་སུ་ལྡོག་ཏེ་སྟོང་ཁྱབ་དབྱིངས་སུ་འཇིག༔ ཅེས་པ་སྟེ། འདི་ལྟར་འཁོར་བར་འཁྱམས་པའི་གཞི…

འབྱུང་ལྔར་སྣང་བ་ལ་ཕྱི་འབྱུང་དང་འབྱུང་ཕྲན་སྙིགས་མའི་སྣང་བ་ཞེས་བྱ་སྟེ། འཁྲུལ་པའི་གཞི་དེ་དག་གི་རྩལ་ལས་རྣམ་པར་ཤེས་པ་དང་ཉོན་མོངས་པའི་ཚོགས་རྣམས་མཆེད་དུ་འཁྲུལ་པ་ཡིན་ནོ། །དེ་ལྟར་འཁྲུལ་པའི་རྩ་བ་གཟུང་འཛིན་གཉིས་པོ་སྔར་བཤད་པ་ལྟར་གཏན་ལ་ཕབ་སྟེ་སྣང་སྲིད་འཁོར་འདས་ཀྱི་ཆོས་རྣམས་རང་བཞིན་རྫོགས་པ་ཆེན་པོར་ལ་བཟླ་བར་བྱ་སྟེ…

དང་། ཡོན་ཏན་རིན་པོ་ཆེའི་མཛོད་ལས། ཤེས་བྱ་སྣང་བས་མ་བཅིངས་སྟོང་པའི་དངོས། །སྟོང་པ་རང་བཞིན་གསལ་བའི་སྙིང་པོ་ནི། །རིག་པར་བཞུགས་པའི་སྐུ་དང་ཡེ་ཤེས་ཁམས། །འདུ་འབྲལ་མེད་པ་ཉི་མའི་སྙིང་པོ་བཞིན། །ཞེས་པས། སྤྱིར་ཤེས་བྱའི་གཤིས་སྣང་བའི་ཡུལ་དང་མ་འདྲེས་པ་ནི་ཕུང་པོ་ལྔའི་ཉེ་བར་ལེན་པས་རང་བཞིན་གྱི་རྣམ་པར་སྟོང་པ་ཉིད་ཡིན་ལ། ད…

ལྟ་བུའི་གནས་ལུགས་ལ་ངེས་པ་རྙེད་པར་མ་གྱུར་ན་ཇི་ལྟར་བསྒོམ་ཀྱང་གཟུང་འཛིན་གྱི་ལམ་དུ་གོལ་བར་འགྱུར་ཏེ། ཇི་སྐད་དུ། ཁྲེགས་ཆོད་གདིང་དང་མ་ལྡན་ན། །ཐོད་རྒལ་ཤར་ཡང་གཟུང་འཛིན་ཅན། །ཞེས་པའང་གནད་འདི་ལ་དགོངས་ནས་གསུངས་པ་ཡིན་པས་དང་པོ་ཁྲེགས་ཆོད་ཀྱི་ལྟ་བས་སྣང་སྲིད་འཁོར་འདས་ཐམས་ཅད་རིག་པ་གཅིག་ཏུ་ཐག་ཆོད་ཅིང་ངང་མངོན་དུ་གྱུར་པ་…

མ་འོངས་པའི་སངས་རྒྱས་རྣམས་ཀྱིས་བསྒྲུབ་བྱ། ད་ལྟའི་སངས་རྒྱས་རྣམས་ཀྱི་བགྲོད་པ་གཅིག་པུའི་ལམ། གདོད་མའི་སངས་རྒྱས་ཀུན་ཏུ་བཟང་པོའི་དགོངས་པའི་ཀློང་ཆེན་མངོན་དུ་གྱུར་པ་ལ་གྲོལ་བའི་ཐ་སྙད་བཏགས་པ། ཐེག་པ་གཞན་དང་ལམ་མྱུར་བུལ་ཤིང་རྟ་དང་ཉི་ཟླའི་འགྲོས་ལྟར་ཁྱད་པར་ཆེ་བ་མན་ངག་ཨ་ཏི་ཡོ་གའི་ཟབ་ཆོས་འདི་ཉིད་ཁྲེགས་ཆོད་ལས་ཀྱང་ཁྱད་…

ཡིན་པས་ས་ལམ་གཅིག་ཆར་དུ་བརྒལ་བས་ཁྱད་པར་འཕགས། རིག་པ་ཡེ་ནས་འོད་གསལ་དུ་གསུངས་པ་ཁྲེགས་ཆོད་ཀྱིས་སྟོང་གསལ་ཙམ་ལས་བལྟར་མེད་དུ་ཐག་གཅོད་པ། ཐོད་རྒལ་དུ་གནད་གཅུན་པས་ཡེ་ཤེས་ཀྱི་མཐོང་ཕྱེ་སྟེ་ཆོས་ཉིད་ཟེར་གདངས་ལ་མཐོང་བའི་ཁྱད་པར་འཕགས། ཁྲེགས་ཆོད་དུ་དབང་པོ་དྲུག་གི་སྒོམ་དག་པ་འཁྲུལ་སྣང་ལ་ཞེན་པ་སྤོང་བའི་དྭངས་འཚོལ་བ་ལ། ཐོད་…

འོག་མས་གོང་མ་མཐོང་བ་མེད། །ཅེས་པ་ལྟར་མན་ངག་འདིས་ནི་ཐམས་ཅད་མཐོང་ཞིང་གྲོལ་བར་འགྱུར་བའི་ཚུལ་ཤེས་རབ་ཀྱི་མིག་ལྡན་དག་གི་རྟོགས་པར་བྱའོ། །ལྔ་པ་ལམ་རྟགས་སྣང་བཞིའི་ས་མཚམས་བསྟན་པ་ལ། ཆོས་ཉིད་མངོན་སུམ་གྱི་སྣང་བ། ཉམས་སྣང་གོང་འཕེལ་གྱི་སྣང་བ། རིག་པ་ཚད་ཕེབས་ཀྱི་སྣང་བ། ཆོས་ཉིད་ཟད་པའི་སྣང་བ་དང་བཞི་ལས། དང་པོ་ཆོས་ཉིད་མངོན…

པའི་མི༔ ཟླ་བ་དྲུག་གི་ངེས་པར་བརྟན་ཐོབ་ཅིང་༔ མངོན་སུམ་སྣང་བ་མཐོང་བའི་ཡོན་ཏན་གྱིས༔ ཕྱིན་ཆད་འཁོར་བར་མི་ལྡོག་གདེངས་ཐོབ་བོ༔ ཞེས་པ་སྟེ། དེ་ལྟར་ཉིན་མོ་ཆོས་སྐུའི་རྟེན་ཉི་མ། མཚན་མོ་ལོངས་སྐུའི་རྟེན་ཟླ་བ། ནང་ནུབ་སྤྲུལ་སྐུའི་རྟེན་ཨ་ལོ་ཀེར་བལྟས་ནས་ཉམས་ལེན་གནད་དུ་བསྣུན་པས། བསྐྱེད་རིམ་ལྟར་བཅས་བཅོས་དང་ཁྲེགས་ཆོད་ལྟར་…

བའི་རྣམ་པས་འགུལ་སྙིང་མི་འདོད་པར་སྡོད་པ་རུས་སྦལ་མཁར་གཞོང་དུ་བཅུག་པ་ལྟ་བུ་དང་། ངག་སྨྲ་བརྗོད་མི་འདོད་པར་ལྐུག་པ་ལྟར་གནས་པ་དང་། སེམས་ཀྱི་རྣམ་རྟོག་དུམ་བུར་འཕྲོ་བའི་རྒྱུན་ཆད་ནས་གར་གཏད་དུ་སྡོད་ཚུགས་པ་མཁའ་འགྲོ་རྙི་ལ་ཟིན་པ་ལྟ་བུའོ། །འདིའི་དུས་སུ་ཕྱིན་ཆད་འཁོར་བར་མི་ལྡོག་པའི་གདེངས་ཐོབ་པས་མདོ་ལམ་གྱིས་དང་པོ་དང་། …

སྔགས་ཐེག་ཆེན་སྤྱོད་པའི་རྣལ་འབྱོར་གྱིས༔ དེ་ལྟར་རྣལ་མའི་དོན་ལ་རྩེ་གཅིག་ཏུ༔ གནད་དུ་བསྣུན་པའི་ཕྱི་རྟགས་འོད་གསལ་གྱི༔ དབྱིངས་དང་ཐིག་ལེ་རིམ་བཞིན་གོང་འཕེལ་གྱི༔ ཚུལ་དུ་སྣང་སྟེ་གྲུ་ཆད་རྣམ་པ་ནས༔ དབྱིངས་སྣང་མཆོད་རྟེན་མདུང་རྩེ་རལ་གྲི་དང་༔ འཁོར་ལོ་རྡོ་རྗེ་པདྨ་རི་ལྡེ་དང་༔ མེ་ལོང་སྤྲིན་དཔུང་ལྟ་བུའི་རྣམ་པར་མཆེད༔ ཐིག…

མཉམ་ཁྱབ་བྱེད་དང་༔ ཐུར་སེལ་རླུང་འཕེལ་འགྲིབ་བྱུང་བ་ཡི༔ བྱེད་ལས་བདེ་སྡུག་ན་ཚ་ཟུག་རྡུ་དང་༔ ཟ་ཟི་བྱ་སྤྱོད་མ་ངེས་སྣ་ཚོགས་ཀྱི༔ སྤྱོད་པ་བྱེད་ཅིང་བརྟན་གནས་མེད་པ་ཡིན༔ ངག་ཀྱང་སྨྱོན་པ་རང་ཚིག་རྡོལ་བ་བཞིན༔ གླུ་དང་མགུར་མ་ལ་སོགས་ཆོས་ཚིག་དང་༔ འཇིག་རྟེན་ཐ་མལ་པ་ཡི་འཆོལ་ཚིག་རྣམས༔ མ་བསམ་བཞིན་དུ་རང་རྡོལ་འབྱུང་འགྱུར་ཏེ༔ ས…

རང་བཞིན་སྤྲུལ་པའི་སྐུ་རུ་དབུགས་འབྱིན་འགྱུར༔ གྲུ་ཆད་རྣམ་པར་ཤར་བའི་དུས་སྐབས་སུ༔ བར་དོ་མེད་པར་གྲོལ་འགྱུར་གདོན་མི་ཟ༔ འཕེལ་ཚད་རྫོགས་ཚེ་ལོངས་སྤྱོད་རྫོགས་སྐུར་གྲོལ༔ མདོར་ན་ས་མཚམས་འདི་ལ་བབས་པའི་ཚེ༔ འཁོར་བར་མི་ལྡོག་སྲིད་ལས་རྣམ་པར་རྒྱལ༔ ཞེས་པ་སྟེ། དེ་ཡང་གོང་བཞིན་ཉམས་ལེན་ལ་གནད་དུ་བསྣུན་པས་ནང་དུ་ཆོས་ཉིད་ཀྱི་ངོ་…

ཇེ་དལ་དུ་འགྲོ་བ་ནི་ཅུང་ཟད་གོམས་པ་དང་། བར་དུ་གོམས་པའི་ཐ་སྙད་བཏགས་ཅིང་། མཆོག་ཏུ་གོམས་པའི་ཚད་ནི་གང་དུ་བལྟས་པའི་སྟོང་ཁམས་འོད་གསལ་གྱི་སྣང་བས་ཁྱབ་ཅིང་འགུལ་འཕྲིགས་མེད་པར་གནས་པ་སྟེ། སྒྲོན་མ་སྣང་བྱེད་ལས། སྣང་བ་ཐམས་ཅད་ཐིག་ལེ་རུ། །ཤར་ནས་དཀྲིག་གི་གནས་པ་ན། །མཆོག་ཏུ་གོམས་པའི་ཚད་ཡིན་ནོ། །ཞེས་སོ། །ནང་རྟགས་སུ་གསང་དབ…

བུ་ཆང་གིས་མྱོས་པ་ལྟ་བུར་བྱ་སྤྱོད་སྣ་ཚོགས་པས་སྡོད་མི་ཚུགས་པ་དང་། ངག་ཀྱང་སྨྱོན་པའི་ཅ་ཅོ་སྒྲོགས་པ་ལྟར་གླུ་དང་མགུར་མ་འཆོལ་ཚིག་ལ་སོགས་མ་ངེས་པའི་ཚིག་རང་རྡོལ་དུ་འབྱུང་བ་དང་། སེམས་ཀྱང་གཟའ་གཏད་མེད་པར་སྨྱོན་པ་འུར་ལངས་པ་ལྟར་གཏད་མེད་རྒྱ་འབྱམས་སུ་ཡན་པའོ། །གཞན་ཡང་འདུག་ཚེ་འགྲོ་སྙིང་འདོད་ཅིང་འགྲོ་ཚེ་སྡོད་སྙིང་འདོད་…