སྭསྟི། ཁྱབ་བདག་པདྨ་གར་གྱི་དབང་། །འཆི་མེད་མགོན་ལ་གུས་བཏུད་ནས། །སྨིན་བྱེད་དབང་གི་རིམ་པ་ཡི། །ཟུར་རྒྱན་མཚམས་སྦྱོར་ཉུང་ངུར་སྤེལ། །[དེ་ཡང་། གུ་རུ་དུས་གསུམ་མཁྱེན་པའི་ཐུགས་བཅུད། སྙིགས་དུས་རིག་འཛིན་ཡོངས་ཀྱི་སྲོག་མཐུད་ཚེ་སྒྲུབ་ཟབ་མོའི་དབང་བསྐུར་གྱི་རིམ་པ་རྡུལ་ཚོན་དང་འབྲེལ་བའི་ཆོ་གའི་ཚུལ་ནི་གཞུང་དང་ཕྱག་བཞེས་ཉི…

པོ་ནི། སྣང་སྲིད་གཞིར་བཞེངས་ཀྱི་དགོངས་པ་དང་ལྡན་པས་འཕྲིན་ལས་སྔོན་འགྲོ་ནས་བརྩམས། དངོས་གཞི་བསྙེན་སྒྲུབ་ཡན་ལག་བཞི་རྫོགས་ཀྱི་བསྐྱེད་བཟླས་ལས་སྦྱོར་ཚེ་འགུགས་བསྟིམ་གྱི་རིམ་པ་དང་བཅས་པས་བདག་དང་སྒྲུབ་རྫས་ནུས་ལྡན་དུ་བྱས་མཐར། སྤྱི་བྱེའི་སྲུང་མའི་གཏོར་ཆོག །འཕྲིན་ལས་གཞུང་གི་ཚོགས་མཆོད་བསྟབ་པའི་བར་གྲུབ་པ་དང་། ལས་བུམ་…

ནས། གཉིས་པ་དངོས་གཞིའི་དབང་བསྐུར་བ་ལའང་གསུམ་ལས། དང་པོ་ནི། སྣོད་ལྡན་ཟུང་དུ་མ་གྱུར་པ་རྣམས་ཕྱི་རོལ་དུ་ཁྲུས་བྱས། ནང་དུ་འོང་འདུད་ཕྱག་སྔོན་དུ་འགྲོ་བས་གྲལ་དུ་འཁོད་པར།] འོ་ལགས་སོ་འདིར་གསང་བ་ཟབ་མོའི་དཀྱིལ་འཁོར་དུ་དབང་བསྐུར་བསྒྲུབ་པའི་ཐོག་མར་སློབ་དཔོན་སངས་རྒྱས་གསང་བས། དག་པ་ཁྲུས་ནས་མ་བཏོན་པར། །གསང་སྔགས་དབང་གི་ས…

མི་མཐུན་པའི་ཕྱོགས་ལས་རྒྱལ་ཞིང་། ཆོས་ལྡན་གྱི་རྟེན་མཆོག་ཡུན་ཏུ་འཚོ་བའི་ཕྱིར་རྡོ་རྗེ་ཚེའི་དབང་བསྐུར་ཟབ་མོ་ཞུ་བར་བགྱིའོ་སྙམ་པའི་ཀུན་སློང་དང་ལྡན་པས་གསན་འཚལ། དེ་ཡང་རྒྱལ་བ་རྫོགས་པའི་སངས་རྒྱས་ཐུགས་རྗེ་ཆེན་པོ་མངའ་བ་དེ་ཉིད་ཀྱིས་གདུལ་བྱའི་མོས་པ་དང་དབང་པོ་སྐལ་པའི་ཁྱད་པར་དང་རྗེས་སུ་མཐུན་པའི་ཐེག་པའི་འཇུག་སྒོ་མཐའ་…

དོན་གཉིས་རླབས་པོ་ཆེ་འགྲུབ་པར་འགྱུར་ལ་དགོངས་ནས། གུ་རུ་ཡབ་ཡུམ་དང་ལས་ཅན་རྗེ་འབངས་རྣམས་ཀྱིས་རྒྱུད་ལུང་མན་ངག་གི་ཡང་བཅུད་རྣམས་བོད་ཡུལ་མཐའ་དབུས་ཀྱི་གཙུག་ལག་ཁང་དང་རི་བྲག་མཚོ་གསུམ་སོགས་སུ་མི་འཇིག་པའི་ཕྱག་རྒྱས་བཏབ་སྟེ་སྦ་བར་མཛད་པ་རྣམས་དུས་བབ་འགྲོ་འདུལ་སྤྲུལ་པའི་སྐུ་སོ་སོས་ཟབ་མོའི་གཏེར་ནས་ཕྱུངས་ཏེ་བསྟན་འགྲོར་ཕ…

ཡངས་པའི་ཚོགས་དང་བཅས་པ་རྣམས་ལ་འཆི་མེད་རྡོ་རྗེ་ཚེའི་ཏནྟྲ་བརྡ་ཐབས་བྱིན་རླབས་ཀྱི་སྒོ་ནས་བསྟན་པ་ནི་རིག་འཛིན་བརྡའི་བརྒྱུད་པ། འགྲོ་འདུལ་འཆི་མེད་གྲུབ་པའི་གནས་མཆོག་མ་རཱ་ཏི་ཀར་རང་བྱུང་པདྨ་ཡབ་ཡུམ་གྱི་མདུན་དུ། བཅོམ་ལྡན་མགོན་པོ་ཚེ་དཔག་མེད་པ་དངོས་སུ་བྱོན་ནས་སྐྱེ་འཆི་མེད་པར་དབང་བསྐུར། བགྲེས་རྒུད་བྲལ་བར་བྱིན་གྱིས་བ…

མོན་ཁ་སེང་གེ་རྫོང་གི་མཚོ་རྒྱལ་གསང་ཕུག་ནས། ཤིང་འབྲུག་གི་ལོར་སྐལ་ལྡན་གྱི་འདུས་པ་དུ་མའི་མིག་ལམ་དུ། རིག་འཛིན་མཁའ་འགྲོས་བྱིན་གྱིས་བརླབས་པའི་ལྟས་དང་། གཏེར་སྲུང་ཆོས་སྐྱོང་གིས་འཕྲིན་ལས་སྒྲུབ་པའི་མཚན་མའི་ཆོ་འཕྲུལ་དང་ལྡན་པར་སྤྱན་དྲངས་ཤིང་དག་པའི་སྣང་བར་གུ་རུ་ཡབ་ཡུམ་རྗེ་འབངས་དང་བཅས་པས་རྗེས་སུ་བཟུང་ནས་བྱིན་གྱིས་…

འཆིང་བར་ཞུ། ཨོཾ་ཨཱཿཧཱུྃ༔ [གིས་བསངས་པའི་མིག་དར་བྱིན།] སློབ་དཔོན་དཀྱིལ་འཁོར་གྱི་ཁྱབ་བདག་ཆེན་པོར་བཞུགས་པའི་དྲུང་དུ་དབང་བསྐུར་ཞུ་བའི་དོན་དུ་མེ་ཏོག་དང་བཅས་པའི་ཐལ་མོ་སྦྱར་ཏེ་གསོལ་བ་གདབ་པ་འདིའི་རྗེས་ཟློས་མཛོད། [ཅེས་བརྡ་སྦྱར་ནས།] ཨོཾ༔ དཔལ་ལྡན་པདྨ་གར་གྱི་བདག༔ འཆི་མེད་ཡེ་ཤེས་སྐུ་འཆང་བ༔ རྡོ་རྗེ་སློབ་དཔོན་ཆེ་བའ…

ནས་འཇུག་པར་སྤྲོ༔ ཡང་དག་སྙིང་པོར་གཞུག་ཏུ་གསོལ༔ དེ་ལྟར་གསོལ་བ་ལ་སློབ་དཔོན་གྱིས་མཁྱེན་བརྩེའི་སྒོ་ཕྱེས་ཏེ་གནང་བ་སྦྱིན་ཞིང་དམ་ཚིག་གི་གནད་བསྒྲག་པ་ནི། ཧོཿ སྔོན་ནས་ལས་འཕྲོ་ལྡན་པའི་བུ༔ བཀའ་གསང་བླ་མེད་དཀྱིལ་འཁོར་འདིར༔ འཇུག་པར་འདོད་པ་ཤིན་ཏུ་ལེགས༔ བདག་གིས་ཁྱོད་ཉིད་གཞུག་བྱ་ཡི༔ དམ་ཚིག་ཆེན་པོའི་རྡོ་རྗེའི་གནས༔ སྐུ་…

དཀྱིལ་འཁོར་གཉན་པོར་ད་ཞུགས་ཤིག༔ འདི་ཚུལ་ཕྱི་རོལ་ལ་གནས་པའི༔ དམ་མེད་དག་ལ་མ་སྨྲ་ཞིག༔ གལ་ཏེ་རླུང་ཕྱོགས་ཙམ་སྨྲས་ན༔ འདི་ནས་འཕོས་ཏེ་མནར་མེད་དུ༔ ཁྱོད་ལུས་འདྲལ་ཏེ་བསྲེག་པར་བྱེད༔ དེ་ཕྱིར་རྡོ་རྗེའི་མནའ་ཆུ་འདི༔ སྙིང་ལ་ཡོངས་སུ་བསྟིམ་པར་བགྱི༔ ཨོཾ་བཛྲ་ཨ་དཱ་ཀ་ཋ་ས་མ་ཡ་ཧ་ན་ཧ་ན་ཧཱུྃ་ཧཱུྃ༔ ཞེས་མནའ་ཆུ་བྱིན་པ་དེ་ཉིད་སྙིང་…

ཨཱཿ ཨོཾ་སརྦ་ཏ་ཐཱ་ག་ཏ་མཧཱ་ཨཱཿཡུརྫྙཱ་ན་ཙིཏྟ་བཛྲ་ས་མ་ཡ་ཧཱུྃ༔ [ཞེས་བརྗོད་པས་བརྟན་པར་བྱ།] ཁྱེད་རང་རྣམས་དཀྱིལ་འཁོར་ཆེན་པོར་འཇུག་པར་བྱེད་པ་ལ་རྒྱུད་སྡོམ་ལྡན་དུ་བསྒྲུབ་པའི་ཐོག་མར་སྐྱབས་སུ་འགྲོ་བའི་སླད་དུ་མདུན་གྱི་ནམ་མཁར་རྡོ་རྗེ་ཚེ་ལྷའི་དཀྱིལ་འཁོར་པ་གཙོ་བོར་གྱུར་པའི་ཕྱོགས་དུས་ཀྱི་རྩ་གསུམ་རབ་འབྱམས་རྣམས་མངོན་སུ…

བསྐྱེད་པའི་འགྲོ༔ མཐའ་མེད་སྡུག་བསྔལ་རྒྱ་མཚོར་བྱིང་བ་རྣམས༔ ཡེ་གྲོལ་འཆི་མེད་གཞོན་ནུ་བུམ་སྐུའི་ཀློང་༔ རོ་མཉམ་ཆེན་པོར་འགོད་པར་སེམས་བསྐྱེད་དོ༔ [ལན་གསུམ།] ཚོགས་ཀྱི་ཞིང་མཆོག་ཁྱད་པར་དུ་འཕགས་པ་དེ་རྣམས་ཀྱི་སྤྱན་སྔར་བསགས་སྦྱོང་གི་སྙིང་པོར་གྱུར་པ་ཡན་ལག་བཅུ་པ་ཚིག་རིས་དང་མཐུན་པའི་དོན་གསལ་འདེབས་བཞིན་དུ་འདིའི་རྗེས་ཟ…

མེད་འཁོར་གསུམ་ཡོངས་དག་པ༔ མི་གནས་ཆོས་དབྱིངས་མཉམ་པ་ཉིད་དུ་བསྔོ༔ སྐྱེ་འཆི་འགྱུར་མེད་མགོན་པོ་ཚེ་མཐའ་ཡས༔ ཡོན་ཏན་དཔག་མེད་ཚེ་འདིར་མངོན་གྱུར་ཤོག༔ [ལན་གསུམ།] ཞིང་མཆོག་དེ་དག་གི་སྤྱན་སྔར་སོ་བྱང་སྔགས་གསུམ་སྤྱི་དང་ཁྱད་པར་གྱི་བསྡུས་པའི་དམ་ཚིག་དང་སྡོམ་པ་མཐའ་དག་ཚུལ་བཞིན་དུ་སྲུང་སྡོམ་བགྱིའོ་སྙམ་པའི་དམ་བཅའ་བརྟན་པོས་འ…

ལྔའི་གུར་ཁྱིམ་དབུས༔ འཆི་མེད་རིག་འཛིན་ཚེ་དཔག་མེད༔ ཡབ་ཡུམ་མཉམ་སྦྱོར་དགའ་བས་རོལ༔ ཐུགས་ཀར་གར་དབང་ཙཎྜ་ལཱི༔ སྟོང་གསལ་བདེ་ཆེན་འབར་བའི་སྐུ༔ བཅུ་དྲུག་ཉམས་ལྡན་ཚོན་གང་པ༔ ཕྱག་གཉིས་གྲི་གུག་ཐོད་ཁྲག་ཅན༔ གསང་བར་མེ་ཡི་ཆོས་འབྱུང་དབུས༔ ཉི་མ་ལ་གནས་དགའ་བ་འཁྱིལ༔ ཧྲཱིཿདམར་འབར་འཁྲུག་རྣམ་པ་ཅན༔ ཧ་རི་ནི་སའི་ཡི་གེས་བསྐོར༔ དུང་…

གསང་བ་གསུམ་གྱི་རྣམ་པ་རུ༔ ཁ་བ་བུ་ཡུག་འཚུབས་པ་བཞིན་༔ བྱོན་ནས་ཆུ་ལ་ཆུ་བཞག་ལྟར༔ གཉིས་སུ་མེད་པར་ཐིམ་པ་ཡིས༔ ཡེ་ཤེས་གཟི་བྱིན་བརྟན་པར་བསམ༔ [དཔོན་སློབ་གཉིས་ཀ་དགོངས་པའི་གདིང་བསྐྱེད་འབེབས་རྫས་ཀྱི་དུད་པ་དང་། བཤུག་གླུ་རོལ་མོ་གདུང་བའི་དབྱངས་ཀྱིས་གཟི་བྱིན་བསྐྱེད་ལ་ལས་བྱང་གི་བྱིན་འབེབས་དང་ཡེ་ཤེས་དབབ་པའི་སྔགས་བཅས་བར…

ཨཱཿཡུརྫྙཱ་ན་མཎྜལ་པུཥྤེ་པྲ་ཏཱིཙྪ་ཧོཿ [ཞེས་བརྗོད་ཅིང་མེ་ཏོག་འབུལ་དུ་བཅུག་པ་དེ་ཉིད་སློབ་མའི་མགོ་བོར་འཆིངས་བཞིན།] དེ་ལྟར་ཕུལ་བའི་མེ་ཏོག་གང་དུ་བབ་ཀྱང་དཀྱིལ་འཁོར་གྱི་ལྷ་ཚོགས་ཐམས་ཅད་གཙོ་བོ་འཆི་མེད་མགོན་པོའི་ཡེ་ཤེས་ཀྱི་རོལ་རྩལ་ལས་ཤར་བའི་ཕྱིར་ཁྱེད་རྣམས་ཀྱི་ལྷག་པའི་ལྷར་འཁོར་ལོའི་མགོན་པོ་ཉིད་དུ་འཛིན་ཅིང་། པདྨ་…

གྱི་ཐུར་མ་ལྟ་བུས་མ་རིག་པའི་སྒྲིབ་གཡོགས་མིག་དར་དང་ལྷན་ཅིག་བསལ་བར་མོས་མཛོད། ཧོཿ ཀུན་ཏུ་སྒྲིབ་མེད་ས་ལེ་བ༔ ཡེ་ཤེས་སྣང་བྱེད་ཐུར་མ་འདིས༔ ཁྱོད་ཀྱི་མ་རིག་ལིང་ཏོག་བསལ༔ རིག་པ་ཡེ་ཤེས་སྤྱན་ཐོབ་ཤོག༔ བཛྲ་མཧཱ་ཛྙཱ་ན་ཙཀྵུ་པྲ་བེ་ཤ་ཡ་ཕཊ༔ [ཕྱག་ཤིང་ལ་སོགས་པས་མཚོན་ཏེ།] དེ་ལྟར་མ་རིག་པའི་སྒྲིབ་གཡོགས་བསལ་བས་ཐམས་ཅད་ལ་ཐོགས་པ་མ…

ཏིལ་གྱི་གོང་བུ་ཁ་ཕྱེས་པ་ལྟར་བཞུགས་པ་མངོན་སུམ་དུ་མཐོང་བ་འདིས་མཚོན། རང་བྱུང་ཡེ་ཤེས་ཀྱི་དཀྱིལ་འཁོར་གདོད་ནས་གྲུབ་པའི་བཞུགས་ཚུལ་སྒྲིབ་མེད་དུ་མཐོང་བ་ལ་ཆེད་དུ་བརྗོད་ཅིང་སྤྲོ་བ་བསྐྱེད་པའི་ཚིག་འདི་ལ་སྙན་གཏོད་འཚལ། ཨེ་མ་སྐལ་བར་ལྡན་པའི་བུ༔ ངོ་མཚར་རྨད་དུ་བྱུང་བ་ཡི༔ འཆི་མེད་ཚེ་ཡི་དཀྱིལ་འཁོར་འདིའི༔ ཞལ་མཆོག་མཐོང་བ་…

ཕྱི་ཕན་པའི་དབང་རྣམས་ཞུ་བའི་དོན་དུ་ཁྱེད་རང་རྣམས་དཀྱིལ་འཁོར་གྱི་ཤར་སྒོར་དབང་སྟེགས་མཆོད་སྤྲིན་གྱིས་མཛེས་པའི་དབུས་སུ་འཁོད་པར་མོས་ལ་གསོལ་བ་འདེབས་པ་འདིའི་རྗེས་ཟློས་མཛོད། ཨོཿ ཁྱབ་བདག་ཆེན་པོའི་བྱིན་རླབས་ཀྱིས༔ རིགས་ལྔ་སྒྱུ་འཕྲུལ་འཆང་བའི་ལྷ༔ བྱང་ཆུབ་དམ་པར་སྨིན་མཛད་ལྟར༔ བདག་ཀྱང་ཡང་དག་སྐྱོབ་པའི་ཕྱིར༔ མགོན་པོས་ས…

ཨ་བྷི་ཥིཉྩ་ཧཱུཾ༔ [རིན་ཆེན་དབུ་རྒྱན་ཅོད་པན་ཅན༔ མགོ་བོར་བཅིངས་ཞིང་འདི་སྐད་བརྗོད༔] སྭཱཿ རིན་ཆེན་རིགས་མཆོག་བླ་ན་མེད༔ རིན་འབྱུང་རང་བཞིན་དབུ་ཡི་རྒྱན༔ ཉོན་མོངས་ང་རྒྱལ་སྦྱོང་བྱེད་འདིས༔ སྐལ་ལྡན་ཁྱོད་ལ་དབང་བསྐུར་བས༔ ཚོར་བའི་ཕུང་པོ་གནས་དག་སྟེ༔ མཉམ་ཉིད་ཡེ་ཤེས་སྐུ་ཐོབ་ཤོག༔ རཏྣ་མུ་ཀ་ཊ་ཛྙཱ་ན་ཨ་བྷི་ཥིཉྩ་ཏྲཱྃ༔ [ལེ་བ…