བསྐུར་བས་སྣང་བ་ལྷའི་འཁོར་ལོར་བྱིན་གྱིས་བརླབས་ཏེ་སྣང་སྟོང་ལྷ་སྐུ་བསྐྱེད་པའི་རིམ་པ་བསྒོམ་པ་ལ་དབང་བ་ཡིན་ནོ། །གསུང་གི་དབང་བསྐུར་བའི་དོན་དུ་རྒྱལ་པ་ཀུན་གྱི་གསུང་གི་འཕྲིན་ལས་ཡི་གེའི་གཟུགས་སུ་ཤར་བའི་གླེགས་བམ་མགྲིན་པར་བཞག་པས་ཆོས་སྒོ་རབ་འབྱམས་ལ་འཆད་རྩོམ་ཐོགས་མེད་ཀྱིས་འཇུག་པའི་སྙིང་པོ་ལུང་གི་དབང་མཆོག་ཐོབ་པར་མོ…

སྟོང་གསལ་སྔགས་ཆུ་བོའི་རྒྱུན་བཞིན་བཟླ་བ་ལ་དབང་བ་ཡིན་ནོ། །ཐུགས་ཀྱི་དབང་བསྐུར་བའི་དོན་དུ་ཚེ་ལྷ་རྒྱལ་བའི་ཕྱག་མཚན་ཚེ་འབྲང་སྙིང་ཁར་བཞག་པས་འཆི་མེད་གཉུག་མ་དོན་གྱི་ཡེ་ཤེས་སྙིང་དབུས་སུ་ཤར་བས་སྐྱེ་འཆིའི་འཕོ་བ་དང་བྲལ་བའི་རྡོ་རྗེའི་ཚེ་དབང་ཐོབ་པར་མོས་མཛོད༔ ཧཱུྃ༔ ཚེ་ལྷ་རབ་འབྱམས་འདུས་པའི་ཐུགས༔ རྡོ་རྗེའི་རང་བཞིན་འགྱ…

བསྐུར་བ་ནི་ཐབས་ཤེས་ཀྱི་རྫས་མཆོག་འཁོར་འདས་ཀྱི་ཚེ་བཅུད་དྭངས་མ་འདུས་པའི་རིལ་བུ་དང་། འཆི་མེད་ཀྱི་དངོས་གྲུབ་བཅུད་དུ་འཁྱིལ་བའི་ཨ་མྲྀ་ཏ་ཕྱག་ཏུ་ཕུལ་བ་དེ་ཉིད་མྱང་བ་ཙམ་གྱིས་ལྕགས་ལ་གསེར་འགྱུར་གྱི་རྩིས་ཐེབས་པ་བཞིན་སྙིགས་མའི་ལུས་ངག་ཡིད་གསུམ་འཆི་མེད་དྭངས་མའི་ཐིག་ལེར་སྨིན་པར་བྱས་པའི་ཐུགས་འདུན་མཛད་པར་ཞུ། [ཐབས་ཀྱི་ཚ…

མོས་མཛོད༔ སྭཱཿ ཚེ་ལྷ་རྒྱལ་བ་རབ་འབྱམས་ཀྱི༔ ཡོན་ཏན་རང་བཞིན་གཡུང་དྲུང་འདི༔ འཕོ་མེད་བླ་ཡི་རྟེན་མཁར་ཡིན༔ ཁྱོད་ཀྱི་ལྟེ་བར་རྒྱས་གདབ་པས༔ ཉམས་པ་མེད་པའི་དབྱིག་ཐོབ་ཤོག༔ གུ་ཎ་བཛྲ་ནྲྀ་བྷྲཱུྃ་ཏིཥྛ་ཧཱུྃཿ དེ་ལྟར་དབང་བསྐུར་བས་འདོད་ཡོན་མ་སྤང་ཡེ་ཤེས་ཀྱི་འཁོར་ལོ་ཡུལ་དབང་མཉམ་སྦྱོར་ཟག་མེད་ཀྱི་ཚོགས་སུ་བསྒྱུར་བའི་ཡོན་ཏན་མི…

བའི་འཕྲིན་ལས་རབ་འབྱམས་བསྒྲུབ་པ་ལ་དབང་བ་ཡིན་ནོ། །དེ་རྣམས་ཀྱི་བརྟན་བྱེད་དུ་ཚེ་འགུགས་ཤིང་བཅུད་བསྡུ་བ་དང་། སྦ་ཞིང་རྒྱས་གདབ་པ་རྣམས་རིམ་པ་བཞིན་དུ་བགྱི་བ་ལགས་པས་སོ་སོའི་ཚིག་རིས་དང་མཐུན་པའི་དམིགས་རིམ་ལ་ཐུགས་རྩེ་གཅིག་ཏུ་གཏོད་པར་ཞུ། [ཞེས་མཚམས་སྦྱར་ནས།] ཧྲཱིཿཛཿ བདག་མདུན་དཀྱིལ་འཁོར་ལྷ་ཚོགས་ཐམས་ཅད་ཀྱི༔ ཐུགས་ཀའི་…

འཕྲོགས་ཡར་བ་དང་༔ འཁོར་འདས་སྣོད་བཅུད་བརྟན་གཡོའི་དྭངས་མའི་ཚེ༔ རྒྱལ་ཀུན་མཁྱེན་བརྩེ་ནུས་པའི་བྱིན་རླབས་སྟོབས༔ དྲང་སྲོང་རིག་འཛིན་ཚེ་ལ་དབང་བ་ཡི༔ མཐུ་དཔལ་ཡོན་ཏན་འཁོར་ལོས་སྒྱུར་རྒྱལ་གྱི༔ ཚེ་བསོད་སྟོབས་འབྱོར་མངའ་ཐང་ལེགས་ཚོགས་ཀུན༔ འོད་ཟེར་ཐིག་ལེ་སྣུམ་ལ་ལྕི་བ་དང་༔ ཧྲཱིཿནྲྀ་ཨཱཿབྷྲཱུྃ་བཀྲག་མདངས་འབར་བ་ཡི༔ རྣམ་པར་འ…

འགྲིགས། འོག་གི་རྡོ་རྗེའི་རྭ་རྣམས་སྟེང་དུ་མདུད། དེ་ཕྱིར་འོད་ལྔའི་གུར་ཁྱིམ་གྱིས་གཡོགས་པའི་སྟེང་པདྨ་རཱ་ག་ལས་གྲུབ་པའི་རྡོ་རྗེ་རྩེ་ལྔ་རྭ་གདངས་མེ་ཡི་ཚྭ་ཚྭ་འཕྲོ་བས་མཚན་པ་དང་། མདའ་དར་གནས་ལྔར་རྒྱ་གྲམ་དུ་བཞག་པས་རྡོ་རྗེའི་རྡུལ་གྱིས་ལུས་ཞུ་ལུགས་སུ་གཡོགས་པས་བསྲུང་། དབྱིངས་ཡེ་ཟུང་འཇུག་གཉུག་མ་མི་ཤིགས་པའི་ཐིག་ལེའི་…

རབ་རྒྱས་གདབ་བོ༔ ཡེ་ཤེས་ལྔ་ལྡན་རྨ་བྱའི་མདོངས༔ གཉིས་མེད་ཟུང་འཇུག་རྒྱས་གདབ་བོ༔ སྐྱེ་འཆི་མེད་པ་གཞི་ཡི་ཚེ༔ ཆོས་ཀྱི་དབྱིངས་སུ་རྒྱས་གདབ་པོ༔ འཕོ་འགྱུར་མེད་པ་ལམ་གྱི་ཚེ༔ མཉམ་ཉིད་ཆེན་པོར་རྒྱས་གདབ་བོ༔ བྲལ་ཐོབ་མེད་པ་འབྲས་བུའི་ཚེ༔ ཁྱབ་བརྡལ་ཀློང་དུ་རྒྱས་གདབ་བོ༔ བྱར་མེད་རྒྱས་གདབ་གྲོལ་མི་སྲིད༔ དམིགས་མེད་རྒྱས་གདབ་འཐོ…

འབྱོར་པའི་ཐུགས་འདུན་དང་བཅས་གཉུག་མའི་རང་ངོ་ལ་མཉམ་པར་འཇོག་མཛོད། [ཅེས་དར་གཅིག་དགོངས་ཉམས་སྐྱོང་དུ་བཅུག །མཚམས་སྦྱོར་སྤྱི་མཐུན་བཅས་བཀྲ་ཤིས་ཀྱི་ཚིགས་སུ་བཅད་པ་གང་འོས་བརྗོད།] དེ་རྣམས་ཀྱི་སྒོ་ནས་རྡོ་རྗེའི་ཚེའི་དབང་བསྐུར་ཟབ་མོ་ལེགས་པར་ཕུལ་ཟིན་པས་དེ་དག་གི་སྐབས་སུ་ཐོབ་པའི་གསང་བའི་དམ་ཚིག་སྤྱི་དང་། བྱེ་བྲག་སྲོག་གཅ…

ཆགས་སུ་མཛད་པའི་ཕྱིར། དུས་ཞབས་ཀྱི་སྔགས་བན་རང་བྱུང་ལྷན་སྐྱེས་རྡོ་རྗེའམ་མིང་གཞན་མཁའ་ཁྱབ་རྡོ་རྗེར་འབོད་པས་བག་ཡོད་ཀྱི་ལོའི་དཔྱིད་འབྲིང་དབོས་ཉ་བ་རྡོ་རྗེ་གདན་བཞིའི་བརྡ་ལས་བཟང་པོར་འབོད་པའི་ཟླ་བའི་ཡར་ཚེས་ཀྱི་རྒྱལ་བ་དང་པོའི་ཐུན་གསེང་གཅིག་ལ་ཤར་མར་བྲིས་པ་ཨ་ཡུ་སིདྡྷི་རསྟུ།། །།]

༄༅། །ཚེ་སྒྲུབ་འཆི་མེད་སྲོག་ཐིག་གི་མན་ངག་གོ་དོན་བསྙེན་ཐབས་ཟབ་ཁྲིད་དང་བཅས་པའི་ཡི་གེ་འཆི་བ་མེད་པའི་ལམ་བཟང་ཞེས་བྱ་བ་བཞུགས་སོ། །

ཨོཾ་སྭསྟི་སིདྡྷཾ། ཡོངས་གྲུབ་བདེ༵་ཆེ༵ན་འགྱུར་མེད་གཉུག་མའི་ཁམས། །འཆི་བདག་བདུད་དཔུང་ཟི༵ལ་གནོ༵ན་ཧེ་རུ་ཀ །ཀུན་ཁྱབ་ན༵མ་མཁ༵འི་རང་བཞིན་རྡོ༵་རྗེ༵འི་སྐུར། །རྟག་བཞུགས་རིགས་བདག་གཏེར་ཆེན་བླ་མས་སྐྱོངས། །འཆི་མེད་རིགས་འདུས་པདྨ་ཐུགས་བཅུད་མཆོག །གསང་འཛིན་ཌཱ་ཀིའི་ཞལ་རླངས་མ་ཡལ་བ། །ཚེ་སྒྲུབ་བྱེ་བའི་ཡང་ཞུན་ངོ་མཚར་དབྱིག །ལ…

སྤེལ་གྱི། །སྐལ་མཉམ་ཚོགས་རྣམས་སྤྲོ་བས་དེང་ལོངས་ཤིག །དེའང་ཡང་གསང་ཚེ་སྒྲུབ་འཆི་མེད་སྲོག་གི་ཐིག་ལེའི་རྣལ་འབྱོར་ཟབ་མོ་ཉམས་སུ་ལེན་པའི་ཚུལ་གསལ་བར་བྱེད་པ་ལ་སྤྱི་དོན་རྣམ་པ་གཉིས་ཏེ། ཚེ་སྒྲུབ་དགོས་པའི་རྒྱུ་མཚན་དང་འབྲེལ་བར་སྤྱིའི་གོ་དོན་རྣམ་གཤག་མདོ་ཙམ་སྨོས་པ་དང་། སྐབས་དོན་ཉམས་སུ་ལེན་བྱའི་མན་ངག་བྱེ་བྲག་ཏུ་འཆད་པའ…

ཚེ་གྲུབ་པའི་འབྲས་བུ་བསྟན་པའོ། །དང་པོ་ཚེའི་ངོ་བོ་ནི། མཛོད་ལས། སྲོག་ནི་ཚེ་ཡིན་དྲོད་དང་ནི། །རྣམ་ཤེས་རྟེན་གང་ཡིན་པའོ། །ཞེས་དྲོད་དང་རྣམ་ཤེས་རྒྱུན་ཆགས་སུ་གནས་པའི་རྟེན་ནམ་རྒྱུར་གྱུར་ཅིང་། ལས་ཀྱི་རྣམ་པར་སྨིན་པ་ལ་བརྟེན་པ། མིང་གི་རྣམ་གྲངས་སུ་སྲོག་གི་དབང་པོ་ཞེས་ཀྱང་བྱ་བ་སྟེ་ལྡན་པ་མ་ཡིན་པའི་འདུ་བྱེད་དུ་བཞེད་དོ།…

དབྱེ་ན་འཆད་ཚུལ་གསུམ་སྟེ། དང་པོ་ཐེག་པ་ཐུན་མོང་བ་ལྟར་ན། སྔོན་ལས་ཀྱིས་ལུས་རྟེན་དེར་ཚེ་རིང་ཐུང་ཇི་ཙམ་ཞིག་འཕངས་པའི་སྲོག་གི་རྒྱུན་རིས་མཐུན་གནས་པར་འགྱུར་བ་དེ་ནི་ཚེའི་འདུ་བྱེད་ཡིན་ཅིང་། ད་ལྟའི་ལས་སམ་བྱེད་པའི་འབྲས་བུས་དུས་ཇི་སྲིད་པར་འཚོ་བ་དེ་ནི་སྲོག་གི་འདུ་བྱེད་དོ། །མདོ་ལས་བཅོམ་ལྡན་འདས་ཀྱིས་སྲོག་གི་འདུ་བྱེད་…

བླ་ནི། སྲོག་གམ་ཚེ་གནས་པའི་རྟེན་ངོ་བོ་ཚེ་སྲོག་གི་དྲིས་བགོས་པ་བླ་རྩའི་ནང་ནས་སྲིན་ལག་བརྒྱུད་དེ་ཕྱི་རོལ་ཏུ་འཁྱམས་པ་ལས། མི་དེ་དབང་ཐང་ཞན་ན་མཚན་མོར་རྒྱུ་བའི་འབྱུང་པོ་རྣམས་ཀྱིས་བདག་ཏུ་བཟུང་ནས་ལོངས་སྤྱོད་པ་ལས་བླ་འཁྱམས་པ་དང་འཕྲོག་པ་དང་བརྐུས་པ་སོགས་ཟེར་ཞིང་རྟེན་བླ་ལ་གནོད་པས་བརྟེན་པ་ཚེ་སྲོག་ལའང་གནོད་པར་འགྱུར་བ་…

པའི་འབྲེལ་བར་གྲུབ་བོ། །གསུམ་པ་རྡོ་རྗེ་ཐེག་པའི་ལུགས་ལྟར་གསུམ་སྟེ། རྩ་དང་རླུང་དང་ཐིག་ལེའོ། །དང་པོ་རྩ་ནི། ཁམས་དྲུག་ལྡན་གྱི་གང་ཟག་གི་དབང་དུ་བྱས་ཏེ་འཁོར་ལོ་དྲུག་པོའི་བར་ནར་སོར་ཕྱེད་དང་བཅུ་གསུམ་གྱི་ཚད་ལྡན་ཀུན་གཞིའི་རྣམ་པར་ཤེས་པའི་རྟེན་སྲོག་ཆེན་པོའི་རླུང་གིས་གང་ནས་གནས་པ་སྟོང་སེང་ངེ་བ་ནམ་མཁའ་དྭངས་པ་ལྟ་བུ་ཨ་…

གི་རྣམ་པ་དབུ་མའི་ཡར་མར་སྣ་རྩེར་གནས་པ་ལ་བརྟེན་ནས་དྭངས་མ་བཅུ་གཉིས་དང་། སྙིགས་མ་ཉེར་བཞི་རྩ་སྟོང་ཕྲག་བདུན་ཅུ་རྩ་གཉིས་སུ་ཐིག་ལེ་ལོངས་སྤྱོད་བདག་པོའི་ཚུལ་གྱིས་འབབ་པ་སྟེ་ཐིག་ལེ་ཇི་ཙམ་རྒྱས་པ་དེ་ཙམ་དུ་ཚེ་དང་བསོད་ནམས་ལ་སོགས་པ་འཕེལ་པ་ཡིན་ནོ། །ལྔ་པ་འཚོ་འཆིའི་བྱེ་བྲག་ནི། དེ་ཡང་གླིང་གཞན་གྱི་མི་དང་འདོད་གཟུགས་ཀྱི་ལྷ…

བསོད་ནམས་ཟད་པས་མ་ཡིན་པ་དང་། དེ་ལས་ལྡོག་པ་དང་། གཉིས་ཀ་ཡིན་པ་དང་། གཉིས་ཀ་མ་ཡིན་པ་སྟེ་མུ་བཞི་ལས། དང་པོ་ནི། ལས་ཀྱིས་ས་འཕངས་པའི་སྲོག་གི་རྒྱུན་རྫོགས་པས་འཆི་བ་དང་། གཉིས་པ་ནི། ལོངས་སྤྱོད་ཀྱི་རྣམ་སྨིན་ཅན་གྱི་ལས་ཟད་པས་འཆི་བ་དང་། གསུམ་པ་ནི། ཚེ་དང་ལོངས་སྤྱོད་ཀྱི་རྣམ་སྨིན་ཅན་གྱི་ལས་གཉིས་ཀ་ཟད་པས་འཆི་བ་དང་། བཞི་པ་…