ཅིང་། མེད་ན་བསྡུ་ཡུལ་ལ་མི་ཕན་པ་དང་། དེས་ནི་ཡང་ན་དམིགས་པའི་འཁྲུལ་འཁོར་ཐམས་ཅད་དོན་མེད་དུ་འགྱུར་བས་སྔགས་མི་འགྲུབ་ལ། ཡང་ན་སྔགས་གྲུབ་ཀྱང་སྤྱོད་་པ་ཕྱིན་ཅི་ལོག་ཏུ་སོང་བས་ཐར་པ་དང་འགལ་བ་སོགས་ཀྱི་དོགས་སློང་བྱེད་པར་སྲིད་ན། དེ་ནི་གསང་སྔགས་ཐེ་ཚོམ་ཟ་བའི་རིགས་པར་སོང་བས་རྟོག་གེ་བའི་བློ་གྲོས་སུ་ཟད་དེ། དེ་ལྟ་ན་ཞི་སོག…

ལ་ཕན་པས་གཅིག་བཤོས་ལ་གནོད་པ་ཁོ་ནའང་མ་ངེས་ཏེ། རྒྱ་མཚོ་ལས་ཆར་བྱུང་བས་ལོ་ཏོག་ལ་ཕན་ཀྱང་རྒྱ་མཚོ་ལ་མི་གནོད་པ་བཞིན་དང་། ནོར་བུ་ཤིན་ཏུ་སྦྱངས་པ་ལ་གསོལ་བ་བཏབ་པས་འདོད་པ་ཉིད་འཇོ་ཡང་། དངོས་པོ་དེ་དག་གཞན་ལས་འཕྲོག་པའང་མིན་ཅིང་ནོར་བུ་རང་གི་ངོ་བོ་གཞན་དུ་འགྱུར་བ་མེད་པར་རྟེན་འབྲེལ་གྱི་ནུས་པས་བྱེད་པོ་རང་ཉིད་ལ་ཕན་བཏགས་པ་བ…

པ་བརྟན། །དེ་ལ་སྦྱོར་བའི་དངོས་གྲུབ་ཉེ། །རྟོག་ཅིག་དཔྱོད་པའི་རྟོག་གེ་བ། །དེ་ལ་དངོས་གྲུབ་རིང་དུ་བསྐལ། །ཞེས་གསུངས། དེས་ན་སློབ་དཔོན་ཕྱོགས་ཀྱི་གླང་པོས། ལོག་པའི་ལམ་ལ་མཐའ་མེད་ཕྱིར། །དེ་དག་འདིར་ནི་སྤྲོ་བྱ་མིན། །ཞེས་གསུངས་པའི་དོན་ལ་དྲན་པ་ཉེར་བར་བཞག་པ་ལ་ཕྱོགས་སོ། །བཅུ་པ་ཚེ་གྲུབ་པའི་འབྲས་བུ་ནི། དེའང་རྩ་ཐིག་རླུང་…

པའི་ཁུང་སྨོས་པ་དང་། དེ་ལས་བྱུང་བའི་གདམས་པ་དངོས་ཀྱི་མན་ངག་གོ །དང་པོ་ནི། དེའང་རང་སྣང་རྣམ་དག་རྒྱ་ཆད་ཕྱོགས་ལྷུང་བྲལ་བའི་ཞིང་དུ་ཐོག་མའི་མགོན་པོ་ཀུན་བཟང་ཆོས་སྐུ་འཆི་མེད་འོད་མི་འགྱུར་བས་རང་རྩལ་རིག་པའི་འཁོར་ལ་བརྗོད་མེད་རང་ཤར་གྱི་དགོངས་པས་འཆི་མེད་གཉུག་མའི་ཏནྟྲ་དུས་བཞི་མཉམ་པ་ཉིད་དུ་བསྟན་པ་ནི་རྒྱལ་བ་དགོངས་པའི་…

སྟག་ཚང་སོགས་སུ་ལས་ཅན་རྗེ་འབངས་རྣམས་ལ་རྡོ་རྗེའི་ཚེའི་དབང་བསྐུར་རྒྱུད་བཤད་མན་ངག་ཚང་སྤྲུགས་སུ་བསྟན་པ་ནི་གང་ཟག་སྙན་ཁུང་གི་བརྒྱུད་པ། སྐབས་དེར་གུ་རུ་ཉིད་ནས་མ་འོངས་པའི་སྐྱེ་འགྲོ་རྣམས་ལ་ཐུགས་བརྩེ་བ་ཆེན་པོས་དགོངས་ཏེ་གསང་ཆེན་བཀའི་གཉེར་འཛིན་མཁའ་འགྲོ་མཚོ་རྒྱལ་ལ་གཉེར་དུ་གཏད་པ་བཞིན་དེས་ཀྱང་ཚེ་རྒྱུད་སྒྲུབ་ཐབས་དམ་ར…

བརྒྱུད་པ། ཟབ་མོའི་གཏེར་འདིས་སྟེང་དུ་ཐོན་ནས་མི་ལོ་ཉི་ཤུ་དང་རང་ལོ་ཉེར་གཅིག་པའི་ངོ་མཐོང་ཤིང་བྱི་ཆོ་འཕྲུལ་ཟླ་བའི་ཡར་ཚེས་དགེ་བར་གྲྭ་ནང་སྡིངས་པོ་ཆེའི་གཙུག་ལག་ཁང་གི་ཡང་སྟེང་བདེ་ལྡན་པདྨ་འཁྱིལ་བའི་ཕོ་བྲང་དུ་ཁྱབ་བདག་གཏེར་འབྱིན་བླ་མ་རྡོ་རྗེ་འཆང་དབང་དངོས་ཀྱི་ཞལ་སྔ་ནས་ཁོ་བོས་འཇིགས་བྲལ་ཡེ་ཤེས་རྡོ་རྗེ་ལ་ཟབ་གཏེར་གྱ…

དངོས་གྲུབ་བར་ཆད་ཆེ༔ གཉིས་འཛིན་འགོང་པོ་ལོག་ལྟ་སྐྱེན༔ སྐལ་ལྡན་རེ་འགའ་མ་གཏོགས་པ༔ སྐལ་བར་ཆུད་པ་ཤིན་ཏུ་དཀའ༔ ཤིན་ཏུ་ཟབ་མོའི་ལམ་འདི་ལ༔ ཞུགས་ཏེ་དངོས་གྲུབ་མ་ཐོབ་ན༔ པདྨ་བདག་གིས་ཕྱི་རབས་བསླུས༔ ཚེ་སྒྲུབ་བྱེ་བ་ཕྲག་བརྒྱ་ཡི༔ སྙིང་པོ་སྲོག་གི་ཐིག་ལེར་བསྡུས༔ རིན་ཆེན་གཏེར་གཅིག་ཁོ་ནའོ༔ ཞེས་གསུངས་པ་ལྟར་རོ། །གཉིས་པ་དེ་ལས…

ཏེ་སྙིང་ཐག་པ་ནས་གུས་པ་ཆེན་པོས་སྐྱབས་སུ་བཟུང་ངོ་སྙམ་པའི་སྒོ་ནས། མདུན་གྱི་ནམ་མཁར་སྐྱབས་ཡུལ་བླ་མ་འཆི་མེད་ཚེ་ལྷའི་དཀྱིལ་འཁོར་མངོན་སུམ་དུ་བཞུགས་པའི་སྤྱན་སྔར་བདག་གཞན་སེམས་ཅན་ཐམས་ཅད་སྒོ་གསུམ་འཇུག་པ་གཅིག་པས་བསགས་སྦྱོང་གི་ལས་ལ་བརྩོན་པར་བསམ་ཞིང་། སྐྱབས་སུ་འགྲོ་བ་ནི། ན་མོཿ བདག་སོགས་མཁའ་མཉམ་སེམས་ཅན་མ་ལུས་པ༔ དེང…

སྦྱང་། ཚོགས་བསགས་པ་ནི། ཨོཾ་ཨཱཿཧཱུྃ༔ འཆི་མེད་ཚེ་ཡི་ལྷ་ཚོགས་མ་ལུས་པ༔ འདིར་གཤེགས་ཉི་ཟླ་པདྨའི་གདན་ལ་བཞུགས༔ ཡེ་ནས་འཕོ་འགྱུར་བྲལ་བ་ནམ་མཁའི་སྐུར༔ གཉིས་མེད་རང་གསལ་ཆེན་པོར་གུས་ཕྱག་འཚལ༔ སྣང་སྲིད་རྣམ་དག་འདོད་ཡོན་རོལ་པའི་རྒྱན༔ བྱར་མེད་ལྷུན་རྫོགས་མཆོད་སྤྲིན་རྒྱ་མཚོས་མཆོད༔ རྟག་ཆད་མཚན་མས་སྒྲིབ་པའི་ཉོན་མོངས་ལས༔ སྡི…

རྩར་བཅས༔ བཀོད་པར་རྫོགས་ཞིང་ཁམས་འབྱོར་པའི་སྤྲིན༔ ནམ་མཁའ་གང་བར་དམིགས་ཏེ་ཕུལ་བ་ཡིས༔ འགྲོ་ཀུན་རྡོ་རྗེའི་ཞིང་ལ་སྤྱོད་པར་ཤོག༔ ཨོཾ་སརྦ་ཏ་ཐཱ་ག་ཏེ་བྷྱོ་མཎྜལ་པུ་ཛ་ཧོཿ ཞེས་ལན་མང་དུ་ཕུལ་ལ། མཐར་ཚོགས་ཞིང་རང་ལ་བསྟིམ། སྒྲིབ་སྦྱོང་རྡོར་སེམས་སྒོམ་བཟླས་ནི། རང་གི་སྤྱི་བོར་བླ་མ་རྡོ་རྗེ་སེམས༔ དཀར་གསལ་ཞལ་གཐིག་ཕྱག་གཉིས་ཞི་…

དབྱིངས་ནི་རྣམ་པར་དག་པ་ཆོས་ཀྱི་སྐུ༔ རིག་པ་ཡེ་ཤེས་འོད་ལྔ་ལོངས་སྤྱོད་རྫོགས༔ ཐུགས་རྗེས་འགྲོ་བའི་དོན་མཛད་སྤྲུལ་པའི་རྩལ༔ དབྱེར་མེད་བླ་མ་པད་འབྱུང་ཚེ་མཐའ་ཡས༔ རཱ་གའི་མདོག་ཅན་མཉམ་གཞག་ཚེ་བུམ་འཛིན༔ རང་འོད་ཡུམ་འཁྱུད་དར་དང་རིན་ཆེན་བརྒྱན༔ སེང་ཁྲི་པདྨ་ཉི་ཟླའི་གདན་སྟེང་དུ༔ ཡེ་ཤེས་འོད་ཟེར་འཕྲོ་བའི་ཀློང་ན་རོལ༔ བརྒྱུད་…

བ་འདེབས༔ གསོལ་བ་འདེབས་སོ་འཆི་མེད་པདྨ་འབྱུང་༔ བྱིན་གྱིས་རློབས་ཤིག་ཨོ་རྒྱན་རིན་པོ་ཆེ༔ སྨིན་གྲོལ་དབང་བསྐུར་མཆོག་ཐུན་དངོས་གྲུབ་སྩོལ༔ ཞེས་གསོལ་བ་ཕུར་ཚུགས་སུ་འདེབས་ཤིང་། ཨོཾ་ཨཱཿཧཱུྃ་བཛྲ་གུ་རུ་པདྨ་ཨཱ་ཡུརྫྙཱ་ན་སིདྡྷི་ཧཱུྃ༔ ཞེས་གསོལ་འདེབས་ཀྱི་བསྙེན་པ་ཅི་ནུས་བཟླས་མཐར། བླ་མ་ཡབ་ཡུམ་སྐུ་ཡི་གནས་བཞི་ནས༔ འོད་ཟེར་བྱ…

གསུང་རབ་བཀླག་པ་སོགས་རྒྱབ་རིམ་གྱི་དགེ་བའི་དཔུང་ཅི་འགྲུབ་སྔོན་དུ་འགྲོ་བས། གནས་ཀྱི་ཁྱད་པར་དགྲ་རྐུན་ལ་སོགས་པའི་འཚེ་བ་མེད་ཅིང་སྣོད་དང་མི་ལྡན་པའི་སྐྱེ་བོ་འདུ་འཛི་རྣམ་གཡེང་སོགས་དང་བྲལ་བའི་གནས་དབེན་ཞིང་བཀྲ་ཤིས་ཉམས་དགའ་བག་ཕེབས་ཡིད་དང་མཐུན་པ་རང་དབང་དུ་གྱུར་བའི་སར། དུས་ཉི་མ་བྱང་བགྲོད་དང་འགྲིགས་ན་རབ་དང་དེ་མིན་ཟ…

རྒྱུར་འགྲོ་བས་སྤང་བླང་དེ་དག་དང་ལྡན་པའི་སྒོ་ནས་མཚམས་ལ་འཇུག་པ་ནི་སྤྱིར་ཤེས་པར་བྱ་བ་ཡིན་ལ། འདི་ཉིད་བསྙེན་སྒྲུབ་ཆིག་དྲིལ་ཡིན་པས་ཐོག་མ་ཉིད་ནས་མདུན་རྟེན་དཀྱིལ་འཁོར་བཤམ་པར་བྱ་སྟེ། མདུན་དུ་དམ་ཚིག་གི་བྲིས་སྐུ་རབ་གནས་ཅན་བཀྲམ་པའི་སྤྱན་སྔར་སྟེགས་བུ་དར་རས་དམར་པོས་བཀབ་པའི་ཁར་ཚུལ་བཞིན་བསྒྲུབས་པའི་རས་བྲིས་ཀྱི་དཀྱིལ…

ཉིད་མདུན་རྟེན་དང་ཞལ་སྤྲོད་ཀྱི་ཚུལ་དུ་ཁ་ཕྱོགས་པའི་གདན་ནང་ཚངས་ཅན་འཇམ་ཞིང་བདེ་བའི་འོག་ཏུ་ས་དཀར་རམ་འབྲས་ཀྱིས་གཡུང་དྲུང་ཆོས་འཁོར་དུ་བྲི། གཡས་སམ་མདུན་དུ་རྡོར་དྲིལ་ཌཱ་མ་རུ་ནང་མཆོད་མེ་ཏོག་གི་སྣོད་དང་བཅས་པ་བཞག །གཞན་ཡང་ཚོགས་ཀྱི་ཡོ་བྱད་སོགས་སྐབས་འདིར་དགོས་པའི་ཆས་ཐམས་ཅད་མ་ཚང་བ་མེད་པར་འདུ་བྱ། དེ་ནས་ཉམས་ལེན་གྱི་ང…

བའི་ཐུགས་ཀའི་ཧྲཱིཿཡིག་ལས་འོད་ཟེར་ཕྱོགས་བཅུར་འཕྲོས། རྒྱུ་ཨཱ་ལི་ཀཱ་ལི་ལས་གྲུབ་པའི་ཐབས་ཤེས་ཉི་ཟླ་འོད་ཀྱི་གུར་ཁང་ཡངས་ཤིང་རྒྱ་ཆེ་བ་གོ་སྐབས་དང་བྲལ་བའི་འོག་ཐམས་ཅད་རྡོ་རྗེའི་ས་གཞིར་བརྡལ་བ། ལོགས་ཐམས་ཅད་རྡོ་རྗེ་གྱེན་ལངས་ཀྱི་རྭ་བས་ཟླུམ་པོར་བསྐོར་བའི་ཕྱི་རོལ་གྱི་སྐེད་པར་རྡོ་རྗེའི་ཕྲེང་བའི་དྲྭ་བས་བཅིངས་པ། སྟེང་ན…

འགྲོལ་རྒྱུའི་ཐུན་ཐ་མའི་ཚེ་མ་གཏོགས་མི་བསྡུ་ཞིང་། ཐུན་ཐམས་ཅད་ཀྱི་འགོར་ཡང་གསལ་འདེབས་རེ་བྱ་སྟེ་བར་ཆད་མི་འཇུག་པའི་དགོས་པ་ཆེན་པོ་ཡོད་དོ། །དེ་ནས་བརྡ་སྒོ་དབྱེ་ཕྱག་ནས་བརྩམས་ཆོ་གའི་གཞུང་དཀྱུས་ལྟར་ལ། དངོས་གཞི་བདག་མདུན་དབྱེར་མེད་གཅིག་ཏུ་བྱ་བའི་ཟུང་འཇུག་པའི་དགོས་པ་ཆེན་པོ་ཡོད་དོ། །དེ་ནས་བརྡ་སྒོ་དབྱེ་ཕྱག་ནས་བརྩམས་…

ཛཿཧཱུྃ་བྃ་ཧོཿ ས་གཉིས་མེད་དུ་གྱུར། ཡབ་ཡུམ་སཉོམས་པར་ཞུགས་པ་བདེ་བའི་རྐྱེན་གྱིས་འོད་དུ་ཞུ་བ་ལས་རིན་པོ་ཆེའི་ཕྲེང་བར་གྱུར་པར་བསམ་ལ། ཨོཾ་རུ་ཙི་ཏ་མ་ཎི་པྲ་ཝརྡྷ་ན་ཡེ་ཧཱུྃ། ཞེས་ལན་བདུན་ནམ་ཉེར་གཅིག་བཟླས་ནས་ཕུས་འདེབས་ཤིང་དབྱངས་གསལ་ལན་གསུམ་བརྗོད། དེ་ཡང་བཟླས་པ་བྱ་བའི་ཚེ་རང་ཉིད་གཙོ་བོའི་ང་རྒྱལ་དང་གསལ་སྣང་མ་བྲལ་བའི་…

ཙམ་བཟླས་མཐར་སྟོང་ཚིག་གི་མཆོད་བསྟོད་ཕུལ། ཚེ་འགུགས་བསྐུལ་བརྒྱས་གདབ་བཅས་གྲུབ་ནས། མདུན་གྱི་དཀྱིལ་འཁོར་ལྷར་གསལ་བ་མི་བསྡུ་བར་བདག་ཉིད་ལྷར་གསལ་བ་འོད་གསལ་དུ་བསྡུས་ནས་ཅི་གནས་སུ་མཉམ་པར་བཞག །དེ་ལས་སླར་ཐུན་མཚམས་ཀྱི་ལྷར་ལངས་ཏེ་དགེ་བ་བསྔོ་ཞིང་ཤིས་བརྗོད་མདོར་བསྡུས་བྱ། བར་འདིར་དགེ་སྦྱོར་གཞན་བྱེད་དགོས་དང་བཟའ་བཏུང་སོག…

ན་དབང་ཆེན་ཧེ་རུ་ཀའི་རྟ་སྐད་ཀྱིས་གཉིད་ལས་སད་པར་མོས་ལ་རང་ཉིད་ཚེ་དཔག་མེད་ཀྱི་སྐུར་ལྡང་བའི་རྣལ་འབྱོར་གྱིས་ལངས་ཏེ། སྐྱབས་སེམས་ཚོགས་བསགས་མཐར་སྔོན་གཏོར་བཞག་པའི་སྲུང་འཁོར་ནས་བརྩམ་སྟེ་རྗེས་བསྔོ་སྨོན་གྱི་བར་སྔར་གྱི་དགོངས་ཐུན་དང་འདྲ། དེ་ནས་སྔ་ཐུན། དགོངས་ཐུན། སྲོད་ཐུན་གསུམ་ལ་སྔོན་འགྲོ་སྐྱབས་སེམས་ཚོགས་བསགས་ཙམ་གྱ…