ཐུན་སྒང་དུ་མི་ཚིག་གིས་བར་མ་ཆོད་པར་བཟླ། བཟླས་པའི་གྲངས་ཚད་གཞུང་གསལ་ལྟར་ལ་འབུམ་རྗེས་སུ་ཁྲི་དང་ཁྲི་རྗེས་སུ་སྟོང་གིས་ཁ་བསྐང་ན་རྗེས་སུ་སྦྱིན་སྲེག་མ་གྲུབ་ཀྱང་ཆད་སྐྱོན་མེད་པ་བཅས་གྲངས་བསྙེན་གྱི་དབང་དུ་བྱས་པ་ཡིན་ཅིང་། དུས་བསྙེན་ནི་ཟླ་བ་དྲུག་གམ་ལོ་གཅིག །མཚན་མའི་བསྙེན་པ་ལ་རྟགས་མཐོང་གི་བར་ལས་གྲངས་ངེས་མེད་དོ། །ཐུ…

བཟླ་བྱའི་སྔགས་ཕྲེང་དམར་གསལ་གྱེན་ལངས་ཡིག་ངོ་ཕྱིར་བསྟན་གཡོན་ནས་གཡོན་དུ་བཀོད་པ། འདི་ཉིད་ཐོག་མར་སྔགས་ཕྲེང་མི་གཡོ་བར་གནས་པ་ཁོ་ན་ལ་སེམས་གཏད་ཅིང་། གསལ་སྣང་ཐོན་དཀའ་བའམ་བོགས་འབྱིན་པའི་སླད་དུ་ཇི་ཞིག་ནས་ཨོཾ་གྱིས་སྣ་དྲངས་ཏེ་མགལ་མེའི་འཁོར་ལོ་བཞིན་གཡས་སུ་གྱི་ལི་ལི་འཁོར་བར་བསམ་པའང་རུང་། གང་ལྟར་ཐུགས་སྲོག་སྔགས་ཕྲེང་…

ཅད་གསེར་ཞུན་མ་ལྟ་བུའི་རྣམ་པ་དང་། འོག་གཞི་ཆུའི་དཀྱིལ་འཁོར་ཆེན་པོ་དང་། ཕྱིའི་རྒྱ་མཚོ། ནང་གི་རོལ་མཚོ། གངྒཱ་ལ་སོགས་པ་ཆུ་བོ་ཆེན་པོ་བཞི་དང་། མདོར་ན་མཚོ་དང་རྫིང་བུ་ལྟེང་ཀ་ཆུ་མིག་ཆུ་ཀླུང་ཆུ་བྲན་སོགས་འབྱུང་བ་ཆུའི་བཅུད་བརླན་ཞིང་གཤེར་བ་ཐམས་ཅད་ཟླ་བ་ཆུ་ཤེལ་གྱི་ཕུང་པོ་ལྟ་བུའི་རྣམ་པ་དང་། འོག་གཞི་མེའི་དཀྱིལ་འཁོར་དང…

བསོད་ནམས་ལས་དང་ཡེ་ཤེས་ལ་སོགས་པ་ཐམས་ཅད་དང་། ཁྱད་པར་དུ་ལྷ་དང་དྲང་སྲོང་ཚེའི་རིག་འཛིན་གྲུབ་པ་རྣམས་ཀྱི་ཚེ། འཇིག་རྟེན་གྱི་གཙོ་བོ་གསུམ་དང་ལྷའི་དབང་པོ་ལ་སོགས་པ་རྣམས་ཀྱི་བསོད་ནམས་མཐུ་དཔལ། མཁྱེན་ལྡན་གྱི་པཎྜི་ཏ། ནུས་ལྡན་གྱི་རིག་འཛིན། འཁོར་ལོས་སྒྱུར་བའི་རྒྱལ་པོ་དང་། རྒྱལ་ཕྲན་ལ་སོགས་པ་རྣམས་ཀྱི་མཁྱེན་བརྩེ་ནུས་པ་མ…

སྔགས་ཕྲེང་འོད་ཟེར་ཆེར་མཆེད་དེ་སྟོང་ཁམས་ཐམས་ཅད་ལ་ཁྱབ། བརྟན་གཡོ་འཁོར་འདས་ཀྱི་ཚེ་བཅུད་ཐམས་ཅད་དམིགས་གནས་སྔ་མ་ལྟ་བུས་འུབ་ཀྱིས་བསྡུས་ཏེ་སྔགས་ཕྲེང་ཡིག་འབྲུ་དང་བཅས་པ་ཡུམ་གྱི་ཞལ་ནས་མར་བཞུགས། སྐུའི་དབྱིབས་བརྒྱུད། གསང་བའི་པདྨོར་བདུད་རྩི་སྦྲང་རྩི་ལྟར་དྭངས་པའི་རྣམ་པར་བསྐྱིལ། མཐར་ཡུམ་གྱི་པདྨོར་ཚེ་བཅུད་དངོས་གྲུབ་ཐ…

ནས་བཟུང་སླར་ཡང་མཆོད་གཏོར་གསར་པ་མང་དུ་བཤམ་ཞིང་རྙིང་པ་རྣམས་ཀྱང་ཁ་གསོ། ཐུན་བཞིའི་བབས་སྤྱི་སྔར་དང་འདྲ་བ་ལས་ཁྱད་པར་མདུན་གྱི་སྒྲུབ་རྫས་རྣམས་རྟེན་དང་བརྟེན་པར་བཅས་པའི་དཀྱིལ་འཁོར་དུ་ལྷག་པར་གསལ་བས། དམིགས་པའི་འཕྲོ་འདུ་སྔར་བཞིན་ལ་འཁོར་འདས་ཀྱི་ཚེ་བཅུད་ཐམས་ཅད་མདུན་གྱི་སྒྲུབ་རྫས་ལ་སིབ་སིབ་ཐིམ་པར་བསམ་ཞིང་། སྙིང་པོའ…

རང་གི་གནས་གསུམ་དུ་ཐིམ་པས་སྐུ་གསུང་ཐུགས་ཀྱི་དངོས་གྲུབ་ཐོབ། མཐར་ལྷ་ཚོགས་རྣམས་འོད་དུ་ལྟེམ་གྱིས་ཞུ་ནས་རང་ལ་ཐིམ་པར་མོས་ལ། བུམ་པ་སོགས་གནས་གསུམ་དུ་གཏུགས་ཤིང་བུམ་ཆུ་དང་ཐབས་ཤེས་ཀྱི་རྫས་སོགས་ལྕེ་ཐོག་ཏུ་མྱང་བས། ཟག་མེད་ཀྱི་བདུད་རྩི་ཆེས་ཆེར་འཕེལ་ཏེ་ལུས་ཀྱི་རྩ་ཁམས་ཐམས་ཅད་གང་བའི་བདེ་བ་ཆེན་པོ་ལ་མཉམ་པར་བཞག །མཇུག་ཆོག…

མནྡྷ་ར་བ་མདའ་དར་བུམ་འཛིན་འཁྱུད། །རང་རྩལ་འཁོར་ཚོགས་རྒྱ་མཚོ་སྤྲིན་ལྟར་གཏིབས། །གནས་གསུམ་འོད་ཀྱིས་ཡེ་ཤེས་སྤྱན་དྲངས་གྱུར། །བཛྲ་ས་མཱ་ཛཿཛཿ ཛཿཧཱུྃ་བྃ་ཧོཿ ཨོཾ་བཛྲ་ཨརྒྷཾ་པཱདྱཾ་སོགས་ནས་ཤཔྡའི་བར་གྱིས་མཆོད། ཆོས་དབྱིངས་འོད་གསལ་འདུས་མ་བྱས་པའི་གཤིས༔ རིག་པ་རང་སྣང་ཆེན་པོར་བཞེངས་པའི་ལྷ༔ སྐྱེ་འགག་འགྱུར་མེད་འགྲོ་བའི་དོན…

བསྡུས་ཏེ་བསྔོ་སྨོན་ཤིས་བརྗོད་བྱ། དེའི་འགྲོས་ཀྱིས་བཟླས་པའི་བཅུ་ཆའི་གྲངས་ལོངས་ངེས་མཚམས་ཁོངས་དེ་ཉིད་དུ་བསྒྲུབ་པར་བྱའོ། །ཞར་ལ་ཚེ་སྤེལ་བའི་སྲེག་བླུགས་སྟབས་བདེར་བྱ་བར་འདོད་ནའང་ཆིངས་གཞན་གོང་བཞིན་ལ་དམིགས་བསལ་གྱི་བསྲེག་རྫས་དཱུརྦ་མང་དུ་བསགས། ངག་འདོན་རྒྱས་པའི་ཐབ་ཁུང་དང་། འོད་ཟེར་སེར་པོ། ཚེ་དཔག་མེད་མགོན་སེར་གསལ…

ཚུལ་ལ་གཞིགས་ཏེ་ཧུར་བསྐྱེད། རྩ་ཁམས་དྭངས་པ་དང་ལྕེ་བདེ་བའི་དུས་སྔགས་འགྲོ་ཆེ་ན་མྱུར་ཏུ་འགྲོ་བར་འདུག་སྙམ་པའི་བྲོད་ཁ་མི་བྱ། དེ་ལས་ལྡོག་ནས་གུ་ལྡོག་ཉམས་བྱུང་ན་སྙིང་རུས་ཆེར་བསྐྱེད་ཅིང་ངལ་བ་མི་བྱ། སྐབས་རེ་ཤེས་པ་ཉོག་ཅིང་ལྕེ་མི་བདེ་ན་ཇ་དཀར་གྱི་བཏུང་བ་སོགས་བརྟེན། གཡེང་ཞིང་འཕྱོ་ན་རུས་ཐང་དང་བུ་རམ་མུར་བས་ཕན། ཐུན་སྒ…

ཅིར་ཡང་མཚམས་ཀྱི་འགོ་ལ་ལྷོད་པ། བར་དུ་དམ་པ། རྗེས་སུ་ལྷོད་པ་བྱེད། གང་གི་ཚེ་ཡང་དུས་གསུམ་གྱི་རྣམ་རྟོག་ཆེ་ཕྲ་ཆུ་གཉེར་ལྟར་ཤར་ན་ཐོལ་སྐྱེས་དེ་ག་དྲན་པས་ཚིར་བཟུང་། ཡེངས་མེད་ཀྱི་ངང་ནས་ལྷ་དང་སྔགས་ཀྱི་སྒྲ་ལ་སེམས་གཏད། བདེ་སྡུག་དང་མཐོ་དམན་སྣ་ཚོགས་བྱུང་ན་འཛིན་ཆགས་མེད་པར་ལྷོད་ཀྱིས་གློད། མཚམས་ལ་ཐོག་མར་ཞུགས་པ་ནས་མ་གྲོལ…

འཕྲོས་པས་སྟོང་ཁམས་ཐམས་ཅད་མེར་གྱིས་གང་། དེ་རྣམས་ཀྱིས་ཧྲཱིཿའི་རང་སྒྲ་བུང་བ་ཚང་ཞིག་པ་ལྟར་སྒྲོགས་ཤིང་ལྔ་ལྡན་འོད་ཟེར་བསམ་གྱིས་མི་ཁྱབ་པ་འཕྲོས་པ་བརྟན་གཡོ་སྣོད་བཅུད་ཐམས་ཅད་ལ་ཁྱབ་པས། ཕྱི་སྣོད་འབྱུང་བ་ལྔའི་དྭངས་བཅུད་ཐམས་ཅད་འོད་ལྔའི་རྣམ་པ་དང་། ནང་བཅུད་སྲིད་གསུམ་སྐྱེ་འགྲོའི་ཚེ་བསོད་དཔལ་ཡོན་ཐམས་ཅད་ཨ་ནྲྀ་ཧཱུཾ་གི་…

མ་སྙིང་གའི་ཉི་ཟླའི་གྭའུ་ཅུང་ཟད་ཁ་ཕྱེ་བའི་བར་མཚམས་ནས་ཞུགས་ཏེ་ཚེ་རྟེན་ལ་འུབ་ཀྱིས་འདྲིལ་བས་རྡོ་རྗེའི་ཚེ་ཡི་སྲོག་ཕུར་ཐེབས། ཉི་ཟླའི་གྭའུ་ཁ་འགྲིགས། སྣ་ཚོགས་རྡོ་རྗེའི་རྭ་རྣམས་སྟེང་དུ་མདུད་པའི་ཕྱི་ནས་འོད་ལྔའི་དྭངས་མས་ཞུ་ལུགས་སུ་བཀླུབས་པའི་སྟེང་དུ་པདྨ་རཱ་ག་ལས་གྲུབ་པའི་རྡོ་རྗེ་རྩེ་ལྔ་རྭ་གདེངས་མེའི་ཚྭ་ཚྭ་འཕྲོ་…

ལ་དད་མོས་ཆེ་བ། མྱ་ངན་སོགས་ཀྱིས་སྨ་མ་ཕབ་པའི་མཚན་བཟང་གྲོགས་སུ་བཙལ་ལ་ཐུན་མོང་དང་ཐུན་མོང་མ་ཡིན་པའི་སྔོན་འགྲོས་རྒྱུད་དག་པར་བྱ། གནས་ཡིད་དང་མཐུན་ཞིང་ཕྱི་ནང་གི་ཡོ་བྱད་འཛོམ་པ་གློ་བུར་ཡེ་འདྲོག་གི་འཚེ་བ་མེད་པར་ཕྱི་ནང་གི་མཚམས་དམ་དུ་བཅད། ཕྱོགས་སྐྱོང་དང་གཞི་བདག་ལ་གཏོར་མ་བྱིན་ནས་ཡ་ཀ་མི་སྒྲོག་ཅིང་བར་གཅོད་མི་འབྱུང་བ…

བཞུགས་པར་གསལ་བའི་གསང་བ་ནས་སྤྱི་བོའི་བར་པདྨ་འདབ་མ་བརྒྱད་པ་ལྗང་། སེར། སྔོ། དམར། དཀར་བའི་སྡོང་བུ་བརྩེགས་མར་གནས་པ། དེའི་སྤྱི་བོ་བདེ་ཆེན་འཁོར་ལོའི་པདྨའི་ལྟེ་བར་བུདྡྷ་ཚེ་དཔག་མེད་སྐུ་མདོག་མཐིང་ག་དབྱིངས་ཕྱུག་མདང་མཉམ་པར་སྦྱོར་བ། མགྲིན་པ་ལོངས་སྤྱོད་འཁོར་ལོའི་པདྨའི་ལྟེ་བར་པདྨ་ཚེ་དཔག་མེད་སྐུ་མདོག་དམར་པོ་གོས་དཀར…

ནུ་མ་འབུར་ཞིང་བྷ་ག་རབ་ཏུ་རྒྱས་པ་ལ་ཆགས་པའི་ཟིལ་གྱིས་བརླན་པ། རིན་པོ་ཆེན་དང་རུས་པའི་རྒྱན་ཅན་ཡིད་དུ་འོང་བ། ཡབ་ཀྱི་པང་དུ་འཁྲིལ་ཏེ་ཡབ་ཡུམ་རྡོ་རྗེ་དང་པདྨ་མཉམ་པར་སྦྱོར་བའི་གསང་བ་ནས་སྤྱི་བོའི་བར་དུ་པད་སྡོང་བརྩེགས་མ་ཁ་དོག་ལྔ་ལྡན་གྱི་སྟེང་དུ་ཚེ་དཔག་མེད་རིགས་ལྔ་ཡབ་ཡུམ་ལ་ཇི་ལྟར་བསྐྱེད་པ་བཞིན་བསྐྱེད་ལ་བདེ་བ་ཆེན་པ…

ལེགས་པར་འཁྱུད། རྡོ་རྗེ་འགྲེང་ཞིང་བརྟན་པ་པདྨའི་ནང་དུ་བཅུག་སྟེ་དལ་བུས་བསྲུབ་ཅིང་། རིག་མས་ཀྱང་བསྒུལ་བསྐྱོད་དང་བཅས་ནས་རོལ་བས་བདེ་བར་སྔར་བས་ལྷག་པ་སྐྱེས་པ་ནི་མཆོག་དགའི་ཉམས་སོ། །དེ་ལས་བདེ་བའི་ཉམས་ཆེར་རྒྱས་ཏེ། ཡབ་ཡུམ་བདེ་བའི་སྐད་འབྱིན་ཞིང་བཞིན་གྱི་རྣམ་པ་འགྱུར་བ་ནི་ཁྱད་པར་གྱི་དགའ་བའི་ཉམས་སོ། །དེ་ལས་ཀྱང་བདེ་བ…

ཀྱིས་ཐིག་ལེ་དབབ་བཟུང་ལྡོག་དགྲམ་ཐམས་ཅད་རྩོལ་མེད་ངང་གིས་འབྱུང་ངོ་། །དེ་ལྟར་དྭངས་སྙིགས་འབྱེད་པའི་སྦྱོར་བ་འདི་དག་ལས་དང་པོ་པས་ཐུན་འགོར་ལན་དྲུག་རེ་བྱ་ཞིང་། ཞག་གསུམ་ནས་ཐུན་འགོ་རྣམས་སུ་ལན་རེ་རེ་བྱའོ། །གཉིས་པ་དོས་གཞི་ནི། གོང་ལྟར་ཡབ་ཡུམ་བདེ་བར་སྦྱོར་བའི་ངང་ལས་གསང་གནས་བདེ་སྐྱོང་འཁོར་ལོའི་ལྟེ་བའི་དབུས་ཀྱི་ཀརྨ་ཚ…

དང་ལྡན་པས་ལྟེམ་གྱིས་གང་། བྱ་བ་གྲུབ་པའི་བདེ་སྟོང་གི་དགའ་བའི་ཡེ་ཤེས་ཤར། དོན་གྲུབ་ཚེ་དཔག་མེད་ཀྱི་རང་བཞིན་དུ་གྱུར་པར་དམིགས་བཞིན་པས། ཨཱཿཀརྨ་ཨཱ་ཡུརྫྙཱ་ན་ཚེ་བྷྲཱུྃ་ཧཱུྃ༔ ཞེས་ཡིད་ཀྱིས་བཟླ་ཞིང་། མཐར་རྟོག་བྲལ་ཆེན་པོས་བྱང་ཆུབ་ཀྱི་སེམས་བཟུང་ཞིང་ལྡོག་དགྲམ་བྱ། ཡང་ཡབ་ཡུམ་རྡོ་རྗེ་དང་པདྨ་བདེ་བར་སྦྱར་བའི་ངང་ལས། ལྟེ་བ…

མཉམ་པ་ཉིད་ཀྱི་བདེ་སྟོང་མཆོག་དགའི་ཡེ་ཤེས་ཤར། རཏྣ་ཚེ་དཔག་མེད་ཀྱི་རང་བཞིན་དུ་གྱུར་པར་དམིགས་བཞིན་པས། ཏྲཱཾ་རཏྣ་ཨཱ་ཡུརྫྙཱ་ན་ཚེ་བྷྲཱུྃ་ཧཱུཾ༔ ཞེས་ཡིད་བཟླས་བྱ་ཞིང་། མཐར་རྟོག་བྲལ་ཆེན་པོས་བྱང་སེམས་བཟུང་ཞིང་ལྡོག་དགྲམ་བྱའོ། །ཡང་ཡབ་ཡུམ་བདེ་བར་སྦྱོར་བའི་ངང་ལས། སྙིང་ག་ཆོས་ཀྱི་འཁོར་ལོའི་དབུས་ཀྱི་བཛྲ་ཚེ་དཔག་མེད་ཡབ་ཡུ…