གཡོ་བར་ལྟ་སྟངས་གཏད་ནས་སེམས་ཀྱི་ལེགས་ཉེས་སྤུ་རིས་སོགས་གང་ཡང་ཡིད་ལ་མི་བྱེད་ཅིང་ཅི་ཡང་མི་སེམས་མི་བསྒོམ་པར་ཁྲེས་སེ་བོར་ལ་འཇོག །དེའི་ངང་ལས་རྣམ་རྟོག་གི་འཆར་སྒོ་ཅི་བྱུང་ཡང་རྗེས་མཐུད་མི་བྱ་བར་རྟེན་ལ་བསླན་ཏེ་རྟོག་མེད་སིང་ངེ་མ་ཡེངས་པར་བཟུང་། གལ་ཏེ་བྱིང་ན་ལྟ་སྟངས་བསྟོད། ལུས་གྲིམ་ཆ་འཚོལ། ཤེས་པ་ལ་ངར་བཏགས། རིག་པ་…

གྱིས་འགྲོ་བས་རྩེ་གཅིག་ཏུ་གནས་པ་ནི་ཞི་གནས་གོམས་པའི་རྟགས་སོ། །གཉིས་པ་དངོས་གཞི་ལྷག་མཐོང་གི་ཡེ་ཤེས་བསྐྱེད་པ་ལ་བཞི། ལྟ་བས་ཐག་གཅོད་པ། སྒོམ་པས་ཉམས་སུ་བླང་བ། སྤྱོད་པ་རྒྱུན་སྐྱོང་བ། འབྲས་བུ་མངོན་དུ་བྱེད་པའོ། །དང་པོ་ལའང་གསུམ། ཕྱི་གཟུང་ཡུལ་གཏན་ལ་འབེབས་པ། ནང་འཛིན་སེམས་གཏན་ལ་འབེབས་པ། གནས་ལུགས་ཀྱི་ལྟ་བ་ངོས་འཛིན་པ…

བུའི་ཡེ་ཤེས་སུ་ཐག་གཅོད་དོ། །གཉིས་པ་ནི། སེམས་ལ་ངོས་བཟུང་མཚན་མ་བྲལ༔ ཞེས་པས། ལུས་གནད་ཆོས་བདུན་བཅའ། ངག་གནད་རླུང་རང་བབས་སུ་བཞག །སེམས་གནད་མ་སྒྲིམ་མ་ཀློད། གང་ཡང་འདི་ལ་མི་བྱེད་པར་རིག་པ་མ་བཅོས་སོ་མར་ཙན་གྱིས་བཞག་ལ། ཁ་ནང་ལོག་གི་ཤེས་པས་སེམས་ཁོ་རང་གི་རང་ངོ་ལ་ཅེ་རེ་བལྟ། དེ་ལྟར་བལྟས་པས་བལྟ་བྱ་དང་ལྟ་བྱེད། མྱང་བྱ་དང…

ཐ་མ་དང་། བར་མ་གསུམ་ཨེ་འདུག །སེམས་ཁོ་རང་དངོས་པོའམ། དངོས་མེད་གང་། དངོས་ཡོད་ཡིན་ན་དབྱིབས་ཁ་དོག་སོགས་ཅི་འདྲ། །དངོས་མེད་དོ་སྙམ་ན། ཅང་མེད་ཅིག་འདུག་གམ་ཅི་འདྲ་ཞེས་ཡང་ཡང་དྲི་ཞིང་བྱ་མ་ཤོར་བར་བྱས་ལ་བལྟ། དངོས་པོ་འདི་འདྲ་ཞིག་འདུག་ཅེས་བདེན་འཛིན་ཨ་འཐས་དང་། ཅང་མེད་སྟོང་བར་འདུག་ཅེས་ཚོད་དཔག་དང་། མ་རྙེས་པས་ཡེ་ནས་མེད་པ…

ཆེན་པོར་ལ་བཟླའོ༔ ཞེས་པས། དེ་ལྟར་གཟུང་འཛིན་སྤྲོས་པའི་མཚན་མ་ཐམས་ཅད་དང་བྲལ་བ་ཡེ་གདོད་མ་ནས་རང་བཞིན་གྱིས་སྟོང་པའི་གཤིས་སམ་རང་བབས་ངོ་བོ་ཀ་དག་སྨྲ་བསམ་བརྗོད་པ་ལས་འདས་ཤིང་། གསལ་མདངས་འགགས་པ་མེད་པའི་ཡེ་ཤེས་ཀྱི་རང་རྩལ་འཁོར་འདས་ཀུན་གྱི་ཁྱབ་བདག་ཆེན་པོར་ལྷུན་གྱིས་གྲུབ་པ། དེའང་གདོད་ནས་དབྱེར་མེད་ཟུང་འཇུག་འདུས་མ་བྱས་…

རང་བབས་རྣལ་མར་བཞག་པ་ལས་གཞན་པའི་བསྒོམ་བྱ་རྡུལ་ཙམ་མེད་པར་ཐག་གཅིག་ཐོག་ཏུ་བཅད། གང་ཤར་ཅིར་སྣང་ཐམས་ཅད་ཆོས་སྐུའི་ཡོ་ལང་རིག་སྟོང་བློ་བྲལ་རྗེན་པར་རྟོགས་པའི་གདོང་གྲིལ་ཐོག་ཏུ་བཅས་ཏེ། མཐའ་བྲལ་ནམ་མཁའ་ལྟ་བུའི་ངང་ལ་ཤེས་པ་ཁ་ཡན་དུ་ལྷོད་ཀྱིས་ཀློད་ནས་བཞག་གོ །དེའི་ཚེ་ཚོགས་དྲུག་གི་ཡུལ་སྣང་ཡང་འཛིན་པ་མེད་པ་རང་གསལ་རྗེན་ལྷག…

དེ་ལམ་དུ་ཁྱེར་བས་མཉམ་རྗེས་དབྱེར་མེད་དུ་འདྲེས་ཏེ་གང་ཤར་རང་གྲོལ་མངོན་དུ་གྱུར་ནས་རྣམ་རྟོག་སྒོམ་གྱི་གྲོགས་སུ་འཆར་བར་འགྱུར་ཞིང་། གལ་ཏེ་རྣམ་རྟོག་གིས་གནོད་ན་འགྱུ་དྲན་གྱི་རྟོག་པ་གང་ཤར་དེ་ཀ་ལ་ཅེར་གྱི་བལྟས་པས་རྦ་རླབས་ཆུར་ཐིམ་པ་ལྟར་དྲན་རྟོག་རྗེས་མེད་དུ་ཡལ་ཏེ། རྣམ་རྟོག་གཞི་མེད་རྩ་བྲལ་དུ་ཐག་ཆོད་པ་སྐྱེ་བས་ཉམས་ལེན…

པ་མངོན་དུ་གྱུར་པ་ལ་འབྲས་བུའི་ཐ་སྙད་དུ་བྱས་པ་སྟེ། འཁོར་འདས་ཀུན་གྱི་ཁྱབ་བདག་ཁྲག་འཐུང་ཧེ་རུ་ཀའི་གོ་འཕང་ལ་རང་དབང་བསྒྱུར་ནས་རྩོལ་བ་མེད་པའི་ཕྲིན་ལས་རབ་འབྱམས་ལྷུན་གྱིས་གྲུབ་པར་འགྱུར་བ་ཡིན་ནོ། །ཞེས་མྱོས་སྟོན་ཚེ་དབང་དཔལ་འབྱོར་སོགས་ལམ་འདིར་མོས་པའི་དོན་གཉེར་ཅན་དུ་མས་བསྐུལ་བ་ལས། འཇིགས་བྲལ་ཡེ་ཤེས་རྡོ་རྗེས་སྨར་ཁྲ…

༄༅། །བདུད་འདུལ་དབང་དྲག་རྡོ་རྗེ་གྲོ་ལོད་ཀྱི་བསྙེན་ཡིག་དངོས་གྲུབ་བུམ་བཟང་ཞེས་བྱ་བ་བཞུགས་སོ། །

ན་མོ་མཧཱ་གུ་རུ་བཛྲ་ཀྲོ་ངྷ་ལོ་ཀོཏྟ་རཱ་ཡེ། ཁྲག་འཐུང་དབང་དྲག་འཆོལ་བའི་ཁྲོ་རྒྱལ་ཆེན་པོ་བསྙེན་པའི་ལས་རིམ་ལ་འཇུག་པར་འདོད་པས། དབེན་ཅིང་ཤེས་པའི་སྒྲུབ་ཁང་གི་ཕུག་ལོགས་སོགས་གང་དུ་བྱ་བའི་གཞིར་མཎྜལ་བདུད་རྩི་ལྔས་ཆག་ཆག་བཏབ་པ་ལ་ཚུལ་བཞིན་བྲིས་པའི་རས་བྲིས་ཀྱི་དཀྱིལ་འཁོར་བཀྲམ་པའམ། འབྲུ་ནག་ཛ་གད་ཀྱིས་གཤེར་བས་ཚོམ་བུ་ལྷ་ག…

ཀྱང་འགོད། དེའི་མདུན་རྒྱབ་གང་བདེར་གཏོར་མ་སྨན་རཀ་ཞི་དྲག་གི་ཆུ་གཉིས་ཉེར་སྤྱོད་ལྔ་རྣམས་དང་། གཞན་ཡང་ཆོས་སྐྱོང་དང་གཏེར་སྲུང་གཞི་བདག་གི་གཏོར་མ། ཚོགས་ཀྱི་ཡོ་བྱད་སོགས་ཉེ་བར་མཁོ་བའི་རིགས་རྣམས་ཕུན་སུམ་ཚོགས་པར་འདུ་བྱས་ལ། ཡར་ངོའི་ཚེས་བཅུ་ལྟ་བུའི་དུས་ཚེས་བཟང་པོའི་དགོང་ཐུན་གྱི་ཆར་སྐྱབས་སེམས་སྔོན་དུ་འགྲོ་བས་གཞི་བགེ…

བདག་མདུན་སོགས་ཀྱི་ཐ་སྙད་ལས་འདས་པ་ཨ་ཏིའི་རྣལ་འབྱོར་གྱི་གསང་བ་ཁོང་དུ་ཆུད་པའི་སྒོ་ནས་སྣང་སྲིད་གཞིར་བཞེངས་ཀྱི་དཀྱིལ་འཁོར་སྐད་ཅིག་དྲན་རྫོགས་ཆེན་པོར་གསལ་གདབ། བཟླས་པའི་སྐབས་སྤྱིར་མཚན་མའི་བསྙེན་པ་ནི་རྟགས་ཀྱི་རིམ་པ་ཁོ་ན་དང་སྦྱར་བ་ལས་གྲངས་མི་གཙོ་ལ། གྲངས་ཀྱི་བསྙེན་པ་ནི་འབུམ་ཕྲག་བཞི་དང་། དེའི་བཞི་འགྱུར་སོགས་སྔག…

ཤམ་བུར་དྲེགས་པའི་གཟིར་སྔགས་དང་སྤུ་གྲིའི་མཚོན་ཆའི་དྲག་སྔགས་སྦྲེལ་ཏེ་བཟླ། བདུན་བཞི་པར་ཁྱད་པར་སྲུང་ཟློག་བསད་པའི་ལས་ལ་སྦྱོར་བ་སྟེ། ཐོར་ཐུན་ལ་བསྙེན་སྒྲུབ་ལས་སྦྱོར་ཤམ་བུ་དང་བཅས་པ། སྔ་ཐུན་ལ་ཤམ་བུ་ཡན་ཁྱུག་ཙམ་གྱི་རྗེས་སུ་སྲུང་བ་རྡོ་རྗེའི་རྫོང་ཁྲ་བ་ཀྱི་དམིགས་བཟླས། དགོང་ཐུན་ལ་དེ་བཞིན་དུ་ཟློག་པ་གནམ་ལྕགས་ཐོག་གཟེ…

བསྡུ་སོགས་སྔར་བཞིན་གྱིས་མཚན་མའི་རྣལ་འབྱོར་ལ་འཇུག །ཐོ་རངས་ལྡང་བའི་རྣལ་འབྱོར་གྱིས་ལངས་ཏེ་སྔོན་འགྲོའི་ཆོས་རྣམས་ནས་བཟུང་ཐུན་གྱི་གཏོང་ལུགས་སྔ་མ་ལྟར་བྱ་ཞིང་། རྒྱུན་གྱི་ཐུན་འགོ་ཐོར་ཐུན་ཡིན་པས་སྔོན་འགྲོ་རྣམས་རྒྱས་པ་དང་། སྲོད་ཐུན་འདི་ཐུན་མཇུག་ཡིན་པས་ཚོགས་མཆོད་སོགས་རྗེས་ཆོག་རྣམས་སྦྲེལ་བ་ཡིན་ལ། དེ་ལྟར་ཐུན་བཞིའ…

གནས་གསུམ་དུ་འཇོག་ཅིང་། ལྷ་འོད་དུ་ཞུ་བའི་དམ་རྫས་ལ་ལོངས་སྤྱད། མཇུག་ཆོག་ཤིས་བརྗོད་ཀྱི་བར་མཐར་དབྱུང་། ཁ་སྐོང་དུ་ཞི་བའི་སྦྱིན་སྲེག་འགྲུབ་ན་མཆོག་དང་། དེ་མིན་སྔགས་ཀྱིས་ཁ་བསྐང་བས་ཀྱང་འཐུས། དེ་ནས་ཐོ་འགྲོལ་ཞིང་གནས་སྲུང་བ་སོགས་ཀྱིས་གྲུབ་བོ། །དེ་ལྟར་འདིར་སྨོས་པ་ནི་ཁྱད་པར་གྱི་སྒོས་ཆོས་བྱེ་བྲག་པ་རྣམས་མདོ་ཙམ་བྲིས་…

༄༅། །བདུད་འདུལ་དབང་དྲག་རྡོ་རྗེ་གྲོ་ལོད་ཀྱི་བསྙེན་ཡིག་ལས་འཕྲོས་པའི་མན་ངག་ཞལ་ཤེས་བཀའ་རྒྱ་ཅན་བཞུགས་སོ། །

ཨོཾ་སྭ་སྟི། བླ་མ་དྲག་པོ་བསྙེན་པོའི་སྐབས་ཀྱི་དམིགས་གནད་ཐུན་མོང་མ་ཡིན་པ་ཞལ་ལས་ཤེས་དགོས་པ་འགའ་ཞིག་ཟིན་ཐོར་འགོད་པ་ལ། བསྙེན་སྒྲུབ་ཀྱི་དམིགས་པ་གཞུང་གསལ་གོ་སླ་ཞིང་། འཁོར་སྔགས་སྐབས་སུ། རང་ཉིད་གཙོ་བོའི་ཐུགས་ཀའི་འོད་ཟེར་གྱིས་འཁོར་རྣམས་བསྐུལ། དེ་རྣམས་ཀྱིས་ཐུགས་ཀའི་འོད་ཟེར་དང་སྤྲུལ་པ་ཡང་སྤྲུལ་ཉི་ཟེར་གྱི་རྡུལ་ལྟ…

སྡེ་བརྒྱད་སྲོག་སྔགས་སྐབས་སུ། རང་གི་ཐུགས་ཀ་ནས་འོད་ཟེར་ལྕགས་ཀྱུའི་དབྱིབས་ཅན་རྣོ་ཞིང་མྱུར་བ་འཕྲོས་པས་སྡེ་བརྒྱད་རྣམས་སོ་སོའི་གནས་ནས་རང་དབང་མེད་པར་བཀུག་སྟེ་མདུན་དུ་འཁོད། བདག་ཉིད་དྲག་པོའི་གཟི་བྱིན་མ་བཟོད་པར་སྔངས་སྐྲག་འདར་ཕྲི་ལི་ལི་འདུད་ཅིང་ཅི་བསྒོ་བའི་བཀའ་ལ་ཉན་པར་བསམ་ཞིང་རྩ་སྔགས་ལ་སྡེ་བརྒྱད་སྲོག་སྔགས་སྦྲེ…