དུ་ཞལ་མཇལ༔ དགྲ་བགེགས་ཚར་བཅད་ཕྲིན་ལས་ཐོགས་མེད་དུ་འགྲུབ་པར་འགྱུར་རོ༔ དེ་ཚེ་སྒྲུབ་ཕུར་རྣམས་སྤྱི་བོ་མགྲིན་པ་སྙིང་ག་གསུམ་དུ་གཏུགས་ཏེ༔ སྐུ་གསུང་ཐུགས་ཡོན་ཏན་ཕྲིན་ལས་ཀྱི་དངོས་གྲུབ་མ་ལུས་ཐོབ་པར་བསམ༔ ཐོབ་ཀྱང་ངེས་པར་ཐོབ་པ་ཡིན་ནོ༔ ཞེས་གསུངས་པ་ལྟར་རོ། །གསུམ་པ་ལས་སྦྱོར་ནི། དེ་ལྟར་སྒྲུབ་པ་ཐེམས་ནས་འདིར་ཆོ་གའི་གཞུང་…

མེད་པར་དྲག་ཏུ་བསྐུལ་ཏེ་ཤ་ཁྱི་ཚོམ་ནས་བཀྱེ་བའམ་བྱ་གཅན་ཤལ་རུབ་པ་ལྟར་དམིགས་བྱ་དགྲ་བགེགས་སྒྲོལ་བའི་ལས་བྱེད་པར་བསམ། གཉིས་པ་ངན་སྔགས་ཉེ་བསྙེན་ནི། དཀྱིལ་འཁོར་གསུམ་གྱི་ལྷ་ཚོགས་རྣམས་ལས་སྤྲུལ་པ་ཁྲོ་ཆུང་མཚོན་ཐུན་གྱི་ཚོགས་དྲག་ཅིང་རྩུབ་པ་དཔག་ཏུ་མེད་པ་སེར་ཐུན་དང་ཐོག་རྒོད་བབས་པ་ལྟར་འཕྲོས་ཤིང་སྔགས་སྒྲ་འབྲུག་སྟོང་དུས་…

དགྲ་བོའི་བླ་བསད་པ་རྣམས་དངོས་ཉམས་གང་རུང་དང་། རྨི་ལམ་དུའང་རྒྱ་མཚོའི་འཐུང་བ། རི་རབ་འཕེན་པ། ཉི་ཟླ་སྦར་བས་འཛིན་པ་སོགས་འབྱུང་གི་བར་རོ། །འོན་ཀྱང་གོང་གི་བསྙེན་སྒྲུབ་ཀྱི་གྲངས་ཚད་ཚུལ་བཞིན་མ་ལོངས་ན་འདི་གཉིས་སྤྱིར་བཏང་ཙམ་ལས་གཉན་ཆ་ཆེ་བས་ཧ་ཅང་མང་མི་རུང་ངོ་། །རྩ་བའི་གསུམ་པ་རྗེས་ལ། བཀྲ་ཤིས་མཐར་རྒྱས་ཚེའི་སྒྲུབ་པ་དང་…

ནས་མཆོད་གཏོར་རྣམས་ཁ་གསོ། བྷནྡྷ་མཚན་ལྡན་དུ་ཆང་བཟང་པོ་ལ་ཨམྲྀ་ཏ་མངར་གསུམ་བཏབ་པ་ཨོཾ་ཨཱཿཧཱུྃ་གིས་བདུད་རྩིར་བྱིན་གྱིས་བརླབས་པ་དང་། རིན་པོ་ཆེའི་སྣོད་དུ་དཀར་མངར་སྤོད་དང་ཆོས་སྨན་སོགས་བསྲེས་པའི་རྒྱུ་ལས་འབྲང་རྒྱས་ནོར་བུ་འབར་བའི་དབྱིབས་ཅན་གྱི་མཐའ་སྐོར་དུ་ཚེ་རིལ་གྱིས་གཏམས་པ་དཀྱིལ་འཁོར་མདུན་དུ་བཤམ། གཞན་ཡང་ཚོགས་རྫ…

སུ་འབེབས་བྱེད་ཀྱི་སྙིང་པོ་ཨེ་དམར་པོས་མཚན་པར་གྱུར། མཁའ་གསང་སྦྱར་ཏེ་སྙོམས་པར་ཞུགས་པས་ཡུམ་གྱི་དུང་ཁང་ན་ཁྲག་འཐུང་རིགས་ལྔ་ཡབ་ཡུམ་ཚོན་གང་བཞུགས་པ་རྣམས་བསྐུལ། སྙོམས་པར་ཞུགས་པས་ཡབ་ལྔའི་བྱང་སེམས་མུ་ཏིག་དཀར་པོ། ཡུམ་ལྔའི་དྭངས་མ་མཚལ་ལྟ་བུ་རྩ་དབུ་མ་ནས་བྱུང་། ཡུམ་གྱི་མཁར་བབས་དཀར་དམར་འདྲེན་ནས་དངོས་གྲུབ་ཀྱི་རང་བཞིན་…

བྱིན་རླབས་མཆོག་དང་ཐུན་མོང་ཡིད་ལ་ཅི་འདོད་པ་ཐམས་ཅད་དངོས་གྲུབ་ཀྱི་རྫས་ལ་དྲག་ཏུ་ཐིམ་པས་རྫས་རྣམས་འདོད་རྒུ་འབྱུང་བའི་རྒྱ་མཚོ་ཆེན་པོར་གྱུར་པར་བསམ་ལ། ཨོཾ་བཛྲ་ཀཱི་ལི་ཀཱི་ལ་ཡ༔ ཛཿཧཱུྃ་བཾ་ཧོཿ ཀཱ་ཡ་སིངྔྷི་ཨོཾ༔ ཝཱ་ཀ་སིངྔྷི་ཨཱ༔ ཙིཏྟ་སིངྔྷི་ཧཱུྃ༔ སརྦ་སིངྔྷི་ཧྲཱི༔ ཞེས་བཟླས་པས་རྫས་རྣམས་ལ་རབ་འོད་འབར། འབྲིང་ཁོལ། ཐ་མ་རླ…

དབང་དང་དངོས་གྲུབ་བདག་ལ་སྩོལ༔ ལྷ་དང་སྐལ་བ་མཉམ་པར་ཤོག༔ ཨོཾ་བཛྲ་ཀཱི་ལི་ཀཱི་ལ་ཡ་ཀཱ་ཡ་ཝཱ་ཀ་ཙིཏྟ་གུ་ཎ་ཀརྨ་སརྦ་སིངྔྷི་ཕ་ལ་ཧོ༔ ཞེས་བརྗོད་ལ་སྒྲུབ་ཕུར་གནས་གསུམ་དུ་གཏུག་ཅིང་རྡོ་རྗེ་གསུམ་དུ་ལྷུན་གྱིས་གྲུབ་པར་གསོལ་བ་གདབ། ཚེ་འབྲང་གི་དབང་བླང་ཞིང་། ལྷ་དང་དངོས་གྲུབ་འོད་དུ་ཞུ་བ་བདག་གི་ཐུགས་སྲོག་ལ་ཐིམ་པས་དབྱེར་མེད་དུ་…

མདུན་དུ་ཧཱུྃ་ལས་ཞི་བའི་ཐབ་ཁུང་ཟླུམ་པོ་དཀར་པོ་མཚན་ཉིད་ཐམས་ཅད་ཡོངས་སུ་རྫོགས་པར་གསལ་གདབ། ཨགྣ་ཛྭ་ལ་རཾ་གྱིས་མེ་དུ་བ་མེད་པར་འབར་བ་ཐབ་ཏུ་བཞག་ནས། མེའི་དབུས་སུ་དཔལ་ཆེན་རྡོ་རྗེ་གཞོན་ནུ་རང་རྩལ་སྤྲུལ་པའི་འཁོར་ཚོགས་དང་བཅས་པ་སྐད་ཅིག་གིས་སད་པར་མོས། གཙོ་འཁོར་ཐམས་ཅད་ཀྱི་བ་སྤུའི་ཁུང་བུ་ནས་འོད་ཟེར་དཀར་པོ་ཟླ་བའི་བདུད་ར…

ཚོགས་སྐོང་རྒྱས་པར་བཏང་། ལྷག་ཆོག་སྐབས་སྔར་བཙོན་འཛིན་བྱས་པའི་ལྷག་མ་རྣམས་དང་ལྷན་ཅིག་སྒྲུབ་ཁང་ལྷོ་ནུབ་གོམ་པ་བདུན་ཅུའི་སར་སྐྱོལ། སྒྲུབ་ཁང་གི་ཐལ་རྡུལ་རྣམས་ཀྱང་ཕྱིར་དོར། ཆད་མདོའི་གཏོར་མ་གསར་པའང་བཤམས་ཏེ་ཆོས་སྐྱོང་གཞི་བདག་གི་གཏོར་མ་དང་སྔར་གྱི་གཏའ་གཏོར་བཅས་སྒྲུབ་ཁང་གི་ཡང་ཐོག་ཏུ་འབུལ་ཞིང་བཤལ་ཆུས་བརྟན་མ་བསྐྱང་།…

ཆེན་པོ་སྡེ་བཞི་པོ༔ རྡོ་རྗེ་འཛིན་པའི་བཀའ་བཞིན་དུ༔ སྒྲུབ་པའི་བར་ཆད་བསྲུང་མཛད་པའི༔ གཏང་རག་མཆོད་གཏོར་འདི་བཞེས་ལ༔ རང་གནས་གཤེགས་ཏེ་བྱང་ཆུབ་བར༔ དངོས་གྲུབ་མཆོག་སྩོལ་བར་ཆད་སོལ༔ བཛྲ་མུ༔ ཞེས་གཤེགས་གསོལ་བྱས་ལ་སྒོ་བྱང་བསྡུ། དེ་ནས་བགས་ཀྱིས་མཚམས་གསེང་སྟེ་ཞག་ཤས་གཞན་དུ་མི་འགྲོ་བར་སྒྲུབ་ཁང་དེར་སྡོད། བྲིས་སྐུ་སྒྲུབ་ཕུ…

ཉེས་ལྟུང་ཕྲ་མོས་ཀྱང་མ་གོས་པར་བྱ་ཞིང་ཐུན་མཚམས་སུ་བཤགས་སྦྱང་ལ་འབད། མཚམས་ཡུན་རིང་ཐུང་དང་ཐུན་བཞིའམ་གཉིས་སོགས་ཀྱི་བཅད་ཁྲིགས་དམ་བཅའ་དང་པོར་གང་བྱས་པ་དེ་ཉིད་མཐར་ཐོན་ངེས་པར་བྱ། འཚོ་ཆས་སོགས་ཚགས་སུ་མ་ཚུད་པས་ཅིས་ཀྱང་གཏོང་ལེན་མི་བྱ་ཀ་མེད་ཡོད་པ་དང་། སྒྲུབ་གཡོག་ཁྲོལ་ཅན་ལྷ་རྗེ་སོགས་སྒྲུབ་པའི་གྲོགས་སུ་འགྲོ་ངས་པ་རྣམས…

བར་ཆད་འཇུག་པས་བསྙེན་པ་མ་ཐོན་གྱི་བར་ཡི་དམ་གང་ཡིན་གཞན་གྱིས་མི་ཤེས་པ་བྱེད། ཐོག་མར་ཕྱི་ནང་གི་མཚམས་བཅད་པ་ནས་བཟུང་སྒྲུབ་པ་མ་གྲོལ་གྱི་བར་དུ་ཆོས་འཆད་ཉན་དང་གཞན་ལ་བསྲུང་བ་བྱིན་རླབས་རིམ་གྲོ་རྟེན་འབྲེལ་སོགས་མི་བྱ། ཚོགས་གཏེར་མཆོད་ལྷག་སོགས་བྱིན་གྱིས་བརླབས་པའི་རྫས་ཕྱིར་མི་གཏོང་། རང་གི་ཟས་གོས་སྣོད་དཔྱད་སྤྱོད་འཕྲོ་ག…

ལས་གཞན་དུ་མེད་པའི་ཡིད་ཆེས་ཀྱིས་ཆོག་ཤེས་པར་བྱེད། རྒྱུན་དུ་ཆབ་ལྡན་གྱི་ཁྲུས་བུམ་དུ་སྨེ་བརྩེགས་སམ་བདུད་རྩི་འཁྱིལ་བ་བསྐྱེད་བཟླས་བྱས་པས་ཁྲུས་བྱ་ཞིང་། མི་བྱེད་ཀ་མེད་ཀྱི་ཡོ་བྱད་ལེན་པ་དང་སྒྲུབ་གཡོག་འགྲུལ་དགོས་ན་ཁྲུས་ཆུས་བསང་གཏོར་དང་གུ་གུལ་གྱིས་བདུག་པ་སོགས་བྱ། མི་དང་ཡོ་བྱད་གསར་པའི་གདོང་དུ་ཤེས་པ་བྱིང་འཐིབ་ཚིག་…

ཤེས་པ་འཕྱོ་ཞིང་ཡེད་པ་སོགས་རླུང་རྟགས་བྱུང་ན་རུས་ཐང་སོགས་དང་། བྱིང་འཐིབ་ཉོབ་ན་ཇ་དཀར་བཏུང་བ་སོགས་ཁམས་དང་བསྟུན་པའི་ཟས་སྤྱོད་དང་སྨན་བསྟེན་པ་སོགས་སྤྱོད་ལམ་གཟབ་པར་བྱ། བཟླས་ཕྲེང་སྤྱི་ལ་བྷོ་ངྷི་ཙེ་ཉིད་འགྱུར་སྟོབས་དང་བསྔགས་པ་ཆེ་བར་བཤད་ཅིང་། འདིར་དྲག་པོའི་ཕྲིན་ལས་ཀྱི་དབང་གིས་རུ་རཀྵ་དང་ཐོད་པའི་ཕྲེང་བ་མཆོག་ཏུ་ཤིས…

གྱི་སྒང་ལ་འགྲོ་འདུག་འགུལ་བསྐྱོད་གཞན་ལ་ངག་དང་ཕྲིན་ཡིག་གཏོང་བ། ལྷ་སྔགས་མི་གཅིག་པ་འདོན་བསྒོམ་སོགས་བཟླས་དམིགས་ཀྱི་བར་ཆད་དུ་འགྲོ་བའི་རྣམ་གཡེང་ཐམས་ཅད་སྤངས། ཐུན་མཚམས་རྣམས་སུ་ཡང་ལྷའི་གསལ་སྣང་མ་བྲལ་བས་བཟླས་པ་གང་འགྲུབ་བྱེད་ཅིང་གྲངས་སུ་མི་རྩི། ཁམས་གསེང་ལ་འགྲོ་བ་སོགས་སྟན་ལས་འཕགས་དུས་ཕྲེང་བ་ལ་རྡོ་རྗེའི་མདུད་པ་བྱ…

གཞན་ཡང་བདུད་ཀྱིས་ལྷར་བརྫུས་ནས་བར་གཅོད་འབྱུང་བའང་སྲིད་པས་རྟགས་དང་ཆོ་འཕྲུལ་འཚུབས་ལྷོང་སོགས་བཟང་ངན་གྱི་མཚན་མ་ཇི་ལྟར་བྱུང་ཡང་དགག་སྒྲུབ་རེ་དོགས་ཀྱི་བློས་མ་བཅིངས་པར་གདོད་མའི་གནས་ལུགས་དབྱིངས་དང་ཡི་ཤེས་གཉིས་སུ་མེད་པའི་ཀློང་ཆེན་པོར་ལ་བཟླ། ལར་བསྐྱེད་རིམ་ཙམ་དུ་མ་ཟད་འཁོར་འདས་ཀྱི་སྣང་ཆ་ཐམས་ཅད་རྟོག་པས་བཏགས་པ་ཁོ་ན…

ཉིད་བསྐྱེད་རྫོགས་གང་གི་ཡང་སྙིང་པོ་སྟེ། སློབ་དཔོན་ཆེན་པོས། འགྲོ་འདུག་ཉལ་དང་སྤྱོད་ལམ་ཐམས་ཅད་ཀུན། །དེ་ལྟར་ལྟ་བའི་བྱ་ར་མ་ཡེངས་ན། །ང་ཉིད་པདྨ་འབྱུང་གནས་ཐུགས་ཀྱི་སྲས། །མཆོག་དང་ཐུན་མོང་དངོས་གྲུབ་མྱུར་དུ་ཐོབ། །ཕྱི་ནང་ཟས་ནོར་མི་དང་ལྷ་འདྲེ་འདུ། །བླ་མེད་བྱང་ཆུབ་གོ་འཕང་མྱུར་དུ་ཐོབ། །ལྟ་བས་མ་ཟིན་བསྒྲུབ་ཀྱང་དོན་མེ…

དང་༔ མཆོག་གི་དངོས་གྲུབ་ཡི་དམ་ལྷ་དང་སྐལ་བ་མཉམ་སྟེ༔ བར་དོ་གསུམ་ལ་ལྷའི་སྣང་བ་ཐོབ་སྟེ༔ ལོངས་སྤྱོད་རྫོགས་པའི་སྐུ་རྡོ་རྗེ་གཞོན་ནུའི་གོ་འཕང་འཐོབ་པར་ཐེ་ཚོམ་མེད་དོ་བདག་འདྲ་མཁར་ཆེན་བཟས་མི་བསླུ་བའི་དོན་གྱི་ཐ་ཚིག་གོ༔ ཞེས་གསུངས་པ་ལྟར་རོ། །བདུད་འདུལ་སྤུ་གྲིའི་མན་ངག་གི །བཅུད་ཕུར་རེག་ཕུང་འབར་བ་ཡི། །བསྙེན་ཚུལ་མདོ་ཙམ…

༄༅། །རྡོ་རྗེ་ཕུར་པ་སྤུ་གྲི་རེག་ཕུང་གི་ཕྲིན་ལས་མཐའ་སྡུད་མནན་པའི་ལས་རིམ་འབར་བའི་ཐོག་བརྩེགས་ཞེས་བྱ་བ་བཞུགས་སོ། །