ས་འབྲུག་གྲོ་བཞིན་ཟླ་བའི་ཤར་ཕྱོགས་ཀྱི་ཚེས་བཅུའི་ཉིན་རྣལ་འབྱོར་པ་འཁྲུལ་ཞིག་རྡོ་རྗེར་ཌཱ་ཀིས་བསྐུལ་བྱང་བྱུང་འདུག་པ་བཞིན་གློ་བུར་དུ་ངེད་ལ་མཁའ་འགྲོའི་སྒྲུབ་ཐབས་ཟབ་འདྲིལ་ཞིག་ད་ལྟ་ཉིད་དུ་འབེབས་གྲུབ་པ་དགོས་ཞེས་བསྐུལ་བར། རང་ཉིད་ནས་བདག་བསྐྱེད་རྒྱུན་ཁྱེར་ཙམ་ཞིག་འབྲི་འདུན་རུང་དེ་འཕྲལ་རྒྱུན་གྱི་རྩོམ་པ་དང་མི་འདྲ་བ…

ཆ་མདོར་བསྡུས་ཀྱིས་བརྒྱན་ཏེ་ཉམས་ལེན་གནད་ཚང་དུ་སྤེལ་བར་བྱས་པའོ། །དེ་ལྟར་མཁའ་འགྲོ་ཐུགས་ཀྱི་ཐིག་ལེའི་ཆོས་ཚན་གྱི་རྣམ་གྲངས་ཇི་ལྟར་བཞུགས་པའི་ཚུལ་ལ། ཐོག་མར་གླེགས་བམ་བཞུགས་བྱང་ནོར་བུའི་དོ་ཤལ་ལྡེབ་༥ཡིས་ཐོག་དྲངས་ཏེ། ཟབ་ལམ་མཁའ་འགྲོའི་སྒྲུབ་པ་དངོས་གྲུབ་གཏེར་མཛོད་ལྡེབ་༨འདི་ཕྱི་ལྟར་མཚོ་རྒྱལ་གྱི་སྒྲུབ་པའོ། །ནང་ལྟར་…

ལས་ཁོལ་དུ་ཕྱུངས་པ་ལྡེབ་༦མེ་མཆོད་ཀྱི་ཆོ་ག་ཞི་བའི་བདུད་རྩི་ལྡེབ་༤གྲིབ་སེལ་གྱི་ཆོ་ག་ཉེས་པའི་གདུང་སེལ་ལྡེབ་༣ཁྲུས་ཀྱི་ཆོ་ག་ཟླ་ཤེལ་བདུད་རྩི་ལྡེབ་༦སུན་ཟློག་གི་ཆོ་ག་བར་ཆད་གཡུལ་ཟློག་ལྡེབ་༤བཀྲ་ཤིས་གཏེར་བུམ་སྒྲུབ་པའི་མན་ངག་འདོད་འབྱུང་ནོར་བུ་ལྡེབ་༡༢ལོ་ཏོག་ལ་ཕན་པའི་མན་ངག་བདུད་རྩིའི་སྤྲིན་ཆེན་ལྡེབ་༦རབ་གནས་ཀྱི་ཆོ་…

འདོད་འཇོ་ལྡེབ་༤༦རྫོགས་རིམ་ཕྱག་རྒྱའི་མན་ངག་གུད་སྦས་ལྡེབ་༡༩རྩ་རླུང་འཁྲུལ་འཁོར་ལག་ཁྲིད་ལྡེབ་༥ལོ་གསུམ་ཉམས་ལེན་གྱིས་བཅད་ལྡེབ་༢གཅོད་ཀྱི་ངག་འདོན་ཁ་སྐོང་དུ་བསྡེབས་པ་ལྡེབ་༡འཕོ་བའི་ཉམས་ལེན་ངག་འདོན་དུ་བསྡེབས་པ་ལྡེབ་༡གསར་སྒྲུབ་སེང་གདོང་མའི་ཚིགས་མཆོད་དངོས་གྲུབ་རོལ་མཚོ་ལྡེབ་༢གཏོར་དབང་བྱིན་རླབས་སྤྲིན་ཕུང་ལྡེབ་༡ཞི་…

བརྒྱུད་འདེབས་དབང་བྱིན་ཆར་འབེབས་ལྡེབ་༡ཚེ་སྒྲུབ་མན་ངག་གནད་བྱང་ལྡེབ་༡དབང་བསྐུར་མཚམས་སྦྱོར་གྱིས་བརྒྱན་པ་པདྨའི་ཆུན་པོ་ལྡེབ་༨སྦྱིན་སྲེག་གི་ཆོ་ག་འདོད་རྒུའི་བང་མཛོད་ལྡེབ་༤རྒྱུན་ཁྱེར་སྙིང་པོའི་བཅུད་དྲིལ་ལྡེབ་༡ཨོ་རྒྱན་སྨན་གྱི་བླ་མ་མཆོད་ཅིང་ཐུགས་དམ་བསྐུལ་བའི་ཆོ་ག་བདུད་རྩིའི་བུམ་བཟང་ལྡེབ་༤ཨོ་རྒྱན་མཁའ་འགྲོ་ནོར་ལ…

ཕྱིར། ཆོས་མཐུན་སྨྲས་ལ་ཉེས་མེད་ཀྱི། །བླུན་པོ་མགུ་བའི་རེ་བ་དང་། །མཁས་པས་ཁྲེལ་གྱི་དོགས་པའང་མེད། །རེ་དོགས་མེད་པའི་སྨྱོན་པ་ངས། །ཡིན་མིན་མེད་པའི་གདམས་པ་བཀྲལ། །ཐེ་ཚོམ་མེད་པའི་སྐྱེ་བོ་འགས། །བསླུ་བ་མེད་པའི་འབྲས་ཐོབ་སྲིད། །ཅེས་ཀྱང་སྨྲས་སོ། །དགེའོ། །

ཟབ་ལམ་མཁའ་འགྲོའི་སྒྲུབ་པ་དངོས་གྲུབ་གཏེར་མཛོད་བཞུགས་སོ༔

བདེ་སྟོང་ཡེ་ཤེས་ཐིག་ལེའི་གཟུགས༔ ལྷན་སྐྱེས་མཁའ་འགྲོར་ཡོངས་བཏུད་ནས༔ དེ་ཉིད་སྒྲུབ་པའི་རྣལ་འབྱོར་ནི༔ ཤིན་ཏུ་བསྡུས་པའི་ཚུལ་གྱིས་བཤད༔ ས་མ་ཡ༔ དབེན་ཞིང་ཉམས་དགའ་བག་ཕེབས་ལ༔ མཁའ་འགྲོ་འདུ་བའི་གནས་རྣམས་སུ༔ སྐུ་གསུང་ཐུགས་ཀྱི་མཚན་མ་དང་༔ ཁྱད་པར་ཐོད་པ་མཚན་ལྡན་ནང་༔ བྱང་སེམས་ཨ་མྲྀ་ཏ་ཡིས་གཏམས༔ ལེ་བརྒན་དར་གྱིས་ལེགས་བཀབ་…

མཁར་སྐྱབས་ཡུལ་གསལ་བཏབ་སྟེ༔ ན་མོ༔ རང་རིག་ཡེ་ཤེས་མཁའ་འགྲོ་མར༔ འདུ་འབྲལ་མེད་པར་སྐྱབས་སུ་མཆི༔ མ་རྟོགས་གཉིས་འཛིན་འཁྲུལ་པའི་བློ༔ རང་གྲོལ་ཆེན་པོར་སེམས་བསྐྱེད་དོ༔ ཞེས་པས་སྐྱབས་སོང་སེམས་བསྐྱེད་ནས༔ ཨ༔ ཀ་དག་གཏིང་གསལ་མཁའ་འགྲོ་མར༔ ཆོས་ཉིད་མངོན་སུམ་མཐོང་བས་འདུད༔ ཉམས་སྣང་གོང་དུ་འཕེལ་བས་མཆོད༔ རིག་པ་ཚད་ལ་ཕེབས་པར་བཤག…

འདེབས༔ དགེ་ཚོགས་འོད་གསལ་དབྱིངས་སུ་བསྔོ༔ དེ་ལྟར་ཚོགས་བསགས་རྒྱུད་སྦྱངས་ཏེ༔ སྐྱབས་ཡུལ་ལྷ་རྣམས་རང་ལ་བསྡུ༔ བཀའ་བསྒོ་སྲུང་མཚམས་བཅད་པ་ནི༔ ཧཱུྃ༔ སྣང་སྲིད་དག་པ་རབ་འབྱམས་ལ༔ གཉིས་འཛིན་འཁྲུལ་པའི་མིང་ཡང་མེད༔ གློ་བུར་རྣམ་རྟོག་མ་རིག་བགེགས༔ བདག་མེད་ཆེན་པོར་མཚམས་བཅད་དོ༔ ངྷརྨ་ངྷཱ་ཏུ་རཀྵ་ཨ༔ རྡོ་རྗེའི་བྱིན་ཆེན་དབབ་པ་ནི…

པོ་ནི༔ ཀུན་ཏུ་བཟང་པོའི་སྒྱུ་འཕྲུལ་ལས༔ ནམ་མཁའ་ལྟ་བུར་འཛད་པ་མེད༔ བཛྲ་སྥ་ཎ་ཁཾ༔ དེ་ནས་དངོས་གཞིའི་ལས་རིམ་ལ༔ དམ་ཚིག་དཀྱིལ་འཁོར་བསྒོམ་པ་ནི༔ ཨ༔ མ་བཅོས་ཀ་དག་དེ་བཞིན་ཉིད༔ ལྷུན་གྲུབ་ཀུན་སྣང་སྙིང་རྗེའི་རྩལ༔ སོར་རྟོག་ཡེ་ཤེས་ཡི་གེ་བཾ༔ མཁའ་ལ་འཇའ་ཚོན་བཞིན་དུ་ཤར༔ འོད་འཕྲོས་མ་དག་དངོས་འཛིན་སྦྱངས༔ སྣོད་བཅུད་བདེ་ཆེན་པདྨ…

གསུམ་སྐུ་ཡི་བཀོད་པ་ལ༔ རྩ་གསུམ་རྒྱལ་བ་རབ་འབྱམས་ཀུན༔ མ་འདྲེས་ཏིལ་གོང་ཕྱུར་བཞིན་རྫོགས༔ གདོད་ནས་དག་མཉམ་ཆེན་པོར་གསལ༔ དབྱིངས་ནས་ཡེ་ཤེས་དགུག་པ་ནི༔ ཧཱུྃ༔ བདེ་ཆེན་སྐྱེ་མེད་ཕོ་བྲང་ནས༔ རང་བྱུང་འགགས་མེད་མཁའ་འགྲོའི་ཚོགས༔ ཐུགས་རྗེས་གཟུགས་ཀྱི་སྐུར་བཞེངས་ལ༔ འདིར་གཤེགས་དབང་བསྐུར་བྱིན་ཆེན་ཕོབ༔ བཛྲ་སམཱ་ཛ༔ ཛཿ ཧཱུྃ་བྃ་ཧ…

པར་མཇལ་བའི་ངང་༔ ངོ་མཚར་ཆེན་པོས་ཕྱག་འཚལ་བསྟོད༔ ཡང་སྙིང་ཛཔྲ་ཀྱི་དགོངས་པ་ནི༔ ཐུགས་ཀར་ཉི་ཟླའི་གྭའུའི་སྦུབས༔ བྃ་མཐར་སྔགས་ཀྱི་ཕྲེང་བས་བསྐོར༔ འོད་འཕྲོས་བརྟན་གཡོའི་དངོས་ཀུན་ཁྱབ༔ སྣང་གྲགས་རྟོག་པའི་ཆོས་རྣམས་ཀུན༔ ལྷ་སྔགས་ཡེ་ཤེས་རོལ་པར་བལྟ༔ ཏིང་འཛིན་རྩེ་གཅིག་གཡོ་མེད་ངང་༔ ཨོཾ་ཛྙཱ་ན་ཌཱ་ཀི་ནཱི་བྃ་ཧ་རི་ནིས་སིངྔྷི་ཧ…

སྒྲུབ་མཆོག་བདག་ལ་སྩལ་ནས་ཀྱང་༔ སྒོ་གསུམ་རྡོ་རྗེར་སྨིན་གྲོལ་མཛོད༔ སརྦ་སིངྔྷི་ཕ་ལ་ཧོ༔ དམ་ཚིག་རྟེན་རྣམས་སྤྱི་བོར་བཀོད༔ དམ་རྫས་བདུད་རྩི་མྱང་ནས་སུ༔ ལྷ་དང་རྟོག་པ་དབྱེར་མེད་བསྲེ༔ དེས་ནི་དངོས་གྲུབ་མཆོག་ཐོབ་འགྱུར༔ རྗེས་འབྲེལ་ཚོགས་ཀྱི་མཆོད་པ་ནི༔ ཐབས་ཤེས་དམ་ཚིག་རྫས་རྣམས་ཀུན༔ འབག་རྩོག་སེར་སྣས་མ་གོས་པར༔ གཙང་ཞིང་ག…

མའི་ངང་དུ་འབུལ༔ གྷ་ཎ་ཙཀྲ་པཱུ་ཛ་ཧོཿ ཨ༔ ཡེ་གྲོལ་ཕྱལ་པའི་དམ་ཚིག་ལ༔ འགལ་དང་བཤགས་བྱ་མི་དམིགས་ཀྱང་༔ གློ་བུར་ལྟར་སྣང་འཁྲུལ་པའི་སྒྲིབ༔ ཚོགས་ཀྱི་མཆོད་པས་བསྐང་ཞིང་བཤགས༔ ས་མ་ཡ་ཤུདྡྷེ་ཨཱཿཧཱུྃ༔ གཟུང་འཛིན་རྟོག་པའི་རུ་དྲ་ཀུན༔ བདག་མེད་རིག་པའི་མཚོན་གྱིས་བསྒྲལ༔ མཉམ་པ་ཉིད་ཀྱི་དབྱིངས་སུ་བསྟབ༔ ཞེན་མེད་བདེ་བ་ཆེན་པོར་རོལ༔…

ཟུང་འཇུག་སྒྱུ་མའི་རྩལ༔ སྣོད་བཅུད་ཡེ་ཤེས་རོལ་པར་ཤར༔ ཨོཾ་ཨཱཿཧཱུྃ༔ མཐའ་གཉིས་སྤྲོས་པས་མི་ཕྱེད་པའི༔ བློ་འདས་མི་ཤིགས་མཁའ་འགྲོའི་དལ༔ བྱུང་རྫོགས་ཆེན་པོའི་དགོངས་པ་ཡིས༔ ཅིར་སྣང་དག་པ་ལམ་དུ་ཁྱེར༔ མཇུག་ཏུ་དགེ་ཚོགས་འཕེལ་རྒྱས་ཕྱིར༔ བསྔོ་སྨོན་བྱ་ཞིང་ཤིས་པ་བརྗོད༔ ཧོཿ དུས་གསུམ་བསགས་པའི་དགེ་ཚོགས་ཀུན༔ དམིགས་མེད་མཐའ་བྲལ…

ཁོལ་ཞིང་ལུད༔ ཁྱད་པར་འོད་གསལ་དགོངས་པའི་གདིང་༔ འཕོ་འགྱུར་མེད་པའི་བརྟན་ཐོབ་ནས༔ འོག་མིན་ཌཱ་ཀིའི་ཚོགས་རྣམས་དང་༔ སྐལ་བ་མཉམ་པ་ཁོ་ནའོ༔ ས་མ་ཡ༔ གང་ཞིག་དབང་གིས་སྨིན་འདོད་ན༔ དད་བརྩོན་ལྡན་པའི་སློབ་བུ་ཉིད༔ ཁྲུས་བྱས་གེགས་ཕྲལ་རྒྱུད་སྦྱངས་ཏེ༔ ལུས་སྣང་མཁའ་འགྲོའི་རང་བཞིན་ཏེ༔ བྱིན་ཕབ་བརྟན་པར་བྱས་ནས་ཀྱང་༔ བདེ་སྐྱོད་བུམ་…

གྲོལ་གྱུར་ཅིག༔ ཙིཏྟ་ཨ་བྷི་ཥིཉྩ་ཧཱུྃ༔ ཧྲཱིཿ ཡེ་ཤེས་དག་པའི་སེམས་ཉིད་འདི༔ རང་བྱུང་མཁའ་འགྲོའི་ངོ་བོ་སྟེ༔ སྨྲ་བསམ་བརྗོད་མེད་ཡེ་ཤེས་ཆེ༔ སངས་རྒྱས་ཀུན་གྱི་གསང་བའོ༔ ངྷརྨ་ངྷཱ་ཏུ་ཨ་ཨ་ཨ༔ དགོངས་པའི་དྲོད་གཏད་རིག་ཉམས་བསྐྱང་༔ མཇུག་ཏུ་ཁས་བླང་ཡོན་འབུལ་ཞིང་༔ དགའ་སྟོན་ཤིས་པས་མཚམས་སྦྱར་བྱ༔ ས་མ་ཡ༔ སྨོན་ཅིང་དམ་ལྡན་སྒྲུབ་པ…

བདག་ཉིད༔ ང་ཡིན་སྙམ་དུ་ངེས་ཤེས་བསྐྱེད༔ བཟླས་པའི་སྐབས་སུ་སྔགས་ཕྲེང་ལ༔ རྩེ་གཅིག་སེམས་བཟུང་སྣང་གྲགས་རྟོག༔ ལྷ་སྔགས་ཆོས་ཉིད་ཁྱེར་སོའི་ངང་༔ བསྙེན་པའི་རིམ་པ་གྲངས་རྫོགས་ནས༔ རང་གི་ཐུགས་ཀའི་སྔགས་ཕྲེང་ལས༔ འོད་ཟེར་མཆོད་པའི་ཚུལ་དུ་འཕྲོས༔ སྤྱི་བོའི་རིགས་བདག་ཐུགས་རྒྱུད་བསྐུལ༔ སྐུ་གསུང་ཐུགས་ཀྱི་དབང་བྱིན་ཀུན༔ འོད་ཟེར…

ཐོག་མར་ཡུན་ཐུང་གྲངས་མང་ནས༔ རིམ་བཞིན་གོམས་པ་མངོན་གྱུར་ཚེ༔ འགྲོ་འོང་རླུང་སེམས་རྒྱུ་བ་ཀུན༔ འཕོ་མེད་དབུ་མའི་སྦུབས་སུ་བཅིང་༔ གཞན་ཡང་ཤེར་དབང་དང་འབྲེལ་བའི༔ ལམ་ཁྱེར་ཞུ་བདེའི་སྦྱོར་བ་ལ༔ རང་ལུས་སྟོང་རའི་གུར་ཁྱིམ་དབུས༔ རྩ་གསུམ་འཁོར་ལོ་བཞི་དང་བཅས༔ གསལ་བའི་སྤྱི་བོར་ཐབས་ཀྱི་ཆ༔ ཧཾ་ཡིག་ཟླ་བ་ཞུན་མའི་མདངས༔ ལྟེ་འོག་ཤེ…